ယှဉ်ပြိုင်မှုမူဝါဒ/လှုပ်ရှားမှုများ

တောင်ကြီးမြို့၌ ယှဉ်ပြိုင်မှုဆိုင်ရာ အသိပညာပေးဟောပြောပွဲ ကျင်းပပြုလုပ်ခြင်း

Mon, 03/05/2018 - 08:27 -- competition

စီးပွားရေးနှင့် ကူးသန်းရောင်းဝယ်ရေးဝန်ကြီးဌာန၊ ကုန်သွယ်ရေးဦးစီးဌာန၊ ယှဉ်ပြိုင်မှုမူဝါဒဌာနခွဲမှ လက်ရှိမြန်မာနိုင်ငံယှဉ်ပြိုင်မှုဥပဒေ အကောင်အထည်ဖော် ဆောင်ရွက်နေမှုအခြေအနေများ၊ ယှဉ်ပြိုင်မှုမူဝါဒနှင့် ဥပဒေ၏ အကျိုးကျေးဇူးများနှင့် စိန်ခေါ်မှုများကို နိုင်ငံမျက်နှာစာအလိုက် မြို့ကြီးများတွင် စီးပွားရေးလုပ်ငန်းရှင်များနှင့် အစိုးရဝန်ထမ်းများအား အသိပညာဖြန့်ဝေပေးလျက်ရှိရာ ၂၀၁၈ ခုနှစ်၊ ဖေဖော်ဝါရီလ ၂၇ ရက်နေ့တွင် တောင်ကြီးမြို့၊ ရွိုင်ရယ်တောင်ကြီးဟိုတယ်၌ ယှဉ်ပြိုင်မှုမူဝါဒနှင့်ဥပဒေဆိုင်ရာ အသိပညာပေးဆွေးနွေးပွဲ ကျင်းပပြုလုပ်ခဲ့ပါသည်။
အဆိုပါဆွေးနွေးပွဲအခမ်းအနားအား ရှမ်းပြည်နယ်အစိုးရအဖွဲ့၊ ဘဏ္ဍာရေးဝန်ကြီးဌာနဝန်ကြီး ဦးစိုင်းရှန်တစ်လုံနှင့် ရှမ်းပြည်နယ်စားသုံးသူရေးရာဦးစီးဌာန၊ ပြည်နယ်ဦးစီးမှူး ဦးကျော်ဝင်းတို့မှ အဖွင့်အမှာစကားပြောကြား၍ ကုန်သွယ်ရေးဦးစီးဌာနမှ လက်ထောက်ညွှန်ကြားရေးမှူး ဒေါက်တာစပယ်ကြည်မောင်မှ မိတ်ဆက်အမှာစကားပြောကြားကာ ဖွင့်လှစ်ခဲ့ကြပါသည်။
ထို့နောက် ကုန်သွယ်မှုဖွံ့ဖြိုးတိုးတက်ရေးအစီအစဉ်(TDP)မှ ဟောပြောပွဲ တာဝန်ခံ ဒေါ်အေးအေးဝင်းမှ EU၏ ကုန်သွယ်မှုဖွံ့ဖြိုးတိုးတက်ရေးအစီအစဉ်အား အကျဉ်းချုပ် ရှင်းလင်းဆွေးနွေးခဲ့ပြီး ကုန်သွယ်ရေးဦးစီးဌာန၊ ယှဉ်ပြိုင်မှုမူဝါဒဌာနခွဲမှ လက်ထောက်ညွှန်ကြားရေးမှူးများဖြစ်ကြသည့် ဒေါက်တာစပယ်ကြည်မောင်နှင့် ဦးမြတ်နိုးတို့မှ မြန်မာနိုင်ငံယှဉ်ပြိုင်မှုဥပဒေနှင့်မူဝါဒ ဖွံ့ဖြိုးတိုးတက်မှုအဆင့်ဆင့်၊ ယှဉ်ပြိုင်မှုဥပဒေပြဌာန်းခြင်းကြောင့် ရရှိမည့်အကျိုးကျေးဇူးများနှင့် ယှဉ်ပြိုင်မှုဥပဒေ၊ နည်းဥပဒေပါအကြောင်းအရာများကို အသေးစိတ်ရှင်းလင်းဆွေးနွေးခဲ့ကြကာ တက်ရောက်လာသူများမှလည်း သိရှိလိုသည်များကို မေးမြန်းဆွေးနွေးခဲ့ကြပါသည်။

Undefined
Latest News: 
Latest New တင္ရန္

လေကြောင်းပို့ဆောင်ရေးကဏ္ဍအတွက် ယှဉ်ပြိုင်မှုဆိုင်ရာ အလုပ်ရုံဆွေးနွေးပွဲအား နိုဝင်ဘာလ ၂၃ ရက်နေ့မှ ၂၄ ရက်နေ့အထိ (၂)ရက်ကြာကျင်းပပြုလုပ်

