ကုန်စည်ပြပွဲများ

၂၀၂၃ ခုနှစ်၊ ဇူလိုင်လ ၅ ရက်

   ကိုရီးယားသမ္မတနိုင်ငံ၊ Gyeongsangnam ပြည်နယ်၊ Sancheong ဒေသရှိ ရှေးရိုးရာအရှေ့ တိုင်းဆေးပညာများ၏ မွေးရပ်မြေဖြစ်သော Donguibogamchon ကျေးရွာ၌ Sancheong World Anti-aging Expo မှ ကြီးမှူးကျင်းပမည့် World Traditional Medicine & Anti-aging Expo in Sancheong Korea 2023 ကို ၁၅-၉-၂၀၂၃ ရက်မှ ၁၉-၁၀-၂၀၂၃ ရက်အထိ (၃၅) ရက်ကြာကျင်းပမည်ဖြစ်ရာ မြန်မာနိုင်ငံမှလုပ်ငန်းရှင်များအနေဖြင့် ပြခန်းများ ပါဝင်ပြသနိုင်ကြောင်း ဖိတ်ကြားလာပါ သည်။

   ပြပွဲကျင်းပပြုလုပ်သည့် ရည်ရွယ်ချက်မှာ Anti-aging industry ဖွံ့ဖြိုးတိုးတက်ရေးအတွက် ဦးဆောင်နိုင်မည့် ကုမ္ပဏီများနှင့် လက်တွဲလုပ်ဆောင်ရန် ရည်ရွယ်၍ ကျင်းပခြင်းဖြစ်သည်။ အဆိုပါ ပြပွဲအား (၃၅) ရက်ကြာ ကျင်းပသွားမည်ဖြစ်သော်လည်း ပြည်ပနိုင်ငံများမှ ကုမ္ပဏီများသည် ၉-၁၀-၂၀၂၃ ရက်မှ ၁၂-၁၀-၂၀၂၃ ရက်အထိ (၄) ရက်သာ ပြသခွင့်ရရှိမည်ဖြစ်သည်။ ပြပွဲသို့ ကုမ္ပဏီစုစုပေါင်း ၁၅၀ ခန့်မှ ပြခန်း (၇၅) ခန်း လာရောက်ခင်းကျင်းပြသနိုင်ရန် ပြင်ဆင်ထားရှိပြီး နိုင်ငံခြားသားဧည့်သည် (၆၀,၀၀၀) ဦးခန့်အပါအဝင် ဧည့်သည်စုစုပေါင်း (၁.၂) သန်းဝန်းကျင် တက်ရောက်မည်ဟု ရည်မှန်းထားကြောင်းနှင့် ကုန်စည်ဝယ်ယူနိုင်မည့် ပြည်တွင်း၊ ပြည်ပမှ ကုမ္ပဏီစုစုပေါင်း (၂၀၀) ခန့် ရှိမည်ဖြစ်သည်။

   ကုန်စည်ပြပွဲသို့ လာရောက်ပြသမည့်ပြည်ပကုမ္ပဏီများအနေဖြင့် ကုမ္ပဏီတစ်ခုလျှင် သတ်မှတ်အကျယ်အဝန်းရှိ ပြခန်းတစ်ခန်းစာအတွက် အခမဲ့လျှောက်ထားနိုင်ကြောင်း၊ အသွား/အပြန်လေယာဉ်လက်မှတ်၊ ပြပွဲကာလအတွင်း တည်းခိုစရိတ်၊ စားသောက်စရိတ်တို့အား ကုမ္ပဏီတစ်ခုလျှင် ပါဝင်မည့်သူ (၁) ဦးအတွက်သာ ကျခံပေးသွားမည်ဖြစ်ပြီး အများဆုံး (၁၀) ဦးအထိသာ ကျခံပေးမည် ဖြစ်ကြောင်း၊ လျှောက်ထားမှုနောက်ကျပါက ဖော်ပြပါအခွင့်အရေးများရနိုင်မည်မဟုတ်ကြောင်း၊ လာရောက်ပြသမည့် ပစ္စည်းများကို စိစစ်၍ ပါဝင်ပြသခွင့်ပြု/မပြုကို ဆုံးဖြတ်မည်ဖြစ်ကြောင်းနှင့် မြန်မာနိုင်ငံမှ ပါဝင်ပြသလိုသည့် ကုမ္ပဏီများအနေဖြင့် လျှောက်လွှာများကို ဆောလျင်စွာ ပေးပို့နိုင်ကြောင်းသိရှိရသည်။

