ကျောက်ဆည်ခရိုင်အတွင်းမှာ နွေနှမ်း+ မိုးနှမ်းအပြင် ဆောင်းနှမ်းကို လည်း ဆက်လက်စိုက်ပျိုးကြကြောင်း၊ ဆောင်းနှမ်းစိုက်တောင်သူများထံမှသိရပါတယ်။
စိုက်ပျိုးရခြင်း အကြောင်းအရင်း မှာ နှမ်းမျိုးစုံဈေးကွက်တွင် ၄၅၀၀၀ ကျပ်မှ ၅၅၀၀၀ ကျပ်ထိ ဈေးရရှိခြင်း၊ နွေနှမ်း၊ မိုးနှမ်းထက်အထွက် နည်းသော်လည်း အနည်းဆုံး ၅ တင်းမှ အများဆုံး ၆ တင်းထွက်ရှိသကဲ့သို့ တစ်ဧကကုန်ကျ စရိတ်မှာလည်း ၇၀၀၀၀ ကျပ်မှ ၈၀၀၀၀ ကျပ်ဝန်းကျင်သာကုန်ကျ၍ ရောင်းရငွေနှင့် နှိုင်းယှဉ်ပါက အကျိုးအမြတ်ရရှိ ၍ စိုက်ပျိုးကြကြောင်းသိရှိရပါတယ်။
ဆောင်းနှမ်းစိုက်တောင်သူများအနေဖြင့် စိုက်ပျိုးရာတွင် ဒေသမျိုး (နှမ်းနက်)မျိုးကို စိုက်ပျိုးကြပြီး ယခုနှစ်တွင်လည်း ရာသီဥတုကောင်းမွန်ခြင်း အချိန်အခါမဟုတ် မိုးရွာ သွန်းမှုနည်းပါးခြင်းတို့ကြောင့် ဆောင်းနှမ်းစိုက်ခင်းများ အောင်မြင်ဖြစ်ထွန်း၍ တစ်ဧကအထွက်နှုန်း ယခင်နှစ်ကထက်ပိုမိုထွက်ရှိမည်ဖြစ်ကြောင်း ဆောင်းနှမ်းစိုက်တောင်သူ များထံမှ လေ့လာသိရှိရပါတယ်။
သန်းသန်းမိုး-မြစ်သား