ထိုင်းနိုင်ငံ Siam Commercial Bank မှ ဥက္ကဌ Madam Kannikar Chalitapon ဦးဆောင်ပြီး စီးပွားရေးလုပ်ငန်းရှင် ၄၀ ဦး ပါဝင်သော လေ့လာရေးကိုယ်စားလှယ်အဖွဲ့တစ်ဖွဲ့သည် ၂၀၁၁ ခုနှစ်၊ စက်တင်ဘာလ ၂ ရက်နေ့နံနက် ၁၁ နာရီက နေပြည်တော်ရှိ စီးပွားရေးနှင့်ကူးသန်းရောင်းဝယ်ရေးဝန်ကြီးဌာနသို့ လာရောက် ၍ ကုန်သွယ်ရေးညွှန်ကြားမှုဦးစီးဌာန၊ ညွှန်ကြားရေးမှူးချုပ်အား တွေ့ဆုံဂါရဝပြုခဲ့ပါသည်။ ထို့နောက် မြန်မာနိုင်ငံ၏ ရင်းနှီးမြှုပ်နှံ မှု နှင့် ကုမ္ပဏီများ ညွှန်ကြားမှုဦးစီးဌာနမှ ဒုတိယညွှန်ကြားရေးမှူးချုပ် ဦးအောင်နိုင်ဦးကလည်းကောင်း၊ ပို့ကုန်သွင်းကုန်မူဝါဒနှင့် ကုန်သွယ်ရေးဆိုင်ရာကိစ္စရပ်များကို ကုန်သွယ်ရေးညွန်ကြားမှုဦးစီးဌာန၊ ညွှန်ကြားရေးမှူး၊ ဦးအောင်စိုးကလည်းကောင်း ရှင်းလင်း ပြောကြားပါသည်။ ထို့နောက် စီးပွားရေးလုပ်ငန်းရှင်များမှ သိရှိလိုသည်များကို မေးမြန်းရာ တာဝန်ရှိသူများက ပြန်လည် ဖြေကြားဆွေးနွေးခဲ့ပါသည်။ အဆိုပါကိုယ်စားလှယ်အဖွဲ့သည် မြန်မာနိုင်ငံတွင် လာရောက်၍ ရင်းနှီး မြှုပ်နှံမှုလုပ်ငန်းများနှင့် အကျိုးတူလုပ်ငန်းများ ပူးပေါင်းဆောင်ရွက်ရန် စိတ်ပါဝင်စားကြောင်း သိရပါသည်။
