၂ဝ၁၅ ခုနှစ်မှာ အပြည့်အဝ အကောင်အထည် ဖော်တော့မဲ့ အာဆီယံ စီးပွားရေး အသိုက်အဝန်း (aec)ကို လိုက်ပါ အကောင်အထည် ဖော်နိုင်ဖို့ အတွက် အာဆီယံ အဖွဲ့ဝင် နိုင်ငံများ အနေနဲ့ ကြိုတင် ပြင်ဆင်မှုတွေ အတော် များများ လုပ်နေကြပါပြီ။ တစ်ခုတည်းသော ဈေးကွက် အောက်တွင် ပြိုင်ဆိုင်မှု ရှိတဲ့ စီးပွားရေး ကြိုးဝိုင်းထဲမှာ လက်ရည်တူ ယှဉ်ပြိုင်နိုင်ဖို့ကို အာဆီယံ အဖွဲ့ဝင် နိုင်ငံအားလုံးက အားခဲထားကြတာပါ။ ပူးပေါင်း ဆောင်ရွက်ခြင်း၊ ဖေးမကူညီ ရိုင်းပင်းခြင်းများနဲ့ ဘုံအကျိုး စီးပွားကို ဖော်ဆောင်မယ်လို့ အာဆီယံက ဘယ်လိုပဲ ဟစ်ကြွေး ထားပေမယ့် ကိုယ်ကျိုး စီးပွားကို ဦးစားပေး ကာကွယ်ဖို့ကိုတော့ အဖွဲ့ဝင် နိုင်ငံများ အနေနဲ့ အလေးထား စဉ်းစားပြီး ကြိုတင် ပြင်ဆင်မှုတွေ ပြုလုပ်နေတာကို လက်ရှိ အခင်းအကျင်းတွေက ဖော်ထုတ် ပြသနေပြီး ဖြစ်ပါတယ်။

အိမ်နီးချင်း ထိုင်း နိုင်ငံကတော့ အာဆီယံ ဒေသတွင်း စီးပွားရေး ပေါင်းစည်းမှု အပေါ်မှာ တော်တော်လေးကို အလေးထား အာရုံစိုက်တာကို သတင်းတွေမှာ အမြဲ တွေ့နေရတာပါ။ ယခုလတ်တလောမှာ ခပ်ဟော့ဟော့ တွေ့နေရတဲ့ သတင်းတွေ ထဲက စိတ်ဝင်စား စရာ သတင်းကတော့ မြန်မာနိုင်ငံ၊ မြဝတီ တစ်ဘက်ခြမ်းမှာရှိတဲ့ အိမ်နီးချင်း ထိုင်းနိုင်ငံ၊ တပ်ခ်ခရိုင်၊ မဲဆောက်မှာ အထူးစီးပွားရေးဇုန် တည်ဆောက်မယ် ဆိုတဲ့ သတင်းပါဘဲ၊ မြန်မာ- ထိုင်း နယ်စပ်မှာ ထားဝယ် အထူးစီးပွားရေး ဇုန် အပြင် ထပ်မံပေါ်ထွန်းလာမယ့် အထူး စီးပွားရေးဇုန်ပါ။

မြဝတီ တစ်ဘက်ခြမ်း မဲဆောက်မှာ အကောင်အထည် ဖော်မယ့် အထူးစီးပွားရေး ဇုန်ဟာ အရေးပါတဲ့ စီးပွားရေး ဇုန်ဖြစ်လာမှာမို့ အဲဒီ စီးပွားရေး ဇုန် မူဝါဒကော်မတီကို ထိုင်း ဝန်ကြီးချုပ်က ကိုယ်တိုင် ဦးဆောင်မယ်လို့လည်း သိရပါတယ်။ ဒီအထူးစီးပွားရေး ဇုန်ကြီးဟာ အာဆီယံ စီးပွားရေး အသိုက်အဝန်းကို ၂ဝ၁၅ ခုနှစ်မှာ အချိန်မှီ ထူထောင်ရန်နဲ့ ထိုင်းနိုင်ငံရဲ့ အရှေ့အနောက် စီးပွားရေး မျက်နှာစာ တိုးခဲ့ျရန် ဆိုတဲ့ ရည်ရွယ်ချက်တွေနဲ့ ထူထောင်သွားဖို့ အတွက် ထိုင်းအမျိုးသား စီးပွားရေးနှင့် လူမှုရေး ဆိုင်ရာ ဖွံ့ဖြိုးရေး ဘုတ် (NESDB)က ဆုံးဖြတ် လိုက်တယ်လို့ သိရပါတယ်။

မဲဆောက် ဘက်ခြမ်းမှာ အကောင်အထည်ဖော်မဲ့ အထူး စီးပွားရေးဇုန်ဟာ မြန်မာ- ထိုင်းနှစ်နိုင်ငံကို ခြားထားတဲ့ မိုအိ မြစ်ကမ်းဘေးရှိ မဲဖ နဲ့သာ ဆိုင်လွတ်ရွာများရှိ ဧက ၉ဝဝ ခန့် အကျယ်အဝန်းရှိ မြေကွက်မှာ ကနဦး တည်ဆောက်သွားမှာ ဖြစ်ပြီး ဇုန်မှာ သယ်ယူ ပို့ဆောင်ရေး ကဏ္ဍ၊ ကုန်သွယ်မှု ကဏ္ဍ၊ အကောက်ခွန်လွတ် ဧရိယာရှိ ကုန်လှောင်ရုံများ၊ ကုန်သွယ်မှု အတွက် တစ်နေရာတည်း ပြီးပြည့်စုံအောင် ပေးမည့် ဝန်ဆောင်မှုများ၊ တစ်နေရာတည်း စစ်ဆေး အခွန်ဆောင်မှုများ၊ အာဆီယံ ပြတင်း တစ်ပေါက် စနစ်များ ပါဝင်မှာ ဖြစ်ပါတယ်။

အထူး စီးပွားရေးဇုန်နဲ့ ဆက်စပ်ပြီး စက်မှုဇုန်နှင့် အခြား စီမံကိန်းများဖြစ်တဲ့ မီးရထားလမ်း၊ ကားလမ်း၊ လေဆိပ်တို့ အပြင် ဒုတိယမြောက် မြန်မာ- ထိုင်းချစ်ကြည်ရေး တံတား တစ်စင်းကိုလည်း ဆက်လက် အကောင် အထည်ဖော် ဆောင်ရွက် သွားမယ်လို့ သိရပါတယ်။

