ကြာသပတေးနေ့ ၂၄ ဇန်နဝါရီလ ၂၀၁၃ 14:44 PM
၂ဝ၁၃ ခုနှစ်တွင် ဆန်မွှေး တန်ချိန် ၇ သိန်းခန့် ပြည်ပသို့ တင်ပို့ရန်နဲ့ မကြာမီနှစ် ကာလ အတွင်း တန်ချိန် ၁ သန်းထိ တိုးမြှင့် တင်ပို့ သွားရန် မျှော်မှန်း ထားတယ်လို့ ဗီယက်နမ် စားသောက်ကုန် အသင်း (VFA) ရဲ့ ထုတ်ပြန် ချက်အရ သိရှိရပါတယ်။
ယမန်နှစ်က ဆန်မွှေး တင်ပို့မှု တန် ၅၈၄ဝဝဝ ထိရှိခဲ့ပြီး ၎င်းတို့ရဲ့ ဈေးကွက်များမှာ ဟောင်ကောင်၊ တရုတ်၊ အာဖရိက အနောက်ပိုင်းတို့ ဖြစ်ကြပြီး ဟောင်ကောင်နဲ့ အာဖရိက အနောက်ပိုင်း ဈေးကွက်များမှာ ၄ဝ ရာခိုင်နှုန်းစီ အသီးသီး နေရာရရှိထား ကြပါတယ်။
ဗီယက်နမ် ဆန်မွှေးရဲ့ ဈေးနှုန်းနဲ့ အရည်အသွေး ကောင်းမွန်မှု များကြောင့် ဗီယက်နမ် ဆန်မွှေး ရောင်းအားဟာ ယှဉ်ပြိုင်ဖက် ထိုင်းနိုင်ငံထက် အသာစီး ရရှိနေတာ ဖြစ်ပါတယ်။ ဆန်မွှေး အထွက်နှုန်း သာမန် ပြည်ပပို့ ဆန်ထက် ပိုမို မြင့်မားခဲ့ပါတယ်။
ဗီယက်နမ် နိုင်ငံအနေနဲ့ ဆန်တင်ပို့ရန် အလား အလာ ကောင်းများ ရှိနေသော်လည်း လယ်သမား အများစုဟာ ဆန်မွှေး စိုက်ရန် ဝန်လေး နေကြတယ်လို့ သိရပါတယ်။ ဗီယက်နမ် နိုင်ငံဟာ တစ်နှစ်လျှင် ဆန် ၃ ကြိမ် ထုတ်လုပ် လျက်ရှိပါတယ်။ ဆောင်းဦးပေါက်နဲ့ မိုးဦးကျ ရိတ်သိမ်းတဲ့ စပါးများဟာ အရည်အသွေး ကောင်းမွန်လျက် ရှိပါတယ်။ နွေဦးပေါက်မှာ ရိတ်သိမ်းတဲ့ စပါးကတော့ အရည် အသွေး နိမ့်ပြီး ဆန်မွှေး ရနံ့ နည်းတယ်လို့ သိရပါတယ်။
ရည်မှန်းချက်များ ပြည့်မီစေရန် နိုင်ငံ အနေနဲ့ လုံလောက်သော စိုက်ပျိုးမြေ၊ ကောင်းမွန်သော ရာသီဥတု အခြေအနေများ ရှိတဲ့ အတွက် ဗီယက်နမ် စားသောက်ကုန် အသင်းက မဲခေါင် မြစ်ဝှမ်းရှိ Cuu Long ဒေသမှ တောင်သူများအား ဆောင်းဦးပေါက် ရာသီမှာ ဆန်မွှေး စပါးများ တိုးခဲျ့ စိုက်ပျိုးပေးရန် တိုက်တွန်း ပြောကြားလျက် ရှိပါတယ်။
ဆန်မွှေး အထူးပြု ဇုန်တစ်ခု ဖွံ့ဖြိုး တိုးတက်ရေးနဲ့ တောင်သူ လယ်သမား များအား စိုက်ပျိုးရေး နည်းပညာများ ပံ့ပိုးမှုများကို စိုက်ပျိုးရေး ဌာနအနေနဲ့ လုပ်ဆောင်ပေးရန် ဗီယက်နမ် စားသောက်ကုန် အသင်းဥက္ကဌ Truang Thanh Phong က ပြောကြားခဲ့ ပါတယ်။ စိုက်ပျိုးရေး ဌာနအနေနဲ့ မျိုးကောင်း မျိုးသန့် ဆန်မွှေး မျိုးစေ့များကို စပါးစိုက် တောင်သူများကို လုံလောက်အောင် ပံ့ပိုးဖို့ လိုအပ်တယ်လို့ ဗီယက်နမ် စားသောက်ကုန် အသင်း ဥက္ကဌ Truang Thanh Phong က ထောက်ပြ ပါတယ်။
၂ဝ၁၃ ခုနှစ်ပထမ (၁ဝ) ရက် အတွင်းမှာ ကန်ဒေါ်လာ ၅၂၃ သန်း တန်ဖိုးရှိ ဆန် ၄၉၂၉၆ တန် တင်ပို့ထားပြီး ဖြစ်ကြောင်းနဲ့ ပထမ လေးလတာ ကာလ အတွင်းမှာ ဆန်တန်ချိန် ၁ ဒသမ ၄ သန်း တင်ပို့ရန် ရည်မှန်း ထားတယ်လို့ ဗီယက်နမ် စားသောက်ကုန် အသင်းရဲ့ ပြောကြားချက် အရ သိရှိရပါတယ်။
Source: Hanoi, Viet Nam News --- CMK