နောက်ဆုံးရ သတင်း
မြန်မာနိုင်ငံ၏ အဓိကပြည်ပပို့ကုန် လယ်ယာထွက်ကုန်ပစ္စည်းများဖြစ်သည့် ဆန်၊ ပဲမျိုးစုံ၊ ပြောင်း၊ နှမ်းများသည် နိုင်ငံတော်၏ ပြည်ပဝင်ငွေအများဆုံးရရှိသောအားထားရသည့် ပို့ကုန်အမယ် များဖြစ်ကြသည်။ ၂၀၂၄-၂၀၂၅ ဘဏ္ဍာရေးနှစ်တွင် ပဲမျိုးစုံ တန်ချိန် ၁ ဒသမ ၈၉ သန်း၊ ပြည်ပသို့ တင်ပိုရန်လျာထားခဲ့ပြီး ယခုဘဏ္ဍာရေးနှစ်ပထမသုံးလပတ်တွင် စုစုပေါင်းတန်ချိန် ၄ ဒသမ ၃၈ သိန်း တင်ပို့ရန် လျာထားခဲ့သည်။
ပြည်ပတင်ပို့ရန်လျာထားချက်များအတိုင်း ပြည့်မီစွာတင်ပို့နိုင်ရေးဆောင်ရွက်လျှက်ရှိရာ ယခု ဘဏ္ဍာရေးနှစ် ဧပြီနှင့် မေလများတွင် ပဲမျိုးစုံတန်ချိန် ၄ ဒသမ ၆၆ သိန်းကျော် တင်ပို့ထားနိုင်ခဲ့သည့် အတွက် လျာထားချက်ထက် ကျော်လွန်တင်ပို့နိုင်ခဲ့ပြီး ဇွန်လတွင်လည်း လျာထားချက်ပြည့်မီ အောင် တင်ပို့နိုင်ရေး ပဲမျိုးစုံတင်ပို့သည့် ပို့ကုန်လုပ်ငန်းရှင်များ၊ မြန်မာနိုင်ငံ ပဲမျိုးစုံ၊ ပြောင်းနှင့် နှမ်း ကုန်သည်များ အသင်းနှင့် ဌာနဆိုင်ရာ တာဝန်ရှိသူများ ပူးပေါင်း ဆောင်ရွက်လျက်ရှိပါသည်။ မြန်မာနိုင်ငံအတွင်း ရန်ကုန်တိုင်း၊ ဧရာဝတီတိုင်း၊ ပဲခူးတိုင်း (အရှေ့/အနောက်) မွန်ပြည်နယ် တို့တွင် မတ်ပဲထွက်ရှိပြီး စစ်ကိုင်းတိုင်းနှင့် မန္တလေးတိုင်းတို့တွင်လည်း အနည်းငယ်ထွက်ရှိသည်။ ပဲစင်းငုံ(အနီ)အား စစ်ကိုင်းတိုင်း၊ မကွေးတိုင်း၊ မန္တလေးတိုင်းဒေသကြီးများတွင် စိုက်ပျိုးပြီး ပဲစင်းငုံ (အဖြူ)မှာ ရှမ်းပြည်နယ်တောင်ပိုင်း၊ စစ်ကိုင်းတိုင်း၊ ရွှေဘိုခရိုင်များတွင် အနည်းငယ်ထွက်ရှိသည်။ ပဲတီစိမ်းစိုက်ပျိုးထွက်ရှိရာ ဒေသများမှာ ဧရာဝတီတိုင်း၊ ရန်ကုန်တိုင်း၊ ပဲခူးတိုင်းတို့ဖြစ် ကြောင်း ဘုရင့်နောင်ကုန်စည်ဒိုင်မှ သိရှိရသည်။
ပြည်တွင်းမှ ထွက်ရှိသော ပဲများကို ၂၀ ရာခိုင်နှုန်းသာ ပြည်တွင်း၌ စားသုံးပြီး ၈၀ ရာခိုင်နှုန်း အား ပြည်ပသို့ တင်ပို့လျက်ရှိပြီး မတ်ပဲနှင့် ပဲတီစိမ်းကို အိန္ဒိယနိုင်ငံ၊ မလေးရှား၊ ထိုင်း၊ ဗီယက်နမ်၊ စင်ကာပူ၊ ပါကစ္စတန်၊ ဖိလစ်ပိုင်၊ တရုတ်၊ ဂျပန်နှင့် အီးယူနိုင်ငံများသို့ တင်ပို့ကြောင်း သိရသည်။
