၂၀၂၃ ခုနှစ်၊ မေလ၂၄ ရက်နေ့
၂၀၂၃-၂၀၂၄ ဘဏ္ဍာနှစ်၊ မေလ (၁-၅-၂၀၂၃ မှ ၂၃-၅-၂၀၂၃ ထိ)ပို့ကုန် (၀.၄၆၅) ဒေါ်လာသန်း၊ သွင်းကုန် (၀.၀၀၁) ဒေါ်လာသန်း၊ ကုန်သွယ်မှုပမာဏ (၀.၄၆၆) ဒေါ်လာသန်း ဆောင်ရွက်နိုင်ခဲ့သည်။ တင်ပို့ခဲ့သည့်လယ်ယာထွက်ကုန်ပစ္စည်းများမှာ ကွမ်းသီးတန်ချိန် (၅၄) တန်၊ တန်ဖိုး (၀.၀၅၄) ဒေါ်လာသန်း၊ အုန်းသီး တန်ချိန် (၇)တန်၊ တန်ဖိုး (၀.၀၀၃) ဒေါ်လာသန်း ၊ ဇီးသီးခြောက် တန်ချိန် (၁၄၈.၅)တန်၊ တန်ဖိုး (၀.၀၂၅) ဒေါ်လာသန်း ၊ ဂျင်း(အစို) တန်ချိန် (၈၀)တန်၊ တန်ဖိုး (၀.၀၃၈) ဒေါ်လာသန်း ၊ သရက်သီး တန်ချိန် (၃.၅)တန်၊ တန်ဖိုး (၀.၀၀၂) ဒေါ်လာသန်း ၊ မရမ်းသီး တန်ချိန် (၁၃.၅)တန်၊ တန်ဖိုး (၀.၀၀၃) ဒေါ်လာသန်းနှင့် ဒညင်းသီးတန်ချိန် (၄၆.၅)တန်၊ တန်ဖိုး (၀.၀၁၄) ဒေါ်လာသန်း၊ စုစုပေါင်း တန်ချိန် (၃၅၃) တန်၊ တန်ဖိုး (၀.၁၃၉) ဒေါ်လာသန်း တင်ပို့ခဲ့သည်။
စစ်တွေမှ မောင်တောသို့ အထက်ကုန်ကားခ တစ်ပိဿာ ကုန်ကျစရိတ်အနေဖြင့် ကုန်ကျစ် တစ်ပိဿာကျပ် (၇၀) ကျပ်၊ ကုန်ပွတစ်ပိဿာ ကျပ် (၁၁၀) ကျပ်ဈေးရှိပြီး၊ အဆင်းကုန်ကားခ ကုန်ကျစ် တစ်ပိဿာ ကျပ် (၅၀) ကျပ်နှင့် ကုန်ပွတစ်ပိဿာ ကျပ် (၈၀) ကျပ်ဈေးရှိကြောင်း သိရှိရသည်။
တနင်္သာရီတိုင်းဒေသကြီးမှ ထွက်ရှိသည့် ကဏန်းများအား မောတောင်ကုန်သွယ်ရေးစခန်းမှ ထိုင်း နိုင်ငံဘက်သို့ ပုံမှန်တင်ပို့လျက်ရှိသည်။ ပုံမှန်အားဖြင့် ကဏန်းဖမ်းဆီးမှုအား (၁)ပတ်ဖမ်း၊ (၁)ပတ်နားစနစ် ဖြင့် ဖမ်းယူကြပြီး ဖမ်းဆီးရမိသည့် ကဏန်းများအား နေ့ချင်းတင်ပို့မှုများရှိသကဲ့သို့ ရက်ပိုင်းခေတ္တထိန်းသိမ်း ထားပြီးမှ တင်ပို့မှုများလည်းရှိသည်။
၂၀၂၃ ခုနှစ်၊ မေလ ၁ ရက်နေ့မှ ၂၃ ရက်နေ့အထိ မောတောင်ကုန်သွယ်ရေးစခန်းမှ ထိုင်းနိုင်ငံဘက် သို့ ကဏန်းမဲအရှင် (Live Mud Crab) (18700 KG) ခန့်တင်ပို့နိုင်ခဲ့သည်။
လက်ရှိပေါက်ဈေးအနေဖြင့် ကဏန်းမဲအရှင် (1) KG လျှင် (141.67) ဘတ် ရရှိလျက်ရှိသည်ကို တွေ့ရှိရသည်။
