နောက်ဆုံးရ သတင်း

အမေရိကားမှာ နှစ် ၅၀ ကျော်အတွင်း အပြင်းထန်ဆုံး မိုးခေါင်တဲ့အတွက် ပြောင်းဈေးက စံချိန်တင် မြင့်တက်လျက်ရှိပြီး၊ ကမ္ဘာ့စားနပ်ရိက္ခာ အကြပ်အတည်းစိုးရိမ်မှုတွေဖြစ်စေတာကြောင့် တရုတ်နိုင်ငံက ပြည်တွင်း ဈေးနှုန်းလျော့ကျဖို့နဲ့ တင်သွင်းမှုလျှော့ချဖို့ နိုင်ငံတော်အရန်သိုလှောင်မှုထဲက ဆန်နဲ့ပြောင်းများ ထုတ်ရောင်း တော့မယ်လို့သိရပါတယ်။ ယခုထုတ်ရောင်းမယ့်အစီအစဉ်ကြေငြာမှုဟာ ယခင်နှစ်စက်တင်ဘာမှာ ပြောင်းတန်ချိန် ၃ ဒသမ ၇ သန်းရောင်းချမယ်လို့ပြောပြီးနောက်ပိုင်း ပထမအကြိမ်ဖြစ်ပါတယ်။
အဲဒီထုတ်ပြန်ချက်ကြောင့် လာမယ့်ကာလတိုအတွင်း တရုတ်တင်သွင်းသူများဟာ ၎င်းင်းတို့ရဲ့သင်္ဘောတင် များ ဖျက်သိမ်းဖွယ်ရှိလာပြီး နိုင်ငံတကာပြောင်းဈေးကိုလည်း ကျဆင်းစေဖို့ဖြစ်လာမယ်လို့ဆိုပါတယ်။ ကမ္ဘာမှာသီးနှံ ထိပ်တန်းတင်ပို့တဲ့ အမေရိကားရဲ့သီးနှံအထွက်ခန့်မှန်းချက်ကို လျှော့ချလိုက်တဲ့အတွက် သြဂုတ်လ ၁၀ ရက်နေ့မှာ ပြောင်းဈေးနှုန်း စံချိန်သစ်ရောက်ရှိခဲ့ပါတယ်။ တရုတ်သီးနှံကွပ်ကဲမှုဌာနမှ အစိုးရအရန်သီးနှံထဲမှ ပြောင်းနဲ့ဆန် ထုတ်ရောင်းမယ့် ပမာဏအတိအကျကိုတော့ ပြောကြားခြင်းမရှိသေးပါဘူး။
သီးနှံအရန်ထားရှိရေးကော်ပိုရေးရှင်းမှ သီးနှံရောင်းချဖို့ တာဝန်ယူရမှာဖြစ်ပေမဲ့ ဘယ်အချိန်မှာ ပေးမယ် ဆိုတာကိုလည်း အသေးစိတ်မပြောသေးဘူးလို့သိရပါတယ်။ အချို့ကုန်သည်တွေ ခန့်မှန်းတာတော့ ရောင်းချမှု နည်းတဲ့ ရိတ်သိမ်းချိန် မတိုင်မီကာလမှာ ဈေးနှုန်းတည်ငြိမ်စေဖို့ အစိုးရအနေနဲ့ တန်ချိန် ၂ သန်းဝန်းကျင်ရောင်းချ လိမ့်မယ်လို့ဆိုပါတယ်။ တရုတ်အစိုးရအနေနဲ့ ဒီနှစ်ကုန်မှာ ၎င်းင်းရဲ့အရန်သိုလှောင်မှုကို ဖြည့်တင်းဖို့လိုအပ်မှာဖြစ်ပြီး ယခုအရန်သိုလောင်မှုရောင်းချခြင်းက ဈေးနှုန်းအပေါ် သက်ရောက်မှုအကန့်အသတ်ရှိမယ်လို့ဆိုပါတယ်။
ယခုလို သီးနှံထုတ်ရောင်းမှုက ဈေးကွက်တည်ငြိမ်မှုအတွက် အတိုင်းအတာတစ်ခုအထိကူညီမှာဖြစ်ပေမဲ့ ထုတ်ရောင်းမယ့်ပမာဏက နိုင်ငံတစ်ဝန်းစားသုံးမှုတန်ချိန် ၁၀ သန်း-၁၅ သန်းနဲ့ယှဉ်ရင်တော့ အလွန်ဘဲနည်းတယ်လို့  Zheshong Future ကုမ္ပဏီမှ လေ့လာဆန်းစစ်သူ Xu Werjie မှပြောကြားပါတယ်။ ဒေလီယံကုန်စည်ဒိုင်မှာ ပြည်တွင်းပြောင်းကြိုပွိုင့်ဈေးက ယခုနှစ်မှာ ၁၂ ရာခိုင်နှုန်းမြင့်တက်ပြီး၊ သြဂုတ်လ ၁၀ ရက်မှာ ယွမ် ၂၄၀၀ (ကန်ဒေါ်လာ ၃၈၀) ရှိခဲ့ပါတယ်။ ဒါပေမဲ့ ဇူလိုင်လ ၁၆ ရက်မှာရှိခဲ့တဲ့ ယွမ် ၂၄၂၉ (ကန်ဒေါ်လာ ၃၈၅) ထက်တော့ အနည်းငယ်လျော့ကျခဲ့ပါတယ်။
ယခင်ကပြောင်းဖူလုံတဲ့ တရုတ်နိုင်ငံဟာ တိုးပွားတဲ့လူဦးရေရဲ့ဝင်ငွေမြင့်လာခြင်းနဲ့ အသားပိုမို စားသုံး လာကြတဲ့အတွက် မကြာသေးခင်နှစ်များအတွင်း အဓိကပြောင်းတင်သွင်းသူလည်းဖြစ်လာခဲ့ပါတယ်။ မွေးမြူရေး လုပ်ငန်းတွေ တိုးတက်လာခြင်းက တရုတ်နိုင်ငံကို ကမ္ဘာမှာဒုတိယပြောင်းအများဆုံး သုံးစွဲသူအဖြစ် တွန်းပို့ခဲ့ရာ ဈေးကျနေစဉ်အတွင်း ပြောင်းကိုအလေးထားဝယ်ယူမှုတွေ ပြုလုပ်လာခဲ့ပါတယ်။ သြဂုတ်လ ၁၀ ရက်နေ့ USDA ရဲ့ အစီရင်ခံချက်အရ ယခုနှစ်တရုတ်နိုင်ငံရဲ့ ပြောင်းထွက်ရှိမှုက တန်ချိန်သန်း ၂၀၀ ကို ၂ ဒသမ ၅ ရာခိုင်နှုန်း တိုးမြင့်ခန့်မှန်းထားပါတယ်။
ဒါကြောင့် ပြောင်းတင်သွင်းမှုဟာလည်း တန်ချိန် ၃ သန်းမှ ၂ သန်းကို လျှော့ချခန့်မှန်းထားပါတယ်။
ယမင်းခင်    
Source: Reuters

