ကော့သောင်းကုန်သွယ်ရေးစခန်းသည် တစ်ဖက်ထိုင်းနိုင်ငံသို့ ရေထွက်ပစ္စည်းများ ကို FOB စနစ်ဖြင့် အဓိကတင်ပို့နေသော ပို့ကုန်အသာစီးရသည့် စခန်းတစ်ခုဖြစ်သည်။ အဓိက တင်ပို့ နေသောပစ္စည်းများမှာ ငါးမျိုးစုံ၊ ပုစွန်၊ ရေဘဝဲ၊ ကဏန်း၊ ကင်းမွန်(စို/ခြောက်)၊ ငါးပါကင်၊ ဆီအုန်း တို့ဖြစ်သည်။
၂၀၂၄ ခုနှစ်၊ ဇွန်လ ကုန်သွယ်မှုလျာထားချက်မှာ အမေရိကန်ဒေါ်လာ (၁၈.၀၀၀) သန်း ဖြစ်ပြီး (၁၇-၆-၂၀၂၄)ရက်နေ့ထိ အမှန်ဆောင်ရွက်နိုင်မှုမှာ အမေရိကန်ဒေါ်လာ(၁၀.၉၈၅)သန်း ဆောင်ရွက်နိုင်ခဲ့သဖြင့် လျာထားချက်အပေါ် (၆၁.၀၂၈%) ဆောင်ရွက်နိုင်ခဲ့ပါသည်။
၂၀၂၄ ခုနှစ်၊ ဇွန်လ ၁၆ ရက်နေ့မှ၁၇ ရက်နေ့အထိ ပို့ကုန်တန်ချိန် (၁၅၂၁.၂၀၀)တန်၊ တန်ဖိုး အမေရိကန်ဒေါ်လာ (၀.၄၃၅) သန်းနှင့် သွင်းကုန်(၁၀၁၆.၈၅၃) တန်၊(၂၂၁၀၀.၀၀၀)M2၊ (၁၄၈၉၈၀.၀၀၀) 2U၊ တန်ဖိုးအမေရိကန်ဒေါ်လာ (၀.၃၀၃) သန်းဖြစ်ပြီး ကုန်သွယ်မှုပမာဏမှာ အမေရိကန်ဒေါ်လာ(၀.၇၃၈)သန်းဆောင်ရွက်နိုင်ခဲ့ပါသည်။
ပို့ကုန်ပိုင်းအနေဖြင့်၂၀၂၄ခုနှစ်၊ ဇွန်လ ၁၆ရက်နေ့မှ၁၇ ရက်နေ့အထိရေထွက်ကုန်ပစ္စည်း အုပ်စုတွင် (၁၂၁.၁၆၀)တန်၊တန်ဖိုးအမေရိကန်ဒေါ်လာ(၀.၁၃၇)သန်း၊ လယ်ယာထွက် ပစ္စည်းအုပ်စု တွင် (၁၂၅၀.၀၀၀)တန်၊ တန်ဖိုးအမေရိကန်ဒေါ်လာ (၀.၂၈၆) သန်းနှင့် အခြားပစ္စည်းအုပ်စုတွင် (၁၅၀.၀၄၀)တန်၊ တန်ဖိုးအမေရိကန်ဒေါ်လာ(၀.၀၁၂)သန်း၊ စုစုပေါင်းတန်ဖိုးအမေရိကန်ဒေါ်လာ (၀.၄၃၅)သန်း တင်ပို့နိုင်ခဲ့ပါသည်။ ပို့ကုန်တိုးမြှင့်ရေးအဓိကဆောင်ရွက်လျက်ရှိရာ ပြောင်းသီးနှံ အား တစ်ဘက်ထိုင်းနိုင်ငံမှ Quota ကာလအနေဖြင့် နှစ်စဉ် ဖေဖော်ဝါရီလ (၁) ရက်မှ ဩဂုတ်လ (၃၁)ရက်နေ့အထိ ခွင့်ပြုထားသဖြင့် မိမိနိုင်ငံထွက်ပြောင်းများကို ပင်လယ်ရေကြောင်း ရန်ကုန်ဆိပ် ကမ်းများမှတစ်ဆင့် ရနောင်းဆိပ်ကမ်းသို့ တိုက်ရိုက်တင်ပို့လျက်ရှိသကဲ့သို့ နယ်စပ်လမ်းကြောင်း ကော့သောင်းမှတစ်ဆင့် တင်ပို့မှုများလည်း ဆောင်ရွက်လျက်ရှိပါသည်။ ၂၀၂၄ ခုနှစ်၊ ဇွန်လ(၁၇) ရက်နေ့အထိ နယ်စပ်ကုန်သွယ်မှုအနေဖြင့် ကော့သောင်းမှရနောင်းသို့ ပြောင်းတန်ချိန် ( ၄၇၉၅၉.၈၅၆ ) တန်၊ တန်ဖိုးအမေရိကန်ဒေါ်လာ(၁၀.၈၈၂)သန်းအား တင်ပို့နိုင်ခဲ့ပါသည်။