   အဆိုပါပြပွဲသို့ ပါဝင်ပြသလိုသည့် စီးပွားရေးလုပ်ငန်းရှင်များအနေဖြင့် စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ မြန်မာကုန်သွယ်မှုမြှင့်တင်ရေးအဖွဲ့၊ ကုန်သွယ်မှုဖွံ့ဖြိုးရေးဌာနခွဲ အီးမေးလ် [email protected] ၊ ဖုန်း ၀၆၇-၄၀၈၆၂၂ ၊ ၀၆၇-၄၀၈၆၂၃ သို့ဆက်သွယ်၍ ချိတ်ဆက် ဆောင်ရွက်နိုင်ကြောင်း သိရှိရသည်။

၂၀၂၃ ခုနှစ်၊ ဇူလိုင် ၅ ရက်

   အိန္ဒိယသမ္မတနိုင်ငံအစိုးရ၊ မြို့ပြလေကြောင်းပို့ဆောင်ရေးဝန်ကြီးဌာန၊ အိန္ဒိယလေဆိပ် အာဏာပိုင်အဖွဲ့နှင့် အိန္ဒိယကုန်သည်များနှင့် စက်မှုလက်မှုလုပ်ငန်းရှင်များအသင်းချုပ်တို့က ဦးစီး၍ Wing India 2024 ကို ၁၈-၁-၂၀၂၄ မှ ၂၁-၁-၂၀၂၄ ရက်နေ့အထိ အိန္ဒိယနိုင်ငံ၊ ဟိုက်ဒရာဘတ်မြို့ရှိ Begumpet လေဆိပ်၌ ကျင်းပပြုလုပ်သွားမည်ဖြစ်ရာ မြန်မာနိုင်ငံမှ အဆင့်မြင့်ကိုယ်စားလှယ်များ စီစဉ် စေလွှတ်နိုင်ရေးနှင့် သက်ဆိုင်ရာအသင်းအဖွဲ့များ ပါဝင်တက်ရောက်ပြသနိုင်ရေးအတွက် မြို့ပြ လေကြောင်းပို့ဆောင်ရေးဝန်ကြီးဌာနမှ ဖိတ်ကြားလာပါသည်။

   အဆိုပါပြပွဲသည် အိန္ဒိယမြို့ပြလေကြောင်း ပို့ဆောင်ရေးကဏ္ဍ၏ လူသိများ ထင်ရှားသည့် အခမ်းအနားတစ်ခုဖြစ်ပြီး ပြပွဲများ၊ Static Display များ၊ ကွန်ဖရင့်များ၊ စကားဝိုင်းဆွေးနွေးပွဲများ၊ အမှုဆောင်အရာရှိချုပ်များဖိုရမ်၊ B2B/ G2G အစည်းအဝေးများ၊ ဆုချီးမြှင့်ခြင်း အခမ်းအနား၊ ယဉ်ကျေးမှုဖျော်ဖြေပွဲ၊ စီးပွားရေးချိတ်ဆက်ဆောင်ရွက်နိုင်ရေး ညစာစားပွဲများ၊ ကျောင်းသူကျောင်းသား များ၏ လေ့လာရေးအစီအစဉ်များ စသည့်ကဏ္ဍမျိုးစုံ ပါဝင်မည်ဖြစ်ပြီး လေကြောင်းခရီးသွားလာမှု ဆိုင်ရာ စိန်ခေါ်မှုအခက်အခဲများနှင့် အခွင့်အလမ်းများ၊ အတွေးအခေါ် ထင်မြင်ယူဆချက်များကို ဖလှယ်ဆောင်ရွက်မှု မြှင့်တင်နိုင်မည်ဖြစ်သည်။

