၂၀၂၃ ခုနှစ်၊ စက်တင်ဘာလ ၂၀ရက်နေ့
မြိတ်ကုန်သွယ်ရေးစခန်းမှ ၂၀၂၃ ခုနှစ်၊ စက်တင်ဘာလ (၁၈)ရက်နေ့မှ စက်တင်ဘာလ (၁၉)ရက်နေ့အတွင်း ပို့ကုန်တင်ပို့မှု ငါးကြိတ်သားတစ်တန်လျှင် (၁၈၂၀) ဒေါ်လာနှုန်းဖြင့် (၁၄.၄) တန် ၊ တန်ဖိုး (၀.၀၂၆) ဒေါ်လာသန်း၊ငါးမှုန့်တစ်တန်လျှင် (၉၁၁) ဒေါ်လာနှုန်းဖြင့် (၆၄၅) တန် ၊ တန်ဖိုး (၀.၅၈၈) ဒေါ်လာသန်း၊ စုစုပေါင်းပို့ကုန်တန်ဖိုး(၀.၆၁၄) ဒေါ်လာသန်းအား အကောက်ခွန်သက်သာခွင့် ဆိုင်ရာ ပင်ရင်းနိုင်ငံသက်သေခံလက်မှတ် Form D အကျိုးခံစားခွင့်လျှောက်ထားရယူ၍ ထိုင်းနိုင်ငံသို့ ကားလမ်းကြောင်းဖြင့် မောတောင်ကုန်သွယ်ရေးစခန်းမှတစ်ဆင့် ပရာကျွတ်ကရီခမ်ခရိုင်သို့ တင်ပို့ နိုင်ခဲ့ပါသည်။ မြိတ်ကုန်သွယ်ရေး စခန်းမှ မောတောင်ကုန်သွယ်ရေးစခန်းအထိကုန်(၁) တန်လျှင်ကားခ (ကုန်ကျစ်)၁၀၀၀၀ဝိ/-(ကျပ်တစ်သိန်း) ရှိကြောင်းသိရှိရပြီး ကုန်သွယ်မှုလမ်းကြောင်းအနေဖြင့် မြိတ် - ထားဝယ် - ရန်ကုန်လမ်းကြောင်း ကောင်းမွန်လျက်ရှိကြောင်း သိရှိရသည်။
မြိတ်ကုန်သွယ်ရေးစခန်းမှ ၂၀၂၃ ခုနှစ်စက်တင်ဘာလ (၁၈)ရက်နေ့မှ စက်တင်ဘာလ (၁၉) ရက်နေ့အတွင်းသွင်းကုန်တင်သွင်းမှု ပုဇွန်စာ တစ်တန်လျှင်ဒေါ်လာသန်း(၂၉၇) ဒေါ်လာနှုန်းဖြင့် (၁၈၀) တန် ၊ တန်ဖိုး (၀.၀၅၃) တင်သွင်းခဲ့ပါသည်။ မြိတ်ဒေသတွင် ဓာတ်ဆီတစ်လီတာ (၃၀၀၀) ကျပ်နှင့် ဒီဇယ်တစ်လီတာ (၃၀၄၅) ကျပ်ဖြင့် ဖြန့်ဖြူးရောင်းချလျက်ရှိကြောင်း၊ ကျပ်/ဘတ်ငွေလဲနှုန်းမှာ (၁) ဘတ်လျှင် (၉၀) ကျပ်ဖြင့်အရောင်းအဝယ်ဖြစ်နေကြောင်း သိရှိရပသည်။
၂၀၂၃ ခုနှစ်၊ စက်တင်ဘာလ ၂၀ ရက်နေ့
