နောက်ဆုံးရ သတင်း
နေပြည်တော်၊ စက်တင်ဘာလ ၈
စီးပွားရေးနှင့် ကူးသန်းရောင်းဝယ်ရေးဝန်ကြီးဌာန၊ စားသုံးဆီ တင်သွင်းသိုလှောင် ဖြန့်ဖြူးခြင်း လုပ်ငန်းကြီးကြပ်ရေး ကော်မတီအနေဖြင့် စားအုန်းဆီ ကမ္ဘာ့ဈေးနှုန်း ဖြစ်ပေါ် ပြောင်းလဲမှုနှင့်အညီ ပြည်တွင်း၌ ဖြစ်သင့်ဖြစ်ထိုက်သည့် ဈေးနှုန်းများ ဖြစ်ပေါ်စေရေး ထိန်းကျောင်းဆောင်ရွက်လျက်ရှိပြီး စားအုန်းဆီ အဓိကထုတ်လုပ်တင်ပို့သည့် မလေးရှားနိုင်ငံ တွင် ဖြစ်ပေါ်နေသည့် FOB ဈေးနှုန်းများကို နေ့စဉ်စောင့်ကြည့်ကာ သယ်ယူပို့ဆောင်ခ ကုန်ကျ စရိတ်များ၊ ဘဏ်စရိတ်များ၊ အခွန်အခများ ထည့်သွင်းတွက်ချက်၍ ပြည်တွင်းဈေးကွက်၌ ရောင်းဝယ်ဖောက်ကားရမည့် အခြေခံလက်ကားရည်ညွှန်းဈေးနှုန်းကို ထုတ်ပြန်ပေးလျက်ရှိပါ သည်။
ယခုအပတ်အတွင်း ကမ္ဘာ့စားအုန်းဆီ ထုတ်လုပ်တင်ပို့သည့် နိုင်ငံများတွင် ဈေးကွက် နှင့် ဈေးနှုန်းဖြစ်ပေါ်မှုများအရ၂၀၂၄ခုနှစ်၊စက်တင်ဘာလ ၉ ရက်နေ့မှ စက်တင်ဘာလ ၁၅ ရက်နေ့ အထိ ရန်ကုန်အထိုင်ဈေး အခြေခံလက်ကားရည်ညွှန်းဈေးနှုန်းမှာ စားအုန်းဆီ တစ်ပိဿာလျှင် ၆,၆၀၅ ကျပ် ဖြစ်ကြောင်း ထုတ်ပြန်ကြေညာထားပါသည်။
ထို့အပြင် ပြည်တွင်းဈေးကွက်အတွင်း ဈေးနှုန်းမြှင့်တင်ရောင်းချခြင်း၊ ဈေးကစားရန် ရည်ရွယ်ချက်ဖြင့် သိုလှောင်ခြင်း အပါအဝင် မသမာသည့် လုပ်ဆောင်မှုများ ပြုလုပ်ပါက အရေးကြီးကုန်စည်နှင့် ဝန်ဆောင်မှုဥပဒေအရ အရေးယူဆောင်ရွက်သွားမည် ဖြစ်ကြောင်း အသိပေးထုတ်ပြန်ထားသည်။
အခြေခံလက်ကားရည်ညွှန်းဈေးနှုန်းများကို စားသုံးသူရေးရာဦးစီးဌာန ၏ Website: www.doca.gov.mm၊ Facebook Page နှင့် မြန်မာနိုင်ငံ ဆီကုန်သည်နှင့် ဆီလုပ်ငန်းရှင်များ အသင်း၏ Facebook Page တွင် ဝင်ရောက်ကြည့်ရှုနိုင်ကြောင်း သိရသည်။
အမျိုးသားအဆင့် လျှပ်စစ်သုံးယာဉ်နှင့် ဆက်စပ်လုပ်ငန်းများ ဖွံ့ဖြိုးတိုးတက်ရေးဦးဆောင် ကော်မတီ၏ ခွင့်ပြုချက်ဖြင့် Myanmar Brilliance Auto Co., Ltd. မှ တင်သွင်းလာသော တရုတ်နိုင်ငံ ထုတ် KAIYI B-EV အမျိုးအစား လျှပ်စစ်သုံးမော်တော်ယာဉ်များသည် ရန်ကုန်ဆိပ်ကမ်းသို့ ရောက်ရှိလာ ပါသဖြင့် ၅-၉-၂၀၂၄ ရက်နေ့တွင် လုပ်ထုံးလုပ်နည်းနှင့်အညီ ထုတ်ယူခွင့်ပြုခဲ့ပါကြောင်း သတင်းရရှိ ပါသည်။