မဲဆောက် ဘက်ခြမ်းမှာ အကောင်အထည်ဖော်မဲ့ အထူး စီးပွားရေးဇုန်ဟာ ဒေသခံ ပြည်သူတွေ အလုပ်အကိုင် အခွင့်အလမ်းတွေ ပိုမို ရရှိစေဖို့ အတွက် လုပ်သား အင်အား အခြေပြုတဲ့ ချည်မျှင်နှင့် အထည်စက်ရုံများ၊ သစ်သီး ဟင်းရွက် စည်သွတ်ဗူး စက်ရုံများ၊ သစ်သား အချောထည်နှင့် ပရိဘောဂ လုပ်ငန်းများ ပိုမို ဖြစ်ထွန်း နိုင်တယ်လို့ ခန့်မှန်း ထားကြပါတယ်။

မဲဆောက် ဘက်ခြမ်းမှာ တည်ဆောက်မဲ့ အထူး စီးပွားရေးဇုန်ရဲ့ အနာဂတ် အလားအလာ အပေါ်မှာ သူ့ဘက် ကိုယ့်ဘက် အကျိုးအမြတ် ဖြစ်ထွန်းနိုင်မှုကို ဆန်းစစ် ကြည့်မယ်ဆိုပြီး မိမိတို့ အနေနဲ့လည်း ကြိုတင် စီမံ ကာကွယ်မှုများ လိုကောင်း လိုအပ်မှာ ဖြစ်ပါတယ်။

ရရှိသော သတင်းများ အရ စီမံကိန်းတွင် ပါဝင်တဲ့ လုပ်ငန်းများမှ လုပ်သား အင်အားနဲ့ သဘာဝ ရင်းမြစ် ကုန်ကြမ်းများကို အခြေခံတဲ့ လုပ်ငန်းများ အဓိက ပါဝင်နေပါတယ်။ အဆိုပါ လုပ်ငန်းများ အတွက် လိုအပ်တဲ့ ကုန်ကြမ်းနှင့် လုပ်သား အင်အားကို ဘယ်လို ဖြည့်ဆည်း ရရှိမယ်ဆိုတာတော့ စီမံကိန်း အကောင် အထည်ဖော်မဲ့ သူတွေက တွက်ချက်ပြီး ဖြစ်မှာပါ။ မဲဆောက် ဘက်ခြမ်းမှာ အကောင်အထည်ဖော်မဲ့ အထူး စီးပွားရေးဇုန်ရဲ့ အနာဂတ် အလားအလာမှာ ထိုင်းနိုင်ငံ အတွက် အကျိုး အမြတ်များစွာ ဖြစ်ထွန်း လာနိုင်ပါတယ်။

အဆိုပါ အကျိုး အမြတ်များ ဖြစ်ထွန်းစေရန် အတွက် အခြား တစ်ဖက်မှာ မိမိတို့ နိုင်ငံမှ စီးဆင်း သွားနိုင်တဲ့ လုပ်သား အင်အားများ၊ ရင်းမြစ် ကုန်ကြမ်းများနှင့် ပတ်သက်ပြီး မိမိတို့ အတွက်လည်း ထိုက်တန်တဲ့ အကျိုး အမြတ်များ ဖြစ်ထွန်းလာရေး ကြိုတင် ပြင်ဆင် ထားရမယ်ဆိုတာ အသေအချာပါ။

အိမ်နီးချင်း ထိုင်းနိုင်ငံ အနေနဲ့ အာဆီယံ ဒေသတွင်း စီးပွားရေး ပေါင်းစည်းမှုကို လိုက်ပါ ဆောင်ရွက်နိုင်ရေး အတွက် အမျိုးမျိုးသော မဟာဗျူဟာ နည်းဗျူဟာများ ချမှတ်ပြီး နယ်ပယ် အားလုံး အတွက် စီမံကိန်း၊ စီမံချက် များစွာဖြင့် ကြိုတင် ပြင်ဆင်ရေး ဘင်သံ တညံညံဖြင့် ပွဲမဝင်ခင် ကပင် အချိန်ယူ ပြင်ဆင် ဆောင်ရွက်နေရာ ဘေးမှ ကြည့်နေသူပင် အားတက်စရာ ဖြစ်နေမိ ပါတယ်။

အကြံကောင်း ရှိပေမဲ့ အကောင်အထည်ဖော်ဖို့ နှောင့်နှေး နေခဲ့မယ်ဆိုရင် ဒုံးပံျထက် မြန်တဲ့ သတင်း နည်းပညာနဲ့ အသိပညာ ခေတ်ကြီးမှာ နှာတစ်ဖျားလေး ဦးသွားရင်တောင် ဦးတဲ့သူက အသာစီး ရသွားမှာမို့ သူများထက် နောက်ကောက ်မကျအောင်တော့ သတိ သမ္ပဇဉ်ဉာဏ် ယှဉ်ပြီး ဆောင်ရွက်ဖို့ လိုပါပြီ။

ကိုယ့်ဘေးခြံက လူတွေက ခြံကြီး သာယာလှပရေး အတွက် ဦးဆောင်သူရဲ့ နောက်မှာ တက်ညီလက်ညီ အပေး အယူ ကြည်ဖြူစွာနဲ့ ညာသံပေး ဆောင်ရွက် နေတာတောင် ကိုယ့်ခြံက လူတွေက လက်တွေ့ လုပ်ရမယ့်အရာတွေ အတွက် တုတ်တုတ် မလှုပ်သေးတဲ့ အပြင် ညီညွတ်မှု မရှိဘဲ အချင်းများလို့ ကောင်းနေတုန်း ဆိုရင်တော့ သူများခြံ သာယာ လှပသလိုပဲ ကိုယ့်ခြံ သာယာ လှပလာနိုင်မှာ မဟုတ်ပါဘူး။

အဲ့လိုဆိုရင်တော့ ဆယ်နှစ်ရာသီ သီးပွင့်နေတဲ့ သူများခြံ သွားပြီး သူရင်းငှား လုပ်ရတဲ့ ဘဝကနေ တစ်နေဝင် တစ်မိုးချုပ်လို့ အဆုံးမှာ ဘဝနိဂုံးချုပ် သွားရမဲ့ အဖြစ်မျိုးပါ။ အဲဒီဘဝမျိုး မဖြစ်ချင်ဘူး ဆိုရင်တော့ ငယ်ငယ်တုန်းက သင်ကြားခဲ့ရတဲ့ ''သာသည့်မြေသို့'' ကဗျာ လေးထဲက စာသားလေးဖြစ်တဲ့

''သူ့မြေမှာ ဖြူပြာပွင့်ရင်ဖြင့် ငါ့မြေမှာ နီဝါ တင့်ရမပေါ့ အခွင့်အခါ မျှော်လို့ ဥယျာဉ်တော် သာယာရေးကိုလ ရှုမြင် မျှော်ခါခါတွေးပါလို့ မနှေးပင် အားအင် ထုတ်လို့ရယ် ပေါင်းနှုတ်ဖို့ခဲ'' ဆိုသလို ခပ်မြန်မြန် ခပ်သွက်သွက်လေး လက်တွေ့ စတင် အကောင်အထည် ဖော်ကြဖို့ လိုပြီဆိုတာ အကျိုးမျှော်ပြီး နှိုးဆော် ပါရစေ။

