မြန်မာ-ဂျပန်နှစ်နိုင်ငံ သံတမန် ဆက်ဆံရေးကို ကောင်စစ်ရေးရာ ဆက်ဆံမှုနဲ့ စတင်ခဲ့ပြီး ၁၉၅၄ ခုနှစ် ဒီဇင်ဘာလ ၁ ရက်နေ့ စတင်ကာ တရားဝင် ထူထောင်ခဲ့ပါတယ်။ လွန်ခဲ့တဲ့နှစ်ပေါင်း ၆၀ အတွင်း မြန်မာနိုင်ငံနဲ့ ဂျပန်နိုင်ငံတို့အကြားဆက် ဆံရေးဟာ နိုင်ငံတကာပြောင်းလဲမှု ဒီလှိုင်းများရဲ့စမ်းသပ်မှုကို ကြံ့ကြံ့ခံခဲ့ပြီး အပြန်အလှန် လေးစားမှုနဲ့ လျှောက်လှမ်းခဲ့ကြ တာဖြစ်ပါတယ်။ နှစ်နိုင်ငံပြည်သူများ အကြား သမိုင်းရှည် ကြာတဲ့ အပြန်အလှန် ဆက်ဆံမှုများ ရှိခဲ့ပါတယ်။ သမိုင်းဝင် ခိုင်မြဲတဲ့ ချစ်ကြည်မှုနဲ့ နားလည်မှုတို့ တိုးပွား လာသကဲ့သို့ ပူးပေါင်းဆောင်ရွက်မှု နယ်ပယ်များကလည်း ဆက်လက် တိုးတက် လာခဲ့ပါတယ်။ နိုင်ငံရေးနယ်ပယ်မှာ မြန်မာ-ဂျပန်နှစ်နိုင်ငံ အကြား အဆင့်မြင့် ခရီးစဉ်ယာဉ်များ အပြန်အလှန် သွားရောက် မှုများဟာ နှစ်နိုင်ငံဆက်ဆံရေးကို လမ်းကြောင်းတဲ့ ရွက်သဖွယ် ဖြစ်ပါတယ်။ မြန်မာ ပြည်သူများရဲ့ လူနေမှုဘဝ မြင့်မားရေး၊ အခြေခံအဆောက် အဦများ၊ လူ့စွမ်းအား အရင်းအမြစ် များနဲ့ တရားရေးစနစ်ဖွံ့ဖြိုး တိုးတက်ရေးနဲ့ နယ် စ ပ်ဒေသများ ဖွံ့ဖြိုးတိုးတက်ရေး အပါအဝင် ကဏ္ဍစုံမှာ ဂျပန်နနိုင်ငံမှ မြန်မာနိုင်ငံသို့ အကူအညီများ တိုးမြှင့် ပေးအပ်ခဲ့ပါတယ်။စီးပွားရေးကဏ္ဍ ကိုကြည့်လျှင် အပြန်အလှန် အကျိုးစီးပွားအပေါ် အလေးထားမှုဖွံ့ဖြိုး တိုးတက်ခြင်း ကလည်း နှစ်နိုင်ငံ အကြား ပေါင်းကူး တံတားသဖွယ် ဆက်သွယ်ပေး လျက်ရှိပါတယ်။ လွန်ခဲ့တဲ့၃ နှစ်တာကာလမှ အစပြုကာ မြန်မာနဲ့ ဂျပနှစ်နိုင်ငံ တို့အကြား စီးပွားရေး ပူးပေါင်းဆောင်ရွက် မှုဟာ လျင်မြန်တဲ့ နှုန်းနဲ့ တိုးတက်လျက်ရှိပါတယ်။ ဂျပန်နိုင် ငံဟာမြန်မာနို င်ငံမှာ ဧကဒသမမြောက် နိုင်ငံခြား တိုက်ရိုက် ရင်းနှီးမြှုပ်နှံမှု (Foreign Direct Investment –FDI )အများဆုံးနိုင်ငံ ဖြစ်လာပါတယ်။ နှစ်နိုင်ငံအကြား ရင်းနှီးမြှုပ်နှံမှု၊ နှစ်နိုင်ငံ ကုန်သွယ်မှုနဲ့ စီးပွားရေး လုပ်ငန်းများ တိုးမြှင့်ခြင်းစတဲ့ စီးပွားရေးဆက် ဆံမှုများ တိုးမြင့်လာပါက နှစ်နိုင်ငံဆက်ဆံရေး ဟာလည်း ပိုမိုခိုင်မာ သည်ထက် ခိုင်မာလာမယ်လို့ နှစ်နိုင်ငံ လုံးကယုံကြည် လျက်ရှိနေပါတယ်။ ယဉ်ကျေးမှုနဲ့ ပြည်သူချင်း အပြန်အလှန် ဖလှယ်မှုကဏ္ဍမှာ မြန်မာနဲ့ ဂျပန်နှစ် နိုင်ငံပြည်သူများအကြား ခိုင်မြဲတဲ့ ထိတွေ့ဆက်ဆံမှု များဟာလည်း နိုင်ငံဆက်ဆံရေးကို ပိုမို တိုးတက် လာစေတဲ့ အခြေခံကောင်း တစ်ခုဖြစ်ပါတယ်။ လူမှုအဖွဲ့ အစည်းများ၊ စီးပွားရေး အဖွဲ့အစည်းများ၊ စီးပွားရေး လုပ်ငန်းရှင်များ၊ အနုပညာရှင်များနဲ့ သတင်း Media များ အကြား ပူးပေါင်း ဆောင်ရွက်မှု ဟာလည်း နှစ်နိုင်ငံဆက်ဆံရေး တိုးတက်မှုကို အထောက်အကူ ပြုစေလျက် ရှိပါတယ်။ ချစ်ကြည်ရင်းနှီးမှုကို အစိုးရပိုင်းနဲ့ လွှတ်တော်ပိုင်းတို့မှာ မကြာခဏ အပြန်အလှန် ခရီးစဉ်များက ပိုမိုခိုင်မြဲစေသလို စီးပွားရေး၊ ကူးသန်းရောင်းဝယ်ရေး၊ ယဉ်ကျေးမှုနဲ့ ပညာရေးစတဲ့ နယ်ပယ်များ ပူးပေါင်းဆောင် ရွက်ခြင်းတို့ကလည်း ပိုမိုတိုးတက်စေ လျက်ရှိပါတယ်။ထို့အပြင် နှစ်နိုင်ငံ ဆက်ဆံရေးဟာ အစိုးရ အချင်းချင်းသာမက ပုဂ္ဂလိက ပိုင်းမှာလည်း များစွာကြီးမား ကျယ်ပြန့် လာလျက်ရှိနေပါတယ်။ ဂျပန်နိုင်ငံ အစိုးရအနေနဲ့ အစိုးရ၊ ပုဂ္ဂလိက လက်တွဲပူးပေါင်းပြီး မြန်မာနိုင်ငံရဲ့ အကောင်အထည်ဖော်ဆောင် လျက်ရှိတဲ့ ဒီမိုကရေစီစနစ်ပြောင်းလဲဖော်ဆောင်ရေး၊ စီးပွားရေးပြုပြင်ပြောင်းလဲရေးနဲ့အမျိုးသားပြန် လည်သင့်မြတ်ရေးစတဲ့ လုပ်ငန်းစဉ်များကို ပံ့ပိုးကူညီမှုများလည်း ပေးလျက်ရှိပါတယ်။ ဂျပန်-မြန်မာ သံတမန်ဆက်ဆံရေး နှစ်၆၀ ပြည့်မြောက်တဲ့ အထိမ်းအမှတ်အဖြစ် ဂျပန်-မြန်မာနှစ်နိုင်ငံ အထိမ်းအမှတ်ပွဲ အမျိုးမျိုး ကျင်းပလျက် ရှိနေပါတယ်။ အဆိုပါ အထိမ်းအမှတ်ပွဲများက တစ်ဆင့်နှစ်ပေါင်းရှည် ကြာလှတဲ့ ဆက်ဆံရေးသမိုင်းကို