သတင်းများ

၂၀၂၄ ခုနှစ်၊ ကမ္ဘာ့မူပိုင်ခွင့်နေ့အထိမ်းအမှတ် Animation ၊ ကွန်ပျူတာပိုစတာ နှင့် TikTok ပြိုင်ပွဲများဖိတ်ခေါ်ခြင်း

Fri, 03/15/2024 - 07:19 -- ipICTdep
Myanmar

၁။      စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ မူပိုင်ခွင့်ဦးစီးဌာနသည် ၂၀၂၄ ခုနှစ်၊ ဧပြီလ (၂၆)ရက်နေ့တွင် ကမ္ဘာ့မူပိုင်ခွင့်နေ့အခမ်းအနားကို ကျင်းပပြုလုပ်မည်ဖြစ်ပါသဖြင့် ကမ္ဘာ့မူပိုင်ခွင့်နေ့ အထိမ်းအမှတ် ဆောင်ပုဒ်ဖြစ်သည့် “Building our Common Future with Innovation and Creativity” ခေါင်းစဉ်ဖြင့် Animation၊ ကွန်ပျူတာပိုစတာ နှင့် TikTok ပြိုင်ပွဲများအား မြန်မာနိုင်ငံသား မည်သူမဆို တစ်ဦးချင်းဖြစ်စေ၊ အဖွဲ့လိုက်ဖြစ်စေ ပါဝင်ယှဉ်ပြိုင်နိုင်ရန် ဖိတ်ခေါ်အပ်ပါသည်။

၂။       ပြိုင်ပွဲစည်းကမ်းသတ်မှတ်ချက်များမှာ အောက်ပါအတိုင်း ဖြစ်ပါသည်-

(က)    Animation ပြိုင်ပွဲအတွက် စည်းကမ်းသတ်မှတ်ချက်များ

(၁)   Entry works (details of entry, character-line-up နှင့် storyboard) တို့ဖြင့် ပြိုင်ပွဲခေါင်းစဉ်ကို ပေါ်လွင်အောင် ယှဉ်ပြိုင်ရမည်ဖြစ်ပါသည်။

(၂)    ယှဉ်ပြိုင်မှုခေါင်းစဉ်နှင့် သရုပ်ဖော်ပြသချက်ကို မြန်မာဘာသာ(သို့) အင်္ဂလိပ်ဘာသာဖြင့်သာဖော်ပြရမည်။

(၃)   စက္ကန့် (၁၂၀)ခန့် (Animation video) ဖန်တီးထုတ်လုပ်နိုင်ရမည်။

(၄)   ယှဉ်ပြိုင်မှုသည် ကိုယ်တိုင်ဖန်တီးမှုသာဖြစ်ရမည်။ အခြားသူများ၏ လက်ရာများ အားမှီငြမ်း ပြုလုပ်ထားသည့် လက်ရာများ (သို့) ယခင်ရှိပြီးသား Animation လက်ရာများဖြင့် ဝင်ရောက်ယှဉ်ပြိုင်ခြင်းမပြုရ။

(၅)   Animation ထုတ်လုပ်မှု၏ နည်းပညာများသည် အမျိုးအစားကွဲပြားသော Animation နည်းပညာများနှင့် Animation ထုတ်လုပ်မှုနည်းပညာရပ်များသို့ ပြောင်းလဲထုတ်လုပ်နိုင်ရမည်။

(၆)   Image ၊ sound နှင့် story တို့အား အသံပိုင်းဆိုင်ရာ နည်းပညာရပ်များနှင့် line effects စသည့် နည်းပညာရပ်များ အသုံးပြုခြင်းအားဖြင့် ပြည့်စုံစွာ ဇာတ်လမ်း ဖန်တီးနိုင်မှုရှိရမည်။

(၇)   Animation work အတွက် နောက်ခံ Sound track ကို မူပိုင်ခွင့်ဦးစီးဌာန website ၏ သတင်းများ (news) Menu အောက်ရှိ ပြိုင်ပွဲဖိတ်ခေါ်ခြင်း စာမျက်နှာဖြစ်သည့် https://www.ipd.gov.mm/news/post-97 လင့်ခ်ရှိ sound track ဒေါင်းလုပ်ရယူ ရန် နေရာမှတစ်ဆင့် ရယူနိုင်ပါသည်။

(၈)   File format သည် mpeg/ wmv/ avi ၊ အနည်းဆုံး 720*579 pixels နှင့် File size သည် 20MB ထက်မပိုစေရ။

(၉)   သရုပ်ဖော်တင်ဆက်မှု နှင့် အစီအစဉ်တင်ဆက်မှုတို့သည် ဇာတ်လမ်းဇာတ်ကွက် နှင့် လိုက်လျောမှုရှိပြီး အနုပညာလက်ရာဒီဇိုင်းကို ထူးခြားစွာ ပုံရိပ်ဖော်နိုင်ရမည်။

(၁၀) ပြိုင်ပွဲဝင်လက်ရာများသည် ဆုရရှိခဲ့သော လက်ရာ၊ စီးပွားရေးကြော်ငြာ၊ ပုံနှိပ် ထုတ်ဝေမီဒီယာ၊ ဝက်ဆိုဒ်ဘ်များ၊ Facebook နှင့် အခြား Social Platform တစ်ခုခုတွင် အသုံးပြုပြီးသော လက်ရာ မဖြစ်စေရ။

(၁၁) ပြိုင်ပွဲဝင်၏ Soft copy အား PDF file format နှင့် video format တို့ဖြင့် [email protected]  သို့ လည်းကောင်း၊ Hard copy အား DVD (သို့) VCD ဖြင့် လူကိုယ်တိုင်သော်လည်းကောင်း၊ စာတိုက်မှ သော်လည်းကောင်း ပေးပို့လျှောက်ထားရမည်။

()    ကွန်ပျူတာပိုစတာ ပြိုင်ပွဲအတွက် စည်းကမ်းသတ်မှတ်ချက်များ

(၁)   ပိုစတာဒီဇိုင်းသည် ပြိုင်ပွဲ ခေါင်းစဉ် (သို့) မူပိုင်ခွင့်ဆိုင်ရာ အကြောင်းအရာနှင့် ကိုက်ညီမှုရှိရမည်။

(၂)   Graphic Design ရေးဆွဲ၍ရသည့် မည်သည့် Software Application နှင့်မဆို စိတ်ကြိုက်ရေးဆွဲနိုင်သည်။

(၃)   ဖန်တီးသည့်ပိုစတာလက်ရာ၏ အကြီးဆုံး File Size မှာ 10MB ထက်မကြီးရ။

(၄)  ပိုစတာဒီဇိုင်းသည် ကိုယ်တိုင်ဖန်တီးမှုသာဖြစ်ရမည်ဖြစ်ပြီး ပိုစတာပါ အကြောင်း အရာ၊ သရုပ်ဖော်ပြချက်များနှင့် ပုံများသည် အခြားသူများ၏ မူပိုင်ခွင့်လက်ရာ များအား လက်ရာရှင်၏ ခွင့်ပြုချက်မရရှိဘဲ ကူးယူဖော်ပြခြင်းမပြုရ။

(၅)   ပိုစတာသည် 36"x48"အလျားလိုက် သို့မဟုတ် ဒေါင်လိုက်ရေးဆွဲနိုင်သည်။

(၆)   Screenshot ရိုက်ထားသော ပုံများထည့်သွင်းရေးဆွဲခြင်းမပြုရ။

(၇)   ယှဉ်ပြိုင်မည့် ပိုစတာကို Resolution (300 dpi)နှင့် JPG (သို့) PNG Format ဖြင့် ရေးဆွဲရမည်။

(၈)   ဖန်တီးရေးဆွဲထားသော အကြောင်းအရာများအား စာဖြင့် အသေးစိတ် ရှင်းလင်း ဖော်ပြရမည်။