အိန္ဒိယနိုင်ငံသည် ပြည်တွင်း ပဲလိုအပ်ချက်များရှိသောကြောင့် ပဲတင်သွင်းမှုကို ဖြေလျော့ပေးခဲ့ ရာ ပဲစင်းငုံ၊ မတ်ပဲနှင့် ပဲနီလေးများကို အကောက်ခွန်ကင်းလွတ်တင်သွင်းခွင့်အား ယခင်က၂၀၂၄ ခုနှစ်၊ မတ်လအထိ ခွင့်ပြုထားခဲ့ပြီး၊ ယခုအခါ ၂၀၂၅ ခုနှစ်၊ မတ်လအထိ သက်တမ်းတိုးမြှင့်ပေးခဲ့ သည့်အတွက် မြန်မာနိုင်ငံမှ ပဲတင်ပို့သူလုပ်ငန်းရှင်များ ဈေးကောင်းရရှိနိုင်ကြောင်း သတင်းရရှိသည်။
ပြည်တွင်းမွေးမြူရေးငါးများဖြစ်သည့် ငါးမြစ်ချင်း၊ ငါးတန်၊ ငါးသိုင်းခေါင်းပွစသည့် ရေချို ငါးများအား အိမ်နီးချင်းနိုင်ငံဖြစ်သည့် ဘင်္ဂလားဒေ့ရှ်နိုင်ငံမှ အဓိက အများဆုံးဝယ်ယူလျက်ရှိရာတွင် ယခင်က စစ်တွေနယ်စပ်ကုန်သွယ်ရေးစခန်းမှ စစ်ဆေးမှုများပြုလုပ်ပြီး တင်ပို့ခဲ့သည်။ ယခုအခါ ပို့ကုန်လမ်းကြောင်းသစ်အဖြစ် နိုင်ငံတော်အကြီးအကဲများ၏ လမ်းညွှန်ချက်အရ ဘင်္ဂလားဒေ့ရှ်နိုင်ငံ သို့တင်ပို့မည့် ရေချိုငါးများအား အဆင်ပြေချောမွေ့စွာ တင်ပို့နိုင်ရေးအတွက် စံပြငါးဈေး (အောင်မင်္ဂလာဆိပ်ကမ်း)အား ယာယီဆိပ်ကမ်းအဖြစ် သတ်မှတ်ပြီး အကောက်ခွန်ဦးစီးဌာန၊ ကုန်သွယ်ရေးဦးစီးဌာန၊ ငါးလုပ်ငန်းဦးစီးဌာန၊ ရေကြောင်းရဲတပ်ဖွဲ့၊ မူးယစ်ဆေးဝါးတားဆီးနှိမ်နင်း ရေး ရဲတပ်ဖွဲ့တို့ပါဝင်သည့် One stop Services(OSS) အဖွဲ့အား ဖွဲ့စည်းဆောင်ရွက်ခဲ့ပါသည်။
ထိုသို့တင်ပို့ရာတွင် One stop Services (OSS) အဖွဲ့မှ နေ့စဉ်တင်ပို့မှုအား အဖွဲဖြင့်စနစ် တကျစစ်ဆေးပြီးပါက Seal ပိတ်ခြင်း၊ ပို့ကုန်လိုင်စင်နှင့် ပို့ကုန်ကြေငြာလွှာပါအတိုင်း ငါးအမျိုး အစား၊ အရေအတွက်ကွဲလွဲမှုမရှိစေရေး စနစ်တကျစစ်ဆေးခြင်းတင်ပို့သည့် ရေယာဉ်ပေါ်တွင် မူးယစ်ဆေးဝါး လက်နက်ခဲယမ်းပစ္စည်းများပါရှိမှုမရှိစေရေး စစ်ဆေးခြင်းတို့ကို ဆောင်ရွက်လျက်ရှိ ပါသည်။
စံပြငါးဈေး(အောင်မင်္ဂလာဆိပ်ကမ်း)မှ ၂၀၂၄ ခုနှစ်၊ မတ်လမှ ဇွန်လ ၁ ရက်နေ့ထိ သင်္ဘော ၁၀ စီးဖြင့် ငါးမျိုးစုံ ၁၀,၈၁၂ တန် တင်ပို့နိုင်ခဲ့ကြောင်း သိရှိရပါသည်။
