ဆောင်းပါးများ

ဒေသဆိုင်ရာအညွှန်း သိကောင်းစရာများ (၁) (Geographical Indications, GI)

Wed, 02/22/2023 - 04:21 -- ipICTdep
Myanmar

         ဒေသဆိုင်ရာအညွှန်း (GI) ဆိုသည်မှာ မူရင်းဒေသကို အထူးဖော်ညွှန်းပြီး၊ အရည်အသွေး၊ ထင်ပေါ်ကျော်ကြားမှု (သို့မဟုတ်) အခြားထူးခြားသော ဝိသေသလက္ခဏာများပါရှိ၍ ကုန်ပစ္စည်း ထွက်ရှိရာနိုင်ငံ၊ နယ်မြေဒေသမှ မူလကတည်းက ထွက်ရှိသော ကုန်ပစ္စည်းဖြစ်ကြောင်း ညွှန်းပြချက် တစ်ခုခုဖြစ်ပါသည်။ တစ်နည်းအားဖြင့် အရည်အသွေးမြင့်မားနေသော ကုန်ပစ္စည်းတစ်ခုသည် ထွက်ရှိရာ မူရင်းဒေသ၏ အမည်ဖြင့်တွဲလျက်  ထင်ပေါ်ကျော်ကြားနေသော ထုတ်ကုန်တစ်ခုဖြစ်နေလျှင် အဆိုပါကုန်ပစ္စည်းကို ဒေသဆိုင်ရာအညွှန်းဟု ခေါ်ဆိုအသုံးပြုနိုင်မည်ဖြစ်ပြီး၊ မူရင်းဒေသ တစ်ခုမှ စတင်ထွက်ရှိသော ထွက်ကုန်တစ်ခုအဖြစ် သတ်မှတ်ဖော်ပြသည့် အမှတ်အသားဖြစ်ပါသည်။

      မြန်မာနိုင်ငံသည် စိုက်ပျိုးရေးကို အခြေခံသည့်နိုင်ငံဖြစ်ပြီး  မြေပေါ်မြေအောက် သဘာဝသယံဇာတများ ပေါကြွယ်ဝသည့်အပြင် ဒေသထွက်ကုန်များစွာနှင့် လက်ရာမြောက်သော မြန်မာ့ယဉ်ကျေးမှု လက်မှုအနုပညာပစ္စည်းများဖြင့် ထင်ရှားသောနိုင်ငံဖြစ်ပါသည်။ မြန်မာနိုင်ငံတွင် မူရင်း ထွက်ရှိရာဒေသ၏ အမည်နှင့်တွဲလျက် နာမည်ကျော်လူကြိုက်များ၍ အရည်အသွေး မြင့်မားသော ကုန်ပစ္စည်းများဖြစ်သည့်  ရွှေဘိုပေါ်ဆန်း၊ ပုသိမ်ပေါ်ဆန်း၊ ရွာငံကော်ဖီ၊ ပုဂံယွန်းထည်၊ ပုသိမ်ထီး၊ မိုးကုတ်လက်ဖက်၊ ပျဉ်းမနားမျှစ်ချဉ် စသည့် ဒေသထွက်ကုန်များစွာရှိပါသည်။

    ဒေသတစ်ခုမှထွက်သော ကုန်ပစ္စည်းတစ်ခုသည် အရည်အသွေးကောင်းမွန်၍ ထင်ပေါ် ကျော်ကြားလာသောအခါတွင် လူအများ၏ ကြိုက်နှစ်သက်မှုကိုရရှိလာပြီး  ရောင်းဝယ်ဖောက်ကားမှုတွင် အောင်မြင်မှုများ ရရှိလာပါသည်။ ထိုကဲ့သို့ အောင်မြင်လာခြင်းအပေါ် အသုံးပြု၍ ထိုဒေသမှ ထွက်သောကုန်ပစ္စည်းများအဖြစ်သော်လည်းကောင်း၊ ဆင်တူယိုးမှား ပြုလုပ်၍သော်လည်းကောင်း တုပပြီးအသုံးပြုလာကြကာ စားသုံးသူများကို ထင်ယောင်ထင်မှားဖြစ်စေရန် ပြုလုပ်ကြသည်ကို တွေ့မြင်ကြရမည်ဖြစ်ပါသည်။

     သုံးစွဲသူများအနေဖြင့်လည်း အရည်အသွေးကောင်းမွန်သည့် ကုန်ပစ္စည်းအစစ်အမှန်ကို ရွေးချယ်ရရှိနိုင်ရန် မလွယ်ကူတော့ပေ။  ထုတ်လုပ်သူများသာမက စားသုံးသူများအတွက်ပါ နစ်နာမှုများ ဖြစ်ပေါ်လာစေ၍ ဒေသဆိုင်ရာအညွှန်းထွက်ကုန်များကို အကာအကွယ်ပေးနိုင်ရေးသည် နိုင်ငံတော်၏ အဓိကလိုအပ်ချက်တစ်ခု ဖြစ်သောကြောင့် စီးပွားရေးနှင့်ကူးသန်းရောင်းဝယ်ရေး ဝန်ကြီးဌာန၊ မူပိုင်ခွင့်ဦးစီးဌာနအနေဖြင့် ဒေသဆိုင်ရာအညွှန်း မူပိုင်ခွင့်အကာအကွယ်ပေးမည့် ဥပဒေပြဋ္ဌာန်းချက်များ ပါဝင်သည့် ကုန်အမှတ်တံဆိပ်မူပိုင်ခွင့်ဥပဒေကို ၂၀၁၉ ခုနှစ်တွင် ရေးဆွဲ ပြဋ္ဌာန်းနိုင်ခဲ့ပြီး၊ ဒေသဆိုင်ရာအညွှန်း နည်းဥပဒေ(မူကြမ်း)ကို ရေးဆွဲလျက်ရှိပါကြောင်း တင်ပြလိုက်ရပါသည်။                                                             

                                                                                                                                                                                                                                                                             

                                                                                                                                                                                                                                                                                           ဒေါက်တာအေးအေးမော်

                                                                                                                                                                                                                                                                                           ညွှန်ကြားရေးမှူး

                                                                                                                                                                                                                                                                                           နိုင်ငံတကာနှင့်လူထုဆက်ဆံရေးဌာနခွဲ

                                                                                                                                                                                                                                                                                           မူပိုင်ခွင့်ဦးစီးဌာန

                         

 

                                                                                                                                                                                                                                

 

 

 

Latest News: 
Latest New တင္ရန္

စီးပွားရေးစနစ်ဖွံ့ဖြိုးရန် လွတ်လပ်သောဈေးကွက်စနစ်ကိုအခြေခံ

Tue, 01/10/2023 - 04:18 -- admin_ygn
Undefined

ဗဟိုကချုပ်ကိုင်သော စီးပွားရေးစနစ်ကျင့်သုံးခဲ့ပြီး နိုင်ငံ့စီးပွားရေးချွတ်ခြုံကျခဲ့သည့်ကာလများအလွန်၁၉၉၀ပြည့်နှစ်နောက်ပိုင်း မြန်မာ့စီးပွားရေးအဆောက်အအုံအတွင်း ဈေးကွက်(Market) ဟူသောစကားလုံး ရောက်ရှိလာခဲ့သည်။ Market-oriente d system၊ market Economy၊ Market Economic Systemစသဖြင့်ဈေးကွက်စနစ်အခေါ်အဝေါ်များကို နေရာတကာတွင် ကြားသိမြင်တွေ့ခဲ့ကြရပါသည်။ယခုတော့ ဈေးကွက်ဝေါဟာရသည် လူတိုင်းနှင့်ရင်းနှီးနေခဲ့ပြီဖြစ်သည်။ ဈေးကွက်စီးပွားရေး စနစ်ထဲလူတိုင်းကျင်လည်လျက်စနစ်၏အကောင်းအဆိုးများကိုမျက်ဝါးထင်ထင်တွေ့မြင်ရင်ဆိုင်နေကြရပြီလည်းဖြစ်သည်။ဈေးကွက်စနစ်တွင်ဝယ်လိုအားနှင့်ရောင်းလိုအားအင်အားနှစ်ရပ်သည်လွန်စွာအရေးကြီး၏။ထိုအင်အားစုနှစ်ရပ်၏အခြေအနေ ပေါ်မူတည်၍ဈေးကွက်သည်လှုပ်ရှားပြောင်းလဲရသည်။မည်သည့်အဖွဲ့အစည်း၊လူပုဂ္ဂိုလ်၏ထိန်းချုပ်မှုမှမရှိဘဲဈေးကွက်အင်အားစုများလွတ်လပ်စွာလှုပ်ရှားခွင့်ရသောကြောင့်လွတ်လပ်သောဈေးကွက်စီးပွားရေးစနစ်(Free Market Econo mic System)ဟုလည်းဆိုရမည်ဖြစ်သည်။လွတ်လပ်သောလှုပ်ရှားမှုကိုပိုမိုသဘောကျနှစ် သက်လာကြသည့် ယနေ့ကမ္ဘာ့နိုင်ငံအများစုသည် ဈေးကွက်အခြေခံသောစီးပွားရေးစနစ်ကို၎င်းတို့နိုင်ငံ၊၎င်းတို့လူအဖွဲ့အစည်းအခြေအနေများနှင့် လိုက်လျောညီ ထွေ စွာပုံစံ အမျိုးမျိုးဖြင့်ကျင့်သုံးနေကြသည်။ဈေးကွက်စီးပွားရေး စနစ်ကျင့်သုံးမှုဖြင့် စီးပွားရေးဖွံ့ဖြိုးမှုအခြေအနေမြင့်၊ဂုဏ်တင့်လာသောနိုင်ငံများအများအပြားပေါ်ထွက်လာခဲ့သော ကြောင့်နိုင်ငံအတော်များများသည်လည်းအဆိုပါနိုင်ငံများကို အတု ယူလျက်ဈေးကွက်စနစ်လမ်းကြောင်းကိုလျှောက်လှမ်းလာခဲ့ကြခြင်းဖြစ်သည်လက်တွေ့အခြေအနေများအရဈေးကွက်စီးပွားရေးစနစ်သည်နိုင်ငံတစ်နိုင်ငံ၏စီးပွားရေးဖွံ့ဖြိုးတိုးတက်မှုအတွက်အထောက်အပံ့ဖြစ်စေသည်မှာငြင်းခုံစရာမလိုသည့်အကြောင်း ကိစ္စဖြစ်သည်။ဈေးကွက်စီးပွားရေးစနစ်ပီပြင်မှု၊ထိရောက်မှု၊စွမ်းဆောင်ရည်ရှိမှုအခြေအနေများဖြစ်၊မဖြစ်အခြေခံစုံပေတံသုံးချောင်းဖြင့်တိုင်းတာတတ်ကြသည်။ထိုစံပေတံများမှာစီးပွားရေးစနစ်အတွင်းရှိနယ်ပယ်ကဏ္ဍစုံ၌စွမ်းဆောင်ရည် မြင့်မား လာ မှု၊ဆွဲဆောင်မှုမက်လုံးများဖန်တီးလာနိုင်မှုနှင့်လွတ်လပ်စွာလှုပ်ရှား လုပ်ကိုင်ဆောင်ရွက်နိုင်မှုတို့ဖြစ်သည်။လုပ်ငန်းများစွမ်းဆောင် ရည်မြင့်မားလာမှုဆိုသည်မှာ စီးပွားရေးအဆောက်အအုံ အတွင်းရှိလုပ်ငန်းများအကြား အပြိုင်အဆိုင် လုပ်ကို နိုင်သည့် အခွင့်အရေးများရှိလာသောကြောင့် စီမံခန့်ခွဲမှု၊ထုတ်လုပ်မှု၊ဈေးကွက်ရှာဖွေမှု စသဖြင့်စီးပွားရေးလုပ်ငန်းဆိုင်ရာကျွမ်းကျင်မှုနှင့်စွမ်းဆောင်ရည်ပိုမိုမြင့်လာခြင်း၊ရလဒ်အပိုင်းတွင်အရည်အသွေးမြင့်မား၍ဈေးနှုန်းသက်သာသော ကုန်ပစ္စည်းနှင့် ဝန် ဆောင်မှုများကိုထုတ်လုပ်လာနိုင်ခြင်းစသည့်အခြေအနေတို့ကိုဆိုလိုသည်။ထိုအခြေအနေများသည်တီထွင်ကြံဆမှုများကိုလည်း ဖြစ်ထွန်းစေနိုင်သဖြင့်နည်းပညာတိုးတက်မှုကိုပါတွန်းအားပေးသကဲ့သို့ရှိသည်။ဆွဲဆောင်မှုမက်လုံးများ ဖန်တီးနိုင်မှု ဆို သည်မှာထုတ်လုပ်ရောင်းချသူနှင့်ဝယ်ယူစားသုံးသူအင်အားစုနှစ်ဖက်စလုံးအတွက်ဆွဲဆောင်မှုများပြားလာစေခြင်းဖြစ်သည်။ဈေးကွက်အတွင်းရှိများပြားလှသောဝယ်ယူစားသုံးသူများ၏လိုအ်င်န္ဒများစွာကထုတ်လုပ်ရောင်းချသူများကိုကုန်ပစ္စည်း အသ စ်အဆန်းများ ထုတ်လုပ်လာစေရနဆွဲဆောင်နေသကဲ့သို့ဈေးကွက်အတွင်း တီထွင်ကြံဆထုတ်လုပ်ထားသောများပြားလှသည့်ကုန်ပစ္စည်း အသစ်အဆန်း များကလည်း ဝယ်ယူစားသုံးသူများကို ဆွဲဆောင် နိုင်သည့်အခြေအနေဖြစ် လာသည်။ထို့ကြောင့် စွမ်းဆောင်ရည်ရှိသောဈေးကွက်စီးပွားရေးစနစ်သည်ထုတ်လုပ်သူများအတွက်လည်းကောင်း၊စားသုံးသူများအတွက်လည်းကောင်း ဆွဲဆောင်မှုမက်လုံးများဖန်တီးနိုင်သည့်အခြေခံအကြောင်းရင်းများတည်ရှိရာ ဖြစ်နေသည်။လွတ်လပ်စွာလှုပ်ရှား၊ လုပ် ကိုင်၊ဆောင်ရွက်နိုင်မှုသည်လည်းဈေးကွက်စနစ်ကိုကျင့်သုံးမှုတွင် အရေးပါသောအချက်တစ်ချက်ဖြစ်သည်။အမှန်တကယ်လွတ်လပ်စွာလှုပ်ရှားလုပ်ကိုင်ဆောင်ရွက်နိုင်မှသာဈေးကွက်အင်အားစုနှစ်ဖက်စလုံး သည်စွမ်းရည်ပြည့် လှုပ်ရှားနိုင်စွမ်းရှိ လာ မည်ဖြစ်ပြီးဈေးကွက်ယန္တရားသည်လည်းစွမ်းဆောင်ရည်ရှိစွာလည်ပတ်နိုင်မည်ဖြစ်သည်။ထို့ကြောင့်ဈေးကွက်စနစ်ကိုကျင့်သုံးသောစီးပွားရေးအဆောက်အအုံအတွင်းရှိစီးပွားရေးလုပ်ငန်းကြီး၊လတ်၊ငယ်အားလုံးတရားမျှတမှုရှိသောဝန်းကျင်တွင် လွတ် လပ်စွာထုတ်လုပ်ရောင်းဝယ်ဖောက်ကားနိုင်စွမ်းရှိရေးအတွက်ပံ့ပိုးကူညီဆောင်ရွက်ပေးရန်လိုအပ်သည်။ထိုအခြေအနေဖြစ်ပေါ်စေရန်တရားဥပဒေစိုးမိုးမှုရှိခြင်းသည်သော့ချက်ကျသောအကြောင်းတရားဖြစ်သည်ကိုလည်း သဘောပေါက်ရန် လို သည်။ဈေးကွက်အတွင်းပါဝင်လှုပ်ရှားနေသူများကိုမည်သူတစ်ဦးတစ်ယောက်ကမျှမည်သည့် အဖွဲ့အစည်းကမျှလမ်းညွှန်ထိန်းကျောင်းပေးစရာမလိုပေ။ဈေးကွက်အင်အားစုများလွတ်လပ်စွာ လှုပ်ရှားခွင့်ရှိလေလေ၊ဈေးကွက်စနစ်သည်ပီပြင်လေလေ ဖြစ်ပါသည်။ဈေးကွက်အနေအထားမူမမှန်ချိန်မှလွဲ၍(အကြောင်းအမျိုးမျိုးကြောင့်ဈေးကွက်မတည်ငြိမ်မှု ဖြစ်နေချိန်လွဲ၍ဈေးကွက်ယန္တရားလည်ပတ်မှုကို ဝင်ရောက်စွက်ဖက်ခြင်းမပြုသင့်ပေ။ဈေးကွက် ယန္တရားလည်ပတ်မှု လွယ်ကူချောမွေ့စေ ရေး အတွက်သာဖြည့်ဆည်းပံ့ပိုးပေးရန် တာဝန်ရှိပေမည်။ဈေးကွက် စနစ်ထဲရှိ စီးပွားရေးလုပ်ဆောင်ချက် မှန်သမျှသည်ဈေးကွက်အင်အားစုနှစ်ရပ်ပြဋ္ဌာန်း ပေးသောအချက်ပြဈေးနှုန်းပေါ်မူတည်၍ လှုပ်ရှားပြောင်းလဲနေသည် ဖြစ်ရာဈေးကွက်သည် အချိန် တိုင်းတွင်ရောင်းလိုအားနှင့်ယ်လိုအားအင်အားစုနှစ်ခုတို့၏သဘောအတိုင်းသာဖြစ်နေလိမ့်မည်။ဈေးကွက်အလေ့အထများကိုထိထိရောက်ရောက်၊ပီပီပြင်ပြင်ကျင့်သုံးနိုင်ရေးအတွက်အသိပညာပေးခြင်း၊လိုအပ်သောအင်စတီကျူးရှင်းများထူထောင် ပေး ခြင်း၊အခြားသောလိုအပ်ချက်တို့ကိုဖြည့်ဆည်းပေးခြင်းတို့ကိုလုပ်ဆောင်ပေးကြရသည်။အကယ်၍အကြောင်းအမျိုးမျိုးကြောင့်ဈေးကွက်ယန္တရားလည်ပတ်မှုကိုထိခိုက်စေသောအခြေအနေများဖြစ်ပေါ်လာပါက ဈေးကွက်ပြန်လည်လည်ပတ်မှုချောမွေ့ စေရေးပြန်လည်ထိန်းကျောင်းပေးကြရသည်။စီးပွားရေးအင်အားနည်းသောဖွံ့ဖြိုးဆဲနိုင်ငံများအနေဖြင့်ဈေးကွက်စီးပွားရေးစနစ်ကျင့်သုံးရာ၌စီးပွားရေးအဆောက်အအုံအတွင်းရှိကဏ္ဍအလိုက်အခြေအနေများနှင့်အလိုက်သင့်ဖြစ်စေရေးသတိထား ကျင့် သုံးသင့်သည်ဟုဆိုကြသည်။ဈေးကွက်စီးပွားရေးစနစ်ကျင့်သုံးနေသည့်တိုင်အများပြည်သူနှင့်သက်ဆိုင်သည့်ပြည်သူ့ရေးရာဝန်ဆောင်မှုနယ်ပယ်များ၌နိုင်ငံတော်မပါဝင် ဆောင်ရွက်သည့်ကဏ္ဍများလည်းရှိသည်။အခြေခံပညာရေး၊အခြေခံ ကျန်းမာရေး၊တရားဥပဒေစိုးမိုးရေးကဲ့သို့ အရေးကြီးသည့်ပြည်သူ့ဝန်ဆောင်မှုဖြည့်ဆည်းပေးခြင်းများကိုများသောအားဖြင့်ဈေးကွက်ထဲတွင်ခွင့်ပြုပေးထားခြင်းမရှိပေ။နိုင်ငံသားအားလုံးအတွက်အရေးကြီသောပြည်သူ့ဝန်ဆောင်မှုများကိုကျယ်ကျယ်ပြန့်ပြန့် ဖြည့် ဆည်းပေးရမည့်အခြေအနေတွင်ကိုယ်တိုင်ပါဝင်လုပ်ဆောင်နိုင်ရေးအတွက်ပြင်ဆင်ထားရန်လိုအပ်ပေသည်။ယနေ့ကမ္ဘာပေါ်တွင်လုံးဝလွတ်လပ်သောဈေးကွက်စနစ်မျိုးကိုကျင့်သုံးနေသည့်နိုင်ငံဟူ၍မရှိပေ။ရောစပ်စီးပွားရေးစနစ်(Mixed Economic system) ဟုခေါ်သည့်နိုင်ငံတော်ကပတ်သက်မှုတစ်စိတ်တစ်ပိုင်းပါဝင်သည့်ဈေးကွက်စနစ်မျိုးကျင့်သုံးနေကြသည်ကိုတွေ့ရလိမ့်မည်။ထို့ကြောင့်စီးပွားရေးစနစ်ကျင့်သုံးမှုတွင်အစိုးရနှင်ဈေး ကွက် ယန္တရားတို့သည် အဝေးဆုံးနေရာတစ်နေရာစီ၌တသီး တခြားတည်ရှိနေကြသည်မဟုတ်ဘဲမနီးမဝေး အခြေအနေတစ်ရပ်တွင်အတူတည် ရှိနေသည်ဟုမှတ်ယူရမည်ဖြစ်ကြောင်းရေးသားလိုက်ရပါသည်။  

