ကုန်သွယ်ရေးဦးစီးဌာန၊ ညွှန်ကြားရေးမှူးချုပ်၊ ဦးမြင့်သူရထံသို့ တရုတ်ပြည်သူ့သမ္မတနိုင်ငံ၊ နုကျန်းပြည်နယ်ခွဲ၊ ကွန်မြူနစ်ပါတီ ပါတီကော်မတီအတွင်းရေးမှူး Mr. Hong Weizhi ဦးဆောင် သည့် အဖွဲ့ဝင် ( ၅ )ဦးမှ ၂၀၂၃ ခုနှစ်၊ ဩဂုတ်လ (၂၃) ရက်နေ့ ၊ နေ့လယ် (၁၅:၃၀) နာရီအချိန်တွင် ရုံးအမှတ်(၃) နေပြည်တော်၌ ဂါရဝပြုလာရောက်တွေ့ဆုံခဲ့ပါသည်။
တွေ့ဆုံဆွေးနွေးပွဲတွင် နှစ်နိုင်ငံကြား ကုန်စည်စီးဆင်းမှု လျင်မြန်ချောမွေ့စေရေးကိစ္စများ၊ နယ်စပ်ဂိတ်များ ပူးပေါင်းဆောင်ရွက်နိုင်ရေးကိစ္စ၊ ဘဏ္ဍာရေးဆိုင်ရာပူးပေါင်းဆောင်ရွက်မှုကိစ္စများ၊ နှစ်နိုင်ငံအကြားချုပ်ဆိုထားသောစာချုပ်များနှင့် နားလည်မှုစာချွန်လွှာများနှင့်စပ်လျဉ်းသည့် ပူးပေါင်း ဆောင်ရွက်ရေးကိစ္စနှင့် နှစ်နိုင်ငံကြား ပို့ကုန်တိုးမြှင့်နိုင်ရေးကိစ္စများကို ဆွေးနွေးခဲ့ကြပါသည်။
အဆိုပါ တွေ့ဆုံဆွေးနွေးပွဲသို့ ကုန်သွယ်ရေးဦးစီးဌာန၊ ညွှန်ကြားရေးမှူးချုပ်နှင့်အတူ ဒုတိယညွှန်ကြားရေးမှူးချုပ်၊ သက်ဆိုင်ရာညွှန်ကြားရေးမှူးများ တက်ရောက်ခဲ့ကြပြီး တွေ့ဆုံဆွေးနွေးမှုအား ညနေ ( ၁၆ : ၃၀ )နာရီအချိန်တွင် အောင်မြင်စွာ ပြီးစီးခဲ့ပါသည်။