Source: နကသ (ကမရ) >>> ညီညီအောင် (အမ်ဘီအေ)

ရုံးပိတ်ရက် ဖြစ်တဲ့ စနေနေ့..... မရောက်ဖြစ်တာ ကြာပြီဖြစ်တဲ့ ပျဉ်းမနားက အမျိုးအိမ်ကို အလည်ထွက်ခဲ့ ပါတယ်။ ရောက်ရောက်ချင်း ကြားလိုက်ရတဲ့ သတင်းက စိတ်မချမ်းသာ စရာပါပဲ။ သူတို့ အိမ်ဘေးက ဇော်ဇော်ဆိုတဲ့ (၈) နှစ်သားလေး ပျဉ်းမနား ဆေးရုံ တင်လိုက်ရတယ်တဲ့။ တရားခံက ဈေးထဲက သူ့အမေ ဝယ်လာတဲ့ မုန့်ထုပ်။ ကလေးက မုန့်စား ပြီးပြီးချင်းပဲ ဗိုက်တွေ အရမ်းနာလာလို့ ဆေးရုံကို အရေးပေါ် ပို့လိုက် ရတယ်တဲ့လေ။ ပရိဒေဝ မီးတွေ တောက်လောင်နေတဲ့ မိဘတွေကို ကြည့်ရင်း စာရေးသူ စိတ်မကောင်းခြင်း များစွာနဲ့ အတွေး နယ်ခဲ့ျမိပါတယ်။

အစားအသောက်နဲ့ ဆေးဝါး ထောက်ခံချက် လက်မှတ်မပါဘဲ နိုင်ငံထဲကို တရားမဝင် ဝင်ရောက်လာတဲ့ စားသုံးရန် မသင့်တဲ့ စားသောက် ကုန်တွေကြောင့် စာရေးသူတို့ နိုင်ငံထဲက နိုင်ငံသူ နိုင်ငံသား လူကြီး လူငယ်မရွေး ဘယ်လောက်များ ဘေးတွေ့ သောကမီးတွေ ဝိုင်းနေရလဲ။ ကိုယ်ကျိုးရှာ ဝိသမ လောဘ သားတွေရဲ့ သားကောင်ဟာ အပြစ်မဲ့တဲ့ ကလေး သူငယ်လေးတွေ၊ ပြည်သူ ပြည်သားတွေ ဖြစ်သင့်ရဲ့လား။ ဒါဟာ အဖြေမလိုတဲ့ မေးခွန်းတစ်ခုပဲ ဖြစ်မှာပါ။ အစိုးရသစ် တက်လာတဲ့ အချိန်ကစလို့ တိုင်းပြည်ရဲ့ နိုင်ငံရေး၊ စီးပွားရေး၊ ပညာရေး၊ ကျန်းမာရေး၊ လူမှုရေးစတဲ့ ကဏ္ဍ အသီးသီးမှာ Reform လို့ ခေါ်တဲ့ ပြုပြင် ပြောင်းလဲမှုတွေ လုပ်လာတာကို အားလုံးပဲ သိရှိပြီး ဖြစ်ပါတယ်။ အဲဒီ ကဏ္ဍတွေထဲက နိုင်ငံ တစ်နိုင်ငံရဲ့ ဖွံ့ဖြိုး တိုးတက်ရေး မောင်းနှင်အား (Growth of Engine)လို့ ခေါ်တဲ့ နိုင်ငံတကာ ကုန်သွယ်မှု ပိုင်းမှာလည်း ဖြေလျှော့မှုတွေ အများကြီး ပြုလုပ် ပေးခဲ့တာကို အားလုံးပဲ မြင်တွေ့ ကြားသိ လက်တွေ့ ခံစားကြရပြီး ဖြစ်ပါတယ်။

ကုန်သွယ်မှု အတွက် အခွန်အခများကို ဖြေလျှော့မှုများ ပြုလုပ် ပေးခဲ့သလို ပို့ကုန်/ သွင်းကုန် လိုင်စင်ဆိုင်ရာ ပြင်ဆင် ပြောင်းလဲမှုတွေ၊ လိုင်စင် သက်တမ်းနဲ့ ကုမ္ပဏီ သက်တမ်း ဖြေလျော့ ပေးမှုတွေ၊ Earning Transfer များ လွဲှပြောင်း ခွင့်ပြုတဲ့ ဖြေလျှော့ ပေးမှုစတဲ့ အခွန် အကောက် မဟုတ်တဲ့ အတားအဆီးများ (Non-Traiff Barriers-NTB) တွေကိုလည်း ဖြေလျော့ ပေးခဲ့ပြီး ကုန်သွယ်မှု ဆိုင်ရာ ဖြေလျော့မှု အပိုင်း (Trade Liberaliation) တွေကို ဦးစားပေး လုပ်ဆောင် ပေးခဲ့တယ် ဆိုတာ အားလုံး သိရှိကြမှာပါ။ ပြည်တွင်း ကုန်စည် စီးဆင်းမှု နှောင့်နှေး စေတယ်လို့ ကုန်သည်တွေ ထောက်ပြ ပြောဆိုကြတဲ့ ရေပူနဲ့ မရမ်းချောင် ကုန်ပစ္စည်း စစ်ဆေးရေး စခန်းတွေကိုလည်း အပြီးတိုင် ရုတ်သိမ်း ပေးခဲ့တာကို တွေ့မြင်ရမှာ ဖြစ်ပါတယ်။

ပို့ကုန် အပိုင်းကို ကြည့်ဦးမလား။ ပြည်တွင်း စားသုံး ဆီဖူလုံရေး အတွက် ပြည်ပကို တင်ပို့ဖို့ ယခင်က ပိတ်ထားတဲ့ နှမ်းနီ၊ နှမ်းညိုနဲ့ နှမ်းနက်တို့ကိုပဲ တင်ပို့မလား၊ အာရှမှာ Rice Bowl of Asiaဟေ့လို့ နာမည် ကျော်ခဲ့တဲ့ မြန်မာ့ တစ်ခေတ်ကို ပြန်ဆန်းသစ် စေဖို့ ဆန်ကိုပဲ တင်ပို့မလား၊ သွင်းကုန် အပိုင်းကို ကြည့်မယ်ဆိုရင် FDA ထောက်ခံချက် ပါရှိပါက စားသုံးဆီများ၊ ယခင် ကန့်သတ် ကုန်ပစ္စည်း (၅) မျိုးဖြစ်တဲ့ အချိုမှုန့်၊ အချိုရည်၊ ဘီစကစ် မျိုးစုံ၊ စည်သွပ်ဘူးများ (အသားနှင့် သီးစုံ)၊ ခေါက်ဆွဲခြောက် အမျိုးမျိုးတို့ကို တင်သွင်းမလား ခွင့်ပြု ပေးထားတာကို တွေ့ရပါတယ်။

