စားသုံးသူများ၏ အခွင့်အရေးနှင့် တာဝန်များ၊ ထုတ်လုပ်ရောင်းချသူ စီးပွားရေး လုပ်ငန်းရှင်များ၏ တာဝန်၊ တားမြစ်ချက်များ၊ စားသုံးသူ အကာအကွယ်ပေးရေး ဥပဒေပါ အကြောင်း အရာများနှင့် ပြစ်မှုပြစ် ဒဏ်များကို စားသုံးသူပြည်သူ အားလုံး သိရှိစေရန် ရည်ရွယ်ချက်ဖြင့် စားသုံးသူ ကာကွယ်ပေးရေး လုပ်ငန်းများကို ဆောင်ရွက်လျက်ရှိသည့် ကူးသန်းရောင်းဝယ်ရေးနှင့် စားသုံးသူရေးရာ ဦးစီးဌာန၊ ရန်ကုန်တိုင်း ဒေသကြီးဦးစီးမှူးရုံးမှ တာဝန်ရှိသူ ဝန်ထမ်းများသည် အစားအသောက် င့်ဆေးဝါးကွပ်ကဲ ရေးဦးစီးဌာန (ရန်ကုန်ရုံးခွဲ)၊ ရန်ကုန်တိုင်း ကျန်းမာရေးဦးစီးဌာန ၊မြန်မာနိုင်ငံ စားသုံးသူ ကြိုတင်ကာ ကွယ်ရေး အသင်းတို့နှင့် ပူးပေါင်း၍ ၂၀၁၅ ခုနှစ်၊ ဇန်နဝါရီလ ၉ ရက်နေ့ နံနက် ၁၀း၃၀မှ ၁၂း၃၀နာရီ အထိ ရန်ကုန် တို င်းဒေသကြီး ဒဂုံမြို့သစ်(အရှေ့ပိုင်း)မြို့နယ်၊ အထွေထွေ အုပ်ချုပ်ရေး ဦးစီးဋ္ဌာန၊အုပ်ချုပ်ရေး မှူးရုံး အစည်းအဝေး ခန်းမတွင် စားသုံးသူ အကာအကွယ်ပေးရေး အကြောင်းသိကောင်း စရာများ ဟောပြောဆွေးနွေး ပွဲကျင်းပ ခဲ့ပါသည်။
ဟောပြောေ ဆွးနွေးပွဲတွင် ရန်ကုန်တိုင်းဒေ သကြီးဦးစီးမှူးရုံး၊ လက်ထောက် ညွှန်ကြားရေးမှူး၊ ဦးမင်းသိန်းမှ နိုင်ငံတော်က ၂၀၁၄ ခုနှစ်၊ မတ်လ၁၄ ရက်နေ့တွင် ပြည်ထောင်စုလွှတ်တော် ဥပဒေအမှတ် (၁၀)ဖြင့် စားသုံးသူအကာအကွယ်ေ ပးရေး ဥပဒေကို ပြဌာန်းပြီးဖြစ်ကြောင်း၊ ဥပဒေ၏ ရည်ရွယ်ချက် အောင်မြင်စေရန် ၂၀၁၄ ခုနှစ်၊ ဇွန်လ ၄ ရက်နေ့တွင် စားသုံးသူ အကာ အကွယ်ပေးရေး ဗဟိုကော် မတီကို ဖွဲ့စည်းပြီးဖြစ်ကြောင်း၊ရန်ကုန်တိုင်းဒေသကြီး အတွင်းရှိ စားသုံးသူ များ၏ နစ်နာမှုကို ဖြေရှင်း ဆောင်ရွက်ပေးရန် ၂၀၁၄ ခုနှစ်၊ အောက်တိုဘာလ ၂၀ ရက်နေ့တွင် ရန်ကုန်တိုင်းဒေသကြီး စားသုံးသူအငြင်းပွားမှု ဖြေရှင်းရေးအဖွဲ့ ဖွဲ့စည်းပြီးဖြစ်ကြောင်း၊ အဆိုပါအဖွဲ့ကို အထောက်အကူပြုရန် ၂၀၁၅ ခုနှစ်၊ ဇန်နဝါရီလ ၇ ရက်နေ့တွင် စားသုံးသူတိုင်ကြားမှု လက်ခံဆောင်ရွက်ရေး လုပ်ငန်းကော်မတီ၊ ထုတ်ကုန်များလုံခြုံစိတ်ချရမှု ဆိုင်ရာ လုပ်ငန်းကော်မတီတို့ကို ဖွဲ့စည်းပေးခဲ့ပါသည်။
