အင်္ဂါနေ့ ၂၉ ဇန်နဝါရီလ ၂၀၁၃ 11:41 AM
စားသုံးသူ အကာ အကွယ်ပေးရေးနဲ့ တရားမဝင် ကုန်သွယ်မှု လျော့နည်း ကျဆင်းရေး အတွက် Mobile Team အဖွဲ့မှ တားဆီး ထိန်းချုပ်မှု များကို မူဆယ်- မန္တလေး လမ်းကြောင်း အတွက် အဖွဲ့ (၁)နဲ့ မြဝတီ- ရန်ကုန် လမ်းကြောင်း အတွက် အဖွဲ့ (၂)တို့ ဖွဲ့စည်းကာ ဆောင်ရွက် လျက်ရှိရာ ပညာပေး ကာလ နှစ်လကျော် လာပြီဖြစ် ပါတယ်။ ယခုအခါ ပညာပေး ကာလ ကျော်လွန် လာပြီဖြစ် သဖြင့် အကောက်ခွန်မဲ့ ပစ္စည်းများကို အမှုတွဲ ဖွင့်လှစ် သိမ်းဆည်း ဆောင်ရွက်မှု စတင် နေပြီဖြစ်လို့ ဇန်နဝါရီလ ၂၄ ရက်နေ့ ဝ၂း၃ဝ ချိန်မှာ မြဝတီမှ ရန်ကုန်သို့ ထွက်ခွာလာတဲ့ ယာဉ် အမှတ် (၁င/....) ၆ ဘီးယာဉ်ကို ညောင်ခါးရှည်နဲ့ အဗျားရွာကြား ကြားလမ်းဆုံမှာ ရပ်တန့် စစ်ဆေးခဲ့ရာ ကုန်ကြေငြာ လွှာတွင် ဖော်ပြထားတဲ့ ပစ္စည်းနဲ့ ယာဉ်ပေါ်ပါ ပစ္စည်း အားလုံး စစ်ဆေးရာ တရားမဝင် သယ်ဆောင် လာတဲ့ ခန့်မှန်း တန်ဖိုး ကျပ် ၁ဝ သိန်းဖိုးရှိ Polyester Fabric ကီလို ၅ဝဝ ကို ရှာဖွေ တွေ့ရှိခဲ့ သဖြင့် အကောက်ခွန် အမှုတွဲ ဖွင့်လှစ် သိမ်းဆည်း ခဲ့တယ်လို့ သတင်း ရရှိပါတယ်။ အလားတူ ဇန်နဝါရီလ ၂၄ ရက် ဝ၉းဝဝ ချိန်မှာ ဝေါမြို့နယ် ဆက်သွားကုန်း ဘူတာ အနီး ပဲခူးသို့ သွားမဲ့ ရထားသို့ တင်ဆောင်ရန် စုပုံထားတဲ့ ကျပ် ၈ သိန်း နီးပါး တန်ဖိုးရှိ Beer Chan ၇၄ ကတ်ကို တွေ့ရှိခဲ့ သဖြင့် အကောက်ခွန် အမှုတွဲ ဖွင့်လှစ် သိမ်းဆည်း ဆောင်ရွက် ခဲ့ကြောင်း သိရှိ ရပါတယ်။ Mobile Team အဖွဲ့-၂ မှ ပညာပေး ကာလ ပြီးဆုံးချိန် ဇန်နဝါရီလ ၂ဝ ရက်မှ ၂၅ ရက်နေ့ထိ တရားမဝင် ကုန်ပစ္စည်းများ သိမ်းဆည်း ရရှိမှု တန်ဖိုးမှာ ကျပ် ၅၅ သိန်း ကျော် ရှိပြီဖြစ်ကြောင်း သတင်း ရရှိပါတယ်။
Source: လရ-၂ >>> MTN