တနင်္လာနေ့ ၄ ဖေဖော်ဝါရီလ ၂၀၁၃ 13:35 PM
စားသုံးသူူ အကာအကွယ် ပေးရေးနဲ့ တရားမဝင် ကုန်စည် စီးဆင်းမှု ပပျောက်ရေး အတွက် Mobile Team များနဲ့ လှုပ်ရှား ရှာဖွေမှုများ လုပ်ဆောင်နေ ပါတယ်။ နိုဝင်ဘာနဲ့ ဒီဇင်ဘာလများမှာ ပညာပေးခဲ့ပြီး ယခုအခါ မှာတော့ အရေးယူမှုများ လုပ်ဆောင် နေပြီဖြစ်ပါတယ်။ မလုပ်ရမှန်း သိပေမဲ့လည်း လုပ်နေကြ ပါတယ်။ ဇန်နဝါရီလ ၂၈ ရက်နေ့ နံနက် ဝ၃း၂ဝ ခန့်မှာတော့ မော်လမြိုင်မြို့မှ ပုလင်းခွံနဲ့ ဂျပ်ဖာ အဟောင်းများ တင်ဆောင် လာတဲ့ ယာဉ်ကို Spot Check ဆောင်ရွက်ရာမှာ ကျပ် ၁၆၂ဝဝဝဝိ/- တန်ဖိုးရှိ Diablo အမှတ် တံဆိပ်ပါ Extra Strong Beer ၁၅ဝ ဖာကို စစ်ဆေး တွေ့ရှိခဲ့တယ်လို့ သတင်း ရရှိပါတယ်။ ၁ ဖာမှာ ၅ဝဝ မီလီလီတာပါ သံဘူး ၂၄ ဘူး ပါရှိတာ ဖြစ်ပါတယ်။ ပညာပေး ကာလ ၂ လမှာလည်း ကန့်သတ်ကုန် ဘီယာ၊ ဝိုင်များ၊ ဝေဖာ၊ ပီကေ၊ ချောကလက်မုန့်၊ ဘီစကစ်များ သယ်ယူမှု ရှိသလို ခွင့်ပြုထားသော ပစ္စည်းများကို လိုင်စင်မဲ့ တင်သွင်းခြင်း၊ လိုင်စင်ပါ အရေအတွက်ထက် ပိုမို တင်သွင်းခြင်း၊ အမယ်လွဲများ တင်သွင်းခြင်းများကို လုပ်ဆောင် နေခဲ့ကြရမှာ ကန့်သတ်ကုန်မှ အပ ကျန်ပစ္စည်းများကို လိုအပ်သော ထောက်ခံချက် (စားသောက်ကုန်/ ဆေးဝါး ဖြစ်လျှင် FDA) များ ရယူ စေပြီးနောက် လိုင်စင် လျှောက်ထား စေတာ၊ ယာယီ သိမ်းဆည်းထားသော ပစ္စည်းများကို ပြန်လည် လွဲှအပ် ပေးခဲ့တာ ဖြစ်ပါတယ်။ ပုပ်သိုး ပျက်စီးလွယ်တဲ့ ကြက်သား အစို၊ ပုစွန်၊ ကြက်ဥ စတာတွေကိုတော့ FDA ထောက်ခံချက် ရယူ စောင့်ဆိုင်းရန် မဖြစ်နိုင်ခြင်း၊ ကြိုတင် တင်သွင်းခွင့် လျှောက်မထားခြင်း၊ FDA ထောက်ခံချက် ယူမထားခြင်း တို့ကြောင့် မီးရှို့ ဖျက်ဆီးမှုများ ပြုလုပ်တယ်လို့ သိရပါတယ်။
မြဝတီ- ရန်ကုန် ကုန်သွယ်မှု လမ်းကြောင်းပေါ်ရှိ လရ-၂ အဖွဲ့မှ ရွေ့ရှား စစ်ဆေးမှုများ လုပ်ဆောင်လျက် ရှိရာမှာ ဇန်နဝါရီလ ၂၅ ရက်မှ ၃၁ ရက်ထိ ကာလ အတွင်းမှာ ကျပ် ၈၈၉ သိန်းကျော် တန်ဖိုးရှိတဲ့ ကန့်သတ်ကုန်များ၊ ID ပိုမို တင်ဆောင်မှုများ၊ Manifest ကြေငြာမှု မရှိဘဲ သယ်ဆောင် လာမှုများကို စစ်ဆေး တွေ့ရှိတဲ့ အတွက် အကောက်ခွန် အမှုတွဲများ ဖွင့်လှစ် အရေးယူ သိမ်းဆည်းခဲ့ ရပါတယ်။
ဖော်ပြပါ ကာလ အတွင်းမှာတော့ Face Towels၊ ရေခဲ သေတ္တာ၊ အဝတ် လျှော်စက်၊ လျှပ်စစ်ရေနွေးအိုး၊ Speaker (၁၈”)၊ LCD TV (၂၁’၊ ၅၁’) စားပွဲတင် ပန်ကာ၊ ပေါ်လီယက် စတာ ပိတ်ပါး၊ ပါတိတ်၊ အဝတ် အထည်များ၊ တံခါးသော့ ခလုတ်၊ လျှပ်စစ်ဓါတ်အားသုံး အသား ကင်အိုး၊ အချိုရည် (လိမ္မော်၊ စတော်ဘယ်ရီ စသည်များ)၊ မီးဖိုးသုံး LPG gas အိုးများ၊ စားသောက် ကုန်များကို စစ်ဆေး တွေ့ရှိရတဲ့ အတွက် အကောက်ခွန် လုပ်ထုံး လုပ်နည်းများနဲ့ အညီ ဆက်လက် ဆောင်ရွက်ထားပြီး ရန်ကုန်တိုင်း ဒေသကြီး အလုံ သစ်တော ဝန်းရှိ အကောက်ခွန် ဦးစီး ဌာနသို့ နှစ်ကြိမ်တိုင် ပေးပို့ အပ်နံှပြီး ဖြစ်တယ်လို့ သိရှိရပါတယ်။
Source: လရ-၂ >>> MTN