သတင်းများ

   ကမ္ဘာ့မူပိုင်ခွင့်နေ့(၂၀၂၄) အထိမ်းအမှတ်အခမ်းအနားကို ၂၀၂၄ ခုနှစ်၊ ဧပြီလ ၂၆ ရက်၊ သောကြာနေ့၊ နံနက် ၉:၀၀ နာရီတွင် နေပြည်တော်ရှိ ရုံးအမှတ် (၃)၊ စီးပွားရေးနှင့်ကူးသန်းရောင်းဝယ်ရေးဝန်ကြီးဌာန ညီလာခံခန်းမ၌ ကျင်းပရာ မူပိုင်ခွင့်ဆိုင်ရာဗဟိုကော်မတီ ဒုတိယဥက္ကဋ္ဌ၊ ပြည်ထောင်စုဝန်ကြီး၊ စီးပွားရေးနှင့်ကူးသန်းရောင်းဝယ်ရေးဝန်ကြီးဌာန ဦးထွန်းအုံ တက်ရောက် အဖွင့်အမှာစကား ပြောကြားသည်။

   ထို့နောက် စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ မူပိုင်ခွင့်ဦးစီးဌာန ညွှန်ကြားရေးမှူးချုပ်က ကမ္ဘာ့မူပိုင်ခွင့်အဖွဲ့မှ ပေးပို့လာသော သဝဏ်လွှာကို ဖတ်ကြားခြင်း၊  မူပိုင်ခွင့်ဦးစီးဌာန၏ လှုပ်ရှားမှုမှတ်တမ်း Documentary ကို ပြသခြင်း၊ မူပိုင်ခွင့်ဦးစီးဌာနနှင့် မြန်မာ့ရုပ်ရှင်အစည်းအရုံးတို့မှ ပူးပေါင်းတင်ဆက်သည့် မူပိုင်ခွင့်အသိပညာပေး ဇာတ်လမ်းတိုပြသခြင်း၊  ကမ္ဘာ့မူပိုင်ခွင့်နေ့အထိမ်းအမှတ် ပြိုင်ပွဲများတွင် ဆုရရှိသူများအား ဆုများချီးမြှင့်ခြင်းနှင့် ဂုဏ်ပြုလက်ဆောင်များပေးအပ်ခြင်းတို့ကို ဆောင်ရွက်ခြင်းနှင့် မြန်မာနိုင်ငံဂီတအစည်းအရုံးမှ တင်ဆက်သည့် ကမ္ဘာ့မူပိုင်ခွင့်နေ့ (၂၀၂၄) အထိမ်းအမှတ် အခမ်းအနား သီချင်းဖြင့် ဖျော်ဖြေခဲ့ပါသည်။

   ဆက်လက်၍ စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ မူပိုင်ခွင့်ဦးစီးဌာနမှ ဒုတိယညွှန်ကြားရေးမှူးချုပ်က “စီးပွားဂေဟစနစ် ဖွံ့ဖြိုးတိုးတက်စေဖို့ မူပိုင်ခွင့်ဖြင့်ကာကွယ်စို့” ခေါင်းစဉ်ဖြင့် လည်းကောင်း၊ သိပ္ပံနှင့်နည်းပညာဝန်ကြီးဌာန၊ သုတေသနနှင့်တီထွင်ဆန်းသစ်မှု ဦးစီးဌာနမှ ညွှန်ကြားရေးမှူးချုပ်က “ဆန်းသစ်တီထွင်ဖန်တီးမှုနှင့်မူပိုင်ခွင့်” ခေါင်းစဉ်ဖြင့် လည်းကောင်း၊ ပြည်ထောင်စုတရားစီရင်ရေးကြီးကြပ်မှုရုံး၊  ပြည်ထောင်စုတရားလွှတ်တော်ချုပ်ရုံးမှ ညွှန်ကြားရေးမှူးချုပ်က “တားဆီးကာကွယ် မူပိုင်ခွင့်ချိုးဖောက်မှု အန္တရာယ်” ခေါင်းစဉ်ဖြင့် လည်းကောင်း တင်ပြဆွေးနွေးခဲ့ကြပါသည်။

