Department of Trade

  မူဆယ်-မန္တလေး ကုန်စည်လမ်းကြောင်းမှာ စားသုံးသူ အကာအကွယ်ပေးရေးနဲ့ တရားမဝင်ကုန်သွယ်မှု တားဆီး ထိန်းခုျပ်ရေး အဖွဲ့ (Mobile Team) ဟာ ၂ဝ၁၂ ခုနှစ် နိုဝင်ဘာလ ၁ ရက်နေ့က စတင်ပြီး ကုန်သည်များ လမ်းကြောင်းမှန်ပေါ် ရောက်ရှိရေး ဆောင်ရွက်လျက်ရှိရာ နိုဝင်ဘာလ ၆ ရက်မှ ၁၂ ရက်ထိ ကာလအတွင်း ဟန့်တားခြင်း၊ ပညာပေးခြင်း၊ ယာယီ သိမ်းဆည်းထားတဲ့ ပစ္စည်းများအတွင်းမှ လိုင်စင်ဆောင်ရွက်ပေးနိုင်သည်များကို လိုင်စင်ပြုလုပ်ပေးခြင်း၊ အန္တရာယ်ရှိ ပစ္စည်းများအား ရုံးချုပ်သို့ တင်ပြကာ ဖျက်ဆီးခြင်းတို့ကို စနစ်တကျ ဆောင်ရွက်လျက်ရှိပါတယ်။

   လှုပ်ရှားတားဆီးရေးအဖွဲ့ဟာ နိုဝင်ဘာ ၆ ရက်နေ့မှ ၁၂ ရက်ထိကာလအတွင်း အတက်အဆင်း ယာဉ်ကြီး ၄၆ စီး၊ မှန်လုံယာဉ် ၁၁၄ စီးနဲ့ ယာဉ်ငယ် ၃၁၅ စီးကို စစ်ဆေးခဲ့ရာမှာ လူစီးမှန်လုံယာဉ် ၄ စီး၊ ယာဉ်ငယ် ၁၁ စီး၊ Light Truck ယာဉ် ၃ စီး၊ လေးလုံးထိုး ထော်လာဂျီ ၆ ဘီးယာဉ် ၁ စီး၊ ဆိုင်ကယ် ၁ စီးနှင့် ကွင်းလမ်းစုပုံ ၂ ကြိမ်မှ လိုင်စင်မဲ့ ကုန်ပစ္စည်းမျိုးစုံအား ယာယီ သိမ်းဆည်းခဲ့ပြီး လိုင်စင်ဆောင်ရွက်ပေးနိုင်သည့် ပစ္စည်းများအား လိုင်စင်ပြုလုပ်ပေးခြင်း၊ စားသုံးရန်မသင့်တဲ့ စားသောက်ကုန်များကို ရုံးချုပ်တင်ပြ ဖျက်ဆီးခြင်း၊ မိမိတို့ယာယီ ထိန်းခုျပ်နိုင်ခြင်းမရှိသေးတဲ့ လားရှိုး-မန္တလေး လမ်းကြောင်းအတွက် ရရှိသတင်းများအား မန္တလေး နယ်စပ်ကုန်သွယ်ရေးရုံးမှတစ်ဆင့် မန္တလေး အကောက်ခွန်ဦးစီးဌာနသို့ သတင်းချပြပြီး ၁၆ မိုင် စစ်ဆေးရေးဂိတ်မှ ဟန့်တားစေခြင်းများ ဆောင်ရွက်ခဲ့ပါတယ်။ လှုပ်ရှားမှုကာလနဲ့ ယခင်ကာလတူကို နှိုင်းယှဉ်ကြည့်ရာ နိုဝင်ဘာလ ၁ ရက်နေ့မှ ၅ ရက်နေ့ထိကုန်သွယ်မှု ပမာဏ ကန်ဒေါ်လာ ၇ သန်း တိုးတက်မှုရှိလာပြီး နိုဝင်ဘာလ ၆ ရက် နေ့မှ ၁၂ ရက်နေ့ထိ ကန်ဒေါ်လာ ၁၁ ဒသမ ၈၂၄ သန်း တိုးတက်မှုရှိလာ ကြောင်းတွေ့ရှိရတယ်လို့ သတင်း ရရှိပါတယ်။

