နောက်ဆုံးရ သတင်း
ဧရာဝတီတိုင်းဒေသကြီး ကုန်သည်များနှင့် စက်မှုလက်မှုလုပ်ငန်းရှင်များအသင်း၊ အိမ်ခြံ မြေဝန်ဆောင်မှုအသင်းတို့က ကြီးမှူး၍ ဧရာဝတီတိုင်းဒေသကြီး၊ ပုသိမ်မြို့၊ ပုသိမ်စက်မှုစီးမံကိန်း ရုံးရှိ အစည်းအဝေးခန်းမ၌ မူပိုင်ခွင့်ဆိုင်ရာ အသိပညာပေးဟောပြောပွဲကို ၂၀၂၄ ခုနှစ်၊ မတ်လ ၉ ရက်နေ့တွင် ကျင်းပ ပြုလုပ်ခဲ့ပါသည်။
အသိပညာပေးဟောပြောပွဲကို တိုင်းဒေသကြီးအတွင်းရှိ စီပွားရေးလုပ်ငန်းရှင်များ၊ အသေး စား၊ အငယ်စားနှင့်အလတ်စား စီးပွားရေးလုပ်ငန်းရှင်များအတွက် မြန်မာနိုင်ငံတွင် အကောင် အထည်ဖော် ဆောင်ရွက်နေသော မူပိုင်ခွင့်မှတ်ပုံတင်ခြင်းနှင့်စပ်လျဉ်း၍ အသိပညာများရရှိစေရန် ရည်ရွယ် ကျင်းပခဲ့ခြင်းဖြစ်ကြောင်းသိရှိရပါသည်။
အသိပညာပေးဟောပြောပွဲသို့ ဧရာဝတီတိုင်းဒေသကြီး ကုန်သည်များနှင့် စက်မှုလက်မှု လုပ်ငန်းရှင်များအသင်း ဥက္ကဌ၊ စီးပွားရေးနှင့်ကူသန်းရောင်းဝယ်ရေးဝန်ကြီးဌာန၊ မူပိုင်ခွင့် ဦးစီးဌာနမှ ညွှန်ကြားရေးမှူးချုပ်၊ တိုင်းအဆင့် သက်ဆိုင်ရာအစိုးရဌာနများမှ အကြီး အကဲများ၊ ပုသိမ်တက္ကသိုလ်မှ ဒုတိယပါမောက္ခချုပ်ဦးဆောင်သောဌာနမှူးများ၊ စီးပွားရေး လုပ်ငန်းရှင်များနှင့် အသေးစား၊ အငယ်စားနှင့် အလတ်စားစီးပွားရေးလုပ်ငန်းရှင်များ၊ ဟိုတယ်လုပ်ငန်းရှင်များ၊ ဧရာဝတီတိုင်းဒေသကြီး အိမ်ခြံမြေအကျိုးဆောင် အဖွဲ့ဝင်များစုစုပေါင်း (၇၀)ဦးခန့် တက်ရောက်ခဲ့ ကြောင်းသိရှိရပါသည်။
အဆိုပါအသိပညာပေးဟောပြောပွဲတွင် ဧရာဝတီတိုင်းဒေသကြီး ကုန်သည်များနှင့် စက်မှု လက်မှုလုပ်ငန်းရှင်များအသင်း ဥက္ကဌ ဦးဝင်းမြင့်လှိုင်က အဖွင့်အမှာစကားပြောကြားပြီး မူပိုင်ခွင့် ဦးစီးဌာန ညွှန်ကြားရေးမှူးချုပ် ဒေါက်တာမိုးမိုးသွယ်ကလည်း အဖွင့်အမှာ စကားပြော ကြားကာ အလုပ်ရုံဆွေးနွေးပွဲကို ဆက်လက်ကျင်းပခဲ့ပါသည်။
