နောက်ဆုံးရ သတင်း

   စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ ပြည်ထောင်စုဝန်ကြီး ဦးထွန်းအုံသည် တာဝန်ရှိသူများလိုက်ပါလျက် ယနေ့ နံနက်ပိုင်းတွင် ရန်ကုန်တိုင်းဒေသကြီး လှိုင်သာယာမြို့နယ်၊ ရွှေလင်ဗန်းစက်မှုဇုန်ရှိ တစ်ရက်လျှင် တန် ၄၇၀ ကျ ရွှေဝါရောင်ဆန်စက်သို့ ရောက်ရှိပြီး စက်ရုံအတွင်းကုန်ကြမ်းများမှ ပြည်တွင်းဖြန့်ဖြူးရန်နှင့် ပြည်ပသို့တင်ပို့ရန်အတွက် အဆင့်မြင့်ဆန်များအားသန့်စင်ခြင်း၊ ထပ်မံကြိတ်ဖွတ်ခြင်း၊ ဆန်ကွဲခွဲထုတ်ခြင်း၊ ဆန်အရောင်တင်ခြင်းနှင့် အရောင်ခွဲခြားခြင်း၊ သတ်မှတ်အရည်အသွေးပြည့်မီရေး စစ်ဆေးခြင်း၊ အိတ်သွပ်ထုတ်ပိုးခြင်းလုပ်ငန်းစဉ်များ၊ ဆန်များကို ပိုးသတ်မှိုင်းတိုက်ပြုလုပ်ထားရှိမှု၊ ပြည်တွင်းဖြန့်ဖြူးရန်စီစဉ်ထားရှိမှု၊ ပြည်ပသို့တင်ပို့ရန်သိုလှောင်ထားရှိမှု၊ တိရစ္ဆာန်အစာသိုလှောင်ထားရှိမှုတို့အား ကြည့်ရှုစစ်ဆေးပြီး ကုန်ထုတ်လုပ်မှုတိုးမြှင့် ဆောင်ရွက်ရေး၊ ကုန်သွယ်မှုမြှင့်တင်ရေး၊ ကုန်သွယ်မှုလွယ်ကူချောမွေ့စေ‌ရေးအတွက် ကုန်သွယ်ဘက်နိုင်ငံများရှိ ကုမ္ပဏီများနှင့် စေ့စပ်ညှိနှိုင်းပေါင်း‌စပ် ဆောင်ရွက်ရေး၊ ပုဂ္ဂလိကကဏ္ဍဖွံ့ဖြိုးတိုးတက်ရေးအတွက်  ကြိုးပမ်းဆောင်ရွက်ရေးတို့အား မှာကြားခဲ့သည်

   ဆက်လက်၍ ပြည်ထောင်စုဝန်ကြီးနှင့်အဖွဲ့သည် နေ့လယ်ပိုင်းတွင် ရန်ကုန်တိုင်းဒေသကြီး၊ လှည်ကူးမြို့နယ်ရှိ စားသုံးသူရေးရာ ဦးစီးဌာန၊ ကုန်ပစ္စည်းစမ်းသပ်စစ်ဆေး‌ရေးနှင့် အရည်အသွေးစီမံခန့်ခွဲမှု ဌာန (Commodity Testing and Quality Management - CTQM) သို့ ရောက်ရှိပြီး လုပ်ငန်းဆောင်ရွက်နေမှု အခြေအနေများကို ကြည့်ရှုစစ်ဆေးခဲ့သည်။

