မြန်မာ - အိန္ဒိယ နှစ်နိုင်ငံပူးပေါင်းဆောင်ရွက်ရေးဆိုင်ရာကိစ္စရပ်များနှင့်ပတ်သက်၍ စီးပွားရေးနှင့် ကူးသန်းရောင်းဝယ်ရေးဝန်ကြီးဌာန၊ ကုန်သွယ်ရေးဦးစီးဌာန၊ ညွှန်ကြားရေးမှူးချုပ်နှင့် ရန်ကုန်မြို့အခြေစိုက်၊ အိန္ဒိယနိုင်ငံသံရုံးမှ သံရုံးဒုတိယအကြီးအကဲ Mr. Ashish Sh

     ၂၀၂၄ ခုနှစ်၊  ဇန်နဝါရီလ ၉ ရက်နေ့၊ မြန်မာစံတော်ချိန် (၁၆:၀၀) နာရီအချိန်တွင် မြန်မာ - အိန္ဒိယ နှစ်နိုင်ငံပူးပေါင်းဆောင်ရွက်ရေးဆိုင်ရာကိစ္စရပ်များနှင့်ပတ်သက်၍ တွေ့ဆုံဆွေးနွေးပွဲအား စီးပွားရေးနှင့် ကူးသန်းရောင်းဝယ်ရေးဝန်ကြီးဌာန၊ ကုန်သွယ်ရေးဦးစီးဌာန၊ ခန်းမသစ်၌  ကျင်းပပြုလုပ်ခဲ့ပါသည်။

     အဆိုပါဆွေးနွေးပွဲတွင်  မြန်မာနိုင်ငံဘက်မှ ကုန်သွယ်ရေးဦးစီးဌာန၊ ညွှန်ကြားရေးမှူးချုပ် ဦးမြင့်သူရ ၊ ဒုတိယညွှန်ကြားရေးမှူးချုပ်၊ ညွှန်ကြားရေးမှူးများနှင့် အိန္ဒိယနိုင်ငံဘက်မှ ရန်ကုန်မြို့အခြေစိုက်၊ အိန္ဒိယနိုင်ငံသံရုံးမှ သံရုံးဒုတိယအကြီးအကဲ Mr. Ashish Sharma ဦးဆောင်သော  ကိုယ်စားလှယ်အဖွဲ့ဝင် (၃) ဦး တက်ရောက်ခဲ့ကြပါသည်။

     တွေ့ဆုံဆွေးနွေးပွဲတွင် နှစ်နိုင်ငံအကြား ဆောင်ရွက်သွားမည့်လမ်းတံတားနှင့် နယ်စပ်ဖြတ်ကျော်ရေးကိစ္စရပ်များနှင့် ပတ်သက်သည့် စီမံကိန်းများအတွက် လက်မှတ်ရေးထိုးမှုအခြေအနေများ၊ သထုံမြို့ရှိ စက်မှုသင်တန်းကျောင်း ဖွင့်လှစ်ခြင်း ကိစ္စရပ်များ၊ ယှဉ်ပြိုင်မှုမူဝါဒနှင့်ပတ်သက်၍ အိန္ဒိယနိုင်ငံ၏ ယှဉ်ပြိုင်မှုဥပဒေဆိုင်ရာ ကျင့်သုံးဆောင်ရွက်နေမှုအခြေအနေများကို ကျယ်ကျယ်ပြန့်ပြန့် နားလည်သဘောပေါက်နိုင်စေရန်ရည်ရွယ်၍ အိန္ဒိယယှဉ်ပြိုင်မှုကော်မရှင်မှ ယှဉ်ပြိုင်မှု ဆိုင်ရာကျွမ်းကျင်ပညာရှင်များအား မြန်မာနိုင်ငံသို့လာရောက်၍ သင်တန်းပို့ချရေးကိစ္စရပ်များ၊ ကုလားတန်စီမံကိန်းအတွက် လိုအပ်သောကုန်ကြမ်းများ တင်သွင်းသည့်ကိစ္စနှင့်ပတ်သက်၍ ကုန်သွယ်ရေးဦးစီးဌာနမှ လိုအပ်သည်များ ပူးပေါင်း ဆောင်ရွက်မည့်ကိစ္စရပ်များ၊ နှစ်နိုင်ငံပူးပေါင်းဆောင်ရွက်မှုဆိုင်ရာကိစ္စရပ်များစသည်တို့ကို နှစ်ဘက်အပြန်အလှန် ညှိနှိုင်းဆွေးနွေးခဲ့ကြပါသည်။

နှစ်နိုင်ငံကုန်သွယ်မှုဆက်ဆံရေးဌာနခွဲ