(၉)   ပြိုင်ပွဲဝင်လက်ရာများသည် ဆုရရှိခဲ့သော လက်ရာ၊ စီးပွားရေးကြော်ငြာ၊ ပုံနှိပ် ထုတ်ဝေမီဒီယာ၊ ဝက်ဆိုဒ်ဘ်များ၊ Facebook နှင့် အခြား Social Platform တစ်ခုခုတွင် အသုံးပြုပြီးသော လက်ရာ မဖြစ်စေရ။

(၁၀) ပြိုင်ပွဲဝင်၏ Soft copy အား JPG သို့ PNG Format တို့ဖြင့် worldipdaycontest@ ipdept.gov.mm  သို့ လည်းကောင်း၊ Hard copy အား DVD (သို့မဟုတ်) VCD ဖြင့် လူကိုယ်တိုင်သော်လည်းကောင်း၊ စာတိုက်မှ သော်လည်းကောင်း ပေးပို့လျှောက်ထားရမည်။

()     TikTok ပြိုင်ပွဲအတွက် စည်းကမ်းသတ်မှတ်ချက်များ

(၁)     ပြိုင်ပွဲဝင်များသည် အသက် ၁၈ နှစ်မှ ၃၅နှစ်အတွင်း လူငယ်လူရွယ် ဝါသနာရှင်များ ပါဝင်ယှဉ်ပြိုင်နိုင်ပါသည်။

(၂)      TikTok ဗီဒီယိုတစ်ခုအား ပြိုင်ပွဲဝင်တစ်ဦးအနေဖြင့်သာ ပါဝင်ယှဉ်ပြိုင်ရမည် ဖြစ်ပြီး အသုံးပြုလျက်ရှိသည့် Active ဖြစ်သော TikTok Account တစ်ခုရှိရမည်။

(၃)     TikTok Application တွင် “#WorldIPDay2024MM” ဟု ရှာဖွေ၍ မူပိုင်ခွင့် ဦးစီးဌာန၏ TikTok account တွင် Original Sound ကို Download ရယူပြီး အသုံးပြုရမည် ဖြစ်ပါသည်။

(၄)     ပြိုင်ပွဲဝင်များသည် မိမိကိုယ်တိုင် ဖန်တီးထားသည့် အများဆုံး စက္ကန့် (၉၀) ခန့် TikTokကို မိမိတို့၏ ကိုယ်ပိုင် Account မှတစ်ဆင့် Public Post အဖြစ် hashtag “#WorldIPDay2024MM ” ကို အသုံးပြုပြီး Upload ပြုလုပ်ရ မည် ဖြစ်ပါသည်။

(၅)     ပြိုင်ပွဲဝင်များ ဖန်တီးထားသော TikTok Video သည် ပြိုင်ပွဲခေါင်းစဉ်နှင့် ကိုက် ညီမှု ရှိရမည်ဖြစ်ပါသည်။

(၆)     ပြိုင်ပွဲဝင် TikTok လက်ရာများကို Likes ၊ Shares နှင့် Comments အများ ဆုံးအပေါ်အခြေခံ၍သတ်မှတ်ထားသော စည်းမျဉ်းစည်းကမ်းများနှင့်အညီ အကဲဖြတ် အမှတ်ပေးမည်ဖြစ်သည်။

(၇)     ပြိုင်ပွဲဝင်လက်ရာများသည် ဆုရရှိခဲ့သော လက်ရာ၊ စီးပွားရေးကြော်ငြာ၊ ပုံနှိပ် ထုတ်ဝေမီဒီယာ၊ ဝက်ဆိုဒ်ဘ်များ၊ Facebook နှင့် အခြား Social Platform တစ်ခုခုတွင် အသုံးပြုပြီးသော လက်ရာ မဖြစ်စေရ။

(၈)     ပြိုင်ပွဲဝင်၏ Soft copy အား mp4 (သို့) mov Format ဖြင့် [email protected]  သို့ လည်းကောင်း၊ Hard copy အား DVD (သို့) VCD ဖြင့် လူကိုယ်တိုင်သော်လည်းကောင်း၊ စာတိုက်မှ သော်လည်းကောင်း ပေးပို့လျှောက်ထား ရမည်။

()   ဆုရွေးချယ်ရေးသတ်မှတ်ချက်

(၁)     ဆုများကို သက်ဆိုင်ရာ ကဏ္ဍအလိုက် ပထမ၊ ဒုတိယ၊ တတိယဆုတို့ကို ချီးမြှင့် သွားမည်။

(၂)      မည်သည့်ပြိုင်ပွဲမဆို ပါဝင်ယှဉ်ပြိုင်သူသည် တစ်ဦးတည်းဖြစ်စေ၊ အဖွဲ့လိုက် ဖြစ်စေ ဆုရရှိပါက အဖွဲ့ကိုယ်စား တစ်ယောက်ကိုသာ ဆုလက်ဆောင်ပေးအပ် သွားမည်ဖြစ်ပါသည်။

(၃)     ဆုရွေးချယ်မှုနှင့်ပတ်သက်၍ တစ်စုံတစ်ရာအငြင်းပွားဖွယ်ရာ ဖြစ်ပေါ်လာပါက ပြိုင်ပွဲ ကျင်းပရေးနှင့် ဆုချီးမြှင့်ရေးလုပ်ငန်းကော်မတီ (ဆုရွေးချယ်ရေး) အဖွဲ့၏ ဆုံးဖြတ်ချက်သည် အတည်ဖြစ်သည်။

(၄)     ကမ္ဘာ့မူပိုင်ခွင့်နေ့(၂၀၂၄)တွင် ဆုရရှိသူသည် လက်ရာ၏ မူလပိုင်ရှင်ဖြစ်သော်လည်း လက်ရာများအား အသုံးပြုခွင့်ကို မူပိုင်ခွင့်ဦးစီးဌာနသို့ ခွင့်ပြုပေးရမည်ဖြစ်သည်။

(၅)     ပြိုင်ပွဲဝင်လက်ရာများနှင့် ပြိုင်ပွဲဝင်များ၏ အမည်များအား မူပိုင်ခွင့်ဦးစီးဌာနမှ အများ ပြည်သူသိရှိနိုင်စေရန် ထုတ်လွှင့်ခြင်းတွင် အသုံးပြုခြင်းအား ပြိုင်ပွဲဝင်ထံ ထပ်မံ ခွင့်ပြုချက်တောင်းခံမည်မဟုတ်ပါ။ 

(၆)    ပြိုင်ပွဲဝင်လက်ရာများပေးပို့လျှောက်ထားရာတွင် ပြိုင်ပွဲဝင်၏ အမည် (သို့) ပြိုင်ပွဲဝင် အဖွဲ့၏ အမည်နှင့် အဖွဲ့ခေါင်းဆောင် အပါအဝင်အဖွဲ့ဝင်များ အားလုံး၏အမည် အပြည့်အစုံ စသည်တို့ကို Paper Size A4၊ Pyidaungsu font နှင့် Font Size-13 ဖြင့် ဖော်ပြရမည်ဖြစ်ပြီး ပြိုင်ပွဲဝင်သူများသည် ပြိုင်ပွဲအမျိုးအစားအလိုက် ကိုယ်တိုင် ဖန်တီးထားခြင်းဖြစ်ကြောင်း ဝန်ခံချက်ရေးသား၍ အမည်၊ အသက်၊ မှတ်ပုံတင်အမှတ်၊ အဘအမည်၊ နေရပ်လိပ်စာ၊ ဖုန်းနံပါတ်၊ လိုင်စင်ဓါတ်ပုံ (၃)ပုံတို့နှင့်အတူ ပေးပို့ရမည် ဖြစ်သည်။