အဲဒီလို တစ်ပြည်ထောင်ဖွား တိုင်းရင်းသားတွေ အားလုံးအတွက် လုပ်သာ ကိုင်သာရှိအောင် ဖြေလျော့မှုတွေ အမျိုးမျိုး လုပ်ပေး နေရဲ့သားနဲ့ တရုတ်၊ ထိုင်း၊ အိန္ဒိယနဲ့ ဆက်စပ်တဲ့ မြန်မာနိုင်ငံရဲ့ နယ်စပ် ထွက်ပေါက်တွေမှာ ဘာကြောင့် တရားမဝင် ကုန်သွယ်မှု အရပ် စကားပြောရရင် မှောင်ခိုတွေ ကြောက်ခမန်း လိလိ ဖြစ်ပေါ်နေတာလဲ။ အခွန်တွေ များလွန်းလို့ အဆင့်ဆင့် ဖြတ်ကျော်ရမဲ့ ပို့ကုန်/ သွင်းကုန် လုပ်ငန်း စဉ်တွေက ရှည်လို့... လမ်းမှာ ကုန်စစ်စင်တွေက စစ်တာကြာလို့... ဆိုတဲ့ အရင်တုန်းက ဆင်ခြေတွေ ကလည်း သိပ်ပြီး ကျိုးကြောင်း ဆီလျော်မှု မရှိတော့ဘဲ အမြတ်ကြီးစား အလွယ်လမ်း လိုက်ချင်တဲ့ ဝိသမလောဘက အရင်းခံ နေတာကြောင့်ပဲဆိုတာ တွေ့နေရ တာပါ။

မြန်မာ့ နယ်စပ် တစ်လျှောက် ထိုင်းနယ်စပ်နဲ့ တရုတ် နယ်စပ်တို့ကနေ တရားမဝင် ကုန်သွယ်မှုတွေ အများအပြား စီးဆင်းနေတယ်လို့ သိရှိရပြီး အဲဒီလမ်းကြောင်းတွေကို ပိတ်ဆို့နိုင်ပါက နိုင်ငံအတွင်းသို့ စားသောက်ကုန် အတုများနဲ့ ဆေးဝါးအတုများ ဝင်ရောက်မှုတွေ ကျဆင်း လျော့ပါး လာနိုင်ပါတယ်။ နိုင်ငံ အတွင်းက အသေးစားနဲ့ အလတ်စား လုပ်ငန်းများလဲ ပြည်ပမှ ကုန်ပစ္စည်း အလုံးအရင်းနဲ့ ဝင်ရောက် တိုက်ခိုက်မှု ကနေ သက်သာ လာနိုင်မှာ ဖြစ်ပါတယ်။

၂ဝ၁၅ ခုနှစ် အာဆီယံ အသိုင်းအဝိုင်းကြီးမှာ သိက္ခာရှိရှိ လွတ်လပ်စွာ ကူးသန်း ရောင်းဝယ်နိုင်ဖို့ မှောင်ခို ကင်းဝေးတဲ့ ပတ်ဝန်းကျင် တစ်ခုကို အပူတပြင်း လိုအပ်နေချိန် စားသုံးသူ ကာကွယ်ပေးရေးနဲ့ တရားမဝင် ကုန်သွယ်မှုတွေ လျော့နည်း ကျဆင်းစေရေး အတွက် တရားမဝင် ကုန်သွယ်မှု တားဆီး ထိန်းချုပ်ရေး အဖွဲ့တွေကို ဖွဲ့စည်းပြီး မူဆယ်- မန္တလေး လမ်းကြောင်းနဲ့ မြဝတီ- ရန်ကုန် လမ်းကြောင်းတွေမှာ တရားမဝင်ကုန်သွယ်မှုတွေကို စစ်ဆေးဆောင်ရွက်ပညာပေးနေပြီလို့ သတင်းကြားတော့ လုပ်သင့် လုပ်ထိုက်တဲ့ အလုပ်လို့ ရိုးရိုးလေး နားလည် လက်ခံမိပါရဲ့။ တရားမဝင် သယ်ဆောင်လာတဲ့ အစားအသောက်နဲ့ ဆေးဝါး ထောက်ခံချက် မပါတဲ့ အသားတုတွေ၊ အေးခဲကြက်သား၊ ကြက်အဆီဘူး၊ ဝက်အူ ချောင်းတွေ၊ ပုဇွန်ဖြူစတဲ့ ကန့်သတ် စားသောက်ကုန်တွေကို မီးရှို့ ဖျက်ဆီး ပစ်တယ်တဲ့။ ကြည့်စမ်း ဒီပစ္စည်းတွေသာ ဈေးကွက်ထဲ ရောက်သွားလို့ ကတော့ ဇော်ဇော့်လိုမျိုး ကလေး ဘယ်နှစ်ယောက်များ ဆေးရုံ ရောက်ဦးမှာလဲ၊ စားသုံးသူတွေ အတွက် အဆိပ်နဲ့ တူတဲ့ ကုန်ပစ္စည်းတွေ ပြည်တွင်း ဈေးကွက်ထဲ မဝင်ရောက်နိုင်အောင် တားဆီး ပေးနိုင်တာကိုပဲ စာရေးသူတို့ ပြည်သူတွေက ကျေးဇူးတင်ရမှာ ပါပဲ။ တရားမဝင် ကုန်သွယ်မှု တားဆီး ထိန်းချုပ်ရေး အဖွဲ့တွေရဲ့ လုပ်ဆောင်ချက်တွေကို ကာလ နှစ်ခု ခွဲခြား လုပ်ဆောင်မယ်လို့ သိရှိရပါတယ်။ မူဆယ်- မန္တလေး လမ်းကြောင်းပေါ်က အဖွဲ့ (၁) ရဲ့ ပညာပေးကာလအဖြစ် ၂ဝ၁၂ ခုနှစ် နိုဝင်ဘာလ ၁ ရက်နေ့ကနေ ၂ဝ၁၂ ခုနှစ် ဒီဇင်ဘာလ ၃၁ ရက်နေ့အထိကို သတ်မှတ်ထားပြီး အဖွဲ့ (၂) ရဲ့ ပညာပေးကာလကတော့ ၂ဝ၁၂ ခုနှစ် နိုဝင်ဘာလ ၂ဝ ရက်နေ့ကနေ ၂ဝ၁၃ ခုနှစ် ဇန်နဝါရီလ ၂ဝ ရက်နေ့ထိ သတ်မှတ်ထားတယ်လို့ သိရပါတယ်။ အဲဒီ ကာလများ အတွင်း ဖမ်းဆီး ရမိရင် ခွင့်ပြုကုန် ဖြစ်ပါက လိုင်စင် ပြန်လည် လုပ်ပေးခြင်း၊ အခွန် ဆောင်စေခြင်းတို့ကို ပြုလုပ်ပေးပြီး ကန့်သတ်ကုန် ဖြစ်ပါက ဖျက်ဆီး/ သိမ်းဆည်းခြင်း တို့ကို ပြုလုပ်ပေးလျက် ရှိကြောင်း သိရှိရပြီး ပညာပေး ကာလ ကျော်လွန်သွား ပါက ဥပဒေအရ ထိထိ ရောက်ရောက် အရေးယူ သွားမယ်လို့ သိရှိရပါတယ်။