Mon, 01/15/2018 - 04:05 -- competition

လေကြောင်းပို့ဆောင်ရေးကဏ္ဍအတွက် ယှဉ်ပြိုင်မှုဆိုင်ရာ အလုပ်ရုံဆွေးနွေးပွဲကို ပုဂံမြို့၊ ပုဂံဟိုတယ်တွင် ၂၀၁၇ ခုနှစ်၊ နိုဝင်ဘာလ ၂၃ ရက်နေ့မှ ၂၄ ရက်နေ့အထိ (၂)ရက်ကြာ ကျင်းပပြုလုပ်ခဲ့ပါသည်။ အလုပ်ရုံဆွေးနွေးပွဲ ဖွင့်ပွဲအခမ်းအနားတွင် အာဆီယံယှဉ်ပြိုင်မှုဆိုင်ရာကျွမ်းကျင်သူများအဖွဲ့ အလှည့်ကျဥက္ကဌဖြစ်သူ စီးပွားရေးနှင့်ကူးသန်းေရာင်းဝယ်ရေးဝန်ကြီးဌာန၊ ကုန်သွယ်ရေးဦးစီးဌာနမှ ညွှန်ကြားရေးမှူး ဦးအောင်မင်းသိုက်မှ အဖွင့်အမှာစကားပြောကြားခဲ့ပြီး သြစတြေးလျယှဉ်ပြိုင်မှုနှင့်စားသုံးသူရေးရာကော်မရှင်မှ General Manager ဖြစ်သူ Mr. Bruce Cooper မှ အလုပ်ရုံဆွေးနွေးပွဲ ကျင်းပပြုလုပ်ရသည့်ရည်ရွယ်ချက်များကို ရှင်းလင်းပြောကြားခဲ့ပါသည်။

အလုပ်ရုံဆွေးနွေးပွဲကျင်းပပြုလုပ်ရခြင်း၏ ရည်ရွယ်ချက်မှာ အာဆီယံဒေသတွင်း လေကြောင်းကဏ္ဍတွင် ကြုံတွေ့နေရသည့် ယှဉ်ပြိုင်မှုဆိုင်ရာအခက်အခဲများကို ဆွေးနွေးဖြေရှင်းနိုင်ရန်နှင့် အာဆီယံနိုင်ငံများမှ ယှဉ်ပြိုင်မှုဆိုင်ရာအာဏာပိုင်များနှင့် လေကြောင်းကဏ္ဍမှ တာဝန်ရှိသူများ၊ အာဆီယံနိုင်ငံလေကြောင်းလိုင်းများမှ ကိုယ်စားလှယ်များ၊ ပြည်တွင်းလေကြောင်းလိုင်းများမှ ကိုယ်စားလှယ်များအကြား အတွေ့အကြုံများ ဖလှယ်နိုင်စေရန်ဖြစ်ပါသည်။

အဆိုပါအလုပ်ရုံဆွေးနွေးပွဲတွင် အာဆီယံနိုင်ငံများမှ ယှဉ်ပြိုင်မှုဆိုင်ရာအာဏာပိုင်များနှင့် လေကြောင်းကဏ္ဍမှ တာဝန်ရှိသူများ၊ အာဆီယံနိုင်ငံလေကြောင်းလိုင်းများမှ ကိုယ်စားလှယ်များ၊ ပြည်တွင်းလေကြောင်းလိုင်းများမှ ကိုယ်စားလှယ်များ၊ သြစတြေးလျယှဉ်ပြိုင်မှုနှင့်စားသုံးသူရေးရာကော်မရှင်မှ ယှဉ်ပြိုင်မှုဆိုင်ရာကျွမ်းကျင်သူ များ၊ အာဆီယံအတွင်းရေးမှူးချုပ်ရုံးမှကိုယ်စားလှယ်များ တက်ရောက်ဆွေးနွေးခဲ့ကြပါသည်။

Myanmar
Latest News: 

တမူးမြို့တွင် ယှဉ်ပြိုင်မှုမူဝါဒနှင့်ဥပဒေဆိုင်ရာ အသိပညာပေးဆွေးနွေးပွဲ ကျင်းပပြုလုပ်ခြင်း