အဆိုပါဟောပြောပွဲတွင် မူပိုင်ခွင့်ဦးစီဌာနမှ ညွှန်ကြာရေးမှူချုပ် ဒေါက်တာမိုးမိုးသွယ်က မူပိုင်ခွင့်ဆိုင်ရာ ဥပဒေများနှင့်စပ်လျဉ်း၍ လည်းကောင်း၊ မူပိုင်ခွင့်ဦးစီးဌာန၊ ကုန်အမှတ်တံဆိပ်မူ ပိုင်ခွင့်ဌာနခွဲမှ ညွှန်ကြားရေးမှူး ဒေါက်တာ စိမ့်သန္တာထွန်းက ကုန်အမှတ်တံဆိပ်မူပိုင်ခွင့် မှတ််ပုံ တင်ခြင်းနှင့်စပ်လျဉ်း၍ သတိပြုရမည့်အချက်များကိုလည်းကောင်း ဟောပြောဆွေးနွေခဲ့ပါသည်။ ဧရာဝတီတိုင်း ဒေသကြီး စားသုံးသူရေးရာဦစီးဌာနမှ ဒုတိယညွှန်ကြားရေးမှူး ဦးထွန်းထွန်းက ဧရာတီတိုင်း ဒေသကြီးရှိ စီပွားရေးလုပ်ငန်းရှင်များအနေဖြင့် မူပိုင်ခွင့် မှတ်ပုံတင် လျှောက်ထားသင့်ကြောင်း တိုက်တွန်းဆွေးနွေးခဲ့ပါသည်။ ဟောပြောပွဲအား နေလည် ၁၂: ၀၀ နာရီ အချိန်တွင်ဧရာဝတီတိုင်းဒေသကြီး ကုန်သည်များနှင့် စက်မှုလက်မှု လုပ်ငန်းရှင်များအသင်း အတွင်းရေးမှူးက နိဂုံးချုပ်အမှာစကား ပြောကြာခဲ့ပြီး ဟောပြောပွဲအားရုတ် သိမ်းခဲ့ကြောင်း သိရှိရပါသည်။
ဧရာဝတီတိုင်းဒေသကြီး ကုန်သည်များနှင့် စက်မှုလက်မှုလုပ်ငန်းရှင်များအသင်း၊ အိမ်ခြံမြေဝန်ဆောင်မှုအသင်းတို့က ကြီးမှူး၍ ဧရာဝတီတိုင်းဒေသကြီး၊ ပုသိမ်မြို့၊ ပုသိမ်စက်မှုစီးမံကိန်း ရုံးရှိ အစည်းအဝေးခန်းမ၌ မူပိုင်ခွင့်ဆိုင်ရာ အသိပညာပေးဟောပြောပွဲကို ၂၀၂၄ ခုနှစ်၊ မတ်လ ၉ ရက်နေ့တွင် ကျင်းပပြုလုပ်ခဲ့ပါသည်။
အသိပညာပေးဟောပြောပွဲကို တိုင်းဒေသကြီးအတွင်းရှိ စီပွားရေးလုပ်ငန်းရှင်များ၊ အသေးစား၊ အငယ်စားနှင့်အလတ်စား စီးပွားရေးလုပ်ငန်းရှင်များအတွက် မြန်မာနိုင်ငံတွင် အကောင်အထည်ဖော် ဆောင်ရွက်နေသော မူပိုင်ခွင့်မှတ်ပုံတင်ခြင်းနှင့်စပ်လျဉ်း၍ အသိပညာများရရှိစေရန် ရည်ရွယ်ကျင်းပခဲ့ခြင်းဖြစ်ကြောင်းသိရှိရပါသည်။
