၂၀၁၄ ခုနှစ် နိုဝင်ဘာလ နောက်ဆုံးပတ်မှာ မြန်မာ-တရုတ် နယ်စပ်ရှိ မူဆယ်(၁၀၅) မိုင်ကုန် သွယ်ရေး ဇုန်နဲ့ ချင်းရွှေဟော် နယ်စပ်စခန်းတို့မှ ကန်ဒေါ်လာ၃ ဒသမ ၆၃၆သန်း တန်ဖိုးရှိ နှမ်း ရောင်စုံ ၁၇၄၈တန်ကျော် တင်ပို့ခဲ့ပါတယ်။ ယခင်သီတင်း ပတ်က ချင်းရွှေဟော်မှ နှမ်းရောင်စုံ ၁၂၃၂ တန်ခွဲ တင်ပို့ ခဲ့ပြီး ယခုသီတင်းပတ်မှာ ၁၅၇၃ တန် တင်ပို့နိုင်တာကြောင့် ချင်းရွှေဟော်နယ်စပ်စခန်းမှ နှမ်းတင်ပို့မှု ပိုမိုလာတာတွေ့ရပါတယ်။မူဆယ်ကုန်စည်ဒိုင်မှာ ယခင်သီတင်းပတ်က နှမ်းဖြူ တစ်တန် ၂၂၉၃၄၇၅ ကျပ်၊ နှမ်းနက်တစ်တန် ၂၃၇၈၂၂၀ ကျပ်ရှိရာမှ ယခုသီတင်းပတ်မှာတော့ နှမ်းဖြူဈေး၂၂၈၇၆၅၈ကျပ်နဲ့ နှမ်းနက်ဈေး ၂၃၇၂၁၈၉ ကျပ်သို့ ဈေးများထပ်မံကျဆင်းသွားတာတွေ့ရပါတယ်။ နိုဝင်ဘာလ တစ်လလုံး တရုတ်နယ်စပ် မှနှမ်းတန်ချိန် ၇၈၉၅ တန်ခန့် တင်ပို့နိုင်ခဲ့တယ်လို့ သိရပါတယ်။ယခုရက် သတ္တပတ်မှာ စခန်းအလိုက် တင်ပို့ခဲ့တဲ့နှမ်းရောင်စုံတွေကတော့-
တန်ချိန်-ကိန်းပြည့်
နှမ်းအမျိုးအစား မူဆယ် ချင်းရွှေဟော်
နှမ်းဖြူ ၃၆.ဝဝ ၅၃၇.ဝဝ
နှမ်းနက် ၃၆.ဝဝ ၉၂၆.ဝဝ
နှမ်းညို ၅၄.၂၅ ၁၁၀.ဝဝ
နှမ်းဖြူ (အခွံချွတ်) ၄၉.ဝ၀ - အသီးသီးဖြစ်ပါတယ်။
မော်မော်အောင် MIRT (DCCA)