နောက်ဆုံးရ သတင်း

နော်ဝေနိုင်ငံမှ    မြန်မာနိုင်ငံသို့ Generalized System of Preferences (GSP) ပေးအပ်ရေးနှင့်ပတ်သက်သည့် ဆွေးနွေးပွဲတစ်ရပ်ကို ရန်ကုန်မြို့ရှိ Park Royal Hotel ၌ သြဂုတ် ၇ ရက်က ကျင်းပခဲ့သည်။
အဆိုပါဆွေးနွေးပွဲတွင် ကုန်သွယ်ရေး ညွှန်ကြားမှုဦးစီးဌာနမှ ညွှန်ကြား ရေးမှူးချုပ် ဦးတင့်သွင်က  ပြောကြားရာတွင် အစိုးရသစ်လက်ထက်တွင် စီး ပွားရေးနှင့်နိုင်ငံရေးပြုပြင်ပြောင်းလဲမှု များကို အဆင့်ဆင့်ဖြေလျော့ပေးလျက် ရှိကြောင်း၊ ယင်းကဲ့သို့ဖြေလျော့ပေးမှုများကြောင့် စီးပွားရေးနှင့်ကုန်သွယ်ရေး ဆိုင်ရာအခွင့်အလမ်းများလည်းတိုးပွား လျက်ရှိကြောင်း၊ နော်ဝေနိုင်ငံအနေဖြင့် မြန်မာနိုင်ငံသို့ ပထမဦးဆုံး  GSP  ပေး သည့်အတွက် များစွာဝမ်းမြောက်မိပါ ကြောင်း၊ ယင်းကဲ့သို့ GSP  ပေးအပ်သည့်အတွက် မြန်မာ့ပို့ကုန်လုပ်ငန်းရှင် များအနေဖြင့်  နော်ဝေနိုင်ငံအတွင်း ဈေးကွက်ချဲ့ထွင်ရာ၌ များစွာအထောက် အကူပြုမည်ဖြစ်ပါကြောင်း၊ ယခုဆွေး နွေးပွဲမှ ရရှိလာသည့်အခွင့်အလမ်းများ ကို ပို့ကုန်လုပ်ငန်းရှင်များ၊  တာဝန်ရှိသူ များအနေဖြင့် အပြည့်အဝ  ရယူနိုင်ရန် ကြိုးစားကြရမည်ဖြစ်ပါကြောင်း စသည် ဖြင့် ပြောကြားခဲ့သည်။
ထို့နောက် ဘန်ကောက်အခြေစိုက်  နော်ဝေနိုင်ငံသံရုံးမှ စစ်သံမှူး Mr. Erik SVEDAHL  က ပြောကြားရာတွင် နော်ဝေနိုင်ငံ အနေဖြင့် GSP   ကို ပေးအပ်ရခြင်းမှာ  မြန်မာနိုင်ငံတွင် ထုတ်လုပ်သည့်  ကုန်ပစ္စည်းများအား နော်ဝေနိုင်ငံတွင်းသို့ ဦးစွာဈေးကွက် ရှာဖွေနိုင်ရန် အတွက်ပင် ဖြစ်ကြောင်း၊ မြန်မာ့ကုန်ပစ္စည်းများကို နော်ဝေနိုင်ငံ သို့ လွတ်လပ်စွာတင်ပို့ခွင့်ရနိုင်ကြောင်း၊ နော်ဝေနိုင်ငံကို  တင်ပို့ရာတွင် GSP   ရသည့်အတွက်   တခြားနိုင်ငံများမှ မြန်မာနိုင်ငံတွင် လာရောက်ရင်းနှီးမြှုပ် နှံကြမှာဖြစ်ကြောင်း၊ ယင်းကဲ့သို့ရင်းနှီး မြှုပ်နှံကြခြင်းဖြင့် မြန်မာနိုင်ငံတွင် အလုပ်အကိုင် အခွင့်အလမ်းများ ပိုမိုများ ပြားလာနိုင်ကြောင်း၊ အထူးသဖြင့်အမျိုး  သမီးများအတွက် အလုပ်အကိုင်အခွင့် အလမ်းများပိုမိုရရှိလာနိုင်ကြောင်း စသည်ဖြင့်ပြော ကြားခဲ့သည်။
ထို့နောက်ကို GSP  နှင့် ပတ်သက်၍ နော်ဝေနိုင်ငံ Norwegian Director- ate of Customs and Excise  မှAssistant Director Cecile G. Alnes နှင့် Senior adviser Susann Nilsen   တို့က Generalized System of Preferences (GSP)   နှင့်ပတ်သက် သည့်အကြောင်းအရာများကို ဆွေးနွေး ခဲ့ကြကြောင်းသိရသည်။ 
မယ်သီတာ