ထို့ပြင် ရန်ကုန်မုတ္တမဆိပ်ကမ်းမှ ဘင်္ဂလားဒေ့ရှ်နိုင်ငံသို့ လူသုံးကုန်နှင့် စားသောက်ကုန် ပစ္စည်းများဖြစ်သည့် ကွမ်းသီး၊ ဆီးထုပ်၊ ငါးနီတူခြောက်၊ မုန့်ဖတ်ခြောက်၊ ကော်ဖီမစ်၊ မာမီးခေါက်ဆွဲ၊ ရွှေပြည်နန်းသနပ်ခါး၊ ဖိနပ်၊ ကျောက်ချဉ်၊ ဆေးကုလားမ စုစုပေါင်းတန်ချိန် ၆၂၃ ကျော် တင်ပို့နိုင်ခဲ့ ကြောင်း သတင်းရရှိသည်။
အမျိုးသားအဆင့် လျှပ်စစ်သုံးယာဉ်နှင့် ဆက်စပ်လုပ်ငန်းများ ဖွံ့ဖြိုးတိုးတက်ရေးဦးဆောင် ကော်မတီ၏ ခွင့်ပြုချက်ဖြင့် Midmay Group Co., Ltd. မှ တင်သွင်းလာသော တရုတ်နိုင်ငံထုတ် GAC Toyota bZ4X အမျိုးအစား လျှပ်စစ်သုံးမော်တော်ယာဉ်များ၊ N.P.K Motors Co.,Ltd. မှ တင်သွင်း လာသော တရုတ်နိုင်ငံထုတ် MG, MG4 (MULAN) အမျိုးအစား လျှပ်စစ်သုံးမော်တော်ယာဉ်များ ၊ Myanmar New Energy Motor (MNEM) Co.,Ltd မှ တင်သွင်းလာသော တရုတ်နိုင်ငံထုတ် HYCAN Z03 နှင့် HYCAN A06PLUS အမျိုးအစား လျှပ်စစ်သုံးမော်တော်ယာဉ်များနှင့် Grand Sirius Co.,Ltd မှ တင်သွင်းလာသော တရုတ်နိုင်ငံထုတ် NETA NEOMOR D05 လျှပ်စစ်သုံးမော်တော်ယာဉ်များသည် ရန်ကုန်ဆိပ်ကမ်းသို့ ရောက်ရှိလာပါသဖြင့် ၆-၆-၂၀၂၄ ရက်နေ့တွင် လုပ်ထုံးလုပ်နည်းနှင့်အညီ ထုတ်ယူ ခွင့်ပြုခဲ့ပါကြောင်း သတင်းရရှိသည်။
စီးပွားရေးနှင့် ကူးသန်းရောင်းဝယ်ရေးဝန်ကြီးဌာနမှ နိုင်ငံတော်၏ ပို့ကုန်လျာထားချက်များ ပြည့်မီကျော်လွန်စေရေးအတွက် ပို့ကုန်ပစ္စည်းတစ်မယ်ချင်းကို ဘဏ္ဍာရေးနှစ်အတွင်း လအလိုက် လျာထားသတ်မှတ်၍ ဆောင်ရွက်လျက်ရှိရာ ပြောင်းစေ့တင်ပို့ခြင်းကို ယခုဘဏ္ဍာရေးနှစ်၏ ပထမသုံးလပတ်ဖြစ်သော ဧပြီ၊ မေ၊ ဇွန်လ လျာထားချက်မှာ တန်ချိန် ၃ ဒသမ ၈ သိန်းဖြစ်ပါသည်။
၂၀၂၄ ခုနှစ်၊ မေလကုန်အထိ စာရင်းများအရ ပြောင်းတန်ချိန် ၄ ဒသမ ၇၈ သိန်းအမှန်တင်ပို့ နိုင်ခဲ့ပြီး လျာထားချက်ထက် ပြည့်မီကျော်လွန်အောင် တင်ပို့နိုင်ခဲ့ပါသည်။