Mon, 01/15/2018 - 03:41 -- competition

စီးပွားရေးနှင့် ကူးသန်းရောင်းဝယ်ရေးဝန်ကြီးဌာန၊ ကုန်သွယ်ရေးဦးစီးဌာန၊ ယှဉ်ပြိုင်မှုမူဝါဒဌာနခွဲမှ လက်ရှိမြန်မာနိုင်ငံယှဉ်ပြိုင်မှုဥပဒေ အကောင်အထည်ဖော် ဆောင်ရွက်နေမှုအခြေအနေများ၊ ယှဉ်ပြိုင်မှုမူဝါဒနှင့် ဥပဒေ၏ အကျိုးကျေးဇူးများနှင့် စိန်ခေါ်မှုများကို နိုင်ငံမျက်နှာစာအလိုက် မြို့ကြီးများတွင် စီးပွားရေးလုပ်ငန်းရှင်များနှင့် အစိုးရဝန်ထမ်းများအား အသိပညာဖြန့်ဝေပေးလျက်ရှိရာ ၂၀၁၇ ခုနှစ်၊ သြဂုတ်လ ၂၄ ရက်နေ့တွင် တမူးမြို့၊ ဧပရယ်မွန်ခန်းမ၌ ယှဉ်ပြိုင်မှုမူဝါဒနှင့်ဥပဒေ အကျိုးကျေးဇူးနှင့်စိန်ခေါ်မှုများအကြောင်းဆွေးနွေးပွဲအား ကျင်းပပြုလုပ်ခဲ့ပါသည်။

အဆိုပါဆွေးနွေးပွဲအခမ်းအနားအား တမူးခရိုင်၊ ခရိုင်စီမံခန့်ခွဲမှုကော်မတီဥက္ကဌ ဦးမြတ်သင်းအောင်နှင့် တမူးကုန်သွယ်ရေးစခန်းတာဝန်ခံ ညွှန်ကြားရေးမှူး ဦးမြတ်ထွန်းကျော်တို့မှ အဖွင့်အမှာစကားပြောကြား၍ ဖွင့်လှစ်ခဲ့ကြပါသည်။
ထို့နောက် ကုန်သွယ်မှုဖွံ့ဖြိုးတိုးတက်ရေးအစီအစဉ်(TDP)မှ ဟောပြောပွဲ တာဝန်ခံ ဒေါ်အေးအေးဝင်းမှ EU၏ ကုန်သွယ်မှုဖွံ့ဖြိုးတိုးတက်ရေးအစီအစဉ်အား အကျဉ်းချုပ် ရှင်းလင်းဆွေးနွေးခဲ့ပါသည်။

ဆက်လက်၍ ကုန်သွယ်ရေးဦးစီးဌာန၊ ယှဉ်ပြိုင်မှုမူဝါဒဌာနခွဲမှ လက်ထောက်ညွှန်ကြားရေးမှူး ဒေါက်တာစံပယ်ကြည်မောင်နှင့် ဦးစီးအရာရှိ ဒေါ်ဝေရည်ကျော်တို့မှ မြန်မာနိုင်ငံယှဉ်ပြိုင်မှုဥပဒေနှင့်မူဝါဒ ဖွံ့ဖြိုးတိုးတက်မှုအဆင့်ဆင့်၊ ယှဉ်ပြိုင်မှုဥပဒေပြဌာန်းခြင်းကြောင့် ရရှိမည့်အကျိုးကျေးဇူးများနှင့် ယှဉ်ပြိုင်မှုဥပဒေ၊ နည်းဥပဒေပါအကြောင်းအရာများကို အသေးစိတ်ရှင်းလင်းဆွေးနွေးခဲ့ကြကာ တက်ရောက်လာသူများမှလည်း သိရှိလိုသည်များကို မေးမြန်းဆွေးနွေးခဲ့ကြပါသည်။

 

Undefined
Latest News: 

ဧရာဝတီတိုင်းဒေသကြီး၊ ပုသိမ်မြို့တွင် “ယှဉ်ပြိုင်မှုမူဝါဒနှင့် ဥပဒေ၏ အကျိုးကျေးဇူးများနှင့် စိန်ခေါ်မှုများ အသိပညာပေးဟောပြောပွဲ” ကျင်းပပြုလုပ်ခြင်း

Mon, 06/05/2017 - 08:03 -- competition

ပုသိမ်မြို့မှ စီးပွားရေးလုပ်ငန်းရှင်များအား ယှဉ်ပြိုင်မှုဥပဒေ၊ မူဝါဒနှင့် ယှဉ်ပြိုင်မှုဆိုင်ရာ ဗဟုသုတများ အသိပညာပေးရန် ရည်ရွယ်သည့် ဟောပြောဆွေးနွေးပွဲအား ၃၀-၅-၂၀၁၇ ရက်နေ့(အင်္ဂါနေ့)တွင် ပုသိမ်မြို့၊ ပုသိမ်ဟိုတယ်၌ ကျင်းပပြုလုပ်ခဲ့ရာ ဧရာဝတီတိုင်းဒေသကြီး အစိုးရ၊ စီမံကိန်းနှင့်ဘဏ္ဌာရေးဝန်ကြီးနှင့် စားသုံးသူရေးရာဦးစီးဌာနမှ တိုင်းဦးစီးမှူးတို့မှ အဖွင့်အမှာစကားပြောကြား၍ ဖွင့်လှစ်ခဲ့ကြပါသည်။

