ကုန်စည်ပြပွဲများ

   ကာတာနိုင်ငံ၊ ဒိုဟာမြို့တွင် ကျင်းပပြုလုပ်လျက်ရှိသော Expo 2023 Dohaတွင် စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ မြန်မာကုန်သွယ်မှုမြှင့်တင်ရေးအဖွဲ့၏ ကြီးကြပ်ကွပ်ကဲမှုဖြင့် မြန်မာပြခန်းဆောင်ကို ပါဝင်ပြသလျက်ရှိပါသည်။

   Expo 2023 Doha ၏ မြန်မာနေ့အခမ်းအနားကို ၂၀၂၄ခုနှစ်၊ ဇန်နဝါရီလ ၂၆ ရက်နေ့တွင် ကာတာနိုင်ငံ၊ ဒိုဟာမြို့၊ AI B Park ရှိ Expo House ၌ ကျင်းပပြုလုပ်ရာ စီးပွားရေးနှင့် ကူးသန်း ရောင်းဝယ်ရေးဝန်ကြီးဌာန၊ မြန်မာကုန်သွယ်မှုမြှင့်တင်ရေးအဖွဲ့ ညွှန်ကြားရေးမှူးချုပ် ဒေါ်နော်မူတာကပေါ၊ Expo 2023 Doha ၏ Secretary General Mr. Mohamed alkoori နှင့် ပြပွဲတွင် ပါဝင်ပြသသည့် နိုင်ငံများမှ Commissioner General များ ပါဝင်တက်ရောက်ခဲ့ပါသည်။

   မြန်မာနေ့အခမ်းအနားကို ဒေသစံတော်ချိန် ညနေ ၄ နာရီ၌ ကျင်းပရာ အစီအစဉ်အရ ပထမဦးစွာ မြန်မာနိုင်ငံတော် သီချင်းနှင့် ကာတာနိုင်ငံတော် သီချင်းများကို ဖွင့်လှစ်၍ နှစ်နိုင်ငံ အလံများကိုလွှင့်ထူခြင်း၊ မြန်မာ့ယဉ်ကျေးမှု အကပဒေသာဖြင့် ဖျော်ဖြေတင်ဆက်ခြင်း၊ မြန်မာ ကိုယ်စားလှယ်အဖွဲ့ခေါင်းဆောင် မြန်မာကုန်သွယ်မှုမြှင့်တင်‌ရေးအဖွဲ့ ညွှန်ကြားရေးမှူးချုပ်က မိန့်ခွန်းပြောကြားပြီးနောက် ဧည့်သည်တော်များက မြန်မာပြခန်းဆောင်နှင့် ကာတာပြခန်းဆောင် တို့ကို လှည့်လည်ကြည့်ရှုခဲ့ပါသည်။

   Expo 2023 Doha ကို ၂၀၂၃ ခုနှစ်၊ အောက်တိုဘာလ ၁ ရက်မှ ၂၀၂၄ ခုနှစ်၊ မတ်လ ၃၁ ရက်နေ့အထိ ၆ လအကြာ ကျင်းပလျက်ရှိပြီး ပြပွဲကာလအတွင်း မြန်မာပြခန်းဆောင်ကို TREASURE CAP Company မှ မြန်မာနိုင်ငံကိုယ်စားပြု ပါဝင်ပြသလျက်ရှိကြောင်းနှင့် မြန်မာ ပြခန်း၌ မြန်မာ့စိုက်ပျိုးရေးထွက်ကုန်များ၊ ကျောက်မျက်ရတနာပစ္စည်းများ၊ မြန်မာ့သဘာဝမျိုးရင်း သစ်ခွများနှင့် ရေထွက်ကုန်ပစ္စည်းများ ပြသလျက်ရှိကြောင်း သတင်းရရှိပါသည်။

   တရုတ်ပြည်သူ့သမ္မတနိုင်ငံ၊ အကောက်ခွန်အထွေထွေအုပ်ချုပ်မှု အာဏာပိုင်အဖွဲ့ (General Administration of Customs of China - GACC) ၏ ကြေညာချက်အမှတ် (၂၄၈) နှင့် (၂၄၉) တို့အရ ၂၀၂၂ ခုနှစ်၊ ဇန်နဝါရီလ ၁ ရက်နေ့မှစတင်၍ မြန်မာနိုင်ငံမှ တရုတ်နိုင်ငံသို့ စားသောက်ကုန်တင်ပို့မည့်/ တင်ပို့လျက်ရှိသည့်  လုပ်ငန်းရှင်များအနေဖြင့် GACC တွင် မှတ်ပုံတင်ပြီးမှသာလျှင် တင်ပို့ခွင့်ရရှိမည် ဖြစ်ပါသည်။