ငြိမ်းဝေနှင်း (ရန်ကုန်စားသုံး)

Latest News: 

မြန်မာ့လယ်ယာထွက်ကုန်များ အရည်အသွေးပြည့်မီရန်လိုအပ်ထုတ်လုပ်မှု လုပ်ငန်းစဉ်များ၏ အရည်အသွေးလည်း မြှင့်တင်ရမည်

Thu, 01/05/2023 - 08:48 -- admin_ygn
Undefined

မြန်မာနိုင်ငံသည် ပြည်ပသို့ မြန်မာ့လယ်ယာထွက်ကုန်ပစ္စည်းများဖြစ်သည့် ဆန်နှင့်ဆန်ထွက်ပစ္စည်း၊ ပဲမျိုးစုံ၊ ရော်ဘာ၊ ရေထွက်ကုန်နှင့် သစ်တောထွက်ကုန်များကိုတင်ပို့လျက်ရှိသည်။ ထိုသို့ ပြည်ပသို့ ကုန်စည်များကို တင်ပို့ရာတွင် နှစ်ဦးနှစ်ဖက် သဘောတူချုပ်ဆိုကြသည့် အရောင်းအဝယ်စာချုပ် သတ်မှတ်အရည်အသွေးများနှင့်ကိုက်ညီမှုရှိအောင်ထုတ်လုပ်ပြီး ပြည်ပသို့ တင်ပို့သည်။ပြည်ပသို့တင်ပို့ရာတွင်လည်း ပင်လယ်ရေကြောင်းကုန်သွယ်မှု(Overseas) နှင့် နယ်စပ်ကုန်သွယ်မှု(Border Trade)တို့ဖြင့်တင်ပို့နေသည်။ကုန်ဝယ်ဖက်နိုင်ငံ ကုန်ဝယ်သူနှင့် ချုပ်ဆိုထားသည့် စာချုပ်ပါလိုအပ် ချက်များနှင့်ကိုက်ညီခြင်း ရှိ၊မရှိသင်္ဘောမတင်မီ စစ်ဆေးခြင်းကို စစ်ဆေးရေးအဖွဲ့များ (Inspection Team)ကကုန်ဝယ်သူနှင့်ကုန်ရောင်းသူကြား တတိယအဖွဲ့အစည်းအနေဖြင့် စစ်ဆေးပြီးသင်္ဘောမတင်မီ စစ်ဆေးချက်အစီရင်ခံစာ(Pre-shipment Inspection Report -PSI)များနှင့် တစ်ဖက် ကုန်ဝယ်ဖက်နိုင်ငံသို့ တင်ပို့သည်။စီးပွားရေးနှင့် ကူးသန်းရောင်းဝယ်ရေးဝန်ကြီးဌာနမှ ရာခိုင်နှုန်းပြည့် ပိုင်ဆိုင်သော မြန်မာကုန်ပစ္စည်းစစ်ဆေးရေးနှင့် စမ်းသပ်မှုလုပ်ငန်းလီမိတက် (Myanmar Inspection and Testing Services Ltd. - MITS ) သည် ရောင်းသူ၊ ဝယ်သူ နှစ်ဖက်အကြား တတိယ အဖွဲ့အစည်း(3rd Party)အဖြစ်ကုန်ပစ္စည်းအမယ်၏ အရည်အသွေးအား စစ်ဆေးခြင်းလုပ်ငန်းကို မြန်မာ့စံ (Myanmar Standard)ကို ကိုးကားပြီး ဆောင်ရွက်ပေးနေပြီး အချို့ကုန်ဝယ်ဖက်နိုင်ငံများ၏ လိုအပ်ချက်အရ ထုတ်လုပ်မှုလုပ်ငန်းအဆင့် (Processor Level) များကို စစ်ဆေးပေးနေသည်။မြန်မာကုန်ပစ္စည်း စစ်ဆေးရေးနှင့် စမ်းသပ်မှုလုပ်ငန်းလီမိတက်(MITS)အနေဖြင့် ထုတ်လုပ်မှုလုပ်ငန်းစဉ်အဆင့်(Processor Level) စစ်ဆေးပေးသည့် လုပ်ငန်းများမှာ ဥရောပသမဂ္ဂနိုင်ငံများသို့ ပဲပင်ပေါက်ဖောက်ရန်တင်ပို့သည့် ပဲတီစိမ်းသန့်စင်စက်ရုံနှင့်သိုလှောင်ရုံများ၊ တရုတ်ပြည်သူ့ သမ္မတ နိုင်ငံသို့ ဆန်တင်ပို့ခွင့်ရရှိရေး ကြိတ်ခွဲထုတ်လုပ်သည့်ဆန်စက်နှင့် သိုလှောင်ရုံများ၊ ပြောင်းဖူးစေ့အခြောက်ခံစက်နှင့်သိုလှောင်ရုံများအား ကုန်ဝယ်ဖက်နိုင်ငံများ၏ သတ်မှတ်ချက်များနှင့်ညီညွတ်မှုရှိ၊ မရှိစစ်ဆေးခြင်းနှင့် နိုင်ငံတော်အရန်ဆန်ဌာန ရိက္ခာဆန်များ၊ အစိုးရအချင်းချင်း လှူဒါန်းမည့် ဆန် များ၏ သတ်မှတ်အရည်အသွေး၊ အလေးချိန်၊ အရေအတွက်တို့နှင့် ကိုက်ညီမှု ရှိ၊မရှိ စစ်ဆေးလျက်ရှိသည်။ထို့ပြင် ကုန်ပစ္စည်းများ၏အခြေအနေ (ပျက်စီးမှု၊ ကွဲလွဲမှု၊ လျော့နည်းမှု)များ၊ အရောင်းအဝယ်စာချုပ်အရ သက်တမ်းကုန်၍ ပြန်လည်ပြုပြင်ရန် ပြည်ပသို့ ပြန်လည်တင်ပို့သည့်ပစ္စည်းများ၊ Drawback၊ စံချိန်စံညွှန်းပြန်လည်စမ်းသပ်မှု(Calibration)  စမ်းသပ်ရန် (Calibration) ပြုလုပ်ရန်၊ လုပ်ငန်းတွင် အသုံးပြုပြီး ပင်ရင်းနိုင်ငံသို့ ပြန်လည်ပေးပို့ရမည့် ကုန်ပစ္စည်းများ၊ မြန်မာနိုင်ငံရင်းနှီးမြှုပ်နှံမှုကော်မရှင် ခွင့်ပြုချက်ဖြင့် တင်သွင်းလာသည့် လယ်ယာထွက်ကုန်များအနေဖြင့် သွင်းကုန်လိုင်စင်တွင် ကြေညာထားသည့် အမယ်များနှင့် ကိုက်ညီမှု ရှိ၊မရှိ စစ်ဆေးဆောင်ရွက်ခြင်းနှင့် တိရစ္ဆာန်နှင့် တိရစ္ဆာန်အစားအစာများအား လိုင်စင်လျှောက်ထားနိုင်ရေး စစ်ဆေးတွေ့ရှိမှု ထောက်ခံချက်များ ထုတ်ပေးလျက်ရှိသည်။ယခုအခါ ကုန်ဝယ်ဖက်နိုင်ငံများအနေဖြင့် ကုန်ပစ္စည်း၏ အရည်အသွေးကို သာမက ထုတ်လုပ်သည့် လုပ်ငန်းစဉ်အဆင့်များကိုပါ စိစစ်မှုများပြုလုပ်လျက်ရှိရာ ယခု ဆောင်းပါး တွင် ပို့ကုန်အမယ်များ ကြိတ်ခွဲထုတ်လုပ် သန့်စင်သည့်စက်ရုံ၊ သိုလှောင်ရုံ အခြေအနေများကို တစ်ဖက်နိုင်ငံ၏ သတ်မှတ်ချက်များ၊ မှတ်ကျောက်များ (Criteria)နှင့် ညီညွတ်မှု ရှိ၊ မရှိ စစ်ဆေးရသည့်အပိုင်းများကို ဖော်ပြအသိပေးသွားမည်ဖြစ်သည်။ ဥရောပသမဂ္ဂနိုင်ငံများသို့ ပဲပင်ပေါက် ဖောက်ရန် မြန်မာ့ပဲများတင်ပို့နိုင်ရေးအတွက် ၂၀၁၄ ခုနှစ်ကစတင်ပြီး စီမံကိန်းများ အကောင်အထည်ဖော်ဆောင်ရွက်ခဲ့သည်။ ဥရောပသမဂ္ဂနိုင်ငံများသို့ အိမ်နီးချင်းနိုင်ငံများမှ ပဲများ တင်ပို့နေသော်လည်း မြန်မာ့ပဲများကိုသာ ကြိုက်နှစ်သက်မှုရှိကြောင်း သိရသည်။ဥရောပသမဂ္ဂနိုင်ငံများ၏ အစားအစာ ဘေးကင်းလုံခြုံမှုဆိုင်ရာ စည်းမျဉ်းစည်းကမ်းနှင့်အညီ စဉ်ဆက်မပြတ် ဆောင်ရွက်နိုင်ရေးအတွက် စိုက်ပျိုးသည့် တောင်သူအဆင့်၊ စုဆောင်းသည့် အဝယ်တော်အဆင့် (Collector Level) နှင့် လုပ်ငန်းစဉ်ဆောင်ရွက်သည့် စက်ရုံလုပ်ငန်း (Processor Level) အဆင့်တိုင်းမှာဥရောပသမဂ္ဂကလည်းကောင်း၊ GIZ တို့ကလည်းကောင်း သင်တန်းများပို့ချပေးခဲ့ပြီး မြန်မာပဲတီစိမ်းတင်ပို့ရန် ဆောင်ရွက်မှုနှင့်ပတ်သက်ပြီးဝယ်လက်၏ ကျေနပ်မှုကို လက်ခံရရှိနေပြီဖြစ်သည်။ သတ်မှတ်ချက်မြင့်မားသည့် ဥရောပသမဂ္ဂနိုင်ငံများမှ မြန်မာ့ပဲကို တရားဝင် ဝယ်ယူနေ သည့် အတွက် ဈေးကွက်ပေါက်ဈေးနှုန်းကို ရရှိသည့်အပြင် အခြားနိုင်ငံများသို့လည်း ဈေးကွက်ထိုးဖောက်ရန် လွယ်ကူမှုရှိလာစေသည်။အဆင့်မြင့်ဈေးကွက်သို့ တရားဝင် ထိုးဖောက်နိုင်သည့် ထုတ်ကုန်ဖြစ်ရန်နှင့် ဈေးကွက်ချဲ့ထွင်နိုင်ရေးအတွက် မြန်မာပဲများတင်ပို့ရေး လုပ်ငန်းကြီးကြပ် ရေးအဖွဲ့ အား ဖွဲ့စည်းတာဝန်ပေးအပ်ပြီး ဆောင်ရွက်နေသည်။ဥရောပသမဂ္ဂနိုင်ငံများသို့ ပဲတင်ပို့မှုကို လုပ်ဆောင်နေသည်မှာ ရှစ်နှစ်မြောက်သို့ ရောက်ရှိလာပြီဖြစ်သည် ၂၀၁၄ ခုနှစ်မှစတင်ပြီး ၂၀၂၂ ခုနှစ်ထိ ဆောင်ရွက်ခဲ့ရာ အခက်အခဲမရှိခဲ့သလို ဝယ်ယူသူဘက်ကလည်း တစ်စုံတစ်ရာ ပြန်ကြားလာခြင်း မရှိဘဲ အဆင်ပြေလျက်ရှိပြီး သက်ဆိုင်ရာဌာနများအနေနှင့် စစ်ဆေးချက်လက်မှတ်ထုတ်ပေးရာတွင်လည်း သတ်မှတ်ထားသည့် လုပ်ထုံးလုပ်နည်းများနှင့်အညီ ဆောင်ရွက်လျက်ရှိသည်။ဥရောပသမဂ္ဂနိုင်ငံများသို့ ပဲပင်ပေါက်ဖောက်ရန်အတွက်တင်ပို့မည့်ပဲတီစိမ်းသန့်စင်စက်ရုံ၊ သိုလှောင်ရုံများကို တစ်ဖက်ဝယ်လက်နိုင်ငံမှ သတ်မှတ်ထားသည့် မှတ်ကျောက်များ (Criteria)နှင့် ကိုက်ညီမှု ရှိ၊ မရှိ စစ်ဆေးပြီး စစ်ဆေးတွေ့ရှိချက်များ ထုတ်ပေးလျက်ရှိသည်။မြန်မာကုန်ပစ္စည်း စစ်ဆေး ရေးနှင့် စမ်းသပ်မှုလုပ်ငန်းလီမိတက်အနေနှင့် Processor ကို ၂၀၁၆ ခုနှစ်မှစတင်ပြီး Processor Level စစ်ဆေးခြင်းကို ဆောင်ရွက်ပေးနေသည်။ စစ်ဆေးရာတွင် ဥရောပသမဂ္ဂနိုင်ငံများက သဘောတူထားပြီးဖြစ်သည့်အတိုင်း အဓိကအပိုင်းအားဖြင့် အခြေခံအဆောက်အအုံပိုင်း(Infrastructure) နှင့် တစ်ကိုယ်ရေသန့်ရှင်းရေးအပိုင်း (Hygiene) ကို စစ်ဆေးဆောင်ရွက်ခဲ့သည်။ အသေးစိတ် စစ်ဆေးပေးရသော အခြေခံအဆောက်အအုံပိုင်းမှာ ဝယ်ယူခြင်းနှင့် ပဲအိတ်များ လက်ခံထားရှိမှုအခြေအနေ၊ ကုန်ကြမ်းနှင့် ကုန်ချောများ သိုလှောင်ရုံမှာ သိုလှောင်ထားရှိမှု အခြေအနေ၊ သိုလှောင်ရုံ/စက်ရုံများ၊ အဆောက်အအုံများ၏ အခြေခံအဆောက်အအုံ (Infrastructure) အနေအထား ၊ ကြမ်းခင်း၊ အမိုး၊ တံခါး၊ ပြတင်းပေါက်၊ ဖျက်ပိုးနှင့် ကြွက်နှိမ်နင်းမှု၊ ငှက်မလာအောင်တားခြင်းနှင့် လေဝင်လေထွက်အခြေအနေ၊ ထိန်းချုပ်ဖျက် ပိုးထောင်ခြောက်များအား သတ်မှတ်ထားသည့် ၁၀ဝ စတုရန်း မီတာလျှင် ထောက်ခြောက်တစ်ခုနှုန်းထားရှိမှု၊ မီးထောင်ခြောက်မှ ဖမ်းမိသော ထိန်းချုပ်ဖျက်ပိုးများအား စိုက်ပျိုးရေးဌာနသို့  ပေးပို့မှတ်တမ်းများထားရှိခြင်း၊ ပစ္စည်းကိရိယာများ သန့်ရှင်းရေးလုပ်ခြင်းနှင့် ထိန်းသိမ်းခြင်း၊ ပဲတီစိမ်းကို ကိုင်တွယ်ခြင်း၊ အိတ်ဖွင့်ခြင်း၊ ချိန်တွယ်ခြင်း၊ အလုပ်လုပ်သည့်နေရာ၌ ကြမ်းပြင်သန့်ရှင်းမှု ရှိ၊မရှိ မှတ်တမ်းများထားရှိမှု၊ သန့်စင်ထုတ်လုပ်စဉ် နမူနာယူ၍ပိုးနှင့် ပေါင်းစေ့ ကင်းစင်မှု ရှိ၊ မရှိ စစ်ဆေးခြင်းနှင့်မှတ်တမ်းထားရှိမှုများကို စိစစ်သည်။လုပ်သားများ ကျန်းမာရေးနှင့် တစ်ကိုယ်ရေသန့်ရှင်းရေးအပိုင်းတွင် ယာယီလုပ်သားများအပါအဝင် လုပ်သားများ ကျန်းမာ ရေးနှင့် တစ်ကိုယ်ရေသန့်ရှင်းရေး သင်တန်းပေးမှု အခြေအနေ၊ စက်ရုံအတွင်း အလုပ်လုပ်စဉ် ဝတ်ဆင်သည့် အဝတ်နှင့် ပြင်ပမှဝတ်လာသောအဝတ်များ လဲလှယ်ဝတ်ဆင်ရန် အဝတ်လဲခန်းထားရှိပေးမှု၏ တည်နေရာ၊ နေရာလုံလောက်မှု၊ ပိုးမွှားကာကွယ်ခြင်းနှင့် ကျန်းမာရေးနှင့် ဆိုင်သော ပစ္စည်း များ ခေါင်းဆောင်း၊ ခါးစည်း၊ နှာခေါင်းစည်းနှင့် ဖိနပ်သီးသန့်အသုံးပြုမှု၊ သန့်ရှင်းစင်ကြယ်သော အဝတ်အစား ဝတ်ဆင်ထားမှု၊ အိမ်သာတည်နေရာနှင့် စပ်လျဉ်းပြီး အိမ်သာတည်ဆောက်ပုံ၊ အမျိုးအစားအသုံးပြုနိုင်မှုအခြေအနေ၊ ရေရရှိမှုနှင့် ထုတ်လုပ်ထားသော ကုန်များအား ညစ်ညမ်းနိုင်စွမ်း ရှိ၊မရှိ၊ ထုတ်လုပ်သော ကုန်စည်ကို ကိုင်တွယ်သော လုပ်သားများ၏ ကျန်းမာရေးအခြေအနေနှင့် အစာကြောင့်ဖြစ်သော ဝမ်းပျက်ဝမ်းလျှောရောဂါအပါအဝင် ကူးစက်ရောဂါများ ဖြစ်ပွားလျှင် သတင်းပေးပို့မှု၊ ကုသမှုဆေးမှတ်တမ်းများ ရှိ၊ မရှိ၊ ကုန်စည်ထုတ်လုပ်စဉ် ကုန်စည်ကို တိုက်ရိုက်ကိုင် တွယ် သူများ၏ သန့်ရှင်းရေးဆောင်ရွက်ထားမှုနှင့် သန့်ရှင်းစွာကိုင်တွယ်မှု (ဥပမာ-မကိုင်တွယ်မီ လက်ဆေးခြင်း ရှိ၊ မရှိ၊ ကုန်စည်အပေါ် ခြေဖြင့်နင်းခြင်း ရှိ၊ မရှိ) တို့ကို စိစစ်ခြင်း ရှိ၊ မရှိ စသည့် အချက်များကို အသေးစိတ် စစ်ဆေးမှုပြုလုပ်ပေးသည်။စက်ပိုင်းအနေဖြင့် စတင်တည်ထောင်သည့် ခုနှစ်၊ အမျိုးအစား၊ ထုတ်လုပ်သည့်နိုင်ငံ၊ စက်စွမ်း အား-၂၄ နာရီတန်ကျ၊ အတိုင်းအတာ (အလျား၊ အနံ၊ အမြင့်) အားပေးစက်အမျိုးအစား (လျှပ်စစ်၊ ဘွိုင်လာ၊ နေစွမ်းအား) ခေတ်မီစက်ယူနစ် တပ်ဆင်ထားရှိမှု စသည်တို့ကို စိစစ်ပေးသည်။ဥရောပသမဂ္ဂ ကုန်ဝယ်သည့်နိုင်ငံမှ သတ်မှတ်ချက်များနှင့် ကိုက်ညီမှု ရှိ၊ မရှိ မြန်မာကုန်ပစ္စည်း စစ်ဆေးရေးနှင့် စမ်းသပ်မှုလုပ်ငန်းလီမိတက်မှ စစ်ဆေးရေးမှူးများက စစ်ဆေးပြီးနောက် ကိုက်ညီမှုမရှိပါက ကာလတစ်ခုအတွင်း အပြီး ပြင်ဆင်/တပ်ဆင်ရန်မှာကြားပြီး ဒုတိယအကြိမ်စစ်ဆေးမှုကို လုပ်ဆောင်ပေး၍ စစ်ဆေးတွေ့ရှိချက်၊ အစီရင်ခံစာအား စားသုံးသူရေးရာဦးစီးဌာနမှတစ်ဆင့် သီးနှံကာကွယ်ရေးဌာနခွဲသို့ ပေးပို့ပြီး စိုက်ပျိုးရေးဦးစီးဌာနမှ ဥရောပသမဂ္ဂသို့ အတည်ပြုချက်အား ဆက်လက်ပေးပို့ပေးလျက်ရှိသည်။မြန်မာနိုင်ငံမှ ဆန်ကို တရုတ်ပြည်သူ့သမ္မတနိုင်ငံသို့ တင်ပို့မည့် ဆန်များကြိတ်ခွဲမယ့် ဆန်စက်များ စစ်ဆေးခြင်းနှင့် ပိုးမွှားကင်းစင်ရေး သဘောတူစာချုပ်များကို တရုတ်ပြည်သူ့သမ္မတနိုင်ငံ ကုန်ပစ္စည်း အရည်အသွေး ကြီးကြပ်ရေး၊ စစ်ဆေးရေးနှင့် ပိုးမွှားကင်းစင်ရေး အုပ်ချုပ်မှုအာဏာပိုင်အဖွဲ့နှင့် မြန်မာနိုင်ငံဘက်မှ စိုက်ပျိုးရေးနှင့် ဆည်မြောင်းဝန်ကြီးဌာနသည် ၂၀၁၄ ခုနှစ် စက်တင်ဘာလအတွင်း တရုတ်နိုင်ငံဘက်မှ ကုန်ပစ္စည်းအရည်အသွေး ကြီးကြပ်ရေး၊ စစ်ဆေးရေးနှင့် ပိုးမွှားကင်းစင်ရေး၊ အုပ်ချုပ်မှုအာဏာပိုင်အဖွဲ့နှင့် မြန်မာနိုင်ငံဘက်မှ စိုက်ပျိုးရေးနှင့်ဆည်မြောင်းဝန်ကြီးဌာနတို့က ၂၀၂၀ ပြည့်နှစ် ဇန်နဝါရီလအတွင်း သန့်စင်ကြိတ်ဆန်နှင့် ဆန်ကွဲ တင်ပို့ရန်အတွက် သဘောတူစာချုပ်များ ချုပ်ဆိုလက်မှတ်ရေးထိုးခဲ့ကြသည်။ထိုသဘောတူစာချုပ်များအရ ဆန်စက်များကို မြန်မာကုန်ပစ္စည်း စစ်ဆေးရေးနှင့် စမ်းသပ်မှုလုပ်ငန်းလီမိတက်အား တတိယအဖွဲ့ ( 3rd Party ) အနေဖြင့်စစ်ဆေးရန် တာဝန်ပေးချက်အရ စစ်ဆေးရေးလုပ်ငန်းများကို ဆောင်ရွက်ပေး ခဲ့ သည်။ ထိုသို့ စစ်ဆေးခြင်းကို နှစ်နှစ်တစ်ကြိမ် စစ်ဆေးပေးသည်။ထိုသို့ စစ်ဆေးရာတွင် ဥရောပသမဂ္ဂနိုင်ငံများသို့ ပဲတီစိမ်းတင်ပို့ရာတွင် စစ်ဆေးရသည့် သတ်မှတ်ချက်များကို အခြေခံပြီး စစ်ဆေးမှုများကို ပြုလုပ်ပေးလျက်သည်။ ၂၀၂၁ ခုနှစ်တွင် ဆန်စက် ၉၅ စက်၊ သိုလှောင်ရုံ ၂၀ ရုံတို့ကို စစ်ဆေး ပေးခဲ့ရပြီး ၂၀၁၉ ခုနှစ်တွင် ဆန်စက် ၇၉ စက်၊ ၂၀၂၁ ခုနှစ်တွင် ဆန်စက် ၇၉ စက်၊ သိုလှောင်ရုံ ၁၉ ရုံ စိစစ်ရွေးချယ်ပေးနိုင်ခဲ့သည်။တရုတ်ပြည်သူသမ္မတနိုင်ငံသို့ မြန်မာ့ပြောင်းဆံများတင်ပို့ခြင်းတွင်လည်း ဆန်တင်ပို့သည့် ဆန်စက်များကို ဝယ်လက်တရုတ်နိုင်ငံ အကောက်ခွန် အထွေထွေ အုပ်ချုပ်မှုအာဏာပိုင်အဖွဲ့က သတ်မှတ်ချက်နှင့် ညီညွတ်မှုရှိသည့် ဆန်စက်များမှ ကြိတ်ခွဲသည့်ဆန်များကိုသာ တင်ပို့ခွင့်ပြုသကဲ့သို့ ပြောင်းတင်ပို့မည့် ပြောင်းခြွေစက်နှင့် အခြောက်ခံစက်များကိုလည်း စစ်ဆေးပြီး သတ်မှတ်ချက်များနှင့် ကိုက်ညီမှုရှိမှသာ တင်ပို့ခွင့်ပြုမည်ဟု တရုတ်နိုင်ငံဘက်က အသိပေးလာသည့်အတွက် ပြောင်းတင်ပို့မည့် ကုမ္ပဏီများ၏သိုလှောင်ရုံ၊ အခြောက်ခံစက်နှင့် အခြောက်လှန်းကွင်းများကို စစ်ဆေးပေးခဲ့ရသည်။ ပြောင်းသိုလှောင်ရုံ၊ အခြောက်ခံစက်နှင့် နေလှန်းကွင်းများကို စစ်ဆေးရာတွင်လည်း ဥရောပသမဂ္ဂနိုင်ငံသို့ ပဲပင်ပေါက်ဖောက်ရန် တင်ပို့မည့် ပဲတီစိမ်း သန့်စင်ထုတ်လုပ်မည့်အဆင့် (Processor Level)  ကို စစ်ဆေးသည့် အချက်များကို အခြေခံကာ စစ်ဆေးပြီး လုပ်ငန်းကြီးကြပ်မှုအဖွဲ့(Working Task Force) မှ စိစစ်အတည်ပြု၍ စိုက်ပျိုးရေးလုပ်ငန်း၊ အပင်ပိုးမွှားဌာနခွဲမှ တရုတ်ပြည်သူ့သမ္မတနိုင်ငံဘက်သို့ တင်ပြအတည်ပြုချက်များ တောင်းခံလျက်ရှိသည်။တင်ပို့မည့် ပို့ကုန်အမယ်၏ အရည်အသွေးသာမက ထုတ်လုပ်မှုအဆင့်အဆင့်ကိုပါ စိစစ်မှုများလုပ်ဆောင်ရာတွင်လည်း တင်ပို့ခွင့်ရရှိရေးအတွက်သတ်မှတ်ချက်များကို စစ်ဆေးခြင်းမပြုလုပ်မီ သက်ဆိုင်ရာကုမ္ပဏီ/လုပ်ငန်းရှင်များအား အသင်းအဖွဲ့များ၏ ဦးဆောင်မှုနှင့် သင်တန်းများပို့ချပေးခြင်းကိုလည်းနှစ်စဉ်စစ်ဆေးရေးလုပ်ငန်း မစတင်မီမှာဆောင်ရွက်ပေးလျက်ရှိသည်။ တစ်ဖက်ဝယ်လက်နိုင်ငံများ၏ ကန့်ကွက်ငြင်းဆိုမှုမရှိဘဲ လက်ခံမှုများရရှိနေပြီးဖြစ်သည့်အတွက် စစ်ဆေးရေးလုပ်ဆောင်သော မြန်မာကုန် ပစ္စည်းစစ်ဆေးရေးနှင့် စမ်းသပ်မှု လုပ်ငန်းလီမိ တက်၏ စစ်ဆေးရေး လုပ်ငန်း များအပေါ်လိုက်ပါဆောင်ရွက်ပေးသော ပို့ကုန်လုပ်ငန်းရှင်များ၊ ပို့ကုန်တင်ပို့သူများ စက်ပိုင်များ၊ စက်တာဝန်ခံများ၏ စိတ်ပါဝင်စားမှုများကို အသိအမှတ်ပြုလိုက်ရသည်။လက်ရှိတွင် ထုတ်လုပ်မှုလုပ်ငန်းစဉ်အဆင့် (Processor Level) စစ်ဆေးပေးနေရသည့် ပဲပင်ပေါက်ဖောက်ရန် ပဲတီစိမ်း၊ ဆန်စက် နှင့် ပြောင်းဆန်သိုလှောင်ရုံနှင့် အခြောက်ခံစက်များအပြင်လိုအပ်ပါက ပို့ကုန်အမယ်များ၏အရည်အသွေးသာမက ထုတ်လုပ်မှုလုပ်ငန်းအဆင့်များတွင်ဝယ်သူ၏ သတ်မှတ် အရည်အသွေးများ ပြည့်မီရေးအတွက် ပို့ကုန်လုပ်ငန်းရှင်များအနေဖြင့် မြန်မာ ကုန်ပစ္စည်း စစ်ဆေးရေးနှင့် စမ်းသပ်မှုလုပ်ငန်း လီမိတက်နှင့် အတူလက်တွဲပြီး ရှေ့ဆက်လျှောက်လှမ်းကြပါစို့လို့ နှစ်သစ်ကူးအခါသမယမှာ ဆန္ဒပြုလိုက်ရပါသည်

