မြန်မာနိုင်ငံ ရခိုင်ပြည်နယ် ၊ စစ်တွေမြို့တွင်တည်ရှိသော ကုလားတန်ဘက်စုံသယ်ယူပို့ ဆောင်ရေး စီမံကိန်းတွင်ပါဝင်သည့် စစ်တွေဆိပ်ကမ်းအား ၂၀၂၃ခုနှစ်၊ မေလ (၉)ရက်နေ့ နံနက် (၁၀) နာရီအချိန်တွင် ပြည်ထောင်စုသမ္မတမြန်မာနိုင်ငံတော်အစိုးရ ဒုတိယဝန်ကြီးချုပ်နှင့် ပို့ဆောင်ရေးနှင့်ဆက်သွယ်ရေးဝန်ကြီးဌာန ပြည်ထောင်စုဝန်ကြီး ဗိုလ်ချုပ်ကြီး တင်အောင်စန်း နှင့်အိန္ဒိယသမ္မတနိုင်ငံ ဆိပ်ကမ်းများ၊ ကုန်စည်သယ်ယူပို့ဆောင်ရေးနှင့် ရေကြောင်းပို့ဆောင်ရေး ဝန်ကြီး ဌာနဝန်ကြီး H.E. Shri SarbanandaSonowalတို့သည် အတူတကွပူးတွဲဖွင့်လှစ်ခဲ့ကြ သည်။ အဆိုပါအခမ်းအနားသို့ ရခိုင်ပြည်နယ်ဝန်ကြီးချုပ် ၊ ရခိုင်ပြည်နယ်အစိုးရအဖွဲ့ဝင်များနှင့် ရန်ကုန်မြို့ရှိ အိန္ဒိယနိုင်ငံဆိုင်ရာသံအမတ်ကြီးနှင့်အဖွဲ့၊ အိန္ဒိယနိုင်ငံမှ လိုက်ပါလာသော စက်မှုကုန်သည်လုပ်ငန်းရှင်များလည်း တက်ရောက်ခဲ့ကြသည်။

   ဆက်လက်၍ နေ့လယ် (၁၂: ၃၀) အချိန်၌ နှစ်နိုင်ငံဝန်ကြီးများဦးဆောင်၍ ကုန်သည်ကြီးများနှင့် စက်မှုလုပ်ငန်းရှင်များ တွေ့ဆုံပွဲအခမ်းအနားကိုရခိုင်ပြည်နယ် စစ်တွေဟိုတယ်၌ ကျင်းပ ပြုလုပ်ခဲ့ပါသည် ။ အဆိုပါတွေ့ဆုံပွဲသို့ ရခိုင်ပြည်နယ်အစိုးရအဖွဲ့ ပြည်နယ်ဝန်ကြီးချုပ်နှင့်တကွ အစိုးရအဖွဲ့ဝင်များ ၊ ပြည်ထောင်စုဝန်ကြီးဌာနအသီးသီးမှ တာဝန်ရှိသူများ ၊မြန်မာနိုင်ငံရှိ အိန္ဒိယသံရုံးမှ သံအမတ်ကြီးနှင့်တကွ ကောင်စစ်ဝန်များ ၊ အိန္ဒိယနိုင်ငံမှ စီးပွားရေးလုပ်ငန်းရှင် များနှင့် ရခိုင်ပြည်နယ် မှ စီးပွားရေးလုပ်ငန်းရှင် များတက်ရောက်ခဲ့ကြသည်။

   အဆိုပါတွေ့ဆုံပွဲအခမ်းအနား၌ နှစ်နိုင်ငံအကြား ကုန်သွယ်မှုအတွက် ငွေကြေးပေးချေမှုများနှင့် နိုင်ငံခြားငွေသုံးစွဲမှု အဆင်ပြေစေရေး ၊ စစ်တွေဆိပ်ကမ်းကို အခြေပြုတင်ပို့သော မြန်မာ့ ပို့ကုန်များအတွက် အခွန်အကောက် လျှော့ပေါ့သက်သာခွင့်ရရှိရေးနှင့် စစ်တွေ-ကလကတ္တား ပုံမှန်ပြေးဆွဲပေးနိုင်မည့် သင်္ဘောလိုင်း သတ်မှတ်ထားရှိပေးရေးကိစ္စတို့ကို ရခိုင် ကုန်သည် /စက်မှု အသင်းRSCCIမှ တင်ပြဆွေးနွေးခဲ့ပြီး ၊ ရခိုင်ပြည်နယ် ကမ်းရိုးတမ်းသင်္ဘောပိုင်ရှင်များ အသင်းမှ လည်း စစ်တွေ ဆိပ်ကမ်းသစ်၌ ဆိပ်ကမ်းအသုံးပြုခများကို မြန်မာကျပ်ငွေစနစ်ဖြင့် ဆောင်ရွက်ခွင့်ရရှိရေး ၊ ပြည်တွင်းရေကြောင်းသယ်ယူပို့ဆောင်ရေး လုပ်ငန်းများ (စစ်တွေ- ပလက်ဝမြစ်ကြောင်းသယ်ယူပို့ဆောင်ရေးနှင့် စစ်တွေ-ရန်ကုန် ကမ်းရိုးတမ်းသွား ပို့ဆောင်ရေး )တွင် ပါဝင်ခွင့်ရရှိရေးနှင့် ဒေသခံ လုပ်ငန်းရှင်များ၏ သင်္ဘောများပါဝင်ပြေးဆွဲခွင့် ဖော်ဆောင် ရေးတို့အတွက် တင်ပြဆွေးနွေးခဲ့ကြသည်။ ရခိုင်ဒေသ MSME ထုတ်ကုန်များ တိုးမြှင့်ထုတ် လုပ်နိုင်ရေးအတွက်  အိန္ဒိယနိုင်ငံ လုပ်ငန်းရှင်များ နှင့် ရခိုင်ဒေသတွင်းလုပ်ငန်းရှင်များ ဖက်စပ် ရင်းနှီးမြှုပ်နှံမှု လုပ်ငန်းများဆောင်ရွက်ရန် ကိစ္စရပ်တို့ကို ဆွေးနွေးခဲ့ကြသည် ။

