Meeting & Activities
ဗုဒ္ဓဟူးနေ့ ၂၇ ဖေဖော်ဝါရီလ ၂၀၁၃ 16:05 PM
ပြည်ပ နိုင်ငံများနဲ့ ကုန်သွယ်မှု ပြုလုပ် နေတဲ့ တိုင်းရင်းသား လုပ်ငန်းရှင် ကုန်သည်များ၊ ပို့ကုန် သွင်းကုန် လုပ်ငန်းများ ဆောင်ရွက်ရာမှာ အဆင်ပြေ ချောမွေ့စေရေး အတွက် ပို့ကုန် သွင်းကုန် လုပ်ထုံး လုပ်နည်း ရက်တို သင်တန်း များအား ပြည်နယ် တိုင်း ဒေသကြီးများ အလိုက ်ဖွင့်လှစ် ပို့ချ ပေးလျက် ရှိပါတယ်။
ပို့ကုန် သွင်းကုန် လုပ်ထုံး လုပ်နည်း ရက်တို သင်တန်းကို ရှမ်းပြည်နယ် အရှေ့ပိုင်း ကိုျင်းတုံမှာ ဖေဖော်ဝါရီလ ၂ဝ ရက်မှ မတ်လ ၁ ရက် နေ့ထိ ဖွင့်လှစ် သွားမယ်လို့ သိရ ပါတယ်။ သင်တန်းမှာ ကုန်သွယ်ရေး ညွှန်ကြားမှု ဦးစီး ဌာန၊ နယ်စပ် ကုန်သွယ်ရေး ဦးစီး ဌာန၊ မြန်မာ့ လယ်ယာ ထွက်ကုန် ပစ္စည်း ရောင်းဝယ်ရေး၊ အကောက်ခွန် ဦးစီး ဌာန၊ ပြည်တွင်း အခွန်များ ဦးစီး ဌာန၊ ရင်းနှီး မြှုပ်နံှမှုနဲ့ ကုမ္ပဏီများ ညွှန်ကြားမှု ဦးစီး ဌာန၊ အစား အသောက်နှင့် ဆေးဝါး ကွပ်ကဲရေး ဦးစီး ဌာန၊ စိုက်ပျိုးရေး ဦးစီး ဌာန၊ သစ်တော ရေးရာ ဦးစီး ဌာန၊ မြန်မာ့ စီးပွားရေး ဘဏ်၊ မြန်မာ နိုင်ငံခြား ကုန်သွယ်မ ဘဏ် တို့မှ ဘာသာ ရပ်ဆိုင်ရာ ကျွမ်းကျင် သူများက ပို့ချပေး သွားမှာ ဖြစ်ပါတယ်။
သင်တန်းမှာ ကုန်သွယ်မှု မူဝါဒနဲ့ လုပ်ထုံး လုပ်နည်းများ၊ ပို့ကုန် သွင်းကုန် ဆိုင်ရာ မူဝါဒနှင့် လုပ်ထုံး လုပ်နည်းများ၊ လိုင်စင် လျှောက်ထားပုံ အဆင့်ဆင့်၊ ပို့ကုန် လိုင်စင် လျှောက်ထား ရာမှာ Sale Contract/ Invoice တို့မှာ ပါဝင်ရမဲ့ အချက်များ၊ လိုင်စင် ထုတ်ပေးပုံ အဆင့်ဆင့်၊ သင်တန်းသားများနဲ့ အပြန် အလှန် ဆွေးနွေးခြင်း၊ သစ်တောထွက် ပစ္စည်းများ ကာကွယ် ထိန်းသိမ်း ခြင်းနဲ့ အရေးယူခြင်း၊ CITES ပါမစ် ထုတ်ပေးခြင်း ၊ Transit Trade Incoterms ပင်ရင်း ဒေသ စည်းမျဉ်းနဲ့ ပင်ရင်း ဒေသ သက်သေခံ လက်မှတ် ထုတ်ပေးခြင်း၊ ထုတ်ကုန် သွင်းကုန် မှတ်ပုံတင်ခြင်းနှင့် သက်တမ်း တိုးခြင်း၊ စားသုံးသူ အကာ အကွယ် ပေးရေး၊ အကောက်ခွန် ဆိုင်ရာ လုပ်ထုံး လုပ်နည်း များနဲ့ အကောက်ခွန် ဥပဒေများ၊ Single Window System နဲ့ ဆိပ်ကမ်းများမှ တင်ပို့ တင်သွင်းမှု စနစ်များ၊ ကုမ္ပဏီ မှတ်ပုံ တင်ခြင်းနဲ့ သက်တမ်း တိုးခြင်း၊ အခွန် ကောက်ခံမှု ဆိုင်ရာ မူဝါဒနဲ့ လုပ်ထုံး လုပ်နည်းများ၊ IMFCCI ဖွဲ့စည်းပုံ နှင့် နိုင်ငံ တကာ ဆက်သွယ် ဆောင်ရွက် မှုများ၊ သစ်သီး ဝလံ အသင်း ဆောင်ရွက်မှုနှင့် ဘုရင့်နောင် ကုန်စည်ဒိုင်ရဲ့ လုပ်ငန်း ဆောင်ရွက်မှုများ၊ အထူးပြု ကုမ္ပဏီများနဲ့ ကုန်စည်ဒိုင် များအကြောင်း၊ FDA ထောက်ခံချက် အရ စားသောက်ကုန်နဲ့ ဆေးဝါးများ စစ်ဆေးခြင်း ဆိုင်ရာ လုပ်ထုံး လုပ်နည်းများ၊ ဘဏ် လုပ်ငန်း အကြောင်းနဲ့ LC/TT စနစ် အကြောင်း သိကောင်း စရာများ၊ အပင် ပိုးမွှားနဲ့ ပတ်သက်ပြီး ပြဌာန်း ထားတဲ့ ဥပဒေများ နဲ့ ဓာတ်မြေ သြဇာ စစ်ဆေးမှု လုပ်ငန်းများနဲ့ စပ်လျဉ်းပြီး စနေ့ တနင်္ဂနွေ အပါ သင်တန်း ကာလ (၁ဝ) ရက်တာ အတွင်းမှာ ပို့ချ ပေးသွား မှာ ဖြစ်ပါတယ်။
သင်တန်း ဖွင့်ပွဲ အခမ်း အနားကို ကိုျင်းတုံ မြို့နယ် ခယက ဥက္ကဌရုံး မှာ ၂ဝ-၂-၂ဝ၁၃ နေ့ နံနက်ပိုင်း မှာ ကျင်းပခဲ့ပြီး သင်တန်းသား (၄ဝ) ဦး တက်ရောက် ခဲ့ကြပါတယ်။ ထုတ်ကုန် သွင်းကုန် ကုမ္ပဏီများမှ (၉) ဦး၊ ဆန်ကုန် သည်အသင်းမှ (၆) ဦးနဲ့ လုပ်ငန်းရှင် (၂၅) ဦးဖြစ်ပါတယ်။ သင်တန်းကို ကိုျင်းတုံမြို့ အမှတ် (၃) ရပ်ကွက် ဟိုခုံမြို့ပရိယတ္တိ စာသင်တိုက်မှာ ဖွင့်လှစ် ပို့ချတယ်လို့ သတင်း ရရှိ ပါတယ်။
MIRT(DOBT)
တနင်္လာနေ့ ၁၈ ဖေဖော်ဝါရီလ ၂၀၁၃ 15:47 PM
ယခုလ ဖေဖော်ဝါရီလ ၆ ရက်နေ့တွင် ချင်းရွှေဟော် နယ်စပ် ကုန်သွယ်ရေး စခန်းမှ လက်ထောက် ညွှန်ကြားရေးမှူး ဦးမင်းဇော်သည် ကွမ်းလုံ ခရိုင်၊ ကွမ်းလုံမြို့ အထွေထွေ အုပ်ချုပ်ရေး ဦးစီးဌာန၊ သင်တန်း ခန်းမတွင် ပြုလုပ်သော ကွမ်းလုံ ခရိုင် အတွင်းရှိ ''ရပ်ကွက်/ ကျေးရွာ အုပ်စု အုပ်ချုပ်ရေးမှူး၏ လုပ်ငန်း စွမ်းဆောင်ရည် မြင့်မားရေး သင်တန်း အမှတ်စဉ် (၁/ ၂ဝ၁၃)'' တွင် ချင်းရွှေဟော် နယ်စပ် ကုန်သွယ်ရေး စခန်းမှ စခန်း ထုတ်နှုတ် အင်အားဖြင့် Mobile Team အဖွဲ့ စစ်ဆေး လုပ်ငန်း ဆောင်ရွက်မှုများ၊ တရား မဝင် အကောက်ခွန်မဲ့ ပစ္စည်းများ တင်သွင်း၊ တင်ပို့မှု တားဆီးရေးနှင့် စပ်လျဉ်း၍ ရှင်းလင်း ဆွေးနွေး ပြောကြား ခဲ့ကြောင်း သိရ ပါသည်။
အဆိုပါ သင်တန်းသို့ ရပ်ကွက်/ ကျေးရွာ အုပ်စု အုပ်ချုပ်ရေးမှူး (၆၅) ဦး တက်ရောက် ခဲ့ကြောင်းနှင့် Mobile Team အဖွဲ့ဖြင့် စားသုံးသူ အကာအကွယ် ပေးရေးနှင့် တရားမဝင် ကုန်သွယ်မှု လျော့နည်းရေး အတွက် ဆောင်ရွက် နေမှုများ၊ ချင်းရွှေဟော် နယ်စပ် ကုန်သွယ်ရေး စခန်း၏ လစဉ်၊ နှစ်စဉ် ကုန်သွယ်မှု တိုးတက် လာသည့် အခြေ အနေများ၊ အခွန် အရပ်ရပ် တိုးတက် ကောက်ခံနိုင်မှု အခြေ အနေများ၊ ပို့ကုန်/ သွင်းကုန် ဥပဒေ အကြောင်း သိကောင်း စရာများနှင့် ချင်းရွှေဟော် နယ်စပ် ကုန်သွယ်ရေး စခန်းမှ ဒေသခံ ပြည်သူများ၊ ကုန်သည် လုပ်ငန်းရှင်တို့ အနေဖြင့် ပို့ကုန်/ သွင်းကုန် လုပ်ငန်းများကို လျင်မြန် လွယ်ကူစွာ ဆောင်ရွက်နိုင်သည့် အခြေ အနေများကို သိရှိ နိုင်ရန် ရင်းနှီး ပွင့်လင်းစွာ ဆွေးနွေး ပြောကြား ခဲ့ကြောင်း သတင်း ရရှိပါသည်။
အိုပါး (ချင်းရွှေဟော်)
တနင်္လာနေ့ ၄ ဖေဖော်ဝါရီလ ၂၀၁၃ 13:48 PM
အသင်းအဖွဲ့ မှတ်ပုံတင် စည်းမျဉ်း ဥပဒေနဲ့ အညီ တရားဝင် မှတ်ပုံတင် အသင်း အဖြစ် ဆောင်ရွက်နိုင်ရေး ဆောင်ရွက်ဆဲ ဖြစ်တဲ့ ကန်ပိုက်တီး နယ်စပ် ကုန်သွယ်ရေး ကုန်သည်ကြီးများ အသင်းမှ တာဝန်ရှိသူများ တွေ့ဆုံ ဆွေးနွေးပွဲကို ကန်ပိုက်တီး နယ်စပ် ကုန်သွယ်ရေး စခန်း အစည်း အဝေးခန်းမမှာ ၃၁-၁-၂ဝ၁၃ နေ့ ဝ၁းဝဝ ချိန်မှာ ကျင်းပခဲ့ တယ်လို့ သတင်း ရရှိပါတယ်။ အဲဒီ အစည်းအဝေးမှာ အသင်းကြီး အမြန်ဆုံး တရားဝင် ဖွဲ့စည်း ဆောင်ရွက်မှု လုပ်ငန်းများ ပြီးစီးရေး၊ အသင်းကြီးရဲ့ ယာယီ အလုပ် အမှုဆောင် ကော်မတီဝင်များ ပြန်လည် ရွေးချယ်ရေး၊ မိမိနိုင်ငံနဲ့ တစ်ဖက် နိုင်ငံတို့ ကုန်သွယ်မှု ပြုရာမှာ တွေ့ကြုံနေရတဲ့ အခက်အခဲများကို ဒေသ ဆိုင်ရာ အာဏာပိုင် အဖွဲ့ အစည်းများ၊ ဌာနဆိုင်ရာ များနဲ့ အမြန်ဆုံး တွေ့ဆုံ ညှိနှိုင်းပြီး ကုန်သွယ်မှု ပမာဏ တိုးတက်ရေးနဲ့ ကုန်သွယ်မှု လျင်မြန် ချောမွေ့စေရေး တို့အတွက် ဆောင်ရွက်ရန် ရှိသည်များ ဆောင်ရွက်ကြရန် အသင်း တာဝန်ရှိ သူများမှ ညှိနှိုင်း ဆွေးနွေး ခဲ့ကြတယ်လို့ သတင်းရရှိပါတယ်။
နကသ (ကပတ)
အင်္ဂါနေ့ ၂၉ ဇန်နဝါရီလ ၂၀၁၃ 16:24 AM
ထိုင်းနိုင်ငံ Thailand Board of Investment (BOI)မှ စီးပွားရေး ကိုယ်စားလှယ် အဖွဲ့ဟာ မြန်မာ နိုင်ငံတွင် ကုန်သွယ်ရေးနဲ့ ရင်းနှီး မြှုပ်နံှမှုများ တိုးမြှင့် ဆောင်ရွက်ရန် အတွက် ဖေဖော်ဝါရီလ ၃ ရက်မှ ၆ ရက် အတွင်း ရန်ကုန်မြို့သို့ လာရောက် ကြမယ်လို့ သိရှိရပါတယ်။ ၎င်းတို့ ရန်ကုန်မှာ ရောက်ရှိ နေစဉ် ကာလ အတွင်း ဖေဖော်ဝါရီလ ၅ ရက်နေ့ ၁၄းဝဝ ချိန်တွင် ရန်ကုန် တိုင်းဒေသကြီး ဗဟန်းမြို့နယ်၊ နတ်မောက်လမ်းရှိ Chatrium Hotel မှာ မြန်မာ စီးပွားရေး လုပ်ငန်းရှင်များနဲ့ တွေ့ဆုံပွဲ ကျင်းပရန် ရှိတယ်လို့ သတင်း ရရှိပါတယ်။
Thailand Board of Investment (BOI)ရဲ့ ထိုင်း စီးပွားရေး ကိုယ်စားလှယ် အဖွဲ့မှာ လယ်ယာ စိုက်ပျိုးရေး ထွက်ကုန် လုပ်ငန်း၊ တိရိစ္ဆာန် အစားအစာ လုပ်ငန်း၊ မော်တော် ကားနှင့် အပိုပစ္စည်း လုပ်ငန်း၊ ဓာတုဗေဒ လုပ်ငန်း၊ အလှကုန် လုပ်ငန်း၊ လျှပ်စစ် ပစ္စည်းအမျိုးမျိုး ထုတ်လုပ်တဲ့ လုပ်ငန်း၊ စားသောက်ကုန် ထုတ်လုပ်ငန်း၊ စွမ်းအင်နှင့် သဘာဝ ဓါတ်ငွေ့ လုပ်ငန်း၊ ပြန်လည် ပြည့်ဖြိုးမြဲ စွမ်းအင် လုပ်ငန်း၊ စက်မှု စွန့်ပစ် ပစ္စည်း သန့်စင်ရေး လုပ်ငန်း၊ ဓာတ်ခွဲခန်းနှင့် သက်ဆိုင်သည့် ဝန်ဆောင်မှု လုပ်ငန်းများ၊ စက်ပစ္စည်း ထုတ်လုပ်သည့် လုပ်ငန်း၊ ထုတ်ပိုးမှု လုပ်ငန်း၊ စက္ကူ ထုတ်လုပ်သည့် လုပ်ငန်း၊ ပိုက်နှင့် ပိုက်ဆက် လုပ်ငန်း၊ ပလပ်စတစ် လုပ်ငန်း၊ အိမ်ခြံမြေ အကျိုးဆောင် လုပ်ငန်း၊ ရော်ဘာ လုပ်ငန်း၊ ပိုးချည်မျှင် ထုတ်လုပ်သည့် လုပ်ငန်း၊ အထည်ချုပ် လုပ်ငန်း၊ ဆေးဝါးနှင့် ဆေးရုံသုံး ပစ္စည်း လုပ်ငန်း အစရှိတဲ့ လုပ်ငန်း အမျိုးမျိုးကို လုပ်ဆောင်ကြသူများ ပါဝင် ကြပါတယ်။ မြန်မာ စီးပွားရေး လုပ်ငန်းရှင်များနဲ့ အကျိုးတူ ပူးပေါင်း ဆောင်ရွက်ရန် ရင်းနှီး မြှုပ်နံှမှု အခွင့်အလမ်း များကို တွေ့ဆုံ ဆွေးနွေးရန် ရည်ရွယ်ပြီး စီးပွားရေး လုပ်ငန်းရှင်များနဲ့ တွေ့ဆုံ ဆွေးနွေးပွဲ Business Matching ကို ကျင်းပတာ ဖြစ်ပါတယ်။
ထိုင်း ကိုယ်စားလှယ် အဖွဲ့ကို ထိုင်းနိုင်ငံ ရင်းနှီးမြှုပ်နံှမှု ဘုတ်အဖွဲ့ (BOI)မှ ဒုတိယ အထွေထွေ အတွင်းရေးမှူး Mrs.Vasana Mut Jtanont က ဦးဆောင်ပြီး BOI မှ ရင်းနှီးမြှုပ်နံှမှု တိုးမြှင့်ရေး အရာရှိ ၄ ဦးနဲ့ စီးပွားရေး လုပ်ငန်းရှင် ၅၆ ဦး အဖွဲ့တွင် လိုက်ပါ လာတယ်လို့ သိရှိ ရပါတယ်။
စိတ်ပါဝင်စား သူများ အနေနဲ့ ပြည်ထောင်စု သမ္မတ မြန်မာနိုင်ငံ ကုန်သည်များနှင့် စက်မှု လက်မှုလုပ်ငန်း ရှင်များ အသင်းချုပ်သို့ ဆက်သွယ် နိုင်သလို ၅-၂-၂ဝ၁၃ နေ့မွန်းလွဲ ၁၄းဝဝ ချိန်မှာ Chatrium Hotel မှာကျင်းပမဲ့ Business Matching သို့ တက်ရောက်နိုင်ရေး အသိပေး လိုက်ရပါတယ်။
တင်ပြသူ --- CMK
ဗုဒ္ဓဟူးနေ့ ၃၀ ဇန်နဝါရီလ ၂၀၁၃ 12:32 PM
နယ်စပ် ကုန်သွယ်ရေး ဦးစီး ဌာန၊ ညွှန်ကြားရေးမှူးရုံး တမူးရှိ အစည်း အဝေး ခန်းမတွင် ၂ဝ၁၃ ခုနှစ်၊ ဇန်နဝါရီလ အတွက် ကုန်သွယ်မှု မြှင့်တင်ရေး ဆွေးနွေးပွဲအား ၂၄-၁-၂ဝ၁၃ ရက်နေ့ နံနက် ၁ဝးဝဝ နာရီမှ ၁၁း၄၅ နာရီထိ ကျင်းပ ပြုလုပ်ခဲ့ရာ ဌာန ဆိုင်ရာ ၁၃ ဦး၊ လုပ်ငန်းရှင် ၅ဝ ဦး၊ စုစုပေါင်း ၆၃ ဦး တက်ရောက် ခဲ့ပါသည်။
ဆွေးနွေးပွဲတွင် တမူး နယ်စပ် ကုန်သွယ်ရေး ညွှန်ကြားရေးမှူး ဦးဝင်းတင့်မှ ကုန်သည် လုပ်ငန်းရှင်များ ပို့ကုန်၊ သွင်းကုန် လုပ်ငန်းများ လုပ်ကိုင်ရာတွင် လုပ်ငန်းများ လျင်မြန် ချောမွေ့ စေရန် အတွက် လိုင်စင်များကို လျင်မြန်အောင် ဆောင်ရွက် ပေးခြင်း၊ လိုင်စင် လာလျှောက် သည်နှင့် ချက်ချင်း ခွင့်ပြု