၂ဝ၁၃ ခုနှစ် ဇန်နဝါရီလ ၁၆ ရက်နေ့က မြဝတီ- ရန်ကုန် လမ်းကြောင်း ပေါ်မှာ တရားမဝင် ကုန်သွယ်မှု တားဆီး ထိန်းချုပ်ရေး အဖွဲ့ (၂) က ဒိုက်ဦး- မြစ်ကျိုး၊ လမ်းသစ် လမ်းဟောင်း လမ်းဆုံမှ Spot Check စစ်ဆေး နေတုန်း ဖြတ်သန်း ယာဉ်ပေါ်မှာ ကန့်သတ် ကုန်ဖြစ်တဲ့ ဘီယာနဲ့ ပဲနို့၊ စားဆီ၊ အချိုရည်၊ ဆပ်ပြာမှုန့်၊ ခနောက်စိမ်း၊ နို့ဆီ၊ ခေါက်ဆွဲခြောက်၊ ချိုချဉ်နဲ့ ဒူးရင်းသီးတွေကို လိုင်စင်မဲ့ သယ်ဆောင် လာတာကို သိမ်းဆည်း ရမိခဲ့တယ်လို့ သိရှိ ရပါတယ်။

ဝိသမလောဘ သားတွေကတော့ အဲဒီလို သယ်တာ မှောင်ခို မဟုတ်ပါဘူးတဲ့။ တစ်နိုင် တစ်ဆွဲ ပါတဲ့လေ။ ရိုးရိုး သားသားမရှိလို့ လုပ်စားတာပါတဲ့။ အဲဒီလို တစ်နိုင်တစ်ဆွဲ ကုန်သွယ်ချင်တယ် ဆိုရင်လည်း ဒေသခံ ပြည်သူများ ကုန်သွယ်ရာမှာ ပိုမို လျင်မြန်ချောမွေ့ စေဖို့ တစ်ဦးတည်းပိုင် ထုတ်ကုန်/ သွင်းကုန် လုပ်ငန်းရှင် မှတ်ပုံတင် ကဒ် (Individual Trading Card-ITC) တွေကို မူဆယ် ၁ဝ၅ မိုင် ကုန်သွယ်ရေး ဇုန်၊ မြဝတီ ကုန်သွယ်ရေး ဇုန်နဲ့ တမူး နယ်စပ် ကုန်သွယ်ရေး စခန်းတွေကို ၂ဝ၁၂ ခုနှစ် နိုဝင်ဘာလ ၂၁ ရက်နေ့ ကစလို့ ထုတ်ပေး နေပြီဆိုတာ မသိဘူးလားလို့ မေးလိုက်ချင် ပါတယ်။ စာရေးသူ ဒီနေရာမှာ ပြောချင် တာကတော့ အတိတ်မှာ မည်သို့ပင် အရိပ်မည်းကြီး ရှိစေကာမူ အကောင်းဆုံး ဆိုတဲ့ မနက်ဖြန်တွေကို အရောက်သွားဖို့ အရေးကြီးပါတယ်။

နိုင်ငံတော်က ဖြေလျော့မှုတွေပေးပြီ၊ မသမာမှုတွေကို တားဆီးမဲ့ တရားမဝင် တားဆီး ထိန်းချုပ်ရေး အဖွဲ့တွေ ရှိပြီ၊ ဒေသခံ ကုန်သည်လေးတွေ အတွက် ဆုလာဒ် အဖြစ် ICT ကဒ်တွေလည်း ထုတ်ပေးနေပြီ။ ကဲ.. အရင်တုန်းကလို အမှောင်ထဲမှာပဲ မနေကြပါနဲ့တော့။ အားလုံးပဲ ညီညီညွတ်ညွတ် စည်းစည်း လုံးလုံးနဲ့ အလင်းရောင် ထဲကနေ မှောင်ခိုဝေးဝေး အချောင်ခိုစိတ် မမွေးဘဲ နိုင်ငံတော်သစ်ကြီး ဆီကို လျှောက်လှမ်း ကြပါစို့။ စည်းကမ်းတကျ သိက္ခာရှိရှိနဲ့ ကူးသန်း ရောင်းဝယ်မှုတွေ ပြုပါစို့။ အဲဒီလိုသာ ဆိုရင် ဝိသမ လောဘ သားတွေရဲ့ ကိုယ်ကျိုးရှာ တရားမဝင် ကုန်သွယ်မှုတွေ ပပျောက်လို့ ကျန်းမာရေးနဲ့ ညီညွတ်တဲ့ စားသောက်ကုန်၊ ဘေးထွက် ဆိုးကျိုးမရှိတဲ့ လူသုံးကုန်တွေ သုံးစွဲပြီး ကျန်းမာရွှင်လန်း နေတဲ့ နိုင်ငံသူ/ နိုင်ငံသားတွေကို မြင်တွေ့ ရမယ့် မဝေးတော့တဲ့ ရွှေရောင် နေ့ရက်တွေကို မြင်ရတော့မှာ ပဲလို့ မျှော်ကြည့်ရင်း ဆေးရုံပေါ်က သားငယ်လေး ဇော်ဇော် အမြန်ဆုံး နေကောင်းပါစေလို့ တိုးတိုးလေး ဆုတောင်းမိပါတယ်။

စုစံ (ကမရ)

