သတင်းများ

နေပြည်တော်၊ နိုဝင်ဘာလ ၇

   အင်ဒိုနီးရှားနိုင်ငံတွင် ၂၀၂၃ ခုနှစ်၊ နိုဝင်ဘာလ ၇ ရက်နေ့မှ ၁၀ ရက်နေ့အထိ hybrid စနစ်ဖြင့်ကျင်းပပြုလုပ်မည့် “(၇၁) ကြိမ်မြောက် အာဆီယံမူပိုင်ခွင့်ဆိုင်ရာ ပူးပေါင်းဆောင်ရွက်ရေးလုပ်ငန်းအဖွဲ့အစည်းအဝေးနှင့်ဆက်စပ်အစည်းအဝေးများ (71st Meeting and Related Meetings  of the ASEAN Working Group on Intellectual Property Cooperation – AWGIPC)”သို့ စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ မူပိုင်ခွင့်ဦးစီးဌာနမှ ညွှန်ကြားရေးမှူးချုပ် ဦးဆောင်သော မြန်မာကိုယ်စားလှယ်အဖွဲ့က virtual စနစ်ဖြင့် ပါဝင်တက်ရောက်လျက်ရှိပါသည်။

   အဆိုပါ အစည်းအဝေးကို အာဆီယံနိုင်ငံများအကြား မူပိုင်ခွင့်ဆိုင်ရာပူးပေါင်းဆောင်ရွက်မှုများကို စဉ်ဆက်မပြတ် သိရှိပါဝင်ဆောင်ရွက်နိုင်ရန် ရည်ရွယ်၍ ကျင်းပခြင်းဖြစ်ပြီး အာဆီယံနိုင်ငံများရှိ မူပိုင်ခွင့်ရုံးများမှ ညွှန်ကြားရေးမှူးချုပ်များ ဦးဆောင်သည့် ကိုယ်စားလှယ်များ ပါဝင်တက်ရောက်ကြပါသည်။ အစည်းအဝေးတွင် အာဆီယံစီးပွားရေးအသိုက်အဝန်းပါ အာဆီယံ မူပိုင်ခွင့်ဆိုင်ရာလုပ်ငန်းစီမံချက် (၂၀၁၆-၂၀၂၅)အရ အကောင်အထည်ဖော်ဆောင်ရွက်မှုအခြေအနေများ၊ ဦးစားပေးလုပ်ငန်းများ သတ်မှတ်ခြင်းနှင့် ၂၀၂၅ အလွန်ကာလများအတွက် အာဆီယံမူပိုင်ခွင့်ဆိုင်ရာ လုပ်ငန်းစီမံချက်များကို ပြုစုခြင်းများအပါအဝင် ရှေ့လုပ်ငန်းစဉ်များကို ဆွေးနွေးသွားကြမည်ဖြစ်ပြီး၊ ဆွေးနွေးမှုမိတ်ဖက်နိုင်ငံများနှင့်လည်း မူပိုင်ခွင့်ပူးပေါင်းဆောင်ရွက်မှုများအပေါ် ဆက်စပ်အစည်းအဝေးများကိုလည်း တစ်ဆက်တည်းပြုလုပ်သွားမည်ဖြစ်ကြောင်း သတင်းရရှိသည်။

“စက်မှုဒီဇိုင်းမှတ်ပုံတင်ခြင်းဆိုင်ရာ ကိုယ်စားလှယ်သင်တန်း (၁/၂၀၂၃)” ကို WIPO FILE User Account ပိုင်ရှင်များနှင့် မူပိုင်ခွင့်ဆိုင်ရာကိုယ်စားလှယ်အဖြစ် ဆောင်ရွက်လိုသူများအတွက် အောက်ပါအစီအစဉ်အတိုင်း ကျင်းပသွားမည်ဖြစ်ပါသည်။

သင်တန်း နေ့ရက်/ အချိန်/ နေရာ

      သင်တန်းနေ့ရက်         -    (၂၃-၁၀-၂၀၂၃) ရက်နေ့မှ (၂၇-၁၀-၂၀၂၃)ရက်နေ့ထိ၊ (၅) ရက်

      သင်တန်းအချိန်           -   နေ့စဉ် ( ၀၉:၃၀ )မှ ( ၁၅:၀၀ )နာရီအထိ

      သင်တန်းနေရာ            -   ရုံးအမှတ် (၅၂)၊ မူပိုင်ခွင့်ဦးစီးဌာန၊ စီးပွားရေးနှင့်ကူးသန်းရောင်း ဝယ်ရေးဝန်ကြီးဌာန

