လူသားတို့ဘဝတစ်လျှောက်လုံးကျန်းမာစွာဖြင့် အသက်ရှည်ရှည်နေနိုင်ရန် နေ့စဉ်စားသောက် နေသော အစားအစာများမှာ သန့်ရှင်းလတ်ဆတ်ပြီး ဘေးဥပဒ်အန္တရာယ်ကင်းရန် အထူးပင်လိုအပ် လှပါသည်။ ကျန်းမာရေးနှင့် ညီညွတ် ပြီး ဘေး ဥပဒ်အန္တရာယ်ကင်းသော အစားအစာများ ရွေးချယ် ဝယ်ယူစားသုံးတတ်စေရန် နိုင်ငံတော်မှ ချမှတ်ပေး ထားသည့် စားသုံးသူ အကာအကွယ်ပေးရေး ဥပဒေနှင့် ပတ်သက်သည့် အသိပညာ ဗဟုသုတများ ရရှိစေရန်ရည်ရွယ်၍ ကူးသန်းရောင်း ဝယ် ရေးနှင့်စားသုံးသူရေးရာဦးစီးဌာန၊ ရန်ကုန်တိုင်းဒေသကြီး ဦးစီးမှူးရုံးမှ တာဝန်ရှိသူနှင့် ဝန်ထမ်းများ သည် မြန်မာနိုင်ငံစားသုံးသူကြိုတင်ကာကွယ်ရေး အသင်းနှင့်ပူးပေါင်း၍၂၀၁၄ခုနှစ်၊ဒီဇင်ဘာလ ၁၅ ရက် နေ့နံနက် ၁၁း၃၀နာရီ အချိန် မှ နေ့လည်၁၃းဝဝနာရီအထိ ရန်ကုန်တိုင်းဒေသကြီး၊ ကျောက် တန်းမြို့နယ်အထွေထွေအုပ်ချုပ်ရေး မှူးရုံး အစည်းအဝေးခန်းမတွင် စားသုံးသူအကာ အကွယ်ပေးရေး အကြောင်း သိကောင်းစရာများ ဟောပြောဆွေးနွေးပွဲ ကျင်းပခဲ့ပါသည်။
ဟောပြောဆွေးနွေးပွဲတွင် ရန်ကုန်တိုင်းဒေသကြီးဦးစီးမှူးရုံး၊ လက်ထောက်ညွှန်ကြားရေးမှူး ဦးမင်းသိန်းမှ စားသုံးသူအကာအကွယ်ပေးရေး ဥပဒေပြဌာန်းခဲ့ပြီးဖြစ်၍ ဥပဒေအား အကောင်အထည် ဖေါ်ဆောင်ရွက်နိုင်ရန် စားသုံးသူအငြင်းပွား မှုဖြေရှင်းရေးအဖွဲ့နှင့်ကော်မတီများဖွဲ့စည်းလုပ်ဆောင်မှု အခြေအနေ၊ စားသုံးသူများမှလည်း မိမိတို့၏အခွင့်အရေးကိုသိရှိပြီး ရယူတတ်ရန်၊ လိုက်နာရန်တာဝန် များကိုလည်း တိတိကျကျလိုက်နာရန်၊ လုံခြုံစိတ်ချရမှုရှိသော ထုတ်ကုန်များ ကို ရွေးချယ်ဝယ်ယူသုံးစွဲ တတ်ရန်၊ ပြည်တွင်း၌ထုတ်လုပ်သော ကုန်စည်များအတွက် စီးပွားရေး လုပ်ငန်းရှင်များမှလည်း ဥပဒေပါတားမြစ်ချက်များကို လိုက်နာရန်လိုအပ်မှုများ၊ ဥပဒေပါအကြောင်းအရာများနှင့် ပြစ်မှု၊ ပြစ်ဒဏ်များအကြောင်း အသေးစိတ်ရှင်းလင်းပြောကြားပြီး ပြည်သူအားလုံးမှလည်း အမျိုးသား ရေးတာဝန် တစ်ရပ်အနေဖြင့် စားသုံးသူကာကွယ်ရေးကို ဝိုင်းဝန်းပူးပေါင်း လုပ်ဆောင်ကြ စေလိုကြောင်းတိုက် တွန်းပြောကြားခဲ့ပါသည်။
ဆက်လက်၍မြန်မာနိုင်ငံစားသုံးသူကြိုတင်ကာကွယ်ရေးအသင်း အတွင်းရေးမှူးဒေါ်ခင်စန္ဒာမှပွင့်လင်းမင်သာလာသော အခြေအနေတွင် လူမှုဘဝပုံစံများ၊ တွေးခေါ်နေထိုင်မှု၊ စားသောက်သုံးစွဲ မှုပုံစံများပြောင်းလဲမှ သက်တမ်းရှည် ရှည် နေ ထိုင်နိုင်မှာဖြစ်ကြောင်း၊ ခန္ဓာကိုယ်ပျိုးထောင်ရန် စားသောက်မှု သာမကဝယ်ယူ သုံးစွဲမှုများလည်း ရွေးချယ်တတ်ရန်လိုကြောင်း၊ စားသောက်ကုန်၊ လူသုံးကုန်ပစ္စည်း များဘေးထွက် ဆိုးကျိုးများကို ရှင်းလင်းပြောကြားခဲ့ပါ သည် ။ ဟောပြော ေ ဆွးနွေးပွဲသို့တိုင်း ဒေသကြီးဦးစီးမှူးရုံးမှ အရာထမ်း/ အမှုထမ်းများ၊ မြိူ့နယ်အထွေထွေအုပ်ချုပ် ရေးမှူးနှင့်အမှုထမ်းများ၊ ရပ်ကွက်/ကျေးရွာအုပ်စုများမှ ဥက္ကဌများနှင့် အမှုထမ်းများ၊ မြို့နယ်ကျန်းမာရေးတာဝန်ခံ၊ မြို့နယ် စည် ပင် သာ ယာေ ရးအ ဖွဲ့တာဝန်ခံ၊ ဌာနဆိုင်ရာများမှတာဝန်ရှိသူများ၊ အခြေခံပညာကျောင်းများမှ တာဝန်ခံ ဆရာမများ၊ မြို့နယ်အမျိုးသမီးရေးရာအဖွဲ့ဝင်များ၊ မိခင်နှင့်ကလေး စောင့်ရှောက်ရေး အသင်းအဖွဲ့ဝင်များ၊ စုစုပေါင်း (၁၄၀) ဦးတက်ရောက် ခဲ့ပါကြောင်း သိရှိရပါသည်။
ချောဥမ္မာနိုင်(စားသုံးသူ)ရန်ကုန်