Mobile Team အနေနဲ့ စားသုံးသူ အကာအကွယ် ပေးရေးနဲ့ တရားမဝင် ကုန်စည် စီးဆင်းမှုများကို တားဆီးခြင်းဖြင့် ကုန်သွယ်မှု တိုးတက် စေရေးတို့ အတွက် လှုပ်ရှား ရှာဖွေ တားဆီး စစ်ဆေးရေး အဖွဲ့ (၂) ဖွဲ့ကို မူဆယ်- မန္တလေး ကုန်သွယ်မှု လမ်းကြောင်းနဲ့ မြဝတီ-ရန်ကုန် ကုန်သွယ်မှု လမ်းကြောင်းများမှာ တာဝန် ချထား ဆောင်ရွက် စေလျက်ရှိ ပါတယ်။ လှုပ်ရှား ရှာဖွေ တားဆီး စစ်ဆေးရေး အဖွဲ့ Mobile Teamများကို နယ်စပ် ကုန်သွယ်ရေး ဦးစီးဌာန၊ အကောက်ခွန် ဦးစီးဌာန၊ မြန်မာနိုင်ငံ ရဲတပ်ဖွဲ့၊ တိုင်းဒေသကြီး အစိုးရ အဖွဲ့၊ သက်ဆိုင်ရာ နယ်စပ် ကုန်သည် အသင်းနဲ့ Media များမှ ကိုယ်စားလှယ်များနဲ့ ဖွဲ့စည်း ပေးထားတာ ဖြစ်ပါတယ်။

မူဆယ်- မန္တလေး လမ်းကြောင်းမှာ ၂၀၁၂ ခုနှစ် နိုဝင်ဘာ လ ၁ ရက်နဲ့ မြဝတီ- ရန်ကုန် လမ်းမှာ နိုဝင်ဘာလ ၂၁ ရက်နေ့ တို့က Mobile Teamအဖွဲ့ များနဲ့ ပညာပေး စစ်ဆေးမှုများကို လုပ်ဆောင်နေတာ ဖြစ်ပါတယ်။ ပညာပေး ကာလ (၂)လ ပြည့်တဲ့ အချိန်က စပြီး အရေးယူမှုများကို စတင် ဆောင်ရွက်တော့မယ် ဆိုတာကို TV သတင်း၊ သတင်းစာနဲ့ ဂျာနယ်တွေမှာ အတိအလင်း ထုတ်ပြန် ထားပြီးဖြစ် ပါတယ်။

ပညာပေး ကာလ (၂)လ နီးပါး ရှိနေပြီ ဖြစ်တဲ့ မြဝတီ- ရန်ကုန် လမ်းကြောင်း ပေါ်မှာ နေ့စဉ်နဲ့ အမျှ ခရီးသည် တင်ယာဉ် ကုန်တင် ယာဉ်များကို Spot Check စစ်ဆေးပြီး အကောက်ခွန်မဲ့၊ ကန့်သတ်ကုန်၊ လိုင်စင် အပို/ အလွဲ ပစ္စည်းများကို ယာယီ ထိန်းသိမ်း ထားလျက်ရှိ ပါတယ်။ သက်ဆိုင်ရာ စခန်းမှာ လိုင်စင် ပြန်လည် လျှောက်ထားပြီး အထောက်အထား စာရွက်စာတမ်း ပြသနိုင်တဲ့ အခါမှာ ယာယီ ထိန်းသိမ်းထားတဲ့ ပစ္စည်းများကို ပြန်လွှဲပေးလျက် ရှိပါတယ်။ စားသုံးရန် မသင့်သော ပုပ်သိုးလွယ် ပစ္စည်းများကို အဖွဲ့နဲ့ မီးရှို့ ဖျက်ဆီးမှုများ လုပ်ဆောင်ပြီး ကန့်သတ် ကုန်များကိုတော့ သက်ဆိုင်ရာ မြို့နယ် အကောက်ခွန် ဌာနသို့ လုပ်ထုံး လုပ်နည်းနဲ့ အညီ လွှဲအပ်နေတာ ဖြစ်ပါတယ်။

ဇန်နဝါရီလ ၁၃ ရက်နေ့ မှာတော့ သတင်း ရရှိတဲ့ အတွက် ဘုရားကြီး ကျေးရွာ၊ လမ်းဟောင်းမှ အမြန်လမ်းကို ဖြတ်တဲ့လမ်း သံလမ်းဘေးသို့ သွားရောက် စစ်ဆေးတဲ့ အခါမှာ ကျောက်ချကွင်း အနီး စုပုံ ထားရှိတဲ့ ဘီယာ (Leo) ၉၅၀ ကတ်၊ ဘီယာ (Heineken) ၅၄၀ ကတ်၊ ဘီယာ (Singha) ကတ် ၂၀ဝ ခန့်၊ ဘီယာ (Folsom) ၇၀ ကတ်၊ ဘီယာ (Diablo) ကတ် ၄၀ နဲ့ ပဲပုတ်စေ့ ဆီ ၁၃ ဒသမ ၇၅ ကီလို ဂရမ်ပါ ပုံး ၆၀ဝ ခန့်ကို တွေ့ရှိရတဲ့ အတွက် Mobile Team အဖွဲ့မှ တာဝန်ရှိ သူများဟာ အဆိုပါ ဘီယာနဲ့ ပဲပုတ်စေ့ဆီ များကို သိမ်းဆည်းပြီး ရန်ကုန် တိုင်းဒေသကြီး အကောက်ခွန် အဖွဲ့သို့ အပ်နှံရေး ဆောင်ရွက် ခဲ့တယ်လို့ သတင်း ရရှိပါတယ်။ စားဆီပုံး တွေကိုတော့ FDA ရဲ့ ထောက်ခံချက် နဲ့ လိုင်စင် လျှောက်ထားပြီးတဲ့ အခါမှာ ပြန်လည် လွှဲအပ်ပေးမယ်လို့ သိရပါတယ်။

ဒီပစ္စည်းတွေကို ကြည့်တဲ့ အခါ ကန့်သတ်ကုန် ဘီယာ အများစု ပါရှိနေပြီး တင်သွင်းခွင့် ပြုထားပြီး ဖြစ်တဲ့ စားဆီများ ကိုလည်း တွေ့နေရ ပါတယ်။

တရားဝင် လမ်းကြောင်းမှ ကုန်သွယ်လို့ ရတဲ့ ပစ္စည်းများကိုသာ ကုန်သွယ်မှု ပြုရန်နဲ့ တရားဝင် တင်ပို့/ တင်သွင်း ခွင့်ရှိတဲ့ ပစ္စည်းများကိုသာ ရိုးရိုး သားသား မှန်မှန် ကန်ကန်နဲ့ ကုန်သွယ်မှု လုပ်သင့်တဲ့ အချိန် ရောက်ရှိနေပြီ ဖြစ်ပါလျက် ယခုကဲ့သို့ ဘာကြောင့် လုပ်ဆောင် နေရတာလဲ ဘာကြောင့်လဲ ဆိုတာ သိချင်နေမိ ပါတော့တယ်။

