ပုံမှန်တင်ပို့မှုဖြစ်လာမည့်မတ်ပဲ(၂၅.၆.၂၀၁၂)

ပင်လယ်ရေကြောင်းမှ မတ်ပဲတင်ပို့မူမှာ ယခုတစ်ပတ်အတွင်း တန်တစ်သောင်းအောက်ကို လျော့ကျလာခဲ့ပါသည်။ ယခင်သီတင်းပတ် တန်ချိန်၁၂၀၀၀ ကျော်တင်ပို့ခဲ့ရာမှ ယခု တစ်ပတ်(ဇွန် ၁၀-၁၅ရက်)အတွင်းမှာ တန်ချိန်၉၁၀၀ကျော်တင်ပို့ခဲ့ကြောင်းသိရပါသည်။ ယခင်သီတင်းပတ်များတွင် ပြည်ပအဝယ်လျော့ကျခဲ့သည့်အတွက် ယခုသီတင်းပတ် တင်ပို့မူ ကျဆင်းလာခြင်း ဖြစ်ပါသည်။ ၂၀၁၂-၂၀၁၃ဘဏ္ဍာနှစ် ဇွန်၁၅ရက်အထိ မတ်ပဲစုစုပေါင်း တင်ပို့ ပြီးစီးမူမှာ တန်ချိန် ၁၅၇၀၀၀ကျော်ရှိပြီး ကန်ဒေါ်လာ ၈၅သန်းကျော် ဝင်ငွေရရှိကြောင်းသိရ ပါသည်။ ယခင်ဘဏ္ဍာနှစ်ကာလတူမှာ တန်ချိန် ၁၅၄၀၀၀ကျော် တင်ပို့ခြင်းမှာ ကန်ဒေါ်လာ ၁၄၀သန်းကျော်ရရှိလို့ ယခုနှစ်ကာလတူမှာ ပမာဏအနည်းငယ် ပိုမိုသော်လည်းဝင်ငွေမှာ ကန်ဒေါ် လာ ၅၅သန်းကျော်လျော့ကျကြောင်း သိရပါသည်။ လက်ရှိရောင်းဝယ်မူအရ လာမယ့်သီတင်း ပတ်တွေမှာ တင်ပို့မူ ပုံမှန်ဖြစ်လာနိုင်ကြောင်း ခန့်မှန်းရပါသည်။