တာချီလိတ်ကုန်သွယ်ရေးစခန်းအနေဖြင့် ထိုင်းနိုင်ငံ ၊ တရုတ်နိုင်ငံများနှင့် ကုန်သွယ်မှုလုပ်ငန်း များ ဆောင်ရွက်လျက်ရှိရာ ၂၀၂၃-၂၀၂၄ ဘဏ္ဍာနှစ် (ဧပြီလ မှ စက်တင်ဘာလ ၁၉ ရက်ထိ) ပို့ကုန် ကန် ဒေါ်လာ (၃၀.၅၈၁) သန်း၊ သွင်းကုန် ကန်ဒေါ်လာ (၄၇.၁၁၇) သန်း၊ ကုန်သွယ်မှုပမာဏ ကန်ဒေါ်လာ (၇၇.၆၉၈)သန်း ဆောင်ရွက်နိုင်ခဲ့ပါသည်။ (၁၉-၉-၂၀၂၃) ရက်နေ့တွင် ပို့ကုန်တင်ပို့မှုအနေဖြင့် ကြက်သွန်ဖြူ (၃၅) တန်၊ တန်ဖိုး (၀.၀၇၇)ဒေါ်လာသန်း၊ သတ္တု(Lead Sulphide) (၉၇) တန်၊ တန်ဖိုး (၀.၀၃၄) ဒေါ်လာသန်း၊ ကတ်ထူစက္ကူဖြတ်စ (၃၂) တန်၊ တန်ဖိုး (၀.၀၀၄)ဒေါ်လာသန်း နှင့် ပလပ်စတစ်ဖြတ်စ (၄) တန်၊ တန်ဖိုး (၀.၀၀၂)ဒေါ်လာသန်း တင်ပို့နိုင်ခဲ့ပါသည်။ တာချီလိတ်ကုန်သွယ်ရေးစခန်းမှ ယခင်လ များ၌ တင်ပို့ခြင်းမရှိခဲ့သော သတ္တု(Lead Sulphide) (၉၇) တန်တင်ပို့နိုင်ခဲ့ပါသည်။ သတ္တုနှင့် သတ္တုရိုင်း သည် တာချီလိတ်ကုန်သွယ်ရေးစခန်း၏ အဓိကပို့ကုန်များတွင် တစ်ခုအပါအဝင်ဖြစ်ပြီး သတ္တုဈေးနှုန်း ထောက်ခံချက်ရယူပြီးမှသာ လိုင်စင်လျှောက်ထားခြင်း၊ အကောက်ခွန် ကြေငြာလွှာ (ED) ဖွင့်လှစ်ခြင်း တို့ ဆောင်ရွက်၍ တစ်ဖက်ထိုင်းနိုင်ငံသို့ တင်ပို့ခြင်းဖြစ်ပါသည်။ထိုင်းနိုင်ငံသုံးဘတ်ငွေလဲနှုန်းအနေဖြင့် (၂၀-၉-၂၀၂၃) ရက်နေ့တွင် ကျပ်(၁) သိန်းလျှင် (၁၀၃၅) ဘတ် ဖြစ်ပေါ်ခဲ့သည်။
တာချီလိတ်ကုန်သွယ်ရေးစခန်းအနေဖြင့် ၂၀၂၃-၂၀၂၄ ဘဏ္ဍာနှစ် ၊ ၁၉-၉-၂၀၂၃ ရက်နေ့ တွင်သွင်းကုန် (၀.၂၇၇) ဒေါ်လာသန်း တင်သွင်းနိုင်ခဲ့ပါသည်။ အဓိကတင်သွင်းသည့် သွင်းကုန်ပစ္စည်း များမှာ စက်သုံးဆီ၊ဘိလပ်မြေနှင့် ဆောက်လုပ်ရေးသုံးပစ္စည်းများဖြစ်ပြီး ဒီဇယ် (၇၈၆) BBL၊ တန်ဖိုး (၀.၁၀၇) ဒေါ်လာသန်း၊ ဘိလပ်မြေ (၉၀၀) တန်၊ တန်ဖိုး ကန်ဒေါ်လာ (၀.၀၇၂) သန်း၊ မီးခံအုတ် (၇၃.၃၀) တန်၊ တန်ဖိုး (၀.၀၁၁) ဒေါ်လာသန်း၊ ကွန်ကရစ်အမိုးပြား (၁၇၈.၉၉) တန်၊ တန်ဖိုး ကန် ဒေါ်လာ(၀.၀၄၃) ဒေါ်လာသန်း၊ ဘိလပ်မြေမျက်နှာကျက်ပြား (၂၈)တန်၊ တန်ဖိုး (၀.၀၀၅) ဒေါ်လာသန်း နှင့်အခြားပစ္စည်းများ ကန်ဒေါ်လာ (၀.၀၃၉) သန်း တင်သွင်းခဲ့သည်။
