အသေးစား ပုဂ္ဂလိက လုပ်ငန်းရှင်များ၊ ဒေသခံတိုင်းရင်းသားများ ရိုးရှင်းလွယ်ကူစွာနဲ့ ကုန်သွယ်မှု ဆောင်ရွက်နိုင်ရန်၊ တရားမဝင် ကုန်သွယ်မှုများ တရားဝင် ကုန်သွယ်မှု လမ်းကြောင်းပေါ်သို့ ရောက်ရှိပြီး ကုန်သွယ်မှု ပမာဏတိုးမြင့် လာစေရန် ၊နိုင်ငံတော်အတွက် အခွန်ငွေများ တိုးတက်ရရှိစေရန် အတွက် ကူးသန်းရောင်းဝယ်ရေးနှင့် စားသုံးသူရေးရာ ဦးစီးဌာနက တစ်ဦးချင်း ကုန်သွယ်မှု လုပ်ငန်းရှင် မှတ်ပုံတင်လက်မှတ် (Individual Trading Card ITC) များ ထုတ်ပေးလျက်ရှိပါ တယ်။
၂၀၁၄-၂၀၁၅ ဘဏ္ဍာနှစ် ဧပြီလမှ ဒီဇင်ဘာလ ၁၂ ရက်ထိ နယ်စပ် ကုန်သွယ်ရေးစခန်းများမ ITCနဲ့ လုပ်ငန်း ဆောင်ရွက်မှုတွင် တာချီလိတ် နယ်စပ်ကုန်သွယ်ရေး စခန်းသည် ပို့ကုန် ကျပ် ၃၂ သန်းနီးပါး၊ သွင်းကုန်ကျပ် ၁၆၀၆ သန်းကျော်၊ ကုန်သွယ် မှုပမာဏ ကျပ် ၁၆၃၈ သန်းကျော်နဲ့ ထိပ်ဆုံးမှာ ရှိနေပါတယ်။
တာချီလိတ် နယ်စပ်ပြီးနောက် ချင်းရွှေဟော်၊ ကန်ပိုက်တီး၊ တမူးနဲ့ မြဝတီနယ်စပ် ကုန်သွယ်ရေးစခန်း များက ထိပ်ဆုံး ၅ နေရာမှာ နေရာယူထားကြ တာတွေ့ရပါတယ်။
နယ်စပ် ကုန်သွယ်ရေးစခန်း ၁၈ ခုအနက် စစ်တွေ၊ မောင်တော၊ ထန်တလန်၊ မန္တလေးနဲ့ မြစ်ကြီးနား နယ်စပ် ကုန်သွယ်ရေး စခန်းများမှာတော့ ITC နဲ့ ဆောင်ရွက်မှု မရှိသေးပါဘူး။ ကျန်စခန်းများအနေနဲ့ ပို့ကုန် ကျပ်၂၁၆ သန်းကျော်၊ သွင်းကုန် ကျပ် ၃၈၇ သန်းကျော်၊ စုစုပေါင်း ကုန်သွယ်မှု ပမာဏ ကျပ် ၆၀၃ သန်းကျော် ၂၀၁၄ ခုနှစ် ဧပြီလ ၁ ရက်မှ ဒီဇင်ဘာလ ၁၂ ရက်ထိ ဆောင်ရွက်ထား ပြီးဖြစ် ပါတယ်။ ITCနဲ့ ကုန်သွယ်ရာမှာ ထိပ်ဆုံး ၅ နေရာမှာရှိနေတဲ့ စခန်း (၅) ခုနဲ့ ၎င်းတို့ ရဲ့ကုန်သွယ်မှု အခြေအနေကတော့ - ကျပ်-သန်း
ITC ပို့ကုန် သွင်းကုန် ကုန်သွယ်မှုပမာဏ
တာချီလိတ် ၁၆၆ ၃၁.၈၈၂ ၁၆၀၆.၇၇၅ ၁၆၃၈.၆၅၇
ချင်းရွှေဟော် ၂ ၆၈၄.၁၃၉ ၃၅၇.၂၉၁ ၁၀၄၁.၄၃၀
ကန်ပိုက်တီး ၉ ၂၂၃.၈၇၃ ၆၉၇.၁၅၃ ၉၂၁.ဝ၂၆
တမူး ၁၉ ၃၈၂.၁၄၈ ၃၄၂.၇၁၆ ၇၂၄.၈၆၄
မြဝတီ ၄ - ၂၅၆.၆၄၂ ၂၅၆.၆၄၂
အသီးသီးဖြစ်ပါတယ်။
ထိပ်ဆုံး စာရင်းဝင် စခန်းများရဲ့ ITC နဲ့အများ ဆုံးဆောင်ရွက်တဲ့ ပို့ကုန်များကတော့ ဆံပင်၊ ဒရင် ကောက်မြစ်၊ ပြောင်း၊ တစ်သျှူးငှက်ပျော၊ ဆီးသီးခြောက်၊ မန်ကျည်းသီး၊ လက်ဖက်ခြောက်၊ လိမ္မော် သီး၊ အုန်းသီး၊ ကွမ်းသီး၊ သရက်သီး၊ ပန်းသီး (ချင်းတောင်)၊ ဘီယာတို့ ဖြစ်ပြီး အများဆုံး သွင်းကုန် များမှာ ဆပ်ပြာမှုန့်၊ တာယာ၊ ပန်းသီး၊ အဝတ်အထည်၊ သရက်သီး၊ သမင်မျက်လုံးသီး (Longams) ၊ ကျွဲကောသီး၊ ေြွကပွတ်လုံးတိုင်နဲ့ ပလတ်စတစ် ပစ္စည်းများ၊ စောင်ပါး၊ ချည်ခင်၊ နိုင်လွန် ချည်၊ Speaker ၊ဖိနပ်မျိုးစုံ၊ စက်ဘီးအပိုပစ္စည်းများတို့ဖြစ်ကြပါတယ်။
MIRT(DCCA)