(၇)    ပြိုင်ပွဲဝင် “Animation၊ ကွန်ပျူတာပိုစတာ နှင့် TikTok” လက်ရာများကို မူပိုင်ခွင့်ဦးစီးဌာန၊ ရုံးအမှတ်(၅၂)၊ နေပြည်တော်သို့ လူကိုယ်တိုင်(သို့မဟုတ်) စာတိုက်မှ လည်းကောင်း၊ Soft Copy များကို [email protected] သို့ လည်းကောင်း ၂၀၂၄ ခုနှစ်၊ ဧပြီလ (၉) ရက်နေ့၊ ညနေ (၁၅:၀၀) နာရီ အချိန် နောက်ဆုံးထား၍ ဆက်သွယ်ပေးပို့ရမည်ဖြစ်သည်။

 

Animation အတွက် sound track ဒေါင်းလုပ်ရယူရန်

Sound Track 1

Sound Track 2

 

***ပြိုင်ပွဲနှင့်စပ်လျဉ်း၍ သိရှိလိုသည်များ ဆက်သွယ်မေးမြန်းလိုပါက ၀၆၇-၄၃၀၅၇၄ သို့ ဆက်သွယ်စုံစမ်းမေးမြန်းနိုင်ပါသည်။

                                                                                                                                                         မူပိုင်ခွင့်ဦးစီးဌာန

                                                                                                                              စီးပွားရေးနှင့်ကူးသန်းရောင်းဝယ်ရေးဝန်ကြီးဌာန

 

Latest News: 
Latest New တင္ရန္

စက်မှုဒီဇိုင်းမှတ်ပုံတင်ကိုယ်စားလှယ်များအတွက် စက်မှုဒီဇိုင်းမှတ်ပုံတင်ခြင်းဆိုင်ရာ မွမ်းမံသင်တန်းကျင်းပ

Fri, 03/08/2024 - 07:41 -- ipICTdep
Undefined

နေပြည်တော်၊ မတ်လ

   စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ မူပိုင်ခွင့်ဦးစီးဌာနအနေဖြင့် စက်မှုဒီဇိုင်းမှတ်ပုံတင်ကိုယ်စားလှယ်များအတွက် စက်မှုဒီဇိုင်းမှတ်ပုံတင်ခြင်းဆိုင်ရာ မွမ်းမံသင်တန်းကို မတ်လ ၈ ရက်နေ့နံနက် ၁၀ နာရီ အချိန်တွင် နေပြည်တော်ရှိ ရုံးအမှတ် (၅၂)၊ မူပိုင်ခွင့်ဦးစီးဌာန၊ အစည်းအဝေးခန်းမ၌ Virtual စနစ်ဖြင့် ကျင်းပရာ မူပိုင်ခွင့်ဦးစီးဌာန ညွှန်ကြားရေးမှူးချုပ်(ကိုယ်စား) ညွှန်ကြားရေးမှူး ဒေါက်တာခင်စန္ဒာဝင်းက တက်ရောက်အမှာစကားပြောကြားသည်။ဆက်လက်၍ စက်မှုဒီဇိုင်းမှတ်ပုံတင်ခြင်းဆိုင်ရာ မွမ်းမံသင်တန်းသို့ စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ မူပိုင်ခွင့်ဦးစီးဌာနမှ ညွှန်ကြားရေးမှူးများနှင့် တာဝန်ရှိသူများ စက်မှုဒီဇိုင်းမှတ်ပုံတင်ကိုယ်စားလှယ်များ၊ စုစုပေါင်း(၁၀၀)ဦး တက်ရောက်ကြသည်။

   အဆိုပါ မွမ်းမံသင်တန်းတွင် မူပိုင်ခွင့်ဦးစီးဌာန၊ ညွှန်ကြားရေးမှူးက အဖွင့်အမှာစကားပြောကြားရာတွင် စက်မှုဒီဇိုင်းမှတ်ပုံတင်ခြင်းဆိုင်ရာ ကိုယ်စားလှယ်သင်တန်း (၁/၂၀၂၃)ကို တက်ရောက်အောင်မြင်ခဲ့သည့် ကိုယ်စားလှယ်များအတွက် စက်မှုဒီဇိုင်းမှတ်ပုံတင်ခြင်း၊ အွန်လိုင်းမှလျှောက်ထားခြင်းနှင့်စပ်လျဉ်း၍ ကြုံတွေ့ရသည့်အခက်အခဲများ၊ ဥပဒေ၊ နည်းဥပဒေပါ ဖော်ပြချက်များ၊ သတ်မှတ်ချက်များ၊ လျှောက်ထားနိုင်သည့်နည်းလမ်းများနှင့် သတိပြုရမည့်အကြောင်းအရာများကို ရှင်းလင်းဆွေးနွေးနိုင်ရန်ကျင်းပရခြင်းဖြစ်ပါကြောင်း၊ မှတ်ပုံတင်ကိုယ်စားလှယ်များအနေဖြင့်စက်မှုဒီဇိုင်းမှတ်ပုံတင်ခြင်းနှင့်စပ်လျဉ်း၍ သိရှိနားလည်သဘောပေါက်ထားမှသာလျှင် လျှောက်ထားခြင်းများကို အမှားနည်းစွာနှင့်ဆောင်ရွက်နိုင်မည်ဖြစ်ကြောင်း၊ မိမိတို့ဦးစီးဌာနအနေဖြင့်လည်း မှတ်ပုံတင်လျှောက်လွှာများကို အချိန်နှင့်တစ်ပြေးညီ စစ်ဆေးဆောင်ရွက်နိုင်မည်ဖြစ်ကြောင်း၊ မြန်မာနိုင်ငံ၏ မူပိုင်ခွင့်စနစ်တစ်ရပ်တည်ထောင်နိုင်ရန် ကိုယ်စားလှယ်များ၏ အခန်းကဏ္ဍသည်လည်းအရေးကြီးသည့်အခန်းကဏ္ဍမှပါဝင်ကြောင်းနှင့် မိမိတို့ဦးစီးဌာန နှင့်  မူပိုင်ခွင့်မှတ်ပုံတင်ကိုယ်စားလှယ်များ ရေရှည်လက်တွဲပူးပေါင်းလုပ်ဆောင်သွားခြင်းဖြင့် မူပိုင်ခွင့်စနစ်ကိုအောင်မြင်စွာလုပ်ဆောင်နိုင်မည်ဖြစ်ကြောင်း ပြောကြားခဲ့သည်။

   ထို့နောက် စက်မှုဒီဇိုင်းမူပိုင်ခွင့်ဌာနခွဲ ညွှန်ကြားရေးမှူး ဒေါက်တာခင်စန္ဒာဝင်းက စက်မှုဒီဇိုင်းမူပိုင်ခွင့်မှတ်ပုံတင်ခြင်းနှင့်စပ်လျဉ်း၍လည်းကောင်း၊ အိုင်တီဌာနခွဲမှ လက်ထောက်ညွှန်ကြားရေးမှူး ဒေါ်ရည်မွန်လှိုင်က အွန်လိုင်းလျှောက်ထားခြင်းနှင့်စပ်လျဉ်း၍လည်းကောင်း ရှင်းလင်းသင်ကြားခဲ့ပြီး၊ အဆိုပါ မွမ်းမံသင်တန်းသို့တက်ရောက်လာသည့် ကိုယ်စားလှယ်များမှ သိရှိလိုသည်များ မေးမြန်းခဲ့မှုအပေါ် တာဝန်ရှိသူများမှ ပြန်လည်ရှင်းလင်းဖြေကြားခဲ့ပြီး အဆိုပါ မွမ်းမံသင်တန်းကို ရုပ်သိမ်းခဲ့ကြောင်း သတင်းရရှိသည်။

Latest News: 

စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၏ အရာထမ်းများအတွက် စေ့စပ်ညှိနှိုင်းဖြေရှင်းခြင်းဆိုင်ရာ သိကောင်းစရာများ၊ လက်တွေ့လုပ်ဆောင်ခြင်းများနှင့် စပ်လျဉ်း၍ အသိပညာပေးဆွေးနွေးပွဲကျင်းပ