အသိပညာပေးဟောပြောပွဲသို့ ဧရာဝတီတိုင်းဒေသကြီး ကုန်သည်များနှင့် စက်မှုလက်မှုလုပ်ငန်းရှင်များအသင်း ဥက္ကဌ၊ စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ မူပိုင်ခွင့်ဦးစီးဌာနမှ ညွှန်ကြားရေးမှူးချုပ်၊ တိုင်းအဆင့်သက်ဆိုင်ရာအစိုးရဌာနများမှ အကြီးအကဲများ၊ ပုသိမ်တက္ကသိုလ်မှ ဒုတိယပါမောက္ခချုပ်ဦးဆောင်သောဌာနမှူးများ၊ စီးပွားရေးလုပ်ငန်းရှင်များနှင့် အသေးစား၊ အငယ်စားနှင့် အလတ်စားစီးပွားရေးလုပ်ငန်းရှင်များ၊ ဟိုတယ်လုပ်ငန်းရှင်များ၊ ဧရာဝတီတိုင်းဒေသကြီး အိမ်ခြံမြေအကျိုးဆောင် အဖွဲ့ဝင်များစုစုပေါင်း (၇၀)ဦးခန့် တက်ရောက်ခဲ့ကြောင်းသိရှိရပါသည်။
အဆိုပါအသိပညာပေးဟောပြောပွဲတွင် ဧရာဝတီတိုင်းဒေသကြီး ကုန်သည်များနှင့် စက်မှုလက်မှုလုပ်ငန်းရှင်များအသင်း ဥက္ကဌ ဦးဝင်းမြင့်လှိုင်က အဖွင့်အမှာစကားပြောကြားပြီး မူပိုင်ခွင့်ဦးစီးဌာန ညွှန်ကြားရေးမှူးချုပ် ဒေါက်တာမိုးမိုးသွယ်ကလည်း အဖွင့်အမှာစကားပြောကြားကာ အလုပ်ရုံဆွေးနွေးပွဲကို ဆက်လက်ကျင်းပခဲ့ပါသည်။
အဆိုပါဟောပြောပွဲတွင် မူပိုင်ခွင့်ဦးစီဌာနမှ ညွှန်ကြားရေးမှူချုပ် ဒေါက်တာမိုးမိုးသွယ်က မူပိုင်ခွင့်ဆိုင်ရာ ဥပဒေများနှင့်စပ်လျဉ်း၍ လည်းကောင်း၊ မူပိုင်ခွင့်ဦးစီးဌာန၊ ကုန်အမှတ်တံဆိပ်မူပိုင်ခွင့်ဌာနခွဲမှ ညွှန်ကြားရေးမှူး ဒေါက်တာစိမ့်သန္တာထွန်းက ကုန်အမှတ်တံဆိပ်မူပိုင်ခွင့် မှတ်ပုံတင်ခြင်းနှင့်စပ်လျဉ်း၍ သတိပြုရမည့်အချက်များကိုလည်းကောင်း ဟောပြောဆွေးနွေခဲ့ပါသည်။ ဧရာဝတီတိုင်းဒေသကြီး စားသုံးသူရေးရာဦစီးဌာနမှ ဒုတိယညွှန်ကြားရေးမှူး ဦးထွန်းထွန်းက ဧရာတီတိုင်းဒေသကြီးရှိ စီပွားရေးလုပ်ငန်းရှင်များအနေဖြင့် မူပိုင်ခွင့်မှတ်ပုံတင်လျှောက်ထားသင့်ကြောင်း တိုက်တွန်းဆွေးနွေးခဲ့ပါသည်။ ဟောပြောပွဲအား နေလယ် ၁၂: ၀၀ နာရီ အချိန်တွင်ဧရာဝတီတိုင်းဒေသကြီး ကုန်သည်များနှင့် စက်မှုလက်မှုလုပ်ငန်းရှင်များအသင်း အတွင်းရေးမှူးက နိဂုံးချုပ်အမှာစကား ပြောကြားခဲ့ပြီး ဟောပြောပွဲအားရုတ်သိမ်းခဲ့ကြောင်း သိရှိရပါသည်။
