အမိန့်ကြော်ငြာစာများ

သွင်းကုန်လိုင်စင်ကြေးများကို လိုင်စင်(၁)စောင်လျှင် ကျပ် ၃၀၀၀၀ (ကျပ် သုံးသောင်း)နှုန်းဖြင့်  ပြောင်းလဲကောက်ခံခြင်းအား ၂၀၂၀ ပြည့်နှစ်၊ ဧပြီလ ၆ ရက်နေ့မှ စက်တင်ဘာလ ၃၁ ရက်နေ့အထိကို အမိန့်ကြော်ငြာစာအမှတ် ၂၃/၂၀၂၀ ဖြင့်လည်းကောင်း၊ ၂၀၂၀ ပြည့်နှစ်၊ အောက်တိုဘာလ ၁ ရက်နေ့မှ ဒီဇင်ဘာလ ၃၁ ရက်နေ့အထိကို အမိန့်ကြော်ငြာစာအမှတ် ၆၄/၂၀၂၀ ဖြင့်လည်းကောင်း ကာလတိုးမြှင့်ဆောင်ရွက်ပေးခဲ့ပါသည်။ ၂၀၂၁ ခုနှစ်၊ ဇန်နဝါရီလ ၃၁ ရက်နေ့အထိ ထပ်မံတိုးမြှင့်ခြင်းကို ဤအမိန့်ကြော်ငြာစာဖြင့် ထုတ်ပြန် လိုက်သည်။

အမိန့်ကြော်ငြာစာအမှတ်၊ ၈၅/၂၀၂၀

အမိန့်ကြော်ငြာစာအမှတ် ၂၂/၂၀၁၉ ဖြင့် ထုတ်ပြန်ခဲ့သည့် လိုင်စင်လျှောက်ထားရန်လိုသော ကုန်စည်လိုင်းများမှ ကုန်စည်လိုင်း (၆၈၉)လိုင်းအား လိုင်စင်မလိုသောကုန်စည်လိုင်းအဖြစ် ဖြေလျှော့ပြီး ကျန်ရှိသည့် ကုန်စည်လိုင်း (၃၉၃၁)လိုင်းအား လိုင်စင်လျှောက်ထားရန် လိုသောကုန်စည်စာရင်းအဖြစ် ထုတ်ပြန်သည့် အမိန့်ကြော်ငြာစာ

 

ယခင်ကုန်သွယ်ရေးဝန်ကြီးဌာန၏ အမိန့်အမှတ် ၂/၈၉ ဖြင့် ထုတ်ပြန်ခဲ့သော စီးပွားရေးအကျိုးဆောင်များ မှတ်ပုံတင်ခြင်းအမိန့်ပါ အပိုဒ် (၅) နှင့် အပိုဒ် (၇)  ၊ အပိုဒ်ခွဲ (က)နှင့် (ခ) တို့ကို အစားထိုးထုတ်ပြန်သည့် အမိန့်ကြော်ငြာစာ

အမိန့်ကြော်ငြာစာအမှတ် ၊ ၆၇/၂၀၂၀

Covid-19 နှင့်ဆက်စပ်သည့် သက်ရောက်မှုများ လျော့ပါးသက်သာစေရေးအတွက် ဘဏ်များအား ဖြေလျှော့ပေးသည့်အနေဖြင့် မြန်မာနိုင်ငံတော်ဗဟိုဘဏ်သည် ငွေကြေးလွယ်ကူမှုအချိုး တွက်ချက် ရာတွင် သက်တမ်းတစ်နှစ်ထက်ပို၍ ကျန်ရှိသော ငွေတိုက်စာချုပ်များတန်ဖိုး၏ ၅၀% ကို ထည့်သွင်း တွက်ချက်ရန် ခွင့်ပြုခဲ့ခြင်းအစား ၂၀-၄-၂၀၂၀ ရက်နေ့မှ ၃၀-၉-၂၀၂၀ ရက်နေ့အထိ ကာလအတွင်း ၉၀% အထိ ထည့်သွင်းတွက်ချက်ခွင့်ပြုသည့် ယာယီပြင်ဆင်သတ်မှတ်ချက်ကို မြန်မာနိုင်ငံတော်ဗဟိုဘဏ်မှ ညွှန်ကြားချက် အမှတ် (၇/၂၀၂၀) ဖြင့် ထုတ်ပြန်ခဲ့ပါသည်။

အဆိုပါ ညွှန်ကြားချက်အရ ငွေကြေးလွယ်ကူမှုအချိုးတွက်ချက်မှု ယာယီပြင်ဆင်သတ်မှတ်သည့် ၂၀-၄-၂၀၂၀ ရက်နေ့မှ ၃၀-၉-၂၀၂၀ ရက်နေ့အထိကာလအား ၁-၁၀-၂၀၂၀ ရက်နေ့မှ ၃၁-၃-၂၀၂၁ ရက်နေ့အထိ ညွှန်ကြားချက်အမှတ် (၁၁/၂၀၂၀) ဖြင့် သက်တမ်းတိုးမြှင့်ပေးလိုက်ပြီဖြစ်ကြောင်း ဖော်ပြပါရှိပါသည်။

