ကန်ပိုက်တီး နယ်စပ် ကုန်သွယ်ရေး စခန်းရဲ့ ဒီဇင်ဘာလအတွက် ကုန်သွယ်မှုမြှင့်တင်ရေး အစည်းအ ဝေးကို ဒီဇင်ဘာ ၂၅ ရက်နေ့မှာ ကန်ပိုက်တီး နယ်စပ်ကုန်သွယ်ရေး စခန်းအစည်းအဝေး ခန်းမမှာ ကျင်းပပြုလုပ် ခဲ့ပါတယ်။ အစည်းအဝေးကို ကူးသန်းရောင်းဝယ်ရေးနှင့် စားသုံးသူရေးရာ ဦးစီးဌာနမှ စခန်းတာဝန်ခံ၊ နယ်ခြားစောင့်တပ်မှ တာဝန်ရှိသူတစ်ဦး၊ OSS အဖွဲ့ဝင်ဌာနများနဲ့ ကုန်သည်များ စုစုပေါင်း (၂၁) ဦးခန့် တက်ရောက်ခဲ့ကြပါတယ်။
အစည်းအဝေးမှာ စခန်းတာဝန်ခံ ဦးဇော်ဝမ်း (လက်ထောက်ညွှန်ကြားရေးမှူး) မှကန်ပိုက်တီး စခန်းအနေဖြင့် ယခု ဒီဇင်ဘာလတွင် ပို့ကုန်၊ သွင်းကုန် လုပ်ငန်းများအား ယခင်လများ ထက်သာလွန် အောင်ဆောင်ရွက်နိုင်ခဲ့ပြီး ကုန်သွယ်မှုလျာ ထားချက်များ အပေါ်တွင်လည်း ဒီဇင်ဘာလ၂၅ ရက်နေ့ထိမှာ ပြည့်မီ ကျော်လွန်အောင် ဆောင်ရွက်နိုင်ခဲ့ပြီဖြစ်ကြောင်း၊ ယခင်နှစ်ကာလတူထက်ရော အနီးစပ် ဆုံးကာလထက်ပါ ပိုမိုဆောင်ရွက်နိုင်ခဲ့ကြောင်း၊ ကျန်ရှိနေသေးတဲ့ ရက်များကို လည်းလျာထားချက် ကျော်လွန်နေပြီလို့ သဘောမထား ဘဲရနိုင်သရွေ့ကုန်သွယ်မှုတိုးတက်အောင် ဆက်လက်ဝိုင်းဝန်း ကြိုးပမ်းသွားကြရန် လိုအပ်ကြောင်း ပြောကြားခဲ့ပါတယ်။ ဆောင်ရွက်နိုင်မှု အခြေအနေများကတော့-
ကုန်သွယ်မှုပမာဏဆောင်ရွက်နိုင်မှု
တန်ဖိုး-ကန်ဒေါ်လာသန်း
ပို့ကုန် သွင်းကုန် ကုန်သွယ်မှုပမာဏ
ယခုဘဏ္ဍာနှစ် ဒီဇင်ဘာလ ၂၅ ရက်နေ့ထိ ၁.၄၂၀ ၆.၄၆၁ ၇.၈၈၁
ယမန်နှစ်ကာလတူဒီဇင်ဘာလ ၂၅ ရက်နေ့ထိ ဝ.၅၃၁ ၁.၉၃၃ ၂.၄၆၄
အနီးစပ်ဆုံးနိုဝင်ဘာလ ၂၅ ရက်နေ့ထိ ဝ.၃၀၅ ၃.၄၉၀ ၃.၇၉၅
လျာထားချက်အပေါ်ဆောင်ရွက်နိုင်မှု
လျာထားချက် ဆောင်ရွက်နိုင်မှု
ဒေါ်လာသန်း ရာခိုင်နှုန်း
ဒီဇင်ဘာလ ၂၅ ရက်နေ့ထိ
ပို့ကုန် ဝ.၇၃၉ ၁၉၂.၁၅
သွင်းကုန် ၄.၄၅၃ ၁၄၅.ဝ၉
ကုန်သွယ်မှုပမာဏ ၅.၁၉၂ ၁၅၁.၇၉
စခန်းတာဝန်ခံက ဆက်လက်၍ ကုန်သွယ်မှု တိုးတက်လာခြင်း အားသုံးသပ်ရပါက ကုန်သည် လုပ်ငန်းရှင်များ ကုန်သွယ်မှု လမ်းကြောင်းပေါ်သို့ တက်လာပြီး နိုင်ငံတော်အား အခွန်အခပေးဆောင်၍ သွားလိုမှုရှိလာခြင်း၊ ဌာနဆိုင်ရာများမှလည်း လုပ်ငန်းရှင်များရဲ့ ကုန်သွယ်မှု အခက်အခဲများအား မိမိတို့ဌာနများရဲ့ လုပ်ထုံးလုပ်နည်း မူဘောင်အတွင်းမှ ဝိုင်းဝန်း ကူညီဆောင်ရွက်ပေးခြင်း၊ ပို့ကုန်သွင်း ကုန်လိုင်စင်များကိုလည်း မြစ်ကြီးနားရုံးခွဲမှ လွယ်ကူ လျှင်မြန်အောင်ဆောင် ရွက်ပေးေ နခြင်း၊ ပို့ကုန် ပိုင်းတွင် တစ်သျှူးငှက်ပျောများအား တရုတ်ကုန်သည်များ နှင့်ချိတ်ဆက်၍ ထွက်သမျှ တင်ပို့နိုင်ခဲ့ ခြင်း၊ သွင်းကုန်ပိုင်းတွင် ပွင့်လင်းရာသီရောက်ရှိလာပြီဖြစ်သဖြင့် လုပ်ငန်းသုံးယာဉ် ယန္တရား များရဲ့ ဆောက်လုပ်ရေးသုံးပစ္စည်းများ ပိုမိုတင်သွင်း လာခဲ့ခြင်းတို့ကြောင့် ဖြစ်ကြောင်း ပြောကြားခဲ့တယ်လို့ သတင်းရရှိပါတယ်။