စက်သုံးဆီတင်သွင်းမယ်ဆိုလျှင် ဇူလိုင်လ ၂၆ ရက်နေ့က စီးပွားရေးနှင့်ကူးသန်းရောင်းဝယ်ရေး ဝန်ကြီးဌာနမှာ ပြုလုပ်တဲ့ အစည်းအဝေးဆုံးဖြတ်ချက်များအရ ဆောင်ရွက်ရမယ့် လုပ်ထုံးလုပ်နည်းများကို မြိတ်နယ်စပ်ကုန်သွယ်ရေးစခန်းတာဝန်ခံ ဦးကျော်ဒွန်းက စက်သုံးဆီတင်သွင်းလိုတဲ့ ကုန်သည်လုပ်ငန်းရှင်များအနေနဲ့ နယ်စပ်ဖြတ်ကျော် ပုံမှန် ကုန်သွယ်မှုစနစ်နဲ့ မြိတ်နယ်စပ်ကုန်သွယ်ရေးရုံးတွင်ပင် လျှောက်ထားနိုင်တယ်၊ စခန်းမှရုံးချုပ်သို့ တင်ပြခွင့်ပြုချက် တောင်းခံပြီး မြိတ်စခန်းမှ လိုင်စင်ထုတ်ပေးမယ်၊ လိုင်စင်အတွက်ကျသင့်တဲ့အခွန်အခများကို သက်ဆိုင်ရာမြိတ်စခန်းရှိ အကောက်ခွန်ဌာနမှာဘဲ ပေးသွင်းရမယ်လို့ ပြောကြားခဲ့တယ်လို့ သိရပါတယ်။ စက်သုံးဆီဈေးနှုန်းကို တစ်ဖက်နိုင်ငံ ပေါက်ဈေးအတိုင်း ဖြစ်ဖို့လိုအပ်တယ်လို့ သိရပါတယ်။ စက်သုံးဆီအရည်အသွေးစစ်ဆေးခြင်းနဲ့ပတ်သက်လို့ စွမ်းအင် ဝန်ကြီးဌာနမှ သတ်မှတ်ထားတဲ့အရည်အသွေးအတိုင်း တင်သွင်းရန်နဲ့ အရည်အသွေးကိုက်ညီမှုရှိ/မရှိကို စွမ်းအင် ဝန်ကြီးဌာနက စစ်ဆေးသွားမှာဖြစ်တယ်။ တနင်္သာရီတိုင်းဒေသကြီး စက်သုံးဆီတင်သွင်းသူများအနေနဲ့ မြန်မာနိုင်ငံ စက်သုံးဆီဖြန့်ဖြူးရောင်းချမှု အသင်းဝင်ဖြစ်ရန်မလိုအပ်သော်လည်း တိုင်းဒေသကြီးစက်သုံးဆီ တင်သွင်း ဖြန့်ဖြူးမှု ကော်မတီကြီးကြပ်မှုနဲ့ တင်သွင်းရမှာဖြစ်သလို LPG Gas တင်သွင်းလိုတဲ့ ကုမ္ပဏီများအနေနဲ့ တင်သွင်းခွင့်ရရှိရေး စွမ်းအင်ဝန်ကြီးဌာနမှာ ထောက်ခံချက်လျှောက်ထားရန်လိုအပ်တယ်လို့ သတင်းရရှိပါတယ်။
Source:နကသ (မြိတ်)                               
ချမ်းမြေ့မောင်