          မြန်မာနိုင်ငံမှ တရုတ်နိုင်ငံသို့ အောက်ဖော်ပြပါ ကုန်စည်အမျိုးအစား (၁၈) ခုတို့ကို တင်ပို့မည် ဆိုပါက တင်ပို့သည့် ကုမ္ပဏီများအနေဖြင့် တရုတ်ပြည်သူ့သမ္မတနိုင်ငံ၊ အကောက်ခွန်အထွေထွေ အုပ်ချုပ်မှုအာဏာပိုင်အဖွဲ့တွင် မှတ်ပုံတင်ရမည် ဖြစ်ပါသည်-

          (က)    အသားနှင့် အသားထုတ်ကုန်များ။

          ( ခ )   ရေထွက်ကုန်များ။

          ( ဂ )   နို့ထွက်ပစ္စည်းများ။

          (ဃ)    ငှက်သိုက်နှင့် ဆက်စပ်ထုတ်ကုန်များ။

          ( င )   အဆာသွတ်ရန်အသုံးပြုသည့် အပေါ်ခွံ။

          ( စ )   ပျားရည်နှင့် ပျားထွက်ပစ္စည်း။

          (ဆ)    ဥနှင့် ဥထုတ်ကုန်များ။

          ( ဇ )   စားသုံးဆီ။

          (ဈ)     အပြင်အသားအား ဂျုံသားဖြင့်ပြုလုပ်ထားပြီး စားသုံးနိုင်သည့် သို့မဟုတ် အေးခဲထား သည့်ထုတ်ကုန်များ။

          (ည)    စားသုံးနိုင်သော အစေ့အဆံများ။

          ( ဋ )   ကြိတ်ခွဲသီးနှံ ထွက်ကုန်များနှင့်မုယောစပါး။

          ( ဌ )   လတ်ဆတ်သော ဟင်းသီးဟင်းရွက်များနှင့် ရေဓာတ်ထုတ်ထားသော ဟင်းသီးဟင်း ရွက်များ။

          ( ဍ )   ပဲမျိုးစုံ။

          ( ဎ )   အနံ့အရသာအတွက် အသုံးပြုသော ဟင်းခတ်အမွှေးအကြိုင်များ။

          (ဏ)   အခွံမာသီးနှင့်အစေ့အဆံများ။

          (တ)    သစ်သီးခြောက်များ။

          (ထ)    မလှော်ထားသော ကော်ဖီစေ့နှင့် ကိုကိုးစေ့များ။

          (ဒ)     အထူးအာဟာရအစားအသောက်များ၊ ကျန်းမာရေးဖြည့်စွက်စာများ။

   ကုန်စည်အုပ်စုအလိုက် တရုတ်ပြည်သူ့သမ္မတနိုင်ငံ၊ အကောက်ခွန် အထွေထွေအုပ်ချုပ်မှု အာဏာ ပိုင်အဖွဲ့ (GACC) တွင် မှတ်ပုံတင်နိုင်ရေးအတွက် သက်ဆိုင်ရာ အာဏာပိုင်အဖွဲ့များမှာ စိုက်ပျိုးရေး ဦးစီးဌာန၊ မွေးမြူရေးနှင့် ကုသရေးဦးစီးဌာန၊ ငါးလုပ်ငန်းဦးစီးဌာနနှင့် အစားအသောက်နှင့် ဆေးဝါး ကွပ်ကဲရေးဦးစီးဌာနတို့ဖြစ်ကြပါသည်။ အဆိုပါကုန်စည်အမျိုးအစား (၁၈) အုပ်စု၌ ပါဝင်ခြင်းမရှိသည့် ကုန်စည်များကို ထုတ်လုပ်/ တင်ပို့မည့် လုပ်ငန်းများအနေဖြင့် တရုတ်နိုင်ငံ၏ ပြတင်းတစ်ပေါက် အစီအစဉ်ဖြစ်သည့် https://cifer.singlewindow.cn သို့ ဝင်ရောက်၍ ကိုယ်တိုင် Account ဖွင့်လှစ်ကာ တိုက်ရိုက်လျှောက်ထားရမည်ဖြစ်ပါသည်။   

