ကော့သောင်းကုန်သွယ်ရေးစခန်းသည် တစ်ဖက်ထိုင်းနိုင်ငံသို့ ရေထွက်ပစ္စည်းများကို FOB စနစ်ဖြင့် အဓိကတင်ပို့နေသော ပို့ကုန်အသာစီးရသည့် စခန်းတစ်ခုဖြစ်သည်။ အဓိက ဖြစ်သည်။
၂၀၂၄ ခုနှစ်၊ ဇွန်လ ကုန်သွယ်မှုလျာထားချက်မှာ အမေရိကန်ဒေါ်လာ (၁၈.၀၀၀) သန်းဖြစ်ပြီး (၁၅-၆-၂၀၂၄) ရက်နေ့ထိ အမှန်ဆောင်ရွက်နိုင်မှုမှာ အမေရိကန်ဒေါ်လာ (၁၀.၂၄၇) သန်း ဆောင်ရွက်နိုင်ခဲ့ သဖြင့် လျာထားချက်အပေါ် (၅၆.၉၂၇%) ဆောင်ရွက်နိုင်ခဲ့ပါသည်။
၂၀၂၄ ခုနှစ်၊ ဇွန်လ ၁၁ ရက်နေ့မှ ၁၅ ရက်နေ့အထိ ပို့ကုန်တန်ချိန် (၇၇၈၅.၆၄၂) တန်၊ တန်ဖိုး အမေရိကန်ဒေါ်လာ (၂.၁၅၅) သန်းနှင့် သွင်းကုန် (၂၀၇၃.၃၃၂) တန်၊ (၁၀၈၅၀) U၊ (၁၃၁၂၇.၄၀၀) M2၊ (၄၄၀) BBL၊ (၆၄၈၀၀.၀၀၀) 2U၊ တန်ဖိုးအမေရိကန်ဒေါ်လာ (၁.၀၆၉) သန်းဖြစ်ပြီး ကုန်သွယ်မှုပမာဏမှာ အမေရိကန်ဒေါ်လာ (၃.၂၂၄) သန်း ဆောင်ရွက်နိုင်ခဲ့ပါသည်။
ပို့ကုန်ပိုင်းအနေဖြင့် ၂၀၂၄ ခုနှစ်၊ ဇွန်လ ၁၁ ရက်နေ့မှ ၁၅ ရက်နေ့အထိ ရေထွက်ကုန်ပစ္စည်း အုပ်စုတွင် (၃၁၈.၉၅၄) တန်၊ တန်ဖိုးအမေရိကန်ဒေါ်လာ (၀.၃၆၁) သန်း၊ လယ်ယာထွက်ပစ္စည်းအုပ်စုတွင် (၇၁၉၂.၉၆၇) တန်၊ တန်ဖိုးအမေရိကန်ဒေါ်လာ (၁.၆၉၆) သန်းနှင့် အခြားပစ္စည်းအုပ်စုတွင် (၂၇၃.၇၂၁) တန်၊ တန်ဖိုးအမေရိကန်ဒေါ်လာ (၀.၀၉၈) သန်း၊ စုစုပေါင်းတန်ဖိုးအမေရိကန်ဒေါ်လာ (၂.၁၅၅) သန်း တင်ပို့နိုင်ခဲ့ ပါသည်။ ပို့ကုန်တိုးမြှင့်ရေးအဓိက ဆောင်ရွက်လျက်ရှိရာ ပြောင်းသီးနှံအား တစ်ဘက်ထိုင်းနိုင်ငံမှ Quota ကာလအနေဖြင့် နှစ်စဉ် ဖေဖော်ဝါရီလ (၁) ရက်မှ ဩဂုတ်လ (၃၁) ရက်နေ့အထိ ခွင့်ပြုထားသဖြင့် မိမိနိုင်ငံ ထွက်ပြောင်းများကို ပင်လယ်ရေကြောင်း ရန်ကုန်ဆိပ်ကမ်းများမှတစ်ဆင့် ရနောင်းဆိပ်ကမ်းသို့ တိုက်ရိုက် တင်ပို့လျက်ရှိသကဲ့သို့ နယ်စပ်လမ်းကြောင်း ကော့သောင်းမှတစ်ဆင့် တင်ပို့မှုများလည်း ဆောင်ရွက်လျက် ရှိပါသည်။ ၂၀၂၄ ခုနှစ်၊ ဇွန်လ (၁၅) ရက်နေ့အထိ နယ်စပ်ကုန်သွယ်မှုအနေဖြင့် ကော့သောင်းမှ ရနောင်းသို့ ပြောင်းတန်ချိန် (၄၆၇၀၉.၈၅၆) တန်၊ တန်ဖိုးအမေရိကန်ဒေါ်လာ (၁၀.၅၉၆) သန်းအား တင်ပို့နိုင်ခဲ့ပါသည်။