စားသုံးသူ တိုင်ကြားမှု လက်ခံဆောင်ရွက်ရေး လုပ်ငန်းကော်မတီမှ စားသုံးသူများ၏ တိုင်ကြားမှုအပေါ် လက်ခံ ဆောင်ရွက်ခြင်းနှင့် ကုန်စည်(သို့မဟုတ်)ဝန်ဆောင်မှုများသည် စားသုံးသူအပေါ် အမှန်တကယ် ထိခိုက် နစ်နာမှုရှိ။မရှိကို စုံစမ်း စ စ်ဆေးပေး မည်ဖြစ်ကြောင်း၊ ထုတ်ကုန်များ လုံခြုံစိတ် ချရမှု ဆိုင်ရာလုပ်ငန်း ကော်မတီသည် ပြည်တွင်း။ပြည်ပမှ ဝင်ရောက် လာသော ကုန်စည်များ လုံခြုံစိတ်ချရမှု ရှိစေရန် စစ်ဆေးခြင်းနှင့် ပြည်တွင်း တွင်လည်း လုံခြုံစိတ်ချ ရမှုမရှိသော ကုန် စည် (သို့မဟုတ်)ဝန် ဆောင်မှုများအား ဖြန့်ဖြူးရောင်းချခြင်း မရှိစေရန် ဆောင်ရွက်ပေးမည်ဖြစ်ကြောင်း ၊ စားသုံးသူများအ နေဖြင့် စားသုံးသူအကာအကွယ်ပေးရေး ဥပဒေတွင်ပါရှိသည့် အခွင့်အရေး၊ ရပိုင်ခွင့်များကို ရယူနိုင် သကဲ့သို့ တာဝန် များကိုလည်း လိုက်နာရန်လိုအပ်ကြောင်း ၊ ထုတ်လုပ် ရောင်းချသူ စီးပွားရေးလုပ်ငန်း ရှင်များအနေဖြင့်လည်း မိမိတို့၏ တာဝန်၊ တားမြစ်ချက်များကို လိုက်နာရန် လိုအပ်ကြောင်းအသေး စိတ်ရှင်းလင်းဆွေးနွေးခဲ့ပါသည်။ဆက်လက်၍ အစား အသောက်နှင့်ဆေးဝါး ကွပ်ကဲရေးဦးစီးဌာန (ရန် ကုန်ရုံးခွဲ)မှ လက်ထောက် ညွှန်ကြားရေးမှူး ဒေါက်တာဥမ္မာစိုးဝင်းက အစားအစာများသည် စိုက်ပျိုးသည်မှ စားသုံးရန် စားပွဲသို့ ရောက်သည်အထိ (From Farm to Table) ထုတ်လုပ်မှု လုပ် ငန်းစဉ် အဆင့်ဆင့်မှာ အရေးကြီးကြောင်း၊ အစားအစာများပြုလုပ်ရာတွင် ရုပ်ဝတ္တုပစ္စည်းများဖြစ်သည့် ဖန်ကွဲစ၊ ဆံပင်ချည်၊ ကလစ်၊ ကြက်ဥခွံများ ပါဝင်ခြင်းကြောင့် Physical Health ကိုထိခိုက်စေခြင်း ၊ဓါတု ပစ္စည်းများပါဝင်သည့် ပတ်ဝန်း ကျင်ညစ်ညမ်းမှု၊ ရေမသန့်ရှင်းခြင်းတို့ကြောင့်Chemical Health ကို ထိခိုက်စေခြင်း ၊ဇီဝပစ္စည်းများပါဝင်သည့် ကုန်ကြမ်းပစ္စည်းများ၊ ကုန်ပစ္စည်းထုတ် လုပ်သည့် စက်ရုံများရှိ ဝန်ထမ်းများ၏ သန့်ရှင်းမှုမရှိခြင်းကြောင့် Biology Health ကိုထိ ခိုက်စေခြင်းစသည်တို့ဖြစ် ပေါ်လျှင် စားသုံးသူများ၏ ကျန်းမာရေးကို ထိခိုက်နိုင်ပါကြောင်းနှင့် အစားအသောက်များ ဘေးအန္တ ရာယ်ကင်းရှင်းစေရန်အတွက် လိုက်နာဆောင်ရွက်ရမည့်အချက်များ ကိုအကျယ်တဝင့်ရှင်း လင်းဆွေး နွေးခဲ့ပါသည်။