ပြည်ထောင်စုသမ္မတမြန်မာနိုင်ငံတော်အစိုးရ
စီးပွားရေးနှင့်ကူးသန်းရောင်းဝယ်ရေးဝန်ကြီးဌာန
ကုန်သွယ်ရေးဦးစီးဌာန
ကြော်ငြာစာအမှတ် (၁/၂၀၂၄)
လျှောက်လွှာခေါ်ယူခြင်း
၁။ စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ ကုန်သွယ်ရေးဦးစီးဌာနတွင် လစ်လပ် လျက်ရှိသော အောက်ဖော်ပြပါ အမှုထမ်းရာထူး (၆၀) နေရာအတွက် လျှောက်လွှာခေါ်ယူခြင်းဖြစ် ပါသည်-
(က) ဒုတိယဦးစီးမှူး လစ်လပ်(၆)နေရာ
စာရင်းကိုင်-၂ လစ်လပ်(၅)နေရာ
(လစာနှုန်းကျပ် ၂၁၆၀၀၀-၂၀၀၀-၂၂၆၀၀၀)
( ခ ) အငယ်တန်းစာရေး လစ်လပ်(၁၀)နေရာ
ဒုတိယလက်ထောက်ကွန်ပျူတာလုပ်ဆောင်ရေးမှူး လစ်လပ်(၉)နေရာ
(လစာနှုန်းကျပ် ၁၈၀၀၀၀-၂၀၀၀-၁၉၀၀၀၀)
( ဂ ) ဆက်သွယ်ရေး(၅) လစ်လပ်(၂၄)နေရာ
စာကူးစက်လှည့်အကူ လစ်လပ်(၃)နေရာ
(လစာနှုန်းကျပ် ၁၆၂၀၀၀-၂၀၀၀-၁၇၂၀၀၀)
(ဃ) ရုံးအကူ လစ်လပ်(၁)နေရာ
သန့်ရှင်းရေးအကူ လစ်လပ်(၂)နေရာ
(လစာနှုန်းကျပ် ၁၄၄၀၀၀-၂၀၀၀-၁၅၄၀၀၀)
၂။ အထက်ဖော်ပြပါ ရာထူးနေရာများအတွက် လျှောက်ထားသူသည် -
(က) ပြည်ထောင်စုသမ္မတမြန်မာနိုင်ငံသားဖြစ်ရမည်။
( ခ ) ဒုတိယဦးစီးမှူးရာထူးအတွက် ဝါဏိဇ္ဇဘွဲ့ (B.Com), စီးပွားရေးပညာဘွဲ့ B.Econ (Statistics, Economic), ဝိဇ္ဇာဘွဲ့ B.A (English), ဥပဒေဘွဲ့ (LLB/B.A (Law)) ဘွဲ့ရရှိသူဖြစ်ရမည်။
( ဂ ) စာရင်းကိုင်-၂ ရာထူးအတွက် ဝါဏိဇ္ဇဘွဲ့ (B.Com), စီးပွားရေးပညာဘွဲ့ B.Econ (Statistics, Economic), တက္ကသိုလ်တစ်ခုခုမှဘွဲ့ရရှိပြီး ဒီပလိုမာစာရင်းကိုင် လက်မှတ် (DA) (သို့) LCCI (Level-1/2/3) ရရှိပြီးသူဖြစ်ရမည်။
၂
(ဃ) အငယ်တန်းစာရေးနှင့် ဒုတိယလက်ထောက်ကွန်ပျူတာလုပ်ဆောင်ရေးမှူး ရာထူး အတွက် တက္ကသိုလ်တစ်ခုခုမှဘွဲ့ရရှိသူ (ကွန်ပျူတာကျွမ်းကျင်စွာအသုံးပြုနိုင်သူ) ဖြစ်ရမည်။