   တရားမဝင် သွားရောက်နေသူအများစု လမ်းကြောင်းမှန်ပေါ်ကို ရောက်ရှိလာကြပြီး ပြည်သူလူထု အန္တရာယ်ဖြစ်စေနိုင်တဲ့ လူသုံးကုန်နှင့် စားသောက်ကုန်များ ဝင်ရောက်မှုကိုပါ ကာကွယ်ဟန့်တားသွားနိုင်မှာ ဖြစ်ကြောင်းလည်း အဖွဲ့ခေါင်းဆောင်မှ ပြောကြား ခဲ့တယ်လို့ သိရှိရပါတယ်။

အေးအေးမြ

   မူဆယ်-မန္တလေးလမ်းကြောင်းရှိ စားသုံးသူ အကာအကွယ်ပေးရေးနဲ့ တရားမဝင် ကုန်သွယ်မှု တားဆီး ထိန်းချုပ်ရေး အဖွဲ့ (Mobile Team) ဟာ နိုဝင်ဘာလ (၂) ရက်နေ့က စတင်ပြီး ကုန်သွယ်မှုလမ်းကြောင်းပေါ်ရှိ ယာဉ်များအား စစ်ဆေးခြင်း၊ တရားမဝင် သယ်ဆောင်လာတဲ့ အကောက်ခွန်မဲ့ ပစ္စည်းများအား ယာယီတားဆီး ထိန်းသိမ်းခြင်း၊ လိုင်စင် ဆောင်ရွက်စေခြင်း၊ သိမ်းဆည်း ဖျက်ဆီးခြင်းများကို ဆောင်ရွက်နေပြီ ဖြစ်ပါတယ်။ နိုဝင်ဘာလ ၆ ရက်မှ ၁ဝ ရက်ထိ ကာလ အတွင်း ယာဉ် ၁၇ စီး၊ လိုင်စင်မဲ့ ဆိုင်ကယ်၊ လိုင်စင်မဲ့ လေးလုံးထိုး ထော်လာဂျီနဲ့ ၂၇၂/၃ မိုင်၊ ၂၇၂/၇ မိုင်နဲ့ ၂၇၃ မိုင်ကြား စုပုံ ပစ္စည်းများကို ဖွင့်ဖောက် စစ်ဆေးရာမှာ ကျား၊ မ၊ ခလေးဝတ် အဝတ်အထည်များ၊ အနွေးထည်များ၊ ဖိနပ်၊ စိုက်ပိုျးရေး လုပ်ငန်းသုံး ပိုးသတ် ဆေးရည်၊ အပင်အား ဆေးရည်၊ ပိုးသတ်ဆေးထုပ်၊ ဓါတ်မြေသြဇာ၊ Power Inverter 500 W Battery Clip၊ EVD Plug ခေါင်း၊ Solar Sheet (130 W- DC 1000 V)၊ ဆိုင်ကယ် အင်ဂျင်ဝိုင်၊ Gasket ၊ ကျင်းထုံခြင်ဆေးခွေ၊ 2 in 1 Car & Home Subwoofer ၊ Portable EVD၊ Mini Speaker ၊ Mini Digital Studio Sound Box နှင့် Motor Coil တို့ ရှာဖွေတွေ့ရှိခဲ့ပါတယ်။

   အဆိုပါပစ္စည်းများထဲမှ Solar Sheet နဲ့ ကျား/မ/ခလေးဝတ်အဝတ်အထည်၊ အနွေးထည်နဲ့ ဖိနပ် အချို့ ၇၃၂၄ ယွမ် တန်ဖိုးကို လိုင်စင်ထုတ်ပေးပြီးပြီလို့ (Mobile Team) အဖွဲ့ခေါင်းဆောင် နယ်စပ်ကုန်သွယ်ရေး ဦးစီးဌာနမှ ညွှန်ကြားရေးမှူး ဦးအောင်ကျော်မိုးထံမှ Commerce Journal သတင်းအဖွဲ့က သတင်းရရှိခဲ့ပါတယ်။

ဂန္ဓမာ

   မူဆယ်-မန္တလေးလမ်းကြောင်းရှိ စားသုံးသူအကာအကွယ်ပေးရေးနဲ့ တရားမဝင် ကုန်သွယ်မှုတားဆီး ထိန်းချုပ်ရေးအဖွဲ့ (Mobile Team) နဲ့ ထိန်းကျောင်းဆောင်ရွက်မဲ့ လုပ်ငန်းအစီအစဉ်များကို ရန်ကုန်၊ မန္တလေး၊ လားရှိုးနဲ့ မူဆယ်မြိ့ုများမှာ ချပြဆွေးနွေးခြင်း၊ ကုန်သွယ်ရေးဇုန်နဲ့ တိုးဂိတ်များ၊ ယာဉ်လိုင်းဂိတ်များမှာ အသိ ပညာပေး ဗီနိုင်းများ ချိတ်ဆွဲထားခြင်းကို ဆောင်ရွက်ထားတယ်လို့ သတင်းရရှိပါတယ်။