Tue, 03/05/2024 - 04:28 -- ipICTdep
Undefined

နေပြည်တော်၊ မတ်လ

   စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၏ အရာထမ်းများအတွက် စေ့စပ်ညှိနှိုင်း ဖြေရှင်းခြင်းဆိုင်ရာသိကောင်းစရာများ၊ လက်တွေ့လုပ်ဆောင်ခြင်းများနှင့်စပ်လျဉ်း၍ အသိပညာပေး ဆွေးနွေးပွဲကို မတ်လ ၄ ရက်နေ့နံနက် ၁၀ နာရီ အချိန်တွင် နေပြည်တော်ရှိ ရုံးအမှတ် (၅၂)၊ မူပိုင်ခွင့်ဦးစီးဌာန၊ အစည်းအဝေးခန်းမ၌ Hybrid စနစ်ဖြင့်ကျင်းပရာ မူပိုင်ခွင့်ဦးစီးဌာန ညွှန်ကြားရေးမှူးချုပ် ဒေါက်တာမိုးမိုးသွယ် တက်ရောက်အမှာစကားပြောကြားသည်။

  ဆက်လက်၍ အသိပညာပေးဆွေးနွေးပွဲသို့ စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ မူပိုင်ခွင့်ဦးစီးဌာနမှ ဒုတိယညွှန်ကြားရေးမှူးချုပ်၊ ညွှန်ကြားရေးမှူးများနှင့် ပြည်ထောင်စုဝန်ကြီးရုံး၊ ဦးစီးဌာနများမှ အရာထမ်းများတက်ရောက်ကြသည်။

  အဆိုပါဆွေးနွေးပွဲတွင် မူပိုင်ခွင့်ဦးစီးဌာန၊ ညွှန်ကြားရေးမှူးချုပ်က အဖွင့်အမှာစကားပြောကြားရာတွင် စေ့စပ်ညှိနှိုင်းဖြေရှင်းခြင်းနှင့်စပ်လျဉ်းပြီး စီးပွားရေးနှင့်ကူးသန်းရောင်းဝယ်ရေးဝန်ကြီးဌာနရှိ ဝန်ထမ်းများ စားသုံးသူကာကွယ်ရေးဥပဒေအရ စေ့စပ်ညှိနှိုင်းဖြေရှင်းခြင်းလုပ်ငန်းများ လုပ်ဆောင်နေသည့် ဝန်ထမ်းများကို မြန်မာနိုင်ငံတွင် ကျင့်သုံးနေသည့် စေ့စပ်ညှိနှိုင်းဖြေရှင်း ခြင်းနည်းလမ်းများနှင့် နိုင်ငံတကာ၌ ကျင့်သုံးလျက်ရှိသည့် နည်းလမ်းများကို သိရှိနိုင်စေရန် ရည်ရွယ်ပြီး ကျင်းပရခြင်းဖြစ်ပါကြောင်း၊ စေ့စပ်ညှိနှိုင်းဖြေရှင်းခြင်းနည်းလမ်းကို  ဖြေရှင်းခြင်း အားဖြင့် အချိန်ကုန်သက်သာခြင်း၊ ကုန်ကျစရိတ်သက်သာခြင်းနှင့်  ကိုယ်တိုင်ပါဝင်ဆောင်ရွက်ရ သည့်အတွက် စိတ်ကျေနပ်မှုရရှိစေခြင်း၊ တရားစွဲဆိုခြင်းနည်းလမ်းအပြင် နှစ်ဦးနှစ်ဖက်ချစ်ကြည်စွာ ဖြေရှင်းခြင်းနှင့် အနုညာတစီရင်ဆုံးဖြတ်ခြင်းများဖြင့် ဆောင်ရွက်နိုင်ပါကြောင်း၊ မူပိုင်ခွင့်ဥပဒေများ အာဏာသက်ဝင်လာပြီဖြစ်သည့်အတွက် ဖြစ်ပေါ်လာမည့် မူပိုင်ခွင့်ဆိုင်ရာအငြင်းပွားမှုများကို ဖြေရှင်းဆောင်ရွက်ရာတွင် အဆိုပါနည်းလမ်းများအသုံးပြုနိုင်ရေး ဆောင်ရွက်သွားမည် ဖြစ်ပါ ကြောင်း၊ ယခုဆွေးနွေးပွဲမှ မြန်မာနိုင်ငံတွင် ကျင့်သုံးလျက်ရှိသည့် တရားရုံးက ဦးဆောင်သည့် စေ့စပ်ညှိနှိုင်းဖြေရှင်းခြင်းနည်းလမ်းများ၊ နိုင်ငံတကာတွင် ကျင့်သုံးနေသည့် မူပိုင်ခွင့်ဆိုင်ရာ စေ့စပ်ညှိနှိုင်းဖြေရှင်းခြင်းအလေ့အထများ၊ စေ့စပ်ညှိနှိုင်းပေးသူအနေဖြင့် ရှိသင့်ရှိထိုက်သည့် ကျင့်ဝတ်များသိရှိနားလည်နိုင်မည်ဖြစ်ပါကြောင်း၊ ယခုဆွေးနွေးပွဲမှ ရရှိလာသည့် အသိပညာအတွေ့အကြုံများကို အခြေခံပြီး မိမိတို့ဆောင်ရွက်နေသည့် အငြင်းပွားမှုများကို ပေါင်းစပ်ညှိနှိုင်း ဆောင်ရွက်ကြခြင်းအားဖြင့် အောင်မြင်သော စေ့စပ်ညှိနှိုင်းဖြေရှင်းခြင်းရလဒ်များ ဖြစ်ပေါ်လာမှာ ဖြစ်ကြောင်း တိုက်တွန်းပြောကြားခဲ့သည်။

  ထို့နောက် စေ့စပ်ညှိနှိုင်းဖြေရှင်းခြင်းနည်းလမ်းအား နိုင်ငံတကာတွင် ကျင့်သုံးဆောင်ရွက်မှုများနှင့်စပ်လျဉ်း၍ မူပိုင်ခွင့်ဦးစီးဌာန၊ ဒုတိယညွှန်ကြားရေးမှူးချုပ် ဒေါက်တာနှင်းနွယ်အေးမှ လည်းကောင်း၊ တရားရုံးကဦးဆောင်သော စေ့စပ်ညှိနှိုင်းဖြေရှင်းရေးလုပ်ငန်းများအကြောင်း နှင့်စပ်လျဉ်း၍ ပြည်ထောင်စုတရားစီရင်ရေးကြီးကြပ်မှုရုံးမှ ဒုတိယညွှန်ကြားရေးမှူး၊ ဒေါက်တာသိမ့်သိမ့်ထွေး မှလည်းကောင်း၊ မြန်မာနိုင်ငံတွင် ကျင့်သုံးလျက်ရှိသည့် စေ့စပ်ညှိနှိုင်းဖြေရှင်းခြင်းအကြောင်း သိကောင်းစရာများနှင့်စပ်လျဉ်း၍ ဥပဒေအကြံဉာဏ်ပေးရေးဦးစီးဌာနမှ ဒုတိယညွှန်ကြားရေးမှူး၊ ဒေါ်ခင်မြတ်မွန်မှလည်းကောင်း ဟောပြောဆွေးနွေးခဲ့ပါသည်။ အဆိုပါ အသိပညာပေးဆွေးနွေးပွဲ သို့ တက်ရောက်လာသည့် အရာထမ်းများမှ သိလိုသမျှမေးမြန်းခဲ့မှုအပေါ် တာဝန်ရှိသူများမှ ပြန်လည်ရှင်းလင်းဖြေကြားခဲ့ပြီး ဆွေးနွေးပွဲကို နေ့လယ် (၁၅:၅၀) နာရီအချိန်တွင် ရုပ်သိမ်းခဲ့ကြောင်း သတင်းရရှိသည်။