Source: v&-2 = MTN

ကျွန်တော် တင်ပြခဲ့တဲ့ အစား အသောက်ကို အန္တရာယ် ဖြစ်စေတဲ့ အကြောင်း ကိစ္စတွေဟာ လူရဲ့ လုပ်ဆောင် ချက်ကြောင့် ဖြစ်လာ ရတာ အများစု ဖြစ်ပါတယ်။ အဲဒီ လူတွေ ကတော့ စိုက်ပျိုး ထုတ်လုပ်သူများ၊ ကိုင်တွယ် သူများနဲ့ ပြန်လည် ရောင်းချသူများ၊ သိုလှောင် ဖြန့်ရောင်းချ သူများ၊ စီမံ ခန့်ခွဲ သူများနဲ့ စားသုံးသူ များပဲ ဖြစ်ကြ ပါတယ်။ ဒီပုဂ္ဂိုလ် များဟာ အစား အသောက်များ အန္တရာယ် ရှိအောင်လည်း လုပ်နိုင်ကြ သူများ ဖြစ်ကြ သလို အန္တရာယ် ကင်းအောင်လည်း စွမ်းဆောင် နိုင်ကြ သူများပဲ ဖြစ်ကြပါတယ်။

အဓိက အတ္တနဲ့ ပရ အပေါ်မှာသာ မူတည် ပြီးတော့ လုပ်တာ ကိုင်တာ ကွဲပြား သွားခဲ့ပါတယ်။ အတ္တဆန် တဲ့လူတွေက ဘယ်သူ သေသေ ငတေ မာရင် ပြီးရော သဘောနဲ့ ထုတ်လုပ်ကြ၊ လုပ်ကိုင် ကြတော့ သေသူသေ၊ နာသူနာ ဖြစ်ကြ ရတယ်။

''ပရ'' သမား ကတော့ သူကြီးပွား ချမ်းသာ ဖို့ထက် လူအများ ဘေးကင်းစွာ စားသောက်နိုင်ဖို့ ဦးစားပေး တတ်တယ်။ နောက်ဆုံးတော့ ''ပရ'' လက်ကိုင် ထားသူ ကသာ ဘဝ အောင်မြင် သူများ အဖြစ် ပတ်ဝန်းကျင်မှာ မြင်တွေ့ နေရ စမြဲပဲ ဖြစ်တယ်။

၂၁ ရာစုဟာ အံ့မခန်းအောင် တိုးတက်ခဲ့ ပါတယ်။ ကျွန်တော်တို့ စားနေတဲ့ ဆန်တောင်မှ အတု လုပ်ပြီး ဈေးကွက်ထဲ တင်ပို့ဖို့ အထိဖြစ်လာ ခဲ့တယ်။ အစစ်နဲ့ အတု ခွဲခြားလို့ မရအောင်လဲ လုပ်လာ နိုင်ကြတယ်။

၂ဝ၁၂ ခုနှစ် (၁၂) ကြိမ်မြောက် မြန်မာ- တရုတ် ကုန်စည် ပြပွဲကြီးမှာ တရုတ် နိုင်ငံဖက်မှ (၂၂)ဘီး ကုန်တင် ယာဉ်ကြီးတွေ လာရောက် ပြသပါတယ်။ ရောင်းဈေး ကတော့ မြန်မာ ကျပ်ငွေနဲ့ သိန်း ၇၂ဝ ဖြစ်ကြောင်း သိရပါတယ်။ တစ်ယောက်က လာရောက် ပြသတဲ့ ကုမ္ပဏီကို ''မများလွန်းဘူးလား'' လို့မေးခဲ့ရာ တရုတ် ကုမ္ပဏီ ဖက်မှ ''ဒီမော်ဒယ်လ်၊ ဒီပုံစံ အတိုင်းဘဲ ကျပ်သိန်း (၂ဝဝ)နဲ့ မှာမယ်ဆိုရင် ထုတ်ပေးလို့ ရပါတယ်'' လို့ ပြန်ပြော တယ်လို့ ကြားသိခဲ့ရ ပါတယ်။

ကုန်ပစ္စည်း အတုတွေဟာ နေရာ တကာမှာ အလွယ်တကူ ဝယ်ယူလို့ ရနေပြီဖြစ်တယ်။ ကျန်တဲ့ ကုန်ပစ္စည်း တွေထက် ဆေးဝါးနဲ့ စားသောက် ကုန်တွေက ပိုပြီး လူကို အန္တရာယ် ပေးနေတာ ဖြစ်တယ်။ ကျွန်တော်တို့ နိုင်ငံမှာ ဆေးဝါး အတုတွေ အကြောင်း မကြာခဏ ပြောဆိုသံများ ကြားရ တတ်ပါတယ်။ လူကို အန္တရာယ် ပြုတဲ့ အသံမကြား ပေမယ့် ဆေးမတိုးဘူး ဆိုတဲ့ အသံတွေ ပတ်ဝန်းကျင်မှာ ကြားနေ ရတာ ဖြစ်တယ်။ ဘာပဲဖြစ်ဖြစ် အတုဟာ အတုပဲ ဆိုတာ သတိ လက်လွတ် မဖြစ်ဖို့ အရေးကြီးတာ ဖြစ်တယ်။

အထူးသဖြင့် အစား အသောက်ဟာ လူ့အသက်ကို အန္တရာယ် အပေးနိုင်ဆုံး ဖြစ်တယ်။ လူအများ အသက်ရှင် နေထိုင်ရေး အတွက် အစား အသောက်ကို စားသောက် နေရတာ ဖြစ်တယ်။ ဒါ့ကြောင့် မရှိမဖြစ် စားသောက်ကုန် ပစ္စည်းများ ဘေးကင်း လုံခြုံစွာ စားသောက် နိုင်ရေးဟာ လူတိုင်းနဲ့ တိုက်ရိုက် ပတ်သက် ပါတယ်။ ယခု ခေတ်မှာ အသင့် စားသုံးနိုင်တဲ့ စားသောက်ကုန် ပစ္စည်းများ ကျယ်ကျယ် ပြန့်ပြန့် စားသုံးမှု များလာ သလို အစားအသောက် ကနေ ဖြစ်ပေါ် လာရတဲ့ အန္တရာယ် များလည်း တိုးလာ တယ်လို့ ပညာရှင်များက မှတ်ချက်ပြု ကြပါတယ်။