      သင်ကြားမည့်စနစ်       -   Virtual Online (Zoom Meeting)

လျှောက်လွှာလက်ခံမည့်နေ့ရက်နှင့်သင်တန်းကြေး

           သင်တန်းလျှောက်လွှာ Form လက်ခံခြင်း            -     (၄-၁၀-၂၀၂၃) မှ (၁၁-၁၀-၂၀၂၃)ထိ

           သင်တန်းကြေးပေးသွင်းရမည့်ရက်                     -     (၄-၁၀-၂၀၂၃) မှ (၁၃-၁၀-၂၀၂၃)ထိ

           သင်တန်းတက်ရောက်ခွင့်ရသူများစာရင်း             -     (၁၈-၁၀-၂၀၂၃) မှ (၁၉-၁၀-၂၀၂၃)ထိ

           ထုတ်ပြန်ကြေညာမည့်ရက်

           သင်တန်းကြေး                                              -     ၃၀၀,၀၀၀ (သုံးသိန်းကျပ်တိတိ)

           မှတ်ချက်။     သင်တန်းကြေးအား မြန်မာ့စီးပွားရေးဘဏ်၊ နေပြည်တော်တွင် ဖွင့်လှစ် ထားသည့် မူပိုင်ခွင့်ဦးစီးဌာန၏ MD-014366 သို့ ပေးသွင်းရန်။

လျှောက်ထားခြင်း/ ငွေသွင်းခြင်းလုပ်ငန်းအဆင့်ဆင့်

• လျှောက်လွှာပုံစံအား ipd.gov.mm တွင် Download ရယူ၍ ipdtraining [email protected] သို့ ပေးပို့လျှောက်ထားရမည်။
• သင်တန်းတက်ရောက်ခွင့်ရရှိမှုအား ipd.gov.mm တွင် ကြေညာမည်ဖြစ်ပါသည်။
• အခြားသော သင်တန်းဆိုင်ရာကိစ္စရပ်များကို လျှောက်ထားသူ၏ လျှောက်လွှာပါ
  e-mail သို့ ဆက်သွယ်ပေးမည်ဖြစ်ပါသည်။
• သင်တန်းလျှောက်လွှာပေးပို့ပြီးပါက မြန်မာ့စီးပွားရေးဘဏ်၊ နေပြည်တော်တွင် ဖွင့်လှစ် ထားသည့် မူပိုင်ခွင့်ဦးစီးဌာန၏ MD-014366 သို့ သင်တန်းကြေးပေးသွင်းရမည်။
• သင်တန်းကြေးပေးသွင်းပြီး Bank Receipt ၏ Scanned Copy အား PDF Format or Photo ဖြင့် လျှောက်လွှာပေးပို့ခဲ့သည့် E-mail မှ [email protected] သို့ ပေးပို့ရမည်။
• သင်တန်းကြေးပေးသွင်းမှုစိစစ်ပြီးပါက Zoom ID & Password များအား လျှောက်ထား သူ၏ လျှောက်လွှာပါ E-mail သို့ ပေးပို့မည်ဖြစ်ပါသည်။

စည်းကမ်းချက်များ

• သတ်မှတ်ရက်ကျော်လွန်၍ လျှောက်ထားလာသည့် လျှောက်လွှာများအား လက်ခံခြင်း မပြုပါ။
• လျှောက်လွှာတွင်ပါရှိသော သတ်မှတ်ထားသော အချက်အလက်များအား ပြည့်စုံမှန်ကန်စွာ ဖြည့်သွင်းရမည်ဖြစ်ပါသည်။
• သတ်မှတ်သင်တန်းသားဦးရေထက် ကျော်လွန်ပါက နောင်ဖွင့်လှစ်မည့် သင်တန်းတွင် ဦးစားပေးတက်ရောက်ခွင့် ရရှိမည်ဖြစ်ပါသည်။
• သင်တန်းအား အချိန်ပြည့်ပြီးဆုံးအောင် တက်ရောက်ရမည်ဖြစ်ပြီး အရည်အချင်းစစ် စာမေးပွဲကိုလည်း ဖြေဆိုရမည်ဖြစ်ပါသည်။
• သင်တန်းအား အချိန်ပြည့်ပြီးဆုံးအောင် တက်ရောက်ပြီး စာမေးပွဲအောင်မြင်သူများကိုသာ သင်တန်းဆင်းလက်မှတ် ထုတ်ပေးမည် ဖြစ်ပါသည်။
• သင်တန်းကြေးအား သတ်မှတ်သည့်နေ့ရက်အတွင်း ပေးသွင်းခြင်းမရှိလျှင် သင်တန်းသား အဖြစ် မှတ်ယူမည်မဟုတ်ပါ။
• သင်တန်းကြေးပေးသွင်းပြီးနောက် အကြောင်းအမျိုးမျိုးကြောင့် သင်တန်းမတက်ရောက် နိုင်လျှင်ဖြစ်စေ၊ သင်တန်းတက်ရောက်ဆဲ ပျက်ကွက်လျှင်ဖြစ်စေ ပေးသွင်းပြီးထားသော သင်တန်းကြေးအား ပြန်လည်ထုတ်ပေးမည် မဟုတ်ပါ။