 

ပန်းချယ်ရီ(MITS)

Latest News: 

အရှေ့တောင်အာရှတွင် လျှပ်စစ်မော်တော်ယာဉ် (EV)ထုတ်လုပ်မှု မြင့်တက်လာခြင်းကို ပုံဖော်ခြင်း

Fri, 12/09/2022 - 09:27 -- ictadmin
Myanmar
Latest News: 

ပင်လယ်ရေကြောင်းကုန်သွယ်မှု ဆက်တိုက်မြင့်တက်နေ

Fri, 12/09/2022 - 07:51 -- admin_ygn
Undefined

လက်ရှိ မြန်မာနိုင်ငံတွင် ပင်လယ်ရေကြောင်းကုန်သွယ်မှု  ဆက်တိုက်မြင့်တက်လာနေပြီး ဘဏ္ဍာနှစ် ခုနစ်လခွဲကျော်ကာလအတွင်း  အမေရိကန်ဒေါ်လာ ၁၆ ဒသမ ၅၃၃ ဘီလီယံကျော်အထိ  ကုန်သွယ်မှု ပြုလုပ်ထားနိုင်ကြောင်း စီးပွားရေး နှင့် ကူးသန်း ရောင်းဝယ်ရေးဝန်ကြီးဌာန၏  ကုန်သွယ်မှုစာရင်းဖော်ပြချက်အရ သိရသည်။
နောက်ဆုံးရရှိထားသည့် ကုန်သွယ်မှုစာရင်းအရ ယခုဘဏ္ဍာနှစ်စ ဧပြီ ၁ ရက်မှ နိုဝင်ဘာ ၁၈ ရက်အထိ ခုနစ်လခွဲကျော်ကာလအတွင်း ပင်လယ်ရေကြောင်းကုန်သွယ်မှုမှ ပို့ကုန် အမေရိကန်ဒေါ်လာ   ၆ ဒသမ ၈၅၈ ဘီလီယံ ကျော် တင်ပို့ထားနိုင်ပြီး သွင်း ကုန် အမေရိကန်ဒေါ်လာ ၉ ဒသမ ၆၇၅ ဘီလီယံ ကျော် တင်သွင်းထားနိုင်ခြင်းဖြစ်သည်။    
ပြီးခဲ့သည့် ၂၀၂၁-၂၀၂၂ဘဏ္ဍာနှစ် ခြောက်လတာကာလအတွင်း အမေရိကန်ဒေါ်လာ ၁၂ ဒသမ ၇၀၅ ဘီလီယံကျော်သာ ကုန်သွယ်မှု  ပြုလုပ်နိုင်ခဲ့သော်လည်း လက်ရှိ ၂၀၂၂-၂၀၂၃ဘဏ္ဍာနှစ် ခုနစ်လခွဲကျော်တွင် အမေရိကန်ဒေါ်လာ ၃ ဒသမ ၈၂၈ ဘီလီယံကျော်   ပိုမိုကုန်သွယ်မှု ပြုလုပ်ထားနိုင်ခြင်းဖြစ်ကြောင်း သိရသည်။
ပင်လယ်ရေကြောင်းကုန်သွယ်ရေးမှ နိုင်ငံတကာကုန်သွယ်မှုများအတွက် ရန်ကုန်အပြည်ပြည်ဆိုင်ရာဆိပ်ကမ်းဆီသို့ ကုန်တင်သင်္ဘောကြီးများ လစဉ်ပုံမှန် ဝင်ရောက်ဆိုက်ကပ်နိုင်ရန် စီစဉ်ဆောင်ရွက်နေပြီး နိုဝင်ဘာလအတွင်း သင်္ဘောလိုင်း၁၆လိုင်းမှ ကုန်သေတ္တာတင်သင်္ဘော ၅၁ စင်း ဝင်ရောက်ခဲ့ကြောင်း သိရသည်။
ယင်းသို့နိုင်ငံတကာကုန်တင်သင်္ဘောများ ဆိုက်ကပ်ကာ ကုန်စည်များပိုမိုကိုင်တွယ်နိုင်ရန် ပုဂ္ဂလိကစီးပွားရေးလုပ်ငန်းရှင်များ၊ သက်ဆိုင်ရာအသင်းအဖွဲ့များ၊ စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ မြန်မာ့ဆိပ်ကမ်း အာဏာပိုင်၊ အကောက်ခွန် ဦးစီးဌာနနှင့် ဌာနဆိုင်ရာများက ပူးပေါင်းဆောင်ရွက်လျက်ရှိကြောင်း သိရသည်။ ထိုသို့ ဆောင်ရွက်လျက်ရှိရာတွင် ယခု ၂၀၂၂ ခုနှစ်၊ ဇန်နဝါရီမှ အောက်တိုဘာလအထိ ကိုးလအတွင်း ရန်ကုန်ဆိပ်ကမ်းများသို့ နိုင်ငံတကာ ကုန်တင် သင်္ဘာအစီးရေ စုစုပေါင်း ၅၁၅ စင်း ဝင်ရောက်ဆိုက်ကပ်ခဲ့ပြီးဖြစ်ကြောင်း သိရသည်။
ရန်ကုန် ဆိပ်ကမ်းများသို့ ပြီးခဲ့သည့် ၂၀၂၁ခုနှစ်  မေလမှစတင်ကာ နိုင်ငံတကာကုန်သေတ္တာတင်နှင့် အထွေထွေကုန်စည်တင်သင်္ဘောများ  ပိုမိုဝင်ရောက်ခဲ့ပြီး ကုန်သေတ္တာ ၁၁၀ဝ၀ကျော်နှင့် အထွေထွေကုန်စည် ၁၁၅၀ဝ၀ မက်ထရစ်တန် ပိုမိုကိုင် တွယ်နိုင်ခဲ့ကြောင်း သိရသည်။

Latest News: 