ထို့အတူ ဇွန်လလျာထားချက်အပေါ် ပြည့်မီကျော်လွန်နိုင်ရေး အလေးပေးဆောင်ရွက် လျက်ရှိရာ ၂၀၂၄ ခုနှစ်၊ ဇွန်လ ၅ ရက်နေ့ စာရင်းများအရ အပြည်ပြည်ဆိုင်ရာဆိပ်ကမ်းများတွင် ပြောင်းတင်ပို့မည့် သင်္ဘော ၁၄ စီး ဆိုက်ကပ်လျက်ရှိပြီး အလုံအပြည်ပြည်ဆိုင်ရာဆိပ်ကမ်း (Alone Internatio-nal Port terminal) မှ ပြောင်းတန်ချိန် ၃၂,၀၅၈ တန်၊ ရန်ကုန်အပြည်ပြည်ဆိုင်ရာ ဆိပ်ကမ်း (Yangon International Gateway Terminal) မှ ပြောင်းတန်ချိန် ၉,၅၀၀၊ မြန်မာ့စက်မှုဆိပ်ကမ်း (Myanmar Industrial Port)မှ ပြောင်းတန်ချိန် ၃၆,၅၀၀၊ ဆူးလေဆိပ်ကမ်း (Sule Pagoda Wharves) မှ ပြောင်းတန်ချိန် ၂၀,၆၇၂ တန်၊ ယခင်ဗိုလ်အောင်ကျော်ဆိပ်ကမ်း (The Myanmar Terminal) မှ ပြောင်းတန်ချိန် ၂၅,၀၀၀၊ သီလဝါဆိပ်ကမ်း (Myanmar International Terminal Thilawa) မှ ပြောင်းတန်ချိန် ၂၇,၅၀၀၊ Myanmar Integrated Port Limited မှ ပြောင်းတန်ချိန် ၂၆,၀၀၀၊ Wilmar (Wilmar International Port Terminal) မှ ပြောင်းတန်ချိန် ၁၁,၀၀၀၊ သီလဝါဆိပ်ကမ်း (Thilawa Multipurpose International Terminal) မှ ပြောင်းတန်ချိန် ၂၅,၀၀၀၊ ရွှေမဲဆိပ်ကမ်း(Shwemae)မှ ပြောင်းတန်ချိန် ၂,၇၀၀ နှင့် မင်းထက်မင်းဆိပ်ကမ်း (Min Htet Min) မှ ပြောင်းတန်ချိန် ၅,၄၀၀ စုစုပေါင်း ပြောင်းတန်ချိန် ၂၂၁,၃၃၀ တင်ပို့သွားမည် ဖြစ်ကြောင်းသိရပါသည်။
ထို့ပြင် ပြောင်းတင်ပို့မှုအား ဖေဖေါ်ဝါရီလမှ ဩဂုတ်လကုန်အထိ အိမ်နီးချင်းထိုင်းနိုင်ငံမှ အကောက်ခွန်ကင်းလွတ်ခွင့်ပြုထားသဖြင့် ယခုနှစ်ဩဂုတ်လကုန်အထိ ပြောင်းစေ့ပို့ကုန်များ အချိန်မီ တင်ပို့နိုင်ရေး မြန်မာနိုင်ငံပြောင်းလုပ်ငန်းရှင်များအသင်းမှ တွန်းအားပေးဆောင်ရွက်လျက်ရှိကြောင်း သတင်းရရှိသည်။