မြိတ်ကုန်သွယ်ရေးစခန်းမှ ၂၀၂၄ ခုနှစ်၊ ဇွန် (၁၁) ရက်နေ့မှ (၁၅) ရက်နေ့အတွင်း ပို့ကုန် ငါးကြိတ်သား (၁) တန်လျှင် (၁၈၂၇) ဒေါ်လာနှုန်းဖြင့် (၇.၂) တန် ၊ တန်ဖိုး (၀.၀၁၃) ဒေါ်လာသန်းအား ကားလမ်းကြောင်းဖြင့် ထိုင်းနိုင်ငံသို့တင်ပို့နိုင်ခဲ့ပါသည်။ မြိတ်ကုန်သွယ်ရေးစခန်းမှ မောတောင်ကုန်သွယ် ရေးစခန်းအထိ ကုန် (၁) တန်လျှင် ကားခ (ကုန်ကျစ်) ၁၀၀၀၀ဝိ/- (ကျပ်တစ်သိန်းခန့်) ရှိကြောင်း သိရှိ ရပြီး ကုန်သွယ်မှုလမ်းကြောင်းအနေဖြင့် မြိတ် - ထားဝယ် - ရန်ကုန် လမ်းကြောင်း ကောင်းမွန်လျက်ရှိ ကြောင်း သိရှိရပါသည်။
မြိတ်ကုန်သွယ်ရေးစခန်းမှ၂၀၂၄ ခုနှစ်၊ ဇွန် (၁၁)ရက်နေ့မှ (၁၅)ရက်နေ့အတွင်း သွင်းကုန် ဒီဇယ်ဆီ (၁) တန်လျှင် (၈၃၀) ဒေါ်လာနှုန်းဖြင့် (၉၀၀) တန် ၊ တန်ဖိုး (၀.၇၄၇) ဒေါ်လာသန်း၊ ဓာတ်ဆီ (၁) တန်လျှင် (၉၇၀) ဒေါ်လာနှုန်းဖြင့် (၂၅၀) တန် ၊ တန်ဖိုး (၀.၂၄၃) ဒေါ်လာသန်း၊ လုပ်ငန်းသုံးကုန် ပစ္စည်း (၁၇.၄၀၉)တန်၊ တန်ဖိုး (၀.၁၃၅) ဒေါ်လာသန်း၊ စုစုပေါင်းသွင်းကုန်တန်ဖိုး (၁.၁၂၅)ဒေါ်လာသန်း အားတင်သွင်းနိုင်ခဲ့ပါသည်။
တာချီလိတ်ကုန်သွယ်ရေးစခန်းမှ ယခုအပတ် (၈-၆-၂၀၂၄ မှ ၁၅-၆-၂၀၂၄) ရက်နေ့ထိ ပို့ကုန်တင်ပို့မှုအနေဖြင့် ပြောင်း (၁၇,၅၇၀.၈၇၄) တန်၊ တန်ဖိုး (၄.၁၃၁) ဒေါ်လာသန်း၊ ကြက်သွန်နီ (၂၁၁.၈၄၀) တန်၊ တန်ဖိုး (၀.၁၂၁) ဒေါ်လာသန်း၊ ကြက်သွန်ဖြူ (၅၁၄.၀၇၀) တန်၊ တန်ဖိုး (၁.၁၀၈) ဒေါ်လာသန်း၊ လိမ္မော်သီး (၅၂.၈၀၀)တန်၊ တန်ဖိုး (၀.၀၀၈) ဒေါ်လာသန်း၊ လက်ဖက်ခြောက် (၄၉.၆၀၀)တန်၊ တန်ဖိုး (၀.၀၆၃) ဒေါ်လာသန်း၊ ဝဥခြောက် (၁၅.၀၀၀)တန်၊ တန်ဖိုး (၀.၀၂၅) ဒေါ်လာသန်း၊ နနွင်းတက် (၁၇.