အမျိုးသားအဆင့် လျှပ်စစ်သုံးယာဉ်နှင့် ဆက်စပ်လုပ်ငန်းများ ဖွံ့ဖြိုးတိုးတက်ရေးဦးဆောင် ကော်မတီ၏ ခွင့်ပြုချက်ဖြင့် N.P.K Motors Co., Ltd. မှ တင်သွင်းလာသော တရုတ်နိုင်ငံထုတ် တရုတ်နိုင်ငံထုတ် Leapmotor, C11 အမျိုးအစား လျှပ်စစ်သုံးမော်တော်ယာဉ်များ၊ Leapmotor, T03 (Luxury) အမျိုးအစား လျှပ်စစ်သုံးမော်တော်ယာဉ်များ၊ Myanmar Arr Thit Man Motor Co., Ltd. မှ တင်သွင်းလာသော တရုတ်နိုင်ငံထုတ် Faw Bestune Nat E05 အမျိုးအစား လျှပ်စစ်သုံးယာဉ်များ၊ တရုတ်နိုင်ငံထုတ် AIMA အမျိုးအစား လျှပ်စစ်သုံးမော်တော်ဆိုင်ကယ်များနှင့် ဆိုင်ကယ်အပိုပစ္စည်းများ သည် ရန်ကုန်ဆိပ်ကမ်းသို့ ရောက်ရှိလာပါသဖြင့် (၇-၃-၂၀၂၄) ရက်နေ့တွင် လုပ်ထုံးလုပ်နည်းနှင့်အညီ ထုတ်ယူခွင့်ပြုခဲ့ပါကြောင်း သတင်းရရှိပါသည်။
နေပြည်တော်၊ မတ်လ ၄ ရက်
စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ မြန်မာကုန်သွယ်မှုမြှင့်တင်ရေးအဖွဲ့မှကြီးမှူး၍ ကုန်သွယ်မှုမြှင့်တင်ရေး အရာရှိသင်တန်း အမှတ်စဉ် (၁/၂၀၂၄) သင်တန်းဖွင့်ပွဲ အခမ်းအနားကို ၂၀၂၄ ခုနှစ်၊ မတ်လ ၄ ရက်နေ့၊ နံနက် (၀၉:၀၀) နာရီအချိန်တွင် စီးပွားရေးနှင့်ကူးသန်း ရောင်းဝယ်ရေးဝန်ကြီးဌာန၊ ရုံးအမှတ် (၃) ၊ နေပြည်တော်ရှိ မြန်မာကုန်သွယ်မှုမြှင့်တင်ရေးအဖွဲ့ ညီလာခံခန်းမ၌ ကျင်းပပြုလုပ်ရာ စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ ပြည်ထောင်စုဝန်ကြီး ဦးထွန်းအုံ တက်ရောက်ပြီး အမှာစကားပြောကြားခဲ့သည်။
ပြည်ထောင်စုဝန်ကြီးက အဖွင့်အမှာစကားပြောကြားရာတွင် စီးပွားရေးနှင့်ကူးသန်းရောင်းဝယ်ရေးဝန်ကြီးဌာနအနေဖြင့် နိုင်ငံတော်စီမံအုပ်ချုပ်ရေးကောင်စီ၏ ရှေ့လုပ်ငန်းစဉ် (၅) ရပ်မှာပါဝင်သည့် နိုင်ငံ့စီးပွားမြင့်မားတိုးတက်ရေးနှင့် ပြည်သူလူထု တစ်ရပ်လုံး၏ လူမှုစီးပွားဘဝမြင့် မားရေးအတွက် အဓိကမောင်းနှင်အားဖြစ်ပြီး နိုင်ငံတော်၏ ကုန်သွယ်မှုမှာ အဓိကကျသည့် ပို့ကုန်မြှင့်တင်ရေးလုပ်ငန်းများကို ပြည်တွင်း/ ပြည်ပ ကုန်သည်လုပ်ငန်းရှင်များနှင့် ပူးပေါင်းဆောင်ရွက်လျက်ရှိကြောင်း၊ မြန်မာကုန်သွယ်မှုမြှင့်တင်ရေးအဖွဲ့အနေဖြင့် ကမ္ဘာ့ကုန်သွယ်မှု မြှင့်တင်ရေးအဖွဲ့ (World Trade Promotion Organization - WTPO)၊ အာရှကုန်သွယ်မှုမြှင့်တင်ရေးဖိုရမ် (Asian Trade Promotion Forum-ATPF) တို့အပါအဝင် ဒေသတွင်း ကုန်သွယ်မှုမြှင့်တင်ရေးအဖွဲ့များနှင့် ပူးပေါင်းဆောင်ရွက်လျက်ရှိသောကြောင့် ကုန်သွယ်မှုမြှင့်တင်ရေးအရာရှိ (Trade Promotion Officer-TPO)များ၏ အခန်းကဏ္ဍသည် လွန်စွာအရေးပါပါကြောင်း၊ နိုင်ငံတကာအဖွဲ့အစည်းများနှင့် ပူးပေါင်းဆောင်ရွက်လျက်ရှိရာမှာ ပို့ကုန်မြှင့်တင်ရေးဆိုင်ရာလုပ်ငန်းများကို အဓိကတာဝန်ယူထမ်းဆောင်နေရသည့် ဝန်ထမ်းများ အနေဖြင့် မိမိတို့၏ လုပ်ငန်းတာဝန်များကို ကောင်းမွန်စွာသိရှိနားလည်မှသာ ထိရောက်သည့်ရလဒ်များရရှိနိုင်မှာဖြစ်ကြောင်း ပြောကြားခဲ့ပါသည်။
ထို့နောက် ပြည်ထောင်စုဝန်ကြီးထံသို့ မြန်မာကုန်သွယ်မှုမြှင့်တင်ရေးအဖွဲ့၊ ညွှန်ကြားရေးမှူးချုပ်က သင်တန်းဖွင့်ပွဲ အထိမ်းအမှတ်တံဆိပ်အား ဂါရဝပြုပေးအပ်ခဲ့ပါသည်။ အဆိုပါသင်တန်းဖွင့်ပွဲ အခမ်းအနားသို့ စီးပွားရေးနှင့်ကူးသန်းရောင်းဝယ်ရေးဝန်ကြီးဌာနမှ ညွှန်ကြားရေးမှူးချုပ်များ၊ ဒုတိယညွှန်ကြားရေးမှူးချုပ်များ၊ သင်တန်းနည်းပြများနှင့် သင်တန်းသား/ သင်တန်းသူများ တက် ရောက်ခဲ့ကြပါသည်။
ကုန်သွယ်မှုမြှင့်တင်ရေးအရာရှိ (Trade Promotion Officer – TPO) သင်တန်းကို စီးပွားရေးနှင့်ကူးသန်းရောင်းဝယ်ရေးဝန်ကြီးဌာနရှိ ဦးစီးဌာနများမှ သင်တန်းသား/ သင်တန်းသူများ တက် ရောက်မည်ဖြစ်ပြီး ကုန်သွယ်မှုမြှင့်တင်ရေးအရာရှိများ သိသင့်သိထိုက်သည့် စာတွေ့ လက်တွေ့ အသိပညာ၊ အတွေ့အကြုံနှင့် ဗဟုသုတများကို မြန်မာကုန်သွယ်မှုမြှင့်တင်ရေးအဖွဲ့မှ နည်းပြများ၊ နိုင်ငံတကာကုန်သွယ်မှုမြှင့်တင်ရေးအဖွဲ့များမှ နည်းပြများက (Physical / Virtual) စနစ်ဖြင့် ရက်သတ္တပတ် (၂) ပတ်ကြာ သင်ကြားပို့ချသွားမည်ဖြစ်ကြောင်း သတင်းရရှိသည်။