Latest News: 
Latest New တင္ရန္

မူပိုင်ခွင့်ဦးစီးဌာနမှ အရာထမ်း၊ အမှုထမ်းများအတွက် တီထွင်မှုမူပိုင်ခွင့်ဆိုင်ရာစကားဝိုင်း ကျင်းပခြင်း

Thu, 02/29/2024 - 06:48 -- ipICTdep
Undefined

နေပြည်တော်၊ ဖေဖော်ဝါရီလ ၂၇

   မူပိုင်ခွင့်ဦးစီးဌာနမှ အရာထမ်း၊ အမှုထမ်းများအတွက်  တီထွင်မှုမူပိုင်ခွင့်ဥပဒေကို နားလည်သဘောပေါက်ပြီး လုပ်ငန်းခွင်တွင်အသုံးချနိုင်ရန်နှင့် ဝန်ထမ်းများ၏ စွမ်းဆောင်ရည် တိုးတက်စေရန် ရည်ရွယ်၍ တီထွင်မှုမူပိုင်ခွင့်ဆိုင်ရာ စကားဝိုင်းကို ၂၀၂၄ ခုနှစ်၊ ဖေဖော်ဝါရီလ ၂၇ ရက်နေ့ နံနက် (၁၀:၀၀) အချိန်တွင် စီးပွားရေးနှင့်ကူးသန်းရောင်းဝယ်ရေးဝန်ကြီးဌာန ရုံးအမှတ်(၅၂)၊ အစည်းအဝေးခန်းမ၌  ကျင်းပပြုလုပ်ခဲ့ရာ မူပိုင်ခွင့်ဦးစီးဌာနမှ အရာထမ်း၊ အမှုထမ်းများ physical ဖြင့်တက်ရောက်ခဲ့ပြီး ရန်ကုန်၊ မန္တလေးရုံးခွဲမှ တာဝန်ရှိသူများမှ virtual ဖြင့် တက်ရောက်ခဲ့ကြပါသည်။

   အဆိုပါစကားဝိုင်းတွင် ဒုတိယညွှန်ကြားရေးမှူးချုပ်က  အဖွင့်အမှာစကားပြောကြားရာတွင် တီထွင်မှုမူပိုင်ခွင့်ဥပဒေကို လုပ်ငန်းခွင်တွင်အသုံးပြုနိုင်သည်အထိ နားလည်သဘောပေါက်စေရန် စကားဝိုင်းအား စီစဉ်ကျင်းပခြင်းဖြစကြောင်း၊ အခြားမူပိုင်ခွင့်ဥပဒေများအတွက်လည်း ယခုကဲ့သို့ စကားဝိုင်းများ ပြုလုပ်ဆောင်ရွက်သွားစေလိုပါကြောင်း၊ ဝန်ထမ်းများမှ အပြန်အလှန်ဆွေးနွေးမေးမြန်းမှုများ ပြုလုပ်ခြင်းဖြင့် ပိုမိုထိရောက်သော စကားဝိုင်းဖြစ်စေကြောင်း ‌ ပြောကြားခဲ့ပါသည်။

   ဆက်လက်၍ တီထွင်မှုမူပိုင်ခွင့်ဌာနခွဲမှ အရာထမ်း၊ အမှုထမ်းများမှ တီထွင်မှုမူပိုင်ခွင့်ဥပဒေပါ တီထွင်မှုမူပိုင်ခွင့်နှင့် အသေးစားတီထွင်မှုမူပိုင်ခွင့်အကြောင်း၊ လျှောက်ထားခြင်းနှင့် လျှောက်ထားရာတွင် လိုအပ်သောအချက်အလက်များအကြောင်း၊ ပုံမှန်စစ်ဆေးခြင်းနှင့် အသေးစိတ်စစ်ဆေးခြင်းအကြောင်း၊ ကန့်ကွက်ခြင်း၊ ရုပ်သိမ်းခြင်းနှင့် ပြန်လည်အပ်နှံခြင်း အကြောင်း၊ အခွင့်အရေး၊ သက်တမ်းနှင့် နှစ်စဉ်ကြေးအကြောင်း၊ အယူခံခြင်းနှင့် အခွင့်အရေး ထိပါးချိုးဖောက်ခြင်းအကြောင်းအရာများအား ရှင်းလင်း‌ဆွေးနွေးပြောကြားခဲ့ပါသည်။ထို့နောက်စကားဝိုင်းတက်ရောက်လာသော အရာထမ်း၊ အမှုထမ်းများမှ သိလိုသမျှ မေးမြန်းခဲ့မှုအပေါ် တီထွင်မှုမူပိုင်ခွင့် ဘာသာရပ်တာဝန်ခံမှ ပြန်လည်ရှင်းလင်း ဖြေကြားခဲ့ပြီး စကားဝိုင်းအား နေ့လယ် (၁၂:၃၀) နာရီအချိန်တွင် ရုပ်သိမ်းခဲ့ကြောင်း သတင်းရရှိသည်။

Latest News: 

စာပေနှင့်အနုပညာမူပိုင်ခွင့်မှတ်ပုံတင်စနစ် (CRFile System) ၏ ဘဏ်စနစ်နှင့်စပ်လျဉ်း၍ အသိပေးကြေညာချက်

Mon, 02/26/2024 - 05:21 -- ipICTdep
Undefined
Latest News: 

စီးပွားရေးနှင့်ကူးသန်းရောင်းဝယ်ရေးဝန်ကြီးဌာန ဒုတိယဝန်ကြီး ဦးမင်းမင်း စက်မှုဒီဇိုင်းမူပိုင်ခွင့် မှတ်ပုံတင်ခြင်းနှင့် စာပေနှင့်အနုပညာမူပိုင်ခွင့် မှတ်ပုံတင်ခြင်းကို တရားဝင်စတင်လက်ခံခြင်းအခမ်းအနားသို့ တက်ရောက်အမှာစကားပြောကြားခြင်း

Fri, 02/23/2024 - 09:27 -- ipICTdep
Myanmar

နေပြည်တော်၊ ဖေဖော်ဝါရီ ၂၃

    စက်မှုဒီဇိုင်းမူပိုင်ခွင့် မှတ်ပုံတင်ခြင်းနှင့် စာပေနှင့်အနုပညာမူပိုင်ခွင့် မှတ်ပုံတင်ခြင်းကို တရားဝင် စတင်လက်ခံခြင်းအခမ်းအနားကိုယနေ့နံနက် ၉ နာရီအချိန်တွင် ရုံးအမှတ်(၃)၊ အစည်းအဝေးခန်းမ (၂)၌ Hybrid စနစ်ဖြင့်ကျင်းပခဲ့ပါသည်။

  အဆိုပါ အခမ်းအနားသို့ စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊  ဒုတိယဝန်ကြီး၊ မူပိုင်ခွင့်ဆိုင်ရာအေဂျင်စီ ဥက္ကဋ္ဌ ဦးမင်းမင်း၊ ဌာနဆိုင်ရာ ညွှန်ကြားရေးမှူးချုပ်များ၊ ဒုတိယ ညွှန်ကြားရေးမှူးချုပ်များ၊ ညွှန်ကြားရေးမှူးများ၊ ဝန်ကြီးဌာနများမှ တာဝန်ရှိသူများ၊  အစိုးရမဟုတ်သော အဖွဲ့အစည်းများမှ ကိုယ်စားလှယ်များ၊ မူပိုင်ခွင့်ဆိုင်ရာအဖွဲ့အစည်းများ၊ မူပိုင်ခွင့်ဆိုင်ရာ ဥပဒေအကျိုးဆောင်များမှ ကိုယ်စားလှယ်များ၊ အသင်းအဖွဲ့များမှ တာဝန်ရှိသူများနှင့် အသေးစား၊ အငယ်စား၊ အလတ်စား စီးပွားရေးလုပ်ငန်းရှင်များ တက်ရောက်ခဲ့ကြသည်။