၀၀၀)တန်၊ တန်ဖိုး (၀.၀၁၉) ဒေါ်လာသန်း၊ ပုစွန်ဖွဲ (၂၀၁.၆၀၀) တန်၊ တန်ဖိုး (၀.၀၉၇) ဒေါ်လာသန်း၊ MANGANESE DIOXIDE (၂၄၀.၀၀၀)တန်၊ တန်ဖိုး (၀.၀၂၂) ဒေါ်လာသန်းနှင့် စက္ကူဖြတ်စ (၂၀၂.၀၀၀)တန်၊ တန်ဖိုး (၀.၀၂၃) ဒေါ်လာသန်း အပါအဝင် ပို့ကုန်တန်ဖိုး (၅.၆၁၇) ဒေါ်လာသန်း တင်ပို့နိုင်ခဲ့ပါသည်။ တစ်ပတ်အတွင်း ပျမ်းမျှငွေလဲနှုန်း အနေဖြင့် ကျပ် (၁) သိန်းလျှင် (၈၃၂.၁၃၇) ဘတ် ဖြစ်ပေါ်ခဲ့ပါသည်။
တာချီလိတ်ကုန်သွယ်ရေးစခန်းအနေဖြင့် စက်သုံးဆီ၊ ဘိလပ်မြေနှင့် ဆောက်လုပ်ရေးသုံး ပစ္စည်းများ အဓိကတင်သွင်းလျက်ရှိရာ ယခုအပတ် (၈-၆-၂၀၂၄ မှ ၁၄-၆-၂၀၂၄) တွင် ဓာတ်ဆီ (၂,၀၉၃) BBL၊ တန်ဖိုး (၀.၂၁၂) ဒေါ်လာသန်း၊ ဒီဇယ် (၁,၈၃၄) BBL ၊ တန်ဖိုး (၀.၁၉၈) ဒေါ်လာသန်း၊ ဘိလပ်မြေ (၀.၂၄၇) ဒေါ်လာသန်း၊ မော်တော်ယာဉ်နှင့် မော်တော်ယာဉ်ပစ္စည်းများ (၀.၃၉၁)ဒေါ်လာသန်း၊ လယ်ယာသုံး နောက်တွဲယာဉ်နှင့်အခြားယာဉ်များ (၀.၈၇၆) ဒေါ်လာသန်း၊ စက်နှင့်စက်ပစ္စည်းများ (၀.၀၀၉) ဒေါ်လာသန်း၊ ဆောက်လုပ်ရေးပစ္စည်းများ (၀.၃၂၀) ဒေါ်လာသန်း၊ စက်ဆီချောဆီ (၀.၀၄၆) ဒေါ်လာသန်း၊ သုတ်ဆေးနှင့် ပေါလစ်များ (၀.၀၀၄) ဒေါ်လာသန်း၊ ပလပ်စတစ်ကုန်ကြမ်းပစ္စည်းများ (၀.၀၁၉) ဒေါ်လာသန်း၊ သွပ်ပြား (၀.၁၆၉) ဒေါ်လာသန်း၊ တာယာနှင့် ကျွတ်များ (၀.၀၁၉) ဒေါ်လာသန်း၊ ပရိဘောဂ (၀.၀၀၅) ဒေါ်လာသန်း၊ မီးဖိုချောင်သုံးပစ္စည်းများ (၀.၀၂၀) ဒေါ်လာသန်းနှင့် အခြားပစ္စည်း (၀.၁၂၁) ဒေါ်လာသန်း အပါအဝင် သွင်းကုန် တန်ဖိုး (၂.၆၅၆) ဒေါ်လာသန်း တင်သွင်းခဲ့ပါသည်။
မြဝတီကုန်သွယ်ရေးဇုန်မှ တစ်ဖက်နိုင်ငံနှင့် နှစ်နိုင်ငံနယ်စပ်ကုန်သွယ်မှုများ ဆောင်ရွက်လျှက်ရှိရာ (၁၄-၆-၂၀၂၄)ရက်နေ့ ပို့ကုန်တင်ပို့မှုအနေဖြင့် လယ်ယာထွက်ကုန်ပစ္စည်းများဖြစ်သည့် ငရုတ်(အခြောက်) ၊ ကြက်သွန်နီ၊ ကွမ်းသီး၊ သတ္တုရိုင်း၊ ပီလောပီနံ(အခြောက်)၊ မကျည်းသီး(အစေ့ပါ)နှင့် နနွင်းတက်တို့ တင်ပို့ခဲ့ ပါသည်။