  မူဆယ်-မန္တလေး(Mobile Team) အဖွဲ့ကို နိုဝင်ဘာလ (၁)ရက်နေ့မှာ နယ်စပ်ကုန်သွယ်ရေး၊ အကောက်ခွန်၊ မြန်မာနိုင်ငံရဲတပ်ဖွဲ့နဲ့ သတင်းမီဒီယာ၊ ဒေသအာဏာပိုင်အဖွဲ့ကိုယ်စားလှယ်နဲ့ ကုန်သည်ကြီးများ အသင်းကိုယ်စားလှယ်တို့နဲ့ စတင်ဖွဲ့စည်းခဲ့ပြီး နိုဝင်ဘာလ ၂ ရက်နေ့ကစတင်ပြီး လမ်းကြောင်းတစ်လျှောက် စစ်ဆေးမှုများကို လုပ်ဆောင်ခဲ့ရာမှာ နိုဝင်ဘာလ ၂ ရက်မှ ၆ ရက်ထိကာလအတွင်းမှာ မိုင်တိုင် (၂၇၃/၃-၂၇၄/ဝ) အကြား (၂၇၃/ဝ-၂၇၃/၄) အကြား (၂၅၉/၃-၂၅၉/၄ မိုင်တိုင်) အကြားနိမ့်ပေါ်တံတားစတဲ့ လမ်းကြောင်းပေါ်မှာ အခြေပြုစစ်ဆေးချက်အရ လိုင်စင်မဲ့ ကုန်ပစ္စည်းများ၊ အထည်ထုတ်များ၊ ကားလိုင်နာများ၊ ခါးပတ်များ၊ စားသောက်ကုန်၊ အိမ်သုံးကုန်၊ ပုဂ္ဂိုလ်သုံး ထက်ကျော်လွန်သောကုန်များကို ရှာဖွေတွေ့ရှိခဲ့တဲ့အတွက် ယာယီသိမ်းဆည်းပြီး မူဆယ်အကောက်ခွန်မြိ့ုနယ် ရုံးသို့အပ်နံှ၍ လိုင်စင်ပြုလုပ်နိုင်ရေး ညှိနှိုင်း ဆောင်ရွက် ပေးခဲ့တယ်လို့သတင်းရရှိပါတယ်။ နိုဝင်ဘာလ ၇ ရက်နေ့မှာ ဆက်လက်၍အတက်အဆင်းယာဉ်များအား စစ်ဆေးရာမှာ တရားမဝင် အကောက်ခွန်မဲ့ ပစ္စည်းများ သယ်ဆောင်တဲ့ ယာဉ်များကို စစ်ဆေးတွေ့ရှိရခြင်း မရှိ တော့ဘဲ အကောက်မဲ့ ပစ္စည်းသယ်ဆောင်တဲ့ ယာဉ်များ လျော့နည်းသွားတာ တွေ့ရပါတယ်။

  အဖွဲ့အနေနဲ့ ကြိုတင် ပညာပေးဟောပြောခြင်း၊ အသိပေးကြေငြာခြင်းများ ဆောင်ရွက်ပေးတဲ့ အတွက် မူဆယ်-မန္တလေးကုန်သွယ်မှု လမ်းကြောင်းတစ်လျှောက် တရားမဝင် ကုန်သွယ်မှုများ လွတ်လပ်စွာသွားလာမှု လျော့နည်းလာခြင်း၊ လွတ်လပ်စွာသယ်ဆောင် သွားလာနိုင်မှု မရှိတဲ့အတွက် တရားဝင် လမ်းကြောင်းပေါ်သို့ကူး ပြောင်းဆောင်ရွက်လာ သဖြင့် တရားဝင် တပိုင်တနိုင် ကုန်သွယ်မှု (Individual Trading Card) ဆောင်ရွက်ပေးရန် တောင်းဆိုမှုများ ရှိလာတယ်လို့ သိရပါတယ်။ အဖွဲ့စုံနဲ့ ဆောင်ရွက်ခြင်းဖြစ်လို့ အပြန်အလှန် ထိန်းကျောင်းမှုရှိရာ ပိုမို အောင်မြင်မှု ရရှိစေနိုင်မှာ ဖြစ်ပါတယ်။