မှတ်ချက်။ အသေးစိတ် သိရှိလိုပါက ၀၆၇-၄၃၀၅၇၁ သို့ ဆက်သွယ်စုံစမ်းနိုင်ပါသည်။

မူပိုင်ခွင့်ဦးစီးဌာန

စက်မှုဒီဇိုင်းမှတ်ပုံတင်ခြင်းဆိုင်ရာကိုယ်စားလှယ်သင်တန်း အမှတ်စဉ် (၁/၂၀၂၃)  သင်တန်းဝင်ခွင့်လျှောက်လွှာပုံစံ ကို အောက်ပါ link တွင် ဝင်ရောက် download ရယူနိုင်ပါသည်။

https://www.ipd.gov.mm/news-and-resources/news/news/post-64

နေပြည်တော်၊ စက်တင်ဘာလ ၂၅

   အာရှတီထွင်မှုဆိုင်ရာရှေ့နေများအသင်း(APAA)မှ မြန်မာနိုင်ငံ၏ ကုန်အမှတ်တံဆိပ် မူပိုင်ခွင့်ဆိုင်ရာဖွံ့ဖြိုးတိုးတက်မှုများနှင့်စပ်လျဉ်းသည့်ဆွေးနွေးပွဲကို ၂၀၂၃ခုနှစ်၊ စက်တင်ဘာလ ၂၅ ရက်နေ့၊ နေ့လယ် (၂:၀၀) အချိန်၌ Virtual စနစ်ဖြင့် ကျင်းပခဲ့ရာ အဆိုပါဆွေးနွေးပွဲသို့ မူပိုင်ခွင့်ဦးစီးဌာန ညွှန်ကြားရေးမှူးချုပ် ဒေါက်တာမိုးမိုးသွယ် တက်ရောက်၍ Keynote Speech ပြောကြားခဲ့ပါသည်။

   အဆိုပါဆွေးနွေးပွဲကို အာရှတီထွင်မှုဆိုင်ရာရှေ့နေ့များအသင်း(APAA)၏ အဖွဲ့ဝင်များအား မြန်မာနိုင်ငံတွင် ကုန်အမှတ်တံဆိပ်မူပိုင်ခွင့်ဥပဒေဆိုင်ရာ ဖွံ့ဖြိုးတိုးတက်မှုအခြေအနေများနှင့် ကုန်အမှတ်တံဆိပ်မူပိုင်ခွင့်အကာအကွယ်ပေးမှုဆိုင်ရာ ဆောင်ရွက်နေမှုအခြေအနေများကိုသိရှိစေရန် ရည်ရွယ်၍ ကျင်းပခြင်းဖြစ်ပါသည်။

   အဆိုပါဆွေးနွေးပွဲတွင် မြန်မာနိုင်ငံ၏ မူပိုင်ခွင့်ဆိုင်ရာဆောင်ရွက်နေမှုအခြေအနေများ၊ ကုန်အမှတ်တံဆိပ်မူပိုင်ခွင့်ဥပဒေအရမှတ်ပုံတင်ခြင်းစနစ်များ၊ စစ်ဆေးခြင်းစနစ်များနှင့် အရေးယူဆောင်ရွက်မှုအခြေအနေများနှင့်စပ်လျဉ်း၍ မူပိုင်ခွင့်ဦးစီးဌာနမှ ညွှန်ကြားရေးမှူးချုပ်၊ အကောက်ခွန်ဦးစီးဌာနမှ တာဝန်ရှိသူကိုယ်စားလှယ်နှင့် မြန်မာနိုင်ငံဥပဒေအကျိုးဆောင်လုပ်ငန်းများမှ တာဝန်ရှိသူ ကိုယ်စားလှယ်များက ပါဝင်ဆွေးနွေးခဲ့ကြပြီး ဆွေးနွေးပွဲသို့ (၉၇)ဦးခန့် ပါဝင်တက်ရောက်ခဲ့ပါကြောင်း သတင်းရရှိသည်။