သြဂုတ်လ ၂၀ ရက်မှ ၂၂ ရက်ထိ ၃ ရက်ကြာ တရုတ်ပြည်သူ့သမ္မတနိုင်ငံကူမင်းတွင် 3 rd China ASEAN Industrial Cooperation Forum  ကို ကျင်းပသွားမယ်လို့သိရှိရပါတယ်။ အဆိုပါ Forum သို့ မြန်မာနိုင်ငံ ဆန်စပါးစိုက်ပျိုး ထုတ်လုပ်သူများအသင်းဥက္ကဌ ဦးစိန်ဝင်းလှိုင်တက်ရောက်ဖို့ရှိပြီး Challange & Impact of Myanmar Rice Industries စာတန်းကိုဖတ်ကြားတင်ပြဖို့ရှိတယ်လို့သိရပါတယ်။ အဆိုပါဖိုရမ်မှာ မြန်မာနိုင်ငံဆန်စပါး စိုက်ပျိုးထုတ်လုပ်သူများအသင်းနဲ့ Bureau of Municipal of Commerce နဲ့ စိုက်ပျိုးရေး ဆိုင်ရာပူးပေါင်း ဆောင်ရွက်နိုင်ရေးနားလည်မှုစာချွန်လွှာရေးထိုးသွားဖို့ ရှိတယ်လို့ ဆန်စပါးကဏ္ဍ၊ ပဲမျိုးစုံကဏ္ဍ၊ ဆီထွက်သီးနှံ ကဏ္ဍဖွံ့ဖြိုးတိုးတက်ရေးနဲ့ မြန်မာဆန်စက်လုပ်ငန်းပြပွဲ ၂၀၁၂ ကျင်းပရေးအလုပ်ရုံဆွေးနွေးပွဲမှာ ဦးစိန်ဝင်းလှိုင်က ပြောကြားခဲ့တာဖြစ်ပါတယ်။
ဂန္ဓမာ