( င ) ဆက်သွယ်ရေး (၅) နှင့် စာကူးစက်လှည့်အကူ ရာထူးများအတွက် အခြေခံပညာ အလယ်တန်းအဆင့်ရှိရမည်။
( စ ) ရုံးအကူနှင့် သန့်ရှင်းရေးအကူရာထူးများအတွက် အခြေခံပညာမူလတန်းအဆင့် ရှိရမည်။
(ဆ) ဌာန၏ လုပ်ငန်းသဘာဝအရ အမျိုးသားများအား ဦးစားပေးရွေးချယ်မည်ဖြစ်ပါသည်။
( ဇ ) ကျန်းမာရေးကောင်းမွန်သူဖြစ်ပြီး နေရာဒေသမရွေး သွားရောက်တာဝန်ထမ်းဆောင် နိုင်သူဖြစ်ရမည်။
( ဈ ) အစိုးရဌာနတစ်ခုခု၏ ဝန်ထမ်းအဖြစ်မှထုတ်ပစ်ခြင်း (Dismissal)၊ ရာထူးမှထုတ် ပယ်ခြင်း (Removal) ခံရသူများနှင့် နုတ်ထွက်ခဲ့သူများ လျှောက်ထားခွင့်မရှိပါ။
(ည) ၂၀၂၄ ခုနှစ်၊ ဩဂုတ်လ (၃၁) ရက်တွင် အသက်(၁၈)နှစ်ပြည့်ပြီး (၂၇) နှစ်ထက် မကျော်သူဖြစ်ရမည်။ လက်ရှိဝန်ထမ်းဖြစ်ပါက အသက် (၃၀) နှစ်ထက် မကြီးသူ ဖြစ် ရမည်။
( ဋ ) အထက်ဖော်ပြပါ ရာထူးအဆင့်များအားလုံးအတွက် ဌာနတွင် အနည်းဆုံးတစ်ဆက် တည်း (၃) နှစ်ပြည့်သည်အထိ တာဝန်ထမ်းဆောင်ရန် ဝန်ခံကတိပြု လက်မှတ် ရေးထိုးရမည်။
( ဌ ) ဒုတိယဦးစီးမှူးရာထူး လျှောက်ထားသူသည် ခိုင်လုံသောအကြောင်းပြချက် တစ်စုံ တစ်ရာမရှိဘဲ (၃)နှစ်ပြည့်သည်အထိ တစ်ဆက်တည်း တာဝန်ထမ်းဆောင်ရန် ပျက်ကွက်ပါက လျော်ကြေးငွေကျပ် (၂၀) သိန်း (ကျပ်နှစ်ဆယ်သိန်းတိတိ) ကို တစ်လုံးတစ်ခဲတည်း ပေးလျော်ရမည်။
( ဍ ) အငယ်တန်းစာရေးနှင့်အဆင့်တူရာထူး လျှောက်ထားသူသည် ခိုင်လုံသောအကြောင်း ပြချက်တစ်စုံတစ်ရာ မရှိဘဲ (၃)နှစ် ပြည့်သည်အထိ တစ်ဆက်တည်း တာဝန် ထမ်းဆောင်ရန် ပျက်ကွက်ပါက လျော်ကြေးငွေကျပ် (၁၀) သိန်း (ကျပ် ဆယ်သိန်း တိတိ) ကို တစ်လုံးတစ်ခဲတည်း ပေးလျော်ရမည်။
၃
၃။ စာမေးပွဲဝင်ကြေးငွေ ၂၀၀၀/-(ကျပ်နှစ်ထောင်တိတိ)ကို နေပြည်တော်၊ မြန်မာ့စီးပွားရေး ဘဏ်ရှိငွေစာရင်းအမှတ် (MD-010022) သို့ ပေးသွင်းရမည်။ အခြားမြို့များမှ ပေးသွင်းပါက သက်ဆိုင်ရာမြို့၏ မြန်မာ့စီးပွားရေးဘဏ်မှတစ်ဆင့် ငွေလွှဲလက်မှတ်ဖြင့် နေပြည်တော် မြန်မာ့ စီးပွားရေးဘဏ် MD-010022 သို့ပေးသွင်းရပါမည်။