တာချီလိတ်ကုန်သွယ်ရေးစခန်းအနေဖြင့် အများဆုံးပို့ကုန်ပစ္စည်းများမှာပြောင်း၊ ပုဇွန်ဖွဲ၊ ကြက် သွန်ဖြူ၊ ကြေးနီ၊ ကတ္ထူစက္ကူ၊ ရော်ဘာ၊ ဇီးသီးစေ့ဖြစ်ပြီးယင်းပစ္စည်းများအနက် ပြောင်းနှင့် ပုဇွန်ဖွဲများ ပိုမိုတင်ပို့လျက်ရှိသည်။ ပြောင်းသီးနှံအားရှမ်းပြည်နယ်(တောင်ပိုင်း) သယ်ယူတင်ပို့ လျက်ရှိရာ ယခုသီတင်းပတ်တွင် ပြောင်းဈေးမှာတစ်တန်လျှင်ဈေးနှုန်းမှာ(၈၇၇၈၀၀)ကျပ်ဖြင့် တန်ချိန်(၆၁၈၃.၈၀၅)တန် တင်ပို့နိုင်ခဲ့ပြီး သယ်ယူစရိတ်မှာ ကားခတစ်ပိသာ(၁၈၀)ကျပ် ကုန်ကျ ခဲ့သည်။ ပုဇွန်ဖွဲအားရန်ကုန်မှ သယ်ယူတင်ပို့လျက်ရှိရာယခုသီတင်းပတ်တွင် ပုဇွန်ဖွဲဈေးနှုန်းမှာ တစ်တန်လျှင်(၁၀၀၈၀၀၀)ကျပ်ဖြင့် တန်ချိန်(၃၈၈)တန် တင်ပို့နိုင်ခဲ့ပြီး သယ်ယူစရိတ်မှာ ကားခ တစ်ပိသာ(၃၃၀)ကျပ် ကုန်ကျသည်။ ပြင်ပငွေလဲနှုန်းအနေဖြင့် ကျပ်(၁)သိန်းလျှင် (၁၁၇၅) ဘတ် ဖြစ်ပေါ်ခဲ့သည်။
တာချီလိတ်ကုန်သွယ်ရေးစခန်းအနေဖြင့် အများဆုံးသွင်းကုန်ပစ္စည်းများမှာ စက်သုံးဆီ၊ ဘိလပ်မြေ၊ စက်သုံးဆီ၊ အုတ်၊ သံနှင့်သံမဏိဆောက်လုပ်ရေးပစ္စည်းများ ၊ ကာဗွန်ပုံဆောင်ခဲ ၊ ကွန်ကရစ် အမိုး၊ ကြွေပြား၊ ကွန်ကရစ်အပြား၊ သွပ်ပြားတို့ဖြစ်ပြီးယင်းပစ္စည်းများအနက် စက်သုံးဆီ၊ ဘိလပ်မြေနှင့် ဆောက်လုပ်ရေးသုံးပစ္စည်းများ တင်သွင်းလျက်ရှိသည်။ ဘိလပ်မြေကို ယခုသီတင်း ပတ်တွင် တစ်တန် ဈေးနှုန်း(၂၂၀၀၀၀)ကျပ်ဖြင့် (၅၈၇၃)တန်ချိန် တင်သွင်းခဲ့သည်။ အဆင်းကုန် သယ်ယူစရိတ်မှာတာချီလိတ်မှ ကျိုင်းတုံသို့ ကုန်ကျစ်ကားခတစ်ပိသာ (၃၅)ကျပ်နှင့် ကုန်ပွ တစ်ပိသာ(၅၀)ကျပ် ကုန်ကျခဲ့သည်။
မြဝတီကုန်သွယ်ရေးဇုန်မှ တစ်ဖက်နိုင်ငံသို့ ပို့ကုန်တင်ပို့မှုအနေဖြင့် (၂၁-၅-၂၀၂၃) ရက်နေ့မှ (၂၂-၅-၂၀၂၃) ရက်နေ့ထိ လယ်ယာထွက်ကုန်ပစ္စည်းများနှင့် CMP ပစ္စည်းများ တင်ပို့မှုရှိသည်။