နေပြည်တော်- စက်တင်ဘာလ ၃ ရက်၊     စီးပွားရေးနှင့် ကူးသန်းရောင်းဝယ်ရေးဝန်ကြီးဌာန၊ ပြည်ထောင်စုဝန်ကြီး ဦးဝင်းမြင့်သည် ကနေဒါနိုင်ငံ၊ အပြည်ပြည်ဆိုင်ရာ ကုန်သွယ်ရေး ဝန်ကြီး Mr.Edward Fast ဦးဆောင်သည့် ကိုယ်စားလှယ်အဖွဲ့အား ၂၀၁၂ခုနှစ်၊ စက်တင်ဘာလ (၃)ရက်၊ တနင်္လာနေ့ (၁၃း၀၀)နာရီ အချိန်တွင် လက်ခံတွေ့ဆုံပြီး မြန်မာနိုင်ငံနှင့် ကနေဒါနိုင်ငံ အကြား စီးပွားရေးနှင့် ပူးပေါင်းဆောင်ရွက်ရေးဆိုင်ရာ ကိစ္စရပ်များကို ရင်းနှီးပွင့်လင်းစွာ ဆွေးနွေးခဲ့သည်။ ပြည်ထောင်စုဝန်ကြီးမှ ဆွေးနွေးရာတွင် ကနေဒါနိုင်ငံနှင့် မြန်မာနိုင်ငံတို့သည် ပဲမျိုးစုံ ထုတ်လုပ်တင်ပို့ ရောင်းချမှု၌ ပထမနှင့်ဒုတိယနေရာအသီးသီး တည်ရှိနေပါကြောင်း ထုတ်လုပ်တင်ပို့ရောင်းချမှု နည်းပညာအပိုင်းတွင် ကွာခြားမှုရှိနေသဖြင့် နည်းပညာနှင့်် ထုတ်လုပ်တင်ပို့မှု၊ အရည်အသွေး ထိန်းသိမ်းမှု အပိုင်းများအား အပြန်အလှန်ပူးပေါင်းဆောင်ရွက်ရေး၊ မြန်မာနိုင်ငံနှင့်ကနေဒါနိုင်ငံတို့ အကြားနှစ်နိုင်ငံရင်းနှီးမြှုပ်နှံမှုနှင့်ကုန်သွယ်မှုပမာဏမှာနည်းပါးလျက်ရှိသဖြင့််ပိုမိုမြှင့်တင်နိုင်ရေးအတွက်အပြန်အလှန်ပူးပေါင်းဆောင်ရွက်ရေး၊ ကနေဒါနိုင်ငံမှ ဖွဲ့ဖြိုးဆဲနိုင်ငံများအား ကုန်သွယ်မှု အထူး အခွင့်အရေး ပေးအပ်ထားသည့် GSP (Generalized System of Preference) အား မြန်မာ ကုန်သည် လုပ်ငန်းရှင်များမှ အပြည့်အ၀ အသုံးချနိုင်စေရေးအတွက် ကူညီဆောင်ရွက်ပေးရေးတို့နှင့် ပတ်သက်၍ ဆွေးနွေးခဲ့သည်။

အဆိုပါ ဆွေးနွေးပွဲသို့ကုန်သွယ်ရေးညွှန်ကြားမှုဦးစီးဌာန၊ ညွှန်ကြားရေးမှူးချုပ်၊ နယ်စပ် ကုန်သွယ်ရေးဦးစီးဌာန၊ ညွှန်ကြားရေးမှူးချုပ်၊ မြန်မာ့လယ်ယာထွက်ကုန်ပစ္စည်းရောင်းဝယ်ရေး၊ ဦးဆောင်ညွှန်ကြားရေးမှူးနှင့် တာဝန်ရှိပုဂ္ဂိုလ်များ တက်ရောက်ကြသည်။

ထို့နောက် ကနေဒါနိုင်ငံ ကုန်သည်များအသင်းမှ ဒုတိယဥက္ကဌ Mr. Derek Van Pelt ဦးဆောင်သည့် စီပွားရေးလုပ်ငန်းရှင်များနှင့်ကုန်သွယ်ရေးညွှန်ကြားမှုဦးစီးဌာန၊ ညွှန်ကြားရေးမှူးချုပ် ဦးဆောင်သော ဌာနဆိုင်ရာ တာဝန်ရှိ ပုဂ္ဂိုလ်များသည် လုပ်ငန်းဆိုင်ရာ အသေးစိတ်ကိစ္စရပ်များကို ညှိနှိုင်းဆွေးနွေးကြသည်။