၄။ လျှောက်လွှာပုံစံများကို နေပြည်တော်၊ ရုံးအမှတ်(၃)၊ စီးပွားရေးနှင့်ကူးသန်းရောင်းဝယ်ရေး ဝန်ကြီးဌာန၏ website ဖြစ်သည့် www.commerce.gov.mm တွင် Download ရယူနိုင်ပါသည်။
၅။ လျှောက်လွှာပုံစံနှင့်အတူ အောက်ပါစာရွက်စာတမ်းများ ပူးတွဲပါရှိရပါမည် -
(က) ဒု-ဦးစီးမှူးနှင့် အငယ်တန်းစာရေးနှင့် အဆင့်တူရာထူးများအတွက် ပညာအရည် အချင်းအထောက်အထား ဘွဲ့လက်မှတ်/ တက္ကသိုလ်ဝင်တန်းအောင်လက်မှတ်၊ ဆက်သွယ်ရေး(၅) ၊ စာကူးစက်လှည့်အကူ၊ ရုံးအကူနှင့် သန့်ရှင်းရေးအကူ ရာထူး အတွက် ကျောင်းထောက်ခံစာ (မိတ္တူ)
( ခ ) ရက်သတ္တပတ် (၂) ပတ်အတွင်း ရိုက်ကူးထားသော ပတ်စ်ပို့အရွယ်ဓါတ်ပုံ (၃)ပုံ (နောက်ကျောတွင်အမည်နှင့် နိုင်ငံသားစိစစ်ရေးကတ်ပြားအမှတ်ရေးသားရန်)
( ဂ ) နိုင်ငံ့ဝန်ထမ်းမဟုတ်သူများအတွက် (၁) လအတွင်းရယူထားသော အကျင့်စာရိတ္တ ကောင်းမွန်ကြောင်းနှင့် ပြစ်မှုကင်းရှင်းကြောင်း သက်ဆိုင်ရာရပ်ကွက်နှင့် ရဲစခန်း ၏ ထောက်ခံချက် (မူရင်း)
(ဃ) အိမ်ထောင်စုလူဦးရေစာရင်းပုံစံ (၆၆/၆) (မိတ္တူ)
( င ) နိုင်ငံသားစိစစ်ရေးကတ်ပြား (မိတ္တူ)
( စ ) ကျန်းမာရေးကောင်းမွန်ကြောင်း (၁) လအတွင်းရယူထားသည့် သက်ဆိုင်ရာမြို့ နယ်ဆေးရုံ၏ ဆေးစစ်ချက် ထောက်ခံချက်(မူရင်း)
(ဆ) စာမေးပွဲဝင်ကြေး ပေးသွင်းပြီးသည့်ချလန်/ ငွေလွှဲပြေစာ (မူရင်း)
( ဇ ) နိုင်ငံ့ဝန်ထမ်းမဟုတ်သူများအတွက် အလုပ်သမားမှတ်ပုံတင်ကတ် (မိတ္တူ)
၆။ နိုင်ငံ့ဝန်ထမ်းများသည် မူရင်းလျှောက်လွှာတစ်စောင်ကို မိမိတာဝန်ထမ်းဆောင်သည့်ဌာန မှတစ်ဆင့် သက်ဆိုင်ရာဝန်ကြီးဌာန၊ အဖွဲ့အစည်း၏ ခွင့်ပြုစာနှင့်အတူ ဝန်ထမ်းစည်းကမ်းဆိုင်ရာ ပြစ်ဒဏ်ကျခံဆဲ ဟုတ်/ မဟုတ် ထောက်ခံချက်ပူးတွဲ၍လည်းကောင်း၊ ပြင်ပမှလျှောက်ထားသူများ အနေဖြင့် ဤဦးစီးဌာန (နေပြည်တော်) ရုံးသို့ လျှောက်လွှာကို (၁၆-၉-၂၀၂၄)ရက် (တနင်္လာနေ့) အရောက် နောက်ဆုံးထား၍ လျှောက်ထားရန်နှင့် လာရောက်လျှောက်ထားသူများသည် မိမိနှင့်သက်ဆိုင်သည့် ပညာအရည်အချင်း အထောက်အထားများ(မူရင်း) ယူဆောင်လာရန်ဖြစ်ပြီး ကုန်သွယ်ရေးဦးစီးဌာနမှ ဝန်ထမ်းများ ဝင်ရောက်ဖြေဆိုပါက အသက်ကန့်သတ်ချက်အား လျှော့ပေါ့စဉ်းစားမည်ဖြစ်ပါသည်။
