မတ်ပဲတင်ပို့မှု

မတ်ပဲတင်ပို့မှု ယခင်သီတင်းပတ်ထက်လျော့ပေမဲ့ တန်နှစ်သောင်းနီးပါးပို့နိုင် ပင်လယ်ရေကြောင်းက မတ်ပဲတင်ပို့မှုမှာ ယခင်သီတင်းပတ်တွေက တန်ချိန် နှစ်သောင်းအထက်ထိ တင်ပို့မှုအားကောင်းခဲ့ရာ ယခင်တစ်ပတ်မှာတော့ အနည်းငယ် လျော့နည်းတင်ပို့ခဲ့ပါသည်။မေ၂၁ရက်မှ ၂၅ ရက်အထိ တစ်ပတ်အတွင်း မတ်ပဲ စုစုပေါင်း တန်ချိန် ၁၉၀၀၀ ကျော်တင်ပို့နိုင်ခဲ့တယ်လို့သိရပါသည်။ လက်ရှိဘဏ္ဍာနှစ် မေလ၂၅ရက်အတွင်း စုစုပေါင်းတင်ပို့ပြီးစီးမှုကိုကြည့်ရင် တန်ချိန် တစ်သိန်းနှစ်သောင်း နီးပါးရှိပြီး ရရှိတဲ့ဝင်ငွေမှာ ကန်ဒေါ်လာ ၆၄သန်းနီးပါး ရရှိခဲ့ပါသည်။ယခင်ဘဏ္ဍာနှစ် ကာလတူအတွင်း တင်ပို့မှုအနေနဲ့ ပမာဏအားဖြင့် တန်ချိန် ၉၄၀၀၀ ကျော်မှ ကန်ဒေါ်လာ ၈၈သန်းနီးပါးရရှိခဲ့လို့ ယခုနှစ်ကာလတူထက် ကန်ဒေါ်လာသန်း ၂၀ ကျော် လျော့ကျကြောင်းတွေ့ရပါသည်။လက်ရှိရောင်းဝယ်မှု အခြေအနေအရ လာမယ့်သီတင်း ပတ်မှာလည်း တင်ပို့မှုလျော့ကျဖွယ်ရှိနေပါသည်။