၂၀၁၂ ခုနှစ်အတွင်း ဗီယက်နမ်စပါးအထွက်တိုးပြီး ဆန်ထုတ်လုပ်မှုပမာဏမြင့်မားခြင်းနဲ့ ပြည်ပမှ ဗီယက်နမ်ဆန်ကို ဝယ်လိုအားမြင့်မားခြင်းတို့ကြောင့် ယခုနှစ်ဗီယက်နမ်ဆန်တင်ပို့မှု မှတ်တန်းတင်ဖွယ် မြင့်မား ဦးမယ်လိ့ု ခန့်မှန်းထားတဲ့အပြင် ထိုင်းနိုင်ငံရဲ့ ဆန်တင်ပို့မှုထက် ပိုမိုတင်ပို့နိုင်ဖွယ်ရှိတယ်လို့ မဲခေါင်မြစ်ဝှမ်းဒေသ ဆန်သုတေသနသိပ္ပံ ဥက္ကဌက ပြောကြားတယ်။ ယခုလမှာလည်း ထိုင်းဆန်တင်ပို့သူတွေက ပြည်ပကို တင်ပို့ဖို့ ဗီယက်နမ်ဆန်ကို ဝယ်လိုအားရှိလာရာ ဗီယက်နမ်ပြည်တွင်းမှာ သြဂုတ်လ (၆) ရက်နေ့မှစပြီး ဗီယက်နမ် ဆန်ဖြူအ မျိုးအစားအားလုံး ဈေးနှုန်းတွေက လဆန်းပိုင်းကထက် တစ်တန်ကို ၅ ဒေါ်လာမှ ၁၀ ဒေါ်လာထိ ဈေးမြင့်လာတယ်။ ဒါ့အပြင် သြဂုတ်လ (၈) ရက်နေ့မှာလည်း ထပ်မံဈေးမြင့်လာရာ သြဂုတ်လဆန်းက တစ်တန်ကို ၃၉၅ ဒေါ်လာ ရှိခဲ့တဲ့ ဗီယက်နမ် ဆန်ဖြူ (၁၅ ရာခိုင်နှုန်းဆန်ကွဲ)  က သြဂုတ်လ (၈) ရက်နေ့မှာ တစ်တန်ကို ၄၁၅ ဒေါ်လာကို ရောက်ရှိလာတယ်။ ဗီယက်နမ် ဆန်ဖြူ (၂၅ ရာခိုင်နှုန်းဆန်ကွဲ) ကလည်း ၃၈၀ ဒေါ်လာမှ ၄၀၀ ဒေါ်လာအထိ မြင့်မားလာတယ်။
Source:    english.vietnam.vn, riceonline.com
ပပ