   ကုန်ပစ္စည်းစမ်းသပ်စစ်ဆေးရေးနှင့် အရည်အသွေးစီမံခန့်ခွဲမှုဌာန၊ ဌာနမှုးက လယ်ယာထွက်ကုန်သီးနှံများ စမ်းသပ်စစ်ဆေးပေး လျက်ရှိသည့် ဓာတ်ခွဲခန်းများတည်ထောင်ထားရှိမှု၊ ဓာတ်ခွဲခန်းအလိုက် သီးနှံအမျိုးအစားအလိုက်  စမ်းသပ်စစ်ဆေးပေးမှု၊ ဘဏ္ဍာနှစ် အလိုက်လုပ်ငန်းဆောင်ရွက်နိုင်ခဲ့မှု၊ လူ့စွမ်းအားအရင်းအမြစ် ဖွံ့ဖြိုးတိုးတက်ရေးအတွက် သင်တန်းဖွင့်လှစ်ပို့ချပေးနိုင်မှု၊ သုတေသနလုပ်ငန်း ဆောင်ရွက်မှု၊ နိုင်ငံတကာအသိအမှတ်ပြု ဓာတ်ခွဲခန်းလက်မှတ်ရရှိရေးအတွက် ကြိုးပမ်းဆောင်ရွက်မှုနှင့် ဆက်လက် ဆောင်ရွက်သွားမည့် လုပ်ငန်းများနှင့်ပတ်သက်၍ ရှင်းလင်းတင်ပြရာ ပြည်ထောင်စုဝန်ကြီးက ကုန်သွယ်မှု ကဏ္ဍဖွံ့ဖြိုးတိုးတက်ရေးအတွက် ကုန်ပစ္စည်းအရည်အသွေးတွင် အရေးကြီးသည့်လုပ်ငန်းစဉ်တစ်ခုဖြစ်သော ဓာတ်ခွဲခန်းများ အဆင့်မြှင့်တင်ရေး၊ ကျွမ်းကျင်သည့် ဓာတ်ခွဲခန်းဝန်ထမ်းများဖြစ်လာ‌စေရန်အတွက် စဉ်ဆက်မပြတ်လေ့ကျင့်သင်ကြားပေးရေးနှင့် ဆက်လက်ဆောင်ရွက်ရမည့် လုပ်ငန်းများကို ပေါင်းစပ်ညှိနှိုင်း ဆောင်ရွက်ပေးခဲ့ပါသည်။ အဆိုပါ စားသုံးသူရေးရာဦးစီးဌာန၊ ကုန်ပစ္စည်းစမ်းသပ်စစ်ဆေး‌ရေးနှင့် အရည်အသွေးစီမံခန့်ခွဲမှုဌာန (Commodity Testing and Quality Management - CTQM) တွင် ဆီနှင့်ဆီထွက်သီးနှံဓာတ်ခွဲခန်း၊ ပိုးသတ်ဆေးကြွင်းဓာတ်ခွဲခန်း၊ ပိုးမွှားဓာတ်ခွဲခန်း၊ သီးနှံ(ဓာတု)ဓာတ်ခွဲခန်း၊ သီးနှံ(ရူပ)ဓာတ်ခွဲခန်း၊ မှိုဆိပ်ဓာတ်ခွဲခန်းနှင့် အဏုဇီဝပိုးဓာတ်ခွဲခန်းများစသည့် ဓာတ်ခွဲခန်း(၇)၌ သက်ဆိုင်ရာသီးနှံများကို စစ်ဆေးပေးလျက်ရှိကြောင်း သတင်းရရှိသည်။

နေပြည်တော်၊ ဒီဇင်ဘာ ၁၀  ၂၀၂၃-၂၀၂၄ ဘဏ္ဍာနှစ်တွင် ဒီဇင်ဘာလဆန်းအထိ မြန်မာနိုင်ငံ၏ ပြည်ပကုန်သွယ်မှု စာရင်းအရ ပို့ကုန်အမေရိကန်ဒေါ်လာ (၁၀) ဘီလီယံနီးပါးထိ တင်ပို့နိုင်ပြီးဖြစ် ပါသည်။ ယခုနှစ်တွင် မတ်ပဲ၊ ဆန်၊ ဆန်ကွဲ၊ ပြောင်း၊ ပဲတီစိမ်း၊ ရော်ဘာ၊ ပဲစဉ်းငုံ၊ နှမ်း၊ မြေပဲနှင့် ကြက်သွန်နီ၊ နနွင်းတက်၊ မန်ကျည်းသီး၊ ဂျင်းခြောက်၊ ဝဥ၊ ကြက်ဆူစေ့၊ ကော်ဖီစေ့၊ သီဟိုစေ့၊ ဝါ၊ ပီလောပီနံ၊ ဖရဲ၊ သခွား၊ သရက်၊ တစ်သျှူးငှက်ပျော လယ်ယာထွက်ကုန်များ စုံလင်စွာ တင်ပို့နိုင် သကဲ့သို့ ရေထွက်ပစ္စည်းကဏ္ဍမှ ငါးမျိုးစုံ၊ ပုစွန်၊ ကဏန်း၊ ငါးရှဉ့်၊ ငါးလေးခြောက်၊ ငါးခြောက်များ တင်ပို့လျက်ရှိပါသည်။

