၂၀၂၄ ခုနှစ်၊ ဖေဖော်ဝါရီလ ၂၀ ရက်နေ့
ကံပိုင်တည်ကုန်သွယ်ရေးစခန်းမှ ၂၀၂၄ ခုနှစ်၊ ဖေဖော်ဝါရီလကုန်သွယ်မှုလျာထားချက်မှာ ပို့ကုန် (၁၈.၀၀၀) ဒေါ်လာသန်းနှင့် သွင်းကုန် (၂.၅၀၀) ဒေါ်လာသန်းဖြင့် စုစုပေါင်း (၂၀.၅၀၀) ဒေါ်လာသန်း ဖြစ်ပါသည်။
ဖေဖော်ဝါရီလ(၁၉) ရက်နေ့အထိ အမှန်ကုန်သွယ်မှုမှာ ပို့ကုန်(၁၇.၂၉၄) ဒေါ်လာသန်း၊ သွင်းကုန် (၁.၆၅၃)ဒေါ်လာသန်း၊ စုစုပေါင်း(၁၈.၉၄၇)ဒေါ်လာသန်းဖြစ်သဖြင့် ကုန်သွယ်မှုလျာထားချက်အပေါ် (၉၂.၄၂၆%) ဆောင်ရွက်နိုင်ခဲ့ပါသည်။
ဖေဖော်ဝါရီလ (၁၇)ရက်အတွင်း ပို့ကုန်အမယ်များအနေဖြင့် တစ်သျှူးငှက်ပျော၊ ဆန်၊ ဖရဲသီး၊ ရွှေဖရုံသီး၊ Iron Concentrate ၊ မကျီးသီး(အစေ့ပါ)၊ ဆီးသီးခြောက်၊ ငရုတ်သီးနှင့် ကြက်သွန်နီိိတို့ တင်ပို့နိုင်ခဲ့ပြီး၊ သွင်းကုန်အမယ်များအနေဖြင့် ရင်းနှီးမြှုပ်နှံမှုပစ္စည်းများ၊ လုပ်ငန်းသုံးပစ္စည်းများ၊ ဆောက်လုပ်ရေးလုပ်ငန်းသုံးပစ္စည်းများ၊ လူသုံးကုန်အဝတ်အထည်များနှင့် သစ်သီးများတင်သွင်းနိုင် ခဲ့ပါသည်။
ကံပိုင်တည်ကုန်သွယ်ရေးစခန်း၏ ၂၀၂၄ ခုနှစ်၊ ဖေဖော်ဝါရီလ(၁၈)ရက်မှ ဖေဖော်ဝါရီလ (၁၉) ရက်နေ့ အထိပို့ကုန်ပိုင်းတွင် အဓိကပို့ကုန်ဖြစ်သည့် တစ်သျှူးငှက်ပျော တင်ပို့မှုအနေဖြင့် ဈေးနှုန်း တစ်တန်လျှင် (၂၅၃၀) ယွမ်/ (၃၄၇)ဒေါ်လာတို့ဖြင့် တန်ချိန် (၄၁၅၀) တန်၊ တန်ဖိုး (၁.၄၄၁) ဒေါ်လာသန်း၊ ဆန်တင်ပို့မှုအနေဖြင့် တန်ချိန် (၂၁၆) တန်၊ တန်ဖိုး (၀.၁၂၂) ဒေါ်လာသန်း၊ ကြက်သွန်နီတင်ပို့မှုအနေဖြင့် တန်ချိန် (၃၇၈) တန်၊ တန်ဖိုး (၀.၁၃၉) ဒေါ်လာသန်း၊ငရုတ်သီး တင်ပို့မှုအနေဖြင့် တန်ချိန် (၁၇၀) တန်၊ တန်ဖိုး(၀.၀၉၂)ဒေါ်လာသန်း၊ Iron Concentrate တန်ချိန် (၅၆) တန်၊ တန်ဖိုး(၀.၀၀၆)ဒေါ်လာသန်းနှင့် ရွှေဖရုံသီး တင်ပို့မှုအနေဖြင့် တန်ချိန် (၃၄၈)တန်၊ တန်ဖိုး (၀.၀၃၅) ဒေါ်လာသန်းတင်ပို့နိုင်ခဲ့ပါသည်။