၎င်း အန္တရာယ်တွေ အနက် အဓိက ၃ မျိုးမှာ ဓါတု အန္တရာယ် (Chemical Hazards) ၊ ဇီဝ အန္တရာယ် (Biological Hazards)၊ ရုပ်ပစ္စည်း အန္တရာယ် (Physical Hazards)တို့ ဖြစ်ကြ တယ်လို့ ဆိုပါတယ်။ ပညာရှင်များရဲ့ အဆိုအရ အစား အသောက်ထဲမှာ ဓါတု ညစ်ညမ်းမှု (Chemical Contaminants)ကို ၄ မျိုးခန့် ထပ်မံ ခွဲခြမ်း လေ့လာနိုင် တယ်လို့ ဆိုပါတယ်။ အဲဒါတွေ ကတော့ လယ်ယာသုံး ဓါတု ပစ္စည်း အကြွင်း အကျန်များ (Agrochemical Residues) တိရိစ္ဆာန်သုံး ဆေးဝါး အကြွင်း အကျန်များ (Veterinary Medicine Residues)၊ အဆိပ်သင် စေသော သတ္ထု ပစ္စည်များ (Toxic Heavy Metals)၊ စားသောက်ကုန် အားဖြည့် ပစ္စည်းများ (Food Additives) စတာတွေ ဖြစ်ပါတယ်။ ဒါ့အပြင် အစား အသောက်ကို အန္တရာယ် ပေးနိုင်တဲ့ အခြား အကြောင်းအရာ များကတော့ အနုဇီဝ ပစ္စည်း ပါဝင်မှု (Microbiological Hazards)၊ မှိုဆိပ် ပါဝင်မှု (Mycotoxins)၊ ဓါတ်မတည့် တုန့်ပြန်ခြင်း (Allergic Reaction)၊ မျိုးရိုး ဗီဇ ပြုပြင် ပြောင်းလဲ ထားတဲ့ အစား အသောက်များ (Genetically Modified Foods)၊ ဓါတ် ရောင်ခြည်သင့် အစား အသောက်များ (Irradiated Foods)၊ အရော အနှော ပစ္စည်း ဓါတ်ပြုခြင်းများ (Adulteration)ပဲ ဖြစ်တယ်လို့ ဆိုပါတယ်။

ဒီန္တရာယ်များ ကိုတော့ ဓါတ်ခွဲ ခန်းမှာ စနစ်တကျ စမ်းသပ်မှ သိရှိနိုင်တာ ဖြစ်ပါတယ်။ နောင်ဆိုလျှင် နေရာ အတော်များများမှာ စမ်းသပ်နိုင်ဖို့ နိုင်ငံတော်မှ စီမံ ဆောင်ရွက်ရန် လျာထား တယ်လို့ သိရှိရပါတယ်။

တချို့လူတွေ ကျတော့လည်း အခြေ အနေ တစ်ရပ် ရပ်ကြောင့် အန္တရာယ် ရှိတဲ့ ကိစ္စနဲ့ ကြံဖန်ပြီး လွဲသွား တတ်တာ ရှိပါတယ်။ တရုတ် နိုင်ငံ ရွှေလီမြို့က ချစ်သူ နှစ်ဦး အကြောင်း ကြားခဲ့ ရဖူးပါတယ်။

မိန်းကလေး တစ်ဦးက နိုင်ငံခြား ပညာတော်သင် မသွားခင်လေးမှာ သူမ ရည်းစားကို တရုတ် ''လမုန့်'' ပေးထားတယ်လို့ ဆိုပါတယ်။ ယောကျာ်းလေး ကလည်း ချစ်သူ ပေးထားတဲ့ အမှတ်တရ လက်ဆောင် ဖြစ်တဲ့ အတွက်ဆိုပြီး သေသေ ချာချာ ထုတ်ပိုး ထားတယ်လို့ဆို ပါတယ်။ နောင် ၂ နှစ်ခန့် အကြာ မိန်းကလေး ဖြစ်သူဟာ နိုင်ငံခြား ပညာတော်သင်မှ ပြန်လာပြီး လက်ထပ်ပွဲ လုပ်မယ့် အချိန်မှာ လက်ဆောင် ရတဲ့ တရုတ် လမုန့် ထုတ်ကို ဖြေကြည့် ကြရာ မပျက်စီးဘဲ နဂို မူလ ထားတဲ့ အတိုင်း ရှိနေတာ တွေ့ရတယ်လို့ ဆိုပါတယ်။

ထူးခြားသည်မှာ တရုတ် လမုန့်ဟာ ၂ နှစ်အတွင်း မပုပ် မသိုးပဲ ဒီအတိုင်းရှိ နေခြင်းဘဲ ဖြစ်ပါတယ်။ အကယ်၍သာ ချစ်သူ ပေးတဲ့ မုန့်ဆိုပြီး စားမိတယ် ဆိုရင် တာရှည် ခံအောင် ထည့်ထားတဲ့ ဓါတု ပစ္စည်းတွေကြောင့် ယောကျာ်းလေးဟာ လူ့လောကကြီးမှ အပြီး အပိုင် ထွက်ခွာပြီး ဖြစ်နေ ပါလိမ့်မယ်။

အထက် ဖော်ပြပါ တရုတ် ''လမုန့် '' အတော် များများကို ကျွန်တော်တို့ မြန်မာ နိုင်ငံ ဈေးကွက်ထဲမှာ မြင်တွေ့ နေရတာ စိတ် မချမ်းသာ စရာ ကောင်းလှပါတယ်။ ဒီမုန့်ကြောင့် ကင်ဆာလို ရောဂါမျိုး ခံစားခဲ့ ရတဲ့ မြန်မာ နိုင်ငံသားတွေ ဒုနဲ့ဒေး ရှိနေမှာ ဖြစ်တယ်။ ဒါကြောင့် ဒီလို အလွန် တရာမှ အန္တရာယ် များလှတဲ့ အစား အသောက်တွေ အကြောင်းကို များများပြော များများရေးဖို့ အကြောင်း ဖြစ်လာ ရတာ ဖြစ်ပါတယ်။

စစ်သားတွေ စစ် မြေပြင်မှာ အသွား မတော်လို့ မိုင်းနင်း မိပြီး သေခဲ့ရင် ကံဆိုးတယ်လို့ ပြောရ ပေမယ့် မြန်မာ နိုင်ငံသား တစ်ယောက် မြန်မာ နိုင်ငံ အတွင်းမှာ နေပြီး နိုင်ငံခြားက လာတဲ့ တရုတ် လမုန့် စားပြီး သေတယ် ဆိုရင် '' ကံဆိုးတယ်'' လို့ သတ်မှတ်လို့ ရနိုင်မှာလား၊ မသိ နားမလည်လို့ စားမိပါတယ် ဆိုတဲ့ နောင်တ စကားများ မထွက်လာမီ ကျွန်တော်တို့ အားလုံးမှ ပညာ ပေးတန် ပေးရမှာ ဖြစ်ပါတယ်။ လိုအပ်ရင် Media များမှ ကျယ်ကျယ် ပြန့်ပြန့် ရေးသား ပြောဆို အသိပေးဖို့ လုပ်ကြရမှာ ဖြစ်ပါတယ်။

Pages