လယ်ယာထွက်ကုန်ပစ္စည်းများ တင်ပို့မှုမှာ ပီလောပီနံ၊ ငရုတ်၊ ကြက်သွန်နီ၊ ပြောင်း၊ ကွမ်းသီးနှင့် မန်ကျည်းသီးတို့ဖြစ်ပါသည်။ ရေထွက်ကုန်ပစ္စည်းများမှာ ဂုံး၊ ခရု၊ ပုဇွန်၊ ငါးမွှေတိုး၊ ငါးခွေးလျှာနှင့် ငါးဓားလွယ် တို့ဖြစ်ပြီး CMP တင်ပို့မှုမှာ အမျိုးသား/အမျိုးသမီးဝတ် အထည်အလိပ်များ တင်ပို့လျက်ရှိသည်။
အများဆုံးပို့ကုန်ပစ္စည်းများ တင်ပို့မှုအနေဖြင့် ပြောင်း၊ ခဲသတ္တု၊ ကြက်သွန်နီ၊ ငရုတ်၊ CMP ၊ ပီလောပီနံ၊ ရေထွက်ကုန်ပစ္စည်း၊ ကွမ်းသီး၊ မန်ကျည်းသီးနှင့် အခြားပစ္စည်းတို့ဖြစ်သည်။ ယခုအခါ ထိုင်းနိုင်ငံမှခရီးသွား လုပ်ငန်းများ ပြန်လည်စတင်ခြင်းကြောင့် စားသောက်ကုန်လုပ်ငန်းများ တွင်ကျယ်စွာဆောင်ရွက်လာခြင်း နှင့် စားသောက်ဆိုင်များတွင် အသုံးပြုရန် လိုအပ်ချက်ကြောင့် ဝယ်လိုအားမြှင့်တက်နေ၍ ယခင်နှစ်ထက် ပိုမို တင်ပို့နိုင်ခဲ့ခြင်းဖြစ်သည်။
ပုပ်သိုးပျက်စီးလွယ်သည့် ရေထွက်ကုန်ပစ္စည်းများ၊ ကုန်စိမ်းပို့ကုန်များဖြစ်သည့် ကြက်သွန်နီနှင့် ငရုတ်များကို အမြန်တင်ပို့နိုင်ရေးအတွက် ကုန်သွယ်ရေးဇုန်မှအချိန်နှင့်တစ်ပြေးညီ ဆောင်ရွက်ပေးလျက် ရှိသည်။
သွင်းကုန်တင်သွင်းမှုအနေဖြင့် တိရစ္ဆာန်အစာ၊ စက်ဘီး၊ စာရေးကိရိယာ၊ ကားအပိုပစ္စည်း၊ အဝတ် အထည်၊ ဆောက်လုပ်ရေးလုပ်ငန်းသုံးပစ္စည်း၊ ဆိုင်ကယ်အပိုပစ္စည်း၊ လျှပ်စစ်ပစ္စည်း၊ ဓာတ်မြေဩဇာ၊ ငါးဖမ်းကိရိယာ၊ စားသောက်ကုန်၊ ဖိနပ်နှင့်ဖိနပ်ကုန်ကြမ်းပစ္စည်း၊ သစ်သီး၊ Garment ၊ အိမ်သုံးပစ္စည်း၊ စက်ရုံသုံးပစ္စည်း၊ LPG(ဓာတ်ငွေ့ ရည်)၊ စက်ဆီ/ ချောဆီ၊ ဆေးနှင့်ဆေးပစ္စည်း၊ Packing Material၊ အိမ်သုတ်ဆေး၊ လူသုံးကုန်ပစ္စည်း၊ ကုန်ကြမ်း ပစ္စည်း၊ အားကစားပစ္စည်း၊ ယန္တရားအပိုပစ္စည်းနှင့် အလှကုန် ပစ္စည်းတို့ တင်သွင်းလျက်ရှိသည်။
အများဆုံးသွင်းကုန်ပစ္စည်းများမှာ Garment ၊ စက်ဆီ/ချောဆီ၊ ဆေးနှင့်ဆေးပစ္စည်း၊ ယန္တရားအပို ပစ္စည်း၊ ဓာတ်မြေဩဇာ၊ သစ်သီး၊ LPG(ဓာတ်ငွေ့ရည်)၊ စားသောက်ကုန်၊ ဆောက်လုပ်ရေးလုပ်ငန်းသုံး ပစ္စည်းနှင့် အခြားပစ္စည်းတို့ဖြစ်သည်။