၂၀၂၃ ခုနှစ်၊ စက်တင်ဘာလ ၂၀ ရက်နေ့
မြဝတီကုန်သွယ်ရေးဇုန်မှ တစ်ဖက်နိုင်ငံနှင့် နှစ်နိုင်ငံနယ်စပ်ကုန်သွယ်မှုများ ဆောင်ရွက် လျှက်ရှိရာ (၁၆-၉-၂၀၂၃) ရက်နေ့မှ (၁၈-၉-၂၀၂၃) ရက်နေ့ထိ ပို့ကုန်တင်ပို့မှုအနေဖြင့် လယ်ယာထွက်ကုန် ပစ္စည်းများ ဖြစ်သည့် ငရုတ်၊ ဂေါ်ဖီ၊ ကြက်သွန်နီ၊ ကွမ်းသီးခြောက်၊ ကော်ဖီစေ့၊ သံပယိုသီး၊ ရေထွက်ပစ္စည်း ဖြစ်သည့် ငါးကြင်းဆီဖောင်း၊ တွင်းထွက်ပစ္စည်းများဖြစ်သည့် ခဲ/ သတ္တုများနှင့် CMP ပစ္စည်းများကို တင်ပို့ ခဲ့သည်။
(၁၆-၉-၂၀၂၃) ရက်နေ့မှ (၁၈-၉-၂၀၂၃) ရက်နေ့ထိ အများဆုံးတင်ပို့ခဲ့သည့် ပို့ကုန်ပစ္စည်း များမှာ ငရုတ်၊ ကြက်သွန်နီနှင့် CMP ပစ္စည်းများဖြစ်သည်။
ယခုအခါ ထိုင်းနိုင်ငံမှ စားသောက်ကုန်လုပ်ငန်းများ တွင်ကျယ်စွာ ဆောင်ရွက်လာမှုနှင့်အတူ အသုံးပြုရန် လိုအပ်ချက်ကြောင့် စားသောက်ကုန်ပစ္စည်းကုန်ကြမ်းဝယ်လိုအားမြှင့်တက်နေ၍ လတ်တ လောကာလများတွင် ပိုမိုတင်ပို့နိုင်ခဲ့သည်။
ပုပ်သိုးပျက်စီးလွယ်သည့် ရေထွက်ကုန်ပစ္စည်းများ၊ ကုန်စိမ်းပို့ကုန်များဖြစ်သည့် ကြက်သွန်နီ နှင့် ငရုတ်များကို လွယ်ကူလျင်မြန်စွာ တင်ပို့နိုင်ရေးအတွက် လိုင်စင်ထုတ်ပေးခြင်း၊ ကုန်ပစ္စည်း စစ်ဆေး မှုများ တွင် ဦးစားပေး ဆောင်ရွက်ပေးလျက်ရှိသည်။
(၁၆-၉-၂၀၂၃) ရက်နေ့မှ (၁၈-၉-၂၀၂၃) ရက်နေ့ထိ သွင်းကုန်ပစ္စည်း တင်သွင်းမှုအနေဖြင့် တိရစ္ဆာန်အစာ၊ စက်ဘီး၊ အဝတ်အထည်၊ စာရေးကိရိယာ၊ ကားအပိုပစ္စည်း၊ ဆောက်လုပ်ရေးလုပ်ငန်း သုံးပစ္စည်းများ၊ ဆိုင်ကယ်အပိုပစ္စည်း၊ စက်ဆီ/ချောဆီ၊ အိမ်သုတ်ဆေး၊ လျှပ်စစ်ပစ္စည်း၊ စားသောက် ကုန်၊ အလှကုန်ပစ္စည်း၊ GARMENT ၊ ဆေးဝါးများ၊ ဖိနပ်၊ သစ်သီးမျိုးစုံ၊ အိမ်သုံးပစ္စည်း၊ လူသုံးကုန်ပစ္စည်း၊ စက်ရုံသုံးပစ္စည်း၊ စက်နှင့် စက်ပစ္စည်းကိရိယာများ၊ ဓာတ်မြေဩဇာနှင့် ငါးဖမ်းပစ္စည်းတို့ကို တင်သွင်းခဲ့သည်။
(၁၆-၉-၂၀၂၃) ရက်နေ့မှ (၁၈-၉-၂၀၂၃) ရက်နေ့ထိ အများဆုံးတင်သွင်းခဲ့သည့် သွင်းကုန် ပစ္စည်းများမှာ အဝတ်အထည်၊ GARMENT ၊ စားသောက်ကုန်ပစ္စည်း၊ ဆောက်လုပ်ရေးလုပ်ငန်းသုံး ပစ္စည်း၊ စက်နှင့်စက် အပိုပစ္စည်းများ၊ သစ်သီးမျိုးစုံနှင့် လူသုံးကုန်ပစ္စည်းတို့ ဖြစ်သည်။
ပြင်ပငွေလဲနှုန်းအနေဖြင့် ယခင်အပတ်က တစ်ဘတ်လျှင် (၉၇.၀၉) ကျပ်ရှိပြီး ယခုအပတ်တွင် (၉၆.၆၂) ကျပ် ဖြစ်ပါသဖြင့် ဘတ်စျေးအနည်းငယ် ကျဆင်းခဲ့သည်။
(၉-၉-၂၀၂၃ မှ ၁၅-၉-၂၀၂၃) ရက်နေ့ထိ အများဆုံးတင်ပို့ခဲ့သည့် ပို့ကုန်ပစ္စည်းများမှာ ကြက်သွန်နီ (၁)တန်လျှင် (၇၃၁.၇၅၀) ဒေါ်လာဖြင့် (၁၀၉၆.၀၀၀)တန် (၀.၈၀၂) ဒေါ်လာသန်း၊ ချုပ်ပြီး အထည် (၁)ယူနစ်လျှင် (၁၁.၇၈၂) ဒေါ်လာဖြင့် (၆၁၁၀၅) U (၀.၇၂၀)ဒေါ်လာသန်း၊ ငရုတ်သီး(ခြောက်) (၁)တန်လျှင် (၁၆၇၈.၀၁၆) ဒေါ်လာဖြင့် (၉၁.၇၇၅)တန် (၀.၁၅၄)ဒေါ်လာသန်း၊ ငရုတ်သီး(စိမ်း)(အစို) (၁) တန်လျှင် (၄၆၅.၆၃၇) ဒေါ်လာဖြင့် (၄၄၂.၄၀၄)တန် (၀.၂၀၆)ဒေါ်လာသန်း၊ ကွမ်းသီး (၁)တန်လျှင် (၁၄၉၅.၇၂၆) ဒေါ်လာဖြင့် (၁၁၇.၀၀၀)တန် (၀.၁၇၅) ဒေါ်လာသန်း၊ မြေပဲဆံ (၁)တန်လျှင် (၁၆၀၄.၀၁၀) ဒေါ်လာဖြင့် (၉၉.၇၅၀)တန် (၀.၁၆၀) ဒေါ်လာသန်း၊ ငါးမျိုးစုံ(၁)တန်လျှင် (၂၅၁၆.၇၇၈) ဒေါ်လာဖြင့် (၅.၉၆၀)တန် (၀.၀၁၅) ဒေါ်လာ သန်း၊ အခြားရေထွက်ပစ္စည်း (၁) တန်လျှင် (၃၄၀၂.၆၄၆) ဒေါ်လာဖြင့် (၁၅.၈၇၀) တန် (၀.၀၅၄) ဒေါ်လာ သန်း၊ ဂေါ်ဖီထုပ် (၁)တန်လျှင် (၂၀၃.၂၈၈) ဒေါ်လာဖြင့် (၆၆၉.၀၀၀) တန် (၀.၁၃၆) ဒေါ်လာသန်း နှင့် သတ္တု နှင့် သတ္တုရိုင်းများ (၁)တန်လျှင် (၁၄၀၀) ဒေါ်လာ ဖြင့် (၁၈၀) တန် (၀.၂၅၂) ဒေါ်လာသန်း တို့ ဖြစ်သည်။