မြိတ်ကုန်သွယ်ရေးစခန်းမှ၂၀၂၄ ခုနှစ်၊ ဇွန် (၁၆) ရက်နေ့မှ (၁၇) ရက်နေ့အတွင်း ပို့ကုန် ငါးမှုန့် (၁) တန်လျှင် (၈၉၉.၆) ဒေါ်လာနှုန်းဖြင့် (၃၀၀) တန် ၊ တန်ဖိုး (၀.၂၇၀) ဒေါ်လာသန်း၊ သီဟိုဠ်စေ့ (၁) တန်လျှင် (၂၇၇၈) ဒေါ်လာ နှုန်းဖြင့် (၁၄၀) တန် ၊ တန်ဖိုး (၀.၃၈၉) ဒေါ်လာသန်းအားရေလမ်းကြောင်း၊ ငါးကြိတ်သား (၁) တန်လျှင် (၁၈၂၆) ဒေါ်လာနှုန်းဖြင့် (၇.၂) တန် ၊ တန်ဖိုး (၀.၀၁၃) ဒေါ်လာသန်းအား ကားလမ်းကြောင်းတို့ဖြင့် လည်းကောင်း၊ ထိုင်းနိုင်ငံသို့ တင်ပို့နိုင်ခဲ့ ရော်ဘာ (၁) တန်လျှင် (၁၄၃၅) ဒေါ်လာနှုန်းဖြင့် (၂၁၃၆.၉၆) တန် ၊ တန်ဖိုး (၃.၀၆၇) ဒေါ်လာသန်း၊ ကွမ်းသီး (၁) တန်လျှင် (၁၅၀၀) ဒေါ်လာနှုန်းဖြင့် (၉၉.၁၂၀) တန် ၊ တန်ဖိုး (၀.၁၄၉) ဒေါ်လာသန်းအား ရေလမ်းကြောင်းဖြင့် မလေးရှားနိုင်ငံသို့တင်ပို့နိုင်ခဲ့ပါသည် စုစုပေါင်းတန်ဖိုး (၃.၈၈၈) ဒေါ်လာ သန်း တင်ပို့နိုင်ခဲ့ပါသည်။ မြိတ်ကုန်သွယ်ရေးစခန်းမှ မောတောင်ကုန်သွယ်ရေးစခန်းအထိ ကုန် (၁) တန်လျှင် ကားခ (ကုန်ကျစ်) ၁၀၀၀၀ဝိ/-(ကျပ်တစ်သိန်းခန့်) ရှိကြောင်း သိရှိရပြီး ကုန်သွယ်မှုလမ်းကြောင်းအနေဖြင့် မြိတ် - ထားဝယ် - ရန်ကုန် လမ်းကြောင်းကောင်းမွန်လျက်ရှိကြောင်း သိရှိရပါသည်။
မြိတ်ကုန်သွယ်ရေးစခန်းမှ ၂၀၂၄ ခုနှစ်၊ ဇွန် (၁၆) ရက်နေ့မှ (၁၇) ရက်နေ့အတွင်း သွင်းကုန် ဓာတ်ဆီ (၁) တန်လျှင် (၉၈၀) ဒေါ်လာနှုန်းဖြင့် (၃၅၀) တန် ၊ တန်ဖိုး (၀.၃၄၃) ဒေါ်လာသန်းအားတင်သွင်း နိုင်ခဲ့ပါ သည်။
တာချီလိတ်ကုန်သွယ်ရေးစခန်းအနေဖြင့် ထိုင်းနိုင်ငံ ၊ တရုတ်နိုင်ငံများနှင့် ကုန်သွယ်မှုလုပ်ငန်းများ ဆောင်ရွက်လျက်ရှိရာ ၂၀၂၄-၂၀၂၅ ဘဏ္ဍာနှစ် (ဧပြီလ မှ ဇွန်လ ၁၇ ရက်နေ့ထိ) ပို့ကုန် ကန်ဒေါ်လာ (၄၀.၆၄၆) သန်း၊ သွင်းကုန် ကန်ဒေါ်လာ (၂၂.၃၂၀) သန်း၊ ကုန်သွယ်မှုပမာဏ ကန်ဒေါ်လာ(၆၂.၉၆၆)သန်း ဆောင်ရွက်နိုင်ခဲ့ပါသည်။ (၁၇-၆-၂၀၂၄) ရက်တွင် ပို့ကုန်တင်ပို့မှုအနေဖြင့် ပြောင်း (၃,၃၇၃.၃၇၇) တန်၊ တန်ဖိုး (၀.၇၉၈) ဒေါ်လာသန်း၊ ကြက်သွန်ဖြူ (၅၉.၀၀၀) တန်၊ တန်ဖိုး (၀.၁၂၇) ဒေါ်လာသန်း၊ ကြက်သွန်နီ (၃၂.၉၂၀)တန်၊ တန်ဖိုး (၀.၀၁၉) ဒေါ်လာသန်း၊ ငရုတ်သီးခြောက် (၁၅.၀၀၀) တန်၊ (၀.၀၂၆) ဒေါ်လာသန်း၊ MANGANESE DIOXIDE Mn - 19.56 % (၂၇၆.၀၀၀) တန်၊ တန်ဖိုး (၀.၀၂၅) ဒေါ်လာသန်းနှင့် စက္ကူဖြတ်စ (၂၄.၀၀၀) တန်၊ တန်ဖိုး (၀.၀၀၃) ဒေါ်လာသန်း၊ စုစုပေါင်း (၀.၉၉၈) ဒေါ်လာသန်း တင်ပို့နိုင်ခဲ့ပါသည်။ ထိုင်းနိုင်ငံသုံး ဘတ်ငွေလဲနှုန်းအနေဖြင့် (၁၇-၆-၂၀၂၄) ရက်နေ့တွင် ကျပ်(၁)သိန်းလျှင် (၈၁၄.၉၉၆) ဘတ် ဖြစ်ပေါ် ခဲ့ပါသည်။
တာချီလိတ်ကုန်သွယ်ရေးစခန်းမှ စက်သုံးဆီ၊ ဘိလပ်မြေနှင့် ဆောက်လုပ်ရေးသုံးပစ္စည်းများ အဓိက တင်သွင်းလျက်ရှိပြီး (၁၇-၆-၂၀၂၄) ရက်တွင် ဒီဇယ် (၀.၀၈၃) ဒေါ်လာသန်း၊ ဘိလပ်မြေ (၀.၀၂၂) ဒေါ်လာသန်း၊ ဆေးနှင့် ဆေးပစ္စည်း (၀.၀၆၅) ဒေါ်လာသန်း၊ ဆောက်လုပ်ရေးပစ္စည်း (၀.၀၂၉) ဒေါ်လာ သန်းနှင့် အခြားပစ္စည်း (၀.၀၃၆) ဒေါ်လာသန်း အပါအဝင် (၀.၂၃၅) ဒေါ်လာသန်း တင်သွင်းခဲ့ပါ သည်။
မြဝတီကုန်သွယ်ရေးဇုန်မှတစ်ဖက်နိုင်ငံနှင့် နှစ်နိုင်ငံနယ်စပ်ကုန်သွယ်မှုများဆောင် ရွက်လျှက်ရှိရာ (၁၇-၆-၂၀၂၄)ရက်နေ့ပို့ကုန်တင်ပို့မှုအနေဖြင့် လယ်ယာထွက်ကုန်ပစ္စည်း များဖြစ်သည့် ကြက်သွန်နီ၊ ကွမ်းသီး၊ ငရုတ်ခြောက်၊ အခြားပစ္စည်း တို့တင်ပို့ခဲ့ပါသည်။
၁၇-၆-၂၀၂၄ ရက်နေ့အများဆုံးတင်ပို့ခဲ့သည့် ပို့ကုန်ပစ္စည်းများမှာ ကြက်သွန်နီ၊ ကွမ်းသီး၊ ငရုတ်ခြောက်၊ အခြားပစ္စည်းတို့ဖြစ်ပါသည်။
ပုပ်သိုးပျက်စီးလွယ်သည့် ရေထွက်ကုန်ပစ္စည်းများ၊ ကုန်စိမ်းပို့ကုန်များဖြစ်သည့် ကြက်သွန်နီနှင့် ငရုတ်များကို လွယ်ကူလျင်မြန်စွာတင်ပို့နိုင်ရေးအတွက် ကုန်ပစ္စည်းစစ် ဆေးမှုများတွင် ဦးစားပေးဆောင်ရွက်ပေးလျက်ရှိပါသည်။
