မူဆယ် ၁၀၅ မိုင်ကုန်သွယ်ရေးဇုန်ထုတ်နုတ်အင်အား Mobile Team မှ၂၀၁၄ ခုနှစ် ဧပြီလမှ ဒီဇင် ဘာလထိသိမ်းဆည်းရမိတဲ့အပင် ပိုးသတ်ဆေး၊ ပေါင်းသတ်ဆေး၊ ရွက်ဖြန်းဆေးနဲ့ အပင်အား ဆေး များမှာ အမှုတွဲအားဖြင့် (၁၀) ခုတန်ဖိုး အားဖြင့် ခန့်မှန်း ကျပ် ၁၂၆ ဒသမ ၄၈၀သိန်းဖိုး သိမ်းဆည်း ရမိထားပြီးဖြစ်တယ်လို့ သတင်းရရှိပါတယ်။ သိမ်းဆည်းရမိမှု အသေးစိတ်ကတော့ ပိုးသတ်ဆေး အမှု တွဲ (၃) ခု၊ အရေအတွက် ၆၉၀ ကီလိုဂရမ်၊ ခန့်မှန်း တန်ဖိုးကျပ် ၃၄ ဒသမ ၅၀၀ သိန်း၊ ပေါင်းသတ် ဆေး အမှုတွဲ (၂) ခု၊ အရေအတွက် ၁၀၂၀ လီတာ၊ ခန့်မှန်းတန်ဖိုး ကျပ်၂၃ ဒသမ ၉၀၀ သိန်း၊ ရွက် ဖြန်းဆေး အမှုတွဲ (၄) ခု ၁၅၉၄ ဘူူး၊ ခန့်မှန်းတန်ဖိုး ကျပ် ၅၁ ဒသမ ၉၅၀ သိန်း၊ အပင်အားဆေး ၆၂၁ ဘူူး၊ ခန့်မှန်းတန်ဖိုး ကျပ် ၁၆ ဒသမ ၁၃၀ သိန်း အသီးသီးဖြစ်ပါတယ်။ အဆိုပါ သိမ်းဆည်းရမိပစ္စည်း များကို လုပ်ထုံးလုပ်နည်းများနဲ့ အညီ ဖျက်ဆီးပြီးဖြစ်တယ်လို့ သိရပါတယ်။
Mobile Team အဖွဲ့မှ တားဆီးအရေးယူပြီး ဖျက်ဆီးဆောင်ရွက်နိုင်ခဲ့ခြင်းဖြင့် မြန်မာနိုင်ငံရဲ့ စီးပွားရေးဖွံ့ဖြိုး တိုးတက်မှုအတွက်အခြေခံကျသော စိုက်ပျိုးထုတ်လုပ်သူ တောင်သူများရဲ့အရည်အသွေးစံ ချိန်စံညွှန်းမမီသော တစ်ဖက်နိုင်ငံ မှဈေးနှုန်း ချိုသာစွာမှာယူ၍ တရားမဝင်တင်သွင်းလာတဲ့အပင် ဆေးဝါး(သွင်းအားစု) များအားလွဲမှားစွာ ဝယ်ယူအသုံးပြုခြင်းကြောင့် စိုက်ပျိုးထွက်ရှိပမာဏ ကျဆင်းပြီး လူမှုစီးပွားဘဝကိုပါ ထိခိုက်ပျက်ဆီးစေ ခြင်းမှ ကြိုတင်တားဆီးအကာအကွယ် ပေးနိုင် ခဲ့ပါတယ်။
၎င်းအပင်ဆေးဝါးများကို အသုံးပြုမှုကြောင့် ဘေးထွက်ဆိုးကျိုးများကို စားသုံးသူပြည်သူများ ဝယ်ယူ စားသုံးရာမှ ကျန်းမာရေးကို ဆိုးဝါးစွာ ထိခိုက်ပျက်စီးစေနိုင်တဲ့ဘေးအန္တရာယ်မှလည်း ကာကွယ် တား ဆီးရာ ရောက်ပြီး စိုက်ပျိုးထွက်ရှိလာတဲ့ သီးနှံများကို တင်ပို့ရောင်းချရာမှာလည်း ဆေးဝါး အာနိသင် များ ကျန်ရှိနေမှုကြောင့် မိမိတို့ ကုန်ပစ္စည်းများကို ဝယ်ယူတဲ့ (Buyer) နိုင်ငံများကလည်း စိစစ် ကန့်ကွက်ခြင်းကြောင့် ပို့ကုန်ဈေးကွက်ပျက်စေမှာဖြစ်ပါတယ်။ Mobile Team အဖွဲ့များ အနေနဲ့နိုင်ငံ တော်မှ ချမှတ်ထားတဲ့ စီးပွားရေး ရည်မှန်းချက်များ အောင်မြင်စေရေး အထောက် အကူပြု ကာကွယ် တားဆီးအရေးယူ ဆောင်ရွက်နေကြောင်း သတင်းကောင်းပါးလိုက်ရပါတယ်။
DCCA DCCA