   ၂၀၂၁ ခုနှစ်၊ ဒီဇင်ဘာလ ၁ ရက်နေ့မှ ၂၀၂၃ ခုနှစ်၊ ဒီဇင်ဘာလ ၁ ရက်နေ့အထိ ကုမ္ပဏီ/ စက်ရုံ (၁၄၂၈) ခုမှ ပေးပို့ထားသည့် စောင်ရေ စုစုပေါင်း (၂၆၇၆) စောင်အား မှတ်ပုံတင်ရန် လျှောက်ထားပြီး ဖြစ်ရာ စိုက်ပျိုးရေးဦးစီးဌာနမှ ကုမ္ပဏီ (၁၂၇၉) ခု၊ စောင်ရေ (၂၅၂၇) စောင်၊ ငါးလုပ်ငန်းဦးစီးဌာနမှ ကုမ္ပဏီ/စက်ရုံ (၁၂၆) ခု၊ စောင်ရေ (၁၂၆) စောင်၊ မွေးမြူရေးနှင့်ကုသရေးဦးစီးဌာနမှကုမ္ပဏီ (၁၄) ခု၊ စောင်ရေ (၁၄) စောင်နှင့် အစားအသောက်နှင့် ဆေးဝါးကွပ်ကဲ‌ရေးဦးစီးဌာနမှ ကုမ္ပဏီ (၉) ခု၊ စောင်ရေ (၉) စောင်ဖြစ်ပါသည်။

   အဆိုပါမှတ်ပုံတင်ခြင်းလုပ်ငန်းစဉ်နှင့် စပ်လျဉ်း၍ မြန်မာနိုင်ငံမှ တရုတ်ပြည်သူ့သမ္မတနိုင်ငံသို့ လယ်ယာစိုက်ပျိုးရေးထွက်ကုန်များအပါအဝင် ကုန်စည်များအား တရားဝင်တင်ပို့နိုင်ရန်အတွက် တရုတ်ပြည်သူ့သမ္မတနိုင်ငံ၊ အကောက်ခွန်အထွေထွေအုပ်ချုပ်မှုအာဏာပိုင်အဖွဲ့ (GACC) မှ မှတ်ပုံတင် ပေးပြီးဖြစ်သည့် လုပ်ငန်းများစာရင်းအား တရုတ်နိုင်ငံ၏ ပြတင်းတစ်ပေါက်အစီအစဉ် https:// ciferquery.singlewindow.cn/ ၌ ဖော်ပြထားပါသည်။

   မြန်မာနိုင်ငံမှ တရုတ်နိုင်ငံသို့ စိုက်ပျိုးရေးစားသောက်ကုန်များတင်ပို့သည့် ကုမ္ပဏီများအနေဖြင့် မှတ်ပုံတင်ခြင်းအတွက် ပြင်ဆင်ဆောင်ရွက်ခြင်းနှင့်စပ်လျဉ်း၍ တရုတ်နိုင်ငံ၊ အကောက်ခွန် အထွေထွေ အုပ်ချုပ်မှုအာဏာပိုင်အဖွဲ့ (GACC) အောက်ရှိ CIFER မှတစ်ဆင့် ဆောင်ရွက်ခဲ့ရာမှ China Department of Animal and plant Quarantine ဌာနမှ အောက်ဖော်ပြပါ စိုက်ပျိုးရေးစားသောက် ကုန်စည်အုပ်စု (၇)မျိုးကို ပြောင်းလဲတာဝန်ယူဆောင်ရွက်သွားမည်ဖြစ်ပြီး မှတ်ပုံတင်ခြင်းကို Manual စနစ်ဖြင့် လျှောက်ထားရမည်ဖြစ်ပါသည်-

          (က)    ကော်ဖီစေ့ (raw) ၊ ကိုကိုးစေ့ (cocoa beans) {Unroasted coffee beans and cocoa beans}

          ( ခ )   ဟင်းသီးဟင်းရွက်အစိမ်းများ {Fresh and dehydrated vegetables}

          ( ဂ )   ဟင်းခတ်အမွှေးအကြိုင်များ {Plant Seasonings (Plant Species)}

          (ဃ)    စားသုံးနိုင်သည့် အစေ့အဆံများ {Edible grains}

          ( င )   ပဲမျိုးစုံ { Dried Beans}

          ( စ )   ဆီထွက်အပင်များ {Oilseeds (Oil Plant)}

          (ဆ)    တရုတ်တိုင်းရင်းဆေးထုတ်လုပ်သည့် တိရစ္ဆာန် (သို့မဟုတ်) အပင်မူရင်းများ {Chinese Traditional Medicines}