   အခမ်းအနားသို့ မူပိုင်ခွင့်ဆိုင်ရာ ဗဟိုကော်မတီ ဒုတိယဥက္ကဋ္ဌ၊ စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ ပြည်ထောင်စုဝန်ကြီးနှင့် သက်ဆိုင်ရာဝန်ကြီးဌာနများမှ ပြည်ထောင်စုဝန်ကြီးများ၊ ဒုတိယဝန်ကြီးများ၊ ညွှန်ကြားရေးမှူးချုပ်များ၊ အထူးဖိတ်ကြားထားသော ဧည့်သည်တော်များ၊ ဌာနဆိုင်ရာများမှ တာဝန်ရှိသူများ၊ အစိုးရ မဟုတ်သော အဖွဲ့အစည်းများမှ ကိုယ်စားလှယ်များ၊  မူပိုင်ခွင့်ဆိုင်ရာအကျိုးဆောင်ကိုယ်စားလှယ်များ ပါဝင်တက်ရောက်ကြသည်။

   ထို့နောက် ကမ္ဘာ့မူပိုင်ခွင့်နေ့ အထိမ်းအမှတ်အဖြစ် မူပိုင်ခွင့်ဦးစီးဌာနမှ ခင်းကျင်းပြသထားသည့် ပြခန်းသို့ လှည့်လည်ကြည့်ရှုကာ အခမ်းအနားကို ရုပ်သိမ်းခဲ့ကြောင်း သတင်းရရှိပါသည်။

၁။      စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ မူပိုင်ခွင့်ဦးစီးဌာနသည် ၂၀၂၄ ခုနှစ်၊ ဧပြီလ (၂၆)ရက်နေ့တွင် ကမ္ဘာ့မူပိုင်ခွင့်နေ့အခမ်းအနားကို ကျင်းပပြုလုပ်မည်ဖြစ်ပါသဖြင့် ကမ္ဘာ့မူပိုင်ခွင့်နေ့ အထိမ်းအမှတ် ဆောင်ပုဒ်ဖြစ်သည့် “Building our Common Future with Innovation and Creativity” ခေါင်းစဉ်ဖြင့် Animation၊ ကွန်ပျူတာပိုစတာ နှင့် TikTok ပြိုင်ပွဲများအား မြန်မာနိုင်ငံသား မည်သူမဆို တစ်ဦးချင်းဖြစ်စေ၊ အဖွဲ့လိုက်ဖြစ်စေ ပါဝင်ယှဉ်ပြိုင်နိုင်ရန် ဖိတ်ခေါ်အပ်ပါသည်။

၂။       ပြိုင်ပွဲစည်းကမ်းသတ်မှတ်ချက်များမှာ အောက်ပါအတိုင်း ဖြစ်ပါသည်-

(က)    Animation ပြိုင်ပွဲအတွက် စည်းကမ်းသတ်မှတ်ချက်များ

(၁)   Entry works (details of entry, character-line-up နှင့် storyboard) တို့ဖြင့် ပြိုင်ပွဲခေါင်းစဉ်ကို ပေါ်လွင်အောင် ယှဉ်ပြိုင်ရမည်ဖြစ်ပါသည်။

(၂)    ယှဉ်ပြိုင်မှုခေါင်းစဉ်နှင့် သရုပ်ဖော်ပြသချက်ကို မြန်မာဘာသာ(သို့) အင်္ဂလိပ်ဘာသာဖြင့်သာဖော်ပြရမည်။

(၃)   စက္ကန့် (၁၂၀)ခန့် (Animation video) ဖန်တီးထုတ်လုပ်နိုင်ရမည်။

(၄)   ယှဉ်ပြိုင်မှုသည် ကိုယ်တိုင်ဖန်တီးမှုသာဖြစ်ရမည်။ အခြားသူများ၏ လက်ရာများ အားမှီငြမ်း ပြုလုပ်ထားသည့် လက်ရာများ (သို့) ယခင်ရှိပြီးသား Animation လက်ရာများဖြင့် ဝင်ရောက်ယှဉ်ပြိုင်ခြင်းမပြုရ။

(၅)   Animation ထုတ်လုပ်မှု၏ နည်းပညာများသည် အမျိုးအစားကွဲပြားသော Animation နည်းပညာများနှင့် Animation ထုတ်လုပ်မှုနည်းပညာရပ်များသို့ ပြောင်းလဲထုတ်လုပ်နိုင်ရမည်။

(၆)   Image ၊ sound နှင့် story တို့အား အသံပိုင်းဆိုင်ရာ နည်းပညာရပ်များနှင့် line effects စသည့် နည်းပညာရပ်များ အသုံးပြုခြင်းအားဖြင့် ပြည့်စုံစွာ ဇာတ်လမ်း ဖန်တီးနိုင်မှုရှိရမည်။