   အဆိုပါပြပွဲသို့ ပါဝင်တက်ရောက်ပြသလိုသည့် စီးပွားရေးလုပ်ငန်းရှင်များအနေဖြင့် စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ မြန်မာကုန်သွယ်မှုမြှင့်တင်ရေးအဖွဲ့၊ ကုန်သွယ်မှုဖွံ့ဖြိုးရေးဌာနခွဲ အီးမေးလ် [email protected] ၊ ဖုန်း ၀၆၇-၄၀၈၆၂၂ ၊ ၀၆၇-၄၀၈၆၂၃ သို့ဆက်သွယ်၍ ချိတ်ဆက်ဆောင်ရွက်နိုင်ကြောင်း သိရှိရသည်။

   မကာအိုအထူးအုပ်ချုပ်ရေးဒေသရှိ၊ Venetian ၌ 2023 Macao International Environmental Co-operation Forum and Exhibition (2023 MIECF) ကို ၂၀၂၃ ခုနှစ်၊ ဩဂုတ်လ ၁၇ ရက်နေ့မှ ၂၀ ရက်နေ့အထိ Hybrid စနစ်ဖြင့် ကျင်းပပြုလုပ်မည်ဖြစ်ရာ မြန်မာနိုင်ငံမှလုပ်ငန်းရှင်များ ပါဝင်တက်ရောက်ရန် ဖိတ်ကြားလာပါသည်။

   အဆိုပါပြပွဲသို့ ပြသမည့် အစိုးရအဖွဲ့အစည်းများ၊ စီးပွားရေးလုပ်ငန်းများနှင့် အဖွဲ့အစည်းများမှ ကိုယ်စားလှယ်များအတွက် (၁၈) စတုရန်းမီတာရှိ Special Booth  (သို့မဟုတ်) Standard Booth တစ်ခုအတွက်ကျသင့်ငွေကင်းလွတ်ခွင့်စသည်တို့မှ အကျိုးခံစားခွင့်တစ်မျိုးကို ခံစားနိုင်မည်ဖြစ်သည်။ ပြခန်းပြသမည့် လုပ်ငန်းတစ်ခုအတွက် ၁၆-၈-၂၀၂၃ ရက်မှ ၂၀-၈-၂၀၂၃ ရက်အထိ  သတ်မှတ်ထားသည့် ဟိုတယ်၌ (၄) ညတာ အခမဲ့တည်းခိုနေထိုင်ခွင့်ကို လည်းကောင်း၊ ဖိုရမ်သို့ တက်ရောက်မည့် ကိုယ်စားလှယ် (၄) ဦးအတွက်လည်း ဟိုတယ်၌ (၄) ညတာ အခမဲ့တည်းခိုနေထိုင်ခွင့် စီစဉ်ပေးမည်ဖြစ်သည်။

   ယခင်ကျင်းပပြုလုပ်ခဲ့သည့် 2022 MIECF တွင် နိုင်ငံတကာမှလုပ်ငန်းရှင်များ၊ စီးပွားရေး မိတ်ဖက်များ၊ ပညာရေးကဏ္ဍမှ ပတ်ဝန်းကျင်နှင့်ပတ်သက်သည့် သက်ဆိုင်ရာတာဝန်ရှိသူများနှင့် ကျွမ်းကျင်နည်းပညာရှင်များ တက်ရောက်ခဲ့သည်။

   အဆိုပါပြပွဲနှင့် ဖိုရမ်သို့ ပါဝင်တက်ရောက်လိုသည့် စီးပွားရေးလုပ်ငန်းရှင်များအနေဖြင့် စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ မြန်မာကုန်သွယ်မှု မြှင့်တင်ရေးအဖွဲ့၊ ကုန်သွယ်မှုဖွံ့ဖြိုးရေးဌာနခွဲ အီးမေးလ် [email protected] ၊ ဖုန်း ၀၆၇-၄၀၈၆၂၂ ၊ ၀၆၇-၄၀၈၆၂၃ သို့ဆက်သွယ်၍ ချိတ်ဆက်ဆောင်ရွက်နိုင်ကြောင်း သိရှိရသည်။