   အဆိုပါကုန်စည်အုပ်စု (၇) မျိုးအတွက် Manual စနစ်ဖြင့် မှတ်ပုံတင်ခြင်းလုပ်ငန်းအား ကုမ္ပဏီ လုပ်ငန်းများမှ ကိုယ်တိုင်ဆောင်ရွက်၍မရပါ။ သက်ဆိုင်ရာ Competent Authority Department ထံလျှောက်ထားရမည်။ စိုက်ပျိုးရေးထွက်ကုန်များအတွက် စိုက်ပျိုးရေးဦးစီးဌာနသို့ လျှောက်ထားရမည်။ သက်ဆိုင်ရာဌာနမှ တာဝန်ခံအရာရှိ (Competent Authority) ကသာ ၎င်းလျှောက်ထားမှုကို ဆောင် ရွက်နိုင်ပြီး စာ(သို့မဟုတ်) Email ဖြင့် [email protected] သို့ ပေးပို့ရမည်ဖြစ်ပါသည်။ မြန်မာနိုင်ငံရှိ တရုတ်သံရုံး (သို့မဟုတ်)တရုတ်နိုင်ငံရှိ မြန်မာသံရုံးမှတစ်ဆင့် ပေးပို့လျှောက်ထားရမည်။

   အဆိုပါ https://ciferquery.singlewindow.cn/ Website တွင် online စနစ်ဖြင့် ၂၀၂၃ ခုနှစ်၊ နိုဝင်ဘာလ ၂၄ ရက်နေ့အထိ မြန်မာနိုင်ငံမှ တရုတ်ပြည်သူ့သမ္မတနိုင်ငံ၊ အကောက်ခွန်အထွေထွေ အုပ်ချုပ်မှုအာဏာပိုင်အဖွဲ့ (GACC) တွင် Competent Authority ထောက်ခံချက်လိုသည့် ကုန်စည်အုပ် စုနှင့် ကိုယ်တိုင်ဝင်ရောက်လျှောက်ထားသည့် ကုန်စည်အုပ်စု အပါအဝင် စုစုပေါင်းစောင်ရေ (၉၈၁) စောင်အား မှတ်ပုံတင်ခွင့်ပြုထားပြီးဖြစ်ကြောင်းဖော်ပြထားသည်ကိုတွေ့ရှိရပါသည်။

   http://dzs.customs.gov.cn/ Website တွင် Manual စနစ်ဖြင့် ၂၀၂၃ ခုနှစ်၊ အောက်တိုဘာလ ၂၃ ရက်နေ့အထိ မြန်မာနိုင်ငံမှတရုတ်ပြည်သူ့သမ္မတနိုင်ငံ၊ အကောက်ခွန်အထွေထွေအုပ်ချုပ်မှုအာဏာ ပိုင်အဖွဲ့ (GACC) တွင် မှတ်ပုံတင်ပြီးဖြစ်သည့် စာရင်းများကို ဝင်ရောက်ကြည့်ရှုနိုင်ပါသည်။

   ထပ်မံသိရှိလိုသည်များရှိပါက မြန်မာကုန်သွယ်မှုမြှင့်တင်ရေးအဖွဲ့၊ ဖုန်းအမှတ် - ၀၆၇-၃-၄၀၈ ၆၀၅, ၀၆၇-၃-၄၀၈၆၁၈ နှင့် Email: [email protected] တို့သို့ ဆက်သွယ် မေးမြန်း နိုင်ပါကြောင်း အသိပေးအပ်ပါသည်။

          တရုတ်ပြည်သူ့သမ္မတနိုင်ငံ၊ အကောက်ခွန်အထွေထွေအုပ်ချုပ်မှု အာဏာပိုင်အဖွဲ့ (General Administration of Customs of China-GACC) ၏ ကြေညာချက်အမှတ် (၂၄၈) နှင့် (၂၄၉) တို့အရ ၂၀၂၂ ခုနှစ်၊ ဇန်နဝါရီလ ၁ ရက်နေ့မှစတင်၍မြန်မာနိုင်ငံမှ တရုတ်နိုင်ငံသို့ စားသောက်ကုန် တင်ပို့မည့်/ တင်ပို့လျက်ရှိသည့်  လုပ်ငန်းရှင်များ အနေဖြင့် GACC တွင် မှတ်ပုံတင်ပြီးမှသာလျှင် တင်ပို့ခွင့်ရရှိမည် ဖြစ်ပါသည်။

          မြန်မာနိုင်ငံမှ တရုတ်နိုင်ငံသို့ အောက်ဖော်ပြပါ ကုန်စည်အမျိုးအစား (၁၈) ခုတို့ကို တင်ပို့သည့် ကုမ္ပဏီများ အနေဖြင့် တရုတ်ပြည်သူ့သမ္မတနိုင်ငံ၊ အကောက်ခွန်အထွေထွေအုပ်ချုပ်မှုအာဏာပိုင်အဖွဲ့ တွင် မှတ်ပုံတင်ရမည် ဖြစ်ပါသည်-

