အဘူဒါဘီနှင့် ဘင်္ဂလားဒေ့ရှ် စီးပွားရေးပူးပေါင်းဆောင်ရွက်မှု တိုးမြှင့်လျက်ရှိ

  အဘူဒါဘီ၊ စီးပွားရေးဖွံ့ဖြိုးတိုးတက်မှုဌာန (ADDED) နှင့် အဘူဒါဘီရှိ ဘင်္ဂလားဒေ့ရှ်သံရုံး တို့က စီပွားရေးပူးပေါင်းဆောင်ရွက်မှုနှင့် အပြန်အလှန် ရင်းနှီးမြှုပ်နှံမှုအခွင့်အလမ်းများ တိုးမြှင့်ရန် အတွက် စီးပွားရေးပူးပေါင်းဆောင်ရွက်မှုဖိုရမ်ကို ပူးတွဲကျင်းပခဲ့ကြသည်။

  အဘူဒါဘီ၊ စီးပွားရေးဖွံ့ဖြိုးတိုးတက်မှုဌာန၏ဥက္ကဋ္ဌ Mohamed Ali Al Shorafa သည် ယူအေအီး (UAE) နှင့် ဘင်္ဂလားဒေ့ရှ် ရင်းနှီးမြှုပ်နှံသူများနှင့် လုပ်ငန်းရှင်များအား ရင်းနှီးမြုပ်နှံမှုအခွင့်အလမ်းများနှင့် ဆက်ဆံရေးကောင်းမွန်စေရန်နှင့် သင့်လျော်သော စီးပွားရေးပတ်ဝန်းကျင်တို့မှ အကျိုးခံစားခွင့်များရရှိစေရန်အတွက် ဆက်ဆံရေးတိုးတက်ကောင်းမွန်အောင် ကြိုးပမ်းရန်အားပေးတိုက်တွန်းခဲ့သည်။

  အဘူဒါဘီမြို့တော်သည် လူတိုင်းအတွက် တိုးတက်မှုအခွင့်အလမ်းများကို ဖန်တီးပေးသည့် တက်ကြွသော၊ ကမ္ဘာလုံးဆိုင်ရာယှဉ်ပြိုင်မှုနှင့် စွန့်ဦးတီထွင်မှုဆိုင်ရာဂေဟစနစ်ကို ဖော်ဆောင်ခြင်း ဖြင့် စီးပွားရေးနှင့်ရင်းနှီးမြှုပ်နှံမှုအတွက် ဦးစားပေးရမည့် နေရာ တစ်ခုအဖြစ်တည်ထောင်ထားပြီး နှစ်နိုင်ငံအကြားခိုင်မာသောဆက်ဆံရေးများ၊ ကောင်းမွန်သောစီးပွားရေးပတ်ဝန်းကျင်နှင့် ပံ့ပိုးပေးသည့် မူဝါဒများအပေါ်အခြေခံ၍ ကဏ္ဍများစွာတွင် မဟာဗျူဟာမြောက်ပူးပေါင်းဆောင်ရွက်မှုကို ပိုမိုတိုးမြှင့်ရန် အလားအလာကောင်း များရှိသည်ဟု ယုံကြည်ထားကြောင်း အဘူဒါဘီ၊ စီးပွားရေးဖွံ့ဖြိုးတိုးတက်မှုဌာန၏ဥက္ကဋ္ဌမှဖိုရမ်တွင် ပြောကြားခဲ့သည်။

 အဆိုပါဖိုရမ်သို့ ယူအေအီးနိုင်ငံဆိုင်ရာ ဘင်္ဂလားဒေ့ရှ် သံအမတ်ကြီး H.E. Mohammed Abu Zafar, ဘင်္ဂလားဒေ့ရှ်ဝန်ကြီးချုပ်၏ ပုဂ္ဂလိကစက်မှုလုပ်ငန်းနှင့် ရင်းနှီးမြှုပ်နှံမှုအကြံပေးအမတ် H.E. Salman Fazulr Rahman၊ အဘူဒါဘီ၊ စီးပွားရေးဖွံ့ဖြိုး တိုးတက်မှုဌာန၏လက်ထောက်အတွင်းဝန် H.E. Rashed Abdulkarim Al Bloosh ၊ စီးပွားရေးရေးရာ ညွှန်ကြားရေးမှူးချုပ် H.E. Sameh Al Qubaisi နှင့် ဘင်္ဂလားဒေ့ရှ်နိုင်ငံနှင့် အဘူဒါဘီ၊ စီးပွားရေးဖွံ့ဖြိုးတိုးတက်မှုဌာနမှ အကြီးတန်းအရာရှိများ၊ ပုဂ္ဂလိကကဏ္ဍမှ ကိုယ်စားလှယ်များ တက်ရောက်ခဲ့သည်။