ငွေချေးစာချုပ် ဈေးကွက် နှင့် CLV စတော့အိပ်ချိန်းများ

Fri, 12/09/2022 - 07:47 -- admin_ygn
Undefined

ငွေချေးစာချုပ်သည် အရင်းအနှီးဈေးကွက် (Capital Markets) ၏ အစိတ်အပိုင်းတစ်ခုဖြစ်ပြီး စတော့ရှယ်ယာဈေးကွက်နှင့် အတူဒွန်တွဲပါလာသည့် ဘဏ္ဍာရေးစာချုပ်စာတမ်းများ ဖြစ်သည်။ ကုမ္ပဏီများ၊  စီးပွားရေး လုပ်ငန်းကြီး များသည် မိမိတို့လိုအပ်နေသည့် ကာလရှည်ငွေကြေးအရင်းအနှီးများအတွက် အရင်းအနှီးဈေးကွက်မှတစ်ဆင့် စတော့ရှယ်ယာများ၊ ငွေချေးစာချုပ်များ ထုတ်ဝေရောင်းချကာ ရှာဖွေကြသည်။ ရရှိလာသည့် ငွေကြေး များဖြင့် လုပ်ငန်း များ ချဲ့ထွင်ကြကာ မြတ်စွန်းလာသည့်အချိန်များတွင် အကျိုးအမြတ်များကို ခွဲဝေခံစားကြသည်။
ထိုသို့ခွဲဝေရာတွင် နည်းလမ်းနှစ်မျိုးရှိသည်။ စတော့များ ထုတ်ဝေရောင်းချထားပါက စတော့ကိုင်ဆောင်ထားသူများထံသို့ အမြတ်ဝေစု (Dividend) ဟူသည့် ငွေတစ်ရပ်ကို ခွဲဝေပေးကြသည်။  စတော့ထုတ်ဝေရောင်းချရာတွင် စတင်ကတည်းက မည်သည့်ကုမ္ပဏီကမှ အမြတ်ငွေမည်မျှကို မည်သည့်ကာလတွင်  ခွဲပေးပါမည်ဟူသည့် အာမဘန္တေခံပြီး ထုတ်ဝေလေ့မရှိပါ။ ကမ္ဘာမှာရော မြန်မာမှာပါ မရှိပါ။  ယင်းအစား ကုမ္ပဏီ၏ ခိုင်မာမှု၊ အနာဂတ် အလား အလာနှင့် ရှေ့လုပ်ငန်းစဉ်များ၊ ဒါရိုက်တာအဖွဲ့နှင့် အဆင့်မြင့်အရာရှိများ၏  အရည်အချင်းများ၊ ကုမ္ပဏီ၏ကော်ပိုရိတ် စီမံအုပ်ချုပ်မှုစနစ်များ၊ ပွင့်လင်းမြင်သာမှု၊ သတင်း အချက်အလက်မှန်ကန်စွာ ထုတ်ဖော်နိုင်မှု၊ ဆုံးရှုံး နိုင်ခြေ Risk စသည့်အချက်များကို တင်ပြကာ ရှယ်ယာများ ဖိတ်ခေါ်ကြခြင်း ဖြစ်သည်။
ရှယ်ယာဝယ်ယူမည့်သူများသည် ယင်းကုမ္ပဏီ၏ အနာဂတ်အလားအလာနှင့် ကုမ္ပဏီ၏ စီမံခန့်ခွဲမှုအဖွဲ့ကို ယုံကြည်ပါက ရှယ်ယာထည့်ဝင်ကြသည်။ ကုမ္ပဏီသည် ယင်းထည့်ဝင်ငွေများဖြင့် လုပ်ငန်းများ တိုးချဲ့‌ဆောင်ရွက်ကာ မြတ်စွန်း လာသည့် တစ်နေ့တွင် အမြတ်ဝေစုကို ရှယ်ယာရှင်များသို့ ခွဲဝေပေးကြသည်။ သို့သော်လည်း မြတ်သလောက် အကုန်ခွဲဝေခြင်းမဟုတ်။ နောင်နှစ်များတွင် သုံးစွဲရန်၊ လုပ်ငန်းချဲ့ထွင်ရန် Reserve Money  များ ချန်လှပ်ပြီးမှ ခွဲဝေပေးခြင်းဖြစ်သည်။ 
ရှယ်ယာရှင်များသည် မိမိကိုင်ဆောင်ထားသည့် ရှယ်ယာများကို ဆက်လက်မကိုင်ဆောင်လိုပါက ယင်းကုမ္ပဏီသို့ ပြန် လည်ရောင်းချနိုင်ခွင့်မရှိပါ။ ယင်းအစား စတော့ရှယ်ယာဈေးကွက်တွင် ပြန်လည်ရောင်းချခြင်း၊ စတော့ဈေးကွက် မရှိပါက အသိအကျွမ်းများကို ပြန်လည်ရောင်းချခြင်းသာ ပြုနိုင်သည်။ စတော့ဈေးကွက်ရှိပါက မိမိရှယ်ယာများကို ပေါက်ဈေးအတိုင်း ရောင်းချနိုင်ပြီး  စတော့ဈေးကွက်မရှိပါက  ညှိနှိုင်းဈေးဖြင့်သာ ရောင်းချနိုင်မည်ဖြစ်သည်။
ငွေချေးစာချုပ် (Bond)  သည်ကား ထိုသို့မဟုတ်ပါ။ မိမိထုတ်ဝေမည့်ပမာဏ၊ သက်တမ်း၊ ပေးအပ်မည့်အတိုးငွေနှင့် အတိုးပေးကာလများ၊ တစ်စောင်၏ တန်ဖိုး၊  အရင်း ပြန်လည် ပေးမည့်နေ့၊  အရင်းအတိုး ပြန်လည်ပေးဆပ်နိုင်ခြင်း မရှိပါ ကThird Party တစ်ခုမှတာဝန်ခံချက်များ၊  Rating အဆင့်အတန်း များကို ကြိုတင်သတ်မှတ်ပေးရသည်။ ထို့ပြင် ငွေချေးစာချုပ်ထုတ်ဝေခြင်းမှ ရရှိသည့်ငွေများကို မည်သည့်နေရာတွင် သုံးစွဲမည် စသည်တို့ကိုလည်း ထုတ်ပြန် ကြေညာပေးရသည်။ ငွေချေးစာချုပ်သည် စတော့ကဲ့သို့ ကုမ္ပဏီကို တစ်စိတ်တစ်ပိုင်း ပိုင်ဆိုင်ခွင့်ရသည်မဟုတ်ဘဲ ကြွေးရှင်နှင့် ငွေချေးယူသူကြား ဆက်ဆံရေးမျိုးသာရှိသည်။ ကုမ္ပဏီ အစည်းအဝေး တက်ရောက်ခြင်းများ၊ မဲပေးခြင်း များ ပြုလုပ်၍မရပါ။
ငွေချေးစာချုပ် ဝယ်ယူထားသူသည် ကုမ္ပဏီမှ ပုံမှန်ပေးဝေသည့် အတိုးငွေကို ရရှိပြီး သက်တမ်းစေ့သည့်နေ့တွင် အရင်းငွေကို ပြန်လည်လက်ခံရရှိသည်။  သို့သော် သက်တမ်းမစေ့သေးသည့် ငွေချေးစာချုပ်များကို ကုမ္ပဏီတွင် သွားရောက်၍ အမ်းခြင်းပြုလုပ်၍မရပါ။  ယင်းအစား စတော့အိပ်ချိန်း သို့မဟုတ် OTC ဈေးကွက်သို့သာ သွားရောက်ရောင်းချ၍ ငွေဖော်နိုင်မည် ဖြစ်ပါသည်။
သို့အတွက်  အများနှင့်သက်ဆိုင်သည့် ကုမ္ပဏီကြီးများမှ ထုတ်ဝေသည့် စတော့ရှယ်ယာများ၊ ငွေချေး စာချုပ်များကို ယင်းနိုင်ငံရှိ  စတော့အိပ်ချိန်းများတွင် စာရင်းတင်သွင်းကာ ရင်းနှီးမြှုပ်နှံသူများအနေနှင့် ပေါက်ဈေးဖြင့် ငွေဖော်နိုင် ရေး၊ ရောင်းဝယ်ဖောက်ကားနိုင်ရေးအတွက် ဆောင်ရွက်ကြရသည်။
ငွေချေးစာချုပ်များကို နိုင်ငံတော်အစိုးရနှင့် ကုမ္ပဏီများမှ ထုတ်ဝေနိုင်သည်။ အစိုးရအနေဖြင့် ဘတ်ဂျက်လိုငွေပြသည့်အချိန်မျိုး၊ အ‌ခြေခံအဆောက်အအုံများ တည်ဆောက်လိုသည့်အခါမျိုးတွင် ထုတ်ဝေလေ့ရှိသည်။ ကုမ္ပဏီ များသည်လည်း မိမိတို့ရင်းနှီးငွေတိုးမြှင့်လိုသည့် အချိန်တွင် ထုတ်ဝေလေ့ရှိသည်။ သို့သော်လည်း စတော့ထုတ်ဝေမှုနှင့် ချိန်ဆကာ ထုတ်ဝေလေ့ ရှိကြသည်။ 
ငွေချေးစာချုပ်များကို ခေတ်မီတိုးတက်သည့် ဈေးကွက်၊ ဖွံ့ဖြိုးသည့်နိုင်ငံများတွင်သာ ထုတ်ဝေခဲ့ရာမှ ယခုအခါ အရှေ့တောင်အာရှဒေသအတွင်း ကမ္ဘောဒီးယား၊ လာအို ၊ ဗီယက်နမ်(CLV) နိုင်ငံများတွင်ပါ ကျယ်ကျယ်ပြန့်ပြန့် ထုတ်ဝေ လာကြသည် ကိုတွေ့ရသည်။ ထင်ရှားသည့် သာဓကများအဖြစ် လာအိုနိုင်ငံ တွင် Nam Ngum 2 ရေအားလျှပ်စစ်စီမံကိန်း တည်ဆောက်ရန် ထိုင်းဘတ်ငွေ အခြေပြုသည့် BBB အဆင့်ရှိ ငွေချေးစာချုပ်များ ကို ၂၀၁၇ ခုနှစ်တွင် ထုတ်ဝေခဲ့ခြင်းဖြစ်သည်။ ယင်းသည် နိုင်ငံဖြတ်ကျော် အရင်းအနှီးဈေးကွက်၏ ကနဦးခြေလှမ်းဖြစ်ပြီး လာအိုနိုင်ငံ၏ ငွေချေးစာချုပ်များကို ထိုင်းနိုင်ငံရှိရင်းနှီးမြှုပ်နှံသူများ ဝယ်ယူနိုင်ရေးအတွက် ဆောင်ရွက်ခဲ့ခြင်းဖြစ်သည်။ 
ယခုနှစ်ဆန်းတွင်လည်း လာအိုနိုင်ငံသည်  ဘတ်ငွေ ၅ ဘီလီယံ  (အမေရိကန်ဒေါ်လာ ၁၄၉ ဒသမ ၃ သန်း) တန်ဖိုးရှိ ထိုင်းဘတ်ငွေအခြေပြု ငွေချေးစာချုပ်များကို  ထိုင်းနိုင်ငံရှိ ရင်းနှီး မြှုပ်နှံသူများထံသို့ ထုတ်ဝေရောင်းချခဲ့သည်။ ထုတ်ဝေရာတွင် သက်တမ်းနှင့် အတိုးနှုန်း မတူညီသည့်  Dual-Tranche  စနစ်ဖြင့် ထုတ်ဝေခဲ့ပြီး သုံးနှစ်ငွေချေးစာချုပ် အတိုးနှုန်း ၅ ဒသမ ၄ ရာခိုင် နှုန်းနှင့် လေးနှစ် ငွေချေးစာချုပ် အတိုးနှုန်း ၆ ဒသမ ၄ ရာခိုင်နှုန်း တို့ဖြစ်သည်။  ဤထုတ်ဝေရောင်းချသည့်ငွေများဖြင့် လာအို၏ ပေးရန်တာဝန်စီမံခန့်ခွဲမှု အစီအစဉ်များကို ပံ့ပိုးကူညီရန် ရည်ရွယ်ထားပြီး ရရှိငွေအများစုမှာ ပြီးခဲ့သောနှစ်တွင် သက်တမ်းစေ့သွား သည်။ ကြွေးမြီများကို ပြန်လည်ပေးဆပ်ရန် ရည်ရွယ်ပါသည်။ 
ဆက်လက်၍ ကမ္ဘောဒီးယားနိုင်ငံ ၏ ငွေချေးစာချုပ်ထုတ် ဝေပုံကိုတင်ပြလိုပါသည်။ ၂၀၂၂ ခုနှစ် အောက်တိုဘာ ၃၁ ရက် တွင်  ကမ္ဘောဒီးယားနိုင်ငံ   တော်ဝင်မီးရထားလုပ်ငန်းမှ ထုတ်ဝေ သည့်  ငွေချေးစာချုပ်များကို ကမ္ဘောဒီးယား စတော့ အိပ်ချိန်းCSX သို့ စာရင်းတင်သွင်း (Listing)  ပြုလုပ်ခဲ့ပါသည်။ ထုတ်ဝေသည့် ငွေချေးစာချုပ်၏တန်ဖိုးမှာ ဒေါ်လာ ၁၀ သန်းဖြစ်ပြီး သက်တမ်းမှာ ၁၀ နှစ်ဖြစ်ကာ တစ်နှစ်လျှင် အတိုးနှုန်း ၇ ရာခိုင်နှုန်း ပေးမည်ဖြစ်ပါသည်။   Riel တစ်သိန်းတန် ငွေချေးစာချုပ် ယူနစ် ပေါင်း ၄၁၀ဝ၀ဝ ထုတ်ဝေရောင်းချသွားမည်ဖြစ်ပြီး ၂၀၃၂ ခုနှစ် အောက်တိုဘာတွင် သက်တမ်းစေ့မည်ဖြစ်သည်။
ရထားပို့ဆောင်ရေးသည် နိုင်ငံစီးပွားရေးတိုးတက်မှုအတွက် အဓိကကျသည့်တွန်းအားတစ်ရပ်ဖြစ်ပြီး စရိတ်စက  အသက်သာဆုံးနှင့် အထိရောက်ဆုံး ကုန်းလမ်းပို့‌ဆောင်ရေးစနစ် ဖြစ်သည်။ ကမ္ဘောဒီးယားနိုင်ငံတွင် လိုင်းနှစ်လိုင်း ပါဝင်သည့် ရထားလမ်း  ကီလိုမီတာ ၆၅၀ ရှိသည်။  ကမ္ဘောဒီးယားသည် ၂၀၁၀ ခုနှစ်တွင် နိုင်ငံ၏ မီးရထားစနစ်ကို စတင်ခဲ့ပြီး ၂၀၁၇ ခုနှစ်မှ ၂၀၂၁ ခုနှစ်အတွင်း ရထားဖြင့် ကုန်စည်တင်ပို့ခြင်း၊ အများပြည်သူတို့ ပို့‌ဆောင်ခြင်းမှ တစ်နှစ်လျှင် ၃၄ ရာခိုင်နှုန်း တိုးတက်မှုရရှိခဲ့ကြောင်း သိရသည်။ ယခု ထုတ်ဝေခြင်းသည် ကမ္ဘောဒီးယားနိုင်ငံ တော်ဝင်မီးရထား၏ ပထမအသုတ်ထုတ်ဝေ ခြင်းဖြစ်ပြီး ဒုတိယအသုတ် ဒေါ်လာ သန်း ၂၀ ကို ယခုနှစ်ကုန်တွင် ဆက်လက် ထုတ်ဝေသွားမည်ဖြစ်သည်။ ယင်းထုတ်ဝေရောင်းချရသည့် ငွေများဖြင့် ရထားတွဲ ၁၃၀၊ ခေါင်းတွဲ ၄ ခုနှင့် စက်ကိရိယာ အပိုပစ္စည်းများကို ဝယ်ယူသွားမည်ဖြစ်သည်။
ယခုအချိန်အထိ ကမ္ဘောဒီးယားစတော့အိပ်ချိန်း CSX တွင် စာရင်းဝင်ကုမ္ပဏီ ကိုးခုနှင့် ငွေချေးစာချုပ် ရှစ်ခုတို့ စာရင်းဝင်ထားပြီး တော်ဝင်မီးရထား ငွေချေးစာချုပ်သည် ရှစ်ခုမြောက် စာရင်းဝင်ငွေချေးစာချုပ်ဖြစ်လာခဲ့ပါသည်။ စတော့အိပ်ချိန်း၏  သတင်းအချက်အလက်များအရ လာမည့် ၂၀၂၂ ခုနှစ် နောက်ဆုံးကွာတားတွင် နောက်ထပ် ငွေချေးစာချုပ်  သုံးခုထပ်မံ စာရင်းဝင်လာမည်ဖြစ်သည်။ လက်ရှိတွင် ဖနောင်ပင်ကော်မာရှယ်ဘဏ်၊Telco Tech တယ်လီကွန်းကုမ္ပဏီ၊  RMAC Export-Import ကုမ္ပဏီ၊ Prasac Micro Finance ကုမ္ပဏီ၊  Royal Railway အစရှိ သည့် စီးပွားရေးလုပ်ငန်းများမှ ထုတ်ဝေထားသည့် ငွေချေးစာချုပ် များ ကမ္ဘောဒီးယား စတော့အိပ်ချိန်း၏ Secondary market အတွင်း ဝင်ရောက်ကာ ရောင်းဝယ်လျက်ရှိပါသည်။
ကမ္ဘောဒီးယားစတော့အိပ်ချိန်းသည် ယခုအခါ သက်တမ်း  ၁၀ နှစ်ပြည့်မြောက်မည်ဖြစ်ပြီး ယခုနှစ်အတွင်း သိသာသည့်တိုးတက်မှုများရရှိခဲ့သည်။ ၂၀၂၂ ခုနှစ်အတွင်း တစ်ရက်ပျမ်းမျှ ရှယ်ယာ အရောင်းအဝယ် ၂၆၀ဝ၀ဝ ကျော်ရှိပြီး အရောင်းပမာ ဏမှာ ဒေါ်လာ ၆၅၀ဝ၀ဝ ကျော်ရှိသည်။ ယမန်နှစ်ကထက်စာလျှင် အရောင်းအဝယ် ပမာဏ ၁၉၇ ရာခိုင်နှုန်း တိုးတက်လာခဲ့သည်။ ထို့အပြင် ၂၀၂၂ ခုနှစ် တတိယသုံးလပတ်အတွင်း ရှယ်ယာစာရင်း ဖွင့်လှစ်သူ ၃၅၀ဝ၀ ကျော်ရှိခဲ့သည်။
ယင်းသို့ တိုးတက်လာခဲ့ခြင်းမှာ နိုင်ငံတော်အစိုးရ၏ ပံ့ပိုးမှုသည်လည်း တစ်စိတ်တစ်ပိုင်း ပါဝင်ခဲ့သည်။ ၂၀၂၂ ခုနှစ် ဖေဖောဝါရီလမှစတင်၍ ကမ္ဘောဒီးယားအစိုးရသည် အခွန်ဆိုင်ရာသက်သာခွင့်များကို ပေးအပ်ခဲ့သည်။ ကမ္ဘောဒီးယား စတော့အိပ်ချိန်းသို့ စာရင်းဝင်ထားသည့် ကုမ္ပဏီများသည် နှစ်ပတ်လည်ဝင်ငွေခွန်ကို ၅၀ ရာခိုင်နှုန်း သက်သာခွင့်ကို လာမည့်သုံးနှစ်အထိ ဆက်တိုက်ရရှိစေမည်ဖြစ်သည်။ထို့ပြင် ရင်းနှီးမြှုပ်နှံသူ Investor များအနေဖြင့်လည်း ရရှိ မည့် အမြတ်ဝေစုများ၊ အတိုးများပေါ်တွင် ပေးဆောင်ရမည့်  withholding tax  နှင့်  capital gain tax များကို ၅၀ ရာခိုင်နှုန်း သက်သာခွင့်ပေးသွားမည်ဖြစ်သည်။
ဗီယက်နမ်နိုင်ငံတွင်လည်း ငွေချေးသက်သေခံလက်မှတ်များ ထုတ်ဝေရေးဆိုင်ရာနည်းဥပဒေနှင့် စည်းမျဉ်းအသစ်များကို  ၂၀၂၁ ခုနှစ်တွင် ထုတ်ပြန်ခဲ့ပြီးနောက် ကော်ပိုရိတ်ငွေချေးစာချုပ်များ ထုတ်ဝေမှုများ ပြန်လည် အသက်ဝင်လာခဲ့ပါသည်။ ၂၀၂၁ ခုနှစ်အတွင်း  ကော်ပိုရိတ်ငွေချေးစာချုပ်များကို အဖွဲ့အစည်း များသို့ သီးသန့်ထုတ်ဝေရောင်းချသည့် (Private Placement)  ပမာဏသည် ဒေါင်ငွေ ၁၇၆၈၂၈ ဘီလီယံဖြစ်ပြီး ၂၀၂၀ ပြည့်နှစ် အလားတူ ကာလနှင့် နှိုင်းယှဉ်ပါက ၈ ဒသမ ၁ ရာခိုင်နှုန်း တိုးတက်လာသည်။ အများပြည်သူသို့ တိုက်ရိုက်ကမ်းလှမ်းရောင်းချမှုပမာဏ (public offering)  မှာ ဒေါင် ၁၅၃၇၅  ဘီလီယံရှိခဲ့ပြီး ၂၀၂၀ ပြည့်နှစ်တွင် ကမ်းလှမ်းရောင်းချမှု စုစုပေါင်း၏ ၅၀ ဒသမ ၃ ရာခိုင်နှုန်း ရှိခဲ့ပါသည်။
ဤသည်မှာ ကော်ပိုရိတ်ငွေချေးစာချုပ်ဈေးကွက်၏ ကောင်းမွန်သည့် လက္ခဏာတစ်ခုဖြစ်ပြီး ပွင့်လင်းမြင်သာသည့်၊ အများပြည်သူပါဝင်နိုင်သည့်၊ ဆုံးရှုံးနိုင်‌ခြေ Risk ကိုလျှော့ချနိုင်သည့် ဈေးကွက်ကို ဖြစ်ပေါ်စေခဲ့ပါသည်။ ကူးသန်း ရောင်းဝယ်ရေး  ဘဏ်များသည် ပုဂ္ဂလိကကော်ပိုရိတ်  ငွေချေးစာချုပ်များကို အများဆုံး ထုတ်ဝေသူများဖြစ်ကြသည်။ အဆိုပါ ကူးသန်းရောင်းဝယ်ရေးဘဏ်များမှ  ထုတ်ပေးသော ငွေချေးစာချုပ်များကို ဗီယက်နမ်ဗဟိုဘဏ်က တင်းကျပ် စွာ စီမံခန့်ခွဲလျက်ရှိပြီး ကူးသန်းရောင်းဝယ်ရေးဘဏ်များ၏  ရင်းနှီးငွေလုံလောက်မှုအချိုးများ ခိုင်မာတောင့်တင်းစေရေးအတွက် များစွာ အထောက်အကူဖြစ်စေခဲ့ပါသည်။                      

References: CSX Press release, 
https://mof.gov.vn/, www.rfa.org/

Latest News: 