   The 10th Mining Congress (AMC) and International  Mining Exhibition (IME) 2023 ကို အိန္ဒိယသမ္မတနိုင်ငံ၊ ကော်လ်ကတ္တားမြို့၌ ၂၀၂၃ ခုနှစ်၊ နိုဝင်ဘာလ ၆ ရက်နေ့မှ ၉ ရက်နေ့အထိ ကျင်းပပြုလုပ်မည်ဖြစ်ရာ မြန်မာနိုင်ငံမှ လုပ်ငန်းရှင်များ ပါဝင်တက်ရောက်ရန် ဖိတ်ကြားလာပါသည်။

   အဆိုပါ AMC နှင့် IME တို့အား The Mining, Geological & Metallurgical Institute of India (MGMI) မှ တစ်နှစ်လျှင် (၂) ကြိမ် ကျင်းပလျက်ရှိရာ (၁၀) ကြိမ်မြောက် AMC ကို ကော်လ်ကတ္တားမြို့ ရှိ Taal Kutir Convention Center ၌လည်းကောင်း၊ IME ကို Rajarhat ရှိ Eco Park ၌လည်းကောင်း ကျင်းပပြုလုပ်သွားမည်ဖြစ်သည်။

   AMC ကို ကျင်းပပြုလုပ်ခြင်းဖြင့် အာရှဒေသမှ နိုင်ငံများအကြား သတ္ထုထုတ်လုပ်ရေး၊ တူးဖော် ရေးဆိုင်ရာ သိပ္ပံနှင့်နည်းပညာ ပူးပေါင်းဆောင်ရွက်မှုများ တိုးမြင့်လာစေမည်ဖြစ်ကြောင်း၊ MGM ၏ အစည်းအဝေးဆိုင်ရာ အချက်အလက်များအရ AMC နှင့် IME တို့အား ပြည်ပမှတက်ရောက်လိုသူများ အနေဖြင့် လျှောက်လွှာကြေး အမေရိကန်ဒေါ်လာ ၁,၀၀၀ ပေးသွင်းရမည်ဖြစ်ကြောင်း၊ အဆိုပါပြပွဲသို့ အင်ဂျင်နီယာများ၊ လုပ်ငန်းရှင်များ၊ သိပ္ပံပညာရှင်များနှင့် ဓါတုသတ္ထုနှင့် သတ္ထုတူးဖော်ရေးဆိုင်ရာ ပညာရှင်များ တက်ရောက်နိုင်ကြောင်း သိရှိရသည်။

   အဆိုပါပြပွဲသို့ ပါဝင်တက်ရောက်လိုသည့် စီးပွားရေးလုပ်ငန်းရှင်များအနေဖြင့် စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ မြန်မာကုန်သွယ်မှုမြှင့်တင်ရေးအဖွဲ့၊ ကုန်သွယ်မှုဖွံ့ဖြိုးရေးဌာနခွဲ အီးမေးလ် [email protected] ၊ ဖုန်း ၀၆၇-၄၀၈၆၂၂ ၊ ၀၆၇-၄၀၈၆၂၃ သို့ဆက်သွယ်၍ ချိတ်ဆက်ဆောင်ရွက်နိုင်ကြောင်း သိရှိရသည်။

  China – ASEAN Sugar Expo 2023 ကို ဂျပန်နိုင်ငံ၊ တိုကျိုမြို့ရှိ Nanning International Convention and Exhibition Center ၌ ၂၀၂၃ ခုနှစ်၊ ဇွန်လ ၃၀ ရက်နေ့မှ ဇူလိုင်လ ၂ ရက်နေ့အထိ ကျင်းပပြုလုပ်မည်ဖြစ်ရာ မြန်မာနိုင်ငံမှလုပ်ငန်းရှင်များမှ ပြခန်းများ ပါဝင် ပြသရန် ဖိတ်ကြားလာပါသည်။