နေပြည်တော်၊ မတ်လ ၄ ရက်
အာဆီယံ-ဂျပန်စင်တာ၏ ၂၀၂၃ ဘဏ္ဍာရေးနှစ်၊ စွမ်းဆောင်ရည်မြှင့်တင်ရေး ရန်ပုံငွေဖြင့် စီးပွားရေးနှင့် ကူးသန်းရောင်းဝယ်ရေးဝန်ကြီးဌာန၊ စားသုံးသူရေးရာဦးစီးဌာနက ဦးဆောင်ကျင်းပပြုလုပ်သည့် စိုက်ပျိုးရေးထွက်ကုန်များအပေါ် ဂျပန်နိုင်ငံ၏ ပိုးသတ်ဆေးဓာတ်ကြွင်း အမြင့်ဆုံးကန့် သတ်ချက်များဆိုင်ရာ အသိပညာမြှင့်တင်ရေး အလုပ်ရုံဆွေးနွေးပွဲ အခမ်းအနားကို ၂၀၂၄ ခုနှစ်၊ မတ်လ ၄ ရက်နေ့တွင် ရန်ကုန်မြို့၊ ပြည်ထောင်စုသမ္မတမြန်မာနိုင်ငံ ကုန်သည်များနှင့် စက်မှုလက်မှု လုပ်ငန်းရှင်များအသင်းချုပ် (UMFCCI) ၊ မင်္ဂလာခန်းမ၌ ကျင်းပပြုလုပ်ခဲ့ပါသည်။
အဆိုပါ အခမ်းအနားသို့ စီးပွားရေးနှင့် ကူးသန်းရောင်းဝယ်ရေးဝန်ကြီးဌာန၊ ဒုတိယဝန်ကြီး၊ သက်ဆိုင်ရာဦးစီးဌာနများမှ ညွှန်ကြားရေးမှူးချုပ်များ၊ ဂျပန်ပဲအသင်းမှ ဒါရိုက်တာ Mr. Yamamoto Shinya နှင့် စီမံကိန်းညှိနှိုင်းရေးမှူး Dr. Nguyen Tuan Anh၊ ပြည်ထောင်စုသမ္မတမြန်မာနိုင်ငံ ကုန်သည်များနှင့် စက်မှုလက်မှုလုပ်ငန်းရှင်များအသင်းချုပ်နှင့် မြန်မာနိုင်ငံ ပဲမျိုးစုံ၊ ပြောင်းနှင့် နှမ်း ကုန်သည်များအသင်းမှ တာဝန်ရှိသူများ၊ ဂျပန်နိုင်ငံသို့ ပဲမျိုးစုံတင်ပို့သည့်ကုမ္ပဏီများ၊ အဝယ်ဒိုင်များ နှင့် တောင်သူများ တက်ရောက်ခဲ့ကြပြီး ဂျပန်နိုင်ငံဆိုင်ရာ မြန်မာသံအမတ်ကြီးက Online မှတစ်ဆင့် တက်ရောက်အားပေး ချီးမြှင့်ခဲ့ပါသည်။
အခမ်းအနားတွင် စီးပွားရေးနှင့် ကူးသန်းရောင်းဝယ်ရေးဝန်ကြီးဌာန၊ ဒုတိယဝန်ကြီးက မြန်မာနိုင်ငံအနေဖြင့် စိုက်ပျိုးထွက်ရှိသည့် ပဲမျိုးစုံကို နည်းပညာဆိုင်ရာစံသတ်မှတ်ချက်များ မြင့်မား သည့် ဈေးကွက်များဖြစ်သော ဂျပန်နိုင်ငံနှင့် အီးယူနိုင်ငံများအပါအဝင် အိမ်နီးချင်းနိုင်ငံများဖြစ်သည့် တရုတ်၊ အိန္ဒိယနှင့် ဘင်္ဂလားဒေ့ရှ်နိုင်ငံတို့သို့ပါ အဓိကထားတင်ပို့လျက်ရှိရာ စံသတ်မှတ်ချက်များနှင့် ကိုက်ညီမှုရှိမှသာ ဈေးကွက်တည်မြဲရေးကို ထိန်းသိမ်းဆောင်ရွက်နိုင်မည်ဖြစ်ပါကြောင်း၊ ဂျပန်နိုင်ငံသို့ ထောပတ်ပဲနှင့် ပဲတီစိမ်းတင်ပို့သည့် အချို့ဖြစ်စဉ်များတွင် Thiamethoxam နှင့် Cyanide စသည့် ပိုးသတ်ဆေးဓာတ်ကြွင်းပမာဏသည် ဂျပန်နိုင်ငံ၏ သတ်မှတ်ချက်ထက် အနည်းငယ်ကျော်လွန်နေ သည့်အတွက် စွန့်ပစ်ခြင်း (သို့မဟုတ်) ပြန်လည်တင်ပို့ခံရခြင်းများ တစ်ခါတစ်ရံ ကြုံတွေ့ရလျက်ရှိပါကြောင်း၊ ထိုသို့သောဖြစ်ပေါ်မှုများကို လျှော့ချဖြေရှင်းနိုင်ရန်အတွက် စိုက်ပျိုးရေးထွက်ကုန်သီးနှံများ၏ ထောက်ပံ့မှုကွင်းဆက်တစ်လျှောက် ပါဝင်ပတ်သက်သည့်တောင်သူများ၊ တစ်ဆင့်ခံအဝယ်တော်များ၊ ပြုပြင်ထုပ်ပိုးသူများ (Processors)၊ ပို့ကုန်လုပ်ငန်းရှင်များအနေဖြင့် ဂျပန်နိုင်ငံ၏ သွင်းကုန်ဆိုင်ရာ အခြေအနေများ၊ စျေးကွက်လိုအပ်ချက်များ၊ ပိုးသတ်ဆေးဓာတ်ကြွင်းဆိုင်ရာ ကန့်သတ်ချက်များ၊ စံချိန်စံညွှန်းများနှင့်ပတ်သက်၍ နောက်ဆုံးအခြေအနေနှင့် သတ်မှတ်ချက်များကို အချိန်နှင့်တစ်ပြေးညီ သိရှိနိုင်ရေးအတွက် ဝယ်လက်နိုင်ငံမှ ပညာရှင်များကို ဖိတ်ခေါ်ပြီး ယခုကဲ့သို့ အသိပညာမြှင့်တင်ခြင်း အလုပ်ရုံဆွေးနွေးပွဲကို ကျင်းပရခြင်းဖြစ်ပါကြောင်း၊ ပိုးသတ်ဆေးဓာတ်ကြွင်းဆိုင်ရာ အမြင့်ဆုံးကန့်သတ်ချက်များနှင့်အညီ လိုက်နာဆောင်ရွက်ခြင်းဖြင့် ဂျပန်နိုင်ငံကဲ့သို့ နည်းပညာစံသတ်မှတ်ချက်များမြင့်မားသည့် ဈေးကွက်များအပြင် အခြားသော ဈေးကွက်အခွင့်အလမ်းများ၊ ဈေးနှုန်းများ ပိုမိုရရှိလာမည်သာမက ပြည်တွင်းစားသုံးသူများ အတွက်လည်း အစားအစာ ပိုမိုဘေးကင်း လုံခြုံစိတ် ချရမှုရှိစေမည်ဖြစ်ပါကြောင်း၊ စိုက်ပျိုးထုတ်လုပ်တင်ပို့မှုလုပ်ငန်းစဉ်တစ်လျှောက် ပိုးသတ်ဆေးကို စနစ်တကျသုံးစွဲရေးနှင့် ဝယ်ယူသည့်နိုင်ငံ၏ သွင်းကုန်ဆိုင်ရာအရည်အသွေး သတ်မှတ်ချက်များနှင့်အညီ တင်ပို့နိုင်ရေးတို့အတွက် ယခုကဲ့သို့ အသိပညာမြှင့်တင်ရေးလုပ်ငန်းစဉ်များကို သက်ဆိုင်ရာ ဌာန/အဖွဲ့အစည်းများ၊ သီးနှံစိုက်ပျိုး ထုတ်လုပ်သည့်တောင်သူများ၊ ကုန်သည်များ နှင့် ပို့ကုန်တင်ပို့သူများပါ ဟန်ချက်ညီစွာ ပူးပေါင်းပါဝင်ဆောင်ရွက်ပေးကြစေလိုပါကြောင်း ပြောကြားခဲ့သည်။