အများဆုံးသွင်းကုန်ပစ္စည်းများမှာ သံကြိုးခွေ၊ Hollow Pipe ၊ Iron Pipe ၊ လိမ္မော်သီး နှင့် လူသုံး အဝတ်အထည်များဖြစ်ပြီး ရင်းနှီးပစ္စည်း တန်ချိန် (၅.၈) တန်၊ တန်ဖိုး (၀.၀၀၇)ဒေါ်လာသန်း၊ လုပ်ငန်းသုံး ပစ္စည်း တန်ချိန် (၄၄) တန်၊ တန်ဖိုး (၀.၀၂၈) ဒေါ်လာသန်း၊ လူသုံးပစ္စည်း တန်ချိန် (၆၅) တန်၊ တန်ဖိုး (၀.၀၂၃) ဒေါ်လာသန်းတို့ တင်သွင်းနိုင်ခဲ့ပါသည်။
ကံပိုင်တည်ကုန်သွယ်ရေးစခန်း၌ အတက်အဆင်းကုန်များအတွက် အငှားယာဉ်ဖြင့် တင်ဆောင် ခြင်းမဟုတ်ဘဲ ငှက်ပျောတင်ယာဉ်နှင့် သွင်းကုန်ပစ္စည်းများအတွက် ကုန်ပစ္စည်းတင်ယာဉ်များသည် သက်ဆိုင်ရာကုမ္ပဏီပိုင် ယာဉ်များဖြင့်သာ တင်ပို့တင်သွင်းခြင်းဖြစ်ပါသည်။
ကံပိုင်တည်-ဝိုင်းမော်-မြစ်ကြီးနား ကုန်သွယ်မှုလမ်းကြောင်း၌ တောင်ပြိုခြင်း၊ လမ်းပိတ်ဆို့ ခြင်းများမရှိဘဲ ကုန်တင်ယာဉ်များ ပုံမှန်သွားလာလျက်ရှိပါသည်။
၂၀၂၄ ခုနှစ်၊ ဖေဖော်ဝါရီလ ၂၀ ရက်နေ့
လွယ်ဂျယ်ကုန်သွယ်ရေးစခန်းအနေဖြင့် (၁၈-၂-၂၀၂၄)မှ (၁၉-၂-၂၀၂၄) ရက်နေ့အတွင်း ကုန်သွယ်မှု ဆောင်ရွက်ရာ၌ ပို့ကုန်ပိုင်းတွင် ဆန်(၈၄.၀၀၀)တန်၊ တန်ဖိုး(၀.၀၄၇)ဒေါ်လာသန်း၊ ဆန်ကွဲ(၆၅.၀၀၀) တန်၊ တန်ဖိုး (၀.၀၂၈) ဒေါ်လာသန်း၊ ကြက်သွန်နီ (၆၉.၀၀၀)တန်၊ တန်ဖိုး (၀.၀၁၇) ဒေါ်လာသန်း၊ သခွားမွှေး (၆၄.၀၀၀) တန်၊ တန်ဖိုး (၀.၀၁၃) ဒေါ်လာသန်း၊ နှမ်း (၁၇.၅၀၀) တန်၊ တန်ဖိုး (၀.၀၂၇) ဒေါ်လာသန်း၊ နှမ်းညို(၆.၀၀၀)တန်၊ တန်ဖိုး(၀.၀၀၈)ဒေါ်လာသန်း၊ ဆီးခွဲခြမ်း(၁၉.၀၀၀)တန်၊ တန်ဖိုး(၀.၀၀၁)ဒေါ်လာသန်း၊ မြေထောက်ပဲ (၂၉၅.၅၀၀) တန်၊ တန်ဖိုး (၀.၃၇၀) ဒေါ်လာသန်း၊ ဖရဲသီး (၁၀၅၄.၅၀၀) တန်၊ တန်ဖိုး (၀.၁၅၀) ဒေါ်လာသန်း၊ ကြံ (၆၀၀.၀၀၀) တန်၊ တန်ဖိုး (၀.၀၂၄) ဒေါ်လာသန်း၊ တစ်သျှူးငှက်ပျော (၁၆၁၆.၀၀၀)တန်၊ တန်ဖိုး (၀.၅၈၄) ဒေါ်လာသန်းတင်ပို့နိုင်ခဲ့ပါသည်။
