၂၀၁၄ ခုနှစ် ဒီဇင်ဘာလနောက်ဆုံးပတ်မှာ မြန်မာ-တရုတ်နယ်စပ်ရှိ မူဆယ် ၁၀၅ မိုင် ကုန်သွယ်ရေး ဇုန်မှ တစ်ဆင့် ကန်ဒေါ်လာ သုည ဒသမ ဝ၉၂ သန်း တန်ဖိုးရှိ ဝဥခြောက် တန် ၅၀ အပြင် ကန်ဒေါ်လာ သုည ဒသမ ဝ၀၅ သန်းဖိုးရှိတဲ့ ဝဥအစို ၁၅ တန်ကိုလည်း တင်ပို့ခဲ့ပါတယ်။ ယခင် သီတင်းပတ်က ဝဥခြောက် ၇၉ တန် တစ်မျိုးတည်း တင်ပို့ခဲ့ပါတယ်။ ၂၀၁၄ ခုနှစ် ဒီဇင်ဘာလအတွင်း မူဆယ်မှ တရုတ်ပြည်ကို ဝဥခြောက် ၅၆၈ တန်ခွဲနဲ့ ဝဥအစို ၁၅ တန် တင်ပို့နိုင်ခဲ့ပါတယ်။
မြန်မာနိုင်ငံကထွက်ရှိတဲ့ ဝဥမှာ အင်ဒိုနီးရှားနိုင်ငံမှ ဝဥထက် အရည်အသွေးကောင်းလို့ ဂျပန်နိုင်ငံကလည်း ယနေ့တိုင် ရသလောက် ဝယ်ယူလျက်ရှိတယ်လို့ သိရပါတယ်။ တရုတ်၊ ဂျပန်နဲ့ အနောက်ဥရောပနိုင်ငံတွေမှာ ဝဥကို သရေစာအဖြစ် လည်းကောင်း၊ စားသောက်ကုန် အဖြစ်လည်းကာင်း၊ ဆေးဝါးအဖြစ်လည်းကောင်း ထုတ်လုပ်ဖြန့်ဖြူးရောင်းချကြတယ်လို့ သိရပါတယ်။
မော်မော်အောင် MIRT (DCCA)