ထို့နောက် ကုန်သွယ်ရေးဦးစီးဌာန၊ ယှဉ်ပြိုင်မှုမူဝါဒဌာနခွဲမှ လက်ထောက်ညွှန်ကြားရေးမှူး ဒေါက်တာစံပယ်ကြည်မောင်နှင့် ဦးစီးအရာရှိ ဒေါ်မေငြိမ်းခိုင်တို့မှ မြန်မာနိုင်ငံယှဉ်ပြိုင်မှု ဥပဒေနှင့်မူဝါဒ ဖွံ့ဖြိုးတိုးတက်မှုအဆင့်ဆင့်နှင့် ယှဉ်ပြိုင်မှုဥပဒေပြဌာန်းခြင်းကြောင့် ရရှိမည့် အကျိုးကျေးဇူးများနှင့် ဥပဒေပါအကြောင်းအရာများကို အသေးစိတ်ရှင်းလင်းဆွေးနွေးခဲ့ကြကာ တက်ရောက်လာသူများမှလည်း သိရှိလိုသည်များကို မေးမြန်းဆွေးနွေးခဲ့ကြပါသည်။

ဟောပြောဆွေးနွေးပွဲအား ယှဉ်ပြိုင်မှုမူဝါဒ၊ ဥပဒေနှင့် နည်းဥပဒေမူကြမ်းနှင့် ပတ်သက်သည့်အခြေအနေများကို ပုဂ္ဂလိကကဏ္ဍမှ ပိုမိုသိရှိနားလည်စေရန်၊ ပုဂ္ဂလိကကဏ္ဍအတွင်း ယှဉ်ပြိုင်မှုမူဝါဒနှင့် ဥပဒေအပေါ် ၎င်းတို့၏နားလည်နိုင်မှုနှင့် ထောက်ပံ့ပေးနိုင်မှုကို မြှင့်တင် ရန်နှင့် စီးပွားရေးလုပ်ငန်းရှင်များနှင့် အစိုးရဝန်ထမ်းများအနေဖြင့် ယှဉ်ပြိုင်မှုဆိုင်ရာ အတွေ့အကြုံများ၊ အခက်အခဲများကို ပြန်လည်ဆွေးနွေးနိုင်စေရန် စသည့်ရည်ရွယ်ချက်များဖြင့် ကျင်းပပြုလုပ်ခြင်းဖြစ်ပါသည်။

Undefined
Latest News: 

ယှဉ်ပြိုင်မှုမူဝါဒနှင့်ဥပဒေဆိုင်ရာ အသိပညာပေးဆွေးနွေးပွဲများ ကျင်းပပြုလုပ်ခြင်း

Mon, 06/05/2017 - 07:39 -- competition

စီးပွားရေးနှင့် ကူးသန်းရောင်းဝယ်ရေးဝန်ကြီးဌာန၊ ကုန်သွယ်ရေးဦးစီးဌာန၊ ယှဉ်ပြိုင်မှုမူဝါဒဌာနခွဲနှင့် GIZ၏ ကုန်သွယ်မှုဖွံ့ဖြိုးတိုးတက်ရေးအစီအစဉ် (Trade Development Program-TDP) တို့ပူးပေါင်း၍ နိုင်ငံမျက်နှာစာအလိုက် မြို့ကြီးများတွင် စီးပွားရေးလုပ်ငန်းရှင်များနှင့် အစိုးရဝန်ထမ်းများအတွက် လက်ရှိမြန်မာနိုင်ငံ ယှဉ်ပြိုင်မှုဥပဒေ အကောင်အထည်ဖော် ဆောင်ရွက်နေမှုအခြေအနေများ၊ ယှဉ်ပြိုင်မှုမူဝါဒနှင့် ဥပဒေ၏ အကျိုးကျေးဇူးများနှင့် စိန်ခေါ်မှုများကို အသိပညာဖြန့်ဝေပေးလျက်ရှိရာ ၂၀၁၆ ခုနှစ်အတွင်းတွင် ကုန်သွယ်ရေးမြို့ကြီးများဖြစ်သည့် မူဆယ်မြို့၊ တာချီလိတ်မြို့၊ ကျိုင်းတုံမြို့၊ မြဝတီမြို့၊ မုံရွာမြို့၊ မြိတ်မြို့တို့၌ အသိပညာပေးဟောပြောပွဲများ ကျင်းပပြုလုပ်ခဲ့ပါသည်။

 