          ပြည်ပတင်ပို့မှု၌ စက်မှုကဏ္ဍထုတ်ကုန်များ ဖွံ့ဖြိုးတိုးတက်စေရေးကိုလည်း ကြိုးပမ်း ဆောင်ရွက်လျက်ရှိရာ သစ်ပါးလွှာနှင့် အထပ်သားများ၊ သစ်အချောထည်ထုတ်ကုန်များ၊  ချုပ်ပြီး အထည်၊ သကြားနှင့် အခြားစက်မှုကုန်ချောထုတ်ကုန်များကိုလည်း တင်ပို့လျက်ရှိပါသည်။ ဧပြီလမှ ဒီဇင်ဘာလဆန်းထိတွင် ပြည်ပနိုင်ငံပေါင်း ၁၁၇ နိုင်ငံသို့ ပို့ကုန်အသီးသီး တင်ပို့ခဲ့ပြီး ထိုင်း၊ တရုတ်၊ ဂျပန်၊ အိန္ဒိယ၊ အမေရိကန်၊ ဂျာမဏီ၊ ပိုလန်၊ တောင်ကိုးရီးယား၊ ဗြိတိန်၊ စပိန်၊ ဘယ်လ်ဂျီယံ၊ ဖိလစ်ပိုင်၊ အင်ဒိုနီးရှား၊ မလေးရှားနိုင်ငံများမှာ ကုန်စည်အလိုက် ဈေးကွက်ဝယ်လိုအား များပြား သည့် နိုင်ငံများဖြစ်ပါသည်။

          ပြည်ပ ပို့ကုန်၊ သွင်းကုန်၊ ကုန်သွယ်မှုအား ကုမ္ပဏီ ၅၉၃၈ ခုမှ အမှန်တင်ပို့၊ တင်သွင်း ဆောင်ရွက်ခဲ့ကြောင်း တွေ့ရှိရပါသည်။

          လက်ရှိတွင် ပြည်ပသို့ ပို့ကုန်တင်ပို့မှုအား ပင်လယ်ရေကြောင်းနှင့် နယ်စပ်ကုန်သွယ်ရေး စခန်းများအပြင် လေကြောင်းလိုင်းများမှတစ်ဆင့် တင်ပို့မှုများ ဆောင်ရွက်လျက်ရှိပါသည်။ ငါးမျိုး စုံ၊ ပုစွန်နှင့် အခြားရေထွက်ပစ္စည်းများတင်ပို့သည့် လုပ်ငန်းရှင်အချို့မှ ရက်သတ္တပတ်လျှင် တန် ချိန် ၃၀၀ ကို တရုတ်၊ အိန္ဒိယ၊ ဂျပန်၊ စင်္ကာပူ၊ မလေးရှား၊ ထိုင်း၊ ယူနိုက်တက်ကင်းဒမ်းနိုင်ငံများသို့ လေကြောင်းဖြင့် တင်ပို့လျက်ရှိပါသည်။

          ပို့ကုန် တိုးတက်တင်ပို့နိုင်အောင် ကြိုးပမ်းဆောင်ရွက်လျက်ရှိသည့် လုပ်ငန်းရှင်များအား အသိအမှတ်ပြုသည့်အနေဖြင့် ရော်ဘာပို့ကုန်ရငွေဖြင့် လုပ်ငန်းသုံးအတွက်လိုအပ်သည့် ဓာတ်မြေ ဩဇာ တင်သွင်းခွင့်ပြုထားပြီး ဆန်၊ ပဲ၊ ပြောင်းတင်ပို့သည့်လုပ်ငန်းရှင်များအား ပြည်တွင်းဈေးကွက် လိုအပ်ချက်ရှိသည့် စက်သုံးဆီကဲ့သို့သော သွင်းကုန်ပစ္စည်းများ တင်သွင်းခွင့်ပြုမည့် အစီအစဉ် များ ညှိနှိုင်းဆောင်ရွက်လျက်ရှိပါသည်။