နေပြည်တော်၊ စက်တင်ဘာ ၁၈

   တရုတ်ပြည်သူ့သမ္မတနိုင်ငံ၊ နန်နင်းမြို့၌ ၂၀၂၃ ခုနှစ်၊ စက်တင်ဘာလ ၁၅ ရက်မှ ၁၉ ရက်အထိ ကျင်းပပြုလုပ်သည့် (၁၄) ကြိမ်မြောက် အာဆီယံနိုင်ငံများနှင့် တရုတ်ပြည်သူ့သမ္မတနိုင်ငံ မူပိုင်ခွင့်ရုံးတို့၏ ဌာနကြီးမှူးများ တွေ့ဆုံသည့် အစည်းအဝေးသို့  စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ မူပိုင်ခွင့်ဦးစီးဌာနမှ ညွှန်ကြားရေးမှူးချုပ်ဦးဆောင်သော မြန်မာကိုယ်စားလှယ်အဖွဲ့ တက်ရောက်ခဲ့ပါသည်။

  အာဆီယံနိုင်ငံများနှင့်တရုတ်ပြည်သူ့သမ္မတနိုင်ငံ မူပိုင်ခွင့်ရုံးတို့အကြား ပူးပေါင်းဆောင်ရွက်မှုများ မြှင့်တင်နိုင်စေရန်၊ ဒေသတွင်းစီးပွားရေးဖွံ့ဖြိုးတိုးတက်မှု အထောက်အပံ့ဖြစ်စေရန်အတွက် အပြန်အလှန်ဆွေးနွေးနိုင်စေရန်နှင့် အတွေ့အကြုံများ မျှဝေနိုင်စေရန် ရည်ရွယ်၍ အဆိုပါအစည်းအဝေးပွဲကို ကျင်းပခြင်းဖြစ်ပါသည်။

  အဆိုပါအစည်းအဝေးပွဲတွင် မူပိုင်ခွင့်ဦးစီးဌာန၊ ညွှန်ကြားရေးမှူးချုပ်က မြန်မာနိုင်ငံ၏ မူပိုင်ခွင့်ဆိုင်ရာ ကိစ္စရပ်များနှင့်စပ်လျဉ်း၍ အကောင်အထည်ဖော်ဆောင်ရွက်နေမှု အခြေအနေများကို တင်ပြဆွေးနွေးခဲ့ပြီး  တက်ရောက်လာသည့် အာဆီယံအဖွဲ့ဝင်နိုင်ငံများမှ  မူပိုင်ခွင့်ရုံးတို့၏ ဌာနကြီးမှူးများမှလည်း မိမိတို့နိုင်ငံအလိုက်   အကောင်အထည်ဖော်ဆောင်ရွက်နေသည့် မူပိုင်ခွင့်ဆိုင်ရာကိစ္စရပ်များကို ရှင်းလင်းဆွေးနွေးခဲ့ပါသည်။ အစည်းအဝေးတွင် အာဆီယံဒေသတွင်း မူပိုင်ခွင့်ဆိုင်ရာကိစ္စရပ်များနှင့်စပ်လျဉ်း၍ အတွေ့အကြုံများကို ဖလှယ်နိုင်ခဲ့ပြီး ၊ ၂၀၂၃-၂၀၂၄ အာဆီယံ-တရုတ် မူပိုင်ခွင့်ဆိုင်ရာ ပူးပေါင်းဆောင်ရွက်မည့် အစီအစဉ်များကို ဆွေးနွေးခဲ့ကြပါသည်။ အဆိုပါအစည်းအဝေးပွဲနှင့်တစ်ဆက်တည်း အာဆီယံ-တရုတ် မူပိုင်ခွင့်ဆိုင်ရာကိစ္စရပ်များနှင့်စပ်လျဉ်းသည့် ပူးပေါင်းဆောင်ရွက်မှုဆိုင်ရာဖိုရမ်သို့လည်း မြန်မာနိုင်ငံမှ ကိုယ်စားလှယ်အဖွဲ့ ပါဝင်တက်ရောက်ခဲ့ကြောင်း သတင်းရရှိသည်။