(၇)   Animation work အတွက် နောက်ခံ Sound track ကို မူပိုင်ခွင့်ဦးစီးဌာန website ၏ သတင်းများ (news) Menu အောက်ရှိ ပြိုင်ပွဲဖိတ်ခေါ်ခြင်း စာမျက်နှာဖြစ်သည့် https://www.ipd.gov.mm/news/post-97 လင့်ခ်ရှိ sound track ဒေါင်းလုပ်ရယူ ရန် နေရာမှတစ်ဆင့် ရယူနိုင်ပါသည်။

(၈)   File format သည် mpeg/ wmv/ avi ၊ အနည်းဆုံး 720*579 pixels နှင့် File size သည် 20MB ထက်မပိုစေရ။

(၉)   သရုပ်ဖော်တင်ဆက်မှု နှင့် အစီအစဉ်တင်ဆက်မှုတို့သည် ဇာတ်လမ်းဇာတ်ကွက် နှင့် လိုက်လျောမှုရှိပြီး အနုပညာလက်ရာဒီဇိုင်းကို ထူးခြားစွာ ပုံရိပ်ဖော်နိုင်ရမည်။

(၁၀) ပြိုင်ပွဲဝင်လက်ရာများသည် ဆုရရှိခဲ့သော လက်ရာ၊ စီးပွားရေးကြော်ငြာ၊ ပုံနှိပ် ထုတ်ဝေမီဒီယာ၊ ဝက်ဆိုဒ်ဘ်များ၊ Facebook နှင့် အခြား Social Platform တစ်ခုခုတွင် အသုံးပြုပြီးသော လက်ရာ မဖြစ်စေရ။

(၁၁) ပြိုင်ပွဲဝင်၏ Soft copy အား PDF file format နှင့် video format တို့ဖြင့် [email protected]  သို့ လည်းကောင်း၊ Hard copy အား DVD (သို့) VCD ဖြင့် လူကိုယ်တိုင်သော်လည်းကောင်း၊ စာတိုက်မှ သော်လည်းကောင်း ပေးပို့လျှောက်ထားရမည်။

(ခ)    ကွန်ပျူတာပိုစတာ ပြိုင်ပွဲအတွက် စည်းကမ်းသတ်မှတ်ချက်များ

(၁)   ပိုစတာဒီဇိုင်းသည် ပြိုင်ပွဲ ခေါင်းစဉ် (သို့) မူပိုင်ခွင့်ဆိုင်ရာ အကြောင်းအရာနှင့် ကိုက်ညီမှုရှိရမည်။

(၂)   Graphic Design ရေးဆွဲ၍ရသည့် မည်သည့် Software Application နှင့်မဆို စိတ်ကြိုက်ရေးဆွဲနိုင်သည်။

(၃)   ဖန်တီးသည့်ပိုစတာလက်ရာ၏ အကြီးဆုံး File Size မှာ 10MB ထက်မကြီးရ။

(၄)  ပိုစတာဒီဇိုင်းသည် ကိုယ်တိုင်ဖန်တီးမှုသာဖြစ်ရမည်ဖြစ်ပြီး ပိုစတာပါ အကြောင်း အရာ၊ သရုပ်ဖော်ပြချက်များနှင့် ပုံများသည် အခြားသူများ၏ မူပိုင်ခွင့်လက်ရာ များအား လက်ရာရှင်၏ ခွင့်ပြုချက်မရရှိဘဲ ကူးယူဖော်ပြခြင်းမပြုရ။

(၅)   ပိုစတာသည် 36"x48"အလျားလိုက် သို့မဟုတ် ဒေါင်လိုက်ရေးဆွဲနိုင်သည်။

(၆)   Screenshot ရိုက်ထားသော ပုံများထည့်သွင်းရေးဆွဲခြင်းမပြုရ။

(၇)   ယှဉ်ပြိုင်မည့် ပိုစတာကို Resolution (300 dpi)နှင့် JPG (သို့) PNG Format ဖြင့် ရေးဆွဲရမည်။

(၈)   ဖန်တီးရေးဆွဲထားသော အကြောင်းအရာများအား စာဖြင့် အသေးစိတ် ရှင်းလင်း ဖော်ပြရမည်။

