ကုန်သွယ်မှုမြှင့်တင်ရေးအတွက် နိုင်ငံတော်မှ ဖြေလျော့မှုများ ပြုလုပ်ဆောင်ရွက်ပေးလျက်ရှိသလို ကုန်သည်လုပ်ငန်းရှင်များ၊ ကုန်သည်ကြီးများအသင်းတို့မှ ပို့ကုန်အမယ်များ ပိုမိုတိုးမြှင့်တင်ပို့ကြစေလိုကြောင်း၊ တစ်ပိုင်တစ်နိုင်ကုန်သည်ငယ်များ တရားဝင် လမ်းကြောင်းပေါ်မှ ရောင်းဝယ်ဖောက်ကားနိုင်ရန် Individual Trading Card စနစ်ကိုလည်း မကြာမီဆောင်ရွက်ပေးတော့မှာဖြစ်ကြောင်း၊ ကုန်သည် လုပ်ငန်းရှင်များ ခရီးစရိတ်နှင့် အချိန်ကြန့်ကြာမှု မရှိစေရန် Automatic license စနစ်ဖြင့် သွင်းကုန်ပစ္စည်းအမယ် ၅၉၅ မျိုးထိ တင်သွင်းခွင့်ပြုနိုင်ရန် ဆောင်ရွက်လျက်ရှိပါကြောင်း၊ ကုန်သည်လုပ်ငန်းရှင်များ မှလည်း နိုင်ငံတော်နဲ့ မိမိတို့ ရေရှည်အကျိုးစီးပွားဖြစ်ထွန်း စေရန် တရားဝင် လမ်းကြောင်းပေါ်မှာ ဝိုင်းဝန်းကြိုးပမ်း ဆောင်ရွက်သွားကြစေလိုကြောင်းဖြင့် ကော့သောင်း နယ်စပ်စခန်း ကုန်သည်ကြီး အသင်း အစည်းအဝေးခန်းမမှာ ကျင်းပပြုလုပ်တဲ့ နိုဝင်ဘာလ ကုန်သွယ်မှုမြှင့်တင်ရေး     အစည်းအဝေးမှာ ကော့သောင်း နယ်စပ် ကုန်သွယ်ရေး စခန်းတာဝန်ခံ ညွှန်ကြားရေးမှူး ဦးသိန်းနိုင်မှ ပြောကြားခဲ့တယ်လို့ သတင်းရရှိပါတယ်။ ဆက်လက်ပြီး နိုင်ငံရဲ့ စိုက်ပျိုးရေး ကဏ္ဍဖွံ့ဖြိုးမှုနဲ့ စားသုံးကုန်ဖူလုံရေးကို ထိခိုက်စေနိုင်တဲ့ အေးခဲအမဲသားများ တရားမဝင် တင်ပို့မှုနှင့်ပတ်သက်ပြီး မိမိနိုင်ငံအတွင်း ကွဲျနွားများ ဖူလုံစွာ မွေးမြူနိုင်ပြီးမှသာ တရားဝင် တင်ပို့မှုကို စိစစ်ခွင့်ပြုသွားမယ်လို့လည်း စခန်းတာဝန်ခံ ညွှန်ကြားရေးမှူး ဦးသိန်းနိုင်က ပြောကြားခဲ့တယ်လို့ သိရှိရပါတယ်။ ကုန်သည်လုပ်ငန်းရှင်များအနေနဲ့ တရားမဝင် လမ်းကြောင်းများမှ ဖြတ်သန်း သွားလာပြီး တရားမဝင် တင်ပို့နေတဲ့ ကုမ္ပဏီများကို တရားဝင်လမ်းကြောင်းပေါ်ရောက်အောင် တဆင့်ပြန်လည် အသိပေးပြောကြား စည်းရုံးပေးကြရန်နှင့် ကုန်သွယ်မှုပိုင်း ဆိုင်ရာအခက်အခဲများ ရှိပါက အချိန်မရွေး တင်ပြကြရန် ဖိတ်ခေါ်ပါကြောင်းလည်း ထည့်သွင်းပြောကြားခဲ့တယ်လို့ သတင်းရရှိပါတယ်။

Source: နကသ(ကသ)