          (က)    အသားနှင့်အသားထုတ်ကုန်များ၊

          ( ခ )   ရေထွက်ကုန်များ၊

          ( ဂ )   နို့ထွက်ပစ္စည်းများ၊

          (ဃ)    ငှက်သိုက်နှင့် ဆက်စပ်ထုတ်ကုန်များ၊

          ( င )   အဆာသွတ်ရန်အသုံးပြုသည့် အပေါ်ခွံ၊

          ( စ )   ပျားရည်နှင့်ပျားထွက်ပစ္စည်း၊          

          (ဆ)    ဥနှင့်ဥထုတ်ကုန်များ၊

          ( ဇ )   စားသုံးဆီ၊

          (ဈ)     အပြင်အသားအားဂျုံသားဖြင့်ပြုလုပ်ထားပြီးစားသုံးနိုင်သည့် သို့မဟုတ် အေးခဲထားသည့် ထုတ်ကုန်များ၊

          (ည)    စားသုံးနိုင်သောအစေ့အဆံများ၊

          ( ဋ )   ကြိတ်ခွဲသီးနှံထွက်ကုန်များနှင့်မုယောစပါး၊

          (ဌ)     လတ်ဆတ်သောဟင်းသီးဟင်းရွက်များနှင့် ရေဓာတ်ထုတ်ထားသော ဟင်းသီးဟင်းရွက် များ၊

          ( ဍ )   ပဲမျိုးစုံ၊

          ( ဎ )   အနံ့အရသာအတွက် အသုံးပြုသော ဟင်းခတ်အမွှေးအကြိုင်များ၊

          (ဏ)   အခွံမာသီးနှင့်အစေ့အဆံများ၊

          (တ)    သစ်သီးခြောက်များ၊

          (ထ)    မလှော်ထားသော ကော်ဖီစေ့နှင့်ကိုကိုးစေ့များ

          (ဒ)     အထူးအာဟာရအစားအသောက်များ၊ ကျန်းမာရေးဖြည့်စွက်စာများ၊

           ကုန်စည်အုပ်စုအလိုက် တရုတ်ပြည်သူ့သမ္မတနိုင်ငံ၊ အကောက်ခွန်အထွေထွေအုပ်ချုပ်မှု အာဏာပိုင်အဖွဲ့ (GACC) တွင် မှတ်ပုံတင်နိုင်ရေးအတွက် သက်ဆိုင်ရာအာဏာပိုင်အဖွဲ့များမှာ စိုက်ပျိုး ရေးဦးစီးဌာန၊ မွေးမြူရေးနှင့်ကုသရေးဦးစီးဌာန၊ ငါးလုပ်ငန်းဦးစီးဌာနနှင့် အစားအသောက်နှင့် ဆေးဝါး ကွပ်ကဲရေးဦးစီးဌာနတို့ ဖြစ်ကြပါသည်။ အဆိုပါ ကုန်စည်အမျိုးအစား (၁၈) အုပ်စု၌ ပါဝင်ခြင်းမရှိသည့် ကုန်စည်များကို ထုတ်လုပ်/တင်ပို့မည့် လုပ်ငန်းများအနေဖြင့် တရုတ်နိုင်ငံ၏ ပြတင်းတစ်ပေါက် အစီ အစဉ်ဖြစ်သည့် https://cifer.singlewindow.cn သို့ ဝင်ရောက်၍ ကိုယ်တိုင် Account ဖွင့်လှစ်ကာ တိုက်ရိုက်လျှောက်ထားရမည် ဖြစ်ပါသည်။  

          ၂၀၂၁ ခုနှစ်၊ ဒီဇင်ဘာလ ၁ ရက်နေ့မှ ၂၀၂၃ ခုနှစ်၊ အောက်တိုဘာလ ၂၉ ရက်နေ့အထိ ကုမ္ပဏီ/ စက်ရုံ (၁၃၈၀) ခုမှပေးပို့ထားသည့်စောင်ရေစုစုပေါင်း (၂၅၄၇) စောင်အားမှတ်ပုံတင်ရန် လျှောက်ထား ပြီးဖြစ်ရာ စိုက်ပျိုးရေးဦးစီးဌာနမှ ကုမ္ပဏီ (၁၂၃၅) ခု၊ စောင်ရေ (၂၄၀၂) စောင်၊ ငါးလုပ်ငန်းဦးစီးဌာနမှ ကုမ္ပဏီ/စက်ရုံ(၁၂၂)ခု၊စောင်ရေ(၁၂၂)စောင်၊ မွေးမြူရေးနှင့်ကုသရေးဦးစီးဌာနမှကုမ္ပဏီ (၁၄)ခု၊ စောင် ရေ (၁၄) စောင်နှင့် အစားအသောက်နှင့် ဆေးဝါးကွပ်ကဲ‌ရေးဦးစီးဌာနမှ ကုမ္ပဏီ (၉) ခု၊ စောင်ရေ (၉) စောင်ဖြစ်သည်။

