ကူးသန်းရောင်းဝယ်ရေးနှင့်စားသုံးသူရေးရာဦးစီးဌာန
စီးပွားရေးနှင့် ကူးသန်းရောင်းဝယ်ရေး ဝန်ကြီးဌာန လက်အောက်ရှိ ကူးသန်းရောင်းဝယ်ရေးနှင့် စားသုံးသူရေးရာ ဦးစီးဌာနကို သြဂုတ်လ (၂၈)ရက်နေ့၊ ၁၉၉၆ ခုနှစ်တွင် ဖွဲ့စည်းခဲ့ပါသည်။ ကူးသန်းရောင်းဝယ်ရေးနှင့် စားသုံးသူရေးရာ ဦးစီးဌာနတွင် ညွှန်ကြားရေးမှူးချုပ်မှ ဦးဆောင်ပြီး ရုံးချုပ်တွင် အောက်ပါ ဌာနခွဲ (၇)ခုဖြင့် ပါဝင်ဖွဲ့စည်းထားပါသည် -
 |
(၁) စီမံရေးနှင့် လေ့ကျင့်ရေးဌာနခွဲ (၂) ငွေစာရင်းဌာနခွဲ (၃) စီမံကိန်းနှင့် စာရင်းအင်းဌာနခွဲ (၄) ကုန်သွယ်မှု မူဝါဒနှင့် လုပ်ထုံးလုပ်နည်းများ လေ့လာသုံးသပ် စိစစ်ရေးဌာနခွဲ (၅) ကုန်သွယ်မှု မြှင့်တင်ရေးဌာနခွဲ (၆) ပို့ကုန်ဌာနခွဲ (၇) သွင်းကုန်ဌာနခွဲ ရုံးခွဲများအနေဖြင့် မြန်မာနိုင်ငံ၏ နယ်စပ်ဒေသများတွင် နယ်စပ်ကုန်သွယ်ရေးစခန်း (၁၃)ခု၊ ရန်ကုန်တိုင်းဒေသကြီးနှင့် မန္တလေး တိုင်းဒေသကြီးတို့တွင်လည်း ရုံးခွဲများ ဖွင့်လှစ်ထားရှိပါသည်။ |
ကူးသန်းရောင်းဝယ်ရေးနှင့်စားသုံးသူရေးရာဦးစီးဌာန၏ ရည်ရွယ်ချက်
(၁) နှစ်နိုင်ငံချစ်ကြည်ရေး ပိုမိုတိုးတက်စေရန်
(၂) နှစ်နိုင်ငံကုန်သွယ်မှု ပိုမိုတိုးတက်စေရန်နှင့် ပုံမှန်ကုန်သွယ်မှု လမ်းကြောင်းပေါ်သို့ ရောက်ရှိစေရန်
(၃) နိုင်ငံတော်မှ ရသင့်ရထိုက်သော အခွန်အခများ အပြည့်အဝ ရရှိစေရန်
(၄) ပုဂ္ဂလိကစီးပွားရေးလုပ်ငန်းရှင်များ လုပ်သာကိုင်သာရှိစေရန်နှင့် ထိုက်သင့်သော အကျိုးအမြတ် ဖြစ်ထွန်းစေရန်
(၅) ကုန်စည်စီးဆင်းမှု ပိုမိုအဆင်ပြေချောမွေ့စေရန်