နှစ်စဉ်နိုင်ငံခြားဝင်ငွေ ရှာဖွေပေးလျက်ရှိသည့် မြန်မာ့ပီလောပီနံမှုန့်
ပီလောပီနံက ကမ္ဘာ့ဒေသကြီးအချို့မှာ အရေးပါတဲ့ အစားအစာတစ်မျိုးဖြစ်ပြီး၊ ၎င်းင်းကို စားသောက်ကုန် လုပ်ငန်းတွေမှာ တွင်ကျယ်စွာ အသုံးပြုလျက်ရှိပါတယ်။ ပီလောပီနံအမှုန့်ကို အစားအစာတွေပြုလုပ်ရာမှာ စေးကပ်ပျစ်နှစ်စေတဲ့ အကူပစ္စည်း အဖြစ်လည်းကောင်း၊ ပေါင်မုန့်၊ ကိတ်မုန့်၊ ဘီစကစ်၊ ကွတ်ကီးများပြုလုပ်ရာမှာ နူးညံ့စေဖို့အတွက်လည်းကောင်း၊ ပီလောပီနံ ခရက်ကာ (ဃမခေုနမ) တွေပြုလုပ်ရာမှာ လည်းကောင်း၊ ပီလောပီနံဥကို ပြုတ်ပြီးလည်းကောင်း၊ ပေါင်းပြီး လည်းကောင်း စားသုံးလျက် ရှိကြပါတယ်။ ဒါ့အပြင် ပီလောပီနံမှုန့်ကို ဆေးပြားတွေပြုလုပ်ရာမှာလည်း စေးကပ်ပေါင်းစပ်မှု ရှိစေဖို့နဲ့ သဘာဝဆိုးဆေးတွေ ခဲပျစ်စေဖို့အတွက်လည်း ထည့်သွင်းအသုံးပြုလျက်ရှိပါတယ်။ မြန်မာ့ထုတ်ကုန်တစ်မျိုးဖြစ်တဲ့ ပီလောပီနံအမှုန့်ကို ပင်လယ်ရေကြောင်းမှတစ်ဆင့် စင်ကာပူ၊ မလေးရှား၊ အင်ဒိုနီးရှား၊ တရုတ်၊ ဂျပန်နဲ့ အိန္ဒိယနိုင်ငံတွေကို တင်ပို့လျက်ရှိရာ ၂၀၁၀-၂၀၁၁ဘဏ္ဍာနှစ်မှာ တန်ချိန် ၂၃၀၀ကျော်၊ ၂၀၁၁-၂၀၁၂ ဘဏ္ဍာနှစ်မှာ တန်ချိန် ၁၇၀၀၀ ကျော်နဲ့ ၂၀၁၂-၂၀၁၃ ဘဏ္ဍာနှစ် (ဇွန်လအထိ) တန်ချိန် ၃၀၀၀ကျော် တင်ပို့ပြီးဖြစ်ရာ ယခုဘဏ္ဍာနှစ် (ဇွန်လအထိ)အတွင်း ၂၀၁၀-၂၀၁၁ ဘဏ္ဍာနှစ်ထက် ပိုမိုတင်ပို့ထားနိုင်ပြီးဖြစ်ကြောင်း သိရှိရပါတယ်။ ဒါကြောင့် နိုင်ငံခြားဝင်ငွေရှာဖွေပေးလျက်ရှိတဲ့ စိုက်ပျိုးရလွယ်ကူတဲ့ ပီလောပီနံတွေကို တိုးချဲ့စိုက်ပျိုးနိုင်ကြဖို့နဲ့ ဈေးကွက်သေချာတဲ့ မြန်မာ့ပီလောပီနံမှုန့်အကြောင်း သိရှိနိုင်ပါရန် သတင်းကောင်းပါးလိုက်ရပါတယ်။
စန္ဒာထွန်း