(၉-၉-၂၀၂၃ မှ ၁၅-၉-၂၀၂၃) ရက်နေ့ထိ အများဆုံးတင်သွင်းခဲ့သည့် သွင်းကုန်ပစ္စည်း (၁၀)မျိုးမှာ ပလတ်စတစ်ကုန်ကြမ်းပစ္စည်းများ (၄.၉၇၆) ဒေါ်လာသန်း၊ တွင်းထွက် (သတ္တုမှအပ) ဆောက်လုပ်ရေးပစ္စည်းများ (၁.၇၃၅) ဒေါ်လာသန်း၊ စက်နှင့်စက်အပိုပစ္စည်းများ (၁.၁၉၆) ဒေါ်လာသန်း၊ ဆပ်ပြာ (၁.၀၉၄) ဒေါ်လာသန်း၊ သံနှင့်သံမဏိဆောက်လုပ်ရေးပစ္စည်းများ (၁.၀၇၆) ဒေါ်လာသန်း၊ မော်တော်ယာဉ်နှင့် မော်တော်ယာဉ်ပစ္စည်းများ (၁.၀၇၄) ဒေါ်လာသန်း၊ သံနှင့်သံမဏိပစ္စည်းများ (၀.၇၆၂) ဒေါ်လာသန်း၊ ဆေးဝါးပစ္စည်းများ (၀.၉၄၀) ဒေါ်လာသန်း၊ ဘတ္ထရီအခြောက်များ (၀.၅၀၉) ဒေါ်လာသန်းနှင့် အခြားစက္ကူ များ (၀.၈၉၇) ဒေါ်လာသန်းတို့ ဖြစ်သည်။
မြဝတီကုန်သွယ်ရေးဇုန်အနေဖြင့် ၂၀၂၃ ခုနှစ်၊ စက်တင်ဘာလ ၁ ရက်နေ့မှ ၁၈ ရက်နေ့အထိ အမှန် ဆောင်ရွက်နိုင်မှုမှာ ပို့ကုန် (၁၁.၅၃၄) ကန်ဒေါ်လာသန်း၊ သွင်းကုန် (၆၁.၆၇၈) ကန်ဒေါ်လာသန်း၊ ကုန်သွယ်မှုပမာဏ (၇၃.၂၁၂) ကန်ဒေါ်လာသန်း ဆောင်ရွက်နိုင်ခဲ့သည်။
၂၀၂၃ ခုနှစ်၊ စက်တင်ဘာလ ၂၀ ရက်နေ့
ကံပိုင်တည်ကုန်သွယ်ရေးစခန်းမှ ၂၀၂၃ ခုနှစ်၊ စက်တင်ဘာလကုန်သွယ်မှုလျာထားချက်မှာ ပို့ကုန် (၃.၀၀၀) ဒေါ်လာသန်းနှင့် သွင်းကုန် (၁.၂၀၀) ဒေါ်လာသန်းဖြင့် စုစုပေါင်း (၄.၂၀၀) ဒေါ်လာသန်း ဖြစ်သည်။
စက်တင်ဘာလ (၁၉) ရက်နေ့အထိ အမှန်ကုန်သွယ်မှုမှာ ပို့ကုန် (၀.၈၃၄) ဒေါ်လာသန်း၊ သွင်းကုန် (၀.၅၀၂) ဒေါ်လာသန်း၊ စုစုပေါင်း (၁.၃၃၆) ဒေါ်လာသန်းဖြစ်သဖြင့် ကုန်သွယ်မှုလျာထား ချက်အပေါ် (၃၁.၈၁၀%) ဆောင်ရွက်ပြီးဖြစ်သည်။