ဒေသထွက်ကုန်များမှ ဒေသဖွံ့ဖြိုးတိုးတက်ရေးဆီသို့ ဦးတည် ချီတက်ကြပါစို့

Tue, 11/29/2022 - 07:43 -- admin_ygn
Undefined

မွန်ပြည်နယ်သည် တောင်ကုန်းတောင်တန်းများ ထူထပ်သော ပြည်နယ်တစ်ခုဖြစ်သည့်အပြင်ကမ်းရိုးတန်းဒေသတစ်ခုဖြစ်ပြီး ရာသီဥတုမှာလည်းအပူပိုင်းမုတ်သုံရာသီဥတုဖြစ်သဖြင့်ကောက်ပဲသီးနှံ၊ သစ်သီးဝလံ၊ရေထွက်သယံဇာတများ   ပြွေါကယ်ဝသည့် ပြည်နယ်တစ်ခုလည်းဖြစ်သည်။ အချုပ်အား ဖြင့် ဆိုရလျှင် ဒေသထွက် ကုန်  အများအပြားထွက်ရှိသည့်  ပြည်နယ်တစ်ခုဆိုလျှင်လည်း မှား မည်မထင်ပါ။ မွန်ပြည်နယ်၏ထင်ရှားသော ဒေသထွက်ကုန်အချို့မှာ ဆန်၊ စပါး၊  ရော်ဘာ၊ ရေထွက်ပစ္စည်းများ၊ ဆား၊ သစ်သီးဝလံများ၊ ဝဥ စသည်တို့ဖြစ်သည်။     
ဆန်/စပါး
မွန်ပြည်နယ်၌ ၂၀၂၁-၂၀၂၂ ဘဏ္ဍာနှစ်တွင်   မိုးစပါးစိုက် ဧက  ၆၈၇၈၂၈ ဧက၊ အထွက်တင်းပေါင်း    ၄၃၃၃၅၂၀၁ တင်းရှိပြီး နွေစပါးစိုက်ဧက  ၄၃၅၇၂ ဧက၊ အထွက်  ၁၉၄၉၆၀၁ တင်း ထွက်ရှိ သည်။ အဓိကစိုက်ပျိုးသော မျိုးများမှာ မိုးစပါးအဖြစ် ပေါ်ဆန်းစပါး ကို အဓိကစိုက်ပျိုးပြီး နွေစပါးကို  ရက်(၉၀)ဧည့်မထအုပ်စုကို အဓိက စိုက်ပျိုးကြောင်း သိရှိရသည်။   ပြည်နယ်အတွင်း  ဆန်စက်အကြီးစား ၂၃ လုံး၊ အလတ်စား ၇၂လုံး၊ အငယ်စား ၅၃၁လုံး၊ စုစုပေါင်း ဆန်စက်  ၆၂၆ လုံးရှိပါသည်။ မွန်ပြည်နယ်အနေဖြင့် ဆန်စပါးဖူလုံမှုရှိရုံသာမက ပြည်ပသို့ပါ တင်ပို့လျက်ရှိသည်။
စပါးမျိုးကောင်းမျိုးသန့်များဖြင့် စက်မှုလယ်ယာစနစ်ကို ဖော် ဆောင်နိုင်ပါက စပါးအထွက် များစွာတိုးလာမည်ဖြစ်ပြီး စပါးအထွက် တိုးလာမှုများကို အချိန်မီ ကြိတ်ခွဲနိုင်ရေးနှင့်   Export Quality မီ အောင် ကြိတ်ခွဲနိုင်ရေး ဆန်စက်များကို အဆင့်မြှင့်တင်ရန်နှင့် တိုးချဲ့ တည်ဆောက်နိုင်ရန်အတွက်   မတည်ရင်းနှီးငွေများ   လိုအပ်လျက် ရှိသည်။ 
ရော်ဘာ
မွန်ပြည်နယ်၏ အခြားထွက်ကုန်တစ်ခုမှာ  ရော်ဘာဖြစ်သည်။ မွန်ပြည်နယ်သည် မြန်မာနိုင်ငံတွင် ရော်ဘာစိုက်ပျိုးသည့်ဧရိယာ၏ ၃၀ရာခိုင်နှုန်းကျော် စိုက်ပျိုးထားသည့် ရော်ဘာပြည်နယ်တစ်ခုဖြစ်ပြီး ရော်ဘာအစေးရည်မှ မှိုင်းခံရော်ဘာပြားများအပြင် ခရမ့်ရော်ဘာများ ထုတ်လုပ်ခြင်း၊ ရော်ဘာပင်အိုခုတ်လှဲပြီး  ရော်ဘာသစ်နှင့် ရော်ဘာ သစ်ပါးလွှာများ ထုတ်လုပ်ခြင်းများကို ဌာနနှင့်ပုဂ္ဂလိက  ကဏ္ဍများမှ ဆောင်ရွက်လျက်ရှိသည်။ ၂၀၂၁-၂၀၂၂ဘဏ္ဍာနှစ်တွင် မွန်ပြည်နယ် ၏ ရော်ဘာစိုက်ဧက ၅၀၁၇၁၉ ဧကရှိပြီး   အစေးလှီးဧက ၃၃၀ဝ၁၄ ဧကရှိရာ ထွက်ရှိမှု   ၂၃၆၉၅၄၆၅၈ ပေါင် (တန်အားဖြင့် ၁၀၇၄၈၁) တန်ထွက်ရှိကြောင်း သိရှိရသည်။  ပြည်နယ်တွင်း သုံးစွဲ မှုအနေဖြင့် တာယာစက်ရုံ၊    ခရမ့်ရော်ဘာစက်ရုံ၊   သားရေကွင်း/ပူပေါင်း/ ဘောလုံး/ ဖိနပ်လုပ်ငန်းများမှ  တန်ချိန် ၁၂၀ဝ၀ နီးပါးခန့်   သုံးစွဲ ကြောင်း သိရှိရသည်။ ပြည်တွင်းသုံးစွဲမှု  ပိုလျှံသော ရော်ဘာများကို ပုဂ္ဂလိကဝယ်လက်များမှတစ်ဆင့် ရော်ဘာ အဝယ်ဒိုင်/ကုမ္ပဏီများ တွင် စုစည်းကာ ရန်ကုန်/မန္တလေးရှိ ကုမ္ပဏီများသို့ တင်ပို့ပြီး ထိုမှ တစ်ဆင့် ပြည်ပသို့တင်ပို့ကြောင်း သိရှိရသည်။မွန်ပြည်နယ်မှ ရော်ဘာတစ်ဧကအထွက်နှုန်းသည် အိမ်နီးချင်း ရော်ဘာစိုက် နိုင်ငံများ၏ အထွက်နှုန်းနှင့်နှိုင်းယှဉ်ပါက  လျော့နည်း နေပြီး ရော်ဘာခြံကြီးများမှလွဲ၍  ခြံငယ်၊ ခြံလတ်များမှ   ထုတ်လုပ်နေ သော    ရော်ဘာအရည်အသွေးသည်လည်း   နိုင်ငံတကာအဆင့် အတန်းမီ  ထုတ်လုပ်နိုင်မှုမရှိခြင်းကြောင့်  နိုင်ငံတကာဈေးကွက်တွင် ဈေးနှုန်းရရှိမှုနိမ့်ကျနေကြောင်း တွေ့ရသည်။ 
မွန်ပြည်နယ်တွင်ရော်ဘာစိုက်ပျိုးထုတ်လုပ်သူများအနက် ၉၀ရာခိုင်နှုန်းကျော်ခန့်သည် ခြံငယ်ရှင်များဖြစ်ပြီး တူညီကောင်းမွန်သော အရည်အသွေးဖြင့် ကုန်ကြမ်း/ကုန်ချောထုတ်လုပ်ရန်  အခက် အခဲများရှိနေသောကြောင့်   ခြံရှင်ငယ်များကို စုဖွဲ့၍သော်လည်းကောင်း၊ အသင်းအဖွဲ့များအနေဖြင့် သော်လည်းကောင်း၊တစ်ဦးချင်း အနေဖြင့်သော်လည်းကောင်း၊မှိုင်းရုံများတည်ဆောက်ခြင်း၊မှန်ကန်သောအက်စစ်သုံးစေခြင်း၊ နည်းပညာနှင့်ကာလရှည်ချေးငွေများ လိုအပ်မည်ဖြစ်ပါသည်။ မွန်ပြည်နယ်၏ရော်ဘာကဏ္ဍဖွံ့ဖြိုးတိုးတက် စေရေးအတွက် သင်တန်းများ၊ အလုပ်ရုံဆွေးနွေး ပွဲများ လည်း ပြုလုပ်ပေးရန် လိုအပ်မည်ဖြစ်ပါသည်။
ရေထွက်ပစ္စည်းများ
မွန်ပြည်နယ်သည် သံလွင်မြစ်၊ ဂျိုင်းမြစ်၊ အတ္ထရံမြစ်   စသည့် ရေချိုမြစ်ကြီးများနှင့် ဆက်စပ်နေသည့်အပြင်   မုတ္တမပင်လယ်ကွေ့၊ တနင်္သာရီကမ်းရိုးတန်းတို့နှင့် ဆက်စပ်တည်ရှိပြီး ရေချို၊ ရေငန် သယံ ဇာတပြွေါကယ်ဝသော  ဒေသတစ်ခုဖြစ်သည်။ မွန်ပြည်နယ်အတွင်းမှ ထွက်ရှိသော ငါး၊ ပုစွန်များကိုပြည်တွင်းစားသုံးခြင်းအပြင်  ပြည်ပတင်ပို့နိုင်ရန်အတွက်အအေးခန်းစက်ရုံခြောက်ရုံမှ၂၀၂၁-၂၀၂၂ တွင် မက်ထရစ်တန်ချိန်၄၀၅၂တန်၊ ၂၀၂၂-၂၀၂၃ စက်တင်ဘာလထိ မက်ထရစ်တန်ချိန်၂၃၉၅တန်ခန့်ထုတ်လုပ်နိုင်ခဲ့ကြောင်းသိရှိရသည်။ငါးဖမ်းလုပ်ငန်းရှင်များအနေဖြင့် နိုင်ငံတကာ ငွေကြေးလဲလှယ်မှု နှုန်းထားများ  မြင့်တက်နေခြင်းကြောင့် ပြည်ပမှ ဝယ်ယူရသော ငါးဖမ်းလုပ်ငန်းသုံးပိုက်များ၊ လောင်စာဆီများပါ  မြင့်တက်လျက်ရှိ သဖြင့် တွက်ခြေကိုက်မှုနည်းပါးကြောင်း သိရှိရသည်။
ဆား
မွန်ပြည်နယ်သည် မြန်မာနိုင်ငံတွင်တတိယ ဆားအများဆုံး ထုတ်လုပ်သောဒေသတစ်ခုဖြစ်သည်။ မွန်ပြည်နယ်တွင်  ဆားကွင်း ပေါင်း ၈၇ ကွင်း၊ လုပ်ကွက်ဧက  ၄၃၀ဝ ခန့်နှင့်ဆားကြိတ်စက်ပေါင်း ၁၆ စက်ရှိရာ  အဆိုပါစက်များမှ နှစ်စဉ် ဆားကြမ်း တန်ချိန် ၄၀ဝ၀ဝ  ခန့်၊ ဆားချောတန်ချိန် ၁၀ဝ၀ဝ ခန့် ကြိတ်ခွဲထုတ်လုပ်လျက်ရှိကြောင်း သိရှိရပါသည်။ ဆားချောများကို  ကရင်ပြည်နယ်နှင့် တနင်္သာရီတိုင်း များသို့သာ ဖြန့်ဖြူးရောင်းချရသဖြင့် ဈေးကွက်အားဖြင့် ကျဉ်းမြောင်း သည်။ ဆားကြမ်းများကို အဆင့်မြင့် အိုင်အိုဒင်းဆားချောစက်ရုံတည် ဆောက် ထုတ်လုပ်နိုင်ပါက   နိုင်ငံခြားဆား  ဝင်ရောက်မှုကိုလည်း ကာကွယ်ပေးနိုင်မည်ဖြစ်ပါသည်။
သစ်သီးဝလံများ
မွန်ပြည်နယ်၏ အခြားထွက်ကုန်တစ်ခုမှာ ကျွဲကော၊ ဒူးရင်း၊ နာနတ်၊ ရှောက်၊ သံပရာ၊ မင်းကွတ်၊ ကြက်မောက် စသည့် သစ်သီးဝလံ များမှာ ရာသီအလိုက်   ထွက်ရှိသော ထွက်ကုန်တစ်မျိုးဖြစ်ပါသည်။ မွန်ပြည်နယ်တွင် ၂၀၂၁-၂၀၂၂   ဘဏ္ဍာနှစ်တွင် ကျွဲကောသီး စိုက် ဧက ၂၈၂၂ဧက၊ ခူးဧက ၂၀၈၉ ဧက၊ ထွက်ရှိမှု ၁၁၂၃၅၅၄၃ လုံး၊ ဒူးရင်းသီး စိုက်ဧက ၇၅၉၀ ဧက၊    ခူးဧက ၅၅၄၉ဧက၊   ထွက်ရှိမှု ၁၄၉၃၈၁၁၉ လုံး၊ ရှောက်/သံပရာသီး   စိုက်ဧက ၂၆၇ ဧက၊ ခူးဧက ၂၂၀ဧက၊ ထွက်ရှိမှု ၅၃၁၀၆၇၉ လုံး၊ နာနတ်သီး   စိုက်ဧက ၆၄၀၃ ဧက၊ ခူးဧက ၄၈၇၄ ဧက၊ ထွက်ရှိမှု ၃၂၂၅၀၉၉၇ လုံးထွက်ရှိ ကြောင်း သိရှိရသည်။ကျွဲကောသီး၊ ဒူးရင်းသီးများမှာ ဒေသတွင်း စားသုံးခြင်း အပြင် ပဲခူး၊ ရန်ကုန်တို့သို့ တင်ပို့ရောင်းချကြောင်းသိရှိရသည်။ ရှောက်/သံပရာ၊  နာနတ်သီးများမှာ  ဒေသတွင်းစားသုံးခြင်း၊ Value Added  အနေဖြင့် ယိုထိုးခြင်း၊ရှောက်သီးဆေးပြားများ ပြုလုပ်ပြီး ခရီး သွားများ၊ ဘုရားဖူးပြည်သူများအနေဖြင့် မွန်ပြည်နယ်၏ ဒေသထွက် လက်ဆောင်အဖြစ် ဝယ်ယူခြင်းများရှိကြောင်း သိရှိရပါ သည်။
ဝဥ
ဝဥမှာ နိုင်ငံခြားဈေးကွက်သို့  တင်ပို့ရောင်းချရသော ဒေသ ထွက်ကုန်တစ်မျိုးဖြစ်သည်။ လက်ရှိအချိန်တွင် မွန်ပြည်နယ်မှ  ဝဥ ကုန်ကြမ်းအနည်းငယ်သာထွက်ရှိပြီး မြိတ်၊ ထားဝယ်၊တနင်္သာရီ၊ကရင် ပြည်နယ်ကြာအင်းဆိပ်ကြီးတို့မှ ဝယ်ယူရသည်။ ဝဥထုတ်လုပ်မှုရာသီ မှာ စက်တင်ဘာလမှ ဒီဇင်ဘာလအထိသာထုတ်လုပ်ရကြောင်းသိရှိရသည်။ ဝဥအစိုများကို ရေဆေးကြောသန့်စင်ပြီးအခွံခွာလှီးဖြတ်၍အခြောက်ခံစက်ဖြင့် အခြောက်ခံရသည်။ ထွက်ရှိလာသော ဝဥ ခြောက်များအား ရန်ကုန်နှင့်  မန္တလေးမှတစ်ဆင့်   တရုတ်နိုင်ငံနှင့် ဂျပန်နိုင်ငံများသို့  တင်ပို့ရောင်းချ ကြောင်းသိရှိ ရသည်။ အချို့မှာ ဝဥ ခြောက် အမှုန့်လုပ်၍လည်း တင်ပို့ကြောင်း သိရသည်။  မွန်ပြည်နယ် တွင်  ဝဥအခြောက်ခံစက်ရုံငါးရုံနှင့်  ဝဥအမှုန့်ကြိတ်စက်ရုံတစ်ရုံရှိ ကြောင်း သိရှိရသည်။
အခက်အခဲနှင့်စိန်ခေါ်မှုများ
ကဏ္ဍအသီးသီးတွင် အခက်အခဲနှင့်   စိန်ခေါ်မှုများအနေဖြင့် နည်းပညာလိုအပ်ချက်၊  မတည်အရင်းအနှီးများ လိုအပ်ချက်၊ ပြည် တွင်း၊ ပြည်ပဈေးကွက်ရှာဖွေရန် လိုအပ်ချက်၊ ကုန်သွယ်မှုမြှင့်တင်ရေး ဆိုင်ရာ သတင်းအချက်အလက်များ လိုအပ်လျက်ရှိသည်။
သုံးသပ်အကြံပြုချက်
အထက်ပါဒေသထွက်ကုန်များသည်  ပြည်တွင်းကုန်ထုတ်လုပ် မှုမြင့်မားအောင် ဆောင်ရွက်ရာတွင် အဓိအရင်းအမြစ်များဖြစ်သည်။ ပြည်တွင်းကုန်ထုတ်လုပ်မှု မြင့်မားအောင် ဆောင်ရွက်ရာတွင် ဒေသ တွင်းထွက်ရှိသည့် စိုက်ပျိုးရေး၊   မွေးမြူရေးနှင့် ဒေသထွက်သယံ ဇာတကုန်ကြမ်းများကို အခြေခံ ကာအရည်အသွေးကောင်းမွန်သည့် ကုန်ချောအမျိုးမျိုး၊တန်ဖိုးမြှင့်ထုတ်ကုန်အမျိုးမျိုး ထုတ်လုပ်ပြီး ပြည်တွင်း၊ ပြည်ပဈေးကွက်များသို့   တင်ပို့ရောင်းချခြင်း၊ သွင်းကုန် အစားထိုး စားသောက်ကုန်၊  လူသုံးကုန်   စသည်တို့ကို တိုးမြှင့်ထုတ် လုပ်ခြင်းဖြင့် ကုန်သွယ်မှုလိုငွေပြမှုကို လျော့နည်းစေ မည်ဖြစ် ပါသည်။ထိုကဲ့သို့ကုန်ချောများထုတ်လုပ်နိုင်ရန်၊ တန်ဖိုးမြှင့် ထုတ်ကုန်များထုတ်လုပ်နိုင်ရန်အတွက်လုပ်ငန်းရှင်များအား နိုင်ငံတော်က လိုအပ်သော နည်းပညာများ ပံ့ပိုးပေးခြင်း၊ ကာလတို၊   ကာလရှည် မတည်ရင်းနှီးငွေများ   ထုတ်ချေးပေးခြင်း၊ ပြည်တွင်း/ပြည်ပ  ဈေး ကွက်များ ရှာဖွေချိတ်ဆက် ပေးခြင်းများ ဆောင်ရွက်ပေးခြင်း၊ လုပ် ငန်းရှင်များကလည်း ရရှိလာမည့်ငွေကြေးများကို စနစ်တကျ စီမံခန့်ခွဲ ၍ ရင်းနှီးမြှုပ်နှံခြင်း၊ နည်းပညာများကို နည်းလမ်းမှန်စွာ  လက်တွေ့ အသုံးချခြင်းဖြင့်Public Private Partneship-PPP ကို အကောင်အထည်ဖော်ဆောင်ရွက်ပြီး “ဒေသထွက်ကုန်များမှ ဒေသ ဖွံ့ဖြိုးတိုး ရေးဆီသို့ ဦးတည်ချီတက်ကြပါစို့” ဟု တိုက်တွန်းရေးသား  တင်ပြအပ်ပါသည်။
မိုးမိုး(မွန်)

Latest News: 