  ဘင်္ဂလားဒေ့ရှ်သည် မကြာသေးမီနှစ်များအတွင်း အရှိန်အဟုန်ဖြင့် စီးပွားရေးတိုးတက်ခဲ့ပြီး စီးပွားရေးလုပ်ငန်းများ လွယ်ကူစေရန်နှင့် နိုင်ငံခြားရင်းနှီးမြှုပ်နှံမှုကို ခိုင်မာစွာဆွဲဆောင်နိုင်ရန် လိုအပ်သောဖန်တီးများကို ဖော်ဆောင်ခြင်းဖြင့် စီးပွားရေးဂေဟစနစ်ကို မြှင့်တင်လျက်ရှိသည်။

  ကုလသမဂ္ဂ၏ နှစ်ပတ်လည်အစီရင်ခံစာတွင် ဖော်ပြထားသည့် “ကမ္ဘာ့စီးပွားရေး အခြေအနေနှင့် အလားအလာများ” အရ ဘင်္ဂလားဒေ့ရှ်၏ စီးပွားရေးသည် ၂၀၂၂ ခုနှစ်တွင် 5.8% နှင့် 2023 ခုနှစ်တွင် 6% တိုးတက်မည်ဟု ခန့်မှန်းရသည်။ နိုင်ငံတွင်း စက်မှုလုပ်ငန်းများစွာ ဖွံ့ဖြိုးတိုး တက်ခဲ့ပြီး ကမ္ဘာလုံးဆိုင်ရာစီးပွားရေးအပေါ် ကိုဗစ်-၁၉ သက်ရောက်မှုများကို ကြံ့ကြံ့ခံကာ ၎င်း၏ ဒုတိယအကြီးဆုံးအထည်တင်ပို့သူအဖြစ် ရပ်တည်မှုကို ထိန်းသိမ်းနိုင်ခဲ့သည်။

အဘူဒါဘီနှင့် ဘင်္ဂလားဒေ့ရှ် နှစ်နိုင်ငံအကြား ကုန်သွယ်မှုနှင့် အပြန်အလှန် ရင်းနှီးမြှုပ်နှံမှုများမှာ မြင့်တက်လာနေသည်။ စီးပွားရေးပူးပေါင်းဆောင်ရွက်မှုဖိုရမ်သည် စိုက်ပျိုးရေး၊ စားနပ်ရိက္ခာဖူလုံရေး၊ ကုန်ထုတ်လုပ်မှု၊ ဆေးဝါးနှင့်ဘဏ္ဍာရေး ဝန်ဆောင်မှုများ ကဲ့သို့သော ပူးပေါင်းဆောင်ရွက်မှုများ တိုးမြှင့်ရန် နှစ်ဖက်စလုံးမှ အဓိကပါဝင်ပတ်သက်နေသူများ အခွင့်အလမ်းများစွာဖြင့် စုစည်းလာစေရန် စံပြကြားခံတစ်ခုပင်ဖြစ်သည်။

  ဘင်္ဂလားဒေ့ရှ်ဝန်ကြီးချုပ်၏ ပုဂ္ဂလိကစက်မှုလုပ်ငန်းနှင့် ရင်းနှီးမြှုပ်နှံမှုအကြံပေးအမတ် H.E. Salman Fazulr Rahman က ဖိုရမ်တွင် ဘင်္ဂလားဒေ့ရှ်၏စီးပွားရေးတိုးတက်မှုနှင့် စီးပွားရေးနှင့် ရင်းနှီးမြှုပ်နှံမှုဝန်းကျင်မြှင့်တင်ရန်နှင့် အဘူဒါဘီနှင့် ပူးပေါင်းဆောင်ရွက် နိုင်သည့် နယ်ပယ်များကို ဖိုရမ်တွင်မီးမောင်းထိုးပြခဲ့သည်။