၇-၆-၂၀၁၆ ရက်နေ့မှ ၈-၆-၂၀၁၆ ရက်နေ့အထိ မန္တလေးမြို့ Hotel Hazel တွင် ကျင်းပပြုလုပ်ခဲ့သည့် ပြည်တွင်းအလုပ်ရုံဆွေးနွေးပွဲ

 

၆-၇-၂၀၁၆ ရက်နေ့တွင် မူဆယ်မြို့၊ စိန်ရတနာဟိုတယ်၌ ကျင်းပပြုလုပ်ခဲ့သည့် ယှဉ်ပြိုင်မှုမူဝါဒနှင့် ဥပဒေ၏ အရေးပါမှုနှင့် စိန်ခေါ်မှုများ အလုပ်ရုံဆွေးနွေးပွဲ

 

၂၄-၈-၂၀၁၆ ရက်နေ့တွင် တာချီလိတ်မြို့၊ Platinum Star ဟိုတယ်၌ ကျင်းပပြုလုပ်ခဲ့သည့် ယှဉ်ပြိုင်မှုမူဝါဒနှင့် ဥပဒေ၏ အရေးပါမှုနှင့် စိန်ခေါ်မှုများ အလုပ်ရုံဆွေးနွေးပွဲ

 

၂၅-၈-၂၀၁၆ ရက်နေ့တွင် ကျိုင်းတုံမြို့၊ တိုင်းလိခန်းမ၌ ကျင်းပပြုလုပ်ခဲ့သည့် ယှဉ်ပြိုင်မှုမူဝါဒနှင့် ဥပဒေ၏ အရေးပါမှုနှင့် စိန်ခေါ်မှုများ အလုပ်ရုံဆွေးနွေးပွဲ

၂၃-၉-၂၀၁၆ ရက်နေ့တွင် မြဝတီမြို့၊ ငွေစြင်္ကာဟိုတယ်၌ ကျင်းပပြုလုပ်ခဲ့သည့် ယှဉ်ပြိုင်မှုမူဝါဒနှင့် ဥပဒေ၏ အရေးပါမှုနှင့် စိန်ခေါ်မှုများ အလုပ်ရုံဆွေးနွေးပွဲ

 

၂၇-၁၀-၂၀၁၆ ရက်နေ့တွင် မုံရွာမြို့၊ King and Queen ဟိုတယ်၌ ကျင်းပပြုလုပ်ခဲ့သည့် ယှဉ်ပြိုင်မှုမူဝါဒနှင့် ဥပဒေ၏ အရေးပါမှုနှင့် စိန်ခေါ်မှုများ အလုပ်ရုံဆွေးနွေးပွဲ

  ၂၇-၁၂-၂၀၁၆ ရက်နေ့တွင် မြိတ်မြို့၊ Grand Jade ဟိုတယ်၌ ကျင်းပပြုလုပ်ခဲ့သည့် ယှဉ်ပြိုင်မှုမူဝါဒနှင့် ဥပဒေ၏ အရေးပါမှုနှင့် စိန်ခေါ်မှုများ အလုပ်ရုံဆွေးနွေးပွဲ

 

Undefined
Latest News: 

(၁၉)ကြိမ်မြောက် အာဆီယံယှဉ်ပြိုင်မှုဆိုင်ရာ ကျွမ်းကျင်သူများအဖွဲ့ အစည်းအဝေး နှင့် ဆက်စပ်အစည်းအဝေးများ ကျင်းပပြုလုပ်ခြင်း (19th ASEAN Experts Group on Competition(AEGC)Meeting and related Meetings)

Mon, 06/05/2017 - 06:56 -- competition

အာဆီယံအဖွဲ့ဝင်နိုင်ငံအသီးသီး၏ နိုင်ငံ့ခေါင်းဆောင်များက အတည်ပြုလက်မှတ် ရေးထိုးခဲ့ကြ သည့် အာဆီယံစီးပွားရေးအသိုက်အဝန်းပုံစံ [ASEAN Economic Community (AEC) Blueprint] တွင် ၂၀၁၅ ခုနှစ်၌ အာဆီယံအဖွဲ့ဝင်နိုင်ငံများ အားလုံး၌ ယှဉ်ပြိုင်မှု မူဝါဒနှင့် ဥပဒေကို ပြဌာန်းနိုင်ရေးကြိုးပမ်းအားထုတ်၍ အကောင်အထည်ဖော်ဆောင်ရွက်ရန် သဘော တူညီခဲ့ကြပါသည်။ ယင်းအချက်ကို လိုက်နာဆောင်ရွက်နိုင်ရန်အတွက် အာဆီယံစီးပွားရေး ဝန်ကြီးများသည် ယှဉ်ပြိုင်မှုဆိုင်ရာကိစ္စရပ်များအား ဆွေးနွေးညှိနှိုင်းခြင်းနှင့် ပူးပေါင်းဆောင် ရွက်ခြင်းများ ပြုလုပ်ရန် ဒေသဆိုင်ရာဖိုရမ်တစ်ခုအဖြစ် အာဆီယံယှဉ်ပြိုင်မှု ဆိုင်ရာကျွမ်း ကျင်သူများအဖွဲ့ (ASEAN Experts Group on Competition-AEGC) ကို ၂၀၀၇ ခုနှစ် သြဂုတ်လတွင် ထူထောင်ခဲ့ကြ ပါသည်။