          အဆိုပါမှတ်ပုံတင်ခြင်းလုပ်ငန်းစဉ်နှင့်စပ်လျဉ်း၍ မြန်မာနိုင်ငံမှတရုတ်ပြည်သူ့သမ္မတနိုင်ငံသို့ လယ် ယာစိုက်ပျိုးရေးထွက်ကုန်များအပါအဝင် ကုန်စည်များအား တရားဝင်တင်ပို့နိုင်ရန်အတွက် တရုတ်ပြည်သူ့ သမ္မတနိုင်ငံ၊ အကောက်ခွန်အထွေထွေအုပ်ချုပ်မှုအာဏာပိုင်အဖွဲ့ (GACC) မှ မှတ်ပုံတင်ပေးပြီးဖြစ်သည့် လုပ်ငန်းများစာရင်းအားတရုတ်နိုင်ငံ၏ပြတင်းတစ်ပေါက်အစီအစဉ် https://ciferquery.singlewindow.cn/  ၌ ဖော်ပြထားပါသည်။

          မြန်မာနိုင်ငံမှတရုတ်နိုင်ငံသို့ စိုက်ပျိုးရေးစားသောက်ကုန်များ တင်ပို့သည့် ကုမ္ပဏီများ အနေဖြင့် မှတ်ပုံတင်ခြင်းအတွက် ပြင်ဆင်ဆောင်ရွက်ခြင်းနှင့်စပ်လျဉ်း၍ တရုတ်နိုင်ငံ၊ အကောက်ခွန်အထွေထွေ အုပ်ချုပ်မှုအာဏာပိုင်အဖွဲ့(GACC) အောက်ရှိ CIFER မှတစ်ဆင့် ဆောင်ရွက်ခဲ့ရာမှ China Department of Animal and plant Quarantine ဌာနမှ အောက်ဖော်ပြပါ စိုက်ပျိုးရေးစားသောက်ကုန်စည်အုပ်စု (၇) မျိုးကို ပြောင်းလဲတာဝန်ယူဆောင်ရွက်သွားမည်ဖြစ်ပြီး မှတ်ပုံတင်ခြင်းကို Manual စနစ်ဖြင့် လျှောက် ထားရမည်ဖြစ်ပါသည်-

          (က)    ကော်ဖီစေ့ (raw) ၊ ကိုကိုးစေ့ (cocoa beans) {Unroasted coffee beans and cocoa beans}

          ( ခ )   ဟင်းသီးဟင်းရွက်အစိမ်းများ{Fresh and dehydrated vegetables}

          ( ဂ )   ဟင်းခတ်အမွှေးအကြိုင်များ{Plant Seasonings (Plant Species)}

          (ဃ)    စားသုံးနိုင်သည့် အစေ့အဆံများ{Edible grains}

          ( င )   ပဲမျိုးစုံ{ Dried Beans}

          ( စ )   ဆီထွက်အပင်များ{Oilseeds (Oil Plant)}

          (ဆ)    တရုတ်တိုင်းရင်းဆေးထုတ်လုပ်သည့် တိရစ္ဆာန် (သို့မဟုတ်) အပင်မူရင်းများ {Chinese Traditional Medicines}

          အဆိုပါ ကုန်စည်အုပ်စု (၇) မျိုးအတွက် Manual စနစ်ဖြင့် မှတ်ပုံတင်ခြင်းလုပ်ငန်းအား ကုမ္ပဏီ လုပ်ငန်းများမှ ကိုယ်တိုင်ဆောင်ရွက်၍ မရပါ။ သက်ဆိုင်ရာ Competent Authority Department ထံ လျှောက်ထားရမည်ဖြစ်သည်။စိုက်ပျိုးရေးထွက်ကုန်များအတွက် စိုက်ပျိုးရေးဦးစီးဌာနသို့ လျှောက်ထား ရမည်။ သက်ဆိုင်ရာဌာနမှ တာဝန်ခံအရာရှိ (Competent Authority) ကသာ ၎င်းလျှောက်ထားမှုကို ဆောင်ရွက်နိုင်ပြီး စာ (သို့မဟုတ်) Email ဖြင့် [email protected] သို့ ပေးပို့ခြင်း၊ မြန်မာနိုင်ငံရှိ တရုတ်သံရုံး (သို့မဟုတ်) တရုတ်နိုင်ငံရှိ မြန်မာသံရုံးမှတစ်ဆင့် ပေးပို့လျှောက်ထားရမည်။