ပေးနိုင်သည့် Automatic License? ရုံးချုပ် တင်ပြပြီး ခွင့်ပြု ပေးသည့် Non-Automatic License နစ်များ ဆောင်ရွက် ပေးလျက် ရှိကြောင်း၊ ကုန်သည်များ ထိုက်သင့်သော အကျိုး အမြတ် ရရှိပြီး လုပ်သာ ကိုင်သာ ရှိစေရန် အတွက်လည်း ပို့ကုန် အခွန်များကို လျော့ထား ပေးပြီး ဖြစ်ကြောင်း၊ သွင်းကုန် ပစ္စည်းများနှင့် ပတ်သက်၍ အခွန်များ ကိုလည်း ပြင်ဆင် လျော့ထား ပေးပြီး ဖြစ်ကြောင်း၊ ယခု တစ်ဖန် တစ်နိုင် တစ်ဆွဲဖြင့် တရားမဝင် ဆောင်ရွက် နေသူများကိုလည်း တရားဝင် ဆောင်ရွက်နိုင်ရန် တစ်ဦး တည်းပိုင် ထုတ်ကုန်/ သွင်းကုန် ကဒ် ITC ကတ်များကို ဆောင်ရွက်ပေး လျက်ရှိကြောင်း ရှင်းလင်း ပြောကြား ပါသည်။ ကုန်သည် လုပ်ငန်းရှင်များ အနေဖြင့် မိမိအကျိုး၊ နိုင်ငံ့ အကျိုးကို ရှေ့ရှုပြီး တရားဝင် လမ်းကြောင်း ပေါ်မှ ဆောင်ရွက်ရန် လိုအပ်ကြောင်း၊ ကုန်သွယ်မှု တိုးတက်ရေး အတွက် ကုန်သည် လုပ်ငန်းရှင်များ ဝန်ဆောင်မှု ပေးသည့် ဌာန ဆိုင်ရာများ၊ ကုန်သည် အသင်းတို့ မှလည်း ဟန်ချက်ညီ ဆောင်ရွက်လျှင် တိုးတက် လာမှာ ဖြစ်ကြောင်း၊ စားသုံးသူ အကာ အကွယ်ပေးရေး၊ ကုန်သွယ်မှု မြှင့်တင်ရေးနှင့် တရားမဝင် ကုန်သွယ်မှုများ လျော့နည်း ပပျောက်ရေး အတွက် Mobile Team ဖြင့်လည်း ၂၁-၁ -၂ဝ၁၃ ရက်နေ့မှ စ၍ စစ်ဆေးခြင်း၊ တရားမဝင် သယ်ဆောင်မှုများ၊ ကန့်သတ် ပစ္စည်းများကို သိမ်းဆည်း အရေးယူ ဆောင်ရွက်ခြင်း များ ကိုလည်း ဆောင်ရွက်နေပြီ ဖြစ်ကြောင်း ဆွေးနွေး ခဲ့သည်ဟု သတင်း ရရှိပါသည်။
တမူး နယ်စပ် ကုန်သည် အသင်း၊ ဒုတိယ ဥက္ကဌ ဦးဝင်းတင်မှလည်း တစ်ဦးတည်းပိုင် ထုတ်ကုန် သွင်းကုန် ကဒ် ITC လုပ်ဆောင်သူများ၊ လက်လုပ် လက်စား ရုံးလုပ်ငန်း မကျွမ်းကျင်သူ အများစု ဖြစ်ခြင်း H.S Code များ ရေးသွင်းမှု နှင့် ပတ်သက်၍လည်း နားလည် တတ်ကျွမ်းမှု မရှိခြင်းများကြောင့် သက်ဆိုင်ရာ ဌာနများမှ စိတ်ရှည်ရှည် ထား၍ ဝိုင်းဝန်း ကူညီ ပေးပါရန် တင်ပြ ဆွေးနွေး ခဲ့သည်ဟု သိရှိ ရပါသည်။
စမ်းစမ်းအေး (တမူး)