တမူးနယ်စပ်ကုန်သွယ်ရေးစခန်းနယ်မြေတွင် တစ်ဦးတည်းပိုင်ထုတ်ကုန်/သွင်းကုန် မှတ်ပုံတင်ကဒ်ပြုလုပ်ရေး၊ စားသုံးသူ အကာအကွယ်ပေးရေး၊ ကုန်သွယ်မှုမြှင့်တွင်ရေးနှင့် တရားမဝင ်ကုန်သွယ်မှုများလျော့နည်း ပပျောက်ရေးအတွက် Mobile Team ဖြင့် ဆောင်ရွက်မည့် အစီအစဉ်များကို ၂၇-၁၂-၂၀၁၂ နေ့တွင်ကုန်သွယ်မှုမြှင့် တင်ရေးညှိနှိုင်း ဆွေးနွေးပွဲတွင် လည်းကောင်း၊ ၅-၁၂-၂၀၁၂ မှ ၆-၁၂-၂၀၁၂ နေ့ထိ ကျင်းပပြုလုပ်သည့် ကလေး-တမူး-ကလေး၀ နယ်စပ်ကုန်သည်ကြီးများ အသင်း၏ ဆဌမအကြိမ်မြောက် သင်းလုံးကျွတ် အစည်းအဝေးနှင့် ဗဟိုအလုပ် အမှုဆောင်အစည်းအဝေးများတွင် တမူးနယ်စပ် ကုန်သွယ်ရေးစခန်း၊ တာဝန်ခံညွှန်ကြားရေးမှူး ဦးဝင်းတင့်မှ ရှင်းလင်း ဆွေးနွေးခြင်းများဆောင်ရွက်ခဲ့ပါတယ်။ အဆိုပါအစည်းအဝေးများသို့ တမူးခရိုင်၊ မြို့နယ်မှဌာန ဆိုင်ရာများ၊ (OSS)အဖွဲ့တာဝန်ခံများ၊ ကုမ္ပဏီမှ လုပ်ငန်းရှင်များ၊ ကိုယ်စားလှယ်များ၊ တမူးမြို့ပေါ်(၄) ရပ်ကွက်မှ အုပ်ချုပ်ရေး မှူးများ၊ တမူးမြို့ရှိ ခရီးသည်နှင့် ကုန်စည် ပို့ဆောင်ရေး ဂိတ်တာဝန်ခံများ၊ ကိုယ်စားလှယ်များ၊ နမ့်ဖာလုံဈေးမှတစ်နိုင်တစ်ဆွဲလုပ်ကိုင်နေသော ဈေးသူ၊ ဈေးသားများ၊ အလတ်စား၊ အငယ်စားကုန်သည်လုပ်ငန်းရှင်များတက်ရောက် ဆွေးနွေးမေးမြန်းခဲ့ကြ ပါတယ်။ ညွှန်ကြားရေးမှူး၊ ဦးဝင်းတင့်မှဆွေးနွေးပြောကြားရာတွင် ကုန်သည်အငယ်စား၊ အလတ်စားများနဲ့ တစ်နိုင် တစ်ဆွဲ ရောင်းဝယ်နေသူများ တရားဝင ်ကုန်သွယ်မှု လမ်းကြောင်းပေါ်သို့ရောက်ရှိစေရန်၊ နိုင်ငံတော် အတွက်လည်း ထိုက်သင့်သော အခွန်အခများရရှိစေရန်၊ တရားမဝင် ကူးသန်းရောင်းဝယ်မှုများလျော့နည်း ပပျောက်သွားစေရန်ရည်ရွယ်၍ တစ်ဦးတည်း ထုတ်ကုန်/သွင်းကုန်မှတ်ပုံကဒ်များကို ထုတ်ပေးရခြင်းဖြစ်ကြောင်း၊ မကြာမီ အကောင် အထည်ဖော်ဆောင်ရွက်မဲ့ စားသုံးသူ အကာအကွယ်ပေးရေး၊ ကုန်သွယ်မှုမြှင့်တင်ရေးနဲ့ တရားမဝင် ကုန်သွယ်မှုများလျော့နည်းပပျောက်ရေးအတွက် Mobile Team ဖြင့် ပညာပေး၊ အသိပေးကာလသတ် မှတ်ခြင်း၊ ကြေငြာခြင်း၊ ကွင်းဆင်းစစ်ဆေးမဲ့ ကာလသတ်မှတ်ခြင်း၊ ၁-၁-၂၀၁၃ ရက်နေ့မှစတင်၍ ပို့ကုန်၊ သွင်းကုန် ဥပဒေများနဲ့အညီ ဆက်လက်ဆောင်ရွက် သွားမှာဖြစ်ကြောင်း အကျယ်တဝင့်ရှင်းလင်း ဆွေးနွေး ခဲ့ကြောင်း သတင်းရရှိပါတယ်။

စမ်းစမ်းအေး (တမူး)