မြန်မာနိုင်ငံစားသုံးသူ ကြိုတင်ကာကွယ်ရေး အသင်း ဘဏ္ဍာရေးမှူး ဒေါ်အမာချိုမှ အသင်းသူ/ အသင်း သားများအနေဖြင့် မသေမချင်း မနေတတ်၍ ဒီအလုပ်လုပ်နေရ စကားအတိုင်း စားသုံးသူကာကွယ် ရေး လုပ်ငန်းများကို ဝိုင်းဝန်း ပူးပေါင်း လုပ် ကိုင်နေခြင်းဖြစ်ကြောင်း၊ သဘာဝပတ်ဝန်းကျင်ကို ထိန်းသိမ်းရန်အတွက် ပလတ်စတစ်များ အသုံးပြုခြင်းမှ လျှော့ချရန်လိုကြောင်း၊ ဆရာ။ဆရာမများ အနေဖြင့် ကျောင်းမုန့်ဈေးတန်းတွင် ဘေးဥပဒ်အန္တရာယ် ကင်းသည့်မုန့် များ ကို ရောင်း ချနိုင်ရန်ဈေးသည်များကို အသိပညာနှင့် ဗဟုသုတပေးရန် လိုအပ်ကြောင်း၊ စားသုံးသူပြည်သူများ အနေဖြင့် အစားအသောက် များ စားသုံးရာ တွင် ရွေးချယ် စားသုံးကြ ရန်တို့ကို ရှင်းလင်းဆွေးနွေးခဲ့ပါသည်။
ရန်ကုန်တိုင်းဒေသကြီးအစိုးရအဖွဲ့မှရန်ကုန်တိုင်းဒေသကြီး စားသုံးသူအငြင်းပွားမှုဖြေရှင်းရေးအဖွဲ့၊ စားသုံးသူတိုင်ကြားမှု လက်ခံဆောင်ရွက်ရေးကော်မတီ၊ ထုတ်ကုန်များလုံခြုံစိတ်ချရမှုဆိုင်ရာ လုပ်ငန်းကော်မတီတို့ကို ဖွဲ့စည်းပေးခြင်း အားဖြင့် စားသုံးသူများ၏ အငြင်းပွားမှုများကို စေ့စပ်ညှိနှိုင်းဖြေရှင်း ပေးခြင်း၊ ကုန်စည်(သို့မဟုတ်)ဝန်ဆောင်မှုများသည် စားသုံးသူအပေါ် အမှန်တကယ် ထိခိုက်နစ်နာ မှုရှိ၊မရှိ စုံစမ်းစစ်ဆေးခြင်းများနှင့် ပြည်တွင်း။ပြည်ပမှ ဝင်ရောက်လာသော ကုန်စည်များ လုံခြုံစိတ်ချ ရမှုရှိစေရန် စစ်ဆေး ခြင်းများကို ဆောင်ရွက်ခြင်းစသည့် အကျိုးကျေးဇူးများကို စားသုံးသူပြည်သူများ ရရှိကြမှာဖြစ်ပါသည်။
ဟောပြောဆွေးနွေးပွဲသို့ ရန်ကုန်တိုင်းဒေသကြီးဦးစီးမှူးရုံးမှ တာဝန်ရှိသူနှင့်ဝန်ထမ်းများ၊ အစားအ သောက်နှင့်ဆေးဝါးကွပ်ကဲရေးဦးစီးဌာန(ရန်ကုန်ရုံးခွဲ)မှတာဝန်ရှိသူ၊ ဒဂုံမြို့သစ်(အရှေ့ပိုင်း) မြို့နယ်၊မြို့နယ် ကျန်းမာရေးဦးစီးမှူး ၊ မြန်မာနိုင်ငံ စားသုံးသူကြိုတင် ကာကွယ်ရေးအသင်း ဘဏ္ဍာရေးမှူး နှင့်တစ်ဦး၊ မြို့နယ် အတွင်းရှိ ဌာနဆိုင်ရာများ၊ မြို့နယ်အတွင်းရှိ အထက်တန်းကျောင်း(၅)ကျောင်း၊ အလယ်တန်းကျောင်း(၁)ကျောင်း၊ မူလတန်းကျောင်း (၁၉)ကျောင်းတို့မှ ဆရာ/ ဆရာ မများ ၊ရပ်ကွက် အုပ်ချုပ်ရေးမှူးများ၊ ဈေးရောင်း ချသူများ စုစုပေါင်း (၇၈)ဦးတက်ရောက်ခဲ့ကြောင်း သတင်းရရှိပါ သည်။
မိုးမိုးကြည်(စားသုံးသူ) ရန်ကုန်