(၉)   ပြိုင်ပွဲဝင်လက်ရာများသည် ဆုရရှိခဲ့သော လက်ရာ၊ စီးပွားရေးကြော်ငြာ၊ ပုံနှိပ် ထုတ်ဝေမီဒီယာ၊ ဝက်ဆိုဒ်ဘ်များ၊ Facebook နှင့် အခြား Social Platform တစ်ခုခုတွင် အသုံးပြုပြီးသော လက်ရာ မဖြစ်စေရ။

(၁၀) ပြိုင်ပွဲဝင်၏ Soft copy အား JPG သို့ PNG Format တို့ဖြင့် worldipdaycontest@ ipdept.gov.mm  သို့ လည်းကောင်း၊ Hard copy အား DVD (သို့မဟုတ်) VCD ဖြင့် လူကိုယ်တိုင်သော်လည်းကောင်း၊ စာတိုက်မှ သော်လည်းကောင်း ပေးပို့လျှောက်ထားရမည်။

(ဂ)     TikTok ပြိုင်ပွဲအတွက် စည်းကမ်းသတ်မှတ်ချက်များ

(၁)     ပြိုင်ပွဲဝင်များသည် အသက် ၁၈ နှစ်မှ ၃၅နှစ်အတွင်း လူငယ်လူရွယ် ဝါသနာရှင်များ ပါဝင်ယှဉ်ပြိုင်နိုင်ပါသည်။

(၂)      TikTok ဗီဒီယိုတစ်ခုအား ပြိုင်ပွဲဝင်တစ်ဦးအနေဖြင့်သာ ပါဝင်ယှဉ်ပြိုင်ရမည် ဖြစ်ပြီး အသုံးပြုလျက်ရှိသည့် Active ဖြစ်သော TikTok Account တစ်ခုရှိရမည်။

(၃)     TikTok Application တွင် “#WorldIPDay2024MM” ဟု ရှာဖွေ၍ မူပိုင်ခွင့် ဦးစီးဌာန၏ TikTok account (IPD Myanmar) တွင် Original Sound ကို Download ရယူပြီး အသုံးပြုရမည် ဖြစ်ပါသည်။

(၄)     ပြိုင်ပွဲဝင်များသည် မိမိကိုယ်တိုင် ဖန်တီးထားသည့် အများဆုံး စက္ကန့် (၉၀) ခန့် TikTokကို မိမိတို့၏ ကိုယ်ပိုင် Account မှတစ်ဆင့် Public Post အဖြစ် hashtag “#WorldIPDay2024MM ” ကို အသုံးပြုပြီး Upload ပြုလုပ်ရ မည် ဖြစ်ပါသည်။

(၅)     ပြိုင်ပွဲဝင်များ ဖန်တီးထားသော TikTok Video သည် ပြိုင်ပွဲခေါင်းစဉ်နှင့် ကိုက် ညီမှု ရှိရမည်ဖြစ်ပါသည်။

(၆)     ပြိုင်ပွဲဝင် TikTok လက်ရာများကို Likes ၊ Shares နှင့် Comments အများ ဆုံးအပေါ်အခြေခံ၍သတ်မှတ်ထားသော စည်းမျဉ်းစည်းကမ်းများနှင့်အညီ အကဲဖြတ် အမှတ်ပေးမည်ဖြစ်သည်။

(၇)     ပြိုင်ပွဲဝင်လက်ရာများသည် ဆုရရှိခဲ့သော လက်ရာ၊ စီးပွားရေးကြော်ငြာ၊ ပုံနှိပ် ထုတ်ဝေမီဒီယာ၊ ဝက်ဆိုဒ်ဘ်များ၊ Facebook နှင့် အခြား Social Platform တစ်ခုခုတွင် အသုံးပြုပြီးသော လက်ရာ မဖြစ်စေရ။

(၈)     ပြိုင်ပွဲဝင်၏ Soft copy အား mp4 (သို့) mov Format ဖြင့် [email protected]  သို့ လည်းကောင်း၊ Hard copy အား DVD (သို့) VCD ဖြင့် လူကိုယ်တိုင်သော်လည်းကောင်း၊ စာတိုက်မှ သော်လည်းကောင်း ပေးပို့လျှောက်ထား ရမည်။