ပို့ကုန်ပစ္စည်းဈေးနှုန်းများအနေဖြင့် ဆန် တစ်တန်လျှင် (၅၆၀) ဒေါ်လာ၊ ဆန်ကွဲ တစ်တန်လျှင် (၄၅၀)ဒေါ်လာ၊ ပြောင်းတစ်တန်လျှင် (၂၅၅) ဒေါ်လာ၊ ဖရဲသီး တစ်တန်လျှင် (၁၄၅)ဒေါ်လာ၊ တစ်သျှူး ငှက်ပျောတစ်တန်လျှင် (၃၆၆) ဒေါ်လာ၊ ကြံတစ်တန်လျှင် (၄၀) ဒေါ်လာ၊ မြေထောက်ပဲတစ်တန်လျှင် (၁၂၅၀)ဒေါ်လာ ရှိ၍ သယ်ယူပို့ဆောင်ခမှာ ဗန်းမော်မှ လွယ်ဂျယ်သို့ ပို့ကုန်တစ်ပိဿာလျှင် (၃၅၀)ကျပ် ရှိကြောင်း သိရှိရပါသည်။
ယခုအပတ်အတွင်း သွင်းကုန်ပိုင်းတွင် သံ(၆၀.၀၀၀)တန်၊ တန်ဖိုး(၀.၀၃၉)ဒေါ်လာသန်း၊ ဂျပ်ဖာ(၁၆.၅၀၀)တန်၊ တန်ဖိုး(၀.၀၀၆)ဒေါ်လာသန်း၊ အိတ်အမျိုးမျိုး (၂၅.၀၀၀)တန်၊ တန်ဖိုး (၀.၀၂၂) ဒေါ်လာသန်း၊ ကုန်စုံ(၂၂၂.၇၈)တန်၊ (၅၆၅၄၆)U၊ (၁၅၈၀၀)PAIR၊ တန်ဖိုး (၀.၂၅၆) ဒေါ်လာသန်း၊ ဆိုင်ကယ်အပိုပစ္စည်း (၇၅.၂၀၀) တန်၊ တန်ဖိုး(၀.၀၉၃) ဒေါ်လာသန်း၊ စက္ကူ (၁၉.၅၀၀)တန်၊ တန်ဖိုး (၀.၀၀၇)ဒေါ်လာသန်း၊ ဖော့(၂.၀၀၀)တန်၊ တန်ဖိုး(၀.၀၀၁)ဒေါ်လာသန်း၊ ပိုက် (၁၇.၀၀၀)တန်၊ တန်ဖိုး (၀.၀၂၄)ဒေါ်လာသန်း၊ စက္ကူလိပ်(၁၉.၅၀၀)တန်၊ တန်ဖိုး(၀.၀၀၇)ဒေါ်လာသန်း၊ ဆေးပစ္စည်း(၃၇၈၉၄၀)U၊ တန်ဖိုး (၀.၀၄၉)ဒေါ်လာသန်း၊ ပလပ်စတစ် (၂၄.၀၀၀)တန်၊ တန်ဖိုး(၀.၀၁၇) ဒေါ်လာသန်း တင်သွင်း နိုင်ခဲ့ပါသည်။
သွင်းကုန်ပစ္စည်းဈေးနှုန်းများအနေဖြင့် စက္ကူလိပ် တစ်တန်လျှင် (၃၅၀) ဒေါ်လာ၊ ပီနံအိတ် တစ်တန်လျှင် (၁၀၀၀) ဒေါ်လာ၊ မြက်ခင်းတုတစ်တန်လျှင် (၆၂၅)ဒေါ်လာ၊ ဂျပ်ဖာ တစ်တန်လျှင် (၄၂၀) ဒေါ်လာ၊ ပလပ်စတစ်တစ်တန်လျှင် (၉၇၀)ဒေါ်လာရှိ၍ လွယ်ဂျယ်မှ ဗန်းမော်သို့ သယ်ယူပို့ဆောင်ခမှာ (၁၂)ဘီးယာဉ်(၁)စီးလျှင် ကုန်ကျစ်(၁၄၀၀၀၀၀)ကျပ်၊ ကုန်ပွ(၁၁၀၀၀၀၀)ကျပ်နှင့် ကုန်စုံတစ်စီးလျှင် (၁၀၀၀၀၀၀)ကျပ် ဝန်းကျင်ရှိကြောင်း သိရှိရပါသည်။