ယခုအခါထိုင်းနိုင်ငံမှ စားသောက်ကုန်လုပ်ငန်းများတွင်ကျယ်စွာ ဆောင်ရွက်လာ ခြင်းကြောင့် စားသောက်ကုန်ပစ္စည်းကုန်ကြမ်းဝယ်လိုအားမြင့်တက်နေ၍ လတ်တလော ကာလများတွင် ပိုမိုတင်ပို့နိုင်ခဲ့ပါသည်။
၁၇-၆-၂၀၂၄ ရက်နေ့ အများဆုံးတင်သွင်းခဲ့သည့် သွင်းကုန်ပစ္စည်းများမှာအလှကုန် ပစ္စည်းများ(၀.၁၂၅)ဒေါ်လာသန်း၊ စက်မှုကုန်ကြမ်းပစ္စည်းများ (၀.၀၈၀)ဒေါ်လာသန်း၊ ပလပ်စတစ် ကုန်ကြမ်းပစ္စည်းများ(၀.၀၇၃)ဒေါ်လာသန်း၊ ကားအပိုပစ္စည်းများ (၀.၀၄၅) ဒေါ်လာသန်း၊ ဓါတုကုန်ကြမ်းပစ္စည်းများ (၀.၀၂၂) ဒေါ်လာသန်း၊ ဆောက်လုပ်ရေးသုံး ပစ္စည်းများ (၀.၀၁၉) ဒေါ်လာသန်း၊ သံနှင့်သံမဏိပစ္စည်းများ (၀.၀၀၈) ဒေါ်လာသန်း၊ ချုပ်ပြီးအထည် (၀.၀၀၆) ဒေါ်လာသန်း၊ ချည်ထည်ပစ္စည်းများ (၀.၀၀၅) ဒေါ်လာသန်း၊ စက်ဘီးအပိုပစ္စည်းများ (၀.၀၀၅) ဒေါ်လာသန်း တို့ဖြစ်ပါသည်။
ပြင်ပငွေလဲနှုန်းအနေဖြင့် ယခင်အပတ်ကတစ်ဘတ်လျှင် (၀.၈၅)ကျပ်ရှိပြီး ယခု အပတ်တွင်(၀.၈၃)ကျပ်ဖြစ်ပါသဖြင့် ဘတ်စျေးနှုန်းအနည်းငယ်ကျလျက်ရှိကြောင်း တွေ့ရှိ ရပါသည်။
၁၇-၆-၂၀၂၄ရက်နေ့ အများဆုံးတင်ပို့ခဲ့သည့် ပို့ကုန်ပစ္စည်းများမှာကြက်သွန်နီ(၁) တန်လျှင် (၅၀၅.၇၀) ဒေါ်လာဖြင့် (၂၆၄.၉၈၀)တန်၊ (၀.၁၃၄)ဒေါ်လာသန်း၊ ကွမ်းသီး (၁) တန်လျှင် (၁၅၀၀) ဒေါ်လာဖြင့် (၁၃၀)တန်၊ (၀.၁၉၅)ဒေါ်လာသန်း၊ ငရုတ်(ခြောက်) (၁၅၄၀.၃၆)ဒေါ်လာဖြင့်(၈၈.၉၄၀)တန်၊(၀.၁၃၇)ဒေါ်လာသန်း၊ အခြားပစ္စည်းများ (၁)တန် လျှင် (၂၁၆၀.၇၀)ဒေါ်လာဖြင့် (၇.၄၀၅)တန်၊(၀.၀၁၆)ဒေါ်လာသန်းတို့ဖြစ်ပါသည်။
မြဝတီကုန်သွယ်ရေးဇုန်အနေဖြင့်၂၀၂၄ ခုနှစ်၊ ဇွန်လ ၁ရက်နေ့မှ ၁၇ ရက်နေ့အထိ အမှန်ဆောင်ရွက်နိုင်မှုမှာပို့ကုန်(၃.၁၉၄)ကန်ဒေါ်လာသန်း၊ သွင်းကုန်(၄.၄၁၂)ကန်ဒေါ်လာ သန်း၊ ကုန်သွယ်မှုပမာဏ (၇.၆၀၆) ကန်ဒေါ်လာသန်း ဆောင်ရွက်နိုင်ခဲ့ပါသည်။