(ဃ)   ဆုရွေးချယ်ရေးသတ်မှတ်ချက်

(၁)     ဆုများကို သက်ဆိုင်ရာ ကဏ္ဍအလိုက် ပထမ၊ ဒုတိယ၊ တတိယဆုတို့ကို ချီးမြှင့် သွားမည်။

(၂)      မည်သည့်ပြိုင်ပွဲမဆို ပါဝင်ယှဉ်ပြိုင်သူသည် တစ်ဦးတည်းဖြစ်စေ၊ အဖွဲ့လိုက် ဖြစ်စေ ဆုရရှိပါက အဖွဲ့ကိုယ်စား တစ်ယောက်ကိုသာ ဆုလက်ဆောင်ပေးအပ် သွားမည်ဖြစ်ပါသည်။

(၃)     ဆုရွေးချယ်မှုနှင့်ပတ်သက်၍ တစ်စုံတစ်ရာအငြင်းပွားဖွယ်ရာ ဖြစ်ပေါ်လာပါက ပြိုင်ပွဲ ကျင်းပရေးနှင့် ဆုချီးမြှင့်ရေးလုပ်ငန်းကော်မတီ (ဆုရွေးချယ်ရေး) အဖွဲ့၏ ဆုံးဖြတ်ချက်သည် အတည်ဖြစ်သည်။

(၄)     ကမ္ဘာ့မူပိုင်ခွင့်နေ့(၂၀၂၄)တွင် ဆုရရှိသူသည် လက်ရာ၏ မူလပိုင်ရှင်ဖြစ်သော်လည်း လက်ရာများအား အသုံးပြုခွင့်ကို မူပိုင်ခွင့်ဦးစီးဌာနသို့ ခွင့်ပြုပေးရမည်ဖြစ်သည်။

(၅)     ပြိုင်ပွဲဝင်လက်ရာများနှင့် ပြိုင်ပွဲဝင်များ၏ အမည်များအား မူပိုင်ခွင့်ဦးစီးဌာနမှ အများ ပြည်သူသိရှိနိုင်စေရန် ထုတ်လွှင့်ခြင်းတွင် အသုံးပြုခြင်းအား ပြိုင်ပွဲဝင်ထံ ထပ်မံ ခွင့်ပြုချက်တောင်းခံမည်မဟုတ်ပါ။ 

(၆)    ပြိုင်ပွဲဝင်လက်ရာများပေးပို့လျှောက်ထားရာတွင် ပြိုင်ပွဲဝင်၏ အမည် (သို့) ပြိုင်ပွဲဝင် အဖွဲ့၏ အမည်နှင့် အဖွဲ့ခေါင်းဆောင် အပါအဝင်အဖွဲ့ဝင်များ အားလုံး၏အမည် အပြည့်အစုံ စသည်တို့ကို Paper Size A4၊ Pyidaungsu font နှင့် Font Size-13 ဖြင့် ဖော်ပြရမည်ဖြစ်ပြီး ပြိုင်ပွဲဝင်သူများသည် ပြိုင်ပွဲအမျိုးအစားအလိုက် ကိုယ်တိုင် ဖန်တီးထားခြင်းဖြစ်ကြောင်း ဝန်ခံချက်ရေးသား၍ အမည်၊ အသက်၊ မှတ်ပုံတင်အမှတ်၊ အဘအမည်၊ နေရပ်လိပ်စာ၊ ဖုန်းနံပါတ်၊ လိုင်စင်ဓါတ်ပုံ (၃)ပုံတို့နှင့်အတူ ပေးပို့ရမည် ဖြစ်သည်။

(၇)    ပြိုင်ပွဲဝင် “Animation၊ ကွန်ပျူတာပိုစတာ နှင့် TikTok” လက်ရာများကို မူပိုင်ခွင့်ဦးစီးဌာန၊ ရုံးအမှတ်(၅၂)၊ နေပြည်တော်သို့ လူကိုယ်တိုင်(သို့မဟုတ်) စာတိုက်မှ လည်းကောင်း၊ Soft Copy များကို [email protected] သို့ လည်းကောင်း ၂၀၂၄ ခုနှစ်၊ ဧပြီလ (၉) ရက်နေ့၊ ညနေ (၁၅:၀၀) နာရီ အချိန် နောက်ဆုံးထား၍ ဆက်သွယ်ပေးပို့ရမည်ဖြစ်သည်။