ပြည်သူ့ဝန်ထမ်းကောင်းတံဆိပ်ရရှိထားပြီးး အသက် ၅၇ နှစ်နှင့် အထက်ရှိသည့် ပင်စင်ယူရန် (၃) နှစ်အလိုဖြစ်သော တာဝန်ထမ်းဆောင်ဆဲ ပြည်သူ့ဝန်ထမ်းနှင့် နိုင်ငံဝန်ထမ်းများအား မော်တော်ယာဉ် တင်သွင်း/ဝယ်ယူခွင့်ပြုုသွားမည်ဖြစ်ပြီး ကြေငြာချက် အပြည့်အစုံအား ၂၀၂၀ ပြည့်နှစ်၊ စက်တင်ဘာလ ၃၀ ရက်နေ့ထုတ် နိုင်ငံပိုင်သတင်းစာများတွင်လည်း ဖော်ပြပေးသွားမည်ဖြစ်ကြောင်း အသိပေးကြေငြာအပ်ပါသည်။

အမိန့်ကြော်ငြာစာအမှတ် ၂၃/၂၀၂၀ ဖြင့် ထုတ်ပြန်ခဲ့သည့် သွင်းကုန်လိုင်စင် (၁)စောင်လျှင် ကျပ် ၃၀၀၀၀ နှုန်းဖြင့် တစ်ပြေးညီ ဖြေလျှော့ကောက်ခံသည့် သွင်းကုန်လိုင်စင်ကြေးနှုန်းထားကို ယခင်က ၂၀၂၀ ပြည့်နှစ် စက်တင်ဘာလ ၃၀ ရက်နေ့အထိ သတ်မှတ်ခြင်း အစား ၂၀၂၀ ပြည့်နှစ် ၊ ဒီဇင်ဘာလကုန်အထိ ကာလတိုးမြှင့်သတ်မှတ်လိုက်သည်။

ဦးစွာအသုံးပြုသူကိုအခွင့်အရေးပေးသောစနစ် (First to Use System) မှ ဦးစွာလျှောက်ထားသူကို အခွင့်အရေးပေးသောစနစ် (First to File System) သို့ ကူးပြောင်းရာတွင် အဆင်ပြေ ချောမွေ့စေရန်အလို့ငှာ ကုန်အမှတ်တံဆိပ် မူပိုင်ခွင့် ဥပဒေ ပုဒ်မ ၉၃၊ ပုဒ်မခွဲ (က) ပါအမှတ်တံဆိပ်ပိုင်ရှင်များအတွက် ဤအမိန့်ကို ထုတ်ပြန်လိုက်သည်။

၂၀၂၁ ခုနှစ်အတွက်ပြည်ပမှ မော်တော်ယဉ်တင်သွင်းခြင်းတွင် ထုတ်လုပ်သည့်ခုနှစ်သတ်မှတ်ခြင်းကို မော်တော်ယာဉ်တင်သွင်းခြင်းနှင့် သက်ဆိုင်သောလုပ်ငန်းများ ကြီးကြပ်ရေးကော်မတီ၏ သဘောတူညီချက်ဖြင့် အမိန့်ကြော်ငြာစာထုတ်ပြန်ကြေညာခြင်းဖြစ်သည်။

ပူးတွဲပါ PDF file တွင်ဖတ်ရှုနိုင်ပါသည်။

အမိန့်အမှတ် ၁၀/၁၉၉၉ ဖြင့် သတ်မှတ်ထုတ်ပြန်ခဲ့သည့် ပစ္စည်းများအနက် ပင်လယ်ရေကြောင်းမှလည်းကောင်း၊ နယ်စပ်ကုန်သွယ်မှုမှလည်းကောင်း၊ လေကြောင်းမှလည်းကောင်း ပြည်ပသို့တင်ပို့ခွင့်မပြုသောပစ္စည်းများအား သတ်မှတ်ထုတ်ပြန်ခြင်း

 

အမိန့်ကြော်ငြာစာအမှတ်၊ ၅၉/၂၀၂၀

 

 

နိုင်ငံတော်လုံခြုံရေး၊ စားနပ်ရိက္ခာဖူလုံရေး၊ ပတ်ဝန်းကျင်ထိခိုက်မှုကို ကာကွယ်ရေးတို့ကို ရည်ရွယ်လျက် တိရစ္ဆာန်အရှင်၊ ရှားပါးငါးမျိုးစိတ်နှင့် တိရစ္ဆာန်ထွက်ပစ္စည်း ၊ ဆေးဖက်ဝင်အပင်၊ အမြစ်၊ သစ်တောထွက်ပစ္စည်း၊ သတ္တုတွင်းထွက်ကုန် ကြမ်းပစ္စည်း၊ ကန့်သတ်ဓာတုပစ္စည်း၊ ပေါက်ကွဲစေသောပစ္စည်းများ၊ ဓာတ်မြေဩဇာ၊ ရှေးဟောင်း ပစ္စည်းများအုပ်စုတွင်ပါဝင်သော HS Code 2017 Version အရ ကုန်စည်လိုင်း (၁၂၂၄) လိုင်းကို  ပို့ကုန်လိုင်စင် လျှောက်ထားရန်လိုသောကုန်စည်စာရင်းအဖြစ် သတ်မှတ်ထုတ်ပြန်ခြင်း

Pages