ကံပိုင်တည်ကုန်သွယ်ရေးစခန်းမှ ၂၀၂၄-၂၀၂၅ ဘဏ္ဍာနှစ်၊ဇွန်လကုန်သွယ်မှုလျာထားချက်မှာ ပို့ကုန်(၄.၀၀၀) ဒေါ်လာသန်းနှင့် သွင်းကုန် (၁.၀၀၀) ဒေါ်လာသန်းဖြင့် စုစုပေါင်း (၅.၀၀၀) ဒေါ်လာ သန်းဖြစ်ပြီးဇွန်လ(၁၇)ရက်နေ့ထိ အမှန်ဆောင်ရွက်နိုင်မှုမှာ ပို့ကုန်(၈.၄၆၁) ဒေါ်လာသန်း၊ သွင်းကုန် (၇.၈၆၂) ဒေါ်လာသန်း၊ စုစုပေါင်း(၁၆.၃၂၃)ဒေါ်လာသန်းဖြစ်သဖြင့် ကုန်သွယ်မှုလျာထားချက်အပေါ် (၃၂၆.၄၅၁%)ဆောင်ရွက်နိုင်ခဲ့ပါသည်။
ဇွန်လ (1၇) ရက်နေ့ထိပို့ကုန်အမယ်များအနေဖြင့် တစ်သျှူးငှက်ပျော၊ ဖရုံသီး၊ငရုတ်ခြောက်၊ ကြက်သွန်နီ၊ ချဉ်ပေါင်ဖာလာ၊ သရက်ပြားချောက်၊ ပဲမျိုးစုံ၊ ကော်ဖီစေ့၊ ကွမ်းသီးအစို၊ အလူမီနီယံဖြတ်စ၊ ခဲစက္ကူနှင့် မကျည်းသီး(အစေ့ပါ)ိိတင်ပို့နိုင်ခဲ့ပါသည်။ သွင်းကုန်အမယ်များအနေဖြင့် ရင်းနှီးမြှုပ်နှံမှုပစ္စည်း များ၊လုပ်ငန်းသုံးပစ္စည်းများ၊ ဆောက်လုပ်ရေးလုပ်ငန်းသုံးပစ္စည်းများ၊ လူသုံးကုန်အဝတ်အထည်များ၊ သစ်သီး များနှင့် စက်သုံးဆီများတင်သွင်းနိုင်ခဲ့ပါသည်။
ကံပိုင်တည်ကုန်သွယ်ရေးစခန်း၏ ၂၀၂၄ ခုနှစ်၊ဇွန်လ(၁၆)ရက်မှ(၁၇) ရက်နေ့များတွင် ပိုကုန် တင်ပို့မှုမရှိခဲ့ပါ။
အများဆုံးသွင်းကုန်ပစ္စည်းများမှာ သံကြိုးခွေ၊ Hollow Pipe ၊ Iron Pipe၊ ကြွေးပြား၊ ကားတာယာ၊ လိမ္မော်သီး၊ ပန်းသီး၊ သစ်တော်သီး၊ လူသုံးအဝတ်အထည်များနှင့် စက်သုံးဆီပစ္စည်းများ ဖြစ်ပြီး ရင်းနှီးမြှုပ်နှံမှုပစ္စည်းတန်ချိန် (၃၁.၃၀၀) တန်၊ တန်ဖိုး (၀.၀၇၆)ဒေါ်လာသန်း၊ လုပ်ငန်းသုံးပစ္စည်း တန်ချိန် (၃၃.၀၀) တန်၊ တန်ဖိုး (၀.၆၄၉) ဒေါ်လာသန်းနှင့်လူသုံးကုန်ပစ္စည်း တန်ချိန် (၁၅၅.၀၀၀) တန်၊ တန်ဖိုး (၀.၁၁၅)ဒေါ်လာသန်းတို့ တင်သွင်းနိုင်ခဲ့ပါသည်။
ကံပိုင်တည်ကုန်သွယ်ရေးစခန်းတွင် OSS အဖွဲ့ဝင်ဌာနများ၊ မိတ်ဖက်ဌာနများဖြင့် ကုန်ပစ္စည်း စစ်ဆေးမှုများကို ဆောင်ရွက်လျက်ရှိပြီး ကုန်သွယ်မှုလွယ်ကူမြန်ဆန်စေရေးနှင့် ပို့ကုန်တိုးမြှင့်တင်ပို့ နိုင်ရေးကို အလေးထား ဆောင်ရွက်လျက်ရှိပါသည်။
ကံပိုင်တည်-ဝိုင်းမော်-မြစ်ကြီးနား ကုန်သွယ်မှုလမ်းကြောင်း၌ တောင်ပြိုခြင်း၊ လမ်းပိတ်ဆို့ ခြင်းများမရှိဘဲ ကုန်တင်ယာဉ်များ ပုံမှန်သွားလာလျက်ရှိပါသည်။