ကုန်သွယ်မှုလမ်းကြောင်းအနေဖြင့် ရွှေဘို၊ စစ်ကိုင်းနှင့် မန္တလေးဒေသထွက် ပို့ကုန်ပစ္စည်းများ အား မန္တလေး - လက်ပံလှ - ဗန်းမော် - မိုးမောက် (ကျောက်စခန်း) - စိန်လုံ - လွယ်ဂျယ်လမ်းကြောင်း၊ ဗန်းမော်ဒေသထွက်ပို့ကုန်ပစ္စည်းများအားဗန်းမော် - မိုးမောက် (ကျောက်စခန်း) - စိန်လုံ - လွယ်ဂျယ် လမ်းကြောင်းအတိုင်း တင်ပို့လျက်ရှိပြီး သွင်းကုန်ပစ္စည်းများအား လွယ်ဂျယ် - စိန်လုံ - မိုးမောက် (ကျောက်စခန်း) - ဗန်းမော်လမ်းကြောင်းအတိုင်း ကုန်သွယ်မှုပြုလုပ်လျက်ရှိပါသည်။
ကော့သောင်းကုန်သွယ်ရေးစခန်းသည် ထိုင်းနိုင်ငံသို့ ရေထွက်ပစ္စည်းများကို FOB စနစ်ဖြင့် အဓိက တင်ပို့နေသောပို့ကုန်အသာစီးရသည့် စခန်းတစ်ခုဖြစ်သည်။ အဓိကတင်ပို့နေသော ပစ္စည်းများ မှာ ငါးမျိုးစုံ၊ ပုစွန်၊ ရေဘဝဲ၊ ကဏန်း၊ ကင်းမွန်(စို/ခြောက်)၊ ငါးပါကင်နှင့် ဆီအုန်းတို့ဖြစ်သည်။
၂၀၂၄ ခုနှစ်၊ ဖေဖော်ဝါရီလ ၁၃ ရက်နေ့မှ ဖေဖော်ဝါရီလ ၁၇ ရက်နေ့အထိ အများဆုံး တင်ပို့နိုင်သည့် ပို့ကုန်ပစ္စည်းများမှာ ငါးပုလွေ ၂၁၅.၅၅ တန်၊ ငါးနီငယ်၈၅.၇၁၀ တန်၊ ဘေးဝါ ၇၆.၄၀၀ တန်၊ ကြိမ်မွေ့ဒေါင်း ၂၀.၁၆၀ တန်၊ တာတို ၆၃.၃၆၀ တန်၊ ကင်းမွန် ၉၁.၈၆၀ တန်၊ ငါးဝိုင်း ၈.၀၀၀ တန်၊ ဆင်နင်း ၂၈.၄၈၀ တန်နှင့် ပါကင် ၈၅၉.၆၃၀ တန်တို့ဖြစ်ပါသည်။
အများဆုံးတင်သွင်းခဲ့သည့် သွင်းကုန်ပစ္စည်းမှာ ကြွေပြား ၂၈၁၉၁.၅၈၂ စတုရန်းမီတာ၊ ဖိနပ် (၂၅၅၆၀၀) ရံ၊ ကွန်ပျူတာဆက်စပ်ပစ္စည်း ၄၀ ခု၊ သံပေပါ ၁၄၀၀ လုံး၊ လူသုံးကုန်ပစ္စည်း ၉၃.၇၄၆ တန်၊ အိမ်ဆောက်ပစ္စည်း ၁၅၇၄.၀၀ တန်၊ ဘိုထိုင်အိမ်သာ ၃၂၄၀ ခု၊ စားသောက်ကုန်ပစ္စည်း ၄၄.၉၆၄ တန် တို့ဖြစ်ကြောင်း သိရှိရသည်။
DOT (ကော့သောင်း)
ကံပိုင်တည်ကုန်သွယ်ရေးစခန်းမှ ၂၀၂၄ ခုနှစ်၊ ဖေဖော်ဝါရီလ ကုန်သွယ်မှုလျာထားချက်မှာ ပို့ကုန် ၁၈.၀၀ အမေရိကန်ဒေါ်လာသန်းနှင့် သွင်းကုန် ၂.၅၀ ဒေါ်လာသန်းဖြင့် စုစုပေါင်း ၂၀.၅၀၀ ဒေါ်လာသန်း ဖြစ်ပါသည်။ ဖေဖော်ဝါရီလ ၁၇ ရက်နေ့အထိ အမှန်ကုန်သွယ်မှုမှာ ပို့ကုန် ၁၅.၄၅၁ ဒေါ်လာသန်း၊ သွင်းကုန် ၁.၅၉၆ ဒေါ်လာသန်း၊ စုစုပေါင်း ၁၇.၀၄၇ ဒေါ်လာသန်းဖြစ်သဖြင့် ကုန်သွယ်မှုလျာထားချက် အပေါ် ၈၃.၁၅၇% ဆောင်ရွက်နိုင်ခဲ့ပါသည်။