စက်တင်ဘာလ (၁၉) ရက်အတွင်း ပို့ကုန်အမယ်များအနေဖြင့် တစ်သျှူးငှက်ပျောတင်ပို့နိုင်ခဲ့ ပြီး၊ သွင်းကုန်အမယ်များအနေဖြင့် ရင်းနှီးမြှုပ်နှံမှုပစ္စည်းများ၊ လုပ်ငန်းသုံးပစ္စည်းများ၊ ဆောက်လုပ်ရေး လုပ်ငန်းသုံးပစ္စည်းများ၊ လူသုံးကုန်အဝတ်အထည်များနှင့် သစ်သီးများ၊ တင်သွင်းနိုင်ခဲ့သည်။
ကံပိုင်တည်ကုန်သွယ်ရေးစခန်း၏ ၂၀၂၃ ခုနှစ်၊ စက်တင်ဘာလ (၁၉) ရက်နေ့ထိ ကုန်ပစ္စည်းအမယ်လိုက် တင်ပို့/တင်သွင်းမှုအခြေအနေ
ကံပိုင်တည်ကုန်သွယ်ရေးစခန်း၏ ၂၀၂၃ ခုနှစ်၊ စက်တင်ဘာလ (၁၉) ရက်နေ့အထိ ပို့ကုန် ပိုင်းတွင် အဓိကပို့ကုန်ဖြစ်သည့် တစ်သျှူးငှက်ပျော တင်ပို့မှုအနေဖြင့် ဈေးနှုန်းတစ်တန်လျှင် (၂၄၉၃) ယွမ်/ (၃၄၅.၄၀)ဒေါ်လာတို့ဖြင့် တန်ချိန် (၂၄၁၇) တန်၊ တန်ဖိုး (၈၃၃၆၇၈) ဒေါ်လာတင်ပို့နိုင်ခဲ့ပါသည်။
အများဆုံးသွင်းကုန်ပစ္စည်းများအနေဖြင့် Iron Sheet In Coil ဈေးနှုန်းတစ်တန်လျှင် (၅၀၂၀) ဒေါ်လာဖြင့် တန်ချိန် (၁၇.၀၀၀) တန်၊ တန်ဖိုး (၁၁၈၉၂.၉၆၀) ဒေါ်လာ၊Iron Nail ဈေးနှုန်းတစ်တန်လျှင် (၆၆၀) ဒေါ်လာဖြင့် တန်ချိန် (၄၄.၅၀၀) တန်၊ Iron Pipe ဈေးနှုန်း တစ်တန်လျှင် (၆၅၀) ဒေါ်လာဖြင့် တန်ချိန် (၂၃.၀၀၀) တန်၊ တန်ဖိုး (၁၄၈၂၃.၁၉၇) ဒေါ်လာ၊ တန်ဖိုး (၃၅၆၁၁.၆၃) ဒေါ်လာ၊ Artificial Grass ဈေးနှုန်း တစ်တန်လျှင်(၆၅၀) ဒေါ်လာဖြင့် တန်ချိန် (၂၉.၅၀၀)တန်၊ တန်ဖိုး(၁၉၆၄၀.၄၆၀) ဒေါ်လာ၊ ပန်းသီးတစ်တန်လျှင် (၄၂၃) ဒေါ်လာဖြင့် တန်ချိန်(၂၀.၈၀၀)တန်၊ တန်ဖိုး (၉၅၃၇.၉၀၀) ဒေါ်လာ၊ လိမ္မော်သီး တစ်တန်လျှင် (၂၃၀)ဒေါ်လာဖြင့် တန်ချိန်(၄၇.၈၀)တန်၊တန်ဖိုး (၁၅၃၃၅.၃၈) ဒေါ်လာ၊ Ceramic Tile Plain ဈေးနှုန်း (1 M2) လျှင် (၄.