          သို့ပါ၍ ပြည်တွင်းလုပ်ငန်းရှင်များအနေဖြင့် ဒေသအလိုက်၊ ကုန်စည်အလိုက် ပိုမိုစိုက်ပျိုး ထုတ်လုပ်ပြီး ထွက်ရှိလာသည့် ရာသီပေါ် သီးနှံများ၊ ငါး၊ ပုစွန် မွေးမြူရေး ရေထွက်ကုန်များအား  ပြည်ပ ဈေးကွက်ဝယ်လိုအား မြင့်မားနေသည့် အချိန်ကိုက် တင်ပို့နိုင်ရေးကို ကြိုးပမ်းဆောင်ရွက်ကြရန် လက်ရှိဘဏ္ဍာနှစ် ပြည်ပတင်ပို့နိုင်မှုစာရင်းများနှင့်အတူ အသိပေးတင်ပြလိုက်ရပါသည်-

 

 

           စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ ပြည်ထောင်စုဝန်ကြီး ဦးထွန်းအုံသည် တာဝန်ရှိ သူများလိုက်ပါလျက် ယနေ့နံနက်ပိုင်းတွင် ရန်ကုန်တိုင်းဒေသကြီး အင်းစိန်မြို့နယ်၊ ကြို့ကုန်းရှိ ရေထွက်ကုန်လုပ်ငန်းများ ထုတ်လုပ်တင်ပို့လျက်ရှိသည့် Golden Bay Limited နှင့် ရွှေပြည်သာ စက်မှုဇုန်ရှိ ပဲမျိုးစုံ၍ ပြည်ပသို့တင်ပို့လျက်ရှိသည့် New Golden Gate (1991) Co., ltd သို့ရောက်ရှိ ရာ စက်ရုံရှင်းလင်းဆောင်တွင် တာဝန်ရှိသူများက စက်ရုံမှထုတ်လုပ်နေမှုများနှင့် ပြည်ပသို့ တင်ပို့ နေမှုများအား ရှင်းလင်းပြောကြားပြီး စက်ရုံအတွင်း ပြည်ပသို့တင်ပို့ရန် ရေထွက်ကုန်ပစ္စည်းများနှင့် ပဲများ ထုတ်လုပ်နေမှုအဆင့်ဆင့်နှင့် ပြည်ပသို့တင်ပို့ရန် ပြင်ဆင်ထားရှိမှုများအားကြည့်ရှု၍ စက်ရုံထွက်ကုန်ပစ္စည်းများအား ပြည်တွင်းဈေးကွက် တည်ငြိမ်ရေးကို ဦးစွာဆောင်ရွက်ပြီး ပြည်ပသို့ တိုးမြှင့်တင်ပို့နိုင်ရေးနှင့် ပြည်ပဈေးကွက်ပိုမိုရရှိ အောင်ဆောင်ရွက်ရေး၊ မှန်ကန်သည့်ကုန်သွယ်မှု ဖြစ်ပေါ်စေရေးနှင့် ကုန်သွယ်မှုလုပ်ငန်းများ လျှင်မြန်ချောမွေ့စေရေးအတွက် အစိုးရနှင့်လုပ်ငန်းရှင်များ ပူးပေါင်းဆောင်ရွက်ရေး၊ ကုန်သွယ်မှုပတ်ဝန်းကျင် တိုးတက်ကောင်းမွန်ရေး၊ ပုဂ္ဂလိကကဏ္ဍ စွမ်းဆောင်ရည်မြှင့်တင်ရေး၊ ဒေသတွင်းနိုင်ငံများနှင့် သာမကနိုင်ငံတကာနှင့်ပူးပေါင်း၍ တိုးမြှင့် တင်ပို့နိုင်ရေး၊  ဘေးအန္တရာယ်ကင်းရှင်းရေးနှင့် အရည်အသွေးပြည့်ဝရေး၊ ပြည်ပတင်ပို့မှုတွင် နိုင်ငံတကာမှအသိအမှတ်ပြုပြီး ပြည်ပဈေးကွက်များတွင် တိုးချဲ့ဝင်ရောက်နိုင်မည့် Hazard Analysis and Critical Control Point (HACCP) ကဲ့သို့ နိုင်ငံတကာသတ်မှတ်စံချိန်စံညွှန်းမီ ကြိုးပမ်း ဆောင်ရွက်ရေးတို့ကို မှာကြားခဲ့သည်။‌