၁၄-၆-၂၀၂၄ ရက်နေ့ အများဆုံးတင်ပို့ခဲ့သည့် ပို့ကုန်ပစ္စည်းများမှာ ငရုတ်(အခြောက်)၊ ကြက်သွန်နီ၊ ကွမ်းသီး၊ သတ္တုရိုင်း၊ ပီလောပီနံ(အခြောက်)၊ မကျည်းသီး(အစေ့ပါ)နှင့် နနွင်းတက်တို့ဖြစ်ပါသည်။
ပုပ်သိုးပျက်စီးလွယ်သည့် ရေထွက်ကုန်ပစ္စည်းများ၊ ကုန်စိမ်းပို့ကုန်များဖြစ်သည့် ကြက်သွန်နီနှင့် ငရုတ်များကို လွယ်ကူလျင်မြန်စွာတင်ပို့နိုင်ရေးအတွက် ကုန်ပစ္စည်းစစ်ဆေးမှုများတွင် ဦးစားပေးဆောင် ရွက်ပေးလျက်ရှိပါသည်။
ယခုအခါထိုင်းနိုင်ငံမှ စားသောက်ကုန်လုပ်ငန်းများတွင်ကျယ်စွာ ဆောင်ရွက်လာခြင်းကြောင့် စားသောက်ကုန်ပစ္စည်းကုန်ကြမ်း ဝယ်လိုအားမြင့်တက်နေ၍ လတ်တလောကာလများတွင် ပိုမိုတင်ပို့နိုင် ခဲ့ပါသည်။
၁၄-၆-၂၀၂၄ ရက်နေ့ အများဆုံးတင်သွင်းခဲ့သည့် သွင်းကုန်ပစ္စည်းများမှာ ပလပ်စတစ်ကုန်ပစ္စည်း များ (၀.၁၁၁) ဒေါ်လာသန်း၊ ဆောက်လုပ်ရေးသုံးပစ္စည်းများ (၀.၀၅၈) ဒေါ်လာသန်း၊ စားသောက်ကုန် ပစ္စည်းများ (၀.၀၅၄) ဒေါ်လာသန်း၊ ချည်ထည်များ (၀.၀၅၀) ဒေါ်လာသန်း၊ လျှပ်စစ်ပစ္စည်းများ (၀.၀၃၈) ဒေါ်လာသန်း၊ သွပ်ပြား (၀.၀၁၆) ဒေါ်လာသန်း၊ သံနှင့်သံမဏိပစ္စည်းများ (၀.၀၁၁) ဒေါ်လာသန်း၊ ဇာနှင့် ဇာထိုးထားသော အထည်အလိပ်များ (၀.၀၀၇) ဒေါ်လာသန်း၊ စက်ဘီးနှင့် စက်ဘီးအပိုပစ္စည်းများ (၀.၀၀၇) ဒေါ်လာသန်း၊ အခြားစက္ကူများ (၀.၀၀၇) ဒေါ်လာသန်းတို့ဖြစ်ပါသည်။
ပြင်ပငွေလဲနှုန်းအနေဖြင့်ယခင်အပတ်က တစ်ဘတ်လျှင် (၀.၈၇) ကျပ်ရှိပြီး ယခုအပတ်တွင် (၀.၈၅) ကျပ် ဖြစ်ပါသဖြင့် ဘတ်စျေးနှုန်းမြင့်တက်လျက်ရှိကြောင်း တွေ့ရှိရပါသည်။