Animation အတွက် sound track ဒေါင်းလုပ်ရယူရန်

Sound Track 1

Sound Track 2

***ပြိုင်ပွဲနှင့်စပ်လျဉ်း၍ သိရှိလိုသည်များ ဆက်သွယ်မေးမြန်းလိုပါက ၀၆၇-၄၃၀၅၇၄ သို့ ဆက်သွယ်စုံစမ်းမေးမြန်းနိုင်ပါသည်။

                                                                                                                                                         မူပိုင်ခွင့်ဦးစီးဌာန

                                                                                                                              စီးပွားရေးနှင့်ကူးသန်းရောင်းဝယ်ရေးဝန်ကြီးဌာန

နေပြည်တော်၊ မတ်လ ၄

   စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၏ အရာထမ်းများအတွက် စေ့စပ်ညှိနှိုင်း ဖြေရှင်းခြင်းဆိုင်ရာသိကောင်းစရာများ၊ လက်တွေ့လုပ်ဆောင်ခြင်းများနှင့်စပ်လျဉ်း၍ အသိပညာပေး ဆွေးနွေးပွဲကို မတ်လ ၄ ရက်နေ့နံနက် ၁၀ နာရီ အချိန်တွင် နေပြည်တော်ရှိ ရုံးအမှတ် (၅၂)၊ မူပိုင်ခွင့်ဦးစီးဌာန၊ အစည်းအဝေးခန်းမ၌ Hybrid စနစ်ဖြင့်ကျင်းပရာ မူပိုင်ခွင့်ဦးစီးဌာန ညွှန်ကြားရေးမှူးချုပ် ဒေါက်တာမိုးမိုးသွယ် တက်ရောက်အမှာစကားပြောကြားသည်။

  ဆက်လက်၍ အသိပညာပေးဆွေးနွေးပွဲသို့ စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ မူပိုင်ခွင့်ဦးစီးဌာနမှ ဒုတိယညွှန်ကြားရေးမှူးချုပ်၊ ညွှန်ကြားရေးမှူးများနှင့် ပြည်ထောင်စုဝန်ကြီးရုံး၊ ဦးစီးဌာနများမှ အရာထမ်းများတက်ရောက်ကြသည်။

  အဆိုပါဆွေးနွေးပွဲတွင် မူပိုင်ခွင့်ဦးစီးဌာန၊ ညွှန်ကြားရေးမှူးချုပ်က အဖွင့်အမှာစကားပြောကြားရာတွင် စေ့စပ်ညှိနှိုင်းဖြေရှင်းခြင်းနှင့်စပ်လျဉ်းပြီး စီးပွားရေးနှင့်ကူးသန်းရောင်းဝယ်ရေးဝန်ကြီးဌာနရှိ ဝန်ထမ်းများ စားသုံးသူကာကွယ်ရေးဥပဒေအရ စေ့စပ်ညှိနှိုင်းဖြေရှင်းခြင်းလုပ်ငန်းများ လုပ်ဆောင်နေသည့် ဝန်ထမ်းများကို မြန်မာနိုင်ငံတွင် ကျင့်သုံးနေသည့် စေ့စပ်ညှိနှိုင်းဖြေရှင်း ခြင်းနည်းလမ်းများနှင့် နိုင်ငံတကာ၌ ကျင့်သုံးလျက်ရှိသည့် နည်းလမ်းများကို သိရှိနိုင်စေရန် ရည်ရွယ်ပြီး ကျင်းပရခြင်းဖြစ်ပါကြောင်း၊ စေ့စပ်ညှိနှိုင်းဖြေရှင်းခြင်းနည်းလမ်းကို  ဖြေရှင်းခြင်း အားဖြင့် အချိန်ကုန်သက်သာခြင်း၊ ကုန်ကျစရိတ်သက်သာခြင်းနှင့်  ကိုယ်တိုင်ပါဝင်ဆောင်ရွက်ရ သည့်အတွက် စိတ်ကျေနပ်မှုရရှိစေခြင်း၊ တရားစွဲဆိုခြင်းနည်းလမ်းအပြင် နှစ်ဦးနှစ်ဖက်ချစ်ကြည်စွာ ဖြေရှင်းခြင်းနှင့် အနုညာတစီရင်ဆုံးဖြတ်ခြင်းများဖြင့် ဆောင်ရွက်နိုင်ပါကြောင်း၊ မူပိုင်ခွင့်ဥပဒေများ အာဏာသက်ဝင်လာပြီဖြစ်သည့်အတွက် ဖြစ်ပေါ်လာမည့် မူပိုင်ခွင့်ဆိုင်ရာအငြင်းပွားမှုများကို ဖြေရှင်းဆောင်ရွက်ရာတွင် အဆိုပါနည်းလမ်းများအသုံးပြုနိုင်ရေး ဆောင်ရွက်သွားမည် ဖြစ်ပါ ကြောင်း၊ ယခုဆွေးနွေးပွဲမှ မြန်မာနိုင်ငံတွင် ကျင့်သုံးလျက်ရှိသည့် တရားရုံးက ဦးဆောင်သည့် စေ့စပ်ညှိနှိုင်းဖြေရှင်းခြင်းနည်းလမ်းများ၊ နိုင်ငံတကာတွင် ကျင့်သုံးနေသည့် မူပိုင်ခွင့်ဆိုင်ရာ စေ့စပ်ညှိနှိုင်းဖြေရှင်းခြင်းအလေ့အထများ၊ စေ့စပ်ညှိနှိုင်းပေးသူအနေဖြင့် ရှိသင့်ရှိထိုက်သည့် ကျင့်ဝတ်များသိရှိနားလည်နိုင်မည်ဖြစ်ပါကြောင်း၊ ယခုဆွေးနွေးပွဲမှ ရရှိလာသည့် အသိပညာအတွေ့အကြုံများကို အခြေခံပြီး မိမိတို့ဆောင်ရွက်နေသည့် အငြင်းပွားမှုများကို ပေါင်းစပ်ညှိနှိုင်း ဆောင်ရွက်ကြခြင်းအားဖြင့် အောင်မြင်သော စေ့စပ်ညှိနှိုင်းဖြေရှင်းခြင်းရလဒ်များ ဖြစ်ပေါ်လာမှာ ဖြစ်ကြောင်း တိုက်တွန်းပြောကြားခဲ့သည်။