          ချင်းရွှေဟော်ကုန်သွယ်ရေးစခန်း၏ ၂၀၂၃ ခုနှစ်၊ ဧပြီလအတွက် ကုန်သွယ်မှုလျာထားချက်မှာ ပို့ကုန် (၁၄.၀၀၀) ဒေါ်လာသန်း၊ သွင်းကုန် (၁၁.၀၀၀) ဒေါ်လာသန်း၊ ကုန်သွယ်မှုပမာဏ (၂၅.၀၀၀) ဒေါ်လာသန်းဖြစ်ပြီး ပို့ကုန် (၁၀.၅၇၀) ဒေါ်လာသန်း၊ သွင်းကုန်(၃၈.၁၈၅) ဒေါ်လာသန်း၊ ကုန်သွယ်မှုပမာဏ (၄၈.၇၅၅) ဒေါ်လာသန်း ကုန်သွယ်မှုဆောင်ရွက်နိုင်ခဲ့သဖြင့် ကုန်သွယ်မှုလျာထားချက်အပေါ် (၁၉၅.၀၂၀%) ဆောင်ရွက်နိုင်ခဲ့သည်။

          ယခင်ဘဏ္ဍာနှစ်ကာလတူနှင့် နှိုင်းယှဉ်ပါက ပို့ကုန်ပိုင်းတွင် (၅.၉၉၅) ဒေါ်လာသန်းပိုမိုခဲ့ပြီး သွင်းကုန်ပိုင်းတွင်(၃၁.၇၇၃) ဒေါ်လာသန်း ပိုမိုခဲ့သောကြောင့် ကုန်သွယ်မှုပမာဏအနေဖြင့် (၃၇.၇၆၈) ဒေါ်လာသန်း ပိုမိုဆောင်ရွက်နိုင်ခဲ့သည်။

          ကာလတူနှင့်နှိုင်းယှဉ်ပါကဆန်ကွဲ၊ ပြောင်း၊ ပဲလွန်းဖြူ၊ ပဲတီစိမ်း၊ မြေထောက်ပဲ၊ မြေပဲဆံ၊ ထောပတ်ပဲ၊ နိုင်လွန်ပဲ၊ နှမ်းနက်၊ လက်ဖက်ခြောက်၊ နှံစားပြောင်း၊ ဇီးဖြူသီးခြောက်၊ ဂျင်း(စို)၊ ရာဘာကြမ်း၊ ငရုတ်သီး(အစို)၊ ဝဥ (ခြောက်)၊ ဝါ၊ ကြက်သွန်နီ၊ ရှမ်းနှမ်းစေ့၊ ကြက်ဆူဆီ၊ သတ္တုနှင့်သတ္တုရိုင်း၊ ETHYL ALCOHOL 96% 1 DRUM၊ MYANMAR BEER BOTTLEတို့ တင်ပို့မှုပိုမိုခဲ့သဖြင့် ပို့ကုန်တင်ပို့မှုပိုမိုရခြင်းဖြစ်သည်။

          ကာလတူနှင့်သွင်းကုန်တင်သွင်းမှုနှိုင်းယှဉ်သုံးသပ်ရာ၌ သွင်းကုန်ပိုင်းတွင်ပိုမိုခဲ့ခြင်းမှာရင်းနှီးမြှုပ်နှံမှုအုပ်စု၊ လုပ်ငန်းသုံးအုပ်စုနှင့် လူသုံးအုပ်စုတို့ ပိုမိုခဲ့ခြင်းကြောင့် တင်သွင်းမှုပိုခဲ့ခြင်းဖြစ်သည်။

          တစ်ဖက်နိုင်ငံ ချင်းရွှေဟော်တွင် ကိုဗစ်-၁၉ ရောဂါပိုးရှိသူ တွေ့ရှိသဖြင့် နှစ်နိုင်ငံနယ်စပ်ဂိတ် ချင်းရွှေဟော်(နမ့်ဖာဟော်) ဂိတ်တံတားကို(၂၄-၂-၂၀၂၂) ရက်နေ့မှစ၍ တရုတ်နိုင်ငံဘက်မှ ပိတ်ထားခဲ့ရာမှ ၂၂-၃-၂၀၂၂ ရက်နေ့တွင် ပြန်လည်ဖွင့်လှစ်ဆောင်ရွက်နိုင်ခဲ့ပြီး ၂၀၂၂ -၂၀၂၃ ဘဏ္ဍာနှစ် ဧပြီလမှစ၍  ကုန်သွယ်မှုလုပ်ငန်းများ ပြန်လည်ဆောင်ရွက်လာနိုင်ခဲ့သည်။ဒုတိယ(၆)လပတ်ကာလ အောက်တိုဘာလမှ စ၍ ပို့ကုန်သွင်းကုန်လုပ်ငန်းများ  ပိုမိုဆောင်ရွက်နိုင်ခဲ့သဖြင့် နှစ်နိုင်ငံနယ်စပ်ကုန်သွယ်မှုလုပ်ငန်းများ ပြန်လည်တိုးတက်လာခဲ့ကြောင်း သိရသည်။

                                                                                                  ချင်းရွှေဟော်ကုန်သွယ်ရေးစခန်း