၁) ဒေါ်လာဖြင့် (၁၂၀၂၀) M2၊ တန်ဖိုး (၄၅၉၀၂.၃၄၃) ဒေါ်လာ၊ တင်သွင်းနိုင်ခဲ့ပြီး အခြားရင်းနှီးမြှုပ်နှံမှုပစ္စည်းများ၊ ဆောက်လုပ်ရေးလုပ်ငန်းပစ္စည်းများနှင့် လူသုံးကုန် ပစ္စည်းများ (ပန်းသီး၊ လိမ္မော်သီးနှင့် အဝတ်အထည်များ)တင်သွင်းနိုင်လျက်ရှိပါသည်။
ကံပိုင်တည်ကုန်သွယ်ရေးစခန်း၌ အတက်အဆင်းကုန်များအတွက် အငှားယာဉ်ဖြင့် တင်ဆောင် ခြင်းမဟုတ်ဘဲ ငှက်ပျောတင်ယာဉ်နှင့် သွင်းကုန်ပစ္စည်းများအတွက် ကုန်ပစ္စည်းတင်ယာဉ်များသည် သက်ဆိုင်ရာကုမ္ပဏီပိုင် ယာဉ်များဖြင့်သာ တင်ပို့တင်သွင်းခြင်းဖြစ်ပါသည်။
ကံပိုင်တည်-ဝိုင်းမော်-မြစ်ကြီးနား ကုန်သွယ်မှုလမ်းကြောင်း၌ တောင်ပြိုခြင်း၊ လမ်းပိတ်ဆို့ ခြင်းများမရှိဘဲ ကုန်တင်ယာဉ်များ ပုံမှန်သွားလာလျက်ရှိပါသည်။
၂၀၂၃ ခုနှစ်၊ စက်တင်ဘာလ ၂၀ ရက်နေ့
ချင်းရွှေဟော်ကုန်သွယ်ရေးစခန်း၏ ၂၀၂၃ ခုနှစ်၊ စက်တင်ဘာ(၉)ရက်နေ့မှ (၁၉)ရက်နေ့ အထိ လုပ်ငန်းဆောင်ရွက်မှုမှာ ပို့ကုန် (၈.၅၉၈) ဒေါ်လာသန်း၊ သွင်းကုန် (၂၂.၃၈၇) ဒေါ်လာသန်း၊ ကုန်သွယ်မှုပမာဏ(၃၀.၉၈၅)ဒေါ်လာသန်းဆောင်ရွက်နိုင်ခဲ့သည်။
အများဆုံးတင်ပို့ခဲ့သည့် ပို့ကုန်ပစ္စည်း(၁၀)မျိုးမှာရာဘာ (၁၈၄၀.၃၅)တန်၊ တန်ဖိုး (၂.၂၄၃) ဒေါ်လာသန်း၊ ပဲယင်း(၁၇၈၀.၉၀)တန်၊ တန်ဖိုး (၁.၃၈၁)ဒေါ်လာသန်း၊ ပဲတီစိမ်း(၁၄၇၈.၅၀)တန်၊ တန်ဖိုး (၁.၁၃၈)ဒေါ်လာသန်း၊ ပြောင်း (၂၂၉၄.၀၀)တန်၊ တန်ဖိုး (၀.၆၄၄) ဒေါ်လာသန်း၊ ပဲလွန်းဖြူ (၈၃၅.၀၀) တန်၊ တန်ဖိုး (၀.၅၁၆) ဒေါ်လာသန်း၊ မြေထောက်ပဲ (၃၀၀.၅၀) တန်၊ တန်ဖိုး (၀.၄၄၇) ဒေါ်လာသန်း၊ ပဲနီကြား (၇၄၈.၀၃၄)တန်၊ တန်ဖိုး (၀.၃၉၅)ဒေါ်လာသန်း၊ ဆန်ကွဲ (၇၂၈.၀၀)တန်၊ တန်ဖိုး (၀.၂၉၄) ဒေါ်လာသန်း၊ စွန်တာနီပဲ (၄၄၁.၉၈၉)တန်၊ တန်ဖိုး (၀.၂၆၄)ဒေါ်လာသန်း နှင့်နှမ်း(နက်) (၁၂၉.၃၅)တန်၊ တန်ဖိုး (၀.၂၀၈)ဒေါ်လာသန်းနှင့်တင်ပို့နိုင်ခဲ့သည်။