           https://ciferquery.singlewindow.cn/ Website တွင် online စနစ်ဖြင့် ၂၀၂၃ ခုနှစ်၊ စက်တင် ဘာလ ၃၀ ရက်နေ့အထိ မြန်မာနိုင်ငံမှ တရုတ်ပြည်သူ့သမ္မတနိုင်ငံ၊ အကောက်ခွန်အထွေထွေအုပ်ချုပ်မှု အာဏာပိုင်အဖွဲ့ (GACC) တွင် Competent Authority ထောက်ခံချက်လိုသည့် ကုန်စည်အုပ်စုနှင့် ကိုယ်တိုင်ဝင်ရောက်လျှောက်ထားသည့် ကုန်စည်အုပ်စု အပါအဝင် စုစုပေါင်းစောင်ရေ (၉၇၂) စောင်အား မှတ်ပုံတင်ခွင့်ပြုထားပြီးဖြစ်ကြောင်း ဖော်ပြထားသည်ကို တွေ့ရှိရသည်။

          http://dzs.customs.gov.cn/ Website တွင် Manual စနစ်ဖြင့် ၂၀၂၃ ခုနှစ် ဩဂုတ်လ ၂၉ ရက်နေ့အထိ မြန်မာနိုင်ငံမှ တရုတ်ပြည်သူ့သမ္မတနိုင်ငံ၊အကောက်ခွန် အထွေထွေအုပ်ချုပ်မှုအာဏာပိုင် အဖွဲ့ (GACC) တွင် မှတ်ပုံတင်ပြီးဖြစ်သည့် စာရင်းများကို ဝင်ရောက်ကြည့်ရှုနိုင်ပါသည်။

          ထပ်မံသိရှိလိုသည်များ ရှိပါက GACC ရုံးလုပ်ငန်းအဖွဲ့၊ ပြည်တွင်းကုန်သွယ်မှု ဌာနခွဲ၊ မြန်မာ ကုန်သွယ်မှု မြှင့်တင်ရေးအဖွဲ့၊ ဖုန်းအမှတ် ၀၆၇-၃-၄၀၈၆၀၅၊ ၀၆၇-၃-၄၀၈၆၁၈ နှင့် Email: [email protected] တို့သို့ ဆက်သွယ်မေးမြန်းနိုင်ပါကြောင်း အသိပေးအကြောင်းကြား ပါသည်။       

   တရုတ်နိုင်ငံ၌ ကျင်းပပြုလု်ပသည့် ကုန်စည်ပြပွဲများ၌ မြန်မာနိုင်ငံမှ နှစ်စဉ်ပါဝင်ပြသလျက် ရှိရာ (၇) ကြိမ်မြောက် တရုတ်-တောင်အာရှ ကုန်စည်ပြပွဲနှင့် (၂၇) ကြိမ်မြောက် တရုတ်(ကူမင်း) ပို့ကုန်/သွင်းကုန် ကုန်စည်ပြပွဲတွင်လည်း မြန်မာနိုင်ငံမှ ပါဝင်ပြသမည်ဖြစ်ပါသည်။ အဆိုပါ          ကုန်စည်ပြပွဲကို တရုတ်ပြည်သူ့သမ္မတနိုင်ငံ၊ ကူမင်းမြို့ရှိ Dianchi International Convention and Exhibition Center ၌ ၂၀၂၃ ခုနှစ်၊ ဩဂုတ်လ ၁၆ ရက်နေ့မှ ၂၀ ရက်နေ့အထိ ကျင်းပပြုလုပ်မည်ဖြစ်ပါသည်။

   အဆိုပါကုန်စည်ပြပွဲ၌ မြန်မာနိုင်ငံ အနေဖြင့် ယခုနှစ်တွင် ဒုတိယအကြိမ်မြောက် Country of Honor အဖြစ် ပါဝင်ပြသမည်ဖြစ်ပြီး ပထမအကြိမ် Country of Honor အဖြစ် ၂၀၁၈ ခုနှစ်၊ ဇွန်လတွင် ကျင်းပခဲ့သည့် (၅) ကြိမ်မြောက် တရုတ်-တောင်အာရှ ကုန်စည်ပြပွဲတွင် ပါဝင်ပြသခဲ့သည်။

   ယခုနှစ်တွင် ကုန်စည်ပြပွဲနှင့် ဆက်စပ်၍ ဖိုရမ် (၁၀) ခုကျော်ကို တစ်ပြိုင်တည်း ကျင်းပသွားမည်ဖြစ်ပြီး ပြည်ထောင်စုဝန်ကြီးများနှင့် ပြည်နယ်နှင့်တိုင်းဒေသကြီးများမှ ဝန်ကြီးချုပ်များ တက်ရောက်သွားကြမည်ဖြစ်သည်။