၁၄-၆-၂၀၂၄ရက်နေ့အများဆုံးတင်ပို့ခဲ့သည့် ပို့ကုန်ပစ္စည်းများမှာငရုတ်(အခြောက်)(၁)တန်လျှင် (၁၆၃၀.၄၉) ဒေါ်လာဖြင့် (၂၃၀.၆၀၅) တန်၊ (၀.၃၇၆) ဒေါ်လာသန်း၊ ကြက်သွန်နီ (၁) တန်လျှင် (၅၀၃.၉၂) ဒေါ်လာဖြင့် (၇၄၀.၂) တန်၊ (၀.၃၇၃) ဒေါ်လာသန်း၊ ကွမ်းသီး (၁) တန်လျှင် (၁၅၁၀.၂၀) ဒေါ်လာဖြင့် (၁၉၆) တန်၊ (၀.၂၉၆) ဒေါ်လာသန်း၊ သတ္တုရိုင်း (၂၁၇၂.၀၄) ဒေါ်လာဖြင့် (၉၃) တန်၊ (၀.၂၀၂) ဒေါ်လာသန်း၊ ပီလောပီနံ(အခြောက်) (၁) တန်လျှင် (၁၄၁.၀၈) ဒေါ်လာဖြင့် (၂၄၁) တန်၊ (၀.၀၃၄) ဒေါ်လာသန်း၊ မန်ကျည်းသီး(အစေ့ပါ) (၁) တန်လျှင် (၂၅၀) ဒေါ်လာဖြင့် (၂၀) တန်၊ (၀.၀၀၅) ဒေါ်လာသန်းနှင့် နနွင်းတက် (၁) တန်လျှင် (၁၉၀.၄၈) ဒေါ်လာဖြင့် (၁၀.၅) တန်၊ (၀.၀၀၂) ဒေါ်လာသန်းတို့ဖြစ်ပါသည်။
မြဝတီကုန်သွယ်ရေးဇုန်အနေဖြင့် ၂၀၂၄ ခုနှစ်၊ ဇွန်လ ၁ ရက်နေ့မှ ၁၄ ရက်နေ့အထိ အမှန် ဆောင်ရွက်နိုင်မှုမှာ ပို့ကုန် (၂.၃၉၂) ကန်ဒေါ်လာသန်း၊ သွင်းကုန် (၃.၆၇၇) ကန်ဒေါ်လာသန်း၊ ကုန်သွယ်မှု ပမာဏ (၆.၀၇၀) ကန်ဒေါ်လာသန်း ဆောင်ရွက်နိုင်ခဲ့ပါသည်။
ကံပိုင်တည်ကုန်သွယ်ရေးစခန်းမှ ၂၀၂၄-၂၀၂၅ ဘဏ္ဍာနှစ်၊ ဇွန်လကုန်သွယ်မှုလျာထားချက်မှာ ပို့ကုန် (၄.၀၀၀) ဒေါ်လာသန်းနှင့် သွင်းကုန် (၁.၀၀၀) ဒေါ်လာသန်းဖြင့် စုစုပေါင်း (၅.၀၀၀) ဒေါ်လာ သန်းဖြစ်ပြီး ဇွန်လ (၁၅) ရက်နေ့ထိ အမှန်ဆောင်ရွက်နိုင်မှုမှာ ပို့ကုန်(၈.၄၆၁) ဒေါ်လာသန်း၊ သွင်းကုန် (၆.၈၇၅) ဒေါ်လာသန်း၊ စုစုပေါင်း (၁၅.၃၃၆) ဒေါ်လာသန်းဖြစ်သဖြင့် ကုန်သွယ်မှုလျာထားချက်အပေါ် (၃၀၆.၇၁၄%) ဆောင်ရွက်နိုင်ခဲ့ပါသည်။
ဇွန်လ (1၅) ရက်နေ့ထိ ပို့ကုန်အမယ်များအနေဖြင့် တစ်သျှူးငှက်ပျော၊ ဖရုံသီး၊ ငရုတ်ခြောက်၊ ကြက်သွန်နီ၊ ချဉ်ပေါင်ဖာလာ၊ သရက်ပြားချောက်၊ ပဲမျိုးစုံ၊ ကော်ဖီစေ့၊ ကွမ်းသီးအစို၊ အလူမီနီယံဖြတ်စ၊ ခဲစက္ကူနှင့် မကျည်းသီး(အစေ့ပါ)ိိတင်ပို့နိုင်ခဲ့ပါသည်။ သွင်းကုန်အမယ်များအနေဖြင့် ရင်းနှီးမြှုပ်နှံမှုပစ္စည်း များ၊ လုပ်ငန်းသုံးပစ္စည်းများ၊ ဆောက်လုပ်ရေးလုပ်ငန်းသုံးပစ္စည်းများ၊ လူသုံးကုန်အဝတ်အထည်များ၊ သစ်သီး များနှင့် စက်သုံးဆီများတင်သွင်းနိုင်ခဲ့ပါသည်။
