စစ်တွေနယ်စပ်ကုန်သွယ်ရေးစခန်းတွင် ကုန်သွယ်မှုမြှင့်တင်ရေးအစည်းအဝေးကျင်းပ

ကြာသပတေးနေ့ ၀၃ ဇန်နဝါရီလ ၂၀၁၃ 12:20PM

စစ်တွေနယ်စပ်ကုန်သွယ်ရေးစခန်းအနေဖြင့် ကုန်သွယ်မှုတိုးတက်စေရန်နှင့် ကုန်သွယ်မှုလုပ်ငန်းများ မှန်ကန်မြန်ဆန်စေရန် ရည်ရွယ်၍ ၂၀၁၂ ခုနှစ် ၊ ဒီဇင်ဘာ လ(၂၉) ရက် ၊ (၁၃:၀၀) နာရီအချိန် ၊ ရခိုင်ပြည်နယ် ကုန်သည်များနှင့် စက်မှုလက်မှု လုပ်ငန်းရှင်များအသင်းအစည်းအဝေးခန်းမ၌ ၂၀၁၂ခုနှစ်၊ ဒီဇင်ဘာလအတွက် အစည်း အဝေး ကျင်းပပြုလုပ်ခဲ့ပါသည်။ အစည်းအဝေးတွင် စီမံကိန်းနှင့်စီးပွားရေးဝန်ကြီးဌာန ပြည်နယ်ဝန်ကြီး ၊ ပြည်နယ်စီမံကိန်းဦးစီးဌာန ညွှန်ကြားရေးမှူး ၊ ရခိုင်ပြည်နယ် ကုန်သည်များနှင့် စက်မှုလုပ်ငန်းရှင်များအသင်း ဥက္ကဌ ၊ ဌာနဆိုင်ရာ အရာထမ်းများ ၊ ကုန်သည်လုပ်ငန်းရှင်များ တက်ရောက်ခဲ့ကြပါပြီး စစ်တွေနယ်စပ်မှ ပို့ကုန်၊သွင်းကုန် လုပ်ငန်းများ အဆင်ပြေချောမွေ့စေရန်နှင့် လုပ်ငန်းရှင်များ လုပ်သာကိုင်သာရှိစေရန် အချက်များအား ဆွေးနွေးညှိနှိုင်းခဲ့ကြပါသည်။

Source: စစ်တွေ(နကသ)