  တရားမဝင် သွားလာမှုများ လျော့နည်းသွားတယ် ဆိုရပေမဲ့လည်း လုံခြုံရေးအရ အဖွဲ့အနေနဲ့ ညအချိန် ထွက်ရောက် တားဆီးနိုင်ခြင်း မရှိတဲ့/ မစိစစ်နိုင်တဲ့ အချိန်တွေမှာ ရှောင်ကွင်းလမ်းများကနေ ဆိုင်ကယ်များနဲ့ ကဲ့ပြီး ယာဉ်ငယ်ပေါ် တင်ဆောင် သွားလာမှုတွေ ရှိနေဆဲဖြစ်ပါတယ်။ ခရီးသည်တင် ယာဉ်များမှာ လိုင်စင်မဲ့ ကုန်ပစ္စည်းများ လွတ်လပ်စွာ တင်ဆောင်ရန် ခက်ခဲလာတဲ့ အတွက် ဆိုင်ကယ် ကယ်ရီများနဲ့ ရှောင်ကွင်းလမ်းများက တဆင့် သယ်ယူ ပေးမှုတွင် ကျယ်လာပြီး ဆိုင်ကယ် ကယ်ရီခများ ကြီးမြင့်လာတယ်လို့ သတင်းရရှိပါတယ်။

  တပိုင်တနိုင် ဆောင်ရွက်နေကြတဲ့ ကုန်သည်များ အနေနဲ့ တစ်နေရာတည်းမှာ လိုင်စင်လုပ်၊ ကျသင့်အခွန် ပေးဆောင်ပြီး တရားဝင် သွားလာခွင့် ရရှိရေး မေးမြန်းတင်ပြသူများ များပြားလာတဲ့ အတွက် တရားဝင် သွားလာ သူများ တရားဝင် သွားလာခွင့် ရရှိစေရန် (Individual Trading Card) စနစ်အား အမြန် အကောင် အထည်ဖော်ဆောင် ကျင့်သုံး သင့်ကြောင်း (Mobile Team)အဖွဲ့မှ တာဝန်ရှိသူထံကသိရှိရပါတယ်။

                                                                                                                            Source : (Mobile Team) ဂန္ဓမာ

လွန်ခဲ့တဲ့ ၁၀ စုနှစ်ကျော်ထက် ရာဘာဈေးနှုန်း နှစ်ဆဖြစ်ခဲ့ပြီး၊ ပြီးခဲ့တဲ့ ဖေဖော်ဝါရီလလယ်ခန့်မှာ ယခင်နှစ်ထက် ရာဘာဈေးနှုန်း ၁၅ ရာခိုင်နှုန်းခန့် မြင့်တက်ခဲ့ပေမယ့် နောက်ပိုင်းမှာ ရာဘာဈေးနှုန်း ကျဆင်းခဲ့ပါတယ်။ လွန်ခဲ့တဲ့နှစ်ကတော့ ရာဘာတုရဲ့စရိတ်က ၇၆ ရာခိုင်နှုန်းမြင့်တက်ခဲ့ပြီး၊ သြဂုတ်လဆန်းမှာ တစ်တန်ကို ဒေါ်လာ (၄၄၅၀) ကို ရောက်ရှိခဲ့ကာ ၁၉၉၇ ခုနှစ်ကစတွက်ရင် အမြင့်ဆုံးနှုန်းကို ရောက်ရှိခဲ့ကြောင်း သိရပါတယ်။ ယခုနှစ်မှာတော့ ထုတ်လုပ်မှုအား ကျဆင်းတာကြောင့် ရောင်းလိုအား ပြတ်လပ်နိုင်ကြောင်း သိရပါတယ်။ ကမ္ဘာ့ရာဘာဝယ်လိုအားက ၅ ဒသမ ၃ ရာခိုင်နှုန်း မြင့်တက်ပြီး ၂၀၁၂ မှာ တန်ချိန် ၁၁ ဒသမ ၅၈ သန်းကိုရောက်ရှိကာ သုံးနှစ်ဆက်တိုက် တိုးတက်မှာဖြစ်ကြောင်း Citi အုပ်စုက ခန့်မှန်းတွက်ချက်ထားကြောင်း သိရပါတယ်။ ထုတ်လုပ်မှုလည်း ၅ ဒသမ ၄ ရာခိုင်နှုန်းတိုးတက်ပြီး တန်ချိန် ၁၁ ဒသမ ၅၉ သန်းကို ရောက်ရှိနိုင်ပေမယ့် သိုလှောင်မှုကတော့ ကျဆင်းနိုင်ကြောင်း ခန့်မှန်းကြပါတယ်။ ကမ္ဘာ့ရောင်းလိုအားရဲ့ ၆၀ ရာခိုင်နှုန်းရှိတဲ့ ထိုင်းနဲ့ အင်ဒိုနီးရှားရဲ့ ထုတ်လုပ်မှုက ထိုင်းနိုင်ငံမှာ မိုးကြီးပြီး အစေးထွက် ထိခိုက်တာရယ်၊ အင်ဒိုနီးရှားမှ ရာဘာပင်များ အရွက်ကြွေပျက်မှုများပြားတာကြောင့် သာမန်အောက်ကို ရောက်နိုင်ကြောင်း သိရပါတယ်။ ရာဘာသိုလှောင်မှုကတော့ ရှန်ဟိုင်းကုန်စည်ဒိုင်ပေါ်မှာ မူတည်နိုင်ပြီး တန်ချိန် (၃၃၇၆၆) နဲ့ ရပ်တည်နေကာ လွန်ခဲ့တဲ့ ငါးနှစ်စာ ပျမ်းမျှခြင်းတန်ချိန် (၆၃၂၁၃) ရှိပြီး ဈေးနှုန်းတက်နိုင်ချေရှိကာ အထွက်နှုန်းကျတဲ့တောင်သူတွေအတွက် အမြတ်ငွေကာမိစေနိုင်တယ်လို့ သိရပါတယ်။