ကံပိုင်တည်ကုန်သွယ်ရေးစခန်း၏ ၂၀၂၄ ခုနှစ်၊ ဇွန်လ (၁၁) ရက်မှ (၁၅) ရက်နေ့အထိ ပို့ကုန် ပိုင်းတွင် အဓိကပို့ကုန်ဖြစ်သည့် တစ်သျှူးငှက်ပျောတင်ပို့မှုအနေဖြင့် ဈေးနှုန်းတစ်တန်လျှင် (၂၅၃၀) ယွမ်/ (၃၄၇) ဒေါ်လာတို့ဖြင့် တန်ချိန် (၁၂၅) တန်၊ တန်ဖိုး (၀.၀၄၃) ဒေါ်လာသန်း၊ ဖရုံသီး တန်ချိန် (၁၇) တန်၊ တန်ဖိုး (၀.၀၀၂) ဒေါ်လာသန်း၊ ငရုတ်ခြောက် တန်ချိန် (၂၈) တန်၊ တန်ဖိုး (၀.၀၄၁) ဒေါ်လာသန်း၊ ကြက်သွန်နီ တန်ချိန် (၄၆၇.၅) တန်၊ တန်ဖိုး (၀.၁၉၁) ဒေါ်လာသန်း၊ ချဉ်ပေါင်ဖာလာ တန်ချိန် (၈၂.၅)တန်၊ တန်ဖိုး (၀.၁၆၅) ဒေါ်လာသန်း၊ မကျည်းသီး (အစေ့ပါ) တန်ချိန် (၅၀) တန်၊ တန်ဖိုး (၀.၀၁၁) ဒေါ်လာသန်း နှင့် ပဲမျိုးစုံ တန်ချိန် (၁၀၆၆) တန်၊ တန်ဖိုး (၀.၇၅၃) ဒေါ်လာသန်းတို့ တင်ပို့နိုင်ခဲ့ပါသည်။
အများဆုံးသွင်းကုန်ပစ္စည်းများမှာ သံကြိုးခွေ၊ Hollow Pipe ၊ Iron Pipe၊ ကြွေပြား၊ ကားတာယာ၊ လိမ္မော်သီး၊ ပန်းသီး၊ သစ်တော်သီး၊ လူသုံးအဝတ်အထည်များနှင့် စက်သုံးဆီပစ္စည်းများဖြစ်ပြီး ရင်းနှီး မြှုပ်နှံမှုပစ္စည်းတန်ချိန် (၃၇၄.၇၀၀) တန်၊ တန်ဖိုး (၀.၄၅၂) ဒေါ်လာသန်း၊ လုပ်ငန်းသုံးပစ္စည်း တန်ချိန် (၂၆၉.၉၀၀)တန်၊ တန်ဖိုး (၁.၄၁၇)ဒေါ်လာသန်းနှင့်လူသုံးကုန်ပစ္စည်း တန်ချိန် (၆၅၇.၉၀၀) တန်၊ တန်ဖိုး (၀.၄၀၅) ဒေါ်လာသန်းတို့ တင်သွင်းနိုင်ခဲ့ပါသည်။
ကံပိုင်တည်ကုန်သွယ်ရေးစခန်းတွင် OSS အဖွဲ့ဝင်ဌာနများ၊ မိတ်ဖက်ဌာနများဖြင့် ကုန်ပစ္စည်း စစ်ဆေးမှုများကို ဆောင်ရွက်လျက်ရှိပြီး ကုန်သွယ်မှုလွယ်ကူမြန်ဆန်စေရေးနှင့် ပို့ကုန်တိုးမြှင့်တင်ပို့နိုင် ရေးကို အလေးထား ဆောင်ရွက်လျက်ရှိပါသည်။
ကံပိုင်တည်-ဝိုင်းမော်-မြစ်ကြီးနား ကုန်သွယ်မှုလမ်းကြောင်း၌ တောင်ပြိုခြင်း၊ လမ်းပိတ်ဆို့ ခြင်းများမရှိဘဲ ကုန်တင်ယာဉ်များ ပုံမှန်သွားလာလျက်ရှိပါသည်။