ဖေဖော်ဝါရီလ ၁၇ ရက်အတွင်း ပို့ကုန်အမယ်များ အနေဖြင့် တစ်သျှူးငှက်ပျော၊ ဆန်၊ ဖရဲသီး၊ ရွှေဖရုံသီး၊ Iron Concentrate ၊ မကျီးသီး(အစေ့ပါ)၊ ဆီးသီးခြောက်၊ ငရုတ်သီးနှင့် ကြက်သွန်နီိိတို့ တင်ပို့ နိုင်ခဲ့ပြီး၊ သွင်းကုန်အမယ်များအနေဖြင့် ရင်းနှီးမြှုပ်နှံမှုပစ္စည်းများ၊လုပ်ငန်းသုံးပစ္စည်းများ၊ ဆောက်လုပ်ရေး လုပ်ငန်းသုံးပစ္စည်းများ၊ လူသုံးကုန်အဝတ်အထည်များနှင့် သစ်သီးများ တင်သွင်းနိုင်ခဲ့ပါ သည်။
၂၀၂၄ ခုနှစ်၊ဖေဖော်ဝါရီလ ၁၃ ရက်မှဖေဖော်ဝါရီလ ၁၇ ရက်နေ့အထိ ပို့ကုန်ပိုင်းတွင် အဓိက ပို့ကုန်ဖြစ်သည့် တစ်သျှူးငှက်ပျော ၁၅၀၂၅ တန်၊ ဆန် ၃၄၈ တန်၊ ကြက်သွန်နီ ၁၇၈၇ တန်၊ ငရုတ်သီး ၃၇၄ တန်၊ Iron Concentrate ၅၆ တန်၊ ဆီးသီးခြောက် ၃၄ တန်၊ မန်းကျည်းသီး(အစေ့ပါ) ၃၄.၀ တန်နှင့်ရွှေဖရုံသီး ၁၁၄၅ တန် တင်ပို့နိုင်ခဲ့သည်။
အများဆုံးသွင်းကုန်ပစ္စည်းများမှာ သံကြိုးခွေ၊ Hollow Pipe ၊ သံပိုက်၊ မြက်ခင်းတု၊ လိမ္မော်သီး နှင့် လူသုံးအဝတ်အထည်များဖြစ်ပြီး ရင်းနှီးမြှုပ်နှံမှုပစ္စည်း ၄၆.၅၀ တန်၊ လုပ်ငန်းသုံးပစ္စည်း ၆၅ တန်နှင့် လူသုံးပစ္စည်း ၁၂၁.၅ တန်တို့ တင်သွင်းနိုင်ခဲ့ကြောင်း သိရှိရသည်။
(DOT ကံပိုင်တည်)
မောတောင်ကုန်သွယ်ရေးစခန်းအနေဖြင့် ၂၀၂၄ ခုနှစ်၊ ဖေဖော်ဝါရီလ (၁၄) ရက်နေ့မှ (၁၈) ရက်နေ့အထိ ပို့ကုန်တန်ဖိုး အမေရိကန်ဒေါ်လာ (၀.၅၅၁၅) သန်း၊ သွင်းကုန်တန်ဖိုး အမေရိကန်ဒေါ်လာ (၀.၀၃၄၅) သန်း၊ စုစုပေါင်း ကုန်သွယ်မှုပမာဏ အမေရိကန်ဒေါ်လာ (၀.၅၈၆၀) သန်း ကုန်သွယ်မှု ဆောင်ရွက်နိုင်ခဲ့ပါသည်။