Source: tire review (KZW)

ကမ္ဘာဒုတိယအများဆုံးသစ်သီးနဲ့ ဟင်းသီးဟင်းရွက်ထုတ်လုပ်တဲ့ အိန္ဒိယနိုင်ငံက ၂၀၁၀-၂၀၁၁ မှာ တန်ချိန် ယခင်နှစ်ထက် ၃ ဒသမ ၇ ရာခိုင်နှုန်းတိုးမြှင့်ပြီး (213) သန်း ထုတ်လုပ်နိုင်ဖွယ် ရှိကြောင်း စိုက်ပျိုးရေးဝန်ကြီးက ပြောကြားခဲ့ပါတယ်။ဒီလိုအထွက်နှုန်းတက် လာတာက စိုက်ဧရိယာတိုးလာတာကြောင့်ဖြစ်ကြောင်းသိရပါတယ်။ ၂၀၀၉-၂၀၁၀ မှာ သစ်သီး နဲ့ ဟင်းသီးဟင်းရွက်တန်ချိန် (၂၀၅ ဒသမ ၂၄) သန်း ထုတ်လုပ်ခဲ့ကြောင်း သိရပါတယ်။ ၂၀၁၀- ၂၀၁၁ မှာ စိုက်ဧရိယာ ၄ ရာခိုင်နှုန်းတိုးပြီး ဟက်တာ( ၁၄ ဒသမ ၈၄ သန်း) ရှိပါတယ်။ ဟင်းသီးဟင်းရွက်စိုက်ပျိုးမှုက ယခင်နှစ်ထက် ၃ ရာခိုင်နှုန်းတိုးပြီး တန်ချိန် (၁၃၇ ဒသမ ၆၈၁ ) သန်း ရှိကာ သစ်သီးထုတ်လုပ်မှုက ယခင်နှစ်ထက် ၆ ရာခိုင်နှုန်း တိုးပြီး တန်ချိန်( ၇၅ ဒသမ ၈၂) သန်းကို ရောက်ရှိခဲ့ကြောင်း သိရပါတယ်။ အိန္ဒိယရဲ့ အဓိက သစ်သီးနဲပ ဟင်းသီး ဟင်းရွက်ထုတ်လုပ်တဲ့ ဒေသတွေကတော့မဟာရာရှထရာ၊ အန်ဒရာပရာဒေ့ရှ် ၊ စုတာ ပရာဒေ့ရှ်၊ ကာနာတာက ၊ ဂူဂျာရတ်၊သြရိစ၊ဂျာမူနဲ့ ကတ်ချ်မီးယား၊ကာရာလာတို့ကြောင့်ဖြစ်ကြောင်း သတင်းရှိပါတယ်။

Source; Commodity online (KZW)