စီးပွားရေးနှင့်ကူးသန်းရောင်းဝယ်ရေးဝန်ကြီးဌာနအနေဖြင့် နိုင်ငံတော်၏ ပို့ကုန်လျာထား ချက်ပြည့်မီကျော်လွန်စေရေးအတွက်အဓိက ပို့ကုန်များဖြစ်သည့် ဆန်/ဆန်ကွဲ၊ ပဲ၊ ပြောင်း၊ ရော်ဘာ၊ ရေထွက်ပစ္စည်းများကို တင်ပို့သည့် ကုမ္ပဏီအလိုက် ဆောင်ရွက်နိုင်သည့် အခြေအနေအပေါ် သက် ဆိုင်ရာ အသင်းအဖွဲ့များနှင့် ဌာနဆိုင်ရာများပူးပေါင်း၍ လအလိုက် လျာထားသတ်မှတ်ပြီး လျာထား သတ်မှတ်ချက်အတိုင်း တင်ပို့နိုင် ပြည်ထောင်စုသမ္မတမြန်မာနိုင်ငံ ကုန်သည်များနှင့် စက်မှုလက်မှု လုပ်ငန်းရှင်များအသင်းချုပ်၊ မြန်မာနိုင်ငံဆန်စပါးအသင်းချုပ်၊ မြန်မာနိုင်ငံ ပဲမျိုးစုံ၊ ပြောင်းနှင့် နှမ်း ကုန်သည်များအသင်း၊ မြန်မာနိုင်ငံအထည်ချုပ်လုပ်ငန်းရှင်များအသင်း၊ မြန်မာနိုင်ငံ စက်မှုကုန်ထုတ် လုပ်သူများအသင်း၊ မြန်မာနိုင်ငံရော်ဘာစိုက်ပျိုးထုတ်လုပ်သူများအသင်း၊ မြန်မာနိုင်ငံ ရေထွက်ပစ္စည်း ထုတ်လုပ်သူများနှင့် ပို့ကုန်လုပ်ငန်းရှင်များအသင်းအစရှိသည့် အသင်းအဖွဲ့များနှင့်ညှိနှိုင်း၍ ပို့ကုန် တင်ပို့ရာတွင် တွေ့ကြုံရသည့် အခက်အခဲများကိုလည်း ကူညီဖြေရှင်းဆောင်ရွက်ပေးလျှက်ရှိသည်။ ပြည်ပပို့ကုန် ပစ္စည်းများအနက်မှ ၂၀၂၄-၂၀၂၅ ဘဏ္ဍာနှစ်တွင် ဆန်/ ဆန်ကွဲ တန်ချိန် ၂ ဒသမ ၅ သန်း တင်ပို့ရန်လျာထားမှုအပေါ် ၂၀၂၄ ခုနှစ်၊ ဇွန်လ ၄ ရက်နေ့ စာရင်းများအရ အပြည်ပြည်ဆိုင်ရာ ဆိပ်ကမ်း ၈ ခုတွင် ဆန်တင်ပို့နိုင်ရန် ဆန်သင်္ဘော ၈ စီး ဆိုက်ကပ်လျှက်ရှိပြီး အလုံအပြည်ပြည်ဆိုင် ရာဆိပ်ကမ်း (Alone International Port Terminal) မှ ဆန်တန်ချိန် ၁၂,၅၀၀၊ ရန်ကုန်အပြည်ပြည် ဆိုင်ရာဆိပ်ကမ်း (Yangon Intrernational Gateway Terminal) မှ ဆန်တန်ချိန် ၁၂,၅၀၀၊ ယခင် ဗိုလ်အောင်ကျော်ဆိပ်ကမ်း (The Myanmar Terminal) မှ ဆန်တန်ချိန် ၁၀,၀၀၀၊ WILMAR ဆိပ် ကမ်း (Wilmar Intrernational Port Terminal) မှ ဆန်တန်ချိန် ၉,၈၀၀ နှင့် ဆူးလေဆိပ်ကမ်း (Sule Pagoda Wharves) မှ ဆန်တန်ချိန် ၉၁,၁၂၀ တန်၊ စုစုပေါင်း ၁၃၅,၉၂၀ တန် တင်ပို့သွားမည် ဖြစ်ကြောင်း သိရှိရသည်။
ထို့အပြင် ရန်ကုန်အပြည်ပြည်ဆိုင်ရာ ဆိပ်ကမ်းများသို့ ဆန်တန်ချိန် ၇၄,၀၀၀ တန် တင်ပို့ ရန်အတွက် သင်္ဘော ၄ စီး ထပ်မံရောက်ရှိလာမည်ဖြစ်ကြောင်း သတင်းရှိရသည်။
Pages