  အခမ်းအနားတွင် စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ ဒုတိယဝန်ကြီး ဦးမင်းမင်း က အဖွင့်အမှာစကားပြောကြားရာ၌ ၂၀၂၃ ခုနှစ် အောက်တိုဘာလ ၃၁ ရက်နေ့တွင် အာဏာတည်ခဲ့သည့် စက်မှုဒီဇိုင်းမူပိုင်ခွင့်ဥပဒေနှင့် စာပေနှင့်အနုပညာမူပိုင်ခွင့်ဥပဒေများအရ  အဆိုပါမူပိုင်ခွင့်များ ၏ လျှောက်ထားခြင်းများကို တရားဝင်စတင်လက်ခံသည့် အခမ်းအနားဖြစ်ပါကြောင်း၊ ၂၀၂၄ ခုနှစ် တွင်တီထွင်မှုမူပိုင်ခွင့်ဥပဒေကိုအာဏာတည်နိုင်ရေးအတွက် ဆောင်ရွက်ရန်လိုအပ်ပါကြောင်း၊ စက်မှု ဒီဇိုင်းမူပိုင်ခွင့်မှတ်ပုံတင်ခြင်းနှင့် စာပေနှင့်အနုပညာမူပိုင်ခွင့် မှတ်ပုံတင်ခြင်းတို့အတွက် မူပိုင်ခွင့် လျှောက်ထားချက်များလက်ခံခြင်းကို အီလက်ထရောနစ်စနစ်မှ တစ်ဆင့်လည်းကောင်း၊ လျှောက်လွှာလက်ခံဌာနများမှတစ်ဆင့်လည်းကောင်း လက်ခံဆောင်ရွက်သွားမည်ဖြစ်ပါကြောင်း၊ လျှောက်လွှာလက်ခံဌာနများကိုလည်း နေပြည်တော်၊ အောက်မြန်မာပြည်ရုံးခွဲ (ရန်ကုန်)၊ အထက်မြန်မာပြည်ရုံးခွဲ(မန္တလေး) တို့တွင် ဖွင့်လှစ်ထားပြီး ဖြစ်ပါကြောင်း၊ စက်မှုဒီဇိုင်းမူပိုင်ခွင့် မှတ်ပုံတင်လျှောက်ထားချက်များကို ၂၀၂၄ ခုနှစ်၊ ဖေဖော်ဝါရီလ ၁ ရက်နေ့မှစတင်၍လည်းကောင်း၊ စာပေနှင့်အနုပညာမူပိုင်ခွင့်မှတ်ပုံတင်လျှောက်ထားချက်များကို ၂၀၂၄ ခုနှစ်၊ ဖေဖော်ဝါရီလ ၉ ရက်နေ့မှစတင်၍ လည်းကောင်း လက်ခံဆောင်ရွက်ပေးလျက်ရှိပါကြောင်း ပြောကြားခဲ့သည်။

 ထို့နောက် စက်မှုဒီဇိုင်းမှတ်ပုံတင်ခြင်းကို ဆောင်ရွက်ပေးခြင်းနှင့် အကာအကွယ်ပေးနိုင်ခြင်းကြောင့် ဒီဇိုင်းပိုင်ရှင်နှင့် ဖန်တီးသူတို့၏ အခွင့်အရေးနှင့် အကျိုးစီးပွားကို အကာအကွယ်ပေးနိုင်ခြင်း၊ စက်မှုလက်မှုလုပ်ငန်းများ ဖွံ့ဖြိုးတိုးတက်လာစေခြင်း၊ နည်းပညာတိုးတက်ပြန့်ပွားစေခြင်း၊ ဖန်တီးသူနှင့်စက်မှုဒီဇိုင်းသုံးစွဲသူများအကြား နည်းပညာဗဟုသုတနှင့် လူမှုစီးပွားဘဝသာယာဝပြော ရေးကိုအပြန်အလှန်အကျိုးပြုစေခြင်းစသည့်အကျိုးကျေးဇူးများကိုရရှိနိုင်မည်ဖြစ်ပါကြောင်း၊ စာပေ သို့မဟုတ် အနုပညာလက်ရာများ၊ ဖျော်ဖြေတင်ဆက်မှုများ၊ ဖိုနိုဂရမ်ထုတ်လုပ်မှုများနှင့် ထုတ် လွှင့်ခြင်းများ ပိုမိုဖွံ့ဖြိုးတိုးတက်လာခြင်းဖြင့် စာပေနှင့်အနုပညာဆိုင်ရာ ထုတ်လုပ်မှု အဆင့်အတန်းမြင့်မားတိုးတက်စေမည်ဖြစ်ပါကြောင်း၊ မူလလက်ရာရှင်နှင့် စာပေနှင့်အနုပညာမူပိုင်ခွင့်ပိုင်ရှင်တို့၏ မူပိုင်ခွင့်များကို ကာကွယ်နိုင်ခြင်း၊ ဆက်နွှယ်သည့် အခွင့်အရေးများကို ကာကွယ်စောင့်ရှောက်နိုင်ခြင်း၊ ရိုးရာဓလေ့အမွေအနှစ်ဖော်ပြချက်များကိုလည်း ကာကွယ်မြှင့်တင်နိုင်ခြင်းစသည့် အကျိုးကျေးဇူးများကို ရရှိနိုင်မည်ဖြစ်ပါကြောင်း ပြောကြားခဲ့သည်။

ဆက်လက်ပြီး မူပိုင်ခွင့်ဥပဒေများအာဏာသက်ဝင်ခြင်းနှင့်စပ်လျဉ်း၍ လည်းကောင်း၊ စက်မှုဒီဇိုင်းမူပိုင်ခွင့် မှတ်ပုံတင်ခြင်းနှင့်စပ်လျဉ်း၍လည်ကောင်း၊ စာပေနှင့်အနုပညာမူပိုင်ခွင့် မှတ်ပုံတင်ခြင်း နှင့် စက်မှုဒီဇိုင်းမူပိုင်ခွင့်နှင့် စာပေနှင့်အနုပညာမူပိုင်ခွင့် မှတ်ပုံတင်စနစ် (WIPO File,CR File) များ နှင့်စပ်လျဉ်း၍ ရှင်းလင်းဆွေးနွေးခဲ့ပါသည်။ ထို့နောက် တက်ရောက်လာသည့် ကိုယ်စားလှယ်များနှင့် အခမ်းအနားပွဲသို့ တက်ရောက်လာကြသူများက သိရှိလိုသည်များကို မေးမြန်းခြင်းများအပေါ် သက်ဆိုင်ရာတာဝန်ရှိသူများက ပြန်လည်ရှင်းလင်းဖြေကြားခဲ့ပြီး အခမ်းအနားကိုရုပ်သိမ်းခဲ့ကြောင်း သတင်းရရှိသည်။

Latest News: 
Latest New တင္ရန္

ကုန်အမှတ်တံဆိပ်မူပိုင်ခွင့်ဆိုင်ရာ ကိုယ်စားလှယ်များနှင့် ဆွေးနွေးပွဲကျင်းပ

Mon, 02/19/2024 - 05:59 -- ipICTdep
Myanmar

နေပြည်တော်၊ ဖေဖော်ဝါရီ ၁၆

   စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ မူပိုင်ခွင့်ဦးစီးဌာနအနေဖြင့် ကုန်အမှတ် တံဆိပ်မူပိုင်ခွင့်ဆိုင်ရာ ကိုယ်စားလှယ်များနှင့် ဆွေးနွေးပွဲကို ယနေ့နံနက် ၉ နာရီခွဲအချိန်တွင် ရုံးအမှတ်(၅၂)၊ အစည်းအဝေးခန်းမ၌ virtual စနစ်ဖြင့်ကျင်းပရာ မူပိုင်ခွင့်ဦးစီးဌာနမှ ညွှန်ကြားရေးမှူးချုပ်က တက်ရောက်အမှာစကားပြောကြားခဲ့သည်။