AEGC အစည်းအဝေးများကို တစ်နှစ်လျှင် (၂)ကြိမ်ကျင်းပလေ့ရှိပြီး၊ အာဆီယံအဖွဲ့ဝင်နိုင်ငံ များမှ အလှည့်ကျဥက္ကဌအဖြစ် ဆောင်ရွက်၍ အစည်းအဝေးများကို အိမ်ရှင်နိုင်ငံအဖြစ် လက်ခံကျင်းပကြပါသည်။ အဆိုပါ အစည်းအဝေးများကျင်းပရာတွင် အာဆီယံနိုင်ငံ ၁၀ နိုင်ငံသာပါဝင်သည့် AEGC အစည်းအဝေးသာမက အာဆီယံ၏ မိတ်ဖက်နိုင်ငံများဖြစ်သည့် GIZ(ဂျာမနီ)၊ AANZFTA(အာဆီယံ-သြစတြေးလျ-နယူးဇီလန်)၊ EU တို့နှင့် အာဆီယံနိုင်ငံများ ဆွေးနွေးသည့် ဆက်စပ်အစည်းအဝေးများကိုလည်း ကျင်းပပြုလုပ်ကြပါသည်။ အစည်းအဝေး များတွင် ယှဉ်ပြိုင်မှုမူဝါဒနှင့် ဥပဒေတို့နှင့်ပတ်သက်၍ ဆောင်ရွက်နေမှုများ၊ ရှေ့ဆက်ဆောင်ရွက်မည့် အစီအစဉ်များ၊ ဆောင်ရွက်ပြီးစီးမှု အခြေအနေများ၊ ရင်ဆိုင်နေရသော အခက်အခဲများကို အဓိကထား ဆွေးနွေးကြပြီး အဆိုပါကိစ္စရပ်များအပေါ် ဖြေရှင်းနိုင်မည့် နည်းလမ်း၊ လိုအပ်သော ကူညီထောက်ပံ့မှုများအတွက် ညှိနှိုင်းဆွေးနွေးကြကာ မိတ်ဖက်နိုင်ငံများမှ ၎င်းတို့ကူညီဆောင်ရွက်ပေးနိုင်မည့် အစီအစဉ်များ၊ အသိပညာပေးလုပ်ငန်းများအတွက် ဆောင်ရွက်မည့် အစီအစဉ်များ စသည့်ကိစ္စရပ်တို့ကို ညှိနှိုင်းဆောင်ရွက်ကြပါသည်။

၂၀၁၇ ခုနှစ်အတွင်း ကျင်းပမည့် ၁၉ ကြိမ်မြောက်နှင့် ၂၀ ကြိမ်မြောက် အာဆီယံ ယှဉ်ပြိုင်မှုဆိုင်ရာ ကျွမ်းကျင်သူများအဖွဲ့ အစည်းအဝေးနှင့် ဆက်စပ်အစည်းအဝေးများကို မြန်မာနိုင်ငံက အလှည့်ကျဥက္ကဌနှင့် အိမ်ရှင်နိုင်ငံအဖြစ် ဆောင်ရွက်မည်ဖြစ်ပြီး ယခုအခါတွင် ၁၉ ကြိမ်မြောက် အာဆီယံယှဉ်ပြိုင်မှုဆိုင်ရာ ကျွမ်းကျင်သူများအဖွဲ့ အစည်းအဝေးနှင့် ဆက်စပ်အစည်းအဝေးများကို ၂၀၁၇ ခုနှစ် ဧပြီလ ၃ ရက်မှ ၆ ရက်နေ့အထိ ရန်ကုန်မြို့၊ ချက်ထရီယံ ဟိုတယ်တွင် ကျင်းပခဲ့ပြီး ဖြစ်ပါသည်။