အများဆုံးတင်သွင်းခဲ့သည့် သွင်းကုန်ပစ္စည်း(၁၀)မျိုးမှာ ချည်ထည်များ (၅.၀၄၉) ဒေါ်လာ သန်း၊ သံနှင့် သံမဏိဆောက်လုပ်ရေးပစ္စည်းများ (၃.၀၉၂)ဒေါ်လာသန်း၊ ဇာနှင့်ဇာထိုးထားသော အထည် အလိပ်များ (၁.၂၅၁)ဒေါ်လာသန်း၊ ဓာတ်မြေဩဇာ (၀.၇၁၅)ဒေါ်လာသန်း၊ စက်နှင့်စက်ပစ္စည်းများ (၀.၅၄၂) ဒေါ်လာသန်း၊ ပလပ်စတစ်ကုန်ကြမ်းပစ္စည်းများ (၀.၃၆၃) ဒေါ်လာသန်း၊ သားရေ၊ သားရေတု ဖြင့်ပြုလုပ်သောပစ္စည်းများ (၀.၂၃၄)ဒေါ်လာသန်း၊ တွင်းထွက် (သတ္တုမှအပ) ဆောက်လုပ်ရေးပစ္စည်း များ (၀.၁၈၀)ဒေါ်လာသန်း၊ ဓာတုဗေဒချည်ခင်များ (၀.၁၇၃)ဒေါ်လာသန်း နှင့် ဆေးဝါးပစ္စည်းများ (၀.၁၃၉)ဒေါ်လာသန်း တင်သွင်းနိုင်ခဲ့သည်။
ကုန်စည်သယ်ယူစရိတ်အနေဖြင့် မန္တလေးမှ ချင်းရွှေဟော်သို့ ယခုအပတ်တွင် အတက်ကုန် ကားခ တစ်ပိဿာလျှင် (၈၀) ကျပ်ရှိကြောင်း သိရှိရသည်။ အဆင်းကုန် ကုန်ကျစ်ကားခ တစ်ပိဿာ လျှင် (၁၇၀) ကျပ်၊ ကုန်ပွကားခ တစ်ပိဿာလျှင် (၁၈၅) ကျပ် ရှိကြောင်း သိရသည်။ လယ်ယာထွက် ကုန်ပစ္စည်းများ၏ (၁) တန်ဈေးနှုန်းမှာ ဆန် (၄၅၇) ဒေါ်လာနှုန်း၊ ဆန်ကွဲ (၄၄၂) ဒေါ်လာနှုန်း၊ ပဲတီစိမ်း (၈၄၂) ဒေါ်လာနှုန်း၊ မြေထောက်ပဲ (၁၁၄၂) ဒေါ်လာနှုန်း၊ ပဲလွန်းဖြူ (၆၇၁) ဒေါ်လာနှုန်း၊ ပြောင်း (၃၂၈) ဒေါ်လာနှုန်း၊ နှမ်း (၁၇၁၄) ဒေါ်လာနှုန်း၊ ရော်ဘာ (၁၁၄၂) ဒေါ်လာနှုန်း၊ ငရုတ်အစို (၇၁၄) ဒေါ်လာနှုန်း၊ ငရုတ်ခြောက် (၁၂၈၅) ဒေါ်လာနှုန်းရှိခဲ့ကြောင်း သိရှိရသည်။
မန္တလေး၊ လားရှိုး၊ သိန္နီ၊ ကွမ်းလုံ၊ ချင်းရွှေဟော်ကုန်သွယ်မှုလမ်းကြောင်း ကောင်းမွန်ပြီး ပို့ကုန်ယာဉ်၊ သွင်းကုန်ယာဉ်များ လွယ်ကူချောမွေ့စွာ သွားလာနိုင်ကြောင်း သိရှိရသည်။