အရှေ့တောင်အာရှနိုင်ငံများအကြား ဒီဂျစ်တယ်စနစ် အဆင့်မြှင့်တင်ရေး

Tue, 11/29/2022 - 07:38 -- admin_ygn
Undefined

အင်ဒိုနီးရှားနှင့် ထိုင်းနိုင်ငံတို့သည် နိုင်ငံဖြတ်ကျော် QR စနစ် ဖြင့် ငွေပေးချေခြင်းအစီအစဉ်အား အကောင်အထည်ဖော်ဆောင်ရွက် ခဲ့ပြီး နှစ်နိုင်ငံကြားရှိ စားသုံးသူများအနေဖြင့် ကုန်စည်နှင့်ဝန်ဆောင်မှု များ ဝယ်ယူ/ရောင်းချခြင်းတို့အတွက်   မိုဘိုင်းအက်ပလီကေးရှင်း များမှတစ်ဆင့် ငွေပေးချေမှု များ ဆောင်ရွက်နိုင်မည်ဖြစ်သည်။ 
ယခုဆောင်ရွက်ချက်သည်   အရှေ့တောင်အာရှနိုင်ငံများအကြားဒီဂျစ်တယ်စီးပွားရေအဆင့်မြှင့်တင်မှု သဘောတူညီချက်နှင့်အညီဆောင်ရွက်ခြင်းဖြစ်ပြီး အရှေ့တောင်အာရှနိုင်ငံများရှိ စားသုံးသူများအနေဖြင့် နိုင်ငံဖြတ်ကျော် ငွေပေးချေးမှုများအား လွယ်ကူလျင်မြန်စွာဆောင်ရွက်သွားနိုင်မည် ဖြစ် သည်။ ထို့ပြင် QRစနစ်ဖြင့် ငွေပေးချေခြင်းအစီအစဉ်သည် ဒေသတွင်းနိုင်ငံများအကြား ငွေရေးကြေးရေး ပူးပေါင်းဆောင်ရွက်မှုကိုအားပေးရာရောက်ပြီး ဘဏ်စနစ်နှင့် မရင်းနှီးသေးသောသူများနှင့် ဘဏ်စနစ် ရင်းနှီးပြီး သောသူများအကြား များစွာအထောက်အပံ့ဖြစ်စေသည်။ 
အင်ဒိုနီးရှားနိုင်ငံနှင့် ထိုင်းနိုင်ငံတို့သည်လွန်ခဲ့သောနှစ်မှစ၍ နိုင်ငံဖြတ်ကျော်၍ QRစနစ်ဖြင့်ငွေပေးချေမှုအစီအစဉ်အား အောင်မြင်စွာအကောင်အထည်ဖော်ဆောင်ရွက်ခဲ့ပြီးဖြစ်သည်။ အင်ဒိုနီးရှားနိုင်ငံသားများအနေဖြင့် ထိုင်းနိုင်ငံရှိ  ကုန်စည်နှင့် ဝန်ဆောင်မှု များ ဝယ်ယူ/ ရောင်းချ ခြင်းတို့ အတွက် ထိုင်းနိုင်ငံ QR Code အားဖတ်၍ ငွေပေးချေမှုဆောင်ရွက်နိုင်မည်ဖြစ်သည်။ အလားတူပင် အင်ဒိုနီးရှားနိုင်ငံရှိ ကုန်စည်နှင့် ဝန်ဆောင်မှုများ ဝယ်ယူ/ရောင်းချ ခြင်းများ အတွက်လည်း QRIS မှတစ်ဆင့်  ငွေပေးချေမှုများ ဆောင်ရွက်နိုင်မည် ဖြစ်သည်။ အဆိုပါစနစ်တွင် ပါဝင်ဆောင်ရွက်လျက်ရှိသော နည်းပညာ ကုမ္ပဏီပေါင်း ၇၆ ခုရှိပြီး ယခုထက် ပိုမိုများပြား လာမည်ဟုလည်း မျှော်မှန်းထားသည်။အင်ဒိုနီးရှား ဗဟိုဘဏ်သည် ထပ်မံ၍ စင်ကာပူ၊ မလေးရှား နိုင်ငံတို့နှင့်လည်း  QR  စနစ်ဖြင့် ငွေပေးချေမှုအစီအစဉ်အား စမ်းသပ် ဆောင်ရွက်လျက်ရှိသည်။ စင်ကာပူနိုင်ငံနှင့် ၂၀၂၃ ခုနှစ်တွင် စတင် သွားရန်ရည်ရွယ်ထားပြီး ဖြစ်ကြောင်း၊ အလားတူပင်မလေးရှားနိုင်ငံ တွင်လည်း ၂၀၂၂ ခုနှစ် ဇန်နဝါရီလကတည်းက စတင်ခဲ့ပြီး ၂၀၂၂ ခုနှစ်ကုန်ဆုံးချိန်တွင် စတင်အသုံးပြုနိုင်ရန်မျှော်မှန်းထားသည်။စီးပွားရေးနှင့်ကူးသန်းရောင်းဝယ်ရေးဆိုင်ရာ သဘောတူညီချက်နိုင်ငံဖြတ် ကျော် QR  စနစ်ဖြင့် ငွေပေးချေမှု အစီအစဉ်သည် အာဆီယံစီးပွားရေးနှင့်ကူးသန်းရောင်းဝယ်ရေးဆိုင်ရာ သဘောတူ ညီချက်နှင့်အညီ ဆောင်ရွက်နေခြင်းဖြစ်ပြီး အရှေ့တောင်အာရှနိုင်ငံ များအကြား အီလက်ထရွန်နစ်ကုန်သွယ်မှုစနစ်အား ထောက်ပံ့ပေး နိုင်ရန်အပြင် ဒေသတွင်းဒီဂျစ်တယ်စီးပွားရေးစနစ်အား အဆင့်မြှင့် တင်နိုင်ရန်ရည်ရွယ်သည်။ထို့ပြင်နိုင်ငံဖြတ်ကျော် QRစနစ်ဖြင့် ငွေပေးချေမှုအစီအစဉ်မှာလည်းယင်းသဘောတူညီချက်၏အရေးကြီးသော အစိတ်အပိုင်းတစ်ခုပင် ဖြစ်သည်။အရှေ့တောင်အာရှ နိုင်ငံများအကြား အီလက်ထရွန်နစ်ကုန်သွယ်မှုစနစ်သည် ကမ္ဘာနှင့်အဝန်း  ကိုဗစ်(၁၉)ရောဂါ ဖြစ်ပွား နေစဉ်ကာလအတွင်း လျင်မြန်စွာတိုးတက်လာခဲ့ပြီး ၂၀၂၅ ခုနှစ်တွင်အင်တာနက်စီးပွားရေးမှ စုစုပေါင်းကုန်သွယ်မှုပေါင်း အမေရိကန်ဒေါ်လာ ၃၅၀ ဘီလီယံခန့် ရှိပြီး ၂၀၃၀ ပြည့်နှစ်တွင် အမေရိကန်ဒေါ်လာ  တစ်ထရီလီယံထိတိုးမြင့်လာနိုင်မည်ဖြစ်သည်။ ဒီဂျစ်တယ် စားသုံးသူများနှင့်ကုန်သည်များ များပြားလာရခြင်းမှာ အွန်လိုင်းမှအစားအစာများ မှာယူခြင်းလုပ်ငန်းနှင့်   အီလက်ထရွန်နစ်  ကုန်သွယ်မှုတို့ကြောင့် ဖြစ်သည်။
လုပ်ငန်းများအပေါ်  QR  စနစ်ဖြင့် ငွေပေးချေမှု 
အသေးစား၊ အလတ်စား စီးပွားရေးလုပ်ငန်းအများစုမှာ သာမန်မဟုတ်သည့်ကဏ္ဍတစ်ခုတွင် ရှိနေသည့်အားလျော်စွာ ဘဏ်စနစ်အား မရင်းနှီးသေးသောသူများဖြစ်စေ၊  ဘဏ်စနစ်အား ရင်းနှီး ပြီးသောသူများဖြစ်စေ အဆိုပါ QR စနစ်ဖြင့် ငွေပေးချေမှုအစီအစဉ် မှာ အရှေ့တောင်အာရှနိုင်ငံများ၏ အသေးစား၊အလတ်စားစီးပွားရေးလုပ်ငန်းများအတွက်    များစွာအထောက်အပံ့ဖြစ်စေမည်ဖြစ် သည်။ ဒေသတွင်းလူဦးရေ၏ ၅၀ရာခိုင်နှုန်း(လူဦးရေ ၃၀ဝ မီလီယံ ခန့်)မှာ ဘဏ်စနစ်အား မရင်းနှီးသေးသောသူများဖြစ်ပြီး ၂၄ ရာခိုင် နှုန်းခန့်မှာ ဘဏ်စနစ်ရင်းနှီးပြီးသူများဖြစ်ကြောင်း ခန့်မှန်းရရှိသည်။
ငွေရေးကြေးရေး ပူးပေါင်းဆောင်ရွက်မှုလုပ်ငန်းစဉ်မှာ အရှေ့ တောင်အာရှနိုင်ငံများအကြား  ကွဲပြားခြားနားလျက်ရှိပြီး စင်ကာပူ နိုင်ငံမှာ ကမ္ဘာပေါ်တွင် ငွေရေးကြေးရေး ပူးပေါင်းဆောင်ရွက်မှုအား အကောင်းဆုံးနိုင်ငံတစ်နိုင်ငံဖြစ်နေသည့်အချိန်တွင်  ဗီယက်နမ်နိုင်ငံ လူဦးရေ၏ ၇၀ ရာခိုင်နှုန်း၊  ဖိလစ်ပိုင်နိုင်ငံ လူဦးရေ၏ ၆၅ ရာခိုင်နှုန်း နှင့် အင်ဒိုနီးရှားနိုင်ငံ  လူဦးရေ၏ ၅၀ ရာခိုင်နှုန်းမှာ ဘဏ်စနစ်ဖြင့် မရင်းနှီးသေးသောသူများဖြစ်သည်။
ငွေသားသည်သာ အဓိက
အသေးစား၊ အလတ်စားစီးပွားရေးလုပ်ငန်း အများစုမှာ သာမန်မဟုတ်သည့်ကဏ္ဍတစ်ခုတွင်ရှိပြီး အထူးသဖြင့် ကျေးလက် ဒေသများနှင့် လစာဝင်ငွေနိမ့်ပါးသည့်အဖွဲ့အစည်းများသည် လုပ်ခလစာများအားငွေသားဖြင့်သာ ပေးချေလေ့ရှိသည်။ဘဏ်စာရင်းမရှိသည့်အတွက် အရှေ့တောင်အာရှ နိုင်ငံများရှိလုပ်ငန်းများနှင့် ၎င်းတို့၏လုပ်သားများမှာဘဏ်ချေးငွေ ချေးယူဖူးသည့် ရာဇဝင် မရှိ သည့်အပြင် ငွေရေးကြေးရေးဝန်ဆောင်မှုများနှင့်လည်း အလှမ်းကွာ ဝေးလျက်ရှိသည်။
ငွေရေးကြေးရေးဆိုင်ရာ အသိအမြင်
    ငွေရေးကြေးရေး အသိအမြင် ဗဟုသုတ နည်းပါးခြင်းသည် အရှေ့တောင်အာရှနိုင်ငံများအတွင်း  ငွေရေးကြေးရေး ဝန်ဆောင်မှု ရရှိနိုင်မှုအပေါ် အကျိုးသက်ရောက်စေနိုင်သည်။ ဒေသတွင်း အရွယ် ရောက်ပြီး လူဦးရေ၏ ၃၀ ရာခိုင်နှုန်းမှာ ငွေရေးကြေးရေး အသိအမြင် ဗဟုသုတ နည်းပါးသည်ကို တွေ့ရှိရသည်။
မိုဘိုင်းတယ်လီဖုန်းများ၏အရေးပါမှု
အရှေ့တောင်အာရှ နိုင်ငံများရှိ လူဦးရေအများစုတွင်ဘဏ်စာရင်းထက် မိုဘိုင်းဖုန်းများ ပိုင်ဆိုင်ကြခြင်းသည် ဒေသတွင်းငွေရေးကြေးရေး ပူးပေါင်းအစီအစဉ်တွင် ပါဝင်ရန်အတွက် အဓိကသော့ချက်ဖြစ်စေသည်။ ထိုမှတစ်ဆင့်   မိုဘိုင်းဝေါလက်အနေဖြင့် အသုံးပြုနိုင်မည့် အပြင် QR  စနစ်ဖြင့် ငွေပေးချေမှုအားအသုံးပြုနိုင်စေမည်ဖြစ်သည်။ အရှေ့တောင်အာရှနိုင်ငံများတွင်လတ်တလောအသုံးပြုလျက်ရှိသည့်   မိုဘိုင်းဝေါလက်အမည်များမှာGrabPay, GoPay, OVO, MoMo  နှင့် PayFazz တို့ဖြစ်ကြသည်။ ၎င်းတို့အား ကျော်၍ စားသုံး သူများအနေဖြင့် ဘဏ်စာရင်း မရှိသော်လည်း အွန်လိုင်း ငွေပေးချေ မှုများအား ဆောင်ရွက်နိုင်မည်ဖြစ်ပါသည်။ ထို့ပြင် စားသုံးသူများနှင့် လုပ်ငန်းများအနေဖြင့် ဒီဂျစ်တယ်ဝေါလက်များ သုံးစွဲခြင်းဖြင့် ငွေရေး ကြေးရေး လုပ်ဆောင်ချက်များနှင့် စားသုံးသူများ၏  လတ်တလော ကြိုက်နှစ်သက်မှုဆိုင်ရာ အချက်အလက်များကိုလည်း ရရှိစေနိုင်မည် ဖြစ်သည်။ 
အီလက်ထရွန်နစ်ဝေါလက်ကဏ္ဍအတွင်းရှိ နိုင်ငံခြားရင်းနှီး မြှုပ်နှံသူများအတွက် စားသုံးသူများ၏ ကြိုက်နှစ်သက်မှုကို  ဦးစားပေး ရန်မှာ အရေးကြီးပြီး စားသုံးသူများက   ပြည်တွင်းငွေပေးချေမှုစနစ် သုံးစွဲလိုပါက သုံးစွဲရန်  ခွင့်ပြုသင့်ပြီး မိုဘိုင်းငွေပေးချေမှုဖြင့် ပေးချေ လိုပါကလည်း ခွင့်ပြုပေးရမည်ဖြစ်သည်။
Peer-to-Peer (P2P) စနစ်ဖြင့် ငွေချေးခြင်း
အရှေ့တောင်အာရှနိုင်ငံများရှိ   အသေးစား၊  အလတ်စား စီးပွားရေးလုပ်ငန်းအများစု၏လုပ်ငန်းစံနှုန်းပုံစံများမှာ ဘဏ်များနှင့် အခြားငွေရေးကြေးရေးအဖွဲ့အစည်းများမှ ဝန်ဆောင်မှု ပေးနေသည့် ငွေကြေးဝန်ဆောင်မှုလုပ်ငန်းများအတွက်   သတ်မှတ်ချက်များနှင့် ကိုက်ညီမှုမရှိသည်ကိုတွေ့ရှိရသည်။ ဥပမာအားဖြင့်ချေးငွေပြန်လည်ပေးဆပ်မည့်သက်တမ်းနှင့်ပေးဆပ်မည့်ပုံစံ၊ အပေါင်ပစ္စည်းပေးနိုင်မှု အခြေအနေ၊ချေးငွေအရည်အသွေးဆိုင်ရာကန့်သတ်ချက်နှင့် အခြားတို့ဖြစ်သည်။P2Pစနစ်ဖြင့် ငွေချေးခြင်းဆိုသည်မှာ ဘဏ်စနစ်အား မရင်း နှီးသေးသောသူများနှင့် ဘဏ်စနစ်  ရင်းနှီးပြီးသော သူများအတွက် ဝန်ဆောင်မှုပေးနေသည့်ချေးငွေအမျိုးအစား တစ်မျိုးဖြစ်သည်။ အင်ဒိုနီးရှားနိုင်ငံတွင် အဆိုပါချေးငွေဝန်ဆောင်မှုပေးရန် ငွေရေး ကြေးရေး ကုမ္ပဏီပေါင်း ၁၆၀ ကျော်မှာ   မှတ်ပုံတင်ထားပြီးဖြစ်ပြီး ၂၀၂၀ ပြည့်နှစ်တွင်  အမေရိကန်ဒေါ်လာ ၇ ဘီလီယံကျော်ထိ ထုတ် ချေးပြီးဖြစ် သည်။ 
အဆိုပါအသေးစားချေးငွေလုပ်ငန်းမှာပိုမိုလူသိများလာပြီး အမေရိကန်ဒေါ်လာ ၁၀ဝ အောက်  ပမာဏများအတွက် ၂၄ နာရီ မပြည့်မီ အချိန်တိုကာလအတွင်း ထုတ်ချေးပေးနိုင်သည်။ထို့ပြင်ချေးငွေကာလနှင့် သက်တမ်းစေ့ရောက်မည့်ကာလမှာနည်းပြီး ရက်သတ္တပတ်အနည်းငယ်အတွင်း  ပြန်လည်ပေးဆပ်ရမည်ဖြစ်သည်။
ကေသွယ်ခိုင်
 

Latest News: 