   အဆိုပါ အသိပညာပေးဆွေးနွေးပွဲသို့ မူပိုင်ခွင့်ဦးစီးဌာန ဒုတိယညွှန်ကြားရေးမှူးချုပ်၊ ညွှန်ကြားရေးမှူးများနှင့် တာဝန်ရှိသူများ၊ ကိုယ်စားလှယ်သင်တန်း တက်ရောက်ပြီးသူ ကိုယ်စားလှယ် စုစုပေါင်း (၃၀၀) ဦးခန့် တက်ရောက်ခဲ့ကြသည်။

  ဆွေးနွေးပွဲတွင် ညွှန်ကြားရေးမှူးချုပ်က အဖွင့်အမှာစကားပြောကြားရာ၌ ဝန်ကြီးဌာန၏ ရည်မှန်းချက်တာဝန်တစ်ရပ်မှာ စီးပွားရေး ဂေဟစနစ်ဖွံ့ဖြိုးတိုးတက်စေရေးအတွက် ခေတ်မီ ကောင်းမွန်သောမူပိုင်ခွင့်စနစ် တစ်ရပ်တည်ထောင်ရန် ဖြစ်၍ နိုင်ငံတော်၏ စီးပွားရေးကဏ္ဍ ဖွံ့ဖြိုးတိုးတက်စေရေးအတွက် အထောက်အပံ့ဖြစ်စေမည့် မူပိုင်ခွင့်စနစ်တစ်ရပ်ကို ဥပဒေနှင့်အညီ အကောင်အထည်ဖော်ဆောင်ရွက်နိုင်အောင် အားလုံးဝိုင်းဝန်းကြိုးစားကြရန်ဖြစ်ကြောင်း၊ ကုန်အမှတ်တံဆိပ်ဥပဒေ အာဏာသက်ဝင်ပြီးနောက် အမှတ်တံဆိပ်မှတ်ပုံတင်ခြင်းများကို လက်ခံဆောင်ရွက်မှု အချိန်ကာလသည် (၁၀)လကျော်ရှိပြီဖြစ်ပါကြောင်း၊ အမှတ်တံဆိပ်မှတ်ပုံတင်လျှောက်လွှာ အရေအတွက် (၄) သောင်းကျော် လက်ခံရရှိထားပြီးဖြစ်ပါကြောင်း၊ အဆိုပါလျှောက်လွှာများကို  Trademark  Examiners များက အဆင့်ဆင့် စစ်ဆေးခြင်းများကို ဆောင်ရွက်လျက်ရှိပြီး အဆိုပါ အမှတ်တံဆိပ်မူပိုင်ခွင့် လျှောက်လွှာများထုတ်ပြန်ကြေညာခြင်း နှင့် မှတ်ပုံတင်ခွင့်ပြုခြင်းများကို ဆောင်ရွက်နိုင်ရေး ကြိုးပမ်းဆောင်ရွက်လျက်ရှိပါကြောင်း၊ မူပိုင်ခွင့်ဆိုင်ရာကိုယ်စားလှယ်များနှင့် ယခုကဲ့သို့ တွေ့ဆုံဆွေးနွေးခြင်းအားဖြင့် မူပိုင်ခွင့်ဦးစီးဌာနမှ အမှတ်တံဆိပ်မှတ်ပုံတင်ခြင်းလျှောက်လွှာများ နှင့်စပ်လျဉ်း၍ စစ်ဆေးနေမှုအခြေအနေများကို သိရှိနိုင်မှာဖြစ်ပြီး ကိုယ်စားလှယ်များမှလည်း အမှတ် တံဆိပ်မှတ်ပုံတင်ရာတွင် တွေ့ကြုံရမှုအခြေအနေများ၊ အခက်အခဲများကို ဆွေးနွေးနိုင်မည် ဖြစ်ပါကြောင်း၊ မူပိုင်ခွင့်ကဏ္ဍသည် နိုင်ငံ၏ စီးပွားရေးဖွံ့ဖြိုးတိုးတက်ရေး အတွက်အရေးပါသော ကဏ္ဍတစ်ရပ် ဖြစ်သောကြောင့်  ဝိုင်းဝန်းပူးပေါင်းဆောင်ရွက်ပေးကြစေလိုပါကြောင်း ပြောကြားခဲ့ပါသည်။

   ဆက်လက်၍ မူပိုင်ခွင့်ဦးစီးဌာန၊ မူဝါဒနှင့်စီမံကိန်းဌာနခွဲမှ ညွှန်ကြားရေးမှူး ဒေါက်အေးသီရိဝေမှ အမှတ်တံဆိပ်မှတ်ပုံတင်ခြင်းဆိုင်ရာ ကိုယ်စားလှယ်များနှင့်စပ်လျဉ်း၍လည်းကောင်း၊ ကုန်အမှတ်တံဆိပ်မူပိုင်ခွင့်ဌာနခွဲမှ ညွှန်ကြားရေးမှူး၊ ဒေါက်တာစိမ့်သန္တာထွန်းမှ အမှတ်တံဆိပ်မှတ်ပုံတင်စစ်ဆေးခြင်းဆိုင်ရာ လုပ်ငန်းစဉ်များကိုလည်းကောင်း၊ အိုင်တီဌာနခွဲမှ ဒေါက်တာမေဖြိုးသွယ်မှ အမှတ်တံဆိပ်မှတ်ပုံတင်ခြင်းတွင် အီလက်ထရောနစ်စနစ်အသုံးပြုခြင်းနှင့်စပ်လျဉ်း၍လည်းကောင်း၊ မူပိုင်ခွင့်ဆိုင်ရာကိုယ်စားလှယ် တရားလွှတ်တော်ရှေ့နေ ဦးသိန်းအောင်က အမှတ်တံဆိပ်မှတ်ပုံတင်ခြင်း နှင့်စပ်လျဉ်း၍လည်းကောင်း ရှင်းလင်းဆွေးနွေးခဲ့ပါသည်။  ထို့နောက် ကုန်အမှတ်တံဆိပ် မူပိုင်ခွင့်ဆိုင်ရာ ကိုယ်စားလှယ်များနှင့် ဆွေးနွေးပွဲသို့ တက်ရောက်လာကြသူများက သိရှိလိုသည်များကို မေးမြန်းခြင်းများအပေါ် သက်ဆိုင်ရာညွှန်ကြားရေးမှူးများက ပြန်လည်ရှင်းလင်း ဖြေကြားခဲ့ပြီး ညွှန်ကြားရေးမှူးချုပ်က နိဂုံးချုပ်အမှာစကားပြောကြားကာ ဆွေးနွေးပွဲကို ရုပ်သိမ်းခဲ့ကြောင်း သတင်းရရှိသည်။

Latest News: 

ကုန်အမှတ်တံဆိပ်မူပိုင်ခွင့်ဆိုင်ရာ ကိုယ်စားလှယ်များနှင့် ဆွေးနွေးပွဲကျင်းပခြင်း

Mon, 02/19/2024 - 05:28 -- ipICTdep
Myanmar

နေပြည်တော်၊ ဖေဖော်ဝါရီ ၁၆

    စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ မူပိုင်ခွင့်ဦးစီးဌာနအနေဖြင့် ကုန်အမှတ်တံဆိပ်မူပိုင်ခွင့်ဆိုင်ရာ ကိုယ်စားလှယ်များနှင့် ဆွေးနွေးပွဲကို ယနေ့နံနက် ၉ နာရီခွဲအချိန်တွင် ရုံးအမှတ်(၅၂)၊ အစည်းအဝေးခန်းမ၌ virtual စနစ်ဖြင့်ကျင်းပရာ မူပိုင်ခွင့်ဦးစီးဌာနမှ ညွှန်ကြားရေးမှူးချုပ်က တက်ရောက်အမှာစကားပြောကြားခဲ့သည်။