ထို့နောက် ဂျပန်နိုင်ငံဆိုင်ရာ မြန်မာသံအမတ်ကြီး ဦးစိုးဟန်က Online မှတစ်ဆင့် ဝမ်းမြောက်ကြောင်း အမှာစကားပြောကြားခြင်း၊ အာဆီယံ-ဂျပန်စင်တာမှ စီမံကိန်းညှိနှိုင်းရေးမှူး Dr. Nguyen Tuan Anh က နှုတ်ခွန်းဆက် စကားပြောကြားခြင်း၊ စားသုံးသူရေးရာဦးစီးဌာနမှ ခေတ္တ ညွှန်ကြားရေးမှူးချုပ်က မြန်မာ့ပဲမျိုးစုံထုတ်လုပ်မှုနှင့် ဂျပန်နိုင်ငံသို့ တင်ပို့စဉ်ကြုံတွေ့နေရသည့် စိန်ခေါ်မှုများနှင့်စပ်လျဉ်း၍ ရှင်းလင်းတင်ပြခြင်း၊ ဂျပန်ပဲအသင်း၊ စိုက်ပျိုးရေးနှင့် သုတေသနဌာနမှ ဒါရိုက်တာ Mr. Yamamoto Shinya က “Stories from Japan: Japan Market for Beans” နှင့် “Exploring the potential: Sharing from Mung Bean Importer from Japan” ခေါင်းစဉ်များဖြင့် ရှင်းလင်းတင်ပြခဲ့ပြီးနောက် တက်ရောက်လာသည့် ပို့ကုန်တင်ပို့သူများ၊ အဝယ်ဒိုင်များနှင့် တောင်သူ များက သိရှိလိုသည်များကို အပြန်အလှန် မေးမြန်းဆွေးနွေးခဲ့ကြပါသည်။
နေ့လယ်ပိုင်း အလုပ်ရုံဆွေးနွေးပွဲအပြီးတွင် ဂျပန်နိုင်ငံပဲအသင်း၊ စိုက်ပျိုးရေးနှင့် သုတေသန ဌာနမှ ဒါရိုက်တာ Mr. Yamamoto Shinya က ပဲတင်ပို့သူများ၊ အဝယ်ဒိုင်များ၊ တောင်သူများအား ဂျပန်နိုင်ငံသို့ ပဲတင်ပို့ခြင်းလုပ်ငန်းစဉ်များနှင့်စပ်လျဉ်း၍ ဆွေးနွေးမေးမြန်းခြင်းနှင့် ဂျပန်နိုင်ငံသို့ ပဲတင်ပို့လျက်ရှိသည့် အသင်းဝင်ပို့ကုန် ကုမ္ပဏီများအနက်မှ ၂၀၂၃-၂၀၂၄ ဘဏ္ဍာရေးနှစ်အတွင်း ဂျပန်နိုင်ငံသို့ ပဲတီစိမ်း၊ မတ်ပဲ၊ ထောပတ်ပဲနှင့် နှမ်းတန်ချိန်အများဆုံးတင်ပို့ခဲ့သည့် New Golden Gate (1991) Co., Ltd. ၏ စက်ရုံသို့ သွားရောက်လေ့လာခဲ့ကြကြောင်း သတင်းရရှိသည်။
Pages