(၂၅-၃-၂၀၂၃)ရက်နေ့ နံနက်ပိုင်း လက်နက်ကိုင်သောင်းကျန်းသူများမှ မြဝတီကုန်သွယ်ရေးဇုန်အား ဝင်ရောက်စီးနင်းမီးရှို့မှု ဖြစ်ပွားခဲ့ပြီးနောက် (၂၆-၃-၂၀၂၃)ရက်နေ့မှစ၍ ကုန်သွယ်မှုလုပ်ငန်းများ ပုံမှန်ဖြစ် ပေါ်ရေး ပြန်လည်ဆောင်ရွက်လျက်ရှိသည်။
ငွေစျေးနှုန်းအနေဖြင့် ယခင်သီတင်းပတ်က တစ်ဘတ်လျှင်(၈၄.၇၄)ကျပ်ရှိပြီး ယခုသီတင်းပတ်တွင် လည်း (၈၄.၇၄) ကျပ်သာရှိ၍ ဘတ်စျေးပြောင်းလဲမှု မရှိသော်လည်း နယ်မြေတည်ငြိမ်မှုမရှိသည့်ကာလနှင့် သင်္ကြန်ရုံးပိတ် ရက်ရှည်ကာလတို့တွင် တင်သွင်းနိုင်မှုမရှိသည့် ကုန်ပစ္စည်းများကို ယခုအခါ ပိုမိုတင်သွင်း လျက်ရှိကြောင်း သိရှိရသည်။
ကံပိုင်တည်ကုန်သွယ်ရေးစခန်း၏ ၂၀၂၃ ခုနှစ်၊ မေလ (၂၃) ရက်နေ့ထိ ပို့ကုန်ပိုင်းတွင် အဓိကပို့ကုန်ဖြစ်သည့် တစ်သျှူးငှက်ပျော ဈေးနှုန်းတစ်တန်လျှင် (၂၄၂၀) ယွမ်ဖြင့် တန်ချိန်(၃၂၇၂၅) တန်၊ Iron Concentrate ဈေးနှုန်း တစ်တန်လျှင် (၁၃၂.၅) ဒေါ်လာဖြင့် (၈၀၀) တန်၊ ဖရဲဈေးနှုန်း တစ်တန်လျှင် (၁၅၀) ဒေါ်လာဖြင့် (၂၅) တန် တင်ပို့နိုင်ခဲ့သည်။
သွင်းကုန်ပိုင်းတွင် ယာယီစနစ်ဖြင့် တင်သွင်းသည့် ငှက်ပျောထုပ်ပိုးပစ္စည်းများ မေလ (၂၃) ရက်နေ့ထိ တန်ချိန်(၂၈၅၉)တန် တင်သွင်းခဲ့သည်။ အခြားသွင်းကုန်များ အနေဖြင့် EMPTY CARGO CONTAINER၊ B/N DIESEL ENGINE ၊ ZINC COATED IRON WIRE ၊ WELDING ROD ၊ BOLT & NUT၊ IRON PIPE ၊IRON SHEET ၊ ARTIFICIAL GRASS၊ CERAMIC TILE PLAINစသည့် အခြားရင်းနှီးမြှုပ်နှံမှုပစ္စည်းများ၊ ဆောက်လုပ်ရေးလုပ်ငန်းပစ္စည်းများ၊ ပန်းသီးနှင့် လိမ္မော်သီးများ၊ လူသုံးကုန်ပစ္စည်းများနှင့် အဝတ်အထည်များတင်သွင်းလျက်ရှိသည်။
ကံပိုင်တည်ကုန်သွယ်ရေးစခန်း၌ အတက်အဆင်းကုန်များအတွက် အငှားယာဉ်ဖြင့် တင်ဆောင် ခြင်းမဟုတ်ဘဲ ငှက်ပျောတင်ယာဉ်နှင့် သွင်းကုန်ပစ္စည်းများအတွက် ကုန်ပစ္စည်းတင်ယာဉ်များသည် သက်ဆိုင်ရာ ကုမ္ပဏီပိုင်ယာဉ်များဖြင့်သာ တင်ပို့တင်သွင်းခြင်းဖြစ်သည်။