ဒေသထွက်ကုန်များမှ ဒေသဖွံ့ဖြိုးတိုးတက်ရေးဆီသို့ ဦးတည် ချီတက်ကြပါစို့

Tue, 11/22/2022 - 07:04 -- admin_ygn
Undefined

မွန်ပြည်နယ်သည် တောင်ကုန်းတောင်တန်းများ ထူထပ်သော ပြည်နယ်တစ်ခုဖြစ်သည့်အပြင် ကမ်းရိုးတန်းဒေသတစ်ခုဖြစ်ပြီး ရာသီဥတုမှာလည်း  အပူပိုင်းမုတ်သုံရာသီဥတုဖြစ်သဖြင့် ကောက်ပဲ သီးနှံ၊ သစ်သီးဝလံ၊    ရေထွက် သယံဇာတများ   ပေါကြွယ်ဝသည့် ပြည်နယ်တစ်ခုလည်းဖြစ်သည်။ အချုပ်အားဖြင့်ဆိုရလျှင် ဒေသထွက်ကုန်  အများအပြားထွက်ရှိသည့်  ပြည်နယ်တစ်ခုဆိုလျှင်လည်း မှားမည်မထင်ပါ။ မွန်ပြည်နယ်၏ထင်ရှားသော ဒေသထွက်ကုန် အချို့မှာ ဆန်၊ စပါး၊  ရော်ဘာ၊ ရေထွက်ပစ္စည်းများ၊ ဆား၊ သစ်သီးဝလံများ၊ ဝဥ စသည်တို့ဖြစ်သည်။    
ဆန်/စပါး
မွန်ပြည်နယ်၌ ၂၀၂၁-၂၀၂၂ ဘဏ္ဍာနှစ်တွင်   မိုးစပါးစိုက် ဧက  ၆၈၇၈၂၈ ဧက၊ အထွက်တင်းပေါင်း    ၄၃၃၃၅၂၀၁ တင်းရှိပြီး နွေစပါးစိုက်ဧက  ၄၃၅၇၂ ဧက၊ အထွက်  ၁၉၄၉၆၀၁ တင်း ထွက်ရှိ သည်။ အဓိကစိုက်ပျိုးသော မျိုးများမှာ မိုးစပါးအဖြစ် ပေါ်ဆန်းစပါး ကို အဓိကစိုက်ပျိုးပြီး နွေစပါးကို  ရက်(၉၀)ဧည့်မထအုပ်စုကို အဓိက စိုက်ပျိုးကြောင်း သိရှိရသည်။   ပြည်နယ်အတွင်း  ဆန်စက်အကြီးစား ၂၃ လုံး၊ အလတ်စား ၇၂လုံး၊ အငယ်စား ၅၃၁လုံး၊ စုစုပေါင်း ဆန်စက်  ၆၂၆ လုံးရှိပါသည်။ မွန်ပြည်နယ်အနေဖြင့် ဆန်စပါးဖူလုံမှုရှိရုံသာမက ပြည်ပသို့ပါ တင်ပို့လျက်ရှိသည်။
စပါးမျိုးကောင်းမျိုးသန့်များဖြင့် စက်မှုလယ်ယာစနစ်ကို ဖော် ဆောင်နိုင်ပါက စပါးအထွက် များစွာတိုးလာမည်ဖြစ်ပြီး စပါးအထွက် တိုးလာမှုများကို အချိန်မီ ကြိတ်ခွဲနိုင်ရေးနှင့်   Export Quality မီ အောင် ကြိတ်ခွဲနိုင်ရေး ဆန်စက်များကို အဆင့်မြှင့်တင်ရန်နှင့် တိုးချဲ့ တည်ဆောက်နိုင်ရန်အတွက်   မတည်ရင်းနှီးငွေများ   လိုအပ်လျက် ရှိသည်။
ရော်ဘာ
မွန်ပြည်နယ်၏ အခြားထွက်ကုန်တစ်ခုမှာ  ရော်ဘာဖြစ်သည်။ မွန်ပြည်နယ်သည် မြန်မာနိုင်ငံတွင် ရော်ဘာစိုက်ပျိုးသည့်ဧရိယာ၏ ၃၀ရာခိုင်နှုန်းကျော် စိုက်ပျိုးထားသည့် ရော်ဘာပြည်နယ်တစ်ခုဖြစ်ပြီး ရော်ဘာအစေးရည်မှ မှိုင်းခံရော်ဘာပြားများအပြင် ခရမ့်ရော်ဘာများ ထုတ်လုပ်ခြင်း၊ ရော်ဘာပင်အိုခုတ်လှဲပြီး  ရော်ဘာသစ်နှင့် ရော်ဘာ သစ်ပါးလွှာများ ထုတ်လုပ်ခြင်းများကို ဌာနနှင့်ပုဂ္ဂလိက  ကဏ္ဍများမှ ဆောင်ရွက်လျက်ရှိသည်။ ၂၀၂၁-၂၀၂၂ဘဏ္ဍာနှစ်တွင် မွန်ပြည်နယ် ၏ ရော်ဘာစိုက်ဧက ၅၀၁၇၁၉ ဧကရှိပြီး   အစေးလှီးဧက ၃၃၀ဝ၁၄ ဧကရှိရာ ထွက်ရှိမှု   ၂၃၆၉၅၄၆၅၈ ပေါင် (တန်အားဖြင့် ၁၀၇၄၈၁) တန်ထွက်ရှိကြောင်း သိရှိရသည်။  ပြည်နယ်တွင်း သုံးစွဲ မှုအနေဖြင့် တာယာစက်ရုံ၊    ခရမ့်ရော်ဘာစက်ရုံ၊   သားရေကွင်း/ပူပေါင်း/ ဘောလုံး/ ဖိနပ်လုပ်ငန်းများမှ  တန်ချိန် ၁၂၀ဝ၀ နီးပါးခန့်   သုံးစွဲ ကြောင်း သိရှိရသည်။ ပြည်တွင်းသုံးစွဲမှု  ပိုလျှံသော ရော်ဘာများကို ပုဂ္ဂလိကဝယ်လက်များမှတစ်ဆင့် ရော်ဘာ အဝယ်ဒိုင်/ကုမ္ပဏီများ တွင် စုစည်းကာ ရန်ကုန်/မန္တလေးရှိ ကုမ္ပဏီများသို့ တင်ပို့ပြီး ထိုမှ တစ်ဆင့် ပြည်ပသို့တင်ပို့ကြောင်း သိရှိရသည်။
မွန်ပြည်နယ်မှ ရော်ဘာတစ်ဧကအထွက်နှုန်းသည် အိမ်နီးချင်း ရော်ဘာစိုက် နိုင်ငံများ၏ အထွက်နှုန်းနှင့်နှိုင်းယှဉ်ပါက  လျော့နည်းနေပြီး ရော်ဘာခြံကြီးများမှလွဲ၍  ခြံငယ်၊ ခြံလတ်များမှ ထုတ်လုပ်နေသော ရော်ဘာ အရည်အသွေး သည်လည်း   နိုင်ငံတကာအဆင့် အတန်းမီ  ထုတ်လုပ်နိုင်မှုမရှိခြင်းကြောင့်  နိုင်ငံတကာဈေးကွက်တွင် ဈေးနှုန်းရရှိမှုနိမ့်ကျနေကြောင်း တွေ့ရသည်။
မွန်ပြည်နယ်တွင် ရော်ဘာစိုက်ပျိုးထုတ်လုပ်သူများအနက် ၉၀ ရာခိုင်နှုန်းကျော်ခန့်သည် ခြံငယ်ရှင်များဖြစ်ပြီး  တူညီကောင်းမွန်သော အရည်အသွေးဖြင့် ကုန်ကြမ်း/ကုန်ချောထုတ်လုပ်ရန်  အခက်အခဲများ ရှိနေသောကြောင့်   ခြံရှင်ငယ်များကို   စုဖွဲ့၍သော်လည်း ကောင်း၊ အသင်းအဖွဲ့များ အနေဖြင့်သော်လည်းကောင်း၊  တစ်ဦးချင်း အနေဖြင့်သော်လည်းကောင်း၊ မှိုင်းရုံများ တည်ဆောက်ခြင်း၊  မှန်ကန်သော  အက်စစ်သုံးစေခြင်း၊   နည်းပညာနှင့် ကာလရှည် ချေးငွေများ လိုအပ်မည်ဖြစ်ပါသည်။ မွန်ပြည်နယ်၏ ရော်ဘာကဏ္ဍ ဖွံ့ဖြိုးတိုးတက်စေရေးအတွက်   သင်တန်းများ၊     အလုပ်ရုံဆွေးနွေးပွဲများလည်း ပြုလုပ်ပေးရန် လိုအပ်မည်ဖြစ်ပါသည်။
ရေထွက်ပစ္စည်းများ
မွန်ပြည်နယ်သည် သံလွင်မြစ်၊ ဂျိုင်းမြစ်၊ အတ္ထရံမြစ်   စသည့် ရေချိုမြစ်ကြီးများနှင့် ဆက်စပ်နေသည့်အပြင်   မုတ္တမပင်လယ်ကွေ့၊ တနင်္သာရီကမ်းရိုးတန်းတို့နှင့် ဆက်စပ်တည်ရှိပြီး ရေချို၊ ရေငန် သယံ ဇာတပြွေါကယ်ဝသော  ဒေသတစ်ခုဖြစ်သည်။ မွန်ပြည်နယ်အတွင်းမှ ထွက်ရှိသော ငါး၊ ပုစွန်များကို ပြည်တွင်းစားသုံးခြင်းအပြင်  ပြည်ပ တင်ပို့နိုင်ရန်အတွက် အအေးခန်းစက်ရုံခြောက်ရုံမှ၂၀၂၁-၂၀၂၂ တွင် မက်ထရစ်တန်ချိန်၄၀၅၂တန်၊ ၂၀၂၂-၂၀၂၃ စက်တင်ဘာလထိ မက်ထရစ်တန်ချိန်၂၃၉၅တန်ခန့်ထုတ်လုပ်နိုင်ခဲ့ကြောင်းသိရှိရသည်။
ငါးဖမ်းလုပ်ငန်းရှင်များအနေဖြင့် နိုင်ငံတကာငွေကြေးလဲလှယ် မှု နှုန်းထားများ  မြင့်တက်နေခြင်းကြောင့် ပြည်ပမှ ဝယ်ယူရသော ငါးဖမ်းလုပ်ငန်းသုံးပိုက်များ၊ လောင်စာဆီများပါ  မြင့်တက်လျက်ရှိ သဖြင့် တွက်ခြေကိုက်မှုနည်းပါးကြောင်း သိရှိရသည်။
ဆား
မွန်ပြည်နယ်သည် မြန်မာနိုင်ငံတွင်  တတိယ ဆားအများဆုံး ထုတ်လုပ်သောဒေသတစ်ခုဖြစ်သည်။ မွန်ပြည်နယ်တွင်  ဆားကွင်း ပေါင်း  ၈၇ ကွင်း၊ လုပ်ကွက်ဧက  ၄၃၀ဝ ခန့်နှင့်ဆားကြိတ်စက်ပေါင်း ၁၆ စက်ရှိရာ  အဆိုပါစက်များမှ နှစ်စဉ် ဆားကြမ်း တန်ချိန် ၄၀ဝ၀ဝ  ခန့်၊ ဆားချောတန်ချိန် ၁၀ဝ၀ဝ ခန့် ကြိတ်ခွဲထုတ်လုပ်လျက်ရှိကြောင်း သိရှိရပါသည်။ ဆားချောများကို  ကရင်ပြည်နယ်နှင့် တနင်္သာရီတိုင်း များသို့သာ ဖြန့်ဖြူးရောင်းချရသဖြင့် ဈေးကွက်အားဖြင့် ကျဉ်းမြောင်း သည်။ ဆားကြမ်းများကို အဆင့်မြင့် အိုင်အိုဒင်းဆားချောစက်ရုံတည် ဆောက် ထုတ်လုပ်နိုင်ပါက   နိုင်ငံခြားဆား  ဝင်ရောက်မှုကိုလည်း ကာကွယ်ပေးနိုင်မည်ဖြစ်ပါသည်။
သစ်သီးဝလံများ
မွန်ပြည်နယ်၏ အခြားထွက်ကုန်တစ်ခုမှာ   ကျွဲကော၊ ဒူးရင်း၊ နာနတ်၊ ရှောက်၊ သံပရာ၊ မင်းကွတ်၊ ကြက်မောက် စသည့်  သစ်သီးဝလံ များမှာ ရာသီအလိုက်   ထွက်ရှိသော ထွက်ကုန်တစ်မျိုးဖြစ်ပါသည်။ မွန်ပြည်နယ်တွင် ၂၀၂၁-၂၀၂၂   ဘဏ္ဍာနှစ်တွင် ကျွဲကောသီး စိုက် ဧက ၂၈၂၂ဧက၊ ခူးဧက ၂၀၈၉ ဧက၊ ထွက်ရှိမှု ၁၁၂၃၅၅၄၃ လုံး၊ ဒူးရင်းသီး စိုက်ဧက ၇၅၉၀ ဧက၊    ခူးဧက ၅၅၄၉ဧက၊   ထွက်ရှိမှု ၁၄၉၃၈၁၁၉ လုံး၊ ရှောက်/သံပရာသီး   စိုက်ဧက ၂၆၇ ဧက၊ ခူးဧက ၂၂၀ဧက၊ ထွက်ရှိမှု ၅၃၁၀၆၇၉ လုံး၊ နာနတ်သီး   စိုက်ဧက ၆၄၀၃ ဧက၊ ခူးဧက ၄၈၇၄ ဧက၊ ထွက်ရှိမှု ၃၂၂၅၀၉၉၇ လုံးထွက်ရှိကြောင်း သိရှိရသည်။ ကျွဲကောသီး၊ ဒူးရင်းသီးများမှာ ဒေသတွင်း စားသုံးခြင်း အပြင် ပဲခူး၊ ရန်ကုန်တို့သို့ တင်ပို့ရောင်းချကြောင်း   သိရှိရသည်။ ရှောက်/သံပရာ၊  နာနတ်သီးများမှာ  ဒေသတွင်းစားသုံးခြင်း၊ Value Added  အနေဖြင့် ယိုထိုးခြင်း၊ရှောက်သီးဆေးပြားများ ပြုလုပ်ပြီး ခရီးသွားများ၊ ဘုရားဖူးပြည်သူများအနေဖြင့် မွန်ပြည်နယ်၏ ဒေသထွက် လက်ဆောင်အဖြစ် ဝယ်ယူခြင်းများရှိကြောင်း သိရှိရပါ သည်။
ဝဥ
ဝဥမှာ နိုင်ငံခြားဈေးကွက်သို့  တင်ပို့ရောင်းချရသော ဒေသ ထွက်ကုန်တစ်မျိုးဖြစ်သည်။ လက်ရှိအချိန်တွင် မွန်ပြည်နယ်မှ  ဝဥ ကုန်ကြမ်းအနည်းငယ်သာထွက်ရှိပြီး မြိတ်၊ ထားဝယ်၊တနင်္သာရီ၊ကရင် ပြည်နယ်ကြာအင်းဆိပ်ကြီးတို့မှ ဝယ်ယူရသည်။ ဝဥထုတ်လုပ်မှုရာသီမှာ စက်တင်ဘာလမှ ဒီဇင်ဘာလအထိသာ ထုတ်လုပ်ရကြောင်း သိရှိ ရသည်။ ဝဥအစိုများကို ရေဆေးကြောသန့်စင်ပြီး  အခွံခွာလှီးဖြတ်၍အခြောက်ခံစက်ဖြင့် အခြောက်ခံရသည်။ ထွက်ရှိလာသော ဝဥ ခြောက်များအား ရန်ကုန်နှင့်  မန္တလေးမှတစ်ဆင့်   တရုတ်နိုင်ငံနှင့် ဂျပန်နိုင်ငံများသို့  တင်ပို့ရောင်းချကြောင်းသိရှိရသည်။ အချို့မှာ ဝဥ ခြောက် အမှုန့်လုပ်၍လည်း တင်ပို့ကြောင်း သိရသည်။  မွန်ပြည်နယ် တွင်  ဝဥအခြောက်ခံစက်ရုံငါးရုံနှင့်  ဝဥအမှုန့်ကြိတ်စက်ရုံတစ်ရုံရှိ ကြောင်း သိရှိရသည်။
အခက်အခဲနှင့်စိန်ခေါ်မှုများ
ကဏ္ဍအသီးသီးတွင် အခက်အခဲနှင့်   စိန်ခေါ်မှုများအနေဖြင့် နည်းပညာလိုအပ်ချက်၊  မတည်အရင်းအနှီးများ လိုအပ်ချက်၊ ပြည် တွင်း၊ ပြည်ပဈေးကွက်ရှာဖွေရန် လိုအပ်ချက်၊ ကုန်သွယ်မှုမြှင့်တင်ရေးဆိုင်ရာ သတင်းအချက်အလက် များ လိုအပ်လျက်ရှိသည်။
သုံးသပ်အကြံပြုချက်
အထက်ပါဒေသထွက်ကုန်များသည်  ပြည်တွင်းကုန်ထုတ်လုပ် မှုမြင့်မားအောင် ဆောင်ရွက်ရာတွင် အဓိအရင်းအမြစ်များဖြစ်သည်။ ပြည်တွင်းကုန်ထုတ်လုပ်မှု မြင့်မားအောင် ဆောင်ရွက်ရာတွင် ဒေသ တွင်းထွက်ရှိသည့် စိုက်ပျိုးရေး၊ မွေးမြူရေးနှင့် ဒေသထွက်သယံ ဇာတကုန်ကြမ်းများကို အခြေခံကာ  အရည်အသွေးကောင်းမွန်သည့် ကုန်ချောအမျိုးမျိုး၊     တန်ဖိုးမြှင့်ထုတ်ကုန်အမျိုးမျိုး  ထုတ်လုပ်ပြီး ပြည်တွင်း၊ ပြည်ပဈေးကွက်များသို့   တင်ပို့ရောင်းချခြင်း၊ သွင်းကုန် အစားထိုး စားသောက်ကုန်၊  လူသုံးကုန်   စသည်တို့ကို တိုးမြှင့်ထုတ် လုပ်ခြင်းဖြင့် ကုန်သွယ်မှုလိုငွေပြမှုကို လျော့နည်းစေမည်ဖြစ်ပါသည်။
ထိုကဲ့သို့ ကုန်ချောများထုတ်လုပ်နိုင်ရန်၊ တန်ဖိုးမြှင့် ထုတ်ကုန် များ ထုတ်လုပ်နိုင်ရန်အတွက်   လုပ်ငန်းရှင်များအား နိုင်ငံတော်က လိုအပ်သော နည်းပညာများ ပံ့ပိုးပေးခြင်း၊ ကာလတို၊   ကာလရှည် မတည်ရင်းနှီးငွေများ   ထုတ်ချေးပေးခြင်း၊ ပြည်တွင်း/ပြည်ပ  ဈေး ကွက်များ ရှာဖွေချိတ်ဆက်ပေးခြင်းများ ဆောင်ရွက်ပေးခြင်း၊ လုပ် ငန်းရှင်များကလည်း ရရှိလာမည့်ငွေကြေးများကို စနစ်တကျ စီမံခန့်ခွဲ ၍ ရင်းနှီးမြှုပ်နှံခြင်း၊ နည်းပညာများကို နည်းလမ်းမှန်စွာ  လက်တွေ့ အသုံးချခြင်းဖြင့်Public Private Partneship-PPP ကို   အကောင် အထည် ဖော်ဆောင်ရွက်ပြီး “ဒေသထွက်ကုန်များမှ ဒေသဖွံ့ဖြိုးတိုး ရေးဆီသို့ ဦးတည်ချီတက်ကြပါစို့” ဟု တိုက်တွန်းရေးသား  တင်ပြအပ်ပါသည်။
မိုးမိုး(မွန်)

 

Latest News: 

HACCP (Hazard Analysis Critical Control Points) နှင့်ပတ်သက်၍ သိမှတ်ဖွယ်ရာများ

Fri, 11/18/2022 - 07:33 -- Dotbilateral
Undefined

HACCP ၏ အဓိပ္ပါယ်ဖွင့်ဆိုချက်

        HACCP (Hazard Analysis Critical Control Points) သည် အစားအသောက် ဘေးကင်း လုံခြုံရေးဆိုင်ရာအန္တရာယ်ကို ခွဲခြားသတ်မှတ်ခြင်းနှင့် စီမံခန့်ခွဲခြင်းဆိုင်ရာ နိုင်ငံတကာအသိအမှတ် ပြုသည့်စနစ်တစ်ခုဖြစ်သည်။

    HACCP သည် ကုန်ကြမ်းထုတ်လုပ်ခြင်း၊ ဝယ်ယူခြင်းဆိုင်ရာကိစ္စရပ်များမှ ကုန်ချောထုတ်လုပ်ခြင်း၊ ဖြန့်ဖြူးခြင်းနှင့် စားသုံးခြင်းအထိ ဇီဝဗေဒ၊ ဓာတုနှင့် ရုပ်ပိုင်းဆိုင်ရာအန္တရာယ်များကို ခွဲခြမ်းစိတ်ဖြာခြင်းနှင့် ထိန်းချုပ်ခြင်းမှတစ်ဆင့် အစားအသောက် ဘေးကင်းမှုကို ကိုင်တွယ်ဖြေရှင်း သည့် စီမံခန့်ခွဲမှုစနစ်တစ်ခုဖြစ်သည်။ HACCP ၏ ရည်မှန်းချက်မှာ အစားအသောက် ဘေးကင်းရေး အန္တရာယ်များ ဖြစ်ပွားခြင်းမှ ကာကွယ်ရန်နှင့် လျှော့ချရန်ဖြစ်သည်။

      ယနေ့ခေတ်တွင် ကမ္ဘာ့အကောင်းဆုံးထုတ်လုပ်သူနှင့် ရောင်းချသူအများအပြားသည် ၎င်းတို့၏ အစားအစာဘေးကင်းရေး စီမံခန့်ခွဲမှုအစီအစဉ်များအတွက် အခြေခံစနစ်တစ်ခုအဖြစ် HACCP ကို အသုံးပြုကြသည်။

HACCP ၏ အခြေခံစည်းမျဉ်းများ

          HACCP အစီအစဥ်တွင် အရေးကြီးဆုံးအဆင့်ဖြစ်သည့် အခြေခံစည်းမျဉ်း (၇) ခု အပေါ်တွင် အခြေခံထားသည်။ ပထမစည်းမျဉ်း (၂) ခုသည် HACCP အစီအစဉ်အတွက် အခြေခံအုတ်မြစ်ဖြစ် သည်။ ကျန်စည်းမျဉ်း (၅) ခုသည် HACCP အစီအစဥ်၏ အသုံးချအဆင့်များဖြစ်ပြီး HACCP အစီ အစဥ်၏ လုပ်ငန်းဆောင်ရွက်မှုများကို လုပ်ဆောင်ရန်အတွက်ဖြစ်သည်။

စည်းမျဉ်း ၁ - အန္တရာယ်ဖြစ်စေမည့် ဓာတုပစ္စည်း ပါဝင်မှု ရှိ/မရှိ ခွဲခြမ်းစိတ်ဖြာမှုကို စစ်ဆေး ဆောင်ရွက်ခြင်း

          အန္တရာယ်ဖြစ်စေမည့် ဓာတုပစ္စည်း ပါဝင်မှု ရှိ/မရှိ ခွဲခြမ်းစိတ်ဖြာမှုကို စစ်ဆေးဆောင်ရွက်ခြင်း လုပ်ငန်းစဉ်အတွင်း ဆောင်ရွက်ရမည့်အဆင့်များကို စာရင်းပြုစုခြင်းနှင့် အန္တရာယ်များ ဖြစ်ပေါ်လာ နိုင်သည့်ကိစ္စရပ်များကို ခွဲခြားသတ်မှတ်ခြင်းတို့ ပါဝင်သည်။

        HACCP စစ်ဆေးသည့်အဖွဲ့အနေဖြင့် အန္တရာယ်ဖြစ်စေမည့် ဓာတုပစ္စည်း ပါဝင်မှု ရှိ/မရှိ  ခွဲခြမ်းစိတ်ဖြာစစ်ဆေးခြင်းနှင့် သင်လျော်သော ထိန်းချုပ်မှုအစီအမံများစစ်ဆေး ဆောင်ရွက်ခြင်းများ ဆောင်ရွက်လျက်ရှိပါသည်။ အန္တရာယ်ဖြစ်စေမည့် ဓာတုပစ္စည်း ပါဝင်မှု ရှိ/မရှိ ခွဲခြမ်းစိတ်ဖြာ စစ်ဆေးခြင်း၏ရည်ရွယ်ချက်မှာ သုံးစွဲသူများအနေဖြင့် ထိခိုက်မှုများရှိခြင်း (သို့မဟုတ်) ဘေးအန္တရာယ် ဖြစ်စေနိုင်ခြင်း စသည့်အန္တရာယ်ဖြစ်စေသည့် ပစ္စည်းများ ပါဝင်မှု ရှိ/ မရှိကို စစ်ဆေးဖော်ထုတ်ရန် ဖြစ်ပါသည်။

     အန္တရာယ်ဖြစ်စေမည့် ဓာတုပစ္စည်း ပါဝင်မှု ရှိ/မရှိ  ခွဲခြမ်းစစ်ဆေးရာတွင် ပါဝင်ပစ္စည်းများ၊ ကုန်ကြမ်းများ၊ ထုတ်လုပ်မှုအဆင့်၊ ထုတ်ကုန်သိုလှောင်သိမ်းဆည်းခြင်း၊ ဖြန့်ဖြူးခြင်းနှင့် နောက်ဆုံး အဆင့် ပြင်ဆင်ခြင်းစသည့် အဆင့်များကိုပါ ထည့်သွင်းစစ်ဆေးဆောင်ရွက်ရန် အရေးကြီးပါသည်။

စည်းမျဉ်း ၂ - အရေးကြီးသော ဘေးအန္တရာယ်ဖြစ်စေမည့် ပါဝင်ပစ္စည်းထိန်းချုပ်မှုအမှတ်များ စစ်ဆေးခြင်း

   အရေးကြီးသော ဘေးအန္တရာယ်ဖြစ်စေမည့် ပါဝင်ပစ္စည်းထိန်းချုပ်မှုအမှတ်များ စစ်ဆေးခြင်း အဆင့်တွင် အစားအသောက်ဘေးအန္တရာယ်ဖြစ်စေမှုကို ကာကွယ်ရန်၊ ပပျောက်ရန်နှင့် လျှော့ချနိုင်ရန် ထိန်းချုပ်စစ်ဆေးမှုများပြုလုပ်ပြီး လက်ခံနိုင်သောအစားအသောက် ဘေးအန္တရာယ်ကင်းရှင်းမှုဖြစ်သည်အထိ စစ်ဆေးခြင်းဖြစ်ပါသည်။

  စည်းမျဉ်း (၂)ပါ အရေးကြီးသောဘေးအန္တရာယ်ဖြစ်စေမည့် ပါဝင်ပစ္စည်းထိန်းချုပ်မှုကို ပြည့်စုံ စွာစစ်ဆေးထိန်းချုပ်နိုင်ခြင်းသည် အစားအသောက်ဘေးအန္တရာယ်ကင်းရှင်းရေးကို ထိန်းချုပ်နိုင်ရန် အတွက် အခြေခံစစ်ဆေးခြင်းဖြစ်ပါသည်။ ဥပမာအားဖြင့် အပူပေးစစ်ဆေး လုပ်ဆောင်ခြင်း၊ အေးခဲစစ်ဆေးခြင်း၊ ဓာတုအကြွင်းအကျန်များအတွက် ပါဝင်ပစ္စည်းများကို စမ်းသပ်ခြင်း၊ ထုတ်ကုန် ဖော်မြူလာထိန်းချုပ်စစ်ဆေးခြင်းနှင့် သတ္တုညစ်ညမ်းမှု ပါဝင်ခြင်း ရှိ/ မရှိစစ်ဆေးရန်အတွက် ထုတ်ကုန်ပစ္စည်းများကို စမ်းသပ်စစ်ဆေးခြင်းတို့ပါဝင်သည်။ အရေးကြီးသော ဘေးအန္တရာယ်ဖြစ်စေမည့် ပါဝင်ပစ္စည်းထိန်းချုပ်သည့်အဆင့်ပါ ဆောင်ရွက်ချက်များကို ဂရုတစိုက်ပြုစုပြီး မှတ်တမ်းတင်ထားရှိရပါမည်။

စည်းမျဉ်း ၃ - အရေးကြီး ကန့်သတ်တားမြစ်ချက်များ သတ်မှတ်ခြင်း

  အရေးကြီးသော ကန့်သတ်တားမြစ်ချက်များ သတ်မှတ်ခြင်းသည် အစားအစာဘေးအန္တရာယ် ဖြစ်စေမှုကို ကာကွယ်ရန်၊ အန္တရာယ်ဖြစ်စေသည့် ပါဝင်ပစ္စည်းများကို ဖယ်ထုတ်ရန်၊ လျှော့ချနိုင်ရန်နှင့် အရေးကြီးသော ဘေးအန္တရာယ်ဖြစ်စေမည့် ပါဝင်ပစ္စည်း ထိန်းချုပ်သည့်အဆင့်တွင် ဇီဝ၊ ဓာတု (သို့မဟုတ်) ရုပ်ပိုင်းဆိုင်ရာ ကန့်သတ်ချက်ဘောင်တစ်ခုအတွင်း အနည်းဆုံးနှင့် အမြင့်ဆုံးသတ်မှတ်ခြင်းဖြစ်သည်။ အရေးကြီးသော ဘေးအန္တရာယ်ဖြစ်စေမည့် ပါဝင်ပစ္စည်း ထိန်းချုပ်စစ်ဆေးသည့် အခြေအနေတွင် ဘေးအန္တရာယ်ကင်းရှင်းမှု ရှိ/မရှိ စစ်ဆေးခြင်းကြား၌ ခွဲခြားစစ်ဆေးနိုင်ရန်အတွက် အရေးကြီးသော ကန့်သတ်တားမြစ်ချက်များ သတ်မှတ်စစ်ဆေးခြင်းကို ဆောင်ရွက်ပါသည်။