   ကုန်စည်ပြပွဲသို့ မြန်မာနိုင်ငံမှ ကုန်သည်လုပ်ငန်းရှင် စုစုပေါင်း (၁၀၀) ကျော်တို့က မြန်မာနိုင်ငံ၏ လယ်ယာထွက်ကုန်များ၊ စားသောက်ကုန်များ၊ လက်မှုပစ္စည်းများနှင့် အဖိုးတန် ကျောက်မျက်ရတနာများအား ပါဝင်ပြသကြမည်ဖြစ်ပြီး ဆက်စပ်စီးပွားရေးဖိုရမ်များသို့ ပါဝင် တက်ရောက်ကြမည်ဖြစ်ကြောင်း သတင်းရရှိသည်။

(မြန်မာကုန်သွယ်မှုမြှင့်တင်ရေးအဖွဲ့)

၂၀၂၃ ခုနှစ်၊ ဇူလိုင်လ ၁၂ ရက်

   The 38th Trade Expo Indonesia (TEI 2023) ကို အင်ဒိုနီးရှားနိုင်ငံ၌ ၂၀၂၃ ခုနှစ်၊ အောက်တို ဘာလ ၁၈ ရက်နေ့မှ ၂၂ ရက်နေ့အထိ ကျင်းပပြုလုပ်မည်ဖြစ်ရာ မြန်မာနိုင်ငံမှ စွန့်ဦးတီထွင် စီးပွားရေးလုပ်ငန်းရှင်များ၊ အလားအလာရှိသော ဝယ်လက်များ၊ တင်သွင်းသူများ၊ ရင်းနှီးမြှုပ်နှံသူများနှင့် ပြည်ထောင်စုသမ္မတ မြန်မာနိုင်ငံကုန်သည်များနှင့် စက်မှုလက်မှုလုပ်ငန်းရှင်များ အသင်းချုပ်မှအဖွဲ့ဝင်များအား ပါဝင်တက်ရောက်ပြသရန် ဖိတ်ကြားလာပါသည်။

    အဆိုပါပြပွဲကို အင်ဒိုနီးရှားနိုင်ငံ၊ ကုန်သွယ်ရေးဝန်ကြီးဌာနက ကြီးမှူး၍ Sustainable Trade for Global Economic Resilience ခေါင်းစဉ်ဖြင့် Hybrid ပုံစံဖြင့် ကျင်းပပြုလုပ်သွားမည်ဖြစ်ပြီး Online Product Showcase ကို ၂၀၂၃ ခုနှစ်၊ အောက်တိုဘာလ ၁၈ ရက်နေ့မှ ဒီဇင်ဘာလ ၁၈ ရက် နေ့အတွင်း အချိန်မရွေး ပြသနိုင်မည်ဖြစ်သည်။

   TEI 2023 တွင် အစားအစာနှင့် အဖျော်ယမကာများ၊ အဝတ်အထည်နှင့် အထည်အလိပ်များ၊ ဓါတုဗေဒ၊ စွမ်းအင်နှင့် စက်မှုထုတ်ကုန်များ၊ Digital ဝန်ဆောင်မှုများ၊ အလှအပရေးရာထိန်းသိမ်းမှု၊ ဆေးပစ္စည်းနှင် ကျန်းမာရေးဝန်ဆောင်မှုနှင့် အိမ်အသုံးအဆောင်ပစ္စည်းများစသည်တို့ကို ခင်းကျင်း ပြသသွားမည်ဖြစ်သည်။

    အဆိုပါပြပွဲသို့ ပါဝင်ပြသလိုသည့် စီးပွားရေးလုပ်ငန်းရှင်များအနေဖြင့် စီးပွားရေးနှင့် ကူးသန်း ရောင်းဝယ်ရေးဝန်ကြီးဌာန၊ မြန်မာကုန်သွယ်မှုမြှင့်တင်ရေးအဖွဲ့၊ ကုန်သွယ်မှုဖွံ့ဖြိုးရေးဌာနခွဲ အီးမေးလ် [email protected] ၊ ဖုန်း ၀၆၇-၄၀၈၆၂၂ ၊ ၀၆၇-၄၀၈၆၂၃ သို့ ဆက်သွယ်၍ ချိတ်ဆက်ဆောင်ရွက် နိုင်ကြောင်း သိရှိရသည်။

Pages

Subscribe to ကုန်စည်ပြပွဲများ

သတင်းအချက်အလက်များ