          ထို့နောက် နေ့လယ်ပိုင်းတွင် ပြည်ထောင်စုဝန်ကြီးသည် အမျိုးသားဇာတ်ရုံ၊ မြို့မကျောင်း လမ်း၌ကျင်းပပြုလုပ်သည့် ပြည်ထောင်စုသမ္မတမြန်မာနိုင်ငံကုန်သည်များနှင့်စက်မှုလက်မှုလုပ်ငန်းရှင် များအသင်းချုပ် (UMFCCI) ၏ (၃၂) ကြိမ်မြောက် နှစ်ပတ်လည်အသင်းသားစုံညီ အစည်းအဝေးသို့ တက်ရောက်၍ အမှာစကားပြောကြားခဲ့သည်။

         ညနေပိုင်းတွင် ပြည်ထောင်စုဝန်ကြီးသည် ပန်းပဲတန်းမြို့နယ်၊ စီးပွားရေးနှင့်ကူးသန်း ရောင်းဝယ်ရေးဝန်ကြီးဌာနရုံး၊ အစည်းအဝေးခန်းမ၌ ပြည်ထောင်စုသမ္မတမြန်မာနိုင်ငံကုန်သည်များ နှင့် စက်မှုလုပ်ငန်းရှင်များအသင်းချုပ် (UMFCCI) ဥက္ကဌ ဦးအေးဝင်း၊ မြန်မာနိုင်ငံဆန်စပါး အသင်းချုပ် ဥက္ကဌ ဦးရဲမင်းအောင်နှင့် မြန်မာနိုင်ငံပဲမျိုးစုံ၊ ပြောင်းနှင့်နှမ်းကုန်သည်များအသင်းမှ တာဝန်ရှိသူများ နှင့်တွေ့ဆုံ၍ ထုတ်ကုန်တိုးမြှင့်ထုတ်လုပ်နိုင်ရေးနှင့် ပို့ကုန်တိုးမြှင့်တင်ပို့နိုင်ရေးများကို ဆွေးနွေးပြီး တင်ပြချက်များအပေါ် လိုအပ်သည်များကို ပေါင်းစပ်ညှိနှိုင်းပေးခဲ့ကြောင်း သတင်းရရှိသည်။

   စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ ပြည်ထောင်စုဝန်ကြီး ဦးထွန်းအုံသည် ဒီဇင်ဘာလ ၅ ရက်နေ့ မွန်းလွဲပိုင်းတွင် ရန်ကုန်တိုင်းဒေသကြီး၊ ပန်းပဲတန်း မြို့နယ်ရှိ စီးပွားရေးနှင့်ကူးသန်းရောင်းဝယ်ရေးဝန်ကြီးဌာနရုံး အစည်းအဝေးခန်းမ၌ ဆန်စပါး ကဏ္ဍနှင့် ပဲ၊ ပြောင်း၊ နှမ်းကဏ္ဍ ပြည်ပတင်ပို့မှုတိုးတက်ရေးအတွက် ပြည်ထောင်စုသမ္မတမြန်မာနိုင်ငံ ကုန်သည်များနှင့် စက်မှုလုပ်ငန်း ရှင်များအသင်းချုပ် (UMFCCI)နှင့် မြန်မာနိုင်ငံဆန်စပါးအသင်းချုပ်နှင့် မြန်မာ နိုင်ငံပဲမျိုးစုံ၊ ပြောင်းနှင့် နှမ်းကုန်သည်များအသင်းမှ တာဝန်ရှိသူများနှင့်တွေ့ဆုံ၍ ညှိနှိုင်း ဆွေးနွေးခဲ့သည်။