Date: 8 August 2012

တရုတ်ပြည်သူ့သမ္မတနိုင်ငံ ၊ ကွမ်ရှီးပြည်နယ် ၊ နန်နင်းမြို့တွင် ၂၀၁၂ ခုနှစ် ၊ စက်တင် ဘာလ ၂၁ ရက်နေ့မှ ၂၅ ရက်နေ့အထိ ကျင်းပမည့် (၉) ကြိမ်မြောက်တရုတ်-အာဆီယံ ကုန်စည်ပြပွဲ ( The 9 th China –ASEAN Expo)ကို မြန်မာနိုင်ငံမှ ဂုဏ်ထူးဆောင်နိုင်ငံ (Country of Honor) အဖြစ် နိုင်ငံတကာ ရှေ့ မှောက်တွင် မြန်မာနိုင်ငံမှဂုဏ်ယူဝင့်ကြွားစွာဖြင့် အာဆီယံနိုင်ငံများကိုယ်စား ဦးဆောင်ပြသရမည်ဖြစ်ပါ၍ ယခင်နှစ်များကထက် စည်ကားသိုက်မြိုက်အောင် ပါဝင်ပြသသွားမည် ဖြစ်ပါသည်။

ပြပွဲကြီးသို့တက်ရောက်ခြင်းဖြင့် တရုတ်-အာဆီယံနိုင်ငံများမှ စီးပွားရေးလုပ်ငန်းရှင်များနှင့် တိုက်ရိုက် ချိတ်ဆက်နိုင်ခြင်း ၊ ပြပွဲဆိုင်ရာဗဟုသုတများရရှိစေခြင်း၊ တရုတ်ဈေးကွက်သို့ မိမိနိုင်ငံရှိ ပစ္စည်းများဈေးကွက် ထိုးဖောက်နိုင်ခြင်း ၊ ပြပွဲကာလအတွင်း ခရီးသွားလုပ်ငန်းများမြှင့်တင်ရေး အစီအစဉ်ရှိရာ ဈေးနှုန်းသက်သာ စွာဖြင့် တရုတ်ပြည်အတွင်းရှိ ကမ္ဘာကျော်ခရီးသွားဒေသများသို့လေ့လာနိုင်ခြင်း၊ ခရီးစဉ်တလျှောက် တရုတ် နိုင်ငံရှိ ဒေသ/ပြည်နယ်များ၏ ရိုးရာယဉ်ကျေးမှုစရိုက်များ မျက်မြင်လေ့လာနိုင်ခြင်း ၊ တရုတ်မြို့ပြဆိုင်ရာ ဆောက်လုပ်ရေးဆိုင်ရာ တိုးတက်မှုများကို သိရှိလေ့လာနိုင်ခြင်း၊ ကုန်သွယ်မှုမြှင့်တင်ရေးနှင့် ရင်းနှီးမြှုပ်နှံမှု ဆိုင်ရာ အခွင့်အလမ်းများကို ရရှိစေမည်ဖြစ်ပါသည်။

ပြပွဲသို့ တက်ရောက်လေ့လာလိုသည့် ပြည်နယ်/တိုင်းဒေသကြီး အသီးသီးရှိ သမဝါယမ အသင်းများနှင့် မြန်မာကုမ္ပဏီလုပ်ငန်းရှင်များသည် စီးပွားရေးနှင့်ကူးသန်းရောင်းဝယ်ရေး ဝန်ကြီးဌာန၊ အပြည်ပြည်ဆိုင်ရာ ကုန်သွယ်မှုမြှင့်တင်ရေးဌာနခွဲ၊ ကုန်စည် ပြပွဲဌာနစိတ် ဖုန်း ၀၆၇-၄၀၈၄၁၁ ၊ ဖက်စ် ၀၆၇-၄၀၈၃၁၁ နှင့် ပြည်ထောင်စုသမ္မတမြန်မာနိုင်ငံ ကုန်သည်များနှင့်စက်မှုလက်မှု လုပ်ငန်းရှင်များ အသင်းချုပ်၊ ပြပွဲဌာနတို့သို့ ဆက်သွယ်စာရင်း ပေးသွင်းနိုင်ပါသည်။

Source: MOC


Pages

Subscribe to နောက်ဆုံးရ သတင်း