ဆက်လက်၍ ၂၀ ကြိမ်မြောက် အာဆီယံယှဉ်ပြိုင်မှုဆိုင်ရာ ကျွမ်းကျင်သူများအဖွဲ့ အစည်းအဝေးနှင့် ဆက်စပ်အစည်းအဝေးများကို ၂၀၁၇ ခုနှစ်၊ နိုဝင်ဘာလအတွင်း နေပြည်တော်၌ ကျင်းပသွားမည်ဖြစ်ပါသည်။ ယှဉ်ပြိုင်မှုဆိုင်ရာကိစ္စရပ်များနှင့်ပတ်သက်၍ စီးပွားရေးနှင့် ကူးသန်းရောင်းဝယ်ရေးဝန်ကြီးဌာန၊ ပြည်ထောင်စုဝန်ကြီးနှင့် ကုန်သွယ်ရေးဦးစီးဌာန၊ ညွှန်ကြားရေးမှူးချုပ်တို့၏ ဦးဆောင်လမ်းညွှန်မှုများနှင့်အညီ မြန်မာနိုင်ငံ၏ တာဝန်ခံဌာန ဖြစ်သော ကုန်သွယ်ရေးဦးစီးဌာန၊ ယှဉ်ပြိုင်မှုမူဝါဒဌာနခွဲမှ အာဆီယံ လုပ်ထုံးလုပ်နည်းများအတိုင်း အကောင်အထည်ဖော် ဆောင်ရွက်လျက်ရှိပါသည်။

17759948_1200158916748883_8685119860108898132_n.jpg

AEGC အဖွဲ့ဝင်များနှင့် အာဆီယံအတွင်းရေးမှူးချုပ်ရုံးမှ ကိုယ်စားလှယ်များ စုပေါင်းဓာတ်ပုံရိုက်ကူးခြင်း

 

17634644_1200158780082230_6442555415746030046_n.jpg 

AEGC အလှည့်ကျဥက္ကဌတာဝန်အား လာအိုနိုင်ငံထံမှ လွှဲပြောင်းလက်ခံခြင်း

 17796486_1200158776748897_5230788378204316696_n.jpg

၁၉ ကြိမ်မြောက် AEGC အစည်းအဝေးစတင်ကျင်းပခြင်း

17796084_1200158783415563_9008014578010254758_n.jpg 

မြန်မာနိုင်ငံမှ ကိုယ်စားလှယ်များ

Myanmar
Latest News: 

Korea Fair Trade Commission မှ ရှင်းလင်းဆွေးနွေးသည့် ယှဉ်ပြိုင်မှုမူဝါဒ နှင့် ဥပဒေဆိုင်ရာ အကြံပြုဆွေးနွေးဟောပြောပွဲ ကျင်းပပြုလုပ်ခြင်း

Tue, 12/08/2015 - 13:25 -- ictuser

Korea Fair Trade Commission မှ ရှင်းလင်းဆွေးနွေးသည့် ယှဉ်ပြိုင်မှုမူဝါဒ နှင့် ဥပဒေဆိုင်ရာ အကြံပြုဆွေးနွေးဟောပြောပွဲ ကျင်းပပြုလုပ်ခြင်း
===================================================
Korea Fair Trade Commission မှ Deputy Director Mr. Yoon Yeong Sool မှ ကိုရီးယားနိုင်ငံ၏ ယှဉ်ပြိုင်မှုမူဝါဒနှင့်ဥပဒေဆိုင်ရာ သိမှတ်ဖွယ်ရာအကြောင်းအရာများနှင့် ယှဉ်ပြိုင်မှုနည်းဥပဒေမူကြမ်းအပေါ် အကြံပြုဆွေးနွေးသည့် ဟောပြောပွဲအား (၇-၁၂-၂၀၁၅) (တနင်္လာနေ့) တွင် ရုံးအမှတ်(၃)၊ တိုးချဲ့အစည်းအဝေးခန်းမ၌ ကျင်းပပြုလုပ်ခဲ့ရာ စီးပွားရေးနှင့်ကူးသန်းရောင်းဝယ်ရေး ဝန်ကြီးဌာန၊ ကုန်သွယ်ရေးဦးစီးဌာနမှ ဒုတိယညွှန်ကြားရေးမှူးချုပ် ဦးစိုးဝင်း၊ ယှဉ်ပြိုင်မှုမူဝါဒဌာနခွဲမှ အရာထမ်းအမှုထမ်းများနှင့် ဌာနခွဲအသီးသီးမှ အရာထမ်းများ တက်ရောက်ခဲ့ကြပါသည်။

 

Undefined
Latest News: 

