တနင်္လာနေ့ ၂၈ ဇန်နဝါရီလ ၂၀၁၃ 13 :59 PM
ပဲခူးတိုင်း ဒေသကြီး ဝေါမြို့၊ ရန်ကုန်- မော်လမြိုင် အဝေးပြေး ကားလမ်းမပေါ်ရှိ ပဲခူး- စစ်တောင်း တူးမြောင်းဖြတ် ဝေါတံတားတွင် ၂ဝ၁၃ ဇန်နဝါရီလ ၂၁ ဝ၃းဝဝ ချိန်မှာ မြေတူးစက် Back Hoe တင် Transporter ယာဉ် ၁ စီးက အမြင့်ထိန်း တန်းအား ဝင်ရောက် ချိတ်ဆက် မိတဲ့ အတွက် တံတား အထိန်း အပေါ် တန်းကျိုးပြီး ကားနဲ့ တွဲလျက်ဖြစ်ကာ ယာဉ်ကြော ပိတ်ဆို့မှု ဖြစ်ပေါ်ခဲ့ရတယ်လို့ သတင်းရရှိပါတယ်။။ အမြင့် ထိန်းတန်းမှာတော့ ၁၅ ပေ အမြင့်လို့ စာတန်း ထိုးထားတာ ဖြစ်ပါတယ်။
ယာဉ်ငယ်များသာ ဖြတ်သန်း သွားလာနိုင်ပြီး ကုန်တင် ယာဉ်ကြီးများ ဖြတ်သန်းနိုင်မှု မရှိဘဲ တံတား ဟိုဘက် ဒီဘက်တွင် ယာဉ်ကြော ပိတ်ဆို့မှု ဖြစ်ပေါ် ခဲ့တယ်လို့ သတင်း ရရှိပါတယ်။ မြဝတီ နယ်စပ် ကုန်သွယ်ရေးကို ဆက်သွယ်ပြီး ယာဉ်ကြော ပိတ်ဆို့မှုကြောင့် ကုန်စည် စီးဆင်းမှုကို ထိခိုက်မှု ရှိမရှိ မေးမြန်းခဲ့ရာ သိသိ သာသာ ထိခိုက်မှု မရှိကြောင်း၊ ခေါက်တို ကားများနဲ့ တံတား တစ်ဖက် တစ်ချက်ကို ကဲ့သယ်ပေးနေတဲ့ အတွက်လို့ သိရပါ တယ်။ ဇန်နဝါရီလ ၂၃ ရက်နေ့ မှာတော့ ရှင်းလင်းပြီးဖြစ်တဲ့ အတွက် ပုံမှန် အတိုင်းယာဉ်များ ပြန်လည် မောင်းနှင် နိုင်ပြီလို့ သတင်းရရှိပါတယ်။
ချမ်းမြေ့မေ