မောတောင်ကုန်သွယ်ရေးစခန်းမှ ဖေဖော်ဝါရီလ (၁၄) ရက်နေ့မှ (၁၈) ရက်နေ့အထိ လယ်ယာ ထွက်ကုန်ပစ္စည်းအနေဖြင့် ကြက်သွန်နီ (၁၄၈) တန်၊ (၀.၀၄၅၁) ဒေါ်လာသန်း၊ ငရုတ်သီး (၁၉၁.၅၃၈) တန်၊ တန်ဖိုး (၀.၁၄၄၆) ဒေါ်လာသန်း၊ ငှက်ပျောသီး (၄၀) တန်၊ တန်ဖိုး (၀.၀၁၂၂) သန်း၊ ရေထွက် ကုန်ပစ္စည်းအနေဖြင့် ငါးမျိုးစုံ၊ ပုစွန်၊ ကဏန်း၊ ကင်းမွန်နှင့် အခြားရေထွက်ပစ္စည်းများ (၂၆၈.၉၅၀) တန်၊ တန်ဖိုး (၀.၃၄၈၀) ဒေါ်လာသန်း၊ သစ်တောထွက်ပစ္စည်းအနေဖြင့် ဓနိဖက် (၁၂) တန်၊ တန်ဖိုး (၀.၀၀၁၆) ဒေါ်လာသန်း တင်ပို့နိုင်ခဲ့ ပါသည်။ သွင်းကုန်တင်သွင်းမှုအနေဖြင့် သစ်သီးမျိုးစုံ (၃၅.၅) တန်၊ တန်ဖိုး (၀.၀၀၉၁) ဒေါ်လာသန်း၊ ကြွေပြား (၃.၇) တန်၊ တန်ဖိုး (၀.၀၀၈၉) ဒေါ်လာသန်း၊ ဖိနပ် (၇.၂) တန်၊ တန်ဖိုး (၀.၀၀၂၀) ဒေါ်လာသန်း၊ ကျောက်ပြား (၁၀) တန်၊ တန်ဖိုး (၀.၀၀၁၇) ဒေါ်လာသန်း၊ A4 စက္ကူ (၁၀.၀၀၀) တန်၊ တန်ဖိုး (၀.၀၁၂၈) ဒေါ်လာသန်း တင်သွင်း ခဲ့ပါသည်။
မောတောင်ကုန်သွယ်ရေးစခန်း အဓိကတင်ပို့လျက်ရှိသည့် ပို့ကုန်ပစ္စည်းများ၏ (၁) တန် ဈေးနှုန်းများမှာ ငါးမျိုးစုံ (၁၂၉၃.၉၂၁) ဒေါ်လာနှုန်း၊ ပုစွန် (၄၀၀၁.၅၇) ဒေါ်လာနှုန်း၊ ကဏန်း (၂၂၃၀.၅) ဒေါ်လာနှုန်း၊ ကင်းမွန် (၁၆၃၅) ဒေါ်လာနှုန်း၊ ကြက်သွန်နီ (၃၀၄.၇၃၀) ဒေါ်လာနှုန်း၊ ငရုတ်သီး (၇၅၄.၉၄၁) ဒေါ်လာနှုန်း၊ ငှက်ပျောသီး (၃၀၅) ဒေါ်လာနှုန်း၊ ဓနိဖက် (၁၃၃.၃၃) ဒေါ်လာသန်း ဖြစ်ပါ သည်။
မောတောင်ကုန်သွယ်ရေးစခန်းအဓိကတင်သွင်းလျက်ရှိသည့် သွင်းကုန်ပစ္စည်းများ၏ (၁) တန် ဈေးနှုန်းမှာ - သစ်သီး (၂၅၆.၃၃၈) ဒေါ်လာနှုန်း၊ ကြွေပြား (၂၄၀၅.၄၀၅) ဒေါ်လာနှုန်း၊ ဖိနပ် (၂၇၇.၇၇၇) ဒေါ်လာနှုန်း၊ ကျောက်ပြား (၁၇၀) ဒေါ်လာနှုန်း၊ A4 စက္ကူ (၁၂၈၀) ဒေါ်လာနှုန်း ဖြစ်ပါသည်။
မြိတ်မှ မောတောင်သို့ ကုန်စည်သယ်ယူစရိတ်အနေဖြင့် ယာဉ် (၁) စီးလျှင် ကုန်ကျစ် (၇၀၀,၀၀၀) ကျပ်နှင့် ကုန်ပွ (၇၀၀,၀၀၀) ကျပ် ဝန်းကျင်ရှိကြောင်း သိရှိရသည်။ လက်ရှိတွင် မြိတ် - တနင်္သာရီ - မောတောင် ကုန်သွယ်မှုလမ်းကြောင်း ကောင်းမွန်လျက်ရှိပါသည်။