          အရေးကြီးသော ကန့်သတ်တားမြစ်ချက်များသတ်မှတ်စစ်ဆေးရာတွင် စစ်ဆေးသည့် ထုတ်ကုန် ပစ္စည်း၏ အပူချိန်၊ ကြာမြင့်ချိန်၊ ပါဝင်မှုအတိုင်းအတာ၊ စိုထိုင်းဆ၊ အစိုဓာတ်အဆင့်၊ PH Level ပါဝင်မှုနှုန်း၊ ဆားပါဝင်မှု၊ ရရှိနိုင်သောကလိုရင်း၊ သိပ်သည်းဆ၊ ကြာရှည်ခံပစ္စည်း ပါဝင်မှုနှုန်းနှင့် အနံ့ပါဝင်သုံးစွဲမှုနှုန်းကဲ့သို့ အချက်များအပေါ် အခြေခံ၍ စစ်ဆေးမှုများ ဆောင်ရွက်ပါသည်။ အရေး ကြီးသော ကန့်သတ်တားမြစ်ချက်များ သတ်မှတ်စစ်ဆေးရာတွင် သိပ္ပံနည်းကျကျ အခြေခံစစ်ဆေးခြင်းဖြစ်သည်။

စည်းမျဉ်း ၄ - စောင့်ကြည့်စစ်ဆေးခြင်းဆိုင်ရာ လုပ်ထုံးလုပ်နည်းကြပ်မတ်ဆောင်ရွက်ခြင်း

 စောင့်ကြည့်စစ်ဆေးခြင်းဆိုင်ရာ လုပ်ထုံးလုပ်နည်းများ ကြပ်မတ်ဆောင်ရွက်ရာတွင် အဓိက ရည်ရွယ်ချက်(၃)ခုရှိပါသည်။ ပထမအချက်အနေဖြင့် စစ်ဆေးခြင်းလုပ်ငန်းများ လွယ်ကူချောမွေ့စေရန်အတွက် အစားအသောက် ဘေးအန္တရာယ်ကင်းရှင်းမှု စစ်ဆေးရေးစီမံခန့်ခွဲမှုအတွက် စောင့်ကြည့် စစ်ဆေးခြင်းဆောင်ရွက်ပါသည်။ ဒုတိယအချက်အနေဖြင့် ထိန်းချုပ်စစ်ဆေးခြင်းများ ဆုံးရှုံးသည့်အချိန်၊  အရေးကြီးသော ဘေးအန္တရာယ်ဖြစ်စေမည့် ပါဝင်ပစ္စည်းထိန်းချုပ်မှုအဆင့် စစ်ဆေးခြင်းများ အားနည်း မှုများရှိသည့်အချိန်တွင် စောင့်ကြည့်စစ်ဆေးခြင်းကို အသုံးပြုနိုင်ပါသည်။ တတိယအချက်အနေဖြင့် စစ်ဆေးမှုများ ဆက်လက်ဆောင်ရွက်နိုင်ရန်အတွက် စောင့်ကြည့်စစ်ဆေးမှုရလဒ်စာရွက် စာတမ်းအထောက်အထားများ ထုတ်ပေးပါသည်။

  စောင့်ကြည့်စစ်ဆေးခြင်း လုပ်ငန်းစဉ်ကို ထိန်းချုပ်စစ်ဆေးနိုင်ခြင်းမရှိပါက ဘေးအန္တရာယ်ဖြစ်စေသော အစားအသောက်များဖြစ်ပေါ်နိုင်ပါသည်။ အရေးကြီးသောစစ်ဆေးခြင်းများ ဆောင်ရွက်ရာတွင် အားနည်းချက်များရှိသည့်အတွက် စောင့်ကြည့်စစ်ဆေးခြင်း လုပ်ငန်းများ ဆောင်ရွက်ခြင်းသည် ထိရောက်မှုရှိပါသည်။ စောင့်ကြည့်စစ်ဆေးခြင်းလုပ်ငန်းစဉ်များကို ရုပ်ပိုင်းဆိုင်ရာနည်းလမ်းဖြင့် လည်းကောင်း၊ ဓာတုဗေဒနည်းလမ်းဖြင့်လည်းကောင်း စဉ်ဆက်မပြတ် ဆောင်ရွက်သင့်ပါသည်။ 

စည်းမျဉ်း ၅ - မှန်ကန်သော ဆုံးဖြတ်ချက်များ ချမှတ်ဆောင်ရွက်ခြင်း

   အစားအစာဘေးအန္တရာယ်ကင်းရှင်းရေးစီမံစစ်ဆေးမှုအတွက် HACCP စနစ်အနေဖြင့် ကျန်းမာရေးဆိုင်ရာ ဘေးအန္တရာယ်ဖြစ်စေမှုများကို ခွဲခြားသတ်မှတ်နိုင်ရန်၊ ဘေးအန္တရာယ်ဖြစ်ပွားမှုကို ကာကွယ်ရန်၊ ဖယ်ရှားပစ်ရန်နှင့်လျှော့ချနိုင်ရန်အတွက် မဟာဗျူဟာ စစ်ဆေးချက်များ ချမှတ်စစ်ဆေး ဆောင်ရွက်လျက်ရှိသည်။ မှန်ကန်သောစစ်ဆေးမှုများ၏ အဓိကရည်ရွယ်ချက်များမှာ စားသုံးသူများထံ အန္တရာယ်ဖြစ်စေနိုင်သော အစားအစာများ မရောက်ရှိနိုင်ရန် တားဆီးဆောင်ရွက်ခြင်းဖြစ်သည်။

 မှန်ကန်သော ဆုံးဖြတ်ချက်များ ချမှတ်ဆောင်ရွက်ရာတွင် အောက်ပါအချက်များဖြင့် ချမှတ်ဆောင်ရွက်ပါသည်-

(က)   သတ်မှတ်ထားသည့် လုပ်ထုံးလုပ်နည်း၊ စည်းမျဉ်းစည်းကမ်းများအား လိုက်နာမှုမရှိ သည့် အကြောင်းရင်းကို ဆုံးဖြတ်၍ ပြင်ဆင်ခြင်း၊

(ခ)     ပါဝင်ပစ္စည်းများတွင် သတ်မှတ်ချက်နှင့် ကိုက်ညီခြင်း ရှိ/မရှိ ဆုံးဖြတ်၍ ကိုက်ညီမှု မရှိပါက ပြင်ဆင်ဆောင်ရွက်ခြင်း၊

(ဂ)     မှန်ကန်စွာ ပြင်ဆင်ဆောင်ရွက်ခဲ့သော လုပ်ဆောင်ချက်များအား မှတ်တမ်းတင်ထားရှိခြင်း၊

စည်းမျဉ်း ၆ - စိစစ်ရေးလုပ်ငန်းစဉ်များ ချမှတ်ဆောင်ရွက်ခြင်း

   စိစစ်ရေးလုပ်ငန်းစဉ်များသည် HACCP အစီအစဉ်၏ ကျိုးကြောင်းဆီလျော်မှုရှိခြင်းကို ဆုံးဖြတ်သည့် စစ်ဆေးမှုလုပ်ငန်းများအား စိစစ်လုပ်ဆောင်ခြင်းဖြစ်သည်။ စိစစ်ရေးလုပ်ငန်းစဉ်များ အား HACCP အစီအစဉ်များကို အကောင်အထည်ဖော်ဆောင်ရွက်ခြင်းနှင့် HACCP စနစ်ထိန်းသိမ်း ခြင်းကိစ္စရပ်များ ဆောင်ရွက်နေစဉ်ကာလအတွင်း ပြုလုပ်သင့်ပါသည်။ စိစစ်ရေးလုပ်ငန်းစဉ်များကို ကုမ္ပဏီတစ်ခုအတွင်း လူတစ်ဦးချင်း၊ ပြင်ပအဖွဲ့အစည်းမှ ကျွမ်းကျင်သူများနှင့်စည်းကမ်းထိန်းသိမ်းရေး အေဂျင်စီများမှ တာဝန်ရှိသူများမှ ဆောင်ရွက်ရပါမည်။

စည်းမျဉ်း ၇ - မှတ်တမ်းတင်ထိန်းသိမ်းခြင်းနှင့် စာရွက်စာတမ်းများပြုစုခြင်းဆိုင်ရာ လုပ်ထုံး လုပ်နည်းများ ချမှတ်ဆောင်ရွက်ခြင်း

    HACCP စစ်ဆေးခြင်းလုပ်ငန်းများဆောင်ရွက်ရာတွင် တိကျမှန်ကန်မှုရှိရန်၊ လုပ်ငန်းစဉ်များ ဆောင်ရွက်ရာတွင် လွယ်ကူအဆင်ပြေစေရန်အတွက် လုပ်ဆောင်မှုလုပ်ငန်းစဉ်များအား အဆင့် လိုက်မှတ်တမ်းထားရှိခြင်း၊ အကျဉ်းချုပ်ဇယားများ ပြုစုထားရှိခြင်း၊ စစ်ဆေးမှုများ ပြုလုပ်မည့်သူ၊ မှတ်တမ်းထားရှိမည့်သူများအား တာဝန်သတ်မှတ်ပေးထားခြင်း ချမှတ်ဆောင်ရွက်လျက်ရှိသည်။

HACCP စနစ်ကို ကျင့်သုံးလျက်ရှိသောနိုင်ငံများ

   အဆိုပါ HACCP စနစ်ကို အမေရိကန်၊ ဩစတြေးလျ၊ ဂျပန်၊ ဟောင်ကောင်၊ တရုတ်၊ ထိုင်း၊ တောင်ကိုရီးယား၊ ထိုင်ဝမ်၊ အီဂျစ်၊ ဆော်ဒီအာရေဗျ၊ ပါကစ္စတန်၊  ဗီယက်နမ်၊ ယူအေအီး၊ အစ္စရေး၊ ဘာရိန်း၊ အီရန်နှင့် ဂျော်ဒန် စသည့်နိုင်ငံတို့မှ ကျင့်သုံး ဆောင်ရွက်လျက်ရှိသည်ကို တွေ့ရှိရပါသည်။

HACCP လက်မှတ်လျှောက်ထားခြင်းဆိုင်ရာကိစ္စရပ်များ

HACCP လက်မှတ်ကို စိုက်ပျိုးမွေးမြူရေးအဆင့်မှ စားသုံးမှုအဆင့်အထိ ဆောင်ရွက်သော အစားအသောက်ဆိုင်ရာထောက်ပံ့ပေးသည့် အောက်ဖော်ပြပါ အဖွဲ့အစည်းအားလုံး လျှောက်ထား နိုင်ပါသည်-

  • ပင်မ ထုတ်လုပ်သူများ
  • သယ်ယူပို့ဆောင်ရေးနှင့် သိုလှောင်မှုလုပ်ငန်းရှင်များ
  • စက်ပစ္စည်းများ၊ ထုပ်ပိုးမှုဆိုင်ရာပစ္စည်းများ၊ သန့်ရှင်းရေးလုပ်ငန်းသုံးပစ္စည်းများ၊ ကြာရှည် ခံပစ္စည်းများ၊ ပါဝင်ပစ္စည်းများနှင့် အစားအစာနှင့်သက်ဆိုင်သည့် ထုတ်ကုန်များထုတ်လုပ် သည့် ထုတ်လုပ်သူများနှင့် ကုန်ထုတ်လုပ်သူများ

 HACCP အသိအမှတ်ပြုလက်မှတ်သည် ထုတ်လုပ်သည့် အစားအသောက်များ လုံခြုံစိတ်ချရမှု နှင့်သက်ဆိုင်သည့် ကတိကဝတ်များကို စားသုံးသူများအား သက်သေပြပါသည်။ HACCP လက်မှတ် သည် ISO 22000 ၏ အစိတ်အပိုင်းတစ်ခုဖြစ်သည်။

HACCP လက်မှတ်လျှောက်ထားရာတွင် လိုအပ်သော စာရွက်စာတမ်းအထောက်အထားများ

 ကုမ္ပဏီများအနေဖြင့် HACCP လက်မှတ်လျှောက်ထားရာတွင် ယေဘုယျလိုအပ်သောစာရွက် စာတမ်းအထောက်အထားများမှာ အောက်ပါအတိုင်းဖြစ်ပါသည်-

(က)    သက်ဆိုင်ရာဝန်ကြီးဌာန၏ သတ်မှတ်ထားသောလျှောက်လွှာ၊ (ဥပမာ- အိန္ဒိယနိုင်ငံတွင် စားနပ်ရိက္ခ္ခ္ခ္ခ္ခ္ခ္ခာစီမံခန့်ခွဲရေးဝန်ကြီးဌာန (Ministry of Food Processing Industries – MFPI) က ဆောင်ရွက်ပါသည်။)

(ခ)     ကုမ္ပဏီများ/ အဖွဲ့အစည်းများရှိ တာဝန်ရှိသူများစာရင်းပြုစုထားသော အသေးစိတ်စီမံ ကိန်းအစီရင်ခံစာ၊

(ဂ)     HACCP လျှောက်ထားသည့် ကုမ္ပဏီ/ အဖွဲ့အစည်း၏ နောက်ခံသမိုင်းကြောင်းနှင့် ၎င်းတို့ နှင့်ဆက်စပ်နေသည့် ဆောင်ရွက်မှုများ၊

(ဃ)    ယခင်သုံးနှစ်တာကာလအတွင်း HACCP လျှောက်ထားသည့် ကုမ္ပဏီ/ အဖွဲ့အစည်း၏ ဝင်ငွေခွန်ပြန်တမ်းများ၊

(င)     သက်ဆိုင်ရာ အစားအသောက်ဘေးအန္တရာယ်ကင်းရှင်းရေးနှင့် စံချိန်စံညွှန်း သတ်မှတ် ရေးအာဏာပိုင်က HACCP လျှောက်ထားသည့် ကုမ္ပဏီ/ အဖွဲ့အစည်းသို့ ထုတ်ပေး ထားသည့် လိုင်စင်မိတ္တူ၊

(စ)     သက်ဆိုင်ရာအာဏာပိုင်များမှ သတ်မှတ်ပေးသည့် ဈေးနှုန်းသတ်မှတ်ချက်၊

(ဆ)    လျှောက်ထားသည့် စက်ရုံနှင့် စက်ပစ္စည်းအသေးစိတ်ဖော်ပြချက်၊

(ဇ)     HACCP/ ISO 22000 စနစ်အား အကောင်အထည်ဖော်နိုင်ရန်အတွက် အကောင် အထည်ဖော်မှုအစီအစဉ်ဆိုင်ရာ ဆက်စပ်စာရွက်စာတမ်းများ၊

(ဈ)     ကုန်ထုတ်လုပ်ခြင်း စတင်သည့်နေ့ရက်နှင့်ပတ်သက်သည့် စာရွက်စာတမ်း အထောက် အထားများ၊

HACCP လျှောက်ထားမှုအဆင့်ဆင့်

 HACCP လက်မှတ်လျှောက်ထားရာတွင် လိုအပ်သော ဆောင်ရွက်မှုအဆင့်များမှာ အောက်ပါအတိုင်းဖြစ်ပါသည်-

(က)  လျှောက်လွှာတင်ခြင်း

လျှောက်လွှာပုံစံတွင် ဖြည့်စွက်၍ လျှောက်လွှာတင်ခြင်းသည် HACCP အသိအမှတ် ပြုလက်မှတ်ရရှိရန် ကနဦးအဆင့် ဖြစ်ပါသည်။ လျှောက်လွှာတွင် ဖြည့်စွက်ရာ၌ ကုမ္ပဏီနှင့်ပတ်သက်သော အခြေခံအချက်အလက်များကို ပြည့်စုံစွာ ဖြည့်ရပါမည်။ အာဏာပိုင်အဖွဲ့မှစိစစ်ပြီး လျှောက်လွှာကို လက်ခံရရှိပါက HACCP ဒေတာဘေ့စ်တွင် မှတ်တမ်းတင်ထားရှိမည်ဖြစ်ပါသည်။

(ခ)    လျှောက်လွာတင်မှုကို ပြန်လည်သုံးသပ်ခြင်း

လျှောက်လွှာဖြည့်ရာတွင် ပြည့်စုံမှုရှိစေရန် လက်ခံရရှိထားသော လျှောက်လွှာများကို သက်ဆိုင်ရာအဖွဲ့အစည်းမှ ပြည်လည်စစ်ဆေးပါသည်။

(ဂ)     ဈေးနှုန်းသတ်မှတ်ခြင်းနှင့် ကွာဟချက်များအား ဆန်းစစ်ခြင်း

        လျှောက်လွှာပါ စာရွက်စာတမ်းများအား ပြန်လည်သုံးသပ်ပြီးသည်နှင့် အကြံပေးများအနေဖြင့် အလားအလာရှိသော ဝယ်ယူသူများကို ဈေးနှုန်းသတ်မှတ်ပေးခြင်းနှင့်   အရည်အသွေးစံသတ်မှတ်ချက်များ ကိုက်ညီစေရန် ဆောင်ရွက်ရပါမည်။ ကွာဟချက်           မရှိစေရန်အတွက် စီစဉ်ထားသောအရာများနှင့် အမှန်တကယ်ပါဝင်သောအရာများအကြား ကွာဟမှုကို စစ်ဆေးပါသည်။

(ဃ)    တင်ပြထားသည့် စာရွက်စာတမ်းများ ပြန်လည်သုံးသပ်ခြင်း  

          ဖြည့်စွက်ထားသည့်အချက်များ ကိုက်ညီမှု ရှိ/ မရှိ စစ်ဆေးရန် တင်ပြထားသော  စာရွက်စာတမ်းများကို ပြန်လည်စစ်ဆေးပါသည်။

(င)     စာရွက်စာတမ်းများကို စစ်ဆေးခြင်း

          စာရွက်စာတမ်းများကို စစ်ဆေးရာတွင် အဆင့် (၂) ဆင့်ဖြင့် စစ်ဆေးပါသည်။

      အဆင့် (၁)    

  • ကုမ္ပဏီမှတင်ပြသည့် စာရွက်စာတမ်းအထောက်အထားများ၊ မူဝါဒများ လိုက်နာမှု ရှိ/မရှိ စစ်ဆေးခြင်း၊
  • စည်းကမ်းသတ်မှတ်ချက်များကို လိုက်နာကြောင်းသေချာစေရန် စီမံခန့်ခွဲမှုစနစ်၏ စာရွက်စာတမ်းများကို ပြန်လည်သုံးသပ်ခြင်း၊
  • ကိုက်ညီမှုမရှိသည့် ဆောင်ရွက်ချက်များကို အမှန်ပြုပြင်ဆောင်ရွက်ခြင်း၊
  • စံချိန်စံညွှန်းသတ်မှတ်ချက်များနှင့်အညီ စာရွက်စာတမ်းများ စိစစ်ခြင်း၊

 အဆင့် (၂)    

     စစ်ဆေးသူသည် လျှောက်ထားသည့် အဖွဲ့အစည်း/ ကုမ္ပဏီမှ တင်ပြလာသည့် စာရွက်စာတမ်းများအတိုင်း လုပ်ဆောင်မှု ရှိ/မရှိ စိစစ်ပြီး လက်မှတ်ထုတ်ပေးသည့် အဖွဲ့၏ စစ်ဆေးသူသည် ကျိုးကြောင်းညီညွတ်မှုမရှိသောအချက်များကို စိစစ်၍     မှန်ကန် မှုရှိလာသည်အထိ စစ်ဆေးမှုများပြုလုပ်ပါသည်။ 

 (စ)     လက်မှတ်ထုတ်ပေးခြင်း

  စည်းမျဉ်းစည်းကမ်းသတ်မှတ်ချက်များနှင့်အညီ စာရွက်စာတမ်းများ တင်ပြလာပါက  သက်တမ်း (၃) နှစ် ကာလရှိသော လက်မှတ်ထုတ်ပေးမည်ဖြစ်ပါသည်။

 (ဆ)    လက်မှတ်ပြန်လည်ထုတ်ပေးခြင်း (Re-Certification)

 
       HACCP လက်မှတ်သက်တမ်း (၃) နှစ်ကုန်ဆုံးသည့်အချိန်၌ လုပ်ဆောင်သေ လုပ်ငန်းစဉ်ဖြစ်ပါသည်။

HACCP လက်မှတ်၏ အကျိုးကျေးဇူးများ

HACCP လက်မှတ်၏ အကျိုးကျေးဇူးများမှာ အောက်ပါအတိုင်းဖြစ်ပါသည်-

(က) အစားအသောက်ဘေးကင်းရေးစံနှုန်းများကို မြှင့်တင်ခြင်း၊

(ခ)   ဥပဒေနှင့်အညီ ကိုက်ညီမှုရှိခြင်း၊

(ဂ)   အစားအသောက် အရည်အသွေး စံချိန်စံညွှန်းများ တိုးမြှင့်ခြင်း၊

(ဃ) စျေးကွက်တန်ဖိုးကို တိုးတက်စေခြင်း၊

(င)   စားသုံးရန် ဘေးကင်းပြီး အရည်အသွေးကောင်းမွန်သော အစားအစာများ ထုတ်လုပ်ရန် မူဘောင်ဖြစ်ခြင်း၊

(စ)   အစားအစာထုတ်လုပ်မှုတွင် အန္တရာယ်ကို လျှော့ချပေးခြင်း၊

(ဆ) အဖွဲ့လိုက်လုပ်ဆောင်မှုကို တည်ဆောက်ပြီး စွမ်းဆောင်ရည်ကို မြှင့်တင်ပေးခြင်း၊

(ဇ)   အချိန်ကုန်သက်သာပြီး ကုန်ကျစရိတ်သက်သာခြင်း။

Latest News: 

Pages

Subscribe to RSS - ဆောင်းပါးများ