  ကုန်စည်ပြပွဲ ကျင်းပပြုလုပ်ခြင်းမှာ သကြားလုပ်ငန်း ဖွံ့ဖြိုးတိုးတက်လာစေရန်၊ ပြည်တွင်းနှင့် နိုင်ငံတကာရှိ သကြားလုပ်ငန်းနှင့် အခြားဆက်စပ်လုပ်ငန်းများအကြား စီးပွားရေးချိတ်ဆက်မှုကို မြှင့်တင်ပေးရန်နှင့် သကြားနှင့် ဆက်စပ်သောထုတ်ကုန်များနှင့် ကုန်ကြမ်းများ ဝယ်ယူမှုတို့ကို လွယ်ကူချောမွေ့စေရန်ဖြစ်ပါသည်။

  ပြပွဲအကျယ်အဝန်းမှာ ၃၀၀၀၀ စတုရန်းမီတာရှိပြီး ပုံမှန် ပြခန်းတစ်ခန်းလျှင် ယွမ်(၇,၀၀၀)နှင့် (၃၆) စတုရန်းမီတာနှင့်အထက်ကို တစ်စတုရန်းမီတာလျှင် ယွမ် (၇၀၀) ကျသင့်မည်ဖြစ်သည်။ အာဆီယံနိုင်ငံများအတွက် (၃)မီတာပတ်လည် ပုံမှန်ပြခန်း (၄)ခန်း (သို့မဟုတ်) (၃၆) စတုရန်းမီတာ အကျယ်အဝန်းကို အခမဲ့ထောက်ပံ့ပေးမည်ဖြစ်ပြီး လိုအပ်ပါက ပုံမှန်ပြခန်းတစ်ခန်းလျှင် ယွမ်(၂,၅၀၀) နှင့် (၃၆) စတုရန်းမီတာ အထက်ကို တစ်စတုရန်းမီတာလျှင် ယွမ် (၂၅၀) ဖြင့် ဈေးနှုန်းလျှော့ပေါ့ပေးမည်ဖြစ်ကြောင်း သိရသည်။

  အဆိုပါပြပွဲသို့ ပြည်တွင်းနှင့် နိုင်ငံတကာမှ ထင်ရှားသည့် သကြားနှင့် ဆက်စပ်လုပ်ငန်းရှင်များ ပါဝင်ပြသမည်ဖြစ်သည်။ ပြပွဲ၌ စားသုံးနိုင်သောသကြား၊ သကြားထုတ်လုပ်ခြင်းနှင့် ထုတ်ပိုးမှုဆိုင်ရာကိရိယာများအား တရုတ်၊ ဘရာဇီး၊ ထိုင်းနှင့် ရုရှားတို့ကဲ့သို့သော သကြားအဓိက ထုတ်လုပ်သည့်နိုင်ငံများမှ ပြသမည်ဖြစ်ပြီး သကြားနှင့် ဆက်စပ်သော အစားအစာများ၊ ကော်ဖီစေ့များ၊ သစ်သီးများ၊ သစ်သီးဖျော်ရည်ကုန်ကြမ်းများ၊ အုန်းရေ၊ ဟင်းရွက်ဆီများ၊ ဟင်းခတ်အမွှေးအကြိုင်များ၊ အရှေ့တောင်အာရှမှ ဆန်ကွဲနှင့် ပဲများ ကဲ့သို့သော ကုန်ကြမ်းပစ္စည်းများ ပါဝင်ပြသကြမည်ဖြစ်သည်။

  အဆိုပါပြပွဲသို့ ပါဝင်ပြသလိုသည့် စီးပွားရေးလုပ်ငန်းရှင်များအနေဖြင့် စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ မြန်မာ ကုန်သွယ်မှုမြှင့်တင်ရေးအဖွဲ့၊ ကုန်သွယ်မှုဖွံ့ဖြိုးရေးဌာနခွဲ အီးမေးလ် [email protected] ၊ ဖုန်း ၀၆၇-၄၀၈၆၂၂ ၊ ၀၆၇-၄၀၈၆၂၃ သို့ ဆက်သွယ်၍ ချိတ်ဆက်ပြသနိုင်ကြောင်း သိရှိရပါသည်။

Pages

Subscribe to ကုန်စည်ပြပွဲများ

သတင်းအချက်အလက်များ