  အဘူဒါဘီ ရင်းနှီးမြှုပ်နှံမှုရုံးနှင့် စီးပွားရေးဖွံ့ဖြိုးတိုးတက်မှုဌာန၏ စက်မှုဖွံ့ဖြိုးတိုးတက်ရေး ဗျူရိုမှ ကိုယ်စားလှယ်များက မကြာသေးမီက အဘူဒါဘီတွင် စတင်ခဲ့သော အာရပ်နိုင်ငံများ၏ ယှဉ်ပြိုင်မှုအရှိဆုံးစက်မှုဗဟိုချက်အဖြစ် ရပ်တည်ချက်အား ခိုင်မာစေရန်နှင့် 2021 ခုနှစ်တွင် အာရပ်‌ငွေကြေး 73.5 ဘီလီယံမှ 2031 ခုနှစ်တွင် အာရပ်‌ငွေကြေး 178.8 ဘီလီယံသို့ တိုးမြှင့်သွားရန် ရည်ရွယ်သည့် စက်မှုဗျူဟာများ အပါအဝင် ကနဦးဆောင်ရွက်များနှင့် ရင်းနှီးမြှုပ်နှံမှု အခွင့်အလမ်းများကို ဖိုရမ်တွင် ပြသခဲ့သည်။

  အဘူဒါဘီစီးပွားရေးသည် ကမ္ဘာ့စီးပွားရေးစိန်ခေါ်မှုများနှင့် ရဲဝံ့စွာရင်ဆိုင်ခဲ့ပြီး 2022 ခုနှစ် ပထမနှစ်ဝက်အကုန်တွင် အာရပ်နိုင်ငံများ၏ ရေနံမဟုတ်သောကုန်သွယ်မှုသည် အာရပ်ငွေကြေး 124 ဘီလီယံအထိ 12 ရာခိုင်နှုန်း တိုးတက်လာပြီး ပို့ကုန်သည် အာရပ်ငွေကြေး 49.5 ဘီလီယံအထိ 26 ရာခိုင်နှုန်း မြင့်တက်လာခဲ့ကြောင်း၊ ကုန်သွယ်မှုကို အဆင်ပြေချောမွေ့စေရန်နှင့် စီးပွားရေး လုပ်ငန်းဆောင်ရွက်ရာတွင် လွယ်ကူစေရန်အတွက် ကုန်ကျစရိတ်များနှင့် လိုအပ်ချက်များကို လျှော့ချခြင်း၊ လုပ်ထုံးလုပ်နည်းများကို ရိုးရှင်းစေခြင်းနှင့် အစိုးရဝန်ဆောင်မှုများကို ချောမွေ့စွာ ပေါင်းစပ်နိုင်စေခြင်းတို့ဖြင့် အမျိုးမျိုးသော အစပျိုးမှုများကို စတင်ဆောင်ရွက်ခဲ့ကြောင်း၊ လုပ်ငန်း အသစ်များနှင့် ရင်းနှီးမြှုပ်နှံမှုအရေအတွက် သိသိသာသာ မြင့်တက်လာသည်ကို မြင်တွေ့နေရ သောကြောင့် စီးပွားရေးလုပ်ငန်းရှင်များနှင့် လုပ်ငန်းရှင်များအား ဆွဲဆောင်မှုရှိသော အဆိုပြုချက်ကို ကမ်းလှမ်းရန် ကြိုးပမ်းအားထုတ်လျက်ရှိကြောင်းနှင့် နှစ်ဖက်စလုံးမှ ရင်းနှီးမြှုပ်နှံသူများနှင့် စီးပွားရေးခေါင်းဆောင်များအား ဤခိုင်မာသော အကြောင်းပြချက်များဖြင့် ရင်းနှီး မြှုပ်နှံမှုပြုလုပ်ရန် တိုက်တွန်းကြောင်း စီးပွားရေးဖွံ့ဖြိုးတိုးတက်မှုဌာန၏ လက်ထောက်အတွင်းရေးမှူး  H.E. Rashed Abdulkarim Al Blooshi မှ ပြောကြားခဲ့သည်။

Source: Business News