တရုတ်နိုင်ငံမှ အိန္ဒိယတွင် ကုန်သွယ်ရေးနဲ့ ရင်းနှီးမြှုပ်နံှမှု အလားအလာများ လေ့လာ

ကြာသပတေးနေ့။ ၁၇  ဇန်နဝါရီလ ၂၀၁၃ 08:00 AM

အိန္ဒိယ- တရုတ် စီးပွားရေးနဲ့ ယဉ်ကျေးမှု ကောင်စီ (ICEC) ရဲ့ ဦးဆောင်မှုနဲ့ အဆင့်မြင့် စီးပွားရေး လုပ်ငန်း ရှင်များ ပါရှိတဲ့ ကိုယ်စားလှယ် အဖွဲ့ဟာ အိန္ဒိယမှာ ကုန်သွယ်ရေးနဲ့ ရင်းနှီး မြှုပ်နံှမှု အလား အလာများကို လေ့လာရန် ရောက်ရှိနေ ပါတယ်။

ယခု ကဲ့သို့ တွေ့ဆုံခြင်းဟာ တရုတ်နဲ့ တောင်အာရှ နိုင်ငံများ အကြား စီးပွားရေး၊ ကုန်သွယ်ရေး၊ ယဉ်ကျေးမှု နဲ့ ပညာရေး ကဏ္ဍများ ပူးပေါင်း ဆောင်ရွက်ရန်နဲ့ လဲလှယ်ရန် ရည်ရွယ်တယ်လို့ သိရ ပါတယ်။ စီးပွားရေး ကောင်စစ်ဝန် Mr. Pen Gang က အဖွင့် အမှာစကား ပြောကြားရာမှာ သတင်း မီဒီယာများ၊ ကိုယ်စားလှယ် များနဲ့ ဌာန ဆိုင်ရာ ဂုဏ်သရေရှိ လူကြီးမင်း များအား ကျေးဇူးတင် ရှိကြောင်းနဲ့ ယခုကဲ့သို့ တွေ့ဆုံခြင်းသည် တရုတ်နိုင်ငံ ယူနန် ပြည်နယ်နဲ့ အိန္ဒိယတို့ အကြား စီးပွားရေး အပြန် အလှန် ပူးပေါင်း ဆောင်ရွက်မှု တိုးမြှင့်ရန် အတွက် အကောင်း ဆုံးသော အလား အလာများကို ရရှိနိုင် စေမယ်လို့ ထည့်သွင်း ပြောကြားခဲ့ ပါတယ်။

နှစ်နိုင်ငံ အစိုးရ များဟာ အပြန် အလှန် ကုန်သွယ်မှုနဲ့ ရင်းနှီး မြှုပ်နံှမှု အပိုင်းများမှာ ပိုမို လွယ်ကူ ချောမွေ့ စေရေး အတွက် စိတ်ဆန္ဒ ရှိကြပြီး တရုတ်- အိန္ဒိယ အပြန် အလှန် ဆက်ဆံမှုဟာ ကဏ္ဍ အတော်များ များမှာ ဖွံ့ဖြိုး တိုးတက် နေပြီ ဖြစ်ပါတယ်။ ယခု ပထမဆုံး အကြိမ် ကျင်းပမဲ့ ပထမ အကြိမ် တရုတ်- တောင်အာရှ ကုန်စည် ပြပွဲဟာ တရုတ် အစိုးရက တရုတ်နဲ့ တောင်အာရှ နိုင်ငံများ အကြား အပြည်ပြည် ဆိုင်ရာ ကုန်သွယ်မှု တိုးမြှင့်ရေး အတွက် ခိုင်မာတဲ့ ခြေလှမ်းဖြစ်ကြောင်း စီးပွားရေး ကောင်စစ်ဝန်က ပြောပါတယ်။

မြို့တော်ဝန် H.E Mr. Gao Shuxunm က လွန်ခဲ့သော ၁ဝ စုနှစ်မှာ ယူနန်သည် တောင်အာရှ နိုင်ငံများနဲ့ နှစ်နိုင်ငံ အပြန် အလှန် ကုန်သွယ်မှု၊ သိသာ ထင်ရှားသော စီးပွားရေးနဲ့ ကုန်သွယ်မှု ဆိုင်ရာ ရည်မှန်းချက်များ အထမြောက် အောင်မြင်မှုများ ရရှိ ခဲ့တယ်လို့ ဆိုပါတယ်။ ၂ဝ၁၃ ခုနှစ် ဇွန်လမှာ ပထမ အကြိမ် တရုတ်- တောင်အာရှ ကုန်စည် ပြပွဲကို ကူမင်းမှာ ကျင်းပမှာ ဖြစ်ကြောင်းနဲ့ အိန္ဒိယ စက်မှု လုပ်ငန်းရှင် များကို တက်ရောက်ရန် ဖိတ်ကြား ခဲ့ပါတယ်။ ပထမ အကြိမ် တရုတ်- တောင်အာရှ ကုန်စည် ပြပွဲကို အိန္ဒိယမှ တာဝန် ရှိသူများ အနေနဲ့ အားထည့် ပါဝင် ပံ့ပိုးပေး ကြမယ်လို့ မျှော်လင့်ကြောင်းနဲ့ အရေးပါသော အလှည့် အပြောင်း တစ်ခုကို တက်လှမ်းခြင်း ဖြစ်တယ်လို့ မြို့တော်ဝန်က ပြောကြားခဲ့ ပါတယ်။

အိန္ဒိယ ပို့ကုန် အသင်းချုပ် ညွှန်ကြားရေးမှူးချုပ် (Federation of India Export Organization FIEO)က လုပ်ငန်း ရှင်များ အနေနဲ့ တရုတ် နိုင်ငံရဲ့ ဈေးကွက်ကို အထူး လေ့လာ နေကြောင်းနဲ့ အိန္ဒိယ အနေနဲ့ တန်ဖိုးမြင့် ထုတ်ကုန်များ တင်ပို့ ရောင်းချရန် ဈေးကွက်သစ် ရရှိနိုင်မှာ ဖြစ်ကြောင်း ပြောကြား ပါတယ်။

ယခုကဲ့သို့ နှစ်နိုင်ငံ ကိုယ်စားလှယ်များ တွေ့ဆုံခြင်း အားဖြင့် ယူနန် ပြည်နယ် အကြောင်းနဲ့ စီးပွားရေး အခွင့် အလမ်းများကို ကျယ်ကျယ် ပြန့်ပြန့် သိရှိခွင့် ရရှိစေခဲ့တယ်လို့ ICEC အထွေထွေအတွင်းရေးမှူး Mr. Saqib က ပြောကြားခဲ့ ပါတယ်။

Source: blogs.ft.com – CMK