ကြာသပတေးနေ့။ ၁၇ ဇန်နဝါရီလ ၂၀၁၃ 08:10 AM
ထုတ်လုပ်မှု ပိုင်းမှာ ကန့်သတ်ချက် ရှိနေတဲ့ အတွက် လာမဲ့ အပတ်များမှာ မလေးရှား ရော်ဘာ ဈေးများ ဆက်လက် မြင့်တက်ဖွယ် ရှိတယ်လို့ မျှော်မှန်း နေကြပါတယ်။ မိုးရာသီကြောင့် ရော်ဘာ ထုတ်လုပ်မှု ကျဆင်း လာခြင်းဟာ ရော်ဘာ ဈေးများကို ဆွဲတင်ရာ ရောက်နေတယ်လို့ အရောင်း သမား တစ်ဦးက ဆိုပါတယ်။ တရုတ်နိုင်ငံမှ ရော်ဘာ လက်အိတ် ထုတ်လုပ်မှု လုပ်ငန်းများရဲ့ လိုအပ်ချက် အရ ရော်ဘာ ဝယ်လိုအား မြင့်တက် လာခြင်းကြောင့် မလေးရှား ရော်ဘာ ဈေးကို မြင့်တက် စေခဲ့တာ ဖြစ်ပါတယ်။ ပြီးခဲ့တဲ့ အင်္ဂါနေ့ နှစ်ဆန်း ၁ ရက်နေ့ မှာတော့ နှစ်သစ်ကူး အားလပ် ရက်ကြောင့် ဈေးပိတ် ခဲ့ပါတယ်။ အပတ်စဉ် သောကြာနေ့ အခြေခံတဲ့ မလေးရှား ရော်ဘာ ဘုတ် အဖွဲ့ဟာ တာယာ ထုတ်လုပ်မဲ့ SMR-20 ဈေးဟာ ၁ ကီလိုကို ၉၂၃ ဆင်န်သို့ လည်းကောင်း၊ Latex ဝမ်ပုံဈေးဟာ ၁ ကီလိုကို ၆၁၄ ဆင်န်သို့လည်းကောင်း တက်သွားပါတယ်။ ယခင်ဈေးများက SMR-20 ၁-ကီလိုကို ၉၀၃ ဆင်န်နဲ့ Latex ဝမ်ပုံ ဈေးဟာ ၆၀ဝ ဆင်န်ဝန်းကျင် ဖြစ်ပါတယ်။
Source: Bernama, Renton Campoy-CMK