ဆက်လက်ပြောကြားရာမှာ လက်ရှိ ကချင်ပြည်နယ် အတွင်း ဒေသမငြိမ် မသက်မှုများကြောင့် အချို့ကုန်သည်လုပ်ငန်းရှင်များ ကုန်သွယ်မှုပြုရာမှာ စိုးရိမ်စိတ်များ ရှိနေတာကို သိရှိရကြောင်း၊ လုံခြုံ ရေးတာဝန် ယူရသော မြန်မာနိုင်ငံ ရဲတပ်ဖွဲ့ အနေ နဲ့လည်း လုံခြုံရေး သတိရှိစွာဖြင့် မိမိစခန်းအတွင်း အဖျက်အမှောက်လုပ်ငန်းများ ဆောင်ရွက်ခြင်း၊ လက်နက်၊ ခဲယမ်းများ သယ်ဆောင်ခြင်းတို့ မရှိစေရေး သတိရှိရှိရှာဖွေ စစ်ဆေး ရန်လိုကြောင်း ၊ သောင်းကျန်းသူများမှ မိမိတို့ စခန်း အား နိုင်ငံရေးအမြတ် ထုတ် လိုမှုဖြင့် အဖျက်အမှောက်တစ်ခုခု လုပ်ဆောင်သွား ပါက နိုင်ငံရေးသိက္ခာကျဆုံးရမည့်အပြင် ကုန် သွယ်မှုအပေါ်တွင်လည်း ထိခိုက်လာနိုင်ကြောင်း၊ နယ်မြေအေးချမ်း တည်ငြိမ်ပြီး ကုန်သည် လုပ်ငန်း ရှင်များက ယုံကြည်မှုရှိမှသာ ကုန်သွယ်မှုဘက်တွင် ယုံယုံကြည်ကြည်လုပ်ကိုင်နိုင် မည်ဖြစ်ကြောင်း၊ သို့ဖြစ်၍ လုံခြုံရေးကို အထူဂရုပြုရန်နဲ့ နယ်မြေခံများထံမှလည်း သတင်းလက်ဦးမှု ရရှိရေးဆောင် ရွက်ထားစေလိုကြောင်း၊ လူဝင်မှုကြီးကြပ်ရေးနှင့် အမျိုး သားမှတ်ပုံတင်ရေးဦးစီးဌာနမှလည်း တရားမ ဝင် လူဝင်/လူထွက်မရှိစေရေး စနစ်တကျစိစစ်ဝင်ထွက်ခွင့်ပြုရန် လိုကြောင်း ပြောကြား သွားခဲ့တယ် လို့ သိရှိရပါတယ်။
အစည်းအဝေးတက်ရောက်သူများရဲ့ ဆွေးနွေးတင်ပြချက်အပေါ် စခန်းတာဝန်ခံမှ ပြန်လည် ပြောကြား ရာတွင် ဆောင်းပြောင်းများတင်ပို့သည့်အခါ အရည်အသွေးကောင်းမွန်မှုရှိစေရေး ဆောင် ရွက်စေလိုကြောင်း၊ သို့မှသာ ဈေးကောင်းရပြီး ဝယ်လက်များမှလိုချင်လာမည်ဖြစ်ကြောင်း၊ တစ်ဖက် နိုင်ငံမှ သွင်းကုန်များ နဲ့အတူ တရားမဝင်ကန့်သတ်ကုန်များမပါရှိရေး၊ ပို့ကုန်ပစ္စည်း များတွင်လည်း သစ်နဲ့ကျောက်မျက်ရတနာများမပါရှိရေး စိစစ်ဆောင်ရွက်သွားရန်၊ ကျန်ရှိသည့် ရက်များ တွင်လည်း ကုန်သွယ်မှု လျာထားချက်ပြည့်မီနေသည်ကို အားရကျေနပ်မနေဘဲ ဆက်လက်၍ တတ်နိုင်သမျှ အားသွန်ခွန်စိုက်ကြိုးပမ်းကြစေလိုကြောင်း၊ နောင်လာမဲ့လများမှာလည်း ယခုကဲ့သို့ ကုန်သွယ်မှုပမာဏ တိုးတက်စေရေးကြိုး ပမ်းဆောင်ရွက် ကြစေလိုကြောင်း ပြောကြားခဲ့တယ်လို့ သတင်းရရှိပါတယ်။
ယဉ်ယဉ်အေးMIRT (DCCA)