၇။ ဒု-ဦးစီးမှူး၊ အငယ်တန်းစာရေးနှင့်အဆင့်တူရာထူးလျှောက်ထားသူများကို (၂၈-၉-၂၀၂၄) ရက် နံနက်(၁၀:၀၀)ချိန်တွင် ရုံးအမှတ်(၃)၊ စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ ကုန်သွယ် ရေးဦးစီးဌာန၌ အောက်ပါအတိုင်း အရည်အချင်းစစ်ဆေးခြင်း ပြုလုပ်မည်ဖြစ်ပြီး ပဏာမရွေးချယ်ခံရ သူများကို ဌာနမှ ဆက်သွယ်အကြောင်းကြားပါမည်။
စဉ် အကြောင်းအရာ နေ့ရက် အချိန်
(က) အင်္ဂလိပ်စာ(ရေးဖြေ) ၂၈-၉-၂၀၂၄ နံနက်(၁၀:၀၀ မှ ၁၁:၃၀ထိ)
( ခ ) ကွန်ပျူတာကျွမ်းကျင်မှုလက်တွေ့ ၂၈-၉-၂၀၂၄ နံနက်(၁၂:၃၀ မှ ၁၆:၀၀ထိ)
( ဂ ) အထွေထွေဗဟုသုတ(လူတွေ့) ၂၉-၉-၂၀၂၄ နံနက်(၁၀:၀၀ မှ ၁၆:၀၀ထိ)
၈။ ဆက်သွယ်ရေး(၅)၊ စာကူးစက်လှည့်အကူ၊ ရုံးအကူနှင့် သန့်ရှင်းရေးအကူ လျှောက်ထားသူများအား (၂၉-၉-၂၀၂၄) ရက် (၁၀း၀၀) မှစ၍ လူတွေ့စစ်ဆေးခြင်းများပြုလုပ်သွားမည် ဖြစ်ပါသည်။
၉။ ဖြေဆိုခွင့်ကတ်ပြားများကို (၂၇-၉-၂၀၂၄)ရက်တွင် ရုံးအမှတ်(၃)၊ ကုန်သွယ်ရေးဦးစီးဌာန၊ စီမံရေးရာဌာနခွဲ၌ နိုင်ငံသားစိစစ်ရေးကတ်ပြား(မူရင်း)နှင့်အတူ ရုံးချိန်အတွင်း ထုတ်ယူရန်ဖြစ်ပါသည်။
၁၀။ အသက်ကန့်သတ်ချက်ကျော်လွန်သူများ၊ အချက်အလက်မပြည့်စုံသောလျှောက်လွှာများ နှင့် လျှောက်လွှာပိတ်ရက်ထက် နောက်ကျ၍ ငွေသွင်းသူများအား လက်ခံစဉ်းစားမည် မဟုတ်ပါကြောင်း နှင့် အသေးစိတ်သိရှိလိုပါက ရုံးအမှတ်(၃)၊ ကုန်သွယ်ရေးဦးစီးဌာန၊ စီမံရေးရာဌာနခွဲ၊ နေပြည်တော် သို့ လူကိုယ်တိုင်ဖြစ်စေ ဖုန်းနံပါတ် ၀၆၇-၃၄၀၈၃၀၉ သို့ဖြစ်စေ ရုံးချိန်အတွင်း ဆက်သွယ်မေးမြန်း နိုင်ပါသည်။
ကုန်သွယ်ရေးဦးစီးဌာန
နေပြည်တော်၊ စက်တင်ဘာလ ၁