  ထို့နောက် စေ့စပ်ညှိနှိုင်းဖြေရှင်းခြင်းနည်းလမ်းအား နိုင်ငံတကာတွင် ကျင့်သုံးဆောင်ရွက်မှုများနှင့်စပ်လျဉ်း၍ မူပိုင်ခွင့်ဦးစီးဌာန၊ ဒုတိယညွှန်ကြားရေးမှူးချုပ် ဒေါက်တာနှင်းနွယ်အေးမှ လည်းကောင်း၊ တရားရုံးကဦးဆောင်သော စေ့စပ်ညှိနှိုင်းဖြေရှင်းရေးလုပ်ငန်းများအကြောင်း နှင့်စပ်လျဉ်း၍ ပြည်ထောင်စုတရားစီရင်ရေးကြီးကြပ်မှုရုံးမှ ဒုတိယညွှန်ကြားရေးမှူး၊ ဒေါက်တာသိမ့်သိမ့်ထွေး မှလည်းကောင်း၊ မြန်မာနိုင်ငံတွင် ကျင့်သုံးလျက်ရှိသည့် စေ့စပ်ညှိနှိုင်းဖြေရှင်းခြင်းအကြောင်း သိကောင်းစရာများနှင့်စပ်လျဉ်း၍ ဥပဒေအကြံဉာဏ်ပေးရေးဦးစီးဌာနမှ ဒုတိယညွှန်ကြားရေးမှူး၊ ဒေါ်ခင်မြတ်မွန်မှလည်းကောင်း ဟောပြောဆွေးနွေးခဲ့ပါသည်။ အဆိုပါ အသိပညာပေးဆွေးနွေးပွဲ သို့ တက်ရောက်လာသည့် အရာထမ်းများမှ သိလိုသမျှမေးမြန်းခဲ့မှုအပေါ် တာဝန်ရှိသူများမှ ပြန်လည်ရှင်းလင်းဖြေကြားခဲ့ပြီး ဆွေးနွေးပွဲကို နေ့လယ် (၁၅:၅၀) နာရီအချိန်တွင် ရုပ်သိမ်းခဲ့ကြောင်း သတင်းရရှိသည်။

The ASEAN Magazine "ASEAN 2045: Shaping a Green, Connected, and Sustainable Tomorrow" အား အသေးစိတ်သိရှိလိုပါက အောက်ဖော်ပြပါ လင့် တို့တွင် ဝင်ရောက်ရယူနိုင်ပါသည်-

https://asean.org/serial/the-asean/

https://theaseanmagazine.asean.org/