   ပြည်ထောင်စုဝန်ကြီးက ညှိနှိုင်းဆွေးနွေးပွဲ၌ပြောကြားရာတွင် မြန်မာ့ဆန်စပါးကဏ္ဍ ပြည်ပ တင်ပို့မှု ဖွံ့ဖြိုးတိုးတက်ရေး အတွက်ဆန်စပါးစိုက်ပျိုးထုတ်လုပ်မှု၊ ကြိတ်ခွဲပြုပြင်ခြင်းလုပ်ငန်းမှသည် ဖြန့်ဖြူးရောင်းချသည်အထိ  ထုတ်လုပ်မှုတန်ဖိုးကွင်းဆက် (Supply Chain) တစ်လျှောက် ဟန်ချက် ညီညီဆောင်ရွက်ရေး၊ စပါးများကိုခေတ်မီနည်းပညာများဖြင့်ကြိတ်ခွဲထုတ်လုပ်ပြီး အရည်သွေးမြှင့် ဆန်များအား သတ်မှတ်လျာထားချက်ထက်ကျော်လွန်အောင် ပြည်ပသို့တိုးမြှင့်တင်ပို့နိုင်ရေး၊ ပြည်ပ ဈေးကွက်ပိုမို ရရှိအောင်ဆောင်ရွက်ရေး၊ ပဲမျိုးစုံနှင့်ပြောင်းပြည်ပဈေးကွက်သို့ တိုးမြှင့်တင်ပို့နိုင်ရေး နှင့် အသင့်ပြုပြင်ထုတ်လုပ်၍ ဈေးကွက်ချဲ့ထွင် တင်ပို့နိုင်ရေး၊ ပြည်တွင်းကောက်ပဲသီးနှံ ဈေးကွက် တည်ငြိမ်စေရေး၊ နှမ်းဆီနှင့်မြေပဲဆီကို ပြည်တွင်းစားသုံးမှုဖူလုံစေရေးတို့အတွက် စိုက်ပျိုးထုတ်လုပ် သည့်တောင်သူများ၊ ပို့ကုန်လုပ်ငန်းရှင်များ၊ အသင်းအဖွဲ့များပူးပေါင်းဆောင်ရွက်ရေး၊ ဆန်နှင့်ပဲမျိုးစုံ၊ ပြောင်းကဏ္ဍ ဖွံ့ဖြိုးတိုးတက်ရေး၊ ပြည်ပဈေးကွက်ပိုမိုရရှိရေး၊ မျှတသည့်ကုန်သွယ်မှု၊ မှန်ကန်သည့် ကုန်သွယ်မှုဖြစ်ပေါ်စေရေးနှင့် ကုန်သွယ်မှု လုပ်ငန်းများ လျင်မြန်ချောမွေ့စေရေးဆောင်ရွက်သွားရန်နှင့် တရားမဝင်တင်ပို့တင်သွင်းမှုမရှိစေရေး အစိုးရနှင့်လုပ်ငန်းရှင်များ ပူးပေါင်းတားဆီးဆောင် ရွက်ရေးတို့အား မှာကြားခဲ့သည်။

   ထို့နောက်တက်ရောက်လာကြသော ပြည်ထောင်စုသမ္မတမြန်မာနိုင်ငံကုန်သည်များနှင့်စက်မှု လုပ်ငန်းရှင်များအသင်းချုပ် (UMFCCI) ဥက္ကဌ ဦးအေးဝင်း၊ ဒုတိယဥက္ကဌများ၊ မြန်မာနိုင်ငံဆန် စပါးအသင်းချုပ်နှင့် မြန်မာနိုင်ငံပဲမျိုးစုံ၊ ပြောင်းနှင့်နှမ်းကုန်သည်များအသင်းမှ တာဝန်ရှိသူများက ပြည်ပသို့ တိုးမြှင့်တင်ပို့နိုင်ရေးကိစ္စနှင့် ဆက်လက်ဆောင်ရွက်မည့် ကိစ္စရပ်များအားတင်ပြဆွေးနွေး ကြရာဆွေးနွေး ချက်များအပေါ် ပြည်ထောင်စုဝန်ကြီးက ကုန်သွယ်မှုလုပ်ငန်းများ ဖွံ့ဖြိုးတိုးတက် စေရေး ခေတ်မီဆက်သွယ်ရေးနည်းပညာ(ICT) အသုံးပြု၍ဆောင်ရွက်သွားရန်၊ ကုန်သွယ်မှုပတ်ဝန်း ကျင်တိုးတက်ကောင်းမွန်ရန်၊ ပုဂ္ဂလိကကဏ္ဍစွမ်းဆောင်ရည်မြှင့်တင်ရေး ဆောင်ရွက်ရန်၊ ဒေသတွင်း နိုင်ငံများနှင့်သာမက နိုင်ငံတကာနှင့်ပူးပေါင်း၍ ကုန်သွယ်မှုတိုးချဲ့ရေးဆောင်ရွက်ရန်အပြင် လိုအပ် သည်များအပေါ် ပေါင်းစပ်ညှိနှိုင်းပေးခဲ့ကြောင်း သတင်းရရှိသည်။ 

Pages

Subscribe to နောက်ဆုံးရ သတင်း