အရင်းတည်ပြီး ပြည်သူအချင်းချင်း အပြန်အလှန်နားလည် မှုနဲ့ချစ် ကြည် ရင်းနှီးမှုများ ပိုမိုနက်ရှိုင်းပြီး နှစ်နိုင်ငံ အကြားကဏ္ဍစုံ ပူးပေါင်းဆောင်ရွက်မှု အသီး အပွင့်များဝေ ဆာလာလိမ့်မယ်လို့ မျှော်လင့်ထားကြ ပါတယ်။အနှစ် ၆၀ ပြည့် ဂျပန်-မြန်မာသံ တမန်ဆက်ဆံရေး အထိမ်းအမှတ်အဖြစ် ကျပန်းစကားပြောပြိုင်ပွဲ၊ ဂျပန်စာပေ ဘာသာပြန်ပြိုင်ပွဲများ၊ ဂျပန်ရုပ်ရှင်ပြပွဲ၊ ဈေးပွဲတော်၊ အားကစားပြိုင်ပွဲ (ကရာတေးဒိုနဲ့ ဂျူဒိုပြိုင်ပွဲများ) Myanmar National Symphony Orchestra Concert 2014၂၀၁၄ တို့ကို ကျင်းပခဲ့ပါတယ်။ ဒီဇင်ဘာလ ၆ ရက်နဲ့ ၇ ရက်နေ့များမှာ ဂျပန်-မြန်မာပွဲတော်ကို အရှေ့မြင်းပြိုင်ကွင်း လမ်းရှိရွှေထွဋ် တင်မှာလည်းေ ကာင်း၊ ဒီဇင်ဘာလ ၁၂ ရက် နေ့မှာ ရန်ကုန်မြို့အမျိုးသားဇာတ်ရုံမှာ One Asia Joint Concert ကိုလည်း ကျင်းပသွားမှာဖြစ်ပါ တယ်။ ဒီဇင်ဘာလ ၁ ရက်နေ့က စီးပွားရေးနှင့် ကူးသန်းရောင်းဝယ်ရေး ဝန်ကြီးဌာန ရန်ကုန်တိုင်း ဒေသကြီးရုံး ခွဲမှာ မြန်မာ-ဂျပန်နှစ်နိုင်ငံသံတမန်ဆက်သွယ်မှု နှစ်၆၀ပြည့်အထိမ်းအမှတ်အဖြစ် "Seminar on The Role of Educational Institution in Promoting HRD and Myanmar -Japan Cooperation" ကိုလည်း ကျင်းပခဲ့ပါ တယ်။ မြန်မာ-ဂျပန်နှစ်နိုင်ငံ အကြားသံတမန် ဆက်ဆံ ရေးထူထောင်မှု နှစ်၆၀ပြည့် အထိမ်းအမှတ် အခါသမယမှာ နှစ်နိုင်ငံနဲ့ နှစ်ဖက်ပြည် သူများအကျိုး စီးပွားအတွက် အပြန်အလှန် အကျိုးဖြစ်ထွန်းစေမဲ့ ချစ်ကြည်ရင်းနှီးသော ပူးပေါင်းဆောင် ရွက်မှုများပိုမို ခိုင်မာစေရန် အစဉ်အလာရှိတဲ့ ချစ်ကြည်ရင်းနှီးမှု ပိုမိုဖြစ်ထွန်းလာစေရန်နဲ့ လာမဲ့နှစ်များမှာ အပြန်အလှန် ကောင်းမွန်သော ဆက်ဆံရေးများ ဆက်လက်ဖော်ဆောင် သွားနိုင်မယ်လို့ ယုံကြည်ပါကြောင်း မြန်မာ-ဂျပန်သံတမန်ဆက် ဆံေ ရး ထူထောင်မှု နှစ်၆၀ ပြည့်ကို ဂုဏ်ပြုလိုက်ရပါတယ်။
ချမ်းမြေ့မောင်