မြဝတီနယ်စပ်နဲ့ ကော့သောင်းနယ်စပ်မှ ကုန်သွယ်မှုပို
မြန်မာ-ထိုင်း နယ်စပ်ရှိ နယ်စပ်စခန်း များဖြစ်သော မြဝတီကုန်သွယ်ရေးဇုန်၊ ကော့သောင်းနယ်စပ် ကုန်သွယ်ရးစခန်းနဲ့ မြိတ်နယ်စပ်ကုန်သွယ်ရေး စခန်းများက ဒီဇင်ဘာလ ၆ ရက်မှ ၁၂ ရက်တာ ကာလအတွင်း ကန်ဒေါ်လာ ၃ ဒသမ ၃၄၃ သန်းတန်ဖိုးရှိ ရေထွက်ကုန် ၃၁၉၇ တန်ကျော် တင်ပို့ နိုင်ခဲ့ပါတယ်။ ယခင်သီတင်းပတ်နဲ့ နှိုင်းယှဉ်ပါက ၁၀၃၇ တန်ကျော် ပိုမိုတင်ပို့နိုင်ခဲ့ပါတယ်။
နယ်စပ် စခန်းများအလိုက် လုပ်ငန်းဆောင်ရွက်မှုများမှာ မြဝတီကုန်သွယ်ရေးဇုန်အနေနဲ့ ကန်ဒေါ်လာ ၁၄၁ ဒသမ ၉၂၅ သန်း တန်ဖိုးရှိ ရေထွက်ကုန်များဖြစ်သော ငါးမျိုးစုံ ၁၁၆ တန်နီးပါး၊ ကဏန်း၂၂တန်ကျော်၊ပုစွန် ၃တန်ကျော်တင် ပို့နိုင်ခဲ့ပြီး ယခင်သီတင်းပတ်နဲ့ နှိုင်းယှဉ်ပါက ၃၂ တန်ကျော် ပိုမို တင်ပို့နိုင်ခဲ့ပါတယ်။
ကော့သောင်း နယ်စပ်ကုန်သွယ်ရေးစခန်းက ကန်ဒေါ်လာ၁ဒသမ၂၉၅ သန်းတန်ဖိုးရှိ ရေထွက်ကုန် များဖြစ်သော ငါးမျိုးစုံ ၁၅၃၂ တန်ကျော်၊ ကင်းမွန်၁၂ တန်ကျော်၊ ပုစွန်၂ တန်ကျော်၊ ကဏန်း၂တန်ကျော်၊ ပင်လယ်ငါးရှဉ့်၂ တန်ကျော် နဲ့ ရေဘဝဲ ၁ တန်နီးပါး တင်ပို့နိုင်ခဲ့ပါတယ်။ ယခင်သီတင်း ပတ်နဲ့ နှိုင်းယှဉ်ပါက ၁၀၇၃ တန်ကျော် ပိုမိုတင်ပို့နိုင်ခဲ့ပါတယ်။
မြိတ် နယ်စပ်ကုန်သွယ်ရေး စခန်းက ကန်ဒေါ်လာ ၁ ဒသမ ၈၃၁ သန်းတန်ဖိုးရှိ ရေထွက်ကုန် များဖြစ် သောငါးမျိုးစုံ ၁၂၁၆ တန်ကျော်၊ ရေငန်ပုစွန် ၁၆ တန်ကျော်၊ ကင်းမွန် ၂ တန်ကျော်၊ ငါးမှုန့် ၁၆၅ တန်ကျော်၊ ပုစွန်ခြောက် ၂ တန်ကျော်၊ ကဏန်းပျော့ ၂၁ တန်ကျော်၊ ကဏန်းနီ ၅၄ တန်၊ ငါးခြောက် ၆ တန်၊ ပုစွန် ၁၇ တန်ကျော်၊ သဲကဏန်းနဲ့ ကင်းမွန်ခြောက် အနည်းငယ်တင်ပို့နိုင်ခဲ့ပြီး ယခင် သီတင်း ပတ်နဲ့ နှိုင်းယှဉ်ပါကတန် ၇၀ နီးပါးလျော့နည်းတင်ပို့ခဲ့ပါတယ်။
ခင်မြနွယ် MIRT (DCCA)