ယှဉ်ပြိုင်မှုဆိုင်ရာ တိုင်ကြားလာသည့်အမှုကိစ္စများနှင့်စပ်လျဉ်းသည့် အစည်းအဝေး ကျင်းပပြုလုပ်ခြင်း
၁၆-၈-၂၀၂၂ ရက်၊ နံနက် (၁၀:၀၀) နာရီ
မြန်မာနိုင်ငံယှဉ်ပြိုင်မှုကော်မရှင်သို့ တိုင်ကြားလာသည့် အမှုကိစ္စများနှင့်စပ်လျဉ်းသည့် အစည်းအဝေးကို ၂၀၂၂ ခုနှစ်၊ ဩဂုတ်လ ၁၆ ရက်နေ့ (အင်္ဂါနေ့) နံနက် (၁၀:၀၀)နာရီအချိန်တွင် မြန်မာနိုင်ငံယှဉ်ပြိုင်မှုကော်မရှင် ဒုတိယဥက္ကဋ္ဌဦးဆောင်၍ Virtual စနစ်ဖြင့် ကျင်းပပြုလုပ်ခဲ့ပါသည်။
အစည်းအဝေးတွင် မြန်မာနိုင်ငံယှဉ်ပြိုင်မှုကော်မရှင်သို့ တိုင်ကြားလာသည့် အမှုကိစ္စများအပေါ် ဆောင်ရွက်ထားရှိမှု အခြေအနေများအား ကော်မရှင်ရုံးမှ တာဝန်ရှိသူများက ရှင်းလင်းတင်ပြခဲ့ပြီး ကော်မရှင်အဖွဲ့ဝင်များက အဆိုပါအမှုကိစ္စများအပေါ် ဆွေးနွေးဆုံးဖြတ်ခဲ့ကြပါသည်။