ယှဉ်ပြိုင်မှုမူဝါဒဆိုင်ရာ အလုပ်ရုံဆွေးနွေးပွဲကျင်းပ

Mon, 11/30/2015 - 12:05 -- ictuser

ယှဉ်ပြိုင်မှုမူဝါဒဆိုင်ရာ အလုပ်ရုံဆွေးနွေးပွဲကျင်းပ

ယှဉ်ပြိုင်မှုမူဝါဒနှင့်ဥပဒေ၏ အကျိုးကျေးဇူးများနှင့် စိန်ခေါ်မှုများကို အသိပညာဖြန့်ဝေပေးရန်အတွက် ပြည်တွင်းအလုပ်ရုံဆွေးနွေးပွဲကို ယှဉ်ပြိုင်မှုဥပဒေ အကောင်အထည်ဖော်ရေးအစီအစဉ် (Competition Law Implementation Program - CLIP) အရ AANZFTA ၏ အထောက်အပံ့ဖြင့် ရန်ကုန်မြို့ရှိ Chatrium ဟိုတယ်တွင် ၂၀၁၅ ခုနှစ်၊ နိုဝင်ဘာလ (၂၄)ရက်နေ့နှင့် (၂၅)ရက်နေ့အထိ (၂)ရက်ကြာ ကျင်းပပြုလုပ်ခဲ့ပြီး  ပြည်ထောင်စုတရားလွှတ်တော်ချုပ်၊ ပြည်ထောင်စုရှေ့နေချုပ်ရုံး၊ ရန်ကုန်တက္ကသိုလ် ဥပဒေဌာန၊ ရန်ကုန်စီးပွားရေးတက္ကသိုလ် အသုံးချ ဘောဂဗေဒဌာန၊ ပြည်ထောင်စုသမ္မတမြန်မာနိုင်ငံ ကုန်သည်များနှင့် စက်မှုလက်မှု လုပ်ငန်းရှင်များ အသင်းချုပ်၊ ပုဂ္ဂလိက ဥပဒေအကျိုးဆောင်လုပ်ငန်းများ၊ အသေးစားနှင့် အလတ်စား စီးပွားရေးလုပ်ငန်းရှင်များ၊ ရန်ကုန်မြို့ရှိ ကုန်သွယ်ရေးသင်တန်းကျောင်းမှ ကိုယ်စားလှယ်များ တက်ရောက်ခဲ့ကြပါသည်။ အဆိုပါ အလုပ်ရုံဆွေးနွေးပွဲ ဖွင့်ပွဲအခမ်းအနားသို့ စီးပွားရေးနှင့်ကူးသန်း ရောင်းဝယ်ရေးဝန်ကြီးဌာန၊ ကုန်သွယ်ရေး ဦးစီးဌာနမှ ဒုတိယညွှန်ကြားရေးမှူးချုပ် ဦးစိုးဝင်းမှ အဖွင့်အမှာစကားပြောကြား၍ ဖွင့်လှစ်ပေးခဲ့ပြီး မြန်မာနိုင်ငံဆိုင်ရာ သြစတေးလျနိုင်ငံ သံအမတ်ကြီး Mr. Nicholas Coppel မှလည်းကောင်း၊ စီးပွားရေးနှင့် ကူးသန်းရောင်းဝယ်ရေးဝန်ကြီးဌာန၊ ကုန်သွယ်ရေးဦးစီးဌာန၊ ယှဉ်ပြိုင်မှုမူဝါဒဌာနခွဲမှ ညွှန်ကြားရေးမှူး ဦးမင်းအောင်အေး တို့မှလည်းကောင်း အဖွင့်အမှာစကားများ အသီးသီး ပြောကြားခဲ့ကြပါသည်။

အလုပ်ရုံဆွေးနွေးပွဲအား ယှဉ်ပြိုင်မှုမူဝါဒ၊ ဥပဒေနှင့် မြန်မာနိုင်ငံယှဉ်ပြိုင်မှု ဥပဒေသစ်နှင့်ပတ်သက်သည့် တိုးတက်မှုအခြေအနေများကို ပုဂ္ဂလိက ကဏ္ဍမှ ပိုမိုသိရှိနားလည်စေရန်၊ ပုဂ္ဂလိက ကဏ္ဍအတွင်း ယှဉ်ပြိုင်မှုမူဝါဒနှင့် ဥပဒေအပေါ် ၎င်းတို့၏ နားလည်နိုင်မှုနှင့် ထောက်ပံ့ပေးနိုင်မှုကို မြှင့်တင်ရန်၊ သြစတေးလျယှဉ်ပြိုင်မှု ကျွမ်းကျင်သူများနှင့် မြန်မာနိုင်ငံမှ ယှဉ်ပြိုင်မှုဆိုင်ရာ တာဝန်ရှိသူများအကြား ဗဟုသုတနှင့် အတွေ့အကြုံများ ဖလှယ်နိုင်စေရန် စသည့် ရည်ရွယ်ချက်များဖြင့် ကျင်းပပြုလုပ်ခဲ့ခြင်းဖြစ်ပါသည်။

  

Myanmar
Latest News: 

ယှဉ်ပြိုင်မှုဆိုင်ရာအလုပ်ရုံဆွေးနွေးပွဲ ကျင်းပပြုလုပ်မည်

Thu, 01/29/2015 - 15:00 -- competition
Subscribe to RSS - ယှဉ်ပြိုင်မှုမူဝါဒ/လှုပ်ရှားမှုများ