   အဆိုပါ အသိပညာပေးဆွေးနွေးပွဲသို့ မူပိုင်ခွင့်ဦးစီးဌာန ဒုတိယညွှန်ကြားရေးမှူးချုပ်၊ ညွှန်ကြားရေးမှူးများနှင့် တာဝန်ရှိသူများ၊ ကိုယ်စားလှယ်သင်တန်း တက်ရောက်ပြီးသူ ကိုယ်စားလှယ် စုစုပေါင်း (၃၀၀) ဦးခန့် တက်ရောက်ခဲ့ကြသည်။

   ဆွေးနွေးပွဲတွင် ညွှန်ကြားရေးမှူးချုပ်က အဖွင့်အမှာစကားပြောကြားရာ၌ ဝန်ကြီးဌာန၏ ရည်မှန်းချက်တာဝန်တစ်ရပ်မှာ စီးပွားရေး ဂေဟစနစ်ဖွံ့ဖြိုးတိုးတက်စေရေးအတွက် ခေတ်မီ ကောင်းမွန်သောမူပိုင်ခွင့်စနစ် တစ်ရပ်တည်ထောင်ရန် ဖြစ်၍ နိုင်ငံတော်၏ စီးပွားရေးကဏ္ဍ ဖွံ့ဖြိုးတိုးတက်စေရေးအတွက် အထောက်အပံ့ဖြစ်စေမည့် မူပိုင်ခွင့်စနစ်တစ်ရပ်ကို ဥပဒေနှင့်အညီ အကောင်အထည်ဖော်ဆောင်ရွက်နိုင်အောင် အားလုံး ဝိုင်းဝန်းကြိုးစားကြရန်ဖြစ်ကြောင်း၊ ကုန်အမှတ် တံဆိပ်ဥပဒေ အာဏာသက်ဝင်ပြီးနောက် အမှတ်တံဆိပ်မှတ်ပုံတင်ခြင်းများကို လက်ခံဆောင်ရွက်မှု အချိန်ကာလသည် (၁၀)လကျော်ရှိပြီဖြစ်ပါကြောင်း၊ အမှတ်တံဆိပ်မှတ်ပုံတင်လျှောက်လွှာအရေအတွက် (၄) သောင်းကျော် လက်ခံရရှိထားပြီးဖြစ်ပါကြောင်း၊ အဆိုပါလျှောက်လွှာများကို  Trademark  Examiners များက အဆင့်ဆင့် စစ်ဆေးခြင်းများကို ဆောင်ရွက်လျက်ရှိပြီး အဆိုပါ အမှတ်တံဆိပ် မူပိုင်ခွင့်လျှောက်လွှာများ ထုတ်ပြန်ကြေညာခြင်း နှင့် မှတ်ပုံတင်ခွင့်ပြုခြင်းများကို ဆောင်ရွက်နိုင်ရေး ကြိုးပမ်းဆောင်ရွက်လျက်ရှိပါကြောင်း၊ မူပိုင်ခွင့်ဆိုင်ရာကိုယ်စားလှယ်များနှင့် ယခုကဲ့သို့ တွေ့ဆုံဆွေးနွေးခြင်းအားဖြင့် မူပိုင်ခွင့်ဦးစီးဌာနမှ အမှတ်တံဆိပ်မှတ်ပုံတင်ခြင်းလျှောက်လွှာများ နှင့်စပ်လျဉ်း၍ စစ်ဆေးနေမှုအခြေအနေများကို သိရှိနိုင်မှာဖြစ်ပြီး ကိုယ်စားလှယ်များမှလည်း အမှတ် တံဆိပ်မှတ်ပုံတင်ရာတွင် တွေ့ကြုံရမှုအခြေအနေများ၊ အခက်အခဲများကို ဆွေးနွေးနိုင်မည်ဖြစ်ပါကြောင်း၊ မူပိုင်ခွင့်ကဏ္ဍသည် နိုင်ငံ၏ စီးပွားရေးဖွံ့ဖြိုးတိုးတက်ရေးအတွက်အရေးပါသော ကဏ္ဍတစ်ရပ် ဖြစ်သောကြောင့်  ဝိုင်းဝန်းပူးပေါင်းဆောင်ရွက်ပေးကြစေလိုပါကြောင်း ပြောကြားခဲ့ပါသည်။

   ဆက်လက်၍ မူပိုင်ခွင့်ဦးစီးဌာန၊ မူဝါဒနှင့်စီမံကိန်းဌာနခွဲမှ ညွှန်ကြားရေးမှူး ဒေါက်တာ အေးသီရိဝေမှ အမှတ်တံဆိပ်မှတ်ပုံတင်ခြင်းဆိုင်ရာ ကိုယ်စားလှယ်များနှင့်စပ်လျဉ်း၍လည်းကောင်း၊ ကုန်အမှတ်တံဆိပ်မူပိုင်ခွင့်ဌာနခွဲမှ ညွှန်ကြားရေးမှူး၊ ဒေါက်တာစိမ့်သန္တာထွန်းမှ အမှတ်တံဆိပ်မှတ်ပုံတင် စစ်ဆေးခြင်းဆိုင်ရာ လုပ်ငန်းစဉ်များကိုလည်းကောင်း၊ အိုင်တီဌာနခွဲမှ ဒေါက်တာမေဖြိုးသွယ်မှ အမှတ်တံဆိပ်မှတ်ပုံတင်ခြင်းတွင် အီလက်ထရောနစ်စနစ်အသုံးပြုခြင်းနှင့်စပ်လျဉ်း၍လည်းကောင်း၊ မူပိုင်ခွင့်ဆိုင်ရာကိုယ်စားလှယ် တရားလွှတ်တော်ရှေ့နေ ဦးသိန်းအောင်က အမှတ်တံဆိပ်မှတ်ပုံတင်ခြင်းနှင့်စပ်လျဉ်း၍ လည်းကောင်း ရှင်းလင်းဆွေးနွေးခဲ့ပါသည်။  ထို့နောက် ကုန်အမှတ်တံဆိပ် မူပိုင်ခွင့်ဆိုင်ရာကိုယ်စားလှယ်များနှင့် ဆွေးနွေးပွဲသို့ တက်ရောက်လာကြသူများက သိရှိလိုသည် များကို မေးမြန်းခြင်းများအပေါ် သက်ဆိုင်ရာ ညွှန်ကြားရေးမှူးများက ပြန်လည်ရှင်းလင်း ဖြေကြားခဲ့ပြီး ညွှန်ကြားရေးမှူးချုပ်က နိဂုံးချုပ်အမှာစကား ပြောကြားကာ ဆွေးနွေးပွဲကို ရုပ်သိမ်းခဲ့ကြောင်း သတင်းရရှိသည်။

Latest News: 

WIPOFile User Account ဖွင့်လှစ်ခြင်းနှင့်စပ်လျဉ်း၍ ပေးပို့ရမည့် အီးမေးလ်ပြင်ဆင်ပြောင်းလဲကြောင်း အသိပေးကြေညာချက်

Fri, 02/09/2024 - 06:00 -- ipICTdep
Undefined
Latest News: 

The ASEAN Magazine "ASEAN 2045: Shaping a Green, Connected, and Sustainable Tomorrow"

Mon, 02/05/2024 - 09:15 -- ipICTdep
Myanmar

The ASEAN Magazine "ASEAN 2045: Shaping a Green, Connected, and Sustainable Tomorrow" အား အသေးစိတ်သိရှိလိုပါက အောက်ဖော်ပြပါ လင့် တို့တွင် ဝင်ရောက်ရယူနိုင်ပါသည်-

https://asean.org/serial/the-asean/

https://theaseanmagazine.asean.org/

Latest News: 
Latest New တင္ရန္

Pages

Subscribe to RSS - သတင်းများ