စီးပွားရေးနှင့် ကူးသန်းရောင်းဝယ်ရေးဝန်ကြီးဌာန၊ စားသုံးဆီ တင်သွင်းသိုလှောင် ဖြန့်ဖြူးခြင်း လုပ်ငန်းကြီးကြပ်ရေး ကော်မတီအနေဖြင့် စားအုန်းဆီ ကမ္ဘာ့ဈေးနှုန်း ဖြစ်ပေါ် ပြောင်းလဲမှုနှင့်အညီ ပြည်တွင်း၌ ဖြစ်သင့်ဖြစ်ထိုက်သည့် ဈေးနှုန်းများ ဖြစ်ပေါ်စေရေး ထိန်းကျောင်းဆောင်ရွက်လျက်ရှိပြီး စားအုန်းဆီ အဓိကထုတ်လုပ်တင်ပို့သည့် မလေးရှားနိုင်ငံ တွင် ဖြစ်ပေါ်နေသည့် FOB ဈေးနှုန်းများကို နေ့စဉ်စောင့်ကြည့်ကာ သယ်ယူပို့ဆောင်ခ ကုန်ကျ စရိတ်များ၊ ဘဏ်စရိတ်များ၊ အခွန်အခများ ထည့်သွင်းတွက်ချက်၍ ပြည်တွင်းဈေးကွက်၌ ရောင်းဝယ်ဖောက်ကားရမည့် အခြေခံလက်ကားရည်ညွှန်းဈေးနှုန်းကို ထုတ်ပြန်ပေးလျက်ရှိပါ သည်။
ယခုအပတ်အတွင်း ကမ္ဘာ့စားအုန်းဆီ ထုတ်လုပ်တင်ပို့သည့် နိုင်ငံများတွင် ဈေးကွက် နှင့် ဈေးနှုန်းဖြစ်ပေါ်မှုများအရ၂၀၂၄ခုနှစ်၊ စက်တင်ဘာလ ၂ ရက်နေ့မှ စက်တင်ဘာလ ၈ ရက်နေ့ အထိ ရန်ကုန်အထိုင်ဈေး အခြေခံလက်ကားရည်ညွှန်းဈေးနှုန်းမှာ စားအုန်းဆီ တစ်ပိဿာလျှင် ၆,၄၉၀ ကျပ် ဖြစ်ကြောင်း ထုတ်ပြန်ကြေညာထားပါသည်။
ထို့အပြင် ပြည်တွင်းဈေးကွက်အတွင်း ဈေးနှုန်းမြှင့်တင်ရောင်းချခြင်း၊ ဈေးကစားရန် ရည်ရွယ်ချက်ဖြင့် သိုလှောင်ခြင်း အပါအဝင် မသမာသည့် လုပ်ဆောင်မှုများ ပြုလုပ်ပါက အရေးကြီးကုန်စည်နှင့် ဝန်ဆောင်မှုဥပဒေအရ အရေးယူဆောင်ရွက်သွားမည် ဖြစ်ကြောင်း အသိပေးထုတ်ပြန်ထားသည်။
အခြေခံလက်ကားရည်ညွှန်းဈေးနှုန်းများကို စားသုံးသူရေးရာဦးစီးဌာန ၏ Website: www.doca.gov.mm၊ Facebook Page နှင့် မြန်မာနိုင်ငံ ဆီကုန်သည်နှင့် ဆီလုပ်ငန်းရှင်များ အသင်း၏ Facebook Page တွင် ဝင်ရောက်ကြည့်ရှုနိုင်ကြောင်း သိရသည်။
အမျိုးသားအဆင့် လျှပ်စစ်သုံးယာဉ်နှင့် ဆက်စပ်လုပ်ငန်းများ ဖွံ့ဖြိုးတိုးတက်ရေးဦးဆောင် ကော်မတီ၏ ခွင့်ပြုချက်ဖြင့် N.P.K Motors Co., Ltd. မှ တင်သွင်းလာသော တရုတ်နိုင်ငံထုတ် MG Rising R7 (Standard) နှင့် MG Rising F7 (Luxury) အမျိုးအစား လျှပ်စစ်သုံးမော်တော်ယာဉ်များသည် ရန်ကုန်ဆိပ်ကမ်းသို့ ရောက်ရှိလာပါသဖြင့် (၂၉-၈-၂၀၂၄) ရက်နေ့တွင် လုပ်ထုံးလုပ်နည်းနှင့်အညီ ထုတ်ယူခွင့